إيهاب : نسيتي خناقتهم يوم دخلت تينا الكروب !! انا ليش عم احكي الموضوع مرتبط بِ تينا لانو يوم الي حكت ماوية دخلو تينا عَ الكروب هديك كانت جانة منها خلقة واجت قصة دخول تينا خلتها تنبحت
وطن : صحيح وانتي بتعرفي خلود وماوية ما اجتمعوا بقعدة الا صارت مشكلة بينهم ويوم الكروب شرشحوا بعض

بدأ الشّك يتسلل لقلبها وهي شايفة عيون الكل متوجهة ناحها ، حطت فنجان القهوة من ايدها وبدأت تمشي بتوتر وهي بتتصنع الضحكة حكت
رانيا : ههه لا انتو جنيتوا اكيد مستحيل خلود تأذيها هيك أذية لمجرد مشكلة بينهم مستحيل !!
ماوي بعصبية : لكن مين !!! مافي غيرها مستحيل يطلع هيك شي اصلا من حدا غيرها
رانيا : عم قلك لا لاااا ماوية فهمي هي صحيح ماحبتك بس ماممكن تعمل هيك شي
ماوي : ويوم دخلتيا ع الكروب قلتي عنها منيخة وطيوبة ومافي منها ومن هالكلام تبعك بس شفتي كيف شرشحتني اخر شي
رانيا : هاد لانو انتي كمان ماقصرتي فيها وماكنتي تحبيا اما موضوع انها تأذيكي مستحيل مستحيل
ماوي بصريخ : لك جاااااااج بكفي بكفي تنقبري تدافعي عنها والله العظيم يا رانيا اذا بتكون خلود ورى الموضوع هاد رغم اني متأكدة ليصير شي مايعجبك بنووب
رانيا : لا تجني وتقعدي تعيطي عم قلك مو هي يعني مو هي
وطن: اهدوا شوي معلش !!
ماوي : لا ماني هديانة وهلأ بدي اعرف
وطن : رانيا معك رقم خلود !
رانيا : اي رقمها السوري شغال لسا
ماوية : اتصلي عليها بسرعة
رانيا : هلأ !! اهدي اول شي بعدين منتصرّف
ماوية بصريخ : عم قلك اتصليييي
رانيا : تمام تمام
اخدت تلفونها من عَ الطاولة وفتحت ع الواتس بسرعة كبست عَ زر الاتصال ، بقي يرّن حتى انتهت مدّة المكالمة وماكانت ترّد عادوا المحاولة مرتين ونفس النتيجة ..
يتبع

حسنائي الغامضة
الجزء التاسع

ماوية : اتصلي عليها بسرعة
رانيا : هلأ !! اهدي اول شي بعدين منتصرّف
ماوية بصريخ : عم قلك اتصليييي
رانيا : تمام تمام
اخدت تلفونها من عَ الطاولة وفتحت ع الواتس بسرعة كبست عَ زر الاتصال ، بقي يرّن حتى انتهت مدّة المكالمة وماكانت ترّد عادوا المحاولة مرتين ونفس النتيجة ..
حكت ماوي بعصبية : ليش ماعم ترد هي
وطن : أهدي ماوية اهدي رح ترد غضب عنها
الرجفة اجتاحت أطرافها ،قهر العالم كلو تجمع جواتها ، كان بدها تفرغ غضبها بأي طريقة كانت عَ أحقر إنسانة عرفتها بحياتها
أخد الموبايل وطن وكبس ع زر تسجيل الشاشة ومن بعدو دغري اتصل فيها ..
حكت ببرود عكس الوجع يلي جواتها أثر الحالة يلي واصلتلها ماوي ، كان بدها تريح قلبها بأي طريقة
تينا : خلود هي يلي عملت هيك
إيهاب : نعم !!!!
اتطلعو الكل بِ ذات النظرة إستغراب وصدمة كانو متوقعينها
وطن : شو قصدك
تينا بلبكة : عُبادة خبرني ، خلود أجت لعندو وسلمته الفويس وقالتلو أنتي أنتي كنتي عم تضحكي عليه وتلعبي عليه كمان وهي ماهان عليها تشوفه داخل هي اللعبة قام سمعته صوتك
اتطلعت فيها بِ صدمة وابتسامة باردة مليانة تعب
ماوي : كنتي بتعرفي !!!
تينا : عبادة خبرني من كم يوم بس
ماوي : كنتي بتعرفي وماخبرتيني !!!!!
تينا بخوف : والله كان انو
وطن : ردت ردت
أخدت رانيا الموبايل منو لتقلها : كيفك روحي
قربت ماوي وبِ عصبية اخدت منها الموبايل
ماوي : بدي العن أبوكي ع أبو روحك أنتي وهي
خلود : اوف اوف ست ماوي معصبة علينا خير
ماوي : ليكي سؤال واحد وجوابه عندك وبسرعة بتعطيني ياه
خلود : تفضلي تفضلي خير ان شاء الله
ماوية: أنتي يلي ركبتي فويساتي بكل حقارة وعطيتيهن ل عُبادة
تعالت خلود ضحكاتها وهي بتحكي
خلود : يييي شو رجعك لهالسيرة اوبسسس ولا ليكون لساتكن متخانقين مشان هي الشغلة !!
ماوي : يعني انتي !!!
خلود : للامانة اي بس والله فكرت كم يوم وبتتصالحو ، بس يلا كلو خير ليكي ريحتك من واحد مابيثق فيكي
ماوي بعصبية : لك ، لك انتي شوووو !! لك من شو مصنوعة لك يخربيتك عم تحكيا هيك !! ولا كأنو شي مهم !! كاسة مي وانكسرت !!!
خلود : وماعرفتي تحبي غير هالأهبل هاد ، معقول مافكر انو هاد كلو لعبة ، والتكنولوجيا بتعمل أقوى من هيك
ماوي : يا الله ياربي لك لك انتي حرام تكوني بشر حراااام الله يلعن التكنلوجيا يلي وصلتك لعنا يا زبالة الشوارع أنتي
خلود : رانيا قولي لرفيقتك تحترم حالها ومابدها هالقد ، فهموها انو مابيستاهلا حرام قاعدة تحرق أعصابها
ما قدرت تمنع دموعها من أنهن يتجمعو بِ قوة ويكونو ع أتم استعداد بأنهن ينزلو
ماوي : رح تدفعي التمن غالي سدقيني
ابتسمت بِ خبث وهي بتجاوبها
خلود : عن أي تمن عم تحكي ؟ أنا مسافرة مع أهلي وحكمل حياتي طبيعي ، بس ليكي بيبي ولو كنت أكتر حدا بتكرهيه بس خدي بنصيحتي وعيشي حياتك أنسي يلي صار متل ما طوا صفحتك من حياتو بدون ما يسمعك أطويه أنتي كمان ببساطة
إحترقت أعصابها بهي الثواني مئات المراات ، لتصرخ من شدة وجعها وترمي الموبايل بِ قوة وقع الموبايل عالأرض ومع أول ثانية ارتطم فيها مع برودة الأرض كانت النار عم تثور لتطلع من عيونها ع هيئة دموع ، عَ هيئة صرخات مكبوتة من زمان
مررت أصابعها بين خصلات شعرها بِ عصبية قوية قادرة تخليها تحرق كلشي بِ لهيبها
ماوي : غبييييييييييية غبيييييية الله يلعنها عم تحكي ببرود ولا كأنها دمرت حياة تنين كانوا على وجه خطبة ، مريضةةة نفسيةةة مجنونة حقيييرة دمرت حياااتي الحيوانة وبتقلي أطويه متل ما طواكي يا الله
حمل التلفون الي لسا كان مرمي عَ الارض ومفتوحة المكالمة حطه على أدنه ليسمع ضحكاتها المقززة وهي بتحكي
خلود : روقي لك بيبي شو نقطعوا الرجال من الدنيا بكرى بدل الواحد بتلاقي مية
اخد نفس عميق وهو بيجاوبها
ايهاب : هي مارح تقدر تأذيكي اكيد بس شايفة هالصرخات الي طلعت منها !! وهالدموع الي عم تنهمر على وجهها من شهور !!
خلود بضحكة : ههه اي !!
إيهاب: مارح يروحوا ع الفاضي صدقيني هي مارح تقدر تنتقم منك بس في مين قادر على انو ياخدلها حقها منك يمكن يطلعوا بصحتك بعافيتك بأغلى وأقرب الناس الك ويمكن مايكونوا بالدنيا يكونوا بالآخرة وعذابك ساعتها اعظم واكبر
خلود : اوك بيبي يلا روح سكّت رفيقتك صوتها وجعلي راسي قلا لرانيا رح احظرها لانو وجع الراس مابيجي غير من ورى مكالماتها باي ياحلو
إيهاب : الله يلعنك شو بنت ****
رمى التلفون وعيونه على ماوية الي لسا منهارة بالارض وبتبكي بكل مافيها من حرقة قلب ..
قرب وطن ليهديها حكا وعيونو ما قادرة تطلع فيها وتشهد على إنهيارها : أهدي يا عمري اهدي
بعدتو عنها بقوة لتصرخ أكتر : لا تقلي أهدي أوعك مارح أهدى عم تفهم !! انا مابدي اهدى مااااني هديانة ماني هدياتة

أول ما اتطلعت بأنحاء الغرفة عن اي شي تفرغ فيه غضبها كانت إيديها سابقتها لتكسر كل الفناجين يلي كانو عالطاولة
ماوي : مارح أهدى ، ماعاد بدي أهدى ، عم موت أناا عم موت ، الهدوء قتلني وبتقلولي أهدي
رانيا : الله يقصف عمرها
ماوي : يقصف عمرها !!!!!! أصلاً العتب مو عليها العتب عالحمارة يلي سدقتك يا راس البلا انتي
رانيا : ماوية لا تخبصي
ماوي : زعجت خاطرك رانيا خانوم
مسحت شلال الدموع يلي كان مغرق خدودها لتقرب ع رانيا وتحكي بِ هستيريا كادت تطحن قلبها يلي بطل قادر يستوعب أي شي عم يصير
ماوي : خلود حبابة ، فوتيها عالكروب شوي شوي بتتعودو عليها ، قلبها طيب ، مسكينة انا بعرفها منيح انا واثقة منها خلود مافي منها انتي ليه ماعم تحبيا مابعرف
سكتت ثواني لتحكي بعد ما أطلقت ضحكة صاخبة رن صداها بكل الغرفة
التفت لوطن وايهاب وهي بتحكيلهم
ماوي : بتتذكروا هاد كان كلامها عنها مو !!! قلبا طيب يالله شو حبابة
التفت لرانيا لترجع نبرة صوتها تعلى وهي بتحكيها
ماوي : بس شوو !! الحبابة تبعك طلعت عم تدّس السم بيناتنا بدون ما نحس طلعت عم تهدم من تحت لتحت من دون مانعرف
رانيا : ماوية اهدي أمانة أنا شو ذنبي متلي متلكن انخدعت فيها
صرخت بقوة وبنهاية الصرخة خانها الصوت ليختفي ثواني
ماوي : وأناا شووو ذنبيييي ، أنا شوووو ذنبيييي ؟؟ بأيا كتاب سماوي نزل أنو لازم يصير معي هيك !!!
ثواني قليلة وكان الأبريق مكسور بِ قوة ومتحول لأشلاء بكل أنحاء الغرفة ..
ماوي : قلبي شو ذنبو ينكسر بهي الطريقة ؟؟؟ أنا شو عملتلك لتجازيني بهي الطريقة ااااه احكي ما عندك حكي أكيد
إيهاب : ماوية أنتي عم تخبصي شي أكيد ماعملتي لحدا شي
فتلت لتينا الي كانت واقفة ع جنب بتبكي ..
ماوي : وأنتي يا خانم صديقتي الوفية شايفتيني عم احترق عم مووووت يا امة الله عم موت لاعرف كيف وليش صار هيك بتعرفي بالقصة كاملة ومابتخبريني !!!!
تينا : عُبادة قلي
ماوي: بكفيييييييي ، بكفييييي عُبادة شوووو عبادة شووو لك يلعنك ويلعن عُبادة ويلعن الساعة الي شفتكم كلكم فيها
تينا برجفة : والله انا ووعدتو ما ما قدرت خبرك
ماوي : قصدك كذبتي علي
تينا :لا ماوية
ماوي : بالوقت يلي نحنا قاعدين عم نتحذر ونفكر ب مين ممكن يكون عامل هيك كنتي قاعدة وعارفة بالموضوع كلو وساكتة ياعمي شو هالصداقة البتهوي بلاها بلاها من الأساس ، وحدة بتحرض أفعى لتخرب حياتي والتانية بتكذب علي كرمال مدري مين

ماوي : وأنت ايهاب وطن شو في عندكن طالعوه هلأ بسرعة خربانة وخربانة يلا
صرخ وطن عليها لترجف أطرافها بِ ثواني
وطن : بكفي ماوية بكفي تخبيص ارجعي ل وعيك بقا
صرختها فاقت صوتو بِ قوة وهي بتحكي
ماوي : عن أي وعي عم تحكي ، عن اي وعي بدي أرجع حياتي ادمرت ياغبي وانت بتقلي ارجعي ، يلي كنت عايشة بأملو طفّاني وطفّا أملي ، تسببلي بوجع أنا ما كنت فكر أني قادرة أحملو وبتقلي ارجعي كلو بسبب اختك لولا أختك ماكان صار يلي صار
ابتسمت من بين دموعها وهي بتكمل ..
ماوي : كنت لسا عايشة بأجمل أحلامي ، كان عُبادة بقي جنبي كان رح يغنيلي بِ حُب عطول قبل ما أنام ، كنا عملنا كلشي كنا مخططينلو ، كنا حنخطب بعد ما انجح بالبكلوريا كنت حكمل احلامي وايامي معو

صرخت بِ قوة وهي بتحكي
ماوي : ما كان رح يكرهني ، ماكان رح يجرحني بمتل هديك الطريقة المشئومة ماكان حيحاول يعتدي علي ، بس يلا المهم حققنا مطالب رانيا وفوتنالها خلود عالكروب انبستطي يا روحي وأنتي تينا برافو ضليتي كاتمة سرك ب خبث ما بيفرق عن خبث خلود ولا بنتفة برافو بس والله لندمكم كلكم والله لندمكم انا مابكون ماوية اذا ماخليتكم تبكوا اضعاف البكي الي بكيتو انا رانيا خانم صدقيني لاحرق قلبك لاكسره متل ماقلبي انسكر حخلي ماجد يرميكي رمية الكلاب وانتي تينا خانم حكبك برى متل ماجيتي حخليكي

حكى بعصبية وهو متجه لعندها : أنتي تماديتي كتيير ، ومعد تسكتي ، طلعي لبرّا
إيهاب : وطن شو عم تعمل !!!!
صرخ بقوة وهو شاددها من معصمها : خرااااس
تملكها العجز بِ لحظة ، وكأنها شعرت بأنها خربت الدنيا لتطفي نارها وتريح قلبها ، بس حتى الخراب ماريحها وقع كلشي عَ راسها ليزيد وجعها أضعاف
قبل ما توصل عَ باب البيت كانت موقعة كل الفازات المصمودين ليوقعوا فُتات
ماوي : بكرهكنننن كلكنننن بكرهكننننن ماشي معد بدي شوف خلقة حدا فيكن
وطن : تكرمي وهاد يلي رح يصير معد تشوفي حدا فينا
طالعها برّا البيت وسكر الباب بِ قوة
خبطت بِ رجلها عالباب لتقول بِ صريخ : غبيييي ما بتفهم يلعنك ويلعن بيتك يازبالة

نهارت أكتر وقواها خانتها لتقعد عالأرض .. ضمت رجليها وبدأت تنعي كل الأشياء الحلوة يلي عم تفقدها ، الذكريات الحلوة بهي اللحظة كانت عِقابها ع شي عملتو دون قصدها ، كلشي حلو عاشتو بهي الشلة كان عم يحرقها فقدانو ، دموعها ما عم توقف وشهقاتها أقسمت ما تنتهي ..

رُغم أنو طالعها بِ إرادتو بس كان بيعرف أنو هاد التصرف الأنسب بهي الحالة ، كان قاعد بالأرض منهار ع كل الخراب يلي صار من دقايق ، موجوع من الأيام السيئة يلي أقسمت ما تتركهن بحالهن

مشيو لعندو تينا ورانيا ودموعهن سابقتهن ،
قعدوا بالارض كلهم مصدومين محدا قادر يستوعب الشي الي صار الشلة الي فرطت متل المسبحة قدام عيونهم .. عم يسمعوا شهقاتها من ورى الباب يلي ما كانت عم تخلص

رانيا : ياربي شو عم يصير فينا !!

قلبو واجعه عليها ماكان قادر يسمع صوت بكائها اكتر من هيك وبذات الوقت كانت هي الطريقة الوحيدة لما تخليها تخبص اكتر ، طلع ع غرفتو تاركها تغرق بدموعها أكتر

أما إيهاب فَ فتح الباب ومشي أول مالاحظ نزولها عالدرج

ركد بسرعة وراها بينما تينا كانت عم تاخد شنتتها لتطلع من البيت

كان عم يركد بقوة أول مالمحها عم توقف تكسي ،وصل لعندها ليقلها : ماوي ليش هيك عملتي ، أمانة كوني أهدى من هيك كرمالنا وكرمالك

جاوبت بصوتها المبحوح : إيهاب طلاع من راسي ،وتركني بحالي ..تاااكسيي

أول ما وقفت التكسي طلعت فيه ومشيت

إيهاب : حسبي الله بهالمخ يلي ناتعته هالبنت

قاطعتو تينا أول ما وصلت لعندو لتقلو : وينها
إيهاب : راحت
تينا : ليش هيك وطن عمل ، قد ماكان بس ما توصل لهون

إيهاب : لعصبيتها هي الطريقة الوحيدة ان شاء الله بيرجع كلشي متل ماكان وقت تروق
تينا : حاسة هالمرة الخراب أكبر من أنو يتصلح ونقدر نبنيه من جديد
إيهاب : لا لا طولي بالك ياشيخة صحي هي خربت هالمرة زيادة بس هي مو اول مشكلة كبيرة بتصير بينا ، ماوية انفعالية كتير وقت تعصب مابتشوف قدامها وهاد كان الحل الامثل مشان ما تخبّص اكتر بحقك وحق رانيا
تينا : هففف خلينا نروح لعندها منحاول بلكي منهديا
إيهاب : مارح نقدر تينا سدقيني هي حالياً محتاجة نوم وبس ان مافضت غضبها بالنوم مارح يكون في مجال لنحكي حافظينها بصم هاد طبعها من ونحنا وصغار
تينا : بساعة اتشقلبت الدنيا فوقاني تحتاني ماضل حدا ماعلق مع حدا
إيهاب: الا انا ماقربت على حدا ولا حدا قرب عليي
تينا : ما انت راس البلا لو ماجمعتك هي اليوم ماكان صار هيك
إيهاب: بالله !! وكيف كان رح ينعرف انو خلود ورى السيرة لولاي
تينا : مني طبعاً
إيهاب: شفناكي كيف مجبنة من مدري ايمتا عارفة وساكتة
تينا : بصراحة خفت احكي بس كنت ناوية اتفاهم معكم من دون ماوية وخبركم بس مالقيت لا طريقة ولا فرصة مناسبة لاتنسى طبعاً اني ماكنت بعرف الشق التاني من السيرة
إيهاب: هي ذاتاً ان ماخربت ما بتزبط
تينا : لنشوف حالها بكرى ، حتخبروا عُبادة ؟
إيهاب: اكيد بس لتهدا ماوية انتي ع كل حال لا تجيبيلو سيرة شي هلأ
تينا : طيب
إيهاب بتردد : ممم ... صوتك انتي ووطن كان مسموع لتحت اليوم
اتطلعت فيه وهي بتسأله ..
تينا : سمعتو كلشي يعني !
إيهاب: بصراحة اي
تينا : يلا لو ماسمعتوا كان رح يخبركم هو
إيهاب : شو رأيك نقعد نحكي بالموضوع !
تينا: مافي شي ينحكى فيه ولو
إيهاب : مبلا في وكتير
تينا : هفف ماشي
إيهاب : يلا اعزمك عَ الفطور ومنحكي ونحنا عم نفطر
تينا بإستغراب : تعزمني !
إيهاب: ايه ليه مستغربة شو اول مرة
تينا : اي والله اول مرة
إيهاب : امشي امشي رح تشوفي كرم مابعده كرم والله ، رح طعميكي شاورما
تينا : شاورما من الصبح !!
إيهاب : بفتح مسام المخ عَ هالصبح
تينا : طيب امشي
إيهاب : يلا
.
.
حاسبت التكسي ونزلت وقفت قدام البناية وهي بتمسح دموعها ..
اخدت نفس عميق وطالعت تلفونها لتتصل برقم ، ثواني واجاها صوته التعبان ..
عُبادة : الو
ماوي : انت رجعت عَ البيت مو ؟
عُبادة : اي بالبيت انا
ماوي : انا تحت البيت ممكن تنزل بدي احكي معك ضروري
عُبادة بإستغراب : تحت بيتي الي ؟؟
ماوي : اي تحت بيتك
عُبادة : يلا يلا جاييكي
أخد جاكيته بسرعة لبسه ونزل لعندها ، لمحها واقفة عَ طرف الطريق وعاطيته ضهرها ، قرّب منها بهدوء لصار وراها تماماً ، همسلها بهدوء ..
عُبادة : ماويةعُبادة : ماوية
فتلت وجهها لعنده وهي بتمسح دموعها الي ماعم توقف ، رجف قلبه لما شافها بهالحالة بخوف واضح على ملامحه سألها ..
عُبادة : بسم الله على شو فيكي ماوي !!! ليه هيك حالتك
اخدت نفس هادي لتجاوبه وهي بتحاول تهرب بعيونها عن نظره ..
ماوي : خلينا نروح عَ مكان نقدر نحكي فيه براحتنا
عُبادة : تمام بس خير شوفي !!
ماوي : بس نمشي من هون منحكي
عُبادة : طيب ثواني حأطلع جيب مفاتيح السيارة وتلفوني وبجيكي
ماوي : تمام
ثواني معدودة وكان جايبهم ..
عُبادة : يلا طلعي
ماوي : تمام
طلع بالسيارة وطلعت هي حدّه ، اول مامشيت السيارة فتحت الشباك وبرمت وجهها للطريق غمّضت عيونها واستسلمت لنسمات الهوا الخفيفة الي بدأت تداعب وجهها

.
.
وصلوا قدام المطعم وهي بتلتقط انفاسها بصعوبة كبيرة ، خبطت على كتفه بقوة وهي بتحكيلو
تينا : يعني ركبت راسك ما بتطعميني الا عند عمو ابو محمد وتكسي ماقبلت تطالعني فرطت تعب طالعت الفطور من عيوني
إيهاب : مشان تنحفي ماحاسة حالك كيف صايرة قد الدبة منطيبه وطن ماعد طلع فيكي
اتطلعت فيه وهي مبحلقة عيونها
تينا : اناااا تيناااا قد الدبة ؟؟؟؟؟
وقف قبالها وبدأ يقلد نبرة صوتها وتعابير وجهها
إيهاب : اييي انتيي تيناااا قد الدبة فوتي خلصيني بغير رأيي عن العزيمة ها
تينا : لا فايتة فايتة والله مابروح ع حالي عزيمة منك
دخلت لجوى عم تركد ودخل هو وراها
تينا : يعطيك العافية عمو ابو محمد
ابو محمد: أهلاً بِتينا والله
تينا: كيفك عمو
ابو محمد : الحمدلله وانتي
تينا : الحمدلله بخير
إيهاب: صباح الخير عمو
ابو محمد : اهلا وسهلا بالسيد إيهاب كيفك
إيهاب: الحمدلله تمام
ابو محمد : شو وين باقي الشلة
إيهاب : كلهم مشغولين والله عم يحضروا لخطبة رانيا على اخوها لماوية
ابو محمد : الله يتمملهم عَ خير رانيا بتستاهل كل خير والله
تينا : ناطرينك عمو بالخطبة ، هلأ العزيمة الرسمية اكيد بتجي من وطن ورانيا بس لتتأكيد نحنا
ابو محمد : ان شاء الله بنتي ، اي شو طلبكم اليوم
إيهاب : اربع سندويشات الي مع حد وعيران
تينا : انا 2 بس بلا توم عيران ومخلل
ابو محمد : من عيوني تفضلوا عَ طاولتكم المعتادة شوي وبينزل الطلب
إيهاب : تمام عمو سجل الطلب على وطن بكرى هو بيمر بحاسبك
ابو محمد : تمام ابني ولا يهمك
فتلت وجهها بصدمة اتطلعت فيه
تينا : ياويلي من مخك !! يفضح عينك مو ع اساس العزيمة عَ حسابك
قرّب من الطاولة وهو ببعدلها الكرسي لتقعد ..
إيهاب: ولو شو انا وشو وطن واحد
تينا : يااااااااا ابو نجيب بتحطو بجيبتك الصغيرة والله يفضح عينك لهيك جبتني كل هالمسافة يا نصاب مشان تزت الحساب عَ وطن !!!
إيهاب بضحكة :هههههه لك انا تكسي مع ماسخيت طالعك فيها جبتك مشي حتى اعزمك عَ الفطور وعحسابي كمان
تينا : بخيييييييييييل
إيهاب : معي خمس آلاف مخبيهم لصبية بدي أعزمها بكرى اكيد مارح حطهم عليكي
تينا : الله يلعنك انت والحمارة الي صدقتك يا كحتة
إيهاب: خلص خرسي هي فطور ورح تفطري كلي عَ الساكت
تينا : ننننن
إيهاب : ايه منجي للمهم
تينا : شو
إيهاب : انتي ووطن
تينا : ممم يعني الموضوع مابعرف مابده حكي ذاتاً الي حكيته لوطن وسمعتو انتو هو كل القصة
إيهاب : انتي بتحبيه مو هيك
تينا : اي بحبه بس المشكلة مو عندي إيهاب المشكلة عنده ، وطن جبان متردد مابحبني مابعرف احترت فيه ، يعني انا حبيتو صح بس مافرضت نفسي كحبيبة عليه كرمال ما احرجه بهاد الموضوع وهو من حاله اتقرّب مني هو الي اجا يلمحلي يبينلي غيرته هو الي اجا يلمس ايدي مو انا بس مع هيك بقي متردد شوي بقرب وشوي ببعد انا مابتناسبني هيك علاقة بالنهاية انا عندي مشاعر انا أُنثى عم تنجرح كرامتي بتصرفاته هي
إيهاب: تينا هو بحبك وكتير والله هو قلي هالحكي الي أساساً
بقلمي:ميسا
تينا : طيب !! بحبني شو مشكلته لكن !! شب بحب بنت شو هو المانع الكبير لحتى مايقلا لو ع الاقل كلمة بحبك ! بالنهاية إيهاب انا مابناسبني كون مع انسان كلمة بحبك مو قادر يقولها
إيهاب : مافي مانع هو بكل بساطة جبان متل ماقلتي مانو متردد بمشاعره تجاهك لا لانو هو بحبك ذاتاً ، اكيد كل بنت بتنطر تسمع هيك شي من الشخص الي بتحبه بس يعني اذا ماسمعتا مابكون بحبها !
تينا: طيب مافهمت هو بدو هيك نبقى ! اقعد ناطرته ليقدم خطوة ويندم بعدين يرجع يقدم بعدين يتردد !!
إيهاب: ليكي معك الحق مية بالمية ماشي ! انا بعرف وطن من لما كنا صغار بعرف كيف بفكر وشو بيحس وطن عاش هيك متخيلة انو انتي اول بنت بتكون قريبة هيك منه ماعندو تجارب بهيك امور
تينا : قال يعني انا الي عندي وهو سابع مدري تامن واحد بحياتي
إيهاب: لك بنتي ماهيك عم قول بس هو جبان بالحُب غبي بدو دفشة
تينا : بتحب اعطيه هي الدفشة أنا مثلاً؟؟
إيهاب : ليش لأ والله فكرة

تينا : إيهاب لا تجنني بشرفك ولو
إيهاب : لك شووو
تينا : حبيبي أصلاً هالشوية المشاعر يلي عم يأظهرها بالسنة مرة أنا يلي كنت عاطيتو دفشة لك أنا متل الهبلة كنت مدلوقة عليه
إيهاب : حمارة لأنك
تينا : بعفويتي يا تيس شبعرفني رح حبو حُب حقيقي ويبادلني الشعور
إيهاب : دخيلك يا ربي رح انجلط لك تينا مشان الله ليكك عم تقولي ماكنتي بتعرفي رح يبادلك الشعور ، يعني انتي عارفة أنو بحبك

ضربت بإيدها عالطاولة بعد ما بحلقت فيه بعيونها وحكت : بعرف بحبني وبدي أرسى عَ بر لما يقوم هو بخطوة حقيقية تجاهي ، لعما ياه

قلها وهو عم يعض من السندويشة : خلص أمرك

سرحت شوي بِ عصبيتها لحد ما كسر الصمت مرة تانية إيهاب

إيهاب : ليكي من الآخر إنتي بتحبيه لهالتيس
تينا : اي بحبو
إيهاب : لكن بدك تصبري ، ماعم قلك عطيه دفشة ولا عم قلك كمان تركيه عالآخر

تينا : لكن شووو احكي بِ لغة أفهمها بشرفك

ترك السندويشة من إيدو وحكالها
إيهاب : ليكي الرجال يا أختي ما كلهن نفس النوع ، او ممكن يكونو كلهن نفس النوع بس بشكل وعقل مختلف

تينا : إيهاب روح من خلقتي عم نشتري بطاطا لأنو لتكون أنواع موو

صرخ بقوة : لك هااادددد هووووو هااادددد هوووو التشبيييه الحقيقي بطاطا يعني متل البطاطا الحلوة يلي بتستوي دغري والبطاطا المالحة يلي بتصير تعذبنا وهية عم تستوي مخها تيس عرفتي !!

تينا : يارب ألهمني الصبر ..أيييي !!!! وبعدين
إيهاب : هاهااااا وبعدييين ، رح قلك خليكي آذان صاغية
تينا : تفضل التعى قلبي يلعو قلبك

إيهاب : ليكي عم أعطيكي نظريات وأستراتيجيات ما بتلاقيها عند غيري ايوااه وان شاء الله دواكي على إيدي

تينا : ايه لكن رح يعترف وطن بالمية سنة الجاية ان شاء الله إذا الدوا عندك

إيهاب : خرسي خليني ركز قبل ما أنسى
تينا : بس أوعك تقلي عطيه دفشة وجبان بالحُب ومدري شو لأني رح أقبرك معو المهم ، رح قلك يا عزيزتي تينا المجنونة أنك بحركتك الأخيرة مع وطن عطيتيه دفشة بدون ماتنتبهي

حطت إيدها ع خدها وبإنتباه لجملتو الأخيرة حكتلو : كيف يعني !!!

إيهاب : يعني كالتالي ، إذا بتبقي من هون لبُكرا عم تقنعيني أنو هالأنسان متردد بشأنك بقلك مستحيل واذا بتقليلي ما بحبك بكسر راسك ، وإذا بتقليلي

قاطعتو بسرعة لتقلو بِ ملل وإستياء
تينا : لك مشااان الله إيهاب دخول بِصلب الموضوع يلااااا
إيهاب : أي شو كنت عم قول صحي ؟
تينا : أني عطيتو دفشة للمغضوب بدون ما أنتبه
إيهاب : هلأ بقا بدك تصبري شوي لأنو تأثير المشكلة يلي صارت رح يكون كتييير كبيييير عقلبوو ، لما رح يتذكر كل كلمة قلتيلو يااها رح يحس بأنو عنجد خسرك بسبب طبعو هاد وخوفو من الحُب عرفتي !!!

تينا : قصدك هلأ بكون آعد عم يندب ع بُعدي
إيهاب : لا لا بس ليكي الإنسان الطبيعي بِطبعو بس كان متأكد من مكانتو عند حدا مُعيّن أنو ما ممكن تتغير ، أولاً بينسى بعض واجباتو المهمة تجاه هاد الشخص ، حتى ممكن بأي قرار مصيري بخصهن يصير يتأجل لييش !!!!
تينا : ليش !!!!

إيهاب : لأنو بقول أو ممكن يقول ، خلص هاد الإنسان معي بحبني مهتم فيني ما ممكن يتركني حتى لو عم أغلط بدون إنتباه رح يسامحني

تينا : مين وطن هيك عم يقول !!!
إيهاب : لك لااا بظن عقلو الباطني ، يعني ممكن هو مرتاح بهي العلاقة ومفكرها حُب من نظرو مفكرها كاملة ومابدها هاد الأعتراف لحتى تكمل وتصير مثالية

تينا : معقوول !!!! بربي هالإنسان غبي أييي كمل كمل
إيهاب : المهم ، بحركتك هي هدمتي كل الآمال يلي بناها وطن بينو وبين حالو ، وطن ما توقع بحياتو أنت تتركيه ليش ؟؟
تينا : ليش !!!
إيهاب : لأنو متأكد من حبك الكبير إلو ، معلوم دايما عم توزعي ابتسامات ودالقة حالك كأنو رح يهرب ، عكُل حال رح خصصلك جلسة خاصة كرمال نحكي بهالموضوع ، هلأ موضوعنا الأساسي وطن

تينا : طيب طيب كمل خلصني
إيهاب : وطن هلأ رح يحس بخسارة كبيرة وفراغ عاطفي كبييرر سدقيني كرمالك أنتي رح يتعلم يعبّر عن مشاعرو ، أنا بأكدلك أنو رح يغير من حالو بس كرمالك كرمال مايخسرك ، مشان الله تينا كبري عقلك وما تخبصي أكتر معو خليكي عالصامت وراقبيه بس كيف رح يتغير ويحاول يفرجيكي حُبّو بأي طريقة

تينا : عنجد إيهاب أمانةةة ، يعني بحبني هالقد
إيهاب : أي اي مع أنو مابعرف شو حب فيكي ، بس ماتروحي تطلبي منو الزواج كمان خليكي تقيلة بنتي
تينا : طيب يعني بفهم منك أنو يلي عملتو أنا حركة حلوة لعلاقتنا صح !!
إيهاب : صح لكن شو
تينا : يعني ما رح نفترق موو !!
إيهاب : لا شووو تفترقو ما تفترقو بربك أصلاً بتقبريه إذا ما عترفلك
تينا :شو أعمل هلأ طيب توترت

إيهاب : ماتعملي شي ، خليكي ماشية تمام على أنك نهيتي كلشي بينك وبينو حسسيه أنو ما رح ترجعي تخطي ولا أي خطوة ناحو

تينا : وهو بهالطريقة رح يخطي كل الخطوات تجاهي موو
إيهاب : مووو لكن كيف

تينا : ياخ إيهاب ، ما عرفتك بصراحة شو هالإستراتيجية يلي اتبعتها لحتى قلبي راق عليه شوي أماانة
إيهاب : شوي وبس !!!! بربي متل ماني شايفك قدامي حاسك هلأ رايحة تعترفيلو بحبك من جديد
إيهاب : شوي وبس !!!! بربي متل ماني شايفك قدامي حاسك هلأ رايحة تعترفيلو بحبك من جديد
تينا : لك لااا مو هيك ، بالنهاية أنا جد ماعد أخطي بدي هالمرة شوف أني عنجد ما رح هون عليه ومستعد يعمل أي شي كرمالي

إيهاب : هفففف خييييي شووو ارتحت إلي من الصبح عم احفظ هالحكي لقلك ياه وأقنعك فيه

تينا : شوووو !!

قام من مكانو وركد بخطواتو ل برا بعد ما تأكد أنها عم تلحقو بملامح شرسة

تينا : ياااغبي وقفففف ، تيييييسس قسماً بالله جايبني تعملني مضحكتك

أول ما انهالت ضرباتها عليه بلش يحكي وقلبو فارط ضحك

إيهاب : لك بربي لااا لا عم أمزح
تينا :كذااااب
إيهاب :هههههه بس أنا ما عرفت وطن من أي نوع بطاطا مالحة ولا حلوةة

تينا : تفووووو غبييي وأنا قاعدة وكلي آذان صاغية بربي فوتت مخي بالحيطان

إيهاب : بس بربك كيف !!! حدا قدر يفهمك غيري

تينا : ياااا شُكراً إيهاب
قرب وحضنها بِ فرحة لتحضنو وهي بتقلو
تينا : إجباري ماحدا رح يفهمني غيرك ، مو بقولو المجانين دايماً بلاقو بعضهم

إيهاب : أووهااا يعني ، مالحقت قلك لاداعي للشكر إلا ونزعتيها تففف

تينا : ايي شوووو !! قصفت حالي معك ياتيس
إيهاب : صح والله
تينا : لكن كيف

إيهاب : يلا هلأ إذا رقتي شوي خلينا نشرب عصير عَ حسابك بقا لأنو تمي نشف من كتر الحكي

تينا : مرررررة وحدةةة خليني شوفك عم تدفع لشي مرررة وحددةةة يا بني آدم

إيهاب : ما بقدر ، سدقيني المُتعة بأنك تاكلي أكل وشرب وماتكوني دافعة حقو ما بضاهيها شي

تينا : بالله شووو
إيهاب : والله
تينا : لكن إذا بتموت ماني مشربتك عصير
إيهاب : عادي حبيبي ليكو عمو أبو محمد حجيب اربعة كولا 3 الي ووحدة الك عَ حساب حبيب القلب واجيكي

تينا : يفضح عينك شو مجنون
إيهاب : المجانين بلاقو بعض يا خانم ‏ تينا : نننن روح جيب كولا روح
.
.
أول ماوقفت السيارة نزلت منها دغري ، اخدت لمحة بسيطة عن المكان إلي اجو عليه ، كانت حديقة بسيطة متطرفة شوي ، من دون ما تلتفت اله دخلت عَ الحديقة اتقصدت تاخد مقعد متطرف ، كانت الحديقة خالية من الناس بسبب البرد الي كاسي الجو اليوم ..
ثواني قليلة وكان لاحقها ، قعد حدها عَ المقعد من دون مايحكي أيا حرف ..
عمّ الهدوء لوقت قصير بينهم، كانت دموعها عم تنهمر بهدوء على خدودها ،كسرت كبريائها شهقة صغيرة طلعت منها

فتل وجهو ليشوف دموعها المالية وجهها غص قلبو لرؤيتها عهالحال ،بتردد مد إيدو ليلامس أصابعها وهو بيحكي

عُبادة:ماوية شوفيكي ليه كل هالبكي؟؟

سحبت ايدها بسرعة وهي عم تجاوبو بحدّة
ماوي :أوعك تلمسني
عُبادة : طيب اهدي ما رح ألمسك بس وقفي بكا وفهميني اشرحيلي شو في

مسحت دموعها بكفوف إيديها وهي عم تحاول تاخد نفس عميق مُحاولة منها لتتمالك نفسها وتحكي بصوت مهزوز
ماوية: بتتذكر آخر لقاء إلنا قبل ماتتركني !!!!

سند حاله عالمقعد لورى ، غمض عيونو وهو عم يرجع لذكرى هداك النهار ،ارتسمت الإبتسامة ع وجهو وهو بيجاوبها

عُبادة : مريت ع بيت وطن كنتي عندهن بيومها ،أخدتك بالسيارة وطلعنا نفتل بالشوارع ،كنتي بين ايدي ،بحضني كنت قادر المسك، بوسّك ، عانقك شم ريحة عطرك وأنا عم أغمرك ، كنا عم نخطط بكل حماس لخطبتنا يلي رح تصير بعد الامتحانات لتصيري حلالي وملكي قدام كل الناس ،وودعتك وقتا

سكت مجرد ما اتذكر يلي صار من بعدها
ماوية بغصة: كمل ليه سكتت
عُبادة:أنتي سألتيني عن لقائنا بهداك اليوم
ماوي:وبعد اللقاء شو صار؟
عُبادة بلعثمة:شو بدو يكون صار؟

أخدت نفسها بعمق من جديد ،استجمعت قوتها لتحكيه
ماوي : حكملك انا ، بعد ماودعنا بعض بكل حُب ، رحت قابلت خلود الي كانت معنا بالصف ..
التفت الها بدهشة وعلامات الاستفهام محاوطة وجهه ..
عُبادة : شو عرّفك !!
اتجاهلت سؤاله وكأنه ما انطرح لتكمل كلامها ...
ماوي : قابلت خلود على طلب منها لتواجهك بدموعها وألمها وهي عم تطلب منك الغُفران لانها شاركتني بلعبتي الوسخة ورتبتلك سيناريو كامل لتسلمك بعده فويس بصوتي وانا عم هينك وهين حُبك الي ومن هاد الحكي مو هيك ؟؟
عُبادة بغصّة : اي هيك ، خبرتني انو انتي كنتي عم تلعبي علي من البداية لتوقعيني بحُبك ويوم اتقدم لخطبتك ترفضيني وتكشفي عن اللعبة تبعك ، وسمعتني الفويس الي بيأكد هالشي
ماوي: وانت صدقتها
عُبادة : بهديك الايام اي
ماوي : واليوم !
عُبادة : مابعرف حكيتلك مبارحة مو عرفان شو صدق وشو لا
ماوي:شيل كلام مبارح ع جنب واحكيلي اليوم شو بكل صراحة
عُبادة:اليوم بدي أنتي وبس

حسنائي الغامضة
الجزء العاشر
ماوي: سألتك انت اليوم مصدق أو لأ مو عني أنا
عُبادة:ما بعرف ماوية ما بعرف
ماوي:احكيلي بصدق شو حاسس؟
أخد نفس عميق وهو بسّرح شعرو بأصابع أيديه

عُبادة: لما يجي ل راسي الشي الي عشناه ،أوقاتنا المشاعر الي كنت شوفها منك ومعك بحس أنو مستحيل هالشي يكون مو حقيقي،مستحيل تمثلي علي هيك ،بس ماهي الا ثواني ليجي لراسي كلام خلود ،الفويس يلي سمعته بصوتك لينهدم كل شي ويتركني ضايع ماعم اعرف الحقيقة من الكذب ،أنا اليوم ماني قادر ميّز ماوية ،بقول ياريت ماشفت خلود حتى لو كان معك هالشي كذبة المهم أبقى معك

مرّات بقول ياريت سمعتها،ياريت تركتلها مجال لأفهم منها الحقيقة ، ضايع ماوية ما عم ارتاح هرب النوم من عيوني تعبت ، وكأنو النيران بقلبي ماعادت تعرف تطفي ، بدي ارتاح ما عم اعرف ارتاح

ماوية: رح ريحك هلأ واحكيلك كلشي

التفت الها وعلامة الدهشة مرسومة ع وجهه ، عيونه بعيونها ليتأكد بأنها عم تحكي عن جد

ماوي : لا تطلع فيني هيك حأحكيلك وأعطيك الدليل لتصدق الشي يلي رح قوله

عُبادة: حصدق أيا شي بتقولي بدون أي دليل بلا ولا شي المهم تحكي ماوي
ماوي : بس عندي شرط
عُبادة : شرط شو !
ماوي : رح أحكي وتسمعني للآخر من دون مقاطعة ومجرد ما أنتهي من كلامي حأترك المقعد وأمشي
عُبادة: لا ماوية لا ماتفكري أني ممكن أتركك بعد ما وصلنا لهون
ماوي: صدقني اللحظة يلي قررت فيها احكيلك كلشي ما قررتها كرمال نرجع لأ !! بس كرمال ماتضلك بهالمتاهة والتعب هاد

عُبادة بخوف : من طريقة كلامك كأنو
ماوي : سمعني لو سمحت ولا تقاطعني عُبادة ، اي نعم انا كذّبت عليك ماخطرلي لو واحد بالمية كذبتي الصغييييرة كتيير توصلني لهي النقطة ، هههه كذبتي كانت كتير صغيرة بس ما فكرت انو الكذبة لصغيرة بتكبر وبتكبر وبتكبر لتنفجر بوجه صاحبها بهي الطريقة ، لما بلشت اللعبة معك كان شرطك انو محدا يعرف باللعبة بنوب ، وانو اللعبة لعبة صغيرة بتنتهي بإكتشاف الاستاذ للحسناء وخالصين ..

مسحت دموعها من جديد وهي بتاخد انفاسها المتقاطعة كملت ..
ماوي : الكذبة انو كان في مين بيعرف بهي اللعبة كان في مين عم ينحكاله تفاصيل هي اللعبة بالحرف
ملامح الصدمة اجتاحت وجهه ليسألها بسرعة ..
عُبادة : كيف يعني مين كان بيعرف !!!
ضحكت بوجع واستهزاء من نفسها وهي بتجاوبه

ماوي : ههه مثلاً خلود ! الشلة كلها من قبل ما ابدأ باللعبة معك كانوا بيعرفوا اني رح اخطي هيك خطوة حتى هنن اقترحوا علي اسم الحسناء الغامضة ومن لما بلشت اللعبة بيني وبينك نحنا كنا عاملين كروب بيضمنا كلنا كانت فيه خلود طبعا بدأت ابعتلهم تسجيلات عن شغلات عادية بتصير بينا كيف عم تتعذب انت لتعرف مين ومن هالحكي شوي شوي بلشوا يعرفوا انو علاقتنا اتطورت صرنا صحاب لوصلنا لمرحلة الحُب والتقينا خلال هي المدة هنن كانوا بيعرفوا بالتطورات الي بينا اول باول اهمهم خلود طبعاً يوم التقينا سألتني اذا بيعرفوا رجعت كذبت وقلت لا ولما قلتيلي خبريهم حسيته حمل وانشال عن ضهري وانطوت صفحة اللعبة ، انا وخلود من بداية مادخلت بينا ماحبيتا ولا ارتحتلا وصار مشاكل ونقار بيني وبينها ليوم دخلت تينا احتدت المشكلة بيني وبينها وبهدلتا قلعتها من الكروب وغابت من بعدها عن حياتي بشكل نهائي ههههه او هيك كنت ظن ،اما بخصوص المقاطع الصوتية هي بصوتي وانا حكيتها عنك صح ، بس مو بهي الطريقة الاصوات هي كلمات متفرقة انا حكيتها عن لعبتا بالبداية انو بدي جننك واني ميتة ضحك عليك وانت عم تفتل علي بس هي الكلمات اتاخدت واتركبت مع غيرها بهي البشاعة
فتحت تلفونها عَ كروبها مع الشلة،رجعت بتارخ المحادثات لبداية لعبتا مع عُبادة بدأت تشغلو ياهم فويس ورى التاني

ليسمع الحقيقة كاملة بصوتها بفويساتها البريئة وهي بتسرد لرفقاتها نقاراتهم مشاعرها تجاهه حُبه الي بدأ يتغلغل جوا روحها
قاعد ومُنصت لحروفها بِ طريقة كتير بتوجع ،العجز عم ياكل قلبو بالثواني آلاف المرّات ،كان قلبو دايماً يقلو إنو حسنائو ما ممكن تخونو بهي الطريقة البشعة ، بس هو كان مُصر يمشي ورى الحقيقة المخادعة الي انرمت لبين ايديه كان دايماً بمتاهة بين الي عم يحسه وبين الي سمعه واليوم اتلاشى الكذب والخداع الي انرسموله لتظهر حقيقة وحدة وهي حُب حسنائه اله ،حُبها الحقيقي النقي الي حاولت خلود تشوهه بنظره وهو سمحلها بهالشي مع كل فويس بيسمعه شي واحد عم يتكرر بعقله وهو فعله معها بمكتبه،الكبرياء اتجلّى لتنزل دموعه تواسي حاله المكسور وتحرق خدوده حس بِخيانة اللغة يلي ماقدرت تعطيه أي مُبرر يردها فيه لقلبو،ماقدرت تسخّرلو ولا أي حرف ليحكيلا إياه عَ هيئة إعتذار مكبّل بآهات الندم

نطق بِ الشي يلي كان عم يفكر فيه بحروف مكسورة أول ما أنتهت كل الفويسات الحقيقة ، أول مالمس حقيقة الأمر يلي ودّا بِ قلبو وحياتو للجحيم يلي جرح ماضيه وشّوه مُستقبلو ، نطق بألم على احساس ضعيف كان عم يكتمه دائما خوفاً من انو يكون حقيقة
عُبادة: كنت حاسس
ابتسمت بِ برود: حاسس بشو !!!
عُبادة: ماوي أنا
قاطعتو بحدة لتصححلو كلمتو : ماوية !
عُبادة : كنت شايف بعيونك حقيقة كلشي ، بدون ما تبرريلي
ماوي : لتكون مفكر سمعتك هاد لحتى بررلك عُبادة !!!!! أنا سمعتك الحقيقة لتطفى النار بقلبك متل ما طفيت بقلبي ،لحتي تنساني وتنسى الماضي متل ما أنا نسيتك وبطل أي شي بخصك يهمني ، سمعتك ياه لتكون النقطة الأخيرة بكلمة النهاية ..ولو الشغلة كانت عليي صدقني كان لسا بدي أحرقك أكتر بِ نار الكذب والحقيقة ، الصدق وعدمو كان بدي عذبك أكتر متل ما كويت قلبي كان بدي هشّم روحك متل ما اغتصبت كل ذكرياتي الحلوة بأفعالك الأخيرة معي بس بتعرف شو ، فكرة أنو القصة لسا عم تنعاش وما انحطلها حد كتير كانت مدايقتني ، كان بدي أحكي الحقيقة لأنهيا عنجد ، لأنهي الحسناء يلي كانت شايفة قيصرها الحدا المثالي بالحُب يلي قررت تغرق فيه بِ إرادتها ، لأثبت لحالي عنجد أني ما أذيت ولا خنت أنا الوحيدة يلي أنأذيت بهي القصة الفاشلة ،ويكون شو مايكون بالنهاية حتى الحقيقة عم تحرق قلبك

كان شايف قوة عظيمة متملكة كل أطرافها يلي كانت عم تبذل كل جهدها وطاقتها لتمماسك وتقوى على الرجفة ،الرعشة يلي أقسمت ما تروح من كل خلية عم تنبض بِ جسمها ،كانت عم تضربو بكل حرف وجهتلو ياه ، وقع على عاتقو اللوم الكبير له ذاتو ، عم يلوم حالو ويجلد نفسو بأبشع شي عملو مع حسنائو ،كيف سدق الحقيقة المزيّفة الي انرمت بين إيديه بهي السهولة ، كيف سمح له خلود تشوه حُب حسنائو إلو ، حُبها النقي ، الرقيق كيف اتحول اليوم لقوة وعدم شفقة تجاهو ، لعن حالو ولعن رجولتو يلي سمحتلو يعمل معها الشي يلي عملو بِ مكتبه ،الكبرياء اتجلّى لتنزل دموعه تواسي حاله المكسور وتحرق خدودو ، وكأنها بهي الطريقة عم تنتقم لَ ماوي عن كل أذية سببلها ياها ، القوة يلي كان عم يتظاهر فيها أصبحت هشاشة عظيمة

وأعصابو المتماسكة على أمل أطفئتو ماوي نهارت

أول ما قاطع نحيبو صوت خطواتها ،اندفع لَ إلها بِ قوة ، اندفع وكأنها طوق النجاة الوحيد بِعُمق بحر ميت ،ملعُوم ،مهجور وكانت هي الزائرة الأولى إلو ليحكيلها بكامل عجزو وبِ ببحة صوتو الممزوجة بِ دموع أقسم ما يخبيها لعلها تكون شفيعة لألو عندها

عُبادة : مافي شي انتهى ماوية ،رح نصلح كلشي سوا انا وانتي الحقيقة انكشفت هلأ والصورة البشعة وضحت
ماوي: انكشفت الك مو إلي ما حيهمني منها شي

تجاهلتو لتمشي من المكان شدها وهو بيتمسك بِكف إيدها وهو عم يترجاها تبقى
عُبادة :ما فيكي مافيكي تروحي ماوية بترجاكي ماوية مافيني من دونك انا بموت والله بموت بلاكي حبيبي
صرخت بقوة وهي بتحاول تفلت إيدو منها
ماوي : لا تقول حبيبي لا تقول ، تروك إيدي ، قلتلك لا تلمسني لا تلمسني ، أنت يلي سمحتلي روح من قبل واليوم مافيك تمنعني او لا ، ما فيك مافيك انا مو لعبة بإيدك بتمزقها وقت تعصب ولما تروق بدك ترجع تصلحها ، انت كسرت كلشي دمرتني دمرت قلبي وحياتي اليوم مافيك تمنعني ولا فيك تقرب مني

قاطعها ب صريخ هستيري ما قدر يتحكم فيه
عُبادة : كان معمي عَ قلبي كنت خايف وضايع أي أي كنت حمار وقررت صدق بدون إرادة مني ، كلشي كان بيوحي لأني وقعت بحُب حدا متقرب مني ليلعب بِ مشاعري ،بس بعدين بعدين أنا ضعفت ماقدرت عيش بدونك حتى ولو كنتي كذبة كنت راضي

ماوي : كان صعب عليك تحاول تفهمني ، لا ما تفهمني تسمعني بس تسمعني بس أنت شووو !!! قررت تسمع وتسدق خلود يلي مابتعرف خيرها من شرها لييييشش !!!! ليش يا الله

عُبادة :سدقت صوتك ، سدقتك انتي أول ما سألتك اعترفتي قلتيلي أنك أنت يلي حاكية هاد الحكي ،ماكان في شي أسمعو منك بعد يلي سمعتو

فقدت السيطرة عَ حالها لتصرخ أكتر
ماوي : كان بدي بررلك يا غبي ،كان بدي أحكيلك كان بدي وقت لأستوعب يلي سمعتو لحتى حاول فاهمك ياه بس انت غبي غبي ، أنت بهداك اليوم أثبتلي أنو علاقتنا كانت هشة كتييير ،هشة لدرجة أنك حكمت عليي من كلمة أنا جاوبتك فيها تحت تأثير صدمة كبيرة ، انت حكمت عليي وعلى علاقتنا أول ما

أشاحت بنظرها عنو ليبدأ قلبها يرجف وحروفها تطلع بِ لعثمة ،لتتماسك وتكمل كلمتها

ماوي : أول ما حاولت أنك تعتدي علي تأذيني بوحشية بحياتي ماتخيلت شوفها بملامحك ، لك من الرجال الي كنت شايفة الدنيا من عيونه

عُبادة : مستحيل أنا آخر شي بتمناه بهالدنيا اني أأذيكي ،كان معمي ع قلبي بس مع هيك كان ،كان قلبي عم يحترق عليكي لأول مرة خفت عليكي من حالي كان بدي أحميكي مني بس .بس ما

ماوي : كذااب
عُبادة :أوعك تشكي بأني عم أكذب بالي قلتو ، ندمت واحترقت وصرت جسد بلا رُوح من بعدك ،ما كنت ممنون من هاد البُعد، أنفاسي كنت عم آخدها من ذكرياتنا الماضية ،من صورك يلي ما قدرت حتى فرط فيهن ،متخيلة أني فرط فيكي أنتي ؟ بٍحُبك أو بالتفكير فيكي أنتي مفكرة أني نهيت كلشي وارتحت والحقيقة أني قتلت قلبي وسعادتي بِإيديي،ضعفت كتير بغيابك ،وبرجعتك ضعفت أكتر

عم تسمعو وقلبها ما عم يهدى ،حديثها معو وجعها أكتر ..قالتلو وعيونها عم ترمي الكلام بِ قوة قبل لسانها
بِ نبرة جدية ،حدة قادرة تقطع أي حبل بحاول يوصل بينها وبينو

ماوي : ولا أي ذرة ندم منك بتفيد بوقتنا هاد عُبادة أصحى طُرقاتنا مختلفة هلأ وبقسملك إذا خان طريقي وانطوى لعندك رح أقطعو
كلماتها أثارت جنون قلبو وجميع مشاعرو ،ليندفع تجاها بقوة أكبر ،بِ هستيريا رافضة تهدأ ،بِ نظرات غريبة مجنونة وكأنو مابدو بهي اللحظة غير إقناعها بإنها تبقى

حاوطها بإيديه ، شد عليها ليرفض الكلام يلي حكتلو ياه بِ شدة ويحكي
عُبادة: مافيكي،مافيكي ماوية ،كنت شايف بعيونك حُب مستحيل اليوم يتحول كره ،أنتي لسا بدك ياني ، أنتي أنتي بس بدك وقت وبوعدك رح يتصلح كلشي حبيبي صدقيني ندمان ندمان ياعيوني انتي والله ندمان بعدك هدني موتني والله كسرني البعُد عنك لا تروحي خلينا نصلح كلشي مع بعض ماوية الله يخليكي

للوهلة الأولى من اندفاعو هاد وجنونو ارتعش قلبها وكأنها خافت فعلاً من هي النظرات ، سُرعان ما تلاشى خوفها أول ما لمعت الدموع بعيونو ليتحول بِ نظرها ل طفل ما عم يرضى بالبُعد عم أمو
ماوية : بعد عني تروك أيدي عُبادة
عُبادة : رح تصدقيني وتصدقي مشاعري بترجاكي ماوية قولي أنك رح تصدقي

ماقدرت تفلّت حالها منو لتصرخ فيه بقوة
ماوية : أصحى بقا عُبادة بكفي جنان

بادلها الصرخة بأقوى منها ليحكي
عُبادة : مااابدي أصحى مابدي أصحى ولاقيكي بعيدة عني بدي ياكي بقربي بدي ترجعي لروحي لحياتي لانفاسي ودنيتي بدي انتي ماوية وانتي بدك ياني ، صدقيني وقت بس وقت وبحل كلشي صار ومنرجع انا وانتي مع بعض ماوية

استفز أعصابها المنهارة بِ جنونو ها ،دفشتو عنها بقوة ،لَ يرن صدى صفعة قوية علمت فيها أصابعها ع خدودو

قربت بخطواتها لعندو لتحكي بعصبية ،شادة ع سنانها بقوة
ماوي : أوعك تفكر بحالتك هي ممكن أني أبقى أو قرب ، تعبت كتير على ماوية القوية أوعك تحاول تخرب أعداداتي

لساتو حاطط أيدو مكان الكف يلي صفعتو ياه ،وكأنو صحي عنجد ،على واقع تركتو فيه ماوية عم يصارع حالو فيه ،عم يحاول ليتلفظ بأي كلمة لتخليها تبقى ،بس شعور العجز طغى ع قلبو أول ماتركتو عم يتخبط بِ الصورة الواضحة يلي تركتلو ياها وبخطواتها الاخيرة أعلنت رحيلها عنو ، مشيت تاركة وراها جسد منكوب عم ينعيها وكأن حُبه إلها أقسم يهشمله روحه على الدوام ، عم يشوفها وهي بتغيب عن عيونه ودموعه كاسرته ، سحب نفسه بصعوبة باتجه سيارته
وجعه كاد يهدّه مو قادر يحمله وحده كان لابد كتف يسانده يخفف عنه يشاركه انكساره من جديد ..
مجرد ماوصل قدام البيت نزل من سيارته واتجه للباب يدقه ثواني وفتحتلو الباب ، انصدمت لرؤيته بهالحال باستغراب سألته
رانيا : استاذ عُبادة !! خير شوفيك ؟
مسح على وجهه ليداري حاله قبالها ..
عُبادة : وطن موجود !
رانيا : اي اي موجود بغرفته تفضل
تركها واتجه لغرفته بسرعة..

فتح الباب ودخل من دون يادقه ، كان متسطح على التخت رامي مخدة على وجهه ليحاول ينام قام من تخته نأزان من دخوله المفاجئ عليه
وطن : بسم الله الرحمن الرحيم ايمتا جيت انت
عُبادة : مبارحة بس نسيت خبرك
رمى نفسه عَ الكنبة وغمض عيونه
خوفه منظره بزيادة عيونه الحمر وحالها المنكوب ، شعور لا إرادي اتسلل لقلبه بأنه قابل ماوية ، قعد جنبه وهو بيسأله ..
وطن : التقيتو ؟
عُبادة : اي
وطن : شو صار ؟
.
.
اتجهت للمطبخ وهي بتداري دموعها..
رانيا : شكران دخيل عينك خدي تنين قهوة لغرفة وطن رفيقه عنده
شكران : من عيوني بس خير انسة رانيا فيكي شي انتي ؟
رانيا : لا ابداً راسي واجعني شوي
شكران : بتحبي اعملك شي ؟
رانيا : لا يسلمو حبيبتي حأرتاح بغرفتي
شكران : معافاية يارب

تركتها بالمطبخ وفاتت ع غرفتها عم تحاول تداري شهقاتها المكتومة ،أول ما فاتت وشعرت بأنها حرة وقادرة تخلي دموعها تنزل ارتمت بقوة عَ تختها

مسحت بِ إيديها عَ ملامحها مُحاولة منها لتهدى من جوّى ،بس عند أول مُحاولة فشلت ،لتقوم بسرعة وتبلش دموعها تتكافت عَ خدودها ، بندم عم تسترجع كل شي صار بينها وبين ماوي ، لوهلة شعرت بِ لسعة نار اجتاحت قلبها أول ما أتذكرت كلام ماوي لتهمس لنفسها

رانيا : معها حق أنا يلي دسّيت هالأفعى بيننا ، بس شو بيعلّمني بالغيب أنا

قويت صرخاتها لتضرب ع المخدّة ضربات متتالية
رانيا : شوو دخلني ما أنا أنخدعت متلي متلهن ، ليش عم تحملني ذنب كل شي أنا

مسحت دموعها وبلّشت تهدي حالها لتحكي بِ عجز ،وكأنها عم تنقنع حالها لتحافظ ع ثباتها
رانيا : أهدي رانيا ،ماوية معصبة مو أكتر وأنتي رح تتفهميا صح !!

صرخت أكتر وهي عم تاخد موبايلها
رانيا : بس انتي ماني ساكتلك ، حقيرررة خربتي كل شي

بلّشت ترن لَ خلود ، ل ترد بعد تاني أتصال

خلود : رانيا !! أهلين يا عمري
رانيا : ولك يخرب بيتك ،كيف الك عين تحكي طبيعي بعد كل شي صار
خلود : لا تقليلي أنك مصدقة أصلاً يلي صار
رانيا : لكن بدك سدقك انتي !!! ما أنتِ اعترفتي بكل شي ، ولك كييييف اجا من قلبك تخوني ثقتي فيكي

خلود : رانيا أنتي بتعرفي انك عندي غير ومعزتك بقلبي كبيرة ،بس والله يلي صار مجرد مزحة يعني ما كان قصدي توصل لهون
رانيا : مزحةةة !!! وما كان ببالك توصل لهون ، لوين كنتي ناوية توصليها لكن !!! يلي عملتيه أنتي خباثة موو مزحة

خلود : والله مو بقصدي رانيا
صرخت رانيا بقوة ممزوجة بدموع وهي بتجاوبها

رانيا : ولككك بكفييي ، بكفي تستغبيني مفكرتيني رانيا الهبلة يلي وثقت فيكي زمان !!! ولك أنا حكيتلك أسرار الكل ، لك دخلتك بيننا غصب عن الكل هيك بتجازيني

صرخت خلود بِ نفاذ صبر لتقلها
خلود : اييييييييي ايييييي فهمنا بقاااا لتكوني هديتيني الحياة لما فوتيني بينكن ولا لما حكيتيلي اسرارهن ولك تضربي منك لألهن للساعه يلي عرفتكن فيها ما أخبث منك إلا الشلة المتباهية فيها وعم تخانقيني مشانها

رانيا : حقييرةةةة

خلود : خليني كون حقيرة بوجهك احسن ما كون متل ماوية بمية وجه ، ان شاء الله تكوني شفتي وجها الحقيقي لأنو من خلقتك مبين انها مقلعتك وكاببتك متل الزبالة يا زبالة ،انقلعي بوسي الصرامي ليرجعوكي معهن يلا من هون يلا

سكرت الخط خلود تاركة رانيا بصدمتها عاجزة انها تحكي أو ترد بحرف

اكتفت بِ دموعها يلي أقسمت تبقى عم تنزل لتريح قلبها المكسور لتريح أعصابها المنهارة ، لتريح كل خلية بجمسها عم تتّاكل ندم ..

تركت موبايلها ع طرف وتسطحت ، غمضت عيونها بقوة لتهرب من هالواقع بس عبث كان دموعها ماعم تسمحلها حتى بأنو تنام
.
.
كان عم يشوف انكساره بدموعه الي عاجز أنه يخفيها ألمه على فُقدانها اليوم هدّه ، وكأنوا بصيص الأمل الي كان محاوطه اختفى ليبقى وحيد عاجز عن إرجاعها لروحه من جديد ..

بألم على حاله اقترب منه وهو بيربت على كتفه ..
وطن : اهدى عُبادة صدقني هي كلها ردة فعل متوقعة منها ذاتاً ما انت بتعرفها منيح ماوية هيك !
زفر بقهر وضيق معتلي صدره وخو بيمسح دموعه بإيديه ..
عُبادة : طلعت مابعرفها طلعت واحد غبي ندل شكيت فيها هنتها عملت ابشع شص بحقها وبتقلي هي ردة فعل بس ! كل عمرها مارح تسامحني كل عمرها ما مُمكن تطلع بوجهي بقا وكلامها اليوم أكدلي هالشي
وطن : كلام خلود جننها عُبادة وخو الي خلاها توصل لهي النقطة انت ماشفتا هون جنت نظامي علقت هي ورانيا وتينا ليش كانت بتعرف وماخبرتا قومت القيامة هون وراحت تكمل فيك
عُبادة : ليش هديك ال** شو قالتلا !!
وطن : شي ريحتك من واحد مابيثق فيكي شي لو بحبك عنجد ما بتوصل لهون ومن هالحكي عَ كل حال أنا سجلت المكالمة بينهم بتحب تسمعها ؟
هزله راسه بمعنى اي وهو بيمسح على وجهه وشعره بقهر
وطن : تمام بس دقيقة
ترك الغرفة و طلع بإتجاه غرفة رانيا دق الباب بخفة و نطر كانت متسطحة بتختها و لسا بتبكي قرب منها و قعد ع طرف التخت و هو يمسح على شعراتها بخفة
وطن:اهدي ياعمري كل شي بيتصلح
من بين شهقاتها يلي ماعم تهدى حكت
رانيا:كيف بدي اهدى و انا خربت حياة اختي و دمرتها بغبائي، دمرت الشب الي حبتو شوف على حالهم هي و ياه بسبب غبائي و سبب اني وثقت بوحدة متل خلود
وطن:انتي ما الك ذنب شو عرفك انها رح تطلع هيك أصلاً
رانيا:كان لازم افصل محبتي الها و ثقتي الغبية فيها عن حياة ماوي الي ذنب و ذنب كبير، ماوية كل الوقت كانت رافضة خلود و رافضة انو تعرف شي عنها بس انا متل الغبية روح و احكيلها كلشي واحشرها معنا انا كنت السبب باللي وصلناله انا...
وطن: أهدي ياعمري أهدي كلشي بينحل صدقيني بس تهدا ماوية كلو رح نقدر نصلحه
رانيا: لازم نرجعهم هي و عبادة لبعض ماوية رغم كلشي لسا بتحبو
وطن:أكيد بس القصة لسا حامية بدنا ننطر ماوية فترة لتروق و تهدا ساعتها كلو قادرين نصلحو و منرجعهم لبعض
رانيا:أكيد وطن؟! أكيد حتنحل؟!
وطن:أكيد يا قلبي لا تشيلي هم شي ماوية انفعالية و عصبية كتير بس قلبها مافي اطيب منه كم يوم و لحالها بترجع طبيعية و بتنحل
رانيا:ان شاء الله يارب
وطن : هلأ عطيني تلفوتك سجلت مكالمة خلود و ماوية و بدي سمعها لعبادة
رانيا:طيب ياعمري خده
اخد التلفون و رجع ع غرفته كان عبادة لساه ع حاله

وطن: تأخرت عليك بس رانيا عاملة مناحة بعد خناقتها مع ناوية
عُبادة:ليش لعلقوا صحي شو دخلها رانيا بالسيرة
وطن:مو رانيا هي يلي دخلت خلود ع الشلة و حكتلها قصتك مع ماوية
عُبادة:اي؟
وطن:ماوية حطت الحق ع رانيا و هي معصبة ذاتاً خبصت بالمكي كتير مع الكل شبعرفني جن جنانها ، المهم هلأ هي المكالمة فتح التلفون وفتحله على تسجيل الفيديو

زاد ألمه وهو بيراقب ملامح الوجع بعيونها بصوتها وهي بتحاكي خلود ، كل شوي بيمسح دموعه الي عم تحجب الرؤية عنه ليزيد تمعن فيها ووجع عَ الحال الي وصلوا إله ، كان مجننه البرود والطريقة المستفزة الي خلود عم تحكي فيها مع ماوية

عُبادة : بنت ال**** شوف شو قاعدة تخبص وتحكي
وطن : لهيك ماوية كانت هالقد مكسورة ومقهورة كلام خلود ما خلّى عقل براسها
عُبادة : ال*** لو انها تقع بإيدي بسس

اخد التلفون منه ليقعد حدّه وهو بيحكي
وطن : خلود ما عادت هون وحتى لو كانت هون شو ما عملت مارح يتغير شي

عُبادة : لو أنها هون كنت قادر على الاقل فضي من غلي فيها بنت الحرام هي
وطن : مو المهم تفضي غلك فيها المهم نصلح الي صار
عُبادة : ليش بيتصلح !! حاسس حالي خسرتا اليوم للأبد وطن
وطن : اذا بتضلك هيك حاطط الحزن بالجرن وقاعد تنوح متل النسوان اي اكيد رح تضلك خسرانها للأبد
عُبادة : بلا مسخرتك بربك مو متحمل
وطن:مفكر عم امزح قاعد تنوح على أطلالها شو مستفيد من هالنواح رح ترجعلك مثلاً ؟؟
عُبادة : على غبائي الي بسببه خسرتها
وطن : حتى البكي عَ هاد ماعد بفيد خلص الي صار صار

صرخ فيه وهو بيحكي بعصبية
وطن : ياعمي تركني عيش حزني حتى بهي منغصني
وطن : ورصاص انت الي جيت دابق راسي قوم انقلع عيش حزنك بعيد عن راسي خليني اندفس
عُبادة : نومة أهل الكهف ماتفيق ريتك مو الحق عليك لك بكون حمار اذا ما برسبك السنة بالعلوم الي هي مادة أساسية بالمجموع وفرجيني حالك وانت عم تعيد البكالرويا سنة تالتة كرمال مادة براسها

وطن : ياعمي ندل مو بإيدك خلص قعود نقبر نكد على راحتك
عُبادة : بربك ولو شو اعمل !
وطن : بشو ؟؟
عُبادة : ماوية بدي رجعها الي
وطن : بدا صبر لك ابني القصة لسا تازة بدها وقت لتهدى
عُبادة : وانا مو قادر اصبر وطن ماعد فيي بكفي بُعد بقا النا اكتر 9 شهور معد قادر ضل عم شوفها من بعيد وكأنها حدا غريب عني عقلي ماعم يتحمل
وطن : طيب لك عمي بس كم يوم ع القليلة ذاتاً انا وياها ماعم نتحاكا هلأ مابقدر اعملك شي
عُبادة : ليه ماعم تتحاكوا !!
وطن : قلعتا من البيت اليوم
اتطلع فيه بصدمة وهو بيسأله ..
عُبادة : عم تحكي عنجد قلعتا !!
وطن : اي والله
عُبادة : لك يازبالة ليه هيك عملت فيا !!
وطن : قلتلك جن جنانها ماعد تهدى ولا خلت حدا من شرها
عُبادة : بتقوم بتقلعا الله يلعنك !!
وطن : مادخلك بيني وبينها انت التهي بصلحتك معها بكون احسن
عُبادة : اي صح منرجع لموضوعنا بربك وطن دبرها

زفر بتعب وهو بيقعد قباله
وطن : شو اعمل هات قلي !! اتصل عليها وقلا انا بنت خالتو وهو بالمشفى ؟؟ ولا اشخطلك ايدك وتنزلها ستوري وتكتب عليها الروح من بعدك ماتت ؟؟ ولا نزل ستوري إنا لله وإنا إليه راجعون ولما تسأل قلا عُبادة اتوفى وبعدين لما شوفها زعلت وندمت وصار بدها ياك قلا طلعت مخربط وليكو عايش ؟؟ ولا قلا عملت حادث وفتت بغيبوبة ولا قلا

عُبادة بمقاطعة : مشان ربك خراس خراس لعد تكفي
وطن بضحكة : شبك هي حلول ظريفة وسريعة
عُبادة : بدي حل جد مو مسخرة متلك
وطن : عُبادة والله العظيم حالياً مافي إلا الصبر انا بعرف ماوي كتير منيح من لما كنا صغار يعني حافظها بصم وحافظ ردود أفعالها وكيف بتفكر كتير منيح والضغط عليها هلأ ما حيزيدها الا جنان وعصبية يعني شايف بعز جنانها هلأ ! مو قلعتها انا ؟ عندها اهون من اني روح ضمها وواسيها ماوية لما توصل لهي النقطة هي بحاجة نفسها وبس بحاجة تنام وتهدا لتقدر ترجع تفكر بعقلها لهيك بدك تستنى لتبرد القصة شوؤ وتصير قادرة تستوعب شو الواحد عم يحكي معها وتتجاوب غير هيك مستحييييل

زفر بتنهيدة وهو بيمسح على وجهه بعصبية
عُبادة : شو هالمخ الي ناتعته هي كمان !!
وطن : والله اسف يعني بس ما مخك الا مخها
.
.
حطت اخر صحن عَ الطاولة وهي بتنده بصوتها العالي
ام ماجد : لك يا زفت قوم فيق بقاااا ، ماااااجد
دخل بخفة وحضنها من ورى وهو ببوس راسها ماجد : شبها ست الكل مو رايقة اليوم معصبة عَ الصبح
ضربت على كفته وهي بتبعدوا عنها ..
ام ماجد: من ورى نومك الزبالة النا ساعتين انا وابوك منفيق فيك
قرب من الطاولة اخدة زيتونة من الصحن لياكلها وهو بيحكيلا
ماجد : هلأ الخمس دقايق صاروا ساعتين رموشة
دخل من الباب وهو بجاوبه ..

ابو ماجد : خمس دقايق ؟؟ شربنا القهوة مرتين وامك رح تخلص تحضير القهوة وحضرة جنابك ماعد تفيق
ماجد : مو مشكلة ذاتاً ما عبالي قهوة جوعان
ام ماجد : طالع الخبز من البراد خلصت
ماجد : امرك رموشة خانم
أبو ماجد : ليش ما ندهتي لماوية مو قلتيلي رجعت؟
أم ماجد : مبلا بغرفتها بس ما رضيانة تفطر
ماجد : ليه وين كانت من الصبح؟
أم ماجد : اتصل عليها إيهاب و اخدها ع بيت وطن مدري شو عندهم رجعت متخانقة معهم
ماجد بأستغراب : عنجد!!
أم ماجد : اي ولله رجعت فارطة بكي سألتا شوفي حكتلي متخانقة هي و ياهم
أبو ماجد : غريب شو بدو يكون صاير؟
أم ماجد: ما حكتلي قال بدها تنام
ماجد: رح شوفها
أم ماجد : ما تعزب حالك أختك بتعرف طبعها تركها لتروق
ماجد : منجرب بلشوا انتوا لا تنتظروني
أم ماجد : طيب
ترك السفر و اتجه لغرفتها دق الباب بخفة و دخل كانت متسطحة و غامرة حالها بالغطا
قرب قعد حدّها و هو بيسمع شهقاتها من تحت الغطا ، بهدوء سحبه عنها وهو بيمسح على راسها بخفة
ماجد : شبها حبيبة اخوها ؟
مجرد ما سمعت كلمتو زاد بكاها اكتر قربها لحضنه و ضمها بقوة
ماجد : بسم الله عليكي روحي شو صاير معك ؟
من بين شهقاتها ألي ما عم تهدا جاوبته
ماوي: علقت انا و ياهم
ماجد : مشان شو ، شو إلي صار ؟
ماوي : ........
ماجد: شو ياعيون أخوكي شو يلي عم يصير معك ؟؟
جلست حالها وضمته بقوة ليزداد بكائها ومن بين شهقاتها تقلو

ماوية : اليوم أنا خسرت الكل ،خسرتهن واحد واحد ،مو عرفانة على مين لازم أبكي ولا مين لازم لوم ،لوم حالي لأني بسبب كذبة صغيرة كذبتها خسرته وخسارتي اله خسرتني ياهم هنن كمان ،ولا لومهم الهم ..هو يلي كسر كلشي بسبب غبائو صدق وحدة بنت حرام

ولا هنن وحدة دخلتها بيننا والتانية خبت عليي أنها بتعرف الحقيقة كاملة وتركتني عم احترق وهداك الغبي يلي وقف بصف أختو ورموي برّا بكل دم بارد ، أنا !! أنا ماجد

حروفها خانتها هربت منها لتتركها عاجزة وحيدة مو قادرة تفهمه شو عم تحس وبالنار يلي عم تاكل بقايا قلبها المكسور، بعجز وغصة ممزوجة بحرقة قلب مسحت دموعها بكفوف ايديها وكملت

ماوي : أنا تعبت ماجد تعب حاسة روحي من كتر ماتعبت مني تركتني ومشيت ،انطفيت ماعد عندي طاقة اتحمل هاد كله

مسح على شعرها بألم على حالها وهو بيسألها

ماجد : تقابلتو؟؟
هزتله براسها وهية لسا بتبكي
ماجد : شو صار شو حكالك ؟؟؟

ماوي : بده نرجع بدو ياني أنسى كلشي وكمل معو تركتو ومشيت
ماجد : طيب ما انتي بتحبيه لسا؟؟؟

بعجز واضح من نبرة صوتها ودموع أقسمت ماتفارقها جاوبتو
ماوي : أي بحبو بس حبي الو مابكفي هالمرة ..أنا ما بوثق فيه ماعندي القدرة لأمّن أمسك أيده من جديد وبخاف ماجد بخاف بأيا لحظة يتخلا ويترك أيدي متل ماعمل من قبل بخاف تدخل كذبة جديدة بيننا ويسمحلها ويرجع يكسرني ،ماقادرة سامحو ولا أنسا يلي عملو فيني لهلأ ،كيف بقا بدي أرجع معو من جديد ؟؟

مسك كف ايدها وشد عليها بخفة وهو بيمسحلا شعراتها بحنان

ماجد : أختي حبيبتي معك حق صعبة وكتييير ، بس لاتاخدي قرار وانتي بهيك حالة ،اهدي لتروقي وتصيري قادرة تفكري منيح

ماوي : ما بدي اهدى ولا روق ذاتاً انا هادية و متأكدة من قراري بس قلبي واجعني
ماجد : سلامة قلبك يا عُمري انتي و مشان الشلة كمان كلو تركي هلأ لا تفكري بشي تمام ؟
ماوي : اوووف تعبت ولله
ماجد : تؤبريني ارتاحي يا قلبي و كلو بينحل بوقته لا تشيلي هم شي و يلا هلأ قومي على الفطور ناطرينا ما بلشوا
ماوي : مالي نفس لشي الله يخليك قلهم تعبانة و بدها تنام هلأ و بس
ماجد : روحي انتي قومي كلي و تعي نامي
ماوي : ولله مو قادرة معدتي م متقبلة شي بالمرة بس لفيق باكل
ماجد : طيب روحي ، نومات الهنا
رجعت اتسطحت مكانها غطاها منيح و اتجه للمطبخ

ابو ماجد : شو صار
ماجد : متل العادة بس صار معها شي بدها تنام وبس
ام ماجد : ماعرفت ليه متخانقين !
ماجد : شغلة فاضية بس هي محملتا زيادة يومين وبيتصالحوا
ابو ماجد : الله يهدي بالهم
ماجد : امين يارب
.
.
مع حلول المسا كان متسطح بتخته و عُبادة الصغير بحضنه نايم صحي على دفشة الباب و ذهول طارق منو
طارق: حاسس شهرين تلاتة بلاقيك قالب نفوس هالصبي ع اسمك و أخدو ليل نهار
جاوبه هو و عم يتاوب من النعس
عُبادة : استنى ان شاء الله بس كم يوم حتى مو كم شهر
طارق : معلش تعطينا ياه نشبع منه هالكم يوم
عُبادة : هئ نايم و انا بدي كمل نوم طلاع لبرا
طارق: تكمل نوم ؟ ياسمينة خانم حالفة يمين اذا خلال دقيقة ما بتكون قدامها بالصالون لتفتلك بالشحاطة
عُبادة : بربك ولو ما شبعت نوم
طارق : ولله مالي علاقة تفاهموا انت و هي لما تفوت بالشحاطة

قرّب منه حمل عُبادة الصغير من جنبه وطلع وهو بيحكيله
طارق : صارت على وشك انها تقملك لحق حالك
عُبادة : يلا جيت
قام من تخته واتجه للحمام غسّل وجهه وطلع باتجاه الصالون كانوا كلهم مجتمعين وعُبادة إبن طارق بحضن عليا ، قرّب منها حمله وهو بيمسي عليهم
عُبادة : مسالخير
الكل : مسالنور
تينا : نومة حمار جدي أديه الك نايم
ياسمينة : من لل12 ونص
تينا : يفضح عينك الك 9 ساعات سحبة وحدة
عُبادة : مانمت كل الليل شو اعملك

قعد عَ الكنباية وهو ببوس بِ عُبادة وبيلعبله بإيده بعد ما فيقه
ياسمينة : لك امي تروك الصبي صرلك يومين السعلة ماعم تتركك بلا ما تعديه ويمرض
عُبادة : لا تخافي عليه قوي لعمه هو مابهمه المرض
عليا : قصده لا تخافي عداه وخلص
عُبادة بضحكة : هيك شي
طارق : ترى سعلتك هي مو عادية صار لازمها دكتور ضروري
عُبادة : بكرى حشوف عندي صديق قديم دكتور بدي روح عنده
عليا بضحكة : اووووو شو الي غيرك يازمن كانت ماما ياسمينة تعجز فيك بس تمرض تروح عَ دكتور ، راكد لحالك هالمرة وبكرى كمان
عُبادة : والله علوشة دابحني صدري والسعلة كتير كتير متعبة
ياسمينة : والله واعلم صدرك ملتهب
عُبادة : هيك شكلو
يتبع

حسنائي الغامضة
الجزء الحادي عشر

تينا : من الدخان
عُبادة : خرسي بربك انتي
ياسمينة : والله معها حق لانو الي عم تدخنه انت صاير جنان مو شي عادي
طارق : استني بإذن الله بكرى اول شغة حيمنعك منها هي الدخان
عُبادة : استلمتوني يعني !
طارق : عم نحكي مشان الجيران لانه نحنا
تينا: بلا نقاركم هلأ في برنامج مسابقات كتير حلو خلونا نتفرج عليه احسن

عُبادة : احسن شي قومي حطي قومي
تينا : يلا
.
.
مع صباح يوم جديد دخلت من باب الصف بكآبتها الطاغية على ملامحها مجرد ما دخلت عيونهم توجهت للباب عليها كانت حاسة بنظراتهم عليها لهيك حاولت ما توجه نظرها ناحهم
مشيت ناح الجهة التانية لآخر مقعد كان هو المقعد الوحيد الي فيه طالب واحد بس وقفت قباله و بلطف حكت
ماوي : صباح الخير
بدر : صباح النور
ماوي : بقدر صير اقعد جنبك اذا ما عندك مانع طبعاً
بدر : ولو مانع شو يا بنت تفضلي اقعدي
حمل كتبه عن المقعد و وسعلها مكان لتقعد جنبه ، كانت متجاهلة نظراتهم الي حاسة فيها تماماً
دقايق قليلة ودخل الاستاذ لتبدأ الحصة ، سحبت الشنتة حطتها عَ المقعدة وركت راسها عليها وهي بتفكر كيف حتقابله بالحصة الي بعدها .. مرقت الحصة بلا ما تحس فيها او بالاصح بلا تسمع لحرف فيها تفكيرها بلقائه بالحصة الي بعدها كان مسيطر عليها ومشوش تفكيرها ..
رجف قلبها مع رنّة الجرس الي أعلنت انتهاء الحصة الاولى طلع الاستاذ وعيونها عَ الباب ناطرة دخلته ، مجرد ما انفتح الباب نزلت نظرها مو مستعدة للقاء عيونهم بعد مبارحة ، اتفاجأت لما سمعت صوت الموجه غسان بصبح عليهم مو صوته ، رفعت راسها كان هو الي داخل ، وقفت مع الطلاب الي وقفوا احتراماً لدخلته ..
غسان : صباح الخير
الطلاب : صباح النور
غسان : جلوس ، عندكم علوم هي الحصة صح ؟
وطن : اي استاذ
غسان: والحصة الخامسة كيمياء للاستاذ احمد !
وطن : اي بس الاستاذ احمد الو حصتين ماعم يجي امه متوفيه عم نطلع فراغ
غسان : تمام وهاد الدرس كمان مو جاية لهيك رح تطلعوا هلأ فراغ بدل الحصة الخامسة والحصة الخامسة الاستاذ عُبادة بيعطيكم مادته بدل هلأ
إيهاب: ليه الاستاذ عُبادة مو جاية ؟
غسان : رح يجي بس متأخر عنده موعد عند الدكتور
بخوف كسح قلبها سألت على الفور
ماوية : خير شوفيه !!!
غسان : ليجي بتسألوه يلا عَ الباحة
تركهم و طلع من الصف ليبدأوا الطلاب بالنزلة للباحة واحد ورى التاني ، الا هي سحبت كُتبها عن المقعد وركت راسها عليه وغمضت عيونها ..

قرّب منها قبل مايطلع من المقعد وسألها

بدر : ما رح تنزلي ع الباحة ؟
ماوي : لا مو جاية عبالي
قرب منها وبهمس سألها
بدر : قلقانة على عُبادة ؟

اتطلعت فيها بإستغراب و كأنها بتستفسر عن معرفته بأمرهم ، من تعابير وجها كان عارف السؤال الي يراود تفكيرها
بدر بضحكة : مو بس انا كل الصف بيعرف انو في شي بينكم

بإستنكار سريع ردت ع كلامه
ماوي : لا مو صحيح مافي شي بيني و بينه مجرد استاذ قديم مو اكتر
بدر: ههههه تمام انا نازل
ماوي: طيب

نزل لتبقى وحدها بالصف غمضت عيونها بهدوء لتنرسم صورته قبالها ، جلست حالها على المقعد وبتعب همست لنفسها
ماوي : الله يخليك طلاع من راسي الله يخليك
.
.

كانوا قاعدين بمكانهم المعتاد و تينا بتحكيلهم عن مرضة عُبادة
إيهاب : كان باين عليه مبارحة تعبان كتير ولله
وطن : الله يشفيه و يعافيه يارب
تينا : امين بس شو مشان ماوية ؟ ما بدنا نحكيا نفرط هالسيرة بقا ؟
وطن : انا برأيي نروح لعندا بعد الدوام ع البيت ازبط من هون
إيهاب : أي احسن
تينا : بس هيك ح تبقى لحالها اليوم كلو !!
إيهاب : باعتبار انو انا الوحيد إلي نفدت من جنانها مبارحة رح روح لعندا انا
وطن : اي منيح بتطمنها على عُبادة اكيد بالها مشغول عليه
تينا: اكيد ، بس لحظة صحي قلكم
إيهاب ، وطن : شو
تينا : لما تشوفوا عُبادة اصحكم تخبروه انو ماوية سألت عنه بالصف أو انو ايهاب رح يطمنها عنه هلأ
وطن : ليش ؟
تينا : نحنا اكيد بدنا ياهم يتصالحوا بس بنفس الوقت لازم يعرف انو هي مو سهلة بيرجعها بيومين تركوه يتعذب شوي
وطن : كلشي هو فيه عذاب ، بدك ياه يتعذب كمان ؟ رح يموت الرجال الا شوي !!
تينا : ولله الرجال طول ما الشغلة قدامهم و وسهل الحصول عليا بتضلا آخر همهم و مجرد ما فقدوها بجن جنانهم عليها وكأنوا مو بإيدهم ضيعوها
إيهاب : احم صارت السيرة فيها أحاديث ملغومة لهيك الأحسن اترككم تاخدوا راحتكم بتسميع الحكي لبعض وروح

تركهم و اتجه ناحية الصف مجرد ما مشي همّت بالمشي هي كمان إلا انه ايد وطن استوقفها
وطن : وقفي شوي
تينا : شو ؟
وطن : الحكي كان تلطيش إلي كمان مو ؟
تينا : بتعرف شو ؟

وطن : شو ؟
تينا : من اول ما تعرفت عليكم و انا بظن انو إيهاب اغباكم بس هلأ كتشفت انو كان ظني غلط
وطن : شو يعني ؟
تينا : حتى هي بدي اشرحلك ياها ؟ تركني بربك بدي روح
وطن : وين رايحة ؟
تينا : شو دخلك ؟
وطن : بالله عنجد انتي من ايمتى بتردي عليي هيك رد ؟
تينا : من هلأ
حاولت تسحب ايده عنها بس كان ماسكها بقوة كبيرة
تينا : بلا ولدنة تركني روح
وطن : وين رايحة ؟
تينا : ع الكانتين بدي جيب مي
وطن : منروح سوا
ترك إيدها و هو بيضحك ع كلامها
وطن : لا شكراً انتي لا تتأخري روحي ع الحمام دغري انا بجبلك مي
تينا : طيب
.
.
وصل ع الصف ما كان موجود غيرها لساتها ع حالها من لما طلعوا ، قرّب منها بهدوء و قعد جنبها بدأ يمسح ع شعرها بحنية
إيهاب : لسا الحلو زعلان !
ماوي : قلبه محروق مو بس زعلان
إيهاب : يعني عرفانة حالك حلوة ؟
على الفور ضحكتها غمرت وجهها
إيهاب : اي ها ضحكي ولو ولله بتتباشعي لما تزعلي
ماوي : ولله شكراً و نعم المواساة يعني
إيهاب : مواساة شو لك اختي هدوك الحمير اليوم المسا بتتصالحي معهم و عُبادة ها ليكه مصبح مّسي عند الدكتور حيقله آخر أيامه بموت و منرتاح منه

جلست حالها عن المقعد و ضربته على صدره بقوة وهي بتحكي
ماوي : بعيد يا **** و لعية ان شاء الله لا تحكي هيك
إيهاب : عم نمزح ولوو
ماوي : لا تنضرب تحكي هيك
إيهاب : طيب اوك مارح احكي بهيك شي هاتي شو بتحبي نحكي ؟
ماوي : بيني و بينك بضل سر ؟
إيهاب : شو فيه عُبادة !
هزتله براسها بمعنى اي ليجاوبها دغري
إيهاب : لا تخافي مافيه شي خطر بس من لما شلفتي شلفة الكلاب مقضيها عم يتنفس و ياكل و يشرب دخان لهيك صدره تعبان كتيير
ماوي بقلق : هيك بس ؟
إيهاب: اي والله بس هيك مافي شي تاني ، هاد جانن على فراق الحُب ياعمي ليكي انا براهنك هلأ اذا رجعتيلو بطيب دغري وبيرجع متل القرد
ماوي : خراس وغير السيرة
إيهاب : أمرك اي هاتي ليش غيرتي مقعدك و قعدتي جنب هاد الغليظ ؟
ماوي : ما بدي اقعد جنبهم
إيهاب : كان شلفنا تينا جنب وطن و قعدنا انا و انتي
ماوي : ما بدي هون مرتاحة
إيهاب : ولله ما اغلظ من بدر إلا انتي
ماوي : نننن باقي دقيقتين وبرن الجرس رجاع لمقعدك
إيهاب : راجع بس قبل في شغلة
ماوي : شو؟
أيهاب : شو منشانك انتي و الي برا ؟
ماوي : خليهم يجوا لعندي بعد الدوام ع البيت و يجيبولي هدية برطيل يعني ويترجوني شوي بعمل حالي بالبداية تقيلة بعدين برضى و منتصالح
إيهاب : اتفقنا
ماوي : بس اعمل انو هاد إقتراحك و منك مو أنا يلي قلتلك
إيهاب : طيب ماشي بس في شي هدية معينة براسك؟
ماوي : في بسوق مدحت باشا بالشام القديمة محل بيع رسمات لفنانين ابيض و اسود شب بيرسم عنده و هيك شغل براوز و انتيكا و هالقصص عرفته؟
إيهاب : اي عرفته
ماوي : عنده رسمات لكاظم جيبولي وحدة مع بروازها
إيهاب : يفضح عينك اللوحة عنده حقها هديك الحسبة
ماوي : ولله محدا قلهم يزعلوني
إيهاب : يلا يعني صارت و صارت
ماوي : هيك شي ولله
إيهاب : ماشي
مع رنة الجرس قام لمقعده ثواني و دخلت تينا قعدت بمقعدها و بدأوا الطلاب بالدخول على الصف
إيهاب : وين وطن ؟
تينا : ههههه ناطرني بالباحة
إيهاب : ما قلتيلو انك طالعة ع الصف ؟
تينا : من لما طلعت انت قلتلو رايحة ع الحمام و قال لا تتأخري ناطرك فا انا ما رجعت
إيهاب : قوية توتة خانم احسنتي
تينا بضحكة : هههه بعجبك
.
.
وقت قصير ودخل بانت ملامح العصبية على وجهه لما شافها قاعدة بمكانها اتجه ناحها وقعد بالمقعد وبحدّة حكالها ..

وطن : انتي وهون وانا الي ساعة ناطرك ! ليه ماخبرتيني انك جاية ع الصف دغري ؟
تينا : ليه بدي خبرك ؟
وطن : تينا ليه هيك عم تتعاملي معي !!
تينا : كأنوا حكينا مبارحة ونهينا الموضوع الي بينا
وطن : أنتي حكيتي وأنتي نهيتي
تينا : شو يعني ؟؟
وطن : يعني انا لا حكيت ولا نهيت شي
تينا بضحكة : هههههه مو لتكون عملت شي من قبل او حكيت شي لتنهي !
وطن : ...........
تينا : اجا الاستاذ قوم لمكانك قوم
سحب كتبه وشنته من ورى من دون ما يتحرك من جنبها ..
بدأ الاستاذ الدرس لتتكافت الحصص ورى بعضها وتجي الحصة الخامسة

من لما رن الجرس ليعلن الحصة وعيونها مراقبة دخلته من الباب وماهي الا ثواني معدودة وكان داخل من باب الصف ..
عيونه اتجهت لمكانها ليشوفه فاضي مما خلاه يظن أنها غايبة ، اتنهد بضيق ودخل لناح طاولته حط اغراضه عليها وهو بيمسي عليهم
عُبادة : ضهر الخير
الطلاب : ضهر الخير استاذ ، عليك العافية
عُبادة : الله يعافيكم بس على شو ؟
واحد من الطلاب : مو كنت عند الدكتور اليوم
عُبادة : شو دراكم انتو ؟
إيهاب : الاستاذ غسان خير شو فيك استاذ ؟
عُبادة : شغلة فاضية شوية تعب يلا هاتوا شو عنا اليوم؟
بدر : عنا وظيفة استاذ بدك تشوفها

وجه نظره إله وهو بيحكي لينصدم فيها قاعدة جنبه ، حست بملامح العصبية الي اتغللت وجهه فوراً

لف وجهه للطرف الثاني وهو بحاول مايلفت نظر قعد على طاولته وهو بيحكيلهم

عُبادة : هاتوا الوظايف لعندي

بدأوا واحد ورى التاني يطلعوا لعنده وحاملين الوظيفة بإيدهم وهو كل ثانية والتانية عيونه بتتطاير ناحها هي وبدر الي مندحش فيها بشكل واضح ، مجرد ماوصل الدور لعندها حملت دفترها وطلعت لعنده ، اخد منها دفترها وبدأ يشوف الوظيفة ثواني وعطاها الدفتر بعد ما كتبلها شي بنهاية الصفحة ، رجعت لمقعدها وهي بتقرأ الي كتبه وبتحاول تداري ابتسامة شيطانية انرسمت على وجهها ( كان كاتبلها : رجعي لمقعدك القديم وتركي عقل براسي بلا ماجن بنص الدرس ) ، بمكر قعدت جنب بدر ولزقت فيه وهي بتراقب نيران الغضب الي عم تشتعل بعيونه ، كانت عارفة منيح كتير الشي الوحيد الي ما بيقدر يسيطر عليه او يكتمه مهما كان الوضع بينهم هو غيرته عليا

اتقصدت كل شوي تتقرب من بدر اكتر بحجة قلم او كتاب او حتى بالقعدة ، وشظايا غضبه اثناء شرح الدرس والنظر الهم بتتطاير ناحها وناحه بالاخص لما لمح تقصد بدر كمان بالتقرب منها ..
اجته الفرصة على طبق من دهب لما ماوية التفت لبدر وهمستله بكلمة اتحججت انها مافهمتها ورى عُبادة ، بعصبية واضحة وقف بنص الدرس وهو بيشبك ايديه ببعض وبيحكي موجه الكلام الها
عُبادة : انسة ماوية فيني افهم شو هالحديث المهم بينك وبين زميلك لحتى تاركة الدرس وقاعدة ترغي معه ؟؟

اتطلعت فيه بدهشة وهي بتجاوبه
ماوي : ماعم احكي معه كان بس بدي اسأله
عُبادة بمقاطعة : طلعي برى الدرس وتبقى بس تنتهي الحصة كملي أسألتك المهمة معه
ماوي بحرج : استاذ بس
عُبادة : برى الصف قلت احسن ما احرمك من حصصي كمان باقي السنة
ماوي : حاضر
بإنزعاج سحبت حالها وطلعت برى الصف اما هو بإرتياح داخله التفت ليكمل الدرس ، مع رنة الجرس الي اعلنت نهاية الحصة الخامسة وبدء الاخيرة لملم اغراضه وطلع بإتجاه غرفته ، حط كُتبه على الطاولة وقعد على كرسيه غمض عيونه بتعب لتجي صورتها بخياله بملامحها العصبية الي طلعت فيا من الصف
ابتسم بحب وهو بيهمس بينه وبين نفسه
عُبادة : معلش عصبي شوي بس مايكون حدا قريب منك حسنائي
قطع شروده دقة اندقت عَ باب غرفته جلس قعدته منيح وهو بيحكي
عُبادة : اتفضل
دخلت بملامحها المعصبة ذاتها ، اتقدمت لهدوء ناحه بعد ما سكرت الباب شي بسيط بحيث ما يكون اتسكر نهائي عليهم ، استغرب من دخولها وقام متجه لعندها ..
عُبادة : ليه مانك بالدرس ؟
ماوي بصوف خافت : بدي احكي معك استاذ
مجرد ما نطقت كلمة استاذ اجا لراسه الكف الي اكله منها مبارحة ليحكي بينه وبين نفسه بضحكة
عُبادة : مبارح بتضربني كف واليوم بكل أدب واقفة تقلي استاذ ولا كأنها عاملة شي والله مجنونة هالبنت !
دارى ضحكته من كلمة استاذ وهو بيجاوبها
عُبادة : اتفضلي
ماوي : ليش قلعتني من الدرس !
عُبادة : لانك كنتي عم تحكي مع بدر
ماوي : ليش ماقلعت بدر كمان ؟
عُبادة : مشان ما تكملوا الحديث برى
ماوي : انا كان بدي أسأله على شغلة مافهمتا على خطك بس
عُبادة : ها والله ؟ ماعرفتي تسأليني الي يعني ؟
ماوي : شغلة تافهة ماكنت حابة وقفك عن الدرس لاعرفا
جاوبها بصوت هامس كتيير
عُبادة : مابهمني شو كنتي عم تحكي معه ماوية بهمني انك كنتي عم تحكي معه وبس وبعدين ليه مارجعتي لمقعدك ، ذاتاً شو قعدك جنبه فيني افهم ؟
ماوي : عفواً استاذ بس انت ما الك علاقة وين بقعد وليش
عُبادة : ها والله ؟
ماوي : اي استاذ
اتخطاها ليسكر الباب والتفت الها وهو بيحكي بإستهزاء ممزوج بعصبية عم يجاهد ليكبتها جواته ..
عُبادة : اي استاذ قلتيلي ومالي علاقة مع مين بتقعدي وليش ! ليكي ماوية عملي الي بدك ياه عيطي احكي خبصي شو مابدك اعملي ، لك ياستي شفتي كف مبارحة ! لو ريحك مقدار ذرة رجعي عيدي رضيان لك بنتي والله رضيان بس اوعك اوعكككك تحاولي تنفيني من حياتك بهي الطريقة ، اوعككك تحاولي ترجعيني غريب عنك لانو بهي الطريقة بتكوني عم تقتليني ماوية بتكوني عم تدمري عُبادة ع الاخير فهم

الصمت سيطر عليه وهو بيتطلع فيها بقلق بعد ما انتبه لجمودها المو طبيعي
كانت واقفة بصلابة لون وجهها مايل للاصفرار بشكل واضح وعيونها الخايفة متحهة ناح الباب

عُبادة : ماوي بسم الله عليكي شو فيكي!!
ماوي : ............
بخوف وقلق عليها وبتردد كبير منه مد إيده ليلامس اصابعها الناعمة بهدوء وهو بيحكيلا
عُبادة : حبيبي شو فيكي !!
برعشة خوف من لمسته نفضت جسدها ورجعت لورى بزيادة ، خوفته على حالها بزيادة
عُبادة : كرمال الله شو فيكي شو صرلك ماعصبت هالقد لتخافي لهي الدرجة !!

برجفة محتاحة جسدها وشفافها بعيون بدأت تتجمع فيها دموع الخوف نطقت
ماوي : ماعم اقدر مافيني كرمال الله فتحه
عُبادة : شو هو ياعمري ماوية شبك شو افتح!!
مسحت دعومها الي سارعوا بالنزول على خدودها وهي بتجاوبه
ماوي: الباب لا تسكر علينا باب غرفتك الله يخليك افتحه ماعم اقدر طلع من راسي هداك اليوم

كان عم يشوف نظرات الخوف منه بعيونها وكأنها سكاكين بتقطع بقلبه ماكان مستوعب انه صب بقلبها كل هالخوف هاد كل هالمشاعر البشعة هو خلقها بإيديه بقلب حسنائه الي كانت شايفة الدنيا فيه وبعيونه ..

قرب منها بوجع وقهر ، مسك إيديها بقوة كبيرة لحتى ماتقدر تسحبهم منه ، وعيونه بتراقب خوفها الي عم يزيد دموعها الي غرقت وجهها ورجفة إيديها الي ماعم تهدى بالمرة..
اتشجنت وبدأت تشد على جسدها بقوة لدرجة اضافرها انغرزت بكفوف إيديه وجرحته ..
بوجع على حالها وحاله وحرقة قلب ع الي وصلوا إله نطق بنبرة ترجي كبيرة ..

عُبادة : الله يخليكي لبقى تطلعي فيي هيك لبقى تخافي مني كرمال الله عم تقتليني ماوية عم موت والله عم موت كل مابشوف منك هاد الخوف تجاهي كل ماعم شوف هالنظرات منك

بصوتها الي عم يرجف جاوبته ..
ماوي : ماعم اقدر والله ، والله مافيني
عُبادة : مارح أأذيكي يانور عيوني والله مارح أأذيكي لا تطلعي فيي هيك
ماوي : مو بإيدي بترجاك عُبادة فتاح الباب وبعد عني عُبادة والله ماقادرة اتحمل ارحمني وبعود

شدها لصدره بقوة ضمها حاولت تبعد عنه بس كان شادد عليها كتير ، رعشة اجتاحت جسدها لما حست بدموعه عم تنزل على رقبتها وهو ضاممها لسا اله هديت بين ايديه لما حست انو عم يبكي وصوته أكدلها هالشي ..
عُبادة : انتي الي رحميني ببوس إيدك ارحمي روحي ماوية اقسم بربي مارح أأذيكي بلا هالخوف كرمال الله ، لك انتي قطعة من قلبي وعُمري كيف فيي أأذيكي اصلاً !

سألته وهي لسا بتبكي والرجفة مجتاحة شفافها
ماوي :ووكيف عملتا بيومها ! ماكنت قلبك ماكنت قطعة منك ومن عُمرك !!

بعد عنها شوي وحاوط خدودها بكفوف ايديه ، عيونهم التقت ببعضها كانت عم تشوف عيونه الي احمرت من البكي ..
همسلها بصوته الموجوع
عُبادة : في حكي كتير لازم نحكيه ، ضروري تسمعيني بس مو هون ياعُمري ، ماوي خليني شوفك برى
ماوية : مابدي اسمع منك شي الي بينا انتهى وانت لازم تتقبل هالشي بقا وتتركني بحالي بعود عني عُبادة

حاولت تخلص حالها من بين ايديه لتطلع برى الغرفة إلا انه شدّ عليها بإصرار
عُبادة : بترجاكي ماوي كرمال الايام الحلوة الي كانت بينا ، بعد بُكرى الساعة 4 بكافيه عادل ، الكافيه الي التقينا فيه أول مرة حكون ناطرك هنيك
ماوي : لا تنتظر عَ الفاضي عُبادة ما حأجي
عُبادة : بترجاكي ماوي بترجااااكي مارح اخد من وقتك كتير ضروري تسمعيني ونحكي
ماوي : ان حكينا او لا ان سمعتك او لا الي بيني وبينك انتهى لهيك لا تضييع وقتي ووقتك عَ الفاضي
عُبادة : ماوي رح
ماوي : لا تنطري عُبادة
سحبت حالها من بين إيديه وطلعت من الغرفة بسرعة
اخد نفس بتنهيدة وهو بيمسح دموع ، قعد ع الكرسي ومسح شعره بأصابع إيديه ، حس بألم بكفوف ايديه ، اتطلع فيهم ليشوف اضافرها وهي حافرة بكفه من جوا بدأ يتأملهم بوجع ..
فاجئه دخول غسان معصب كتير ، سكر الباب ووقف بنص الغرفة وهو بيتطلع فيه بعصبية
غسان : سمعني عُبادة
قام من مكانه متفاجئ فيه وبعصبيته
عُبادة : بسم الله شو صاير!
غسان : هي اخر مرة بشوف ماويي بغرفتك عم تفهم !!!!

اتنهد بإرتياح ورجع قعد مكانه
عُبادة : هلأ هاد الي معصبك
غسان : غرامياتك هي عملها برى المدرسة مو هون يا استاذ يا مُعلم ، بتعرف انو المدير كان جاية لعندك من شوي !!!
عُبادة : عم تمزح ؟؟؟؟
غسان : لا وحياة الله ، بس شفتا لست الحسن وقد دخلت لعندك قمت قلتله عم تعطي حصة اضافية مانك هون
عُبادة : يسلمن والله انك كفو ابن العمغسان : هي الأخيرة عُبادة ، لو داخل المدير وشايفها عندك شو كنت حتقله !!
عُبادة : بربك لفها حاجة ولو مو ناقصني
غسان : شو فيك ! شكلا مبكيتك الخانم عيونك حمر
عُبادة : طلاع برى ولا قلك انا طالع رح يخلص الدوام ذاتاً
غسان : انتبه طلاع من باب الطلاب مو التاني مشان مايشوفك المدير
عُبادة : تمام
حمل اغراضه وطلع من الغرفة باتجاه الباب الي بيطلعوا منه الطلاب ، لمحها قاعدة على طرف الدرج لامة رجليها ناح صدرها وراكية راسها عليهم بتعب ، قرّب منها بهدوء لصار قبالها كانت شاردة ماحست بوجوده لندهلها ، جلست قعدتها ومسحت دموع خفيفة متجمعة بعيونها
عُبادة : ليه ماطلعتي ع الصف ؟
ماوي : مابقي كتير ليخلص الدرس ، الاستاذ اذا دخلت هلأ مارح اخلص منه
عُبادة : مممم
قرب منها نتفة زيادة وهمسملها ..
عُبادة : رح انطرك لا تنسي
برمت وجهها لتاني جنب من دون ما ترد ، اما هو تركها ومشي باتجاه باب المدرسة وطلع لبيته ..
نطرت انتهاء الحصة الاخيرة ونزلة اغلب الطلاب من الصفوف ، طلعت اخدت شنتتها من دون ما يشوفها حدا من الشلة واتجهت للبيت
.
.
رنّت الباب بِأطراف عم ترجف ، متوترة وما كان ببالها غير أنها تنهي التوتر يلي شتّت شلّتهن ، قطع شرودها ودمعاتها يلي نزلت بدون إرادتها صوت ماجد

ماجد : رانيا !!
التفتت اله ، أول ما لمح لمعة الدموع بعيونها قرّب لعندها بِ لهفة اخدها بحضنه

ماجد : شبك عُمري ،شوفي !!
رانيا : ولا شي ، تعبانة شوي ماوي هون !
ماجد : هالدموع مشان قصتك مع ماوي !!
رانيا : بكره أي حدا يكون سبب بهاد البعد بس هالمرة أنا السبب ماجد
ماجد : اهدي يا عمري هلأ بتحكو وبتتفاهمو وبترجعو أقوى وأحلى من قبل

رانيا : ان شاء الله شكلها خالتو مو بالبيت محدا فتحلي !
ماجد : ماما عند اماني حتجيبا وتجي مشان تحضيرات بُكرى

بعد عنها بهدوء وفتح الباب بِ مفاتيحو ليفوتو سوا

حكت بهدوء : وينها !!
ماجد:بغرفتها أكيد تعي

وقفت لتقلو دغري
رانيا : حبيبي خليني فوت لحالي أول
ماجد : طيب عمري حأعمل قهوة
رانيا : تمام

اتجهت لغرفتا وفتحت الباب عليها بِهدوء ولبكة

كانت متمددة ع سريرها بِ تعب راسم خطوطو عَ ملامحها لتقوم دغري أول ما شافتها

حكت بِ دهشة لما شافتها
ماوي : رانيا !!!

رانيا : كيفك ماوي
جاوبتها وعيونها عم تدور بأنحاء الغرفة
ماوي : منيحة

قربت بإتجاها وقعدت حدها ع التخت ..
رانيا : ماوي أنا
ماوي بمقاطعة : ماجد شوي وبيجي نزل عالماركت شكلو
بتردد حكت
رانيا : بس ، بس أنا ماجيت كرمال ماجد ، حتى أني ما زعلت منك ولا ممكن أصلاً ، أنا بس بدي ننهي هالقصة وما نخليّا تأثر ع علاقتنا

بلعت الغصة العالقة بِ حلقها أول ما تذكرت كلشي حكتو ل رانيا
ماوي : ولا أنا ، بقصد يعني من يوم يلي صار سكّرت عالسيرة

رانيا : بس أنا مابدي نسكر عليها بدون مانحكي ، مابدي نكون أغراب ماوي ، الرابط القوي يلي لاممنا مابدي ياه يتفتت بِ سببي أو لأي سبب تاني

احترق قلبها أول ما شافت دموعها بلشت تتكافت ع خدودها
ماوي : خلص سكري عالسيرة رانيا ، وكرمال ماجد ما تخافي أكيد مارح خبرو بشي والحكي يلي انحكى بوقتها كان من عصبيتي وحرقة أعصابي ماحدا دخلو بيلي صار أنا السبب بكل شي

ازداد بكاها وتعالت شهقاتها لتقرب لعندها وتمسك إيديها وبلهفة وهي بتحكي
رانيا : ماوية ماعم تفهميني أنتي ، مفكرة أني أجيت كرمال ماجد !!! أنا جيت كرمالك أنتي ،أنا مو همي ماجد يعرف وولا يمكن يكون ، إذا بدك أتركو هلأ بتركو مقابل أني ما أخسرك ، مقابل أني ما أخسر سندي ورفيقة عمري

ضربتها ماوي بِخفة ع كتفها لتقلها ودموعها سابقتها
ماوي : مجنونةةةة تعي لهووون

غمرتها بِقوة وهي بتكمل
ماوي : أنا كيف ممكن أصلاً أني أتخلا عنك أو أسمحلك أنك تخسريني

رانيا : بتعرفي أني بحبك ومستعدة أعمل أي شي لتبقى هي اللهفة بعيونك
ماوي : مجنونة، وانا بحبك أكتر يا تؤبريني

ماجد :وأنا أنفلق ان شاء الله موو؟؟ وأنتي حبيبتي بما أنك بعتيني يلا نلغي تجهيزات الخطبة تبع بُكرى ولا شو رأيك

ماوي: غلييييظ
ماجد : لا بس أنو وين مكاني من الأعراب
رانيا : أنت بالقلب بس
قاطعتها بعفوية لتقلها ماوي
ماوي : سدي بوزك أنا الأصل ها

غمرتها رانيا وطبعت بوسة قوية ع خدها وهي بتضحك
رانيا : لك أنتي رجعيلنا متل قبل ووحياتك مكانك بِ نص هالقلب

ماجد :. لكن إلي الله أنا
رانيا : عأساس عم تعمل قهوة حبيبي
ماوي : بالله مين بدو يتسمع علينا بدالو إذا راح عمل القهوة

ماجد : رايح رايح بس لأخلص من لساناتكن

طلع من الغرفة متّجه عالمطبخ ليطلعو وراه عالصالون

قعدت ماوي لتقعد حدها رانيا ومسكت بإيدها

رانيا : اشتقتلك
ماوي بِ تعب : أنا آسفة
رانيا : أنا الغلطانة ماوي بتعرفي ليش ، لأنها المرة الأولى يلي ما بوافقك فيها الرأي ، ودخلت هالحية بيننا بدون ما اعرف حقيقتها
حكت بِ ملامح بتشرح وجعها
ماوي : بس يلي صار بعدين مو ذنب حدا ، بالعكس تماماً أنا حاسة أني أنانية لدرجة صارت مشاكلي مع عبادة سيرة الموسم نسيت مشاكلكن وهمومكن ،نسيت أهتم فيكي وأسألك إذا أنتي منيحة نسيت نحكي بتجهيزات الخطبة وحالتك كيفها هلأ حماسك فرحك للخطبة الي بُكرى حتصير ونكدت عليكي ايامك لاوصار بدي زيدها عليكن أكتر وفش خلقي فيكن وهاد أصلاً مو من حقي

رانيا : أنتي يلي من حقك تعملي أي شي ، أنتي يلي إذا ما صرعتينا ب همومك ومشاكلك صدقيني مارح نعرف نعيش ، نحن لبعض ماوي ، نحن منعيش ع قيد الأنتصارات يلي منحققها سوى
قاطعتها مع دمعة تسللت ع أطراف ملامحها لتحكي
ماوي : بس أنا تعبت ، ماعاد فيني حيل لَ شي ، حتى الحرف عم حسو تقيل وماعم يرضى يطلع مني

رانيا : ماوي ،مافيكي تتعبي ..ممنوع أصلاً ..كيف رح تحميني وتسنديني كل ما أوقع ، ولا نسيتي وعدك إلي

ابتسمت وهي بتسألها
ماوي : لساتك متذكرة !!!

رانيا :صح مر كتيرر وقت ،صح كبرنا ونضجنا وصرت بقدر أحمي حالي من أي شي ، بس بتعرفي ماوي ، شعور غريب بينتابني كل ما بحس بالوحدة كل مابحس بالخوف صدى صوتك بِحاوطني وبذكرني أنك موجودة ، أنو في سند بقدر أحتمي فيه من كل غيمة سودة رح تأذيني

جاوبتا بعفوية ماوي : بس أكيد مارح تخليني أرجع اتفركش بشي عاهة وأنبلى فيها شنّو عزماتي قويانين وبدي شي من الهوا أنفش فيه

رانيا :لا صار عندي خبرة وما حدا عاد بيقدر يضحك علي متل هديك البنت

ماوي : حرام شو كان قلبك شرشوح

رانيا : شو أعمل طيب ، ماكان عندي رفقة ، كنت وحيدة بين إيهاب ووطن ، يا الله شو كنت أتمنى يكون عندي أخت أو رفيقة أقدر شاركها كلشي متل ما كانو يعملو وطن وايهاب ، أقدر ألعب معها الألعاب البنّاتية واستمتع متل ماكانو إيهاب ووطن يلعبو طابة بكل الفرص ويضربوني لأني أطلب منهن يلعبوني بالغصب وأنا أصلاً مابفهم بهي الالعاب

ماوي : تؤبرييييني كيف كانت حياتك بدوني خالية من المتعة والإستمتاع

قعدت رانيا باللّاشعور تسردلها كيف كانت تقضي وقتها بدون رفيقة أحلامها ، لحد ما فااتت ع حياتها رفيقة وقررت تتمسك فيها بكُل مافيها

ماوي بضحكة : يخرب فناكي اي رشوة مو هيك
رانيا : شو أعمل كان بدي أرضيها ومجرد ما صارت رفيقتي صار بدي أعطيها كل هالمشاعر يلي جواتي

ماوي :وكل المصاري مو بس المشاعر
رانيا بضحكة : لك بتعرفي شو كان بابا فاتحلنا دفتر بالماركت كنت آخد قد ماأقدر وأكتر شي بوظة وشي أكلات صرت اشتريلا كل يوم ع حسابي بشي مو طبيعي اكلات واكلات وعصير وسندويشات من البيت وشبعرفني لبينما المغضوب وطن شكاني ل بابا
يتبع

حسنائي الغامضة
الجزء الثاني عشر

ماوي : لعما شو تيس بس الصراحة حقو لأنك انبلقتي فرد بلقة

رانيا : بابا بقي فترة حارمني من المصروف ، بالاول زعلت لأني ماقدرت جبلا أكلات ، صرت اتحجج وقلها أني نسيت المصروف

ماوي : أي شو مخلفتيها ونسيتيها لعما
رانيا : طلعت هيك مفكرة ، يومين بس مرقو اجتني وبلشت فيي انو عم اتهرب وماعم اشتريلا لانو مابدي رافقها ومدري شو حاولت بررلها ، مدت أيدها علي وبلشت ضرب

ماوي بِ حماس: وهووووون !!!!!!
ردّت رانيا بدموع ما قدرت تحبسههن
رانيا : وهون أجيتي أنتي ، رفيقة عُمري ، خفت كتير أول ماهجمتي عليها وضربتيها فكرت عنجد مارح تقدريلا بس لما بعدتيها عني فجأة حسيت أني لاقيت القطعة الضايعة مني ، أول ما قلتيلي أنك موجودة إذا حدا رح يتعرضلي ، أول ما قلتيلي أني خبرك إذا بترجع بتضربني هي البنت، من يومها من هداك الموقف وأنا أعتبرتك البطلة بحياتي ، رفضت أصلاً أسمحلك أو أسمح لحالي أني بعد عنك

غمرتها ماوي وهي عم تبكي
ماوي : ودبقتيني من ساعتها ، صح بالأول شفتك هبلة شوي بس بعدين روحي تعلّقت فيكي

بعدت رانيا عنهاا لتمسح دموعها وهي بتقلا
رانيا : بتعرفي شو ذكرني بهالموقف اليوم ؟
ماوي : شو
رانيا : اليوم شفت نفس البنت ، دغري عرفنا بعض أجيت أعزما ع فنجان قهوة قالتلي بضحكة بخاف تجي رفيقتك تضربني

ماوي : ياااا
رانيا :يمكن أخدت الموضوع معها بِ ضحكة بس من جواتي حسيت بالفخر حسيت بشعور رهيب أني قدرت حافظ عليكي وتكوني معي لهلأ ، قدرت حافظ عالأنسانة يلي أعتبرتها البطلة بحياتي ، الرفيقة الوحيدة ، الملجأ يلي مافيني أتردد أني رحلو بأي لحظة بحس أنو الدنيا عم تخنقني

#بقلمي_ميسا
جاوبتها بحُب وهي بتضمها
ماوي : أنتي مصرة تاخدي كل شي مشاعر بهي الحياة وتصبيها اليوم بقلبي ، صح أنا تيسة ومابعرف احكي كتيرر حكي حلو متلك ، بس رانيا أنا عند كلامي أنا سندك ورفيقتك وأملك وحلمك ، بوعدك كون موجودة بكل هدول
شدت عليها الضمو وهي بتسألها
رانيا بدموع : تصالحنا موو
ماوي : تصالحنا يا قلبي

قاطعهن بنبرتو وبِصدمة عم يحكي

وطن : أنتي هووون !!
رانيا : لا صحي أنكن كلاب !!!!

وطن : ليش يابعدي
رانيا : كنا متفقين نجي سوا ، بتنقبرو بتجو بدوني
تينا : يخرب بيت مخك شوفي حالك سابقتينا وقافلة موبايلك ،ليك ليك لا وعم تحكي كمان

إيهاب : منيح ماعطيناها الهدية كانت ضيعت حقنا فيها بربي
ماوي : حتسكتو شوي وتفهموني السيرة ولا ايش
تينا : السيرة ومافيها أنو نحنا كَ شلة متشلشلة وفايتا ببعضها ما منقدر نتحمل قطعة من هالشلشولة تبعد عنا وتصير بمكان تاني لذلك قررنا انو شلشولتنا بتتشلشل بعدين فلازم قبل ما تتشلشل نشلشلها نحنا ونتشلشل معها ونصلح شلشلولة جديدة عفكرة اجت عبالي جبنة مشلشلة

أيهاب : يشلشلو خلقتك إيلاهي اسمها جبنة مشللة بعدين نقبري فوتي بصلب الموضوع
تينا : لك المشكلة نسيت شو هو الموضوع
إيهاب: الله يلعنك

قاطعهن وطن ليحكي موجه كلامو إلها
وطن : ليكي يلي صار كتير سخيف وما لازم أصلاً ينخلق منو شي سلبي لعلاقتنا أنتي بتعرفي أنو

قاطعتو بدموع لتركد بخطواتها لعندو وتحضنو بحُب كبير
ماوي :بعرف أنو يلي صار غبي لدرجة ماقدر يخليني حس تجاهكن ولا بأي زرة غضب ، أنتو عيلتي وطن بس بتعرفني بس يسكر مخي معد بستوعب شي

أيهاب : تؤبريني لك أنتُ رُوح هاللمة بدونك كلنا باهتين
ماوي : وأنا بدونكن حياتي باهتة

التمو عَ بعضهن ليحضنو بعض وتتشكل دائرة مليانة حُب ، وذكريات ، مليانة مرار وقسى ،مليانة أحلام مُكللة بآمال عايشة على قيد لمّتهن

مسحت دموعها بإبتسامة لتحكي
ماوي : يلا وقت الهدية
تينا : وشو عرفك فيا ؟؟؟؟؟
ماوي : احم انو انتو وقت فتوا جبتوا سيرة هدية وهيك
رانيا : شرشوحة من يوم يومها لا تعتبوا عليا
ماوي : انتي خرسي بعدين هلأ اتصالحنا برطع بحرد
وطن : لا بربك سمعي

أخد كيس الهدية وعطاها اياه
وطن: وهيييي بالنيابة عني وعن كل الشلشلة المتشلشلة عقولة تينا منهديكي شي بخص حبيب قلبك يا خانم

ما بتعرف ليش ارتعش قلبها لما حكى هيك لثواني اجا لراسها عُبادة وحست شي منه ، برجفة أخدت الكيس ، تسائلت كتير جواتها شو ممكن يكونو جايبينلها ،للحظة يلي طالعتها فيها هديت اعصابها وقت فهمت قصدهم على كاظم

ماوي : كااااظممممم ، ااااخ لك هاد مو بس حبيب قلبي لا لا تعبيرك ماعجبني وطننننن ، لك هاد الحُب كلووووو العمر كلوووووووو النفس الحياة كلشي كلشي هو

بلشت تنط من فرحتها بالهدية وهي بتحكي
ماوي : خلص رح حاول عطول اعمللكن خناقات مشان تراضوني بِ كاظم

وطن : تؤبريني شو الله جابرنا نتحمل جنانك هاد ، خلص رح جبلك صور بدون خناق

اخدت الصورة وطلعت ع التخت تعلقها فوق راسها
تينا : لا استني ، خلينا ناخد سيلفي بالأول

ماوي : يلا

حملت موبايلها ليتجمعو كلهن بزاوية ويتصورو
اخذت الصورو وحملتها بإبتسامة عريضة والتقطت الصورة