#خسوف _القمر_ الثأر 💔💔
#الجزء_الحادي عشر
#بقلمي _ Bayan _Sh


يوم التسليم
حازم: معقول يسلمنا ليلى مع البنات
يحيى : ما بعرف ، الي من مبارح بحاول اتواصل معها وما في رد
حازم: الله يستر
يحبى: وين يوسف وابراهيم وايهم
حازم: ابراهيم وايهم بنقطة التسليم ، وايهم مع فرقته براقبوا الجوكر
يحيى: في اي حركة غريبة !؟
حازم : لا كلو طبيعي
بحيى: وهدا الي مخوفني
.............

بمكان تاني
..: يلا يا حيوانة انت وهي اطلعوا بالسيارة
..: معلم كلشي جاهز والقنصل ناطرنا بالمكان
الجوكر: بتنفذوا الخطة متل ما فهمتكوا ، مفكر بدو يخدعني بكل مرة
..............
وصلوا لمكان التسليم ، كان يحيى وحازم واقفين ناطرين
حازم : ما بعرف الا يتأخر
يحيى: نقطنا بسكوتك وخليك جاهز واعطي خبر لكل الشباب
...........فلاش باك .......
بعد ما وصلو بدقايق
فجأة رن موبايل يحيى..: نعم ايهم
ايهم: في شي غريب قنصل
يحيى: شو في !
ايهم: البنات الي بدك تستلمهن .. طلعوا بالشاحنة
يحيى: لا تجنني ايهم شو الغريب بالموضوع
ايهم: معلم كل البنات الي طلعوا عالشاحنة كانو مغطيين راسهن .. وهدول اكثر من الي اتقفتوا عليهن
يحيى: يعني!؟
ايهم : والجوكر طلع بسيارة تانية ما طلع مع رجالو.. انا بعتت حدا وراه
يحيى: وافيني بكل التفاصيل
ايهم : من عندي بقول خد احتياطك ولا تأمن زيادة
يحيى : وصل .. سلام

.................باك ..............
حازم اعطى امر للاستعداد لكل الرجال الي محاوطة المكان
يحيى: مفكرني غبي، حازم ، انت راح تبقى هون انا عندي شغله بخلصها وبرجع
حازم: راح نبقى على اتصال
طلع يحيى بسيارته وانطلق للموقع الي بعتلو ياه ايهم .. عشر دقايق وكان واصل
نزل من سيارته كان مكان شبه خالي بالغابة .. بس من وصلته بعث لحازم والبقية موقعه
...: كنت عارف انك جاي لهون .. انت بعدك ما بتعرفني منيح.. انا الجوكر يا قنصل
التفت يحيى للصوت ..: اطلع وخليك رجال وواجهني وجه لوجه
طلع الجوكر من بين الشجر...: جبتك معي حدا .. اكيد ببكون مشغول بالك عليه كتير
مد ايده وطلع قلادة على شكل نجمة
الجوكر بخباثة ..: هاي لالك صح !؟
.............فلاش باك ..............
بمستودع كبير كان مجتمع حازم وليلى وايهم وابراهيم ويوسف

حازم : اخيراً راح تبلش المهمة
ايهم : تأخر الرائد يحيى كتير
جومانا : هو على وصول مع اللواء جمال
دقايق وكان يحيى واللواء جمال واصلين ومعهم مجموعة من الضباط
اجتموا كلهم عند الطاولة
اللواء جمال: اليوم راح تبلش مهمتكم .. هاي من اصعب القضايا .. انا شكلت هدا الفريق لانه بعرف قدرات كل واحد موجود هون ..
حازم: سيادة اللواء احنا روحنا فدا الوطن .. وكل واحد موجود هون عارف حالو وين ... وحاطط احتمال كبير انها تكون اخر مهمة الو
الواء جمال: الرائد يحيى راح يشرح الخطة
تقدم يحيى ووقف عند راس الطاولة ..: متل ما تقفنا من قبل ليلى الي راح تكون عينا من قلب الفيلا عند الجوكر .. هي الوحيدة الي ما راح يشك بأمرها ومتل ما فهمتك من قبل راح تقابلي بالشارع كأنها صدفة وتقوليلو قصتك .. وشغلة من تنتين راح تصير .. يا اما بخليكي عندو بالفيلا ويتعاطف معك .. يا اما راح يشوفها فرصة ويحطك بين البنات الي ببيعهن وعالجهتين احنا الكسبانين
الواء جمال بإنفعال ..: بس هاي خطة خطيرة وكيف بدك ادخلها على الفيلا وتخلي يثق فيها
يحيى: لا تخاف كل شي محسوب حسابو
اللواء جمال: انا ما راح اوافق على هالخطة
ليلى: سيادة اللواء انا قدها هاي المهمة .. واخرة الطريق عارفتها منيح .. يا اما بنكشف يا اما بنجح وعالجهتين....
قاطعها اللواء..: الخطة غير مقبولة
ليلى: بس انا مصرة اكون هناك ..
اللواء:....
يحيى: سيادة اللواء اي واحد بفوت عالامن بكون عارف الطريق الي ماشي فيها
اللواء جمال: يحيى انت راح تكون مسؤول عن كل النتائج
يحيى: حاضر سيدي
طلع يحيى من جيبته قلادة على شكل نجمة .. قرب من ليلى ولبسها ياها ..: هاي راح اضل برقبتك .. فيها جهاز تتبع .. بيكفي انك تضغطي عليها ووقتها بعرف انك بخطر
ضربت ليلى تحية لللواء جمال ويحيى ..: انا جاهزة سيدي
..............باك.......،..
الجوكر : تذكرتها !؟
يحيى: .....
الجوكر : بتعرف راح اعملك معروف واخليك عايش هاي المرة لحتى تعرف قدي انا منيح
يحيى: اذا حابب تكون كريم معي وتعمل بأصلك .. اعملي معروف لا تعملي معروف تاني مرا .. وانا قدامك لا اتدخل حدا تاني بخلافاتنا .. وبطل هاي العادة تستقوي على البنات .. ولا تطعن بالظهر .. انا قدامك واجهني اطلع قدامي واضربني بصدري .. وقتها راح اعرف انك رجال عن حق .. مو غدار
الجوكر بغيظ ..: والخمسين بنت الي سلمتك ياهن !!!!

يحيى: هدا لعب عالمكشوف
الجوكر: راح اندمك على هاي العملة ...جبوها للكلبة
قرب شباب تنين معهم وحدة مربطين ايديها وحاطين على راسها كيس اسود .. قام واحد من الشباب الكيس
يحيى بقلبه ..: ليلى
الجوكر : شو رايك !؟؟
وقبل ما ينطق يحيى بحرف واحد .. كان الجوكر دافش ليلى لعند يحيى وقبل اي ردة فعل من يحيى سمع ضرب نار .. التفت للصوت ورجع اطلع على ليلى الي اجتها رصاصة بكتفها من قناص كان متخفي بين الشجر
اطلعت ليلى على يحيى نظرة كلها اسف ووقعت عالارض
قرب يحيى عندها وهو مو مصدق الي صار .. كلو صار بسرعة وما كان عامل حسابه
حط راسها على اجريه ..: ليلى راح تكوني منيح اصبري
حاول يتواصل مع حدا من فريقه
ليلى: انا اسفة حضرة الرائد .. ما طلعت قد المهمة
يحيى: هشششش لا تحكي شي
رفع راسه واطلع حوليه كان الجوكر ورجالو مختفيين من كل المكان
مسح على راسها بحب ..: خليكي قوية
فجأة رن موبايلو ..: حازم تعال..
قبل ما يكمل جملته سمع صوت قواص عالي من عند حازم
يحيى..: شو عم يصير عندك حازم!؟
حازم : هجموا علينا وبلشوا قواص .. عددهم كبير وانا عم بفقد السيطرة ..
يحيى: راح اطلب الدعم فوراً
حازم: لازم تيجي حالاً
سكر الخط مع حازم واطلع على ليلى الي بلشت تفقد الوعي
يحيى: ليلى خليكي معي بترجاكي
رجع مسك موبايلو واتصل طلب الدعم
حاول يحملها بين ايدي الي تملوا دم منها ..
ليلى بصعوبة ..: سمعته بخطط لقتل قمر كمان مرة .. هو الي كان مسؤول عن الحادثة الاولى هو ..<صارت تسعل بقوة > ..
يحيى: لا تتعبي حالك .. بعدين بنحكي
ليلى بتعب ..: ابن الصقر.. الجوكر ابن الصقر .. عم ينتقم لمقتل ابوه ..
يحيى: .....
ليلي: سامحني
ارتخى جسمها ولفت راسها للجهة التانية
يحيى : جومانا .. جومانا .. سامعتيني .. جومانا مشان الله ردي عليي
بسرعة حملها وحطها بالسيارة وانطلق للمشفى
فات عالمشفى متل المجنون وحاملها بين ايده ...: دكتور دكتور بسرعة
قربوا منو الممرضات حطوها عالنقالة ونقلوها للطوارئ
بعد ثلاث ساعات طلع الدكتور من غرفة العمليات ..
قرب منو يحيى ..: طمني دكتور
الدكتور: الرصاصة اخترقت العظم بالكتف .. احنا قدرنا نطالع الرصاصة بس كان عندها نزيف وحاولنا نسيطر عالنزيف .. بس المريضة بحاجة لنقل دم ضروري .. زمرة دمهاA+
يحيى: انا دمي A+
الممرضة : تفضل معي عالغرفة

بعد ما سحبو منو دم ونقلو ليلى على العناية المركزة .. ضل يحيى قدام الباب ليلة كاملة حاطط ايده على راسه وهموم الدنيا ملها فوق راسه
تاني يوم وهو على نفس القعدة رن موبايله ..: نعم حازم ... ليلى اتصاوبت ... احنا بالمشفى .. سلام

بعد ساعة كان حازم فوق راس يحيى ومع الفريق كلو
حازم : طمنا عنها !؟
يحيى: احسن بس بعدها ما صحيت
حازم: شو الي صار؟؟
حكى يحيى للشباب كل الي صار
حازم: بس اكتشف ليلى انها جاسوسة ولا عرف شي تاني
يحيى بقلة حيلة ..: ما بعرف
وقف كان بدو يروح ، بس وقف لما شاف الدكتور بقرب منهم
الدكتور : المريضة صحيت وكل المؤشرات ممتازة ، نقلناها على غرفة لحالها ، حمدلله على سلامتها
فات يحيى عندها وقف حنب التخت ومسح على شعرها
ليلى: ما بعرف كيف كشفني عملت متل ما قلتلي بالزبط .. والهجوم المسلح الي دبرتلو ياه ومساعدتي خلاني اكسب ثقته فيي
...........فلاش باك .........
كانت قاعدة بالغرفة ..
فات لعندها الجوكر ..: كيف اصبحتي ليلى .. كانت حرارتك عالية الليلة الماضية
ليلى: لا احسن ، شكراً على اهتمامك ، لي كل هالخوف !؟
قرب منها وقعد على حفة التخت ..: ما بعرف .. لا تسأليني .. ما راح اعرف جاوبك وانا ما عندي الجواب الشافي .. بس في شي هون <واشر على قلبه > ما بعرف شو هو
تودوا خدودها من الخجل وما ردت
حط ايده على وجهها..: يسلملي الخجلان انا .. انا عندي كذا شغلة بدي اخلصهم بالمكتب .. وانت جهزي حالك لحتى ننزل نفطر
هزت راسها بدون ما تجاوب
طلع من الغرفة وبعد عشر دقايق تلقت اشارة عالموبايل .. ابتسمت نص ابتسامة وراحت عالحمام .. اخدت شور ولفت حالها بمنشفة الحمام
شوي وبلشت تسمع صوت اطلاق نار
القت نظرة من الشباك وابتسمت ..: بلش الجد
طلعت من الغرفة راسمة على وجهها علامات الخوف .. وبلشت تمشي شوي شوي بالممر الي بوصل لمكتب الجوكر .. اطلعت شافت واحد موجه سلاحو عالجوكر .. وسلاح الجوكر عالارض وكل الحراس عالارض غرقانين بدمهم .. صارت تتلفت حوليها وما شافت غير مزهرية تقيلة محطوطة على رف بالممر .. حملتها ومشت شوي شوي بدون صوت باتجاه الغرفة .. صارت ورا الرجال الي مصوب سلاح عالجوكر .. رفعت المزهرية وضربتها براسه بكل قوة .. بلش يترنح قدامها .. الجوكر استغل اللحظة ومسك سلاحه وقوص عليه قتله

وتزامن صوت القواص مع صوت صرخة ليلى .. وقعت عالارض واغمى عليها
حملها الجوكر وفوتها على غرفته .. نيمها عالتخت وبلش يصحي فيها
بعد شوي بلشت تصحى وشافت الجوكر قاعد فوق راسها وبمسح على شعرها بحب
ليلى بصوت مبحوح ..: شو صار !؟
الجوكر: انا لولاكي كنت بتعداد الموتى
حاولت تقوم وقربت عليه ..: بعيد الشر عنك
الجوكر : انا الشر يا ليلى
ليلى: لا تقول هيك ، انت انسان كتير منيح
الجوكر : انت ما بتعرفي عني شي
ليلى: بدون ما اعرف دخلت على قلبي
الجوكر :....

مرقت الايام وليلى صارت قريبة من الجوكر لدرجة كبيرة
صار يشاركها بكل همومه وحياته لدرجة صارت تعرف عنو كل كبيرة وصغيرة وكان يوخد رايها بكل شي
بليلة كانت ليلى قاعدة بغرفتها .. حست على نقرة خفيفة عالباب .. قامت بكل هدوء وراحت فتحت شافت الجوكر واقف عند الباب عيونه حمر وريحته مشروب .. دب الرعب لقلبها بس حاولت ما تبين هدا الشي
قربت عليه وحاولت تساعده .. بعد ايدها عنو ودخل لجوا الغرفة
بلش الشك يدخل قلبها وحست انها بلشت تنكشف
قعد الجوكر على اول كنبة شافها وريح قعدته ..: انا اليوم خنت ابي
ليلى:....
الجوكر: بلشت شغل مع اكبر عدو لابي .. لا مو اكبر عدو .. هدا قاتل ابي .. البني ادم الي قتل ابي بدم بارد
قربت عليه ليلى وبلشت تمسح على راسه ..: عم بسمعك
الجوكر: القنصل
قتحت ليلى عيونها على وسعهن وما صدقت الي عم تسمعو وقالت بقلبها (يحيى !!؟ )
الجوكر بكل غضب ..: الصقر الي ما حدا بقدر عليه .. اجى واحد كلب نكرة وقتله بدم بارد وانا بدل ما اخود بتار الصقر ، لا بروح بحط ايدي بايده .. انا الكلب الخاين .. انا حاولت اخود روح اغلى شي عنده بس طلعت بنت ستين كلب وما ماتت .. بس هالمرة راح اخودها عن حق وقدام عيونه ..
ليلى والصدمة على وجهها..: اي شي بدك تعملو انا جاهزة .. وهالمرة راح ساعدك
اطلع عليها الجوكر ..: مستعدة تساعديني نخطفها !؟
ليلى وقلبها بغلي نار من جوا..: مستعدة بس انت قلي الخطة وانا راح ساعدك ، انت قلي مين هي وراح اجيبلك ياها من شعرها
الجوكر: لالالا بدي ياها تيجي لهون بكل هدوء وبدون شوشرة
ليلى؛ انت قلي شو بدك تعمل وانا معك
............باك............
ليلى بتعب ...: كان بدو يخطف قمر .. بس طبعاً انا خربت الخطة
يحيى: خلص قلتلك لا تتعبي حالك ..
بعد يحيى عنها وراح لعند الشباك والغضب مسيطر عليه الجوكر كان بالنسبة الو مهمة من الدولة بس بهاللحظة صار عدو شخصي لالو .. هدا الي تجرأ ومد ايده على روحه .. كان راح يوخد منه اغلى حدا على قلبه .. شد على قبضة ايده وحكى بهمس من بين اسنانه ..: نهايتك راح تكون اوسخ من ابوك
طلع من الغرفة وراح عند حازم ..: ما بدي حدا يتحرك من قدام الغرفة .. بتعمل ورديات ليلى ما بتتركوها لحالها فاهم

طلع من المشفى وركب سيارتو .. حمل موبايله واتصل لسام ..: وينك .. لاقيني بنفس المكان
طلع عالجبل لنفس المكان الي بشوف سام فيه بالعادة
كان سام ناطره
سام بخوف ..: شغلت بالي شو فيه !؟
يحيى بغضب ..: انا لازم اطلق قمر .. ولازم كمان ...
قاطعه سام : لي !؟؟ شو الي صار
يحيى: الجوكر .. هو الي حاول يقتل قمر .. هو الي حاول يحرقها بالبيت ..
سام: وهدا الشي بخليك تتخلى عنها بهالسهولة!؟
يحيى بغصة..: قمر بده تبقى هون لانه انا هون .. واذا طلقتها ما راح ترجع لهون ابداً ، انا بعرفها منيح ومتأكد راح تختار هدا الطريق بعد ما تعرف اني طلقتها .. هيك انا بأمن عليها وبعرف اشوف شغلي مزبوط
سام: مانو مبرر ..
يحيى: وبدي منك اضل جنبها وانت علمتها ادافع عن حالها وتستخدم السلاح
سام: من زمان .. بس فكر منيح بموضوع الطلاق .. قمر سافرت وحالياً ما راح ترجع ..
يحيى بغصة ..: انت مفكر اني راح اتحمل بُعدها عني !؟؟ .. بعادها عني متل الموت .. بس قربها مني صار يوجع اكثر ..
سام: خلص يا صاحبي اترك الموضوع عليي وانا بحلو
بعد عنو يحيى وقرب من حفة الجبل ..: الجوكر راح اتسلى فيك شوي وبعدها راح اخود حقي وحق القمر

.........
بالمشفى

حازم: قوم ايهم نجيب شي نشربو من تحت
ايهم : ما بدي اترك ليلى لحالها
حازم : لا تخاف في حراس عند الباب
نزلوا لتحت بعد ما وصى الحراس ما يخلو جنس مخلوق يقرب من الغرفة
بعد شوي وصل دكتور وممرضة لغرفة ليلى .. فاتو لجوا الغرفة وبلشوا يفحصوا فيها تحت مراقبة كثيفة من الحراس
قربت الممرضة من السيروم الي موصول بايد ليلى وغرزت في ابرة
الدكتور: لازم نعملها صورة اشعة لتأكد انو كل شي تمام
وجه كلامه للممرضة ..: جهزوها وخودوها لغرفة الاشعة
الممرضة : حاضر دكتور
جهزتها الممرضة وسحبت التخت بمساعدة واحد من الممرضين ..

بعد عشر دقايق وصل حازم وايهم وفاتوا عالغرفة وما شافوا ليلى
طلع حازم متل المجنون ..: وين ليلى
الحارس: اخدوها عغرفة الاشعة
اخد حازم نفس وارتاح نسبياً .. بس بعد شوي شاف الدكتور الي مسؤول عن ليلى بقرب منهم
حازم : دكتور وين ليلى
الدكتور ما فهم عليه ..: بغرفتها.. بدنا نعملها شوية فحوصات واشعة
اطلع حازم بحدة للحراس..: بس في دكتور وممرضين فاتو عندها واخدوها يعملولها اشعة
الممرضة..: انا المسؤولة عن المريضة مستحيل ..
قاطعها حازم بسرعة ووجه كلامه للحارس ..: ايمتى طلعوا من هون
الحارس: من عشر دقايق بس
حازم: اقلبوا المشفى عليها .. بدي اشوف الكاميرات حالاً

.............،..
عند يحيى
بعده على نفس الوقفة مع سام
رن موبايله..: نعم حازم ... شو !!؟؟
طلع بسيارته بسرعة وانطلق بدون ما يقول ولا اي كلمة
وصل عالمشفى وراح لغرفة الكاميرات
مسك حازم من قبة القيمص ..: وينها!؟؟؟
حازم:....
وقف يشوف التسجيلات وشاف كيف طلعوها من المشفى .
قعد يصرخ وصوتو ملا المشفى كلو
حمل حالو وبدو يطلع من الغرفة .. بس التفت لحازم ..: هاي غلطة ما راح اغفرلك ياها .. انت ادعي ما يصرلها شي
طلع من المشفى وراح لسيارته .. ضل قاعد بالسيارة يفكر شو بدو يعمل
للحظة ضعف ومسك موبايلو واتصل للجوكر ..: وينها !؟
الجوكر: بالحفظ والصون
يحيى: لا تلعب معي
الجوكر : قلتلك من الاول انت لا تلعب معي .. بس انت راسك حجر ما بدك تستوعب
يحيى بعصبية ..: جوكر انا صبري نفذ
الجوكر ببرود ..: خلص لا تعصب .. انا كان بنفسي اجربها بس .. وكنت ناوي ارجعلك ياها .. وانا بقدر اقول اني شبعت منها .. احفظ هدا العنوان منيح وتعال خدها منو
اعطاه العنوان وانطلق بسرعة
............
عند الجوكر
كان قاعد عالكرسي وليلى مربطة قدامو وتمها مسكر
ليلى: ممممم
وقف على اجريه وقوب منها ، مسكها من شعرها ..: بتعرفي شو الي مضايقني!!
ليلى : ممممممم
الجوكر: يا الله ما بتقدري نحكي .. طيب لحظة نشيلها
شال الربطة عن تمها ..: احكي انا سامعك .. بحب اسمع صوتك
اخد راسها بحضنه وشد عليه وسكرلها تمها بإيده ..: ما بدي اسمع حرف منك .. كيف قدرتي تفوتي لقلبي وتضحكي عليي هيك .. انا الجوكر الي بوقع نص بنات العالم تيجي وحدة كلبة وتضحك عليي
بعد ايده عن تمها ..: بس في شغلة بنفسي اعملها من وقت ما شفتك
قرب عليها والتهم شفايفها
بعد عنها ..: اوووو .. فيكي تموتي .. ما بدنا منك شي
لف وراها وشد راسها لوا ومرق سكينة حادة على رقبتها ..: تشاهدي على روحك
...........
عند يحيى
وصل المكان الي قلو عليه الجوكر .. كان مستودع قديم مهرهر
وقف قدام الباب انقبض قلبه بشدة .. نفس المكان الي قمر تعرضت فيه للاعتداء قدام عيونه ..
شد على قبضة ايده وضرب الباب برجله
صار يدور على جومانا وما لاقى شي
فجأة رن موبايله ..: وينهاااااااا
الجوكر: اطلع برا المستودع بتلقيها قدامك ناطرتك وخليك عالخط
طلع يحيى من المستودع بس ما كان في شي غير صندوق خشب
الجوكر : افتح المفاجئة بالاول وبعدين بتوخدها
يحيى: راح تندم على كل شي عم تعملو ..
قرب يحيى من الصندوق وفتحه .. تجمد الدم بجسمه وما سمع غير ضحكات الجوكر بالموبايل
كان بقلب الصندوق راس جومانا مفصولة عن جسمها .. قرب يحيى ايديه وحمل راسها .. اطلع للسما وصرخ بكل صوتو ...: اخخخخخخخخخخخخخخ

يتبع ..
🥀...........🥀...........🥀

#خسوف _القمر_ الثأر 💔💔
#الجزء_الثاني عشر
#بقلمي _ Bayan _Sh


بعد خمس اشهر

بسيارة سودا مفيمة ماشي بسرعة عالية جداً وبحكي بالموبايل ..: انا يطريقي لعندكو ما تخبرها ولا تحسسها بشي ... بدي شوفها من بعيد وبلا كترت غلبة .. قلتلك خف علينا برومنسيتك شوي وإجمد يا ولد .. يلا خمس دقايق بكون واصل .. سلام
وصل للمكان صف السيارة ونزل منها بكل هيبة لابس بلوزة سودا فوقها جاكيت اسود حاطط نظارات
كان ماشي يطلع يمين وشمال .. فات عالمول وقف بمكان يكشف منو وين قاعدة بدون ما تشوفه ..وشافها من بعيد كانت متل الطفلة الصغيرة توكل كعكة شكولاطة ومستمتعة فيها لابعد الحدود ..
مسك موبايله واتصل عليها ..: على اساس ما بتحبي كيكة الشكولاطة شو الي اتغير
رجف قلبها لما سمعت صوته كان الها خمس شهور ما سامعة صوته مع انها حاولت كتير تحكي معو وهو كان يرفض ..
نزلت المعلقة من ايدها وصار تتلفت يمين وشمال ..: يحيى!!!!
يحيى: في شوية شكولا على انفك .. ما بدك تكبري !؟
قمر بصدمة : انت هون يحيى !؟
يحيى: قلتلك انا بعرف عنك كل شي وبعرف النفس الي بتتنفسي
وقفت على اجريها بخوف ..: شو بدك مني!؟
يحيى: الحمل لابقلك كتير على فكرة .. راح اسمي الولد عمر شو رايك !؟
دمعوا عيونها وغصب عنها هربت دمعة من عينها ..: يحيى لا تخوفني اذا انت هون اطلع .
يحيى: ديري بالك على حالك وعلى ابنا قمري ...
سكر الخط قبل ما تقول أي شي ومتل ما فات طلع بدون ما تشوفو
رجعت تطلع حوليها ..: يلا قوم بسرعة
مروان : قوليلي شو في
قمر: حاسب ولحقني بسرعة
طلعت من المول وكانت تطلع ، دورت كتير وما لقتلو اثر
مروان: انت بس فهميني
قمر ..: مروان قلي كان هون ولا لا
مروان بإستغراب ..: مين !؟
مسكتو من قبة القميص ..: لا تعمل حالك عبيط واهبل .. يحيى من وين عرف اني هون وعرف اني حامل
اطلع على بطنها الي بلشت تكبر ..: اعتقد انه الحمل الشي الوحيد الي ما بتخبى.. بعدين هدا يحيى يا قمر .. اكيد ما راح اشرحلك واعرفك مين يحيى
حطتت ايديها على وجهها ..: قلي بدي اسمي ابني عمر ..
مروان: خلص اهدي اكيد بكون حاطط كم واحد يحموكي واكيد بوصلوا كل اخبارك
قمر: يا ربي ايمتى بدو يخلص هالكابوس
طلعوا بالسيارة بسرعة وانطلقوا
قمر : انت وين رايح !؟
مروان : عالبيت وين بدي اروح يعني !!
قمر: غير طريقك اكيد بكون لاحقنا
مروان: يعني عرف انك بالمول بدو يصعب عليه يعرف وين ساكنة .. فكري يا فهيمة
ضلت كل الطريق تتلفت حوليها وتراقب بالسيارات .. شعور جواها ما عارفة تفسرو .. خايفة منو وبنفس الوقت بدها تشوفو .. مشاعر مخربطة جواها قالت بقلبها  يا ربي شو اشتقتلك يا يحيى .. شو راح تعمل بس تشوفني .. اكيد ما ناوي على خير حسيت من نبرة صوتو انو ناوي عالشر .. لك حاجة تتوهمي يا مجنونة انت متأكدة انو كان يحكي بنبرة كلها حب وشوق .. اففففف وبعدين يا قمر ما بدك ترسي على بر )
تنهدت بصوت عالي
مروان: شو قررتي بالاخر .. طلعتي بتحبي ولا بتكرهي!؟
قمر: مين ؟؟
مروان: مين غيرو صاحب القمر
لفت وجهها للشباك ..: ناقصني مجانين انا روح عنا يااااه
مروان: سؤال ،، اذا شفتي يحيى قدامك بهاللحظة هاي ، شو راح تعملي
رجعت تنهدت بصوت عالي
مروان: يااااا عيني على الحب ، شوفي قلوب الحب الي طالعة من عيونك
قمر: خليك بحالك
مروان: الله لا يحرمك من شوفتو يا قمر

.................

بالمستودع
حازم: وبعدين مع هاي الحالة .. يعني لايمتى بدو يضل مختفتي!؟
ايهم : انت لي مستسهل الموضوع
حازم : القضية مو اني مستسهل .. بالعكس انا زعلت كتير على ليلى .. بس خلينا نكون واقعيين، الي صار معها احتمال مية بالمية يصير مع أي واحد منا .. احنا هون مو بلعبة .. وكلنا عارفين المصير الي بستنى فينا
يوسف: يا ربي ما ابردك يا زلمي
عصب حازم ..: هاي مانها برادة .. هدا واقع .. في قضية ولازم نحلها .. وصلنا لنص الطريق لي لحتى ننسحب هيك
ابراهيم: يا شباب حازم معا حق بكل كلمة .. كلنا لما فتنا على كلية الشرطة .. كنا عارفين انو الموت راح يكون مرافقنا .. وهاي مضت خمس شهور وين الجديد .. يعني خلصنا نصها للمهمة والباقي !! الجوكر بعدو حر طليق ووساختو كل مالها بتزيد .. ويحيى مختفي ببكي عالاطلال .. جد وبعدين .. لك حتى اللواء جمال مو قادر يعرف وين هو
ايهم: واحنا شو طالع بإيدنا نعمل مثلاً.. انت وحازم نازلين فينا حكم ومواعظ .. هدا الوضع نحنا عارفينو تفضلوا اعطونا حلول
حازم: لازم نكمل القضية بدون يحيى ولا سام حتى ..
..: والله وصاير تعرف توخد قرارات يا شاطر .. لا ويحيى وسام هيك بدون تكلفة ..
اطلع حازم لجهة الباب ، شاف يحيى وسام فايتين ومو ناويين على خير ..

قام بسرعة عن الكرسي وصار يتراجع لورا ..: انا بشكل عام باجي حمار وما بعرف افكر منيح .. يعمي مخي بستخدمو لكل شي معدا التفكير .. سماح يحيى .. اييه معلم .. قصدي قنصل.. لالا حضرة الرائد
ابتسم يحيى ابتسامة جانبية ..: جلّس ولااا
ضرب حازم تحية ..: احترامي سيدي
يحيى: شو جاهزين!؟
الكل بصوت واحد ..: جاهزين
يحيى: راح تكون حرب ولازم تكونو جاهزين لكل النتائج ..
حازم: جاهزن لكل شي ..
راح يحيى لراس الطاولة ..: هاي المرة ما بدي اللواء جمال يعرف باللي راح نعملوا ..
حازم: لي!؟
يحيى: بدي منكو تسمعوا بالاول وبعدين كل واحد يقرر
هزوا بروسهم
كمل يحيى..: وصلتني اخبارية الجوكر عندو عملية اليوم الساعة وحدة بعد نص الليل .. عند الحدود
حازم : بس الجوكر مختفي من شهرين
يحيى: انا كنت متابع كل تحركاته من شهرين .. بدو يدخل بضاعة للزعيم .. راح نكون موجودين عند التسليم وراح نلقي القبض على الجوكر والزعيم
حازم: راح يطلع بنات
يحيى: لا هالمرة راح يدخل سلاح
حازم: سلاح !؟
يحيى: راح يدخل كمية كبيرة .. وراح تكون اخر شوط لالو.. ماتش اعتزال وبعدها راح يسافر برا البلد وبترك كل شي
ايهم: من وين جبت هدا الحكي كلو
يحيى: لا تنسى انك واقف قدام القنصل .. معارفي كتار
يوسف : بس انا خايف ليكون فخ
يحيى: اها.. هون بلشنا الكلام السليم .. لهيك ما بدي اللواء جمال يعرف شي لحتى نمسك الجوكر والزعيم
حازم: بس بدنا رجال كثير .. اكيد ما راح نكون لحالنا
يحيى. : لا طبعاً .. الرجال على وصول .. جهزوا حالكو .. ما بدي ولا غلطة
يوسف: شو الخطة معلم
ريح يحيى عالكرسي..: راح نكون لاطيين للجوكر ورا الجبل وبس خلصوا التسليم وفوتوا البضاعة راح نبلش ضرب نار على الجوكر ورجالو
ايهم: والزعيم
يحيى: راح نعطي مجال يهرب
ايهم: كيف يهرب واحنا بدنا ياه
ضرب يحيى عالطاولة بغضب..: هاي تاني مرة بتقاطعني
ايهم : اسف معلم تفضل
يحيى: بتعملوا متل ما عم قول .. بتخلوا يهرب وكل القواص راح يكون عالجوكر ورجالو
قرب حازم على ايهم وهمسلو..: اكيد في خطة ثانية
يحيى: ما بدي ولا غلطة ..
الكل بصوت واحد ..: عُلم ويُنفذ معلم

.......
وقت التسليم
كان واقف ااجوكر حامل مسبحته وبلف فيها ..: يلا يا رجال
التفت لعند الزعيم ..: زعيم هاي بضاعتك صارت عندك
الزعيم: والله بيضت وجهك يا جوكر
نده لواحد من رجالو ..: يا ولد
قرب لعنده واحد من رجالو حامل شنطة
اخدا منه واعطاها للجوكر..: هدا حقك
فتحها الجوكر وطلع بقلبها ..: على راسي زعيم
سكر الشنطة وكان راح يمشي .. بس طلع صوت قواص .. التفت للصوت واذ رصاصة بتيجي عالارض بين اجريه
لحقتها رصاصة تانية الارض جنب كتف الجوكر واجت بالسيارة
بانت علامات الصدمة على وجه الجوكر
الزعيم بعصبية ..: بتغدر فيي
وما في غير ثواني واشتغل القواص على الجوكر .. اما الزعيم ورجالو قدرو يتخبو ورا السيارات
اخدت معهون وقت لحتى قدوا يستوعبوا شو عم يصير .. وبلش تبادل ضرب النار بين الطرفين
جهة يحيى ورجالو الي مختفيين بالجبل .. والجوكر ورجالو الي اغلبهم تصاوب وقسم من الرجال مات
تخبى الجوكر ورا وحدة من السيارات بعد ما نصاب برصاص بكتفه ... كان متخبي ورا السيارة وبدور بحجر عينه على الزعيم الي اختفى فجأة هو والبضاعة والمصاري ورجالو
الجوكر من بين اسنانو ..: نهايتك على ايدي يا كلب
ضل تبادل النار شغال بين يحيى والجوكر دقايق معدودة .. بس فجأة وقفوا رجال يحيى وانسحبوا بهدوء

عالطرف الثاني كان يحيى وسام واقفين بالسيارة بنص الطريق ناطرين وصول الزعيم
وخمس رجال لاطيين ورا الجبل
واحد من رجال يحيى اعطاه اشارة انه السيارات وصلوا
يحيى بسماعة البلوتوث ..: يلا بلشوا
وبلش ضرب النار على عجلات السيارات .. كانو ثلاث سيارات وحدة من السيارات هوت للوادي وانفجرت .. والثانية انفجرت بالي فيها بعد ما ضربت بالصخور
باللحظة هاي اتحرك يحيى بسيارتو ووقف قدام السيارة الثالثة الي كان فيها الزعيم وواحد من رجالو
رفع سام سلاحه وقوص زلمة الزعيم براسه
ضربت السيارة بالصخور على جنب الطريق ..
نزل يحيى وسام من السيارة وتوجهوا لسيارة الزعيم
فتح يحيى باب السيارة ..: له له له له .. هدا استقبال بتستقبلوا فيه الزعيم .. انا كم مرة فهمتكوا القواص بالهوا بس
مد ايده ومسك ايد الزعيم ..: زعيمنا اعذرني الشباب تحمست شوي لا تواخذنا .. تفضل تفضل
اطلع يحيى على راس الزعيم وصرخ بكل صوته ..: لك يا حيوانات شو هدا!!!!!!!!!!
سام بخوف ..: شو في يحيى
يحيى: له له له راس زعيمنا مجروح
سام: لا تخاف لا تخاف برانية
طلع يحيى محرمة من جيبته وصار يمسحله الدم عن راسه ..: يا ربي كيف ما اخاف .. اهم شي عنا راس الزعيم .. لا تقلك زعيمنا انا راح أشرف على علاجك تفضل معنا

سحبوا وحطوا ببكاج السيارة
الزعيم : شو بتعمل يا حيوان
يحيى ببرود ..: زعيمنا لا تزعل مني.. بس الجوكر بدو راسك وانا بدي احافظ على هالراس
قبل ما يرد الزعيم كان يحيى مسكر غطا البكاج وركب بسيارته مع سام وانطلق بسرعة عالية خلفت وراه غبرة
........
عند الجوكر طلع راسه من ورا السيارة وما شاف حدا غير رجالو مرمين عالارض
قام من مكانو حط ايده على كتفه المصاوب ..: ماشي يا واطي بتغدر فيي ، راح دفعك الثمن غالي
ركب سيارته وانطلق
وصل للفيلا ونزل من سيارته بسرعة بعد ما شاف كل رجالو جثث على الارض غرقانين بدمهم
صار يتفقد بالجثث لعلى وعسى يكون حدا فيهم عايش
طلع بسرعة عمكتبه بالفيلا .. حمل موبايله ..: مُجاهد وينك .. الزعيم غدر فيي.. مو وقته بدي نطلع كل البضاعة من مخازنها وننقلها على المخازن الاحتياط ‏ما في وقت للجدال اعمل شو قلت وأنا بكون عندك كمان نص ساعة يلا سلام
‏سكر الخط ونزل على السيارة بسرعة

............
عند يحيى

‏يحيى بفرح...: هذا صاحبكم أكل المقلب وشبع يلا لازم ننتقل للخطة الثاني ... حازم بدي منك انت وايهم تروحوا على المخازن وتشوف جوكر وين راح ينقل بضاعته
حازم : امرك معلم
يحيى: خلينا على اتصال
‏التفت ‏يحيى لعند سام ..: يلا شريك شو رأيك نروح نشوف الخروف اللي جبنا نشوف شو حابب نعمل فيه .. صحيح عندك أفكار مسبقة ولا إرتجالي
سام :لا خلينا نشوف شو الوضع أول على أرض الواقع ونشوف شو بطلع معنا
‏فاتو عالغرفة الي فيها الزعيم على الكرسي مربط منيح وتمه مسكر
قرب يحيى عليه ..: ‏زعيمنا وكبيرنا، تاج راسنا ، كيف حالك إن شاء الله تكون الضيافة عجبتك أنا بحب اهتم كثير بضيوفي واهم شي الناس اللي بحبها واللي قريب من قلبي..< ‏شال الرابطة اللي محطوطة على تمه ...> ‏أنا حابب اسمع صوتك وعلى كل سؤال بدي اسألوا أنا بستنى جواب محدد إذا بتجاوبني غير هيك العقاب راح يكون كثير كثير كثير عسير ... خلينا نبدأ .. ‏الجوكر وين بخبي البضاعة تبعته.. باي مخزن!؟
ضحك الزعيم: يعني متخيل اني اقلك
ما حس غير البوكس بنص وجهه
سام: القنصل قال بدو جواب مناسب للسؤال.. وحددلك الجواب ..
الزعيم: يا كلااااااب
رجع سام ضربه بوكس ..: القنصل قال بدون قلة ادب
يحيى: سام سماح هاي المرة انا ما قلت
الزعيم : والله لارجع اربيكوا من اول وجديد عم تفرجوني مراجلكوا وانا مربوط بالكرسي
رجع سام ضربه كف ..: ها معلم هالمرة ما الك حجة .. عن يقلل ادب وانت قلتلو ما بدك قلة ادب
يحيى: لا الحق معك يا صاحبي ..
سام: تسلم معلم .. نرجع لموضوعنا .. القنصل سألك وين الجوكر بخبي بضاعتو !؟
وقبل ما يجاوب الزعيم .. رفع سام ايده ..: جاوب متل ما بدو القنصل ها احسن ما ارجع اعلمها عخلقتك
اخد الزعيم نفس ..: راح قلكوا على كل شي بدكم ياه بس قدي نسبتي من العملية
سام : لحظة لحظة .. كأنو في حدا هون ما عندو فهم المسموع !!!
لف حالو للجهة التانية واخد نفس عميق وبسرعة هجم عالزعيم الي مربوط بالكرسي وقلبو لورا وهو فوقه .. ونزل في ضرب
قرب منو يحيى ببرادة ..: عمهك عليه !!
اطلع عليه سام بطرف عينه وكمل ضرب بالزعيم
يحيى : بس تخلص نادي عليي
...........
بعد ساعة
يحيى: شو حبيب خلصت الخريطة
سام : لا والله ما خلصت بعد شوية رتوش
يحيى: يا عمي ابعد هيك ما شبعت الك ساعة بتلعب بوجهه طابة ..< وجه كلامه للزعيم >.. شو زعيم عندك شي تحكي !؟
الزعيم : ارحموني .. الجوكر مخلي البضاعة بالمستودع الي عالساحل
هجم سام عليه وضربه بوكس..: بعدك عم تكذب !! المستوع الي عالساحل احترق من اكثر من اربع اشهر
الزعيم : هو الي افتعل الحريق واوهم الكل انه المستوع محروق بس البضاعة كلها هناك
اطلع يحيى بسام ..: ابعث حدا يتأكد
سام: واذا طلع حكيه كذب
يحيى: لا تخاف بطلعلك كمان شوط بوجهه
سام: انا راح اتأكد بنفسي
يحيى: يلا لا تتأخر ..
............
بعد وقت فات سام مستعجل عالمستودع لعند يحيى
يحيى: شو صار معك
سام : هدا الحيوان حكيو صحيح
يحيى : شفت كل شي بعيونك
سام : شفت شفت ، وما في حراسة ابداً عند المستودع عاساس محروق وما في شي
يحيى: والله ووقعت تحت ضرسي يا جوكر .. يلا خد معك ثلاث شباب وبلش بتنفيذ الخطة ..
سام : جاهز جاهز
.......
طلع سام من عند يحيى واخد معا ثلاث شباب وتوجهه للمستودع
سام: يلا شباب بسرعة كبوا البنزين عكل الاطراف وارمي برميل جوا المستودع من هاي الجهة وبرميل من الجهة التانية
بعد ما خلصوا الشباب ، حمل سام قنينة قزاز فيها بنزين ولع شقفة القماش محطوطة بالقنينة ورماها لجوا المستودع والشباب الي معو عملو نفس الشي وتراجعو بسرعة لبعيد وضلو واقفين يراقبوا من بعيد..

..........
بمكان تاني كان الجوكر قاعد ورا مكتبه وعلامات التوتر باينة بوضوح على وجهو
فات عندو واخد من رجالو
الجوكر : مجاهد نقلتو البضاعة كلها
مجاهد ..: معلم نقلنا البضاعة ، لي بعدك قلقان ما راح يخطر على بال الزعيم انو البضاعة بمستودع الساحل
الجوكر: ماني مطمن .. انت روح مع واحد من الشباب اطمنوا علبضاعة بس بدون شوشرة
مجاهد: عُلم معلم
.........
عند يحيى ..
فات سام وابتسامة عريض على وجهه
يحيى : بشّر !!
سام بصراخ ..: كل شي صار رماااااااد
ضربوا كفوف بعض🙏🏻
يحيى: والله برفوا عليك يا اسد
سام: احم احم بدنا خدمة تحرز .. بس هدا الكلب شو بدنا نعمل فيه
يحيى: خلصنا شغل معا .. راح يجي حازم يوخده
سام: احسن يلا لازم نشوف شغلنا مع الكلب التاني

.....
عند الجوكر
فات مُجاهد ركض عند الجوكر ..: معلم معلم الحق
وقف الجوكر والتوتر باين على وجهه..: شو في !؟
مُجاهد: المستودع صار رماد !!!
الجوكر:......
مُجاهد بتوتر..: شو نعمل معلم !؟
راح الجوكر بهدوء لعند مُجاهد وقرب منه .. مسكو من رقبتو ولزقو بالحيط..: عيد شو قلت !!!
مُجاهد:...
صرخ بكل صوتو..: كرر شو قلت ما سمعت
مُجاهد بتأتأة ..: المسسستودع ..<بلش يختنق من قبضة الجوكر ..>
الجوكر بهدوء ..: مالو !؟
مُجاهد بصعوبة ..: اح .. احتتت... احترق
بلشت ايد الجوكر ترتخي عن رقبة مُجاهد .. وتركو وصرخ بكل صوتو ...: موتك على ايدي زعييييييييبيم

...........
قطع وعودة عند يحيى
اخد الزعيم الي كان مغمى عليه من كتر الضرب والتعذيب .. سلمو لحازم الي بدوره حولو للتحقيق ..

بالسيارة
كان يحيى سايق السيارة وسارح بعالم اخر
قطع شروده صوت سام..:وين سارح معلم !؟
يحيى: طولت كتير هالقصة .. وانا بلشت خاف من النهاية
سام : من ايمتى يحيى ال**** بخاف
يحيى: بدي اسالك سؤال .. بس بتمنى منك تجاوب بصراحة وبدون لف ودوران
سام: له يا صاحبي .. انا من ايمتى بلف وبدور عليك !!
وقف يحيى السيارة عجنب الطريق ونزل منها
لحقو سام وعلامات استفهام على وجهه ..: شو في يحيى .. قول !!
اخد يحيى نفس وزفره بقهر ..: قمر
توتر سام على سيرة قمر وكأنه فهم شو بدو يسألو..: مالها !؟
يحيى: كنت تعرف انها حامل !
زاد توتر سام..: بتعرفني ما بخبي عنك شي .. بس انا ما كنت بقدر ادخل بخصوصياتكوا .. هي قلتلي قبل ما تسافر انها حامل وطلبت مني ما خبرك وانا حترمت هالشي
اطلع عليه يحيى نظرة ما قدر سام يفسر معناها .. هل هي عتاب او قهر او زعل او .. بس الاكيد انه يحيى انهزت ثقته فيه .. هدا الي قدر يفهمو
مد سام ايده وحطها على كتف يحيى ..: بعرف شعورك .. بس بدي تكون عارف متل ما انت بتأمني على اسرارك وما بطلعها لاي حدا حتى لو كانت قمر بنفسها .. هي امنتني على سرها وانا ما قدرت افشي سرها .. كان المفروض قمر تيجي تخبرك بحملها انا ما كان الي علاقة
يحيى: بس كان فيك تلمحلي قبل ما تسافر
سام: شو كنت عملت لو عرفت!؟
يحيى: لا تستفزني وانت بتعرف رأيي بالموضوع ..
سام : قمر متلها متل أي ست بالدنيا .. نفسها يكون عندها ولد من حبيبها
يحيى بصراخ..:ما كان هدا وقتو ساام
سام : اول شي لي معصب !؟
يحيى: ...
سام: تاني شي الحمل صار .. وقمر مبسوطة كتير .. وانت لازم تكون مبسوط اكتر منها ..
يحيى: وتالت شي !؟
سام: وتالت شي .. شو عامل فيها لقمر .. الله يغضب عليك على هالعملة
يحيى بابتسامة جانبية ..: قلتلك !؟؟
سام : يخرب بيتك في حدا بروح برعب ست حامل بهاي الطريقة. . منيح ما نزلت الحمل
يحيى: انا
سام: طيب شو ناوي تعمل بالوقت الحالي ..
يحيى: بدي اترك الجوكر يعيش المأساة الي هو فيها
سام: يخرب بيتك قصدي على قمر يا بني ادم
قرب منو يحيى واشرلو بإيده بمعنى تعال شوي ..: شو رايك تفوت بحياتي احسن
ضحك سام ..: والله مجنون .. بس يعني الي بفهو ناوي تختفي فترة
يحيى: بالزبط ، وبعدين برجعلو بعد ما يلملم شو ضللو
سام: وانا جاهز

يتبع
🥀............🥀..........🥀

#خسوف _القمر_ الثأر 💔💔
#الجزء_الثالث عشر
#بقلمي _ Bayan _Sh


بعد مرور شهر

الصبح صحي سام على رنت موبايلو
فتح عيونه بصعوبة مسك الموبايل ورد ..: الووو .. مين .. مين قمر .. اه اه ققمر .. خير شو في انت منيحة .. اي مطار .. يلا مسافة الطريق لاتتحركي من مكانك
قام عن التخت وبعدو مو مستوعب شي صار يحكي مع حالو ..: ليكون بحلم !!
مد ايده عالموبايل وفتح عالمكالمات .. كانت اخر مكالمة من رقم غريب مو محفوظ عنده ...
سام: والله شكلي ما عم بحلم .. لازم خبر يحيى

فات عالحمام اخد دوش سريع ولبس تيابه
مسك مويابله ورن على يحيى..: شريك كيفك !؟
يحيى: اللهي اشوف فيك يوم ، شو بدك من عند هالصبح ..
سام: بتعرف الحق عليي الي جايبلك خبر راح يفلجك
يحيى: خير هات اتحفني اشوف
سام: قمر
يحيى بخوف..: مالها قمر
سام: بالمطار
يحيى ؛ انت متصل تتمسخر من الصبح
سام : اتصلت فيي وقلتلي اروح اخدها من المطار
يحيى: لا تتحرك جاييك

عشر دقتيق وكان يحيى قدام شقة سام
نزل سام مستعجل ..: يا زلمي كيف جبتها بعشر دقتيق
يحيى: اطلع اطلع خلصني
طلع سام وانطلق يحيى للمطار

وصل عالمطار وبلش يحرك حجر عينه يدور على نصه التاني
كانت واقفة ولافة حالها ..لابسة فستان ليلكي قصير لعند الركبة .. للحظة بلش قلبها يدق بسرعة وحست بوجوده بالمكان .. ريحة عطره خلتها تنسى الناس الي حولها .. لفت حالها .. كان واقف وراها وعيونه مليانة شوق وحب
الصدمة كانت واضحة على وجهها
قرب عليها وحضنها بكل حب ودفن راسه بشعراتها وبلش يشم عطرها لحتى يشبع منها
حط جبيبه على جبينها ..: اشتقتلك كتير
طبع بوسة على جبينها
قمر مصدومة..: شو بتعمل هون !؟
يحيى: تعالي شوفي
مسك ايدها وحمل الشنطة وطلعوا من المطار
وصل لعند السيارة ودق دقتين عالشباك
طلع سام من السيارة
قمر مصدومة ..: انت وهو بتعرفو بعض !؟؟؟!
ضحك يحيى وحط ايده على كتف سام..: رفيق العمر
ابتسمت قمر ..: وانا متل الهبلة بشكيلو منك كل الوقت وهو بوصلك اول باول
سام: لااااا فلتت منك هاي المرة .. والله ولا مرة وصلتلو شي .. ليكو قدامك اسالي كم مرة كان بدو بخلص عليي لانه ما كنت حاكيلو من الأول
قمر: النا حساب بعدين .. انا تعبانة بدي ارتاح
يحيى: خلصونا يلا اطلعوا
فتح الباب لقمر ..: تفضلي قمري
كانت راح تركب بس رجعت لعند يحيى وضمته بشوق كبير
سام: يا عمي لا تنسو انو في سنجل عندو مشاعر فيازة موجود هون ..

...........

بالبيت
سام: يعني اصريتو تجبوني معكو عالبيت .. يا عمي شو بدي اعمل معكو .. انت واحد ومرتو انا شو حشرني بناتكوا
يحيى: لك اخراااس .. ما سكتت كل الطريق .. راح نوخدك تتغدا بالمطعم لي النق الزايد هدا .. بس المخلوقة بدها تبدل تيابها
قمر: اي مخلوقة .. قصدك انا !؟
يحيى: في غيرك .. اساساً كيف بتيجي بهيك تياب ..
قمر: لي شو في
بلش يقرب عليها بحب ..؛ بتجنني زيادة
سام بصراااخ ..: وبعدييييين ، احترمو مشاعري .. انا رايح بس تخلصوا حُب وغرام رنولي
يحيى: الله معك شريك ، خد الباب بطريقك
سام شبه مجلوط..: مين شاف حبابو نسي صحابو
يحيى: الله معك
وحمل قمر وطلع فيها للغرفة لفوق .. فتح الباب باجرو وفات عالغرفة .. حطها عالتخت
يحيى: حتى وانت حامل خفيفة .. ليكون خالتك ما بطعميكي منيح !؟
قمر: ممكن سؤال !؟
يحيى: مممم
قمر: يعني سام انت الي بعتلي ياها
يحيى: الله يحميكي على هالذكاء .. يعني انا بعرف عنك كل شي بدها تمرق عليي قصة وجود سام بحياتك كل الوقت .. لاااااا قمري بهاي ماعجبتيني
قمر: والله صحيح كيف هيك .. يعني هو خبرك بحملي
يحيى: لا هاي انا اكتشفتها لحالي لما شفتك بالكافي بايطاليا .. كان بطنك صغنون بس ظاهر .. كنت طالع اطمن عنك واشوفك .. واكتشفت السر الي مخبتي عني .. بس لا تخافي في حسابات كتير لا تتصفى ..
قمر: مع مين !؟
قرب وعض انفها ..: معك لانه خبيتي عني هاي واحد .. وثنين لانه جيتي لهون بدون ما تخبريني
قمر: اشتقتلك وجيت اطمن عليك .. وبطلت اقدر على بعادك وبدي اولد وانت جنبي
يحيى : هاي قصص بنحكي فيها بعدين .. وكل شي بدك يا مرفوض مبدئياً
رفعت حالها عن التخت وقعدت ..: لا بدنا نتفاهم بالاول
حط اصبعو على تمها ..: هششششش ...
وطبع بوسة على شفافها وغرق معها بجو كلو حب وشوق

.......................

بفيلا الجوكر كان فاتح عالاخبار طلع قدامه خبر اعتقال اكبر تاجر سلاح بالبلد
ركز الجوكر منيح بالخبر ..: الزعيم !!!!! اذا الزعيم عند الشرطة مين الي...
قطع تفكيره بعد ما بلش يستوعب الي صار .. ضرب عالطاولة بكل غل وحكى من بين اسنانو..: القنصل
فجأة سمع رنة موبايلو ... فتح الخط
..: برافو عليك القنصل
الجوكر : راح اجيبك ولو كنت بسابع سما قنصل
يحيى: الي بطلع بإيدك اعملو .. وانا وقاعدلك بالمرصاد .....
الجوكر : راح ندّمك على كل شي عملتو معي
يحيى : اعتبرني سكرت بوجهك ...
رمى الجوكر موبيلو بالحيط ونزلو ميتىة شقفة وحكى بغل ..: انا وراك والزمن طويل ...

🥀...............🥀................🥀


يحيى - بعد ما ضرب ضربته القاضية للجوكر والزعيم.. اختفى ويطل الو اثر .. بس كان دايماً على اطلاع بكل تحركات الجوكر وعلى اتصال دائم مع سام .. خوفو على قمر خلا يختفي .. بالنسبة الو هدا الهدوء كان يخوف .. وبشابه الهدوء ما قبل العاصفة

قمر- بعد ما رجعت على البلاد ولعند يحيى .. ما رضي يحيى تبقى بالبيت وطلب منها ترجع لعند خالتها .. بس كانت هالمرة مُصرة انها تبقى .. لهيك طلب من جيهان ومروان يجوا لعندها ويسكنو بمكان تاني بعيد عن العيون.. وهدا الي صار سكنت ببيت استأجرو يحيى بعيد عن المدينة

🥀.............🥀...........🥀


بعد مرور شهرين

كانت قاعدة تحضر فيلم وصحن البوشار بحضنها وبتمسح دموعها وهي تحضر فيلم تايتانيك
جيهان: يا حبيبتي في حدا ببكي وبوكل بوشار . بعدين هدا الفيلم صرتي حاضرتي الف مرة ، كل مرة بتقعدي تبكي هيك
قمر : شوفي جوج كيف ضحى بحياته عشانها
جيهان : افلاااام
قمر: اه والله افلام ، وقت الجد بحط ذيله باسنانه وبهرب
فجأة وحدة بلشت تتشنج ..: خالتي
جيهان: يا عيون خالتك
قمر: شكلها اجت
جيهان : شو هي !؟
قمر: موعد الولادة
جيهان: الك شهر كل يوم بتعملي هالفلم ، خلص احفظنا
قمر؛ خالتي وجع قوي .. خالتي الحقيني .. اخخخ اخخخ
قربت منها وشافتها منشنجة ..: طيب يلا قومي نروح عالمشفى ، انا راح اتصل بمروان
بدلتلها تيابها بسرعة وتوجهو للمشفى
وصل مروان وسمع صوت الدكتورة
الدكتور: انا طلبت منكو انها تبقى بالمشفى .. ولادتها صعبة كتير وانا سبق وشرحتلكو
🥀.............فلاش باك.........🥀
المشفى
كانت نايمة عالسرير بالمشفى واطباء تنين فوق راسها
دكتورة بتفحص فيها والتاني ماسك التحاليل والاشعة وبفحص فيهن
بلش الهمس بين الاطباء يكتر وهالشي كان كفيل بانه بخلي قمر تتوتر
قمر : خير دكتورة شو في !؟
الدكتورة: هدا الحمل خطر عليكي وعلى حياتك
قمر: لي شو في
الدكتورة : في ورم بالرفيقة .. بس ما راح نقدر نحدد اذا حميد او خبيت
تجمعت الدموع بعيون قمر..: ما راح نزلو ابداً
الدكتورة : بس هدا الشي راح يسببلك مشاكل بمراحل متقدمة من الحمل
قمر: مو مهم .. المهم اشوف ابني
الدكتورة: الورم راح يتسبب ..
قاطعتها بعصبية..: قلتلكوا ما بهمني حتى لو بدي اموت ، المهم اشوف ابني ولو لثواني
قربت الدكتورة لعندها ومسحت على راسها ..: خليكي هادية .. الاجهاض حل مؤجل جداً ، وضع الجنين ممتاز جداً لا تفكري كتير بالموضع ، انا واجبي اتجاهتك اشرحلك عم حالتك ، وبرجع بقول الاجهاض حل معدوم حالياً .. انت بس راح اتابعي معي كل اسبوعين ونطمن على الجنين
تملت عيون قمر دموع وما حكت ولا كلمة
الدكتورة: لازم تكوني قوية قمر
هز الدكتور راسه بدون ولا اي كلمة وطلع لبرا الغرفة يشرح لخالتها ومروان الوضع
الدكتور : في ورم عالمشيمة وعلى حسب الاعراض الموجودة وصور السونار بقول انو حميد ، بس لازم تستمر بالمتابعة كل اسبوع او اسبوعين .. في احتمال لولادة مبكرة وتضخم بقلب الجنين وكمان راح يتسبب بتسمم الحمل.. المتابعة والمداومة معنا راح يمنع اي مفاجئات لقدام .. والمفضل بالاسبوع ال٣٦ تكون عنا بالمشفى لانه احتمال الولادة المبكرة كبير كتير.. انا راح افحص مع دمتورة النساء إمكانية اخذ خرعة لحتى نطمن اكثر
🥀..............باك........🥀
جبهان : بس هي بعدها بالاسبوع ال ٣٥
الدكتورة: راح نفوتها على غرفة الفحص ..
فوتوا قمر على غرفة الفحص .. ضلت جيهان ومروان برا بالانتظار
مروان: خلص جوج هدي حالك .. كل شي راح يكون تمام لا تخافي قمر قوية وراح تجبلنا بيبي كربوج متلها
جيهان: يا مروان هاي امانة وامانة غالية
مروان؛ خلص وكلي امرك لرب العالمين وادعيلها تقوم بالسلامة
رفعت راسها واطلعت عليه ..: ما لازم نخبر زوجها !؟
مروان : اكيد ، بس خلينا نطمن عليها بالاول
بعد نص ساعة طلعت الدكتورة من عند قمر
الدكتورة: لازم نولدها قيصري .. في خطر كبير عالجنين الاوكسجين منخفض جداً عند الجنين
جيهان والدموع بعيونها ..: بس هي بعدها بالاسبوع ال ٣٥
الدكتورة : البيبي راح ينحط بالحضانة راح يتلقى العلاج من الحضانة متل ما سبق وقلتلكوا
مروان: دكتورة اعملي الي بتشوفي مناسب
الدكتورة: تفضلوا معي لحتى توقعوا على الاوراق .. وين زوجها
مروان : عالطريق دقايق وراح يكون هون
الدكتورة : انا ناطرة بغرفتي .. عليها العافية

مرقوا دقايق وكأنها ساعات طويلة .. وصل يحيى لعند مروان وجيهان ..
قرب لعندهن ومسك ايد جيهان وباسها..: تأخرت عليكوا
جيهان : الله يرضى عليك حبيبي .. لا من شوي طلعت الدكتورة من عندها ولازم يولدوها قيصري اليوم
يحيى: بس مو بكير عليها
مروان: الدكتورة ناطرتك بغرفتها .. هي بتشرحلك احسن ، ولازم توقع على شوية اوراق قبل العملية
يحيى: بدي شوف قمر بالاول
حيهان: ابني برضاي عليك ما بدنا نوترها اكتر ، هي بالاساس ما بتعرف انك هون .. روح عند الدكتورة بالاول وبعدين بنشوف شو بصير

بعد ساعتين بلشو يحضروا قمر للعملية
فاتت لعندها جيهان
قمر: خالتي خايفة
جيهان : لازم تكوني قوية مشانك ومشان ابنك حبيبتي
قمر: يا ريت لو يحيى جنبي .. بتعرفي كل الفترة الي مضت وانا اتخيل هاي اللحظة وهو فوق راسي .. كنت دايما اتخيلو معي ، كان نفسي اشوف عيونه لما الدكتورة حكتي جنس الجنين ، ما بتعرفي قدي كنت استنى اتصالو كل فترة ، كنت احسه موجود جنبي ، خالتي
جيهان : يا روحي قولي
قمر: اتصلوا في خلي يجيي بدي اشوفو ، حاسة حالي ما راح اشوفو نهائي بعد هاللحظة
جيهان: لا تقولي هيك ، راح تشوفي ويشوفك ، راح يشوف ابنو وترجعوا احسن من الاول ، بس انت خلي ايمانك بالله كبير وتوكلي عالله

كان يحيى وافق ورا الباب وسامع كل كلمة بتحكيها ، كان راح يفوت للغرفة بس مروان مسكو على اخر لحظة
مروان: ما بتتوقع ردة فعلها، يمكن تتعب بنت خالتي وعارفها .. بتقول شي وردة فعلها عشي تاني
اتنهد يحيى تنهيدة طويلة وحكى بقلبو ..: (الله يعيني بس)

بعد ما جهزوها وفوتوها على غرفة العمليات واعطوها مخدر موضعي ، كانت يا دوب صاحية وفاتحة عيونها نص فتحة
اطلعت لجهة الباب حست انها شافت يحيى .. ابتسمت ابتسامة ساحرة واشرت بعيونها ليقرب منها
قرب منها كان لابس متل الاطباء الي بالعملية وحاط قناع طبي على وجهو .. للحظة حست انو بتهيألها وانو الي بتشوفو مجرد حلم ، بس كانت بدها تصدق الي شايفتو ..
مسك ايدها .. نزل الكمامة وقرب باس راسها بكل حب وهمس جنب اذنها ..: خليكي قوية ، بدنا نربي ابنا انا وانت مع بعض ، بدنا نبعد عن كل الدنيا ونكون جنب بعض ، ما راح اسمح لاي شي يفرقنا عن بعض
همست بصوت مبحوح ..: انا بعشقك ... يحيى لا عاد تتركني وتروح
يحيى: انا جنبك يا قمري ، ولا مرة بعدت عنك
بلشو عيونها يدبلو .. ومهما كابرت بالاخر استسلم للنوم من كتر الوجع والارهاق .. غمضو عيونها وشفايفها بتنطق بس كلمة بحبك

.........

تاني يوم بلشت قمر تصحص شوي شوي .. فتحت عيونها وشافت مروان وخالتها عندها
جيهان: حبيبتي .. حمدلله على السلامة
قمر: وين يحيى!؟
اطلعت جيهان ومروان ببعض
مروان: يحيى!!! ما بعرف .. حمدلله على سلامتك امورة ..
قمر: يحيى كان هون صح .. اكيد اخد ابني .. بدي ابني
قربت عليها حيهان..: حبيتي لا تتعبي حالك البيبي بالحضانة .. اذا حاسة حالك منيحة بنروح لعندو
حاولت تقوم بس حست بوجع قوي
مروان: خليكي مرتاحة راح انده للدكتورة

فاتت الدكتورة وبلشت تفحص بقمر
الدكتورة: لاااا حمدلله كلو تمام .. راح تحسي بشوية وجع بس راح تخف شوي شوي .. ما بدي تعصيب ولا توتر .. حالياً ممنوع تقومي من التخت .. بكرا الصبح فيكي تقومي عادي .. راح اعطيكي مسكن آلام ..
قمر: بدي اشوف ابني
الدكتورة : ابوه....
قاطعها مروان بسرعة ..: يعني بتقدر تروح عالبيت بكرا !؟
الدكتورة: لا لازم تبقى هون على الاقل اسبوع .. والبببي لازم يبقى شهرين بالحضانة ، دكتور الاطفال راح يفحصو كمان شوي وراح يخبركوا بوضعه ... حمد لله على سلامتك
مروان وجيهان.: شكرا دكتورة
............
بنفس الوقت كان يحيى بغرفة الرُضع .. واقف قدام الحضّانة الي فيها ابنو ، كان واقف يتأمل فيه بكل حُب .. وغصب عنه هربت دمعة من عيونه
قربت لعنده وحدة من الممرضات ..: بتحب تحملو
مسح دمعته بسرعة..: ما بأذي!؟ حرام كتير صغير
الممرضة : اذا خايف قرب مد ايدك من هون
فتحت الحضّانة وحط ايده على ايد ابنو
يحيى بكل حب ..: اهلا وسهلا فيك حبيب ابوه البطل .. عمر الصغير .. راح تكون قوي متل ابوك .. انا راح اترك امك امانة عندك .. بدي تنتبه عليها وتحطها بعيونك .. ما بدي اسمع عنك شكاوي .. انا راح اروح بس لا تخاف راح ارجع .. راح ارجع مشان نعيش انا وانت وقمري مع بعض .. ه. انا كنت دايماً جنبكوا .. بس بهاي اللحظة راح اسلمك مهمة حماية القمر .. ما بدي تتركها ولا لحظة .. كون الها السند .. انتبه منيح على قمري ..

بعد شوي شوي عن الحضّانة بعد ما حس انه دموعو راح تخونو وتنزل .. طلع من غرفة الرُضع ومن المشفى كلو

يتبع ...
🥀.............🥀..........🥀

#خسوف _القمر_ الثأر 💔💔
#الجزء_الرابع عشر والأخير
#بقلمي _ Bayan _Sh


بعد شهر

بغرفة صغيرة اربع حيطان مع فتحة بالسقف كانت قاعدة وعيونها حُمر .. تيابها مقطعة وجسمها برجف كله كدمات
كانت سارحة بالعدم لحتى فات عندها ثلاث رجال متل الوحوش واحد في بإيده كاميرا
قرب لعندها واحد مسكها من ايدها ورفعها لفوق وبحركة سريعة مرها عالارض وضرب راسها بالأرض
..: اتأكد اذا بعدها عايشة
قرب عليها واحد وتحسس النبض ..: لا بسبع ارواح لا تخاف .. بس راسها بنزف
..: مو مهم راح نعالجها ، بس اهم شي نخلص الي طلبو منا المعلم .. يلا خدلها اكم صورة واكم مقطع
شغل الكاميرا وبلش يلتقطلها صور وهي بحالتها ..

..........

بغرفة كبيرة بالفندق كان مروان وامه قاعدين بالصالة والتوتر واضح على وجههم
فجأة اندق الباب وراح مروان وفتح الباب بسرعة ، شاف يحيى واقف قدام الباب ووجهه ما بيتفسر
مروان: شو يحيى لقيتها ..؟؟
يحيى:...
جيهان: يحيى لي ساكت شو الي صار وين ...

............فلاش باك .........
حاملة جاكيتو .. قربت عليه ..: حبيبي بدي اطلع انا وعمور مشوار عالحديقة
يحيى: قمري اجليها لبكرا وبروح معكو
قمر : لا ما بدي
يحيى: بعدين مع هدا العناد .. قلت ما في روحة
قمر: ..
مسكها من خدودها ..: خلص وعد بكرا بنروح من الصبح
قمر: كيف بدك .. <ساعدتو يلبس الجاكيت >.. الله معك
طبع بوسة على خدها ..: ديري بالك على حالك
طلع من البيت
راحت على غرفتها بسرعة وقربت من ابنها ..: ابوك مفكر انو راح يقدر يحبسنا بالبيت .. يلا يا عمري
حملتو وحطتو بالسلة وطلعت من البيت
راحت للحديقة قعدت ساعتين
قربت من ابنها ..: شفت يا روحي .. هاي طلعنا وغيرنا جو وما صار علينا شي ، بس ابوك دايماً معطي الشغلة اكبر من حجمها
حملت سلة ابنها وراحت للطريق العام لحتى توقف تاكسي
وقفتها تاكسي وطلعت فيه ، اعطتو العنوان وانطلق
قمر: هدا مو الطريق الصح
اطلع عليها شوفير التاكسي ومد ايدو لعندها وكان فيها بخاخ ورش عوجهها

بعد ساعتين بلشت تصحصح .. كانت نايمة عالارض بغرفة ..
قامت مفزوعة وهمست : ابني
اطلعت على جنبها كان نايم متل الملاك ..
فات لعندها وتحد .. قرب لعندها ..: تعالي معي
قمر: شو بدك ولوين اروح معك !؟
..: بلا كترة حكي
حملت ابنها وراحت مع الشب
فاتت عغرفة تانية.. بس انصدمت وقت شافت شخص حست حالها بتعرفو
الجوكر: اهلاً اهلاً بالقمر .. لا تخافي .. راح احكي من القنصل يجي حالاً
قمر: ...
الجوكر: القنصل .. زوج حضرتك
قمر بهمس ..: يحيى
الجوكر : انا متأكد راح يجي بسرعة .. اسمعي اسمعي
مسك موبايلو واتصل ليحيى ..: والله اشتقتلك واشتقت لصوتك .. في الك مفاجئة راح تفرحك ..
يحيى: اذا بدك بضل جاي احتى تفاجئني وانا قدامك
الجوكر : هاي اكيد .. اكيد راح تيجي .. جاهز .. مدامتك وابنك عنا ..
يحيى : ....
الجوكر يلا راح ابعتلك العنوان ..
يحيى: انت كتبت شهادة موتك بإيدت يا جوكر
الجوكر : لي معصب ... اسمعني منيح .. لحتى ما تقول انو الجوكر خدعني .. اعمل حسابك .. تختار واحد من القمرين الي هون
يحيى: والله لاطلع بروحك اذا بتلمس حدا منهم
الجوكر: العنوان صار عندك .. ناطرينك على احر من الجمر

وصل يحيى ووجهه ما بيتفسر .. عند الباب فتشوا رجال الجوكر وسحبو منو مسدسو وفوتو عند الجوكر
قام الجوكر من مكانو ..: اهلاً اهلا بالغالي
قرب يحيى على الجوكر ..: هاي الحركة را تدفع ثمنها غالي
الجوكر: شو خترت !! مرتك ولا ابنك
اطلع على قمر الي كانت حاملة ابنها وشادة عليه والدموع مغرقة خدودها وواحد حاط المسدس على راسها
رجع وجه نظرو للجوكر
الجوكر: ما معك وقت كتير .. شو قررت .. انا لو مكانك بختار مرتي .. ابني بجيب واحد تاني بس هدا القمر كيف بدي تجيب متلو
قمر بصوت مبحوح ..: ابني لا .. يحيى خد عمر وروح من هون
اطلع عليها يحيى بقلة حيلة وشافها بطمنو بنظرات عيونها
قمر: تعال خدو يحيى وروح من هون
الجوكر: يلااااااااا شو قررت
قرب يحيى لعند قمر واخد البيبي من بين ايديها وهمسلها ..: لا تخافي راح ارجع
همستلو ..: لا تخاف بعرف ادافع عن حالي
هبط الجوكر عالطاولة وصرخ ..: قراااااار جميييييييل .. راح نتسلى كثير الليلة
اطلع يحيى عالجوكر وكز على سنانه ..: ما خلصت هون
قربوا منو تنين ومسكو من ايده وطلعو لبرة
الجوكر : يلا هاي خدوها عغرفتها ..< قرب لعندها ولمس خدها >.. ابي كان عندو حق يموت مشان هيك قمر

تخدوها على غرفة تانية ودقايق كان الجوكر عندها ..
بلش يقرب عليها ويحاول يلمس جسمها
وأول ما حط ايدو على خصوها .. مسكتها ولفتلو ودفشتو عنها ياها متل ما مان سام يعلمها

الجوكر : وااااااو شو هالحركات هاي
هجم عليها ومسكها من ايديها وحط ظهرها على صدروا وشد عليها ..: بس هاي حركات عالفاضي ما راح فوت على حالي فرصة اذوق القمر العسل هدا.. والله هالقنصل عمل خير انو تركك وراح
وبحركة سريعة ضربت اجرو وقدمت راها لقزام ورجعتو بسرعة وخبطتو براسها على انفه .. هاي الضربة خلتو تركها .. لفت عليه واعطتو ضربة بين اجريه خلتو وقع عالارض من الجوع
الجوكر : يا حقيرة .. يا كلااااااااب تعالو خدوها علموها الادب

🥀............باك.............🥀

شافتو حامل ابنو بين ايده وعيونو حُمو مليانة دموع ..
قربت عليه وحطت ايدها على وجهه ..: وين قمر !؟
مروان : امي اهدي شوي خلينا نفهم منو .. تعالو نفوت لجوا بدنا نضل عالباب
وبدون ولا اي مقدمات مد يحيى البيبي لجيهان ..: ديري بالك عليه هدا امانة عندك لحتى ارجع ..<التفت لمروان >.. خد امك وعمر وارجعواعلى ايطاليا ما بدي تبقو هون
مروان: وقمر !؟
يحيى بصوت مبحوح ..: انا بعرف كيف ارجعها
وبدون اي كلمة انسحب يحيى بهدوء ..
جيهان : هدا وين راح وتركنا ، لك ابني الحقو وافهم منو ولا ركبي بطلو يحملوني
طلع مروان ورا يحيى ركض ولحقو على اخر ثانية قبل ما يركب سيارته
مروان: يحيى استنى فهمني
يحيى: انا شو فهمتك .. ما بتبقوا هون ولا دقيقة .. خذ امك وعمر وعالمطار
مروان: طيب بس طمني
يحيى : اطمن وطمن امك قمر بخير .. لا تقلقوا يومين وبنكون عندكو
مروان: خلينا على انصال
يحيى : يلا سلام
ركب سيارته وانطلق بسرعة عالية

وصل عالمستودع شاف سام وجهه ما بتفسر وحازم الدمعة عالقة على طرف عينه .. ايهم ويوسف قاعدين قدام اللابتوب ووجوهم شاحبة
يحيى: شو في !؟
محدا رد او بالاحرى محدا قدر يرد او يجاوبو
يحيى: قلت شو الي صار .. في اخبار جديدة !؟
نفس السكوت ..
ضل واقف مكانه بدون ولا اي حركة
كسر السكوت صوت سام ..: العمر الك !!
اطلع عليه يحيى نظرة غريبة ..: لي!؟
سام: قمر!!
يحيى : مالها قمر!؟
اشر سام بايده عاللابتوب
راح لعند ايهم ويوسف وشاف اللابتوب ..

كانو فاتحين على فيديو لقمر .. مرمية عالارض تيابها مزعة وجسمها كلو كدمات
يحيى: سكر اللابتوب ويلا نشوف شغلنا في بعد عنا شغل اهم
انصدم الكل
سام بصراخ..: انت ما عندك دم ؟!؟؟؟
يحيى ببرود..: امشي معي .. حازم وايهم روحوا الموقع الي بعتلك ياه ويوسف روح ورا ابراهيم عالفرع
سام بعصبية ..: شو هالبرود الي انت فيه .. هاي مرتك يا مريض .. ينعن ابو الشغل قدام ..
قاطعه يحيى بعصبية..: بتخرس ولا اخرسك بطريقتي
شده من ايده وسحبو ورا بعصبية ..: كل واحد عموقعو
طلعوا برا المستودع ..
قرب من السيارة فتح الباب ..: يلا فوت
سام: ما بتحرك من مكاني الا لا افهم
يحيى : سام لا تجنني .. اركب وراح افهمك كل شي
سام: راح اركب .. بس اذا ما كان عندك تفسير منطقي للي بصير ما راح يصير خير ابداً
يحيى: بلا فزلكة اطلع عالساكت
طلع سام ويحيى بالسيارة وانطلق بسرعة عالية
ضل ساعتين ماشي بدون ولا اي كلمة وسام ما سكت ابداً

وقف فجإة على جنب الطريق
سام: لي وقفت
فتح يحيى موبايلو ولفو لعند سام
سام: شو هدا موقع مين !؟
يحيى: قمر
سام: وشو استفدت .. نروح نجيب جثتها
اخد يحيى نفس طويل وزفره بنفاذ صبر ..: انا الحق عليي جبتك معي
سام: ماني فاهم شي ..
يحيى: شايف هاي الاشارة هون .. هاي اشارة بطلع اذا الي لابس الاسوارة بعدو عايش
سام: لا تجنني شو هالتخابيص...
قاطعه يحيى: لك خراااااس الك ساعتين ما سكتت ابداً .. انا الحق عليي الي جبتك معي
اخد نفس طوييييل ..: شوف هاي اسوارة لابستها قمر بمعصمها .. بتقيس نبضات القلب وبنفس الوقت فيها جهاز تتبع .. لهيك هدا الفيديووالصور الي بعتو مفبرك .. فهمت ولا افهمك بطريقة ثانية !؟
سام: يا ابن اللذين كيف خطرتلك هالفكرة
............. فلاش باك .............
قمر بصراخ..: انا لايمتى بدي ابقى محبوسة بالبيت !؟؟ والله طقت روحي بطلت اتحمل
قرب عليها يحيى ومسح على راسها ..: انا طلبت منك ترجعي مع خالتك عايطاليا وانت الي رافضة .. بالوقت الحالي ما فيكي تطلعي منا البيت ليخلص شغلي .. ما راح غامر فيكو
قمر: يا ربي شو هالحياة هاي .. انا بطلت اتحمل
يحيى: خلص اهدي .. راح اخدك مشوار اليوم بس اهدي
قمر : ما بدي ما بدي .. مشوار وابقى كل الوقت بالسيارة والله تعبت
يحيى: قمر لا تجننيني .. ما الك طلعة من البيت لحالك افهميها لهاي النقطة ..
لفت حالها بعصبية واخدت البيبي وطلعت لغرفتها
قعد يحيى عاول كنبة شافها وريح قعدتو مسك موبايلو عمل اتصال ..: شو صار معك ما وصلت لسا .. يلا مسافة الطريق
سكر الخط وطلع من البيت مستعجل

ضلت قمر بغرفتها تبكي
بعد ساعتين رجع يحيى وطلع لعندها عالغرفة
شافها مكورة حالها عالتخت جنب ابنها .. راح لعندها وقعد جنبها عالتخت
يحيى: يسلملي القمر الزعلان انا .. والله قمري ما بلبقلك الزعل ابداً
قمر: لا تحلم ما راح ارجع مع خالتي وبدي اطلع
يحيى: خلص كيف بدك بس لا تزعلي
مد ايده لجيبتو وطالع منها علبة ..: اعطيني ايدك
لفت عليه قمر ..: شو هاي !؟
يحيى: عربون صلحة
فتح العلبة كان فيها اسوارة حلوة كتير شيك .. مسك ايد قمر ولبسها ياها ..: بدي توعديني ما تشليها من ايدك ابداً
قمر بابتسامة ساحرة : ياااااي كتير حلوة .. اكيد ما راح اقيمها ابداً
طبع بوسة عجبيتها ..: تسلملي هالابتسامة يا رب
لفت ايدها على رقبته ..: الله يخليلي ياك ويحميك
بعد عنها وقرب من ابنه ..: شوفيلي هالملاك النائم ماحلا الله يحميك يا عمري ..

.............. باك............
سام بفرح ..: الله عليك وعلى افكارك شريييك
يحيى: الاشارة بلشت تتحرك لازم ننطلق
انطلقوا بالسيارة عحسب الاشارة .. لحد ما وصلو لمبنى مهجور وقف السيارة بمكان مخفي ونزلوا منها
سام: بس لي غير مكان قمر
يحيى: ما بعرف
سام: والفيديو شو كان الو داعي
يحيى: يلعب باعصابي بس .. راح ندمو عليه
مرق نص ساعة على وقفتهم لحد ما ررن موبايل يحيى
يحيى: ايوا
الجوكر : اكيد اشتقتلي يا قنصل
يحيى: والله لو تعرف قدي
الجوكر: الامانة عندي ما بدك تيجي تستلمها ؟؟
يحيى: ...
الحوكر: اقلك خبر راح يفرحك .. والله هالقمر عليها طعم .. بجنن
يحيى بغضب مكبوت ..: بتعرف راح خليك تندم على انك بعدك عايش
الجوكر : يلا تعال استلم امانتك .. ما عاد تلزمني .. بس للامانة كل رجالي نبسطوا .. بس وحياتك اذا ما عاد تلزمك خليها عنا .. لانها لازمة رجالي
يحيى: موتك على ايدي يا كلب
الجوكر : راح ابعتلك العنوان .. سلاااااام
سكر الخط وبوجه يحيى قبل ما ينطق بحرف
يحيى: يلا لازم نفوت احتمال بعدو هالكلب بالمبنى
سام: انا بعتت العنوان للشباب .. والقوات على وصول
بلشوا سام ويحيى يتحركوا بهدوء ووصلوا للمبنى .. اطلع يحيى من فتحة شاف قمر مربطة بجنازير وفي اربعة من رجال الجوكر
رفع مسدسو وقوص على واحد براسو وسام على واحد تاني
انتبهوا التنين الي جنب قمر على الي تقوصوا وبلشو قواص على يحيى وسام
يحيى : خليك هون انا راح فوت من الجهة التانية
سام: اجري على اجرك
يحيى : مو وقتو خليك هون ليوصل الدعم
ثواني وكان المكان محاوط من الشرطة
سام: وصلو يلا امشي
هدي اطلاق النار
يحيى وسام لفوا من ورا المبنى وفاتوا لجوا
شافت قمر يحيى وسام وتوسعوا عيونها وبلشت تحرك راسها يمين وشمال بسرعة
حمل سام عصاي حديد كانت عالارض وضرب واحد من الواقفين على اجريه
انتبه الثاني عليهم وحاول يقوص سام بس يحيى كان اسرع منو وقوصو براسه ووقع بارضو
راح يحيى لعند قمر بسرعة وفك الشريطة الي على تمها
اخدت قمر نفس بسرعة ..: يحيى اطلعوا من هون بسرعة المكان كلو متفجرات .. خلص روحوا
التفت يحيى حولو وشاف القنابل الي على الحيطان ..: سام اطلع بسرعة من هون
سام: قلتلك اجري على اجرك ومعك عالموت
قمر: لا لا لا بترجاكوا روحوا من هون
حاول يحيى يفك الجنازير الي مغلقة باحكام وعليها افقال بس كانت مهمة شبه مستحيلة
قام من مكانه وصار يدور على اشي شغلة حادة يقدر يكسر فيها الاقفال
سام : لقيت هدا الحجر
اخدو منو وصار يضرب عواحد من الاقفال .. وسام يساعده .. انكسر اول واحد والتاني .. بس كان الوقت بمشي بسرعة
اطلع يحيى عالقنبلة الي فوق راس قمر كانت العداد ٥٠ ثانية وبعد في قفل .. صرخ بسام..: روح من هون بسرعة انا لاحقك
سام : ما راح اتحرك من هون الا وانت معي
واخيراً فك الاقفال كلها وبلش بفك السلاسل عن قمر .. حملها وركضوا لعند المخرج بس واحد من الرجال صحي ومسك بسام
يحيى اطلع عالعداد كان بس ٢٠ ثانية : يلا سام
سام: لاحقك ..
طلع يحيى بقمر الي كانت شبه صاحية نزلها عالارض عند اللواء

سمعو صوت انفجار قوي جوا المبنى
قمر؛ لا يحيى بترجاك لا
يحيى: سام جوا
تركهن ورجع لجوا المبنى
اللواء جمال: يحيى رجاع لهون .. <وصرخ>... يحيى
صرخت قمر..: يحيى لااااا ارجاع يحيى
فات يحيى بين النار وشلح جاكيتو ورماها عالارض .. شاف سام مرمي عالارض وبركة دم حولو
هجم عليه يحيى وصرخ ..: سام اتحمل يا صاحبي اتحمل

عند قمر
قمر بصراخ : يحيى .. حدا يفوت يساعدو لا تتركو لحالو .. يحيى
وفجأة طلع صوت انفجار تاني
هون قمر صرخت بكل صوتها ..: يحييييييييييى
واغمى عليها
........

بمكان تاني
كل رجال الشرطة حاملين نعش يحيى وسام بعد ما طلعوا جثثهم من المنى المحروق .. كانت جثث مشوهة ما في معالم واضحة لالها بس اكتفوا بوجود هويات يحيى وسام جنب الجثث لحتى ققرروا انها لالهم
انعملت جنازة كبيرة تليق بالابطال ..

كانت قمر واقفة قدام اربع قبور ملامح وجهها باردة ، جامدة ، ما في تعابير على وجهها .. حتى الدموع ما قدرت تنزل .. ووراها واقفين يوسف وايهم وابراهيم ومعهم حازم دموع متجمعة بعيونهم
ضربوا تحية للابطال وراحوا
قربت منها جيهان ومروان
جيهان: حبيبتي بكفي الي عم تعملي بحالك
مروان: قمر ابنك بحاجتك اكثر من اي وقت مضى .. انت امو وابو .. لازم تكوني قوية متل ما كان بدو يحيى تكوني
قمر بهمس..: يعني خلص راحوا
جيهان: ادعيلهم الله يرحمهم .. هدا افضل شي بتعملي
قمر: ما ودعتو .. راح بسرعة بدون ما اشم ريحتو ..
مروان : لا تعملي هيك
قعدت جنب قبر يحيى..: ما عاد اسمع منو كلمة قمري !؟
مسح مروان على وجهه بقلت حيلة وقال لامه ..: شو امي !؟
جيهان : تركها .. تركها تطلع كلشي بقلبها .. بترتاح هيك
قمر: نفس الموتة .. يحيى ، بابا وماما .. نفس الموتة .. لي ما حدا عم يرحمني .. لي مكتوب عليي اعيش بعذاب كل عمري .. لي كل حبابي راحوا ..
مروان وجيهان ..: ......
قمر: راح اشتقلك يا روحي .. سلملي على ماما وبابا
حكت هالكلمة وانفجرت بكى ودموعها ما عم يوقفوا

...............
ثاني يوم

بفيلا كبيرة صوت الضحك والاغاني والرقص واصل للسما
وما في غير صوت الجوكر الي كان قاعد بين مجموعة من تجار المخدرات والاسلحة
الجوكر: بصحتكوا جميعاً .. هاض الاحتفال على شرف روح القنصل ... بصحتكوا
طرقوا الكاسات ببعض وبعدها رجع علي صوت الضحك
وبلشوا البنات تفوت من الباب وعلى رقص وشرب
قربت وحدة من البنات لعند الجوكر ومدت ايدها وسحبتو
الجوكر: عن اذنكو رايح اكمل الاحتفال مع المزة ...
سحبته على غرفته.. فاتوا وكان كل الاضوية مطفية
الجوكر : شو اجواء رومنسية .. هدا الي انا مستني
..: وطبعاً هاي الاجواء على شرفي
فجأة شعلت الاضواء ..
اطلع قدامو شاف يحيى واقف قدامو وبإيده مسدس بكاتم صوت .. وجهه في شوية حروق وكدمات .. ضرب رصاصة عالبنت ووقعت بارضها
الجوكر بتأتأة بعد ما شاف البنت غرقانة بدمها ..: القننن .. القنننصل
يحيى: بشحمو ولحمو .. جيت كملك احتفالك الكبير
رمى الجوكر الكاس منن ايده وقبل ما ينطق بأي كلمة كانت الرصاصة مستقرة براسه
يحيى: هاي حق سام ..< ضرب رصاصة بقلبو.>.. هاي حق عذاب قمر ..< ضرب رصاصة تانية بصدره>... وهاي حق ليلى .. هيك بقدراقلك نم بسلااااااام يا جوكر
.........،.
.

.........
بعد مرور سنة
فاتت عالمقبرة لابسة اسود باسود .. حاملة بوكيه ورد ..
فجأة وقفت بعد ما شافت حدا لابس اسود مغطي راسو وراكي على قبر سام
بلش قلبها بدق بسرعة وكأنه بدو يطلع من مكانه .. وقع الورد من ايدها .. قربت منو ولسانها مربوط
قمر: .. ييييح ... ييييحححيييى
التفت عليها وعيونه متل الجمر والدموع متجمعة بعيونه
بس شافتو ارتسمت ابتسامة كبيرة على وجهها
قربت عليه وحطت ايديها على وجهه لحتى تتأكد انو مانو حلم ووهم متل دايماً ..: يعني احساسي كان صح .. وانت كنت جنبي دايماً
مسكتو من ايدو وسحبتو للسيارة .. ركبوا وانطلقت بسرعة عالية
وصلت لنفس المكان الي كان يضل يروحو هو وسام
نزل يحيى من السيارة بدون ولا اي كلمة
قربت منو قمر ولفتو عليها وبدون اي مقدمات .. طبعت بوسة طويلة على شفافو وهو تجاوب معها
بعدت عنو ..: كنت اشوفك جنبي دايماً وانا نايمة .. كان في شي بقلبي مانو مصدق .. بس كنت اقول حلم ووهم
يحيى: ...
قمر: احكي اي كلمة .. خليني اصدق انك قدامي فعلاً
يحيى : اشتقتلك
بسرعة البرق كانت متعلقة برقبتو وحاضنتو.. كانت خايفة يكون سراب .. وهم .. حلم .. كلبشت في بكل قوتها .. كانت خايفة يختفي
قرب يحيى تمه لجنب ادنها ..: سامحيني .. ما راح ابعد عنك مرة تانية بوعدك
حطت وجها قدام وجهو وطبعت بوسة طويلة على شفافو .. بوسة كلها شوق وحنين .....

النهاية🖤🖤🖤🖤

بداية القصة 💜

رأيكن بالقصة🧚‍♀👇
@Stories_3_bot

قصة جديدة : #في_عرين_الحرب

"قراءة ممتعة" 🌸♥️

كالمهرة المستساغ لحمها لجميع وحوش الغابة !!!
هكذا اصبحنا مواطنون بلاموطن
حدودنا الخيام والوحل
طعامنا الذل والحاجة
استساغو دمنا يالله
ونحن خير أمة اخرجت للناس

•~•~•~•~•~•~•~•~•~

المقدمة
اطلع بالولد اللي نايم بحضن أمو طالب منها الدفئ والآمان حملو شوي شوي حتى ماتحس عليه أمو اطلع فيه ونزلت دمعة حرقت خدو
طاهر : سامحني يابابا مضطر أعمل هيك أكيد رح نلتقى بالجنة
باسو بوسة طويلة على جبينو البارد ورماه بالبحر
طاهر : ياربي سامحني
حاول ينام كتير ماقدر وصورة ابنو مافارقت مخيلتو حتى غفي من كتر تعبو
صحي الصبح على صوت مرتو
رواء : ابني لك وين ابني وين رحتو باابنيييي ابنييييييي تيم
اطلع على ابنو التاني لقاه لونو ازرق بلع ريقو بصعوبة من هول اللي خطرلو
طاهر : بس ليكي تيم نايم
رواء : هاد مو تيم هاد تميم
طاهر : بعصبية حادة انتي شو عم تحكي انتي مابتميزي بيناتن هاد تيم تميم مات
رواء : انتي رمييتو بحروف متقطعة ...ر..م..ي..تو بال..بح.ر ص..ح
طاهر : لا يااااااربي انا قتلت ابني بايدي..

€_¥_€_¥_€_£_€_¥_€_¥_€

الجزء الأول
1

ببيت صغير بإحدى الحارات الشعبية القديمة كان قاعد وعم يتصفح المجلة ويشوف المناطق السياحية ومدموج كتير لاجتو طيارة ع رقبتو (المقصود فيها الكف عالرقبة )
ينار : انت مابتمل منن مابشوفك غير قاعد وحاطط هالجريدة وعم تتفرج ع هالكم منظر قوم طلاع لاقيلك شي شغلة تشتغلا
يمان : لاتحكي عليهن كم منظر هدول أحلى وأشهر مناطق بألمانيا

ينار : أها تشرفنا ياأخي وشو نعملن

يمان : خلينا نسافر لك أخي والله البلد مابقا ينعاش فيها ليك العالم كلها عم تطلع ..

ينار : ومنين بدنا نجيب مصاري..؟
نحنا ملاقيين ناكل حتى نسافر قوم حاج تحلم قوم ..

يمان : منتدين من شي حدا وبس نوصل لهنيك منشتغل ومنردن ..

ينار : ومين هاد اللي بدو يدينا ياشاطر بقي حدا يدين ب هالايام
يمان : صالح رفيقك مريش هالايام بعد ماتزوج الرقاصة ..

ينار : اي هاد الناقص نسافر بمصاري رقاصة استغفر الله العظيم ياربي استغفر الله
...
قوم اعملنا اكل حاج حكينا عن المخلوقة انها ر....
قوم يلا حاج نق ..

يمان : لك مافيها شي نحنا رح ناخدن من صالح وبعدين ماعنا حل تاني عيشتنا هيك عاجبتك يعني ..؟؟

ينار : عيّن خير قوم قليلنا كم بيضة وبعدين منشوف
يمان : تكرم لعيونك احلى عشا ..

<~<~<~<~<~<~<~<~>

قاعدة عم تبكي فوق راسه بالمشفى وهو نايم مو حاسس على شي ..

الدكتور : يا مدام ما بصير هيك لازم تخليه يرتاح.. هو هلأ تعبان من أثر الرصاصة

سالي : مو قادرة اتركه وهو بهي الحالة ..

الدكتور : لازم تدعيله لحتى يتشافى بسرعة ويرجعلك ، ولا مو هيك رأيك ؟

هزت براسها وطلعت لبرا وبلشت تدعيله ..

سالي : ياارب ياارب انت أعلم بحالنا يارب ، يارب تشافيلي زوجي وحبيبي يارب...
يارب تشافيه وتخلصنا من هالعذاب والرعب يلي عايشين فيه يارب فرج عن أمتك يارب ، يارب فرج عن امتك فقد ضاقت بها الحال يارب .. يارب انت اعلم بحالنا فرج عنا ..

ربع ساعة وهي رافعة ايديها عم تدعي بصوت عالي وكل يلي بالممر شي رفع ايديه يقول وراها آمين وشي بلش يبكي على هالحال يلي وقع الكل فيه وشي كان عم يضحك بشماته ..

الدكتور : مدام سالي زوجك صحي و..

سالي : عنجد .. بدي فوت شوفو

الدكتور ببسمة : طيب .. طيب رح تفوتي تشوفيه بس اول شي لازم تكوني قوية وتحسسيه انك جنبه وانه قوي ورح يتحسن .. لازم يشوف القوة فيك ليقوى ..

هزت براسا ودموعها عرض خدودها ..

فاتت لعنده وركضت لعنده ضمته

: آخ

سالي : آسفة آسفة مو بقصدي سلامة قلبك ريتو الوجع لالي ..

: كيفك

سالي : وقت شفتك صرت احسن يا عمري

: بدي ياك تكوني قوية كتير .. انا رح اتعافى ونطلع من هون سوا ماسكين ايدين بعض ..

سالي حكت بحزم : عمر .. نحنا لازم نسافر

عمر : سالي كم مرة حكينا بهالموضوع .. حكيت لاء يعني لاء

رجتت انتكست سالي : بس يا عمري شوف شو صار فيك .. نزلو دموعها : انت بتفكر شو بصير فيي اذا بفقدك ؟
لك انا بعشقك عمر ..
لما سمعت انك تصاوبت جنيت ما بعرف كيف صرت هون ..
رجليي ماعادو حملوني .. انت حياتي عمر ..

عمر : وانت حياتي وعمري وقلبي .. بس يلي الله كاتبه النا بده يصير

سالي : ونعم بالله .. بس مارح اتركك تروح من قدام عيني هيك .. بعدين ... افترض .. تصاوبت و متت انا .. ما بتقهر حالك وبتندم انه ما خليت النا فرصة نهرب من هون ونسافر ..؟

عمر : شو هالحكي هاد سالي ، بعيد الشر عن روحك .. خلص سالي لا تعصبيها عليي ..

سالي : ماشي .. انا رايحة على بيتنا ولما بتقرر نسافر يبقى اتصل عليي ماشي ..

عمر : بس زوجك مريض بدك تتركيه وتروحي

سالي : لا تستضعفني عمر هاد قرارك انت مارح اجي ..

اجت لتطلع من الغرفة لما صرخ من وجعه ..

زتت شنتتها سالي وركضت لعنده ..

سالي : عمر عمري انت منيح ؟!

عمر : بجنبك بس بكون منيح .. موافق

▪¤▪¤▪¤▪¤▪

كانت قاعدة بالنص وأهلها كلن حواليها مدت ايدها وتلمست وجوهن كلهن وهي فرحانة ومبسوطة ..

بس فجأة وبدون سابق انذار بلش الرصاص عليهن من كل مكان .. وقعو اهلها قدامها جثث هامدة وهي بس .. ما تصاوبت ما صرلا شي ..

الام : ب بنتي ن ا ر ين ا ا هربي م ن هو ن ، ب ح ب ك .. ..ا ش ه د ا ن لا إله إ ل ا الله وا ن م ح م د رسول ال له ...
وقعت ايدها وراحت شهيدة للجنة ..

نارين : امييييييييييييي

المريضة : دكتور ...المريضة رقم 1220 صحيت ..

اجا الدكتور عالنداء وفات لعندا

الدكتور : الحمد لله عالسلامة آنسة ..

نارين : اميي بدي امي .. ابي وينه اخواتي وينن وينن اهلي وينن وينن وينن

قرب الدكتور منها واعطاها أبرة مهدئ ...

رجعت نامت وهي عم تهلوس باسم اهلها ..

الدكتور : صابتها صدمة يا حرام .. هي خامس مرة بتفيق وهي عم تتذكر اهلها ..

الممرضة : كيف ماتو اهلها ..

الدكتور بصوت واطي : كانت برا البيت لما هجمو المسلحين على بيتن وقتلو كل اهلها ووقت اجت هي كانو اهلها عم يوقعو قداما واحد ورا التاني من خوفا تخبت ورا الحيط لوقت طلعو وبعدا ركضت لجوا وبلشت تصحي اهلها بس ما حد صحي غير امها ..

يبدو انو قالتلها شي قبل ما تموت لانه كل ما تفيق بس بتصرخ باسم امي ، لهيك امها هي آخر حد حاكاها ..

هاد الحكي يلي وصلني ..

الممرضة : حسبنا الله ونعم الوكيل ..

الدكتور : اي والله ..

•°•°•°•°•°•°•°•°•°•°•°•°•°•

بعد عدة ساعات رجعت فاقت نارين وهي عم تصرخ باسم امها ..

الممرضة : نحقنها مهدئ ؟

الدكتور : لا .. لمتى رح نضل ننيمها .. لازم تواجه الحقيقة ..

قرب منها ومسك ايدها ..
الدكتور : آنسة نارين .. انت انسانة قوية كتير .. اقوى مما بتتخيلي .. لازم تواجهي حالك .. اهلك راحو بس انت لسا موجودة .. انت هيك رح تقتلي حالك .. لازم تنسي وتبدأي من جديد

نارين بدموع : انسى ؟ انسى اهلي .. يلي نقتلو كلن قدام عيوني .. انسى ابي يلي كان معبا رصاص ؟ انسى امي يلي كانت عم تنازع الموت لتحي معي قبل ما تموت .. انسي اخوتي الصغار وهنن مرميين جثث هامدة بدون روح ؟
كيف بتطلبو هيك شي من الواحد كييف .. لك انا كيف بدي فوت على بيتنا هلأ كيف ..
كيف بدي ضل شم ريحة امي وابي فيه ..
كيف بدي عيش واخواتي يلي هنن محلين حياتي راحو
كيف بدي عيش وانا ما بقيلي شي يربطني بالحياة ..

الدكتور : اهربي ..

اطلعت عليه مستغربة : اي .. هربي .. لا تضلي هون وتقتلي حالك .. انت لسا بعمر الوردة والموت حرام عليك ..

نارين انفجرت فيه : حرام عليي ؟؟ لك عن اي موت عم تحكي ... لك اخواتي شو ذنبن ااه ؟ اخواتي شووو ذنبن يموتو ؟ هنن مو بعمر الورد .. وطت صوتا .. لك .. لك لسا هنن اطفال .. اطفال ..رجعت صرخت وحكت .. لك كييييييف .. كيييف طاوعن قلبن يقتلو اطفال كيييييييف كييييف جاوبني كيفف ... لك انا شفتن وهن عم يقتلوهن .. ما استرجيت قرب .. هه خفت يقتلوني .. للحظة خفت من فكرة الموت ..

الدكتور : ها هاد بيعني انو ما بدك تموتي..

نارين : لك ياريتني متتت .. لك يارييييتني فتت ومتت مع اهلي .. ياريت ما بقيت وحيدة عم نازع الوحدة لحالي ..
بلشت تصرخ بهستيريا .. كلو منيييي.. انا السببب انا تركتن كلو منييي كلو منيييي

الدكتور مسك ابرة مهدئ واعطاها اياها ونيمها ..

الدكتور : مارح يمشي الحال هيك ابداً

◇♤♡♤♡♤◇♤◇♤◇

بهداك البيت الدافي اللي ياما اجتمعت ذكرياتن فيه وعاشو الفرح والحزن سوا .. قاعدة بغرفتها ومتكورة ع حالها وحاطة راسها على رجليها وعم تبكي ضلت على هالحالة بالرغم من دخلة اختا لعندا ..
تيما :حبيبتي تغريد شوفيكي ليش عم تبكي حدا حكاكي شي متزاعلة انتي واحمد ؟
تغريد رفعت راسها بسرعة لما انذكر اسم احمد
تغريد : لاتحكي على احمد هيك هو بحياتو مارح يزعلني
تيما : لكن شوفيكي دموعك مغرقة وجهك وليكي حبة الكرز محمرة
تغريد باستغراب : شو هي حبة الكرز
تيما : انفك ياهبلة .. شوفي كيف محمر من كتر البكي قليلي شو صاير معك
تغريد : قلي أحمد أني لازم سافر لعندو واتفق مع ناس تطالعني

تيما : وليش زعلانة انتي مو هاد اللي كان بدك ياه تجتمعي مع احمد مو كانت هي امنيتك الوحيدة بعد ماتخرجتي

تغريد : اي صح بس انا رح اشتقلكن كتير ورجعت تبكي وحضنت أختا

تيما حاولت تبين قوية ومسحت دمعة نزلت من عينا

تيما : ونحنا كمان رح نشتقلك كتير كتير بس رح نضل ع تواصل ونحكي مكالمات فيديو دائما كأننا مع بعض وشايفين بعض ومارح تضلو كل العمر برا البلد ان شاء الله بتنحل الأمور وبترجعو لهون باسرع وقت واهم شي ان رح تجتمعي مع احمد حبيب طفولتك
ماردت عليها اكتفت بانها تهز راسها وتبكي بصمت ..

■□■□■□■□■□■

رواء : لك طاهر مشان الله تعا ساعدني تعبت رح جن منك ومن ولادك مو شاطر غير تقعد وتقرا ب هالجريدة
طاهر : مو قاعد عم اتسلى عم شوف اذا في اعلانات للشغل

رواء : هههههههههههه لك مو قادرة ياربي ههههه ..

طاهر : لك شبك حكيت شي نكتة ومالي خبر ..

رواء : لاء سيد راسي بس انو شغل عم تحكي عنو اذا الشباب عم تركض تستلم الشغل وكانو قطعة اثار نادرة من قلتو اذا بدك تلاقي شي بالجريدة رح تلاقي شب يبحث عن عمل مو مكتب يبحث عن عامل كل الدنيا صارت بالعكس ..

تنهد طاهر وحكا : معك حق هاتي عنك تميم لساعدك فيه هي الشغلة الوحيدة اللي فيني اشتغلا ..

قعدو تنيناتن وبحضنن اولادن التوأم وكل واحد منن تفكيرو بمحل
رواء : طاهر

طاهر : هممممم

رواء : لايمت رح نضل هيك نحنا لاشغل متل الخلق ولاحياة متل الخلق ولادنا عم نشتهي نجبلن قطعة تياب متل العالم ومنضل خايفين جوات بيتنا مو حاسين بالآمان

طاهر : شو طالع بايدنا نعمل استنفدت كل الحلول

رواء : مبلا في حل خلينا نسافر لعند اختي ع المانيا ليكن عايشين ومكيفين عالاقل مابخافو تجيهن شي قذيفة على غفلة تقضي على حياتن..

طاهر : فكرك السفر سهل من وين بدنا نجيب تكاليف السفر ؟
رواء : انت بس وافق وماعليك بخلي اختي تدبرلنا الطريق وبالنسبة للمصاري لاتشيل هم ببيع قطعة الارض اللي تركلي ياها ابي الله يرحمو ..

طاهر : خلص متل مابدك المهم انتو تكونو مبسوطين ومرتاحين

رواء : الله يخليلنا ياك ..

°~°~°~°~°~°~°~°~°~°

فات عالبيت وسكر الباب وراه وهو عم يلهت ..

استند عالباب ونزل عالارض ليريح حاله ورجليه يلي ماعادو يحملوه ..

كان مارر سعد من هناك لما شافه ..
قرب منه بقلق ..

سعد : انت منيح سارية ؟

سارية اخد نفس وحكا : ك كانو رح يلقطوني ..

سعد : مين ؟؟

سارية : مين يعني .. وطى صوته .. يلي ببالي بالك ..

سعد : لك كيفف وانت آخد كل احتياطاتك ..

سارية : بياع هالفول ابن الحرام معن ..

سعد : شووو !

سارية : اي والله ..

تامر : شو عرفك ؟

سعد : انت هون

تامر : سمعتكن هلأ بالصدفة ..

سعد : تعال سندو معي مو قادر يوقف ..

سندوه تامر وسعد لسارية وفوتوه عالغرفة .. سكر تامر الباب وقرب منن ..

تامر : اي كيف عرفت ..

سارية : كنت ماشي الحيط بالحيط مشان ما حدا يشوفني بس حاسس انه حدا ع يلحقني .. كل ما التفت لاقي بياع الفول يوقف ويعمل حاله عم يشتغل بالفول ..

اسرعت وركضت ووقفت بحارة صغيرة .. قرب بياع الفول التفت مالاقى حدا .. طلع هاتفه واتصل فيهن وقلهن انو ضيعني وانا غافلته وهربت من الحارة التانية وهي كل القصة ..

سعد. ؛ يعني صارو بيعرفو انو نحنا هون !

تامر : شي اكيد ...وانا اصلا اليوم كمان طلعت دورت ع شغل بس يا حسرة ما في شغل بهالبلد ..

سعد. : هوففف .. هو بقي شي بهالبلد أصلا ..

سارية : بتعرف سعد .. صرت اقتنع بحكيك اكتر .. نحنا ما بقيلنا مكان هون .. بالاخص اننا مطلوبين ..

سعد بفرح : يعني بفهم من كلامك انك موافق تسافر !

سارية : هي البلد تركتلنا حل تاني ..

سعد : وانت تامر ..

تامر : بتعرفوني معكن بكل شي .. بس عازة عليي البلد ...

سارية : مفكر سهلة علينا .. والله حاسس على قلبي متل الحجر بس شو بدنا نساوي .. هيك الله كاتبلنا ..

تامر : خلص شباب انا معكن

سعد : يعني موافق ..

تامر تنهد : موافق ..
#يتبع