رفعو نظرهم كلهم عأبوهم،مصدومين
أيوب:ليش مستغربين؟مابيصير أبن بهاء يربا بعيد عن عيلة أبوه،والكل بيعرف أنو القانون رح يعطيها الولد للأم بهلعمر
لذلك بدي واحد منكم يوافق علزواج

جمال متلبك:أاا أبي،،يعني
ايوب:احكي ولا تتلبك
جمال:أنا..أنا بتزوجها
عمار بيتطلع بصدمة:انت شو عم تحكي،انت متزوج وعندك بنتين،اما انا عذابي،لهيك أبي انا بتزوجها
جمال بعصبية:شو خص،انا بقدر اتزوج كمان،وأبي حطني معكن هون يعني ماعندو مانع
عمار بيرفع صوتو:لك انت بوحدة ماعم تخلص،روح سألها قبل ياا جمال افندي

أيوب بيرفع صوتو:لك بس،لعما شو قلة هلأدب،معقول عم تصرخو وانا موجود،وبحالتنا هي؟
بيسكتو وبحطو عيونهم بلأرض

بيتطلع أيوب بنور وبيقلو:وانت يانور؟ليش ماحكيت شي
نور:أنا بصراحة بعتذر منك،مافيني اتزوج مرت أخي
ايوب:بس هية هلأ بطلت مرت أخوك،وانت لازم تحافظ ععيلة اخوك

نور:بقدر حافظ عليها ببيت أهلها وقت ببعتلا مال تقدر تعيش فيه حياة كريمة هية وابنها،وبقدر جيب ابن اخي لعندي فترة وبعد هيك برجعو عند امو
أيوب:لأ،أنا قررت ولازم حدا يتزوجها
نور بصوت واثق ورجولي:بعتذر أبي بس مو أنا،ليكن ولادك التنين ماشالله تبرعو بحماية عيلة أخوهم،أنا ألي حياتي الخاصة بلمدينة
أيوب:ومين قلك رح اسمحلك ترجع علمدينة؟
نور:بس ياأبي..
أيوب:ولا كلمة،كلكن سكتو،هلأ أنا رح حدد ووقت اعرف مين الانسب رح خبركم،امشو من هون يلا

ثواني وبيرجع كل واحد عغرفتو
بتفوت عزة لعندو وبتطلع فيه بحزن
أيوب:مافي غير هي الطريقة ياعزة،لازم اقدر احكم بلحق
عزة:خايفة عولادي
أيوب باستغرب:من شو؟؟
عزة:خايفة عليهم ماياكلو بعض

بيسكتو هني التنين وبيسرحو بأفكارهم

بتكون بغرفتها الخاصة،المنعزلة فيها نقلولا كتير أغراض ألها عم تفتش عذكريات ألها مع بهاء،بتلاقي صندوق الجديلة تبعيت شعرها

بتسحبو وبتمسح عليه وعيونها عم يبكو بتفتحو وبتطلع بجديلتها بتهمس:آاخ يابهاء،وين تركتني أنا وابنك،تخليت عني بكير كتير قلتلي رح تتغير وتبقا جنبي،ليكك تغيرت بس مابقيت جنبي
قلتلي رح تسعدني بس وانا عم حاول اتقبلك بحياتي رحت

بتلاقي ورقة جوا الصندوق كانت تحت الجديلة،بتطالعها وبتفتحا "ياسمين،حبيبة قلبي الأولى والأخيرة،قلبي صغير ماقدر يتحمل حبك كلو لهيك رح فارقك عن قريب،مسحي دموعك وكوني قوية ليكو ابني رح يكون سندك،وكمان في شخص تاني واثق مارح يتخلى عنك،لأنو حتى وانا موجود ماقدر يتخلى..أخي نور
يمكن رح تتفاجأي،بس مابتعرفي ياياسمين اديش الندم آكلني أكل وماعم اقدر احكي هلشي لحدا،وقت بلاقيكي عم تبدي تتقربي مني عم حس بعذاب الضمير تجاه أخي

سامحيني علي عملتو فيكي وفيه وخلي روحي ترتاح تحت القبر
حبيتك بس نور كان بحبك اكتر،بتوجعني هلكلمة بس هي الحقيقة
انتبهي عحالك كوني أقوى من الدنيا يلي رح تواجهك ((بهاء)" غصت بوجعها مرة تانية ورتمت علتخت وغرقت بدموعها،بس بعد شوي بتسكت وقت سمعت صوت الباب

بتفوت كاتيا:كيفك ياسمين خانم
ياسمين:متل ماأنا،كيف بدي كون
كاتيا بتفرك بأيديها وبتتلبك،بتنتبهلا ياسمين
وبتقلا:شبك كاتيا؟ليش متلبكة
كاتيا:بصراحة في شي لازم تعرفيه،ومابعرف كيف احكيلك ياه
ياسمين:إذا مو مهم لا تحكي مالي رايئة
كاتيا بلهفة:لاا شو مو مهم،لك هاد مصير حياتك انتي وابنك

بتتفاجأ ياسمين وبيصير عندا فضول:طيب احكي
كاتيا:كيف بدي قلك،بس من شوي سمعت الشباب والسيد ايوب متجمعين وعم يحكو عنك
ياسمين:كملي شبك
كاتيا:كان أيوب بيك عم يطلب واحد منهم يوافق يتزوجك
ياسمين:شوو😭
يَتْبّْع...

#عروسة_الثأر
الجزء_الرابع

كاتيا:أي والله هاد يلي صار،قال أيوب بيك خايف حفيدو يطلع برا هلبيت
ياسمين:مستحيل،لك شو هلكلام؟طيب شو جاوبوه
كاتيا:مارح تصدقي،جمال أول واحد وافق،وبعدو عمار

بتسكت كاتيا
ياسمين متلبكة:ممم يعني..ونور؟
كاتيا:الوحيد يلي رفض بيناتهم

نصدمت كتير ياسمين
،انكسرت وماعاد عرفت كيف تتصرف
ياسمين:كاتيا،سامحيني بدي منك تتركيني شوي،بس بدي ياكي ترجعي وقت اتصلك
كاتيا:انا بدي ابقا جنبك بهلحالة
ياسمين:بترجاكي يلا،بس تركيني شوي ماعاد فيني اتحمل تشوشت افكاري

بتطلع كاتيا وهية قلقانة عليها كتير،لأنو لاحظت ع ياسمين التعب
بتقعد وبتبلش تفكر بيلي حكتلا ياه الخادمة،وبردة فعل نور..وبرسالة بهاء
كان بهاء بطريقتو عم يحسسا انو في شي رح يصير معا إذا ماكان نور جنبها،فكرت كتير وماعادت تحملت،معقول يزوجوها لعمار ولا لجمال وتوقع بمتاهات تانية

بمكان تاني بهلبيت الكبير
بغرفة جمال تحديداً
بتوقف فتون وعلامات الغضب بوجها واصلة لزروتها
فتون بصراخ:شو تفضلت ياافندي؟شو أمرت ياسيد الرجال انت؟بدك تتزوج عليي تؤبرني،اي مو لتعرف تعيش مو وحدة يابعدي
جمال بيوقف وبيخفض صوتو:لك هسس شبك شبك،اهدي وسمعي للآخر
فتون:شو بدي اسمع اكتر من السمعتو،هاد يلي ضل ناقص والله هلفصعونة تصير ضرتي،سماع جمال اذا بصير يلي عم تقولو لطربق هلبيت فوق روسكن
جمال:لك خرسي بقا،اذا ماتزوجتا لياسمين رح نصفي بلا شي
فتون:يلا تعال ألّف عليي قصص وحكايا،بس مارح صدقك واذا بتتزوجها ياجمال.. جمال بغضب ماشافتو من قبل:لك انتي مابتفهمي،مابفوت لسانك لحلقك،وربي اذا مابتقعدي وبتضبي لسانك وبتسمعي كلامي لاحطك اقتلك وفش قهر السنين هلأ
فتون بترفعلو حاجب وبتنزل التاني،بتسكت وبتقعد
فتون:تفضل اتحفنا
جمال:بتعرفي أني شفت محامي العيلة
فتون:أي؟؟
جمال:خبرني أنوو..أبي كاتب كل أموالنا باسم اخي
فتون بصدمة:أي أخ؟
جمال:بهاء،وأبي كمان متنازل عن حصتو يعني كلشي لابن ياسمين
بتلطم فتون متل الهبلة عوجها:ياخراب بيتك يافتون
جمال:اذا بدك بيتك يبقا عمران بتخليني اتزوجا لياسمين،بسحب كلشي لاسمي بلأيام وبرميها متل الكلبة عند اهلها
فتون:وشو يلي بيضمنلي ياأفندي؟
جمال بيفكر شوي:بكتب ورقة شراكة بيني وبينك أنو كلشي بملكو انا بكون ألك فيه النص،تمام هيك؟
فتون بيعجبها الكلام كتير وبتسكت،بعدا بتقلو:موافقة
جمال:بقي بس يختار أبي واحد مننا
فتون:يعني انت متأكد انو المحامي صادق
جمال:اكيد،لأنو هو الوحيد يلي بيعرف هلموضوع غير أبي،وهو من زمان بهي العيلة ويمكن خبرني لأنو ابنو الكبير لأبي

بيسرحو هني التنين بأفكارهم

ومنرجع مننتقل عند ياسمين
كانت ماسكة بقلم وورقة،وانتهت من الكتابة،بتتصل عكاتيا وبتطلب منها توصل هي الرسالة لنور
كايتا:أنا بأمرك،بس شبك ليش هلقد تعبانة صاير معك شي
ياسمين:لا لا شوية مغص يمكن يروح بعد شوي
بتمشي كاتيا

وقت قصير وبتكون الورقة بأيد نور،وهو مستغرب كتير ياترى شو بدك مني ياياسمين؟

بيفتحا وبيبدا بيقرأ "نور،مابعرف من وين بقدر أبدا كلامي،أنا انكسرت كتير من زمان،وهلأ اتدمرت بوفاة بهاء،بعرف أنك مو طايق تشوفني من نظراتك ألي اول يوم بتجي لهون،مع هيك بدي اطلب منك طلب
نور بغلاوة أيام زمان يلي كانت بيناتنا،برحمة بهاء تساعدني وماتتركني،أنا أمانة أخوك عندك لاتفرط فيني
تعذبت بحياتي كتير وماعاد فيني اتحمل اكتر،بدي ارتاح وابعد عن كل هلعذاب وعيش مع ابني بهدوء

وصلني خبر بقرار عمي أيوب،وبعرف كلمتو لازم تتنفذ،انقهرت وقت سمعت انك رفضتني،انت بتعرف اديش كرامتي غالية علي،انت يلي علمتني هلشي
بس معك مارح خاف عكرامتي لأنو بعرف رح تحافظلي عليها،لهيك انا بترجاك لاتخلي واحد منهم يتزوجني،وتزوجني انت((ياسمين))" بيشد الورقة كلها وبيجمعا بقبضة أيدو،ملامح غضب عوجهو ماعاد يعرف شو يعمل،كيف رح يقدر يكون معها وهية كانت لأخوه،افكار كتيرة براسو بيبقا عهلحالة ليفزع بلآخر من صوت صرخات فظيعة بيرجف قلبو من صخبها

والكل بيتجمع تحت عند الدرج،عزة بتكون طالعة بسرعة من غرفتا
نور بخوف:أمي شو صاير شبها ياسمين؟
عزة:عم تولّد،لازم حدا يجيب القابلة بسرعة وكمان جيبو أمها خديجة

نور بيتوتر بيرفع راسو للأعلى عند مصدر الصوت
أيوب:لك شبكن،واحد منكم يروح يجيبن
بيمشو عمار وجمال ليجيبوهن(الظاهر بلشو يبيضو وجه قدام ابوهم ليختار واحد يتزوج ياسمين)
أما نور كان بعالم تاني،حزن معبي عيونو وهو سامع صرخاتا يلي خزقتلو قلبو

بيطلع فيه أيوب بيلمح نظرة بعيونو غريبة
أيوب:نور،شو واقف عم تعمل،طلاع وقف برا وانا جاية وراك
نور بخوف:بس ياسمين عم تستنجد،عم تتوجع بترجاك خلينا ننقلا علمشفى
أيوب بحزم:سكوت هاد شغل النسوان،امشي معي لبرا يلا

متل الولد الصغير روحو تعلقت هون وسحبو أبوه من ايدو لبرا
وبقي متوتر عم يروح ويجي،وقت قصير وبتول القابلة وخديجة بيجو وفوراً بيتوجهو لعندا

أيوب:جمال انت روح عبيت حماك جيب مرتك
جمال:حاضر أبي
عمار بعدم اهتمام:وانا بقي بدك مني شي
أيوب:ليش وين رح تروح
عمار:واعد رفيقي
أيوب ببرود:روح من وجهي

كل هلاحاديث ونور واقف ولا كأنو موجود وموجه نظرو عغرفتها لفوق
نور من جواتو بيقول:ياربي كون معها،هي الطفلة كيف رح تكون أم وتقدر عهلألم كلو قويها يارب

أيوب بيهزو:لك ابني شبك،هيك الرجال بيخاف من شوية صوات
نور:بس ياأبي
أيوب:لا بس ولا شي شوية وقت وبينتهي كلشي،وبيجي ابن ابني..حفيدي
نور:بهاء
ايوب:شو؟؟
نور:بدي سميه بهاء

أيوب بتدمع عينو،بس بيكون اقوى من هيك ومابتنزل الدمعة
نور بيتحجج وبيقول:أنا بدي فوت اشرب مي

بيفوت ولسا صواتها عم تهز أرجاء الفيلة،عم يتوجع من جوا قلبو،بيفوت علمطبخ بيطلب المي وبس يخلص وبدو يرجع عند أبوه بيلاحظ أنو الصوت اختفا،وبيزيد عندو الخوف بيلاقي كاتيا نازلة بسرعة وملامح الخوف متملكتا

نور بذعر:كاتيا شو صار؟
كاتيا:نور بيك،الخانم تعبت كتير وكانت بتولد وهلأ
نور:وهلأ شو لك نطقي شو صار بياسمين
كاتيا:هية غابت عن الوعي والقابلة عم تقول لازم ناخدها بسرعة علمشفى

بحس نور بدوخة وكأنو الدنيا برمت فيه،بس بحاول يقاوم وبيطلع لفوق
عزة بتطلع لعندو:نور ابني بترجاك ساعدها
نور:طيب شوفيني اعمل امي قوليلي
عزة:فوت حملا ونزلا علسيارة لازم نوصل علمشفى قبل مايصيبو شي الطفل

بيفوت بعد مابتسمحلو القابلة بيحملا بحنية وهو عم يراقب ملامح وجها يلي كلو مي،بس مسترخية تماماً ماعادت حست عشي

بينزل لتحت وأيوب بس يشوفو بينصدم،وعزة بتخبرو يلي صار وفوراً بيتوجهو علمشفى
وبعد وقت قصير بيوصلو بينقلو ياسمين عغرفة العمليات،مرة تانية وبنفس المكان صار يستعيد نور ذكرياتو بس الفرق أنو اخو مو موجود

بيلاقو هلممرضين عم يطلعو ويفوتو ويتراكدو
بيسألوهم شو يلي صاير وماحدا بيرد،بلآخر نور بيمسك الدكتور وبيقلو:لو سمحت اعصابنا ماعاد تتحمل طمنا
الدكتور بقلق:الوضع كتير خطير وحتى الطفل وضعو صعب وخايفين الاوكسجين يوقف عندو
نور:طيب شو ناطرين عملو العملية
الدكتور:المشكلة أنو المريضة غايبة عن الوعي وصار معا بداية نزيف،رح يجي الدكتور التاني بس ادعولا تكون قوية

عزة وهية عم تبكي وجنبا خديجة: ياسمين قوية ورح تقاوم كرمال ابنها،رح ترجعلي ريحة ابني علبيت انا متأكدة

بيقرب نور لعند امو وبيضما،وبيمرء الوقت عليهم بصعوبة
هيك لحتى تطلع الممرضة وتقلو لنور:ألف مبروك مدامتك جابت ولد متل القمر،وقت قصير ومنجبلكم ياه علغرفة
نور بيقشعر جسدو من هلكلام وبيقلا:طيب وياسمين،الأم كيفا؟
الممرضة:لاتقلق هية حالتا شوي احسن هلأ ورح ننقلا علغرفة الخاصة بعد شوي فيكن تروحو علغرفة
بيروحو وكان نور ناوي يبقا بس بينجبر يمشي،مانتبه عنظرات أيوب ألو كان كتير مستغرب أيوب من لهفة أبنو ع ياسمين

بينتظرو وقت قصير وبيجيبو ياسمين،يلي يادوب وعيانة علدنيا،بتطلع حوليها وعيونها مغبشة شوي،بتلاقي أمها ماسكتلا ايدا

ياسمين يادوب بيطلع معا الحكي:أمي،ابني كيفو؟
خديجة:لاتقلقي هو بخير ياتؤبريني بس انتي شدي حالك لترجعيلنا بخير وسلامة
بترفع عيونها لفوق ياسمين وبتقول:الحمد والشكر ألك ياربي،ليكني يابهاء جبت ابننا،اجا علدنيا ورح علمو كلشي قلتلي ياه..هاد ابنك.. وقبل ماتقول شي بيقلا نور:بهاء،ابنك اسمو بهاء ياياسمين
بتطلع فيه وبدمعو عيونا اكتر:نور..
بيقلا بقلبو وعيونو بتحكيلا(ياعيون نور،ياربي صبرني عهلأيام ماعم اقدر قاوم حبي ألها،ياربي سامحني أنا بعشقا،ياريت اقدر اخد هلوجع كلو من عنك)

عزة:قوليلي يابنتي بدك شي
بتبقا موجهة عيونا ع نور:بدي ابني يعيش بأمان جنب عيلتو،بدي ابني يتعوض عن حنان الأب ابني يلي صار يتيم قبل مايشم الهوا
نور:بهاء مارح يحس بليتم بحياتو،لأنو رح يعيش بيناتنا وبحضنا
خديجة:معك حق ياابني بس الولد لازم يتربا بحضن أمو(فكرت من كلام نور أنو بدن ياخدو الولد ويرجعولا بنتا)

بس كانت ياسمين سارحة بعيون نور،عم تاخد منهن أمان ووعود كتيرة لحتى تهدي نفسا
بيكون يادوب فايت أيوب وسمع آخر كلامن وبيوجه كلامو لكنتو:سمعيني يابنتي،لو الحديث هلأ مو وقتو،بس انتي رح تبقي ببيتك وابنك رح يبقا بحضنك وبيناتنا،ومارح ينقص عليكن شي
عزة:طبعاً أنتو من ريحة الغالي
أيوب:مو مهم هلكلام ياعزة،المهم أنو رح تبقا كنة هاد البيت

بينتهي الحديث والكل عم يفكر شو رح يصير بلمستقبل،بيجيبو الولد بيحملو أول شي نور بشم ريحتو وبيضمو لقلبو ياسمين بين وجعها فرحت بهلموقف كتير

وهيك مر يومين وهية بلمشفى وجمال وعمار اجو شافو ابن اخوهم كمان وحاولو يتقربو من ياسمين ببعض الكلمات الكاذبة

رجعت علبيت
وهي هية حالة الكل،ياسمين عم تحاول تصح من أثر الولادة،ونور عم يحاول يكبت العشق يلي عم يزيد كل ماعم يشوفا

جمال ومرتو عم يتقربو منها كتير،وأيوب عم يخطط وماحدا عم يعرف لشو
كان نور منتبه كتير منيح عأفعال عمار وجمال الكاذبة وخايف كتير عياسمين منهم،بلأخص من عمار

بتمرء الأيام وبعد تقريباً شهرين
بيكون واقف نور عشباك غرفتو بآخر الليل لينتبه عسيارة عمار مركونة ورا الفيلا،ستغرب كتير،كان عم يمشي عمار بلحديقة طبيعي جداً بس عم يتلفت حوليه ويرفع راسو عشبابيك الغرف،والحمدلله كان نور مطفي الانارة ومانتبهلو عمار،واختفا فجأة

نزل نور لعندو علحديقة ليشوف شو السبب يلي خلا اخو يعمل هيك،وتوجه علسيارة بس مالاقاه وصار يبرم بلحديقة

بس بهلاثناء،كان عمار فايت علفيلا قبل مايطلع نور منها،وتوجه فوراً عغرفة ياسمين،طالع قنينة مشروب من جيبتو وصار يرمي منها عطرف قميصو وصار يعمل حالو متل السكرانين

بعدا قرب علباب ودق ومافي اجابة،حاول مرتين حتى انفتح الباب،رما غطا العلبة بعيد وهلشي خلا ياسمين تشك بشي طلعت خطوة من غرفتها لتتفاجأ بعمار بيسحبا لجوا وبيسكر الباب

استغل عمار انو غرفتا المنعزلة بعيدة عن باقي الغرف وبلطابق الاخير،سكرلا تما ووجها علحيط محاصرها تماماً،وعيونها مفتوحين عآخرهن من الخوف،بتطلع بعيونو وبتطلع عابنها يلي نايم بسريرو

شمت ريحة القرف يلي عقميص عمار وعرفت أنو سكران وهلشي خوفها اكتر
عمار:سمعيني منيح،بتسكتي ومابتحكي حرف احسلك
هية عم تحكي بس مو مفهوم كلاما
عمار:رح اسحب ايدي عن تمك بس ياويلك تصرخي،وربي بقلن انتي يلي فوتيني برضاتك

بتخاف اكتر وبتصير ترجف وبس يبعد ايدو عن تمها بتقلو:كرمال الله لاتأذيني ياعمار،والله انا مالي حمل مصايب
عمار بنظرات وسخة:تكرم عيونك الحلوة،لكن بتسكتي وبتكوني حبابة وبتستسلمي للي رح يصير فيكي
ياسمين:لا لا مابقدر لا ياعمار أنا مرت بهاء
عمار بيضحك ضحكة وسخة:هههه ورح تصيري مرتي،ومافي غير هي الطريقة
ياسمين:كيف؟

بيقرب اكتر وبيحاول معها كتير وهية خايفة عم تدافع عن نفسا بصمت،وبتدعي لربها بصمت،وهو ماكان يحس بلنار يلي عم تاكلا

بهلوقت كان لسا نور عم يدور عأخوه بس للحظة بتجي صورة ياسمين ببالو
نور:ياواطي،أوعك ياعمار والله مابرحمك

بيركد فوراً وبيطلع علطابق الأخير بس ماعم يقدر يسمع شي يأكدلو أفكارو،بيقرب اكتر علباب بيسمع اصوات اشياء عم توقع

جوا الغرفة
ياسمين بتحاول تضربو أي شي وتبعدو بس وقت بتلاقيه طالع من جيبتو متل بخاخ خافت وعرفت أنو رح يخدرا صحي الولد وصار يبكي
وماعاد تقدر تتحمل وصرخت صوت،وبنفس الوقت بخ عوجها عمار وغابت عن الوعي
وبهللحظة بيكون نور فتح الباب ليلاقي ياسمين بين ايدين عمار

بيتفاجأ عمار وبيرميها علتخت
فوراً بيقرب نور وبيمسكو من قميصو:ولك حقير انت،شو عم تعمل ياواطي

وبيضربو بوكس
عمار:انت ماخصك ولاك،سماع نور اذا بتطالع حرف رح طالع كلام عن ياسمين لكل أهل القرية
نور:لعما ماأوسخك،لك هير عرضنا

بيكون الطفل لسا عم يبكي،ونور مابيتحمل يتركو هيك،لذلك بيروح بيحملو وعمار بيجي ليهرب
نور:عمار،بتترك البيت وبتمشي من بكرا وألا رح خبر أبي بكلشي صار
عمار:مابتقدر،ورح احصل علي بدي ياه
نور:لك شو بدك منها،وانت مليان عندك بنات من طينتك مكان مابتروح

عمار:ههههه عنجد انت غبي،انت بتعرف اذا بصير بيني وبين ياسمين يلي كان رح يصير،فوراً أبوك بيزوجني ياها
بيترك نور الولد علتخت وبيرجع بيتوجه ع عمار
نور:لعما اديشك وسخ،سكران كمان؟

بيرجع بحاول يضربو بيمسكو عمار من ايدو وبيقلو:انا اكبر منك ولاك نور،واذا هلأ منعتني من يلي رح اعملو،مارح تقدر تمنعني بعدين،واطمن مالي سكران هي كانت من باقي خطتي

عمار بيطلع من الغرفة ومن البيت كلو
ونور بيرجع الطفل عسريرو،وبيقرب لعند ياسمين وبيراقب ملامح وجها
بدون شعور بيقرب ايدو وبيمسح عوجها،هية نفسا بنت قلبو يلي عرفها من سنين،بس تغيرت بعض التفاصيل،صارت أم والتعب اخد شوي من براءة وجها
لسا ريحتها هي هية وبشرتها ناعمة،بيقرب شوي شوي لعندها ليصير وجها مقابل وجهو،و فجأة بينتبه عحالو وبيتذكر أنو غايبة عن الوعي

بيروح بيجيب عطر بشممها ياه بدون فايدة،برش عوجها مي وبيحرك وجها وكان مفعول المخدر مو كتير لأنو بلشت ترجع تستعيد وعيها
بتفتح عيونها ببطأ وبتبدا تسترجع ذاكرتا بتلمح خيال رجال جنبها لحظات وبتتذكر شو عمل عمار وبتفكرو لسا قداما بترتعش وبتبعد عنو وبتصير بتهلوس بكلمات مو مفهومة

نور بيمسكلا ايديها:اهدي ياسمين اهدي،لك أنا نور شبك
بتركز شوي بتنتبه أنو بلفعل هاد نور،بتوقف لتطمن عابنها بترجع بتقعد قدامو،بتدفن وجها بكفوفا وبتصير بتبكي

في شي جواتو عم يدفعو ليضما ومو قادر عم يتمالك نفسو بلويل
هية هلمرة كانت اقوى منو وقربت رتمت بحضنو وبهلحظة الجبل انهار،ماعاد قدر يسيطر عحالو لهيك شدا عليه اكتر وضما بقوة

لحظات بس كانت كفيلة أنو تريحلا قلبا وترجع الأمان لنفسا
نور:أنا ماعاد اسمح لجنس مخلوق يأذيكي،وعمار ماعاد ألو فوتة عهلبيت

ياسمين:بس...انت كيف أجيت
نور:شفتو لما كان بلحديقة ولما نزلت شوف شبو ختفا لحظات وتوقعت وجودو هون
ياسمين:كان سكران
نور:لا،عمار كان بوعيو
ياسمين:بس أناا شميت..
نور:كان مخطت أنو يعمل فيكي هيك وبعدين لما يعرف أبي بيقلو أنو كان شربان ومو حاسس عشي،وهيك أبي بينجبر يزوجو ياكي
ياسمين:وليش هلقد بدو ياني؟صدقني بحياتو ماعمل حركة غلط بلعكس كنت حسو بيكرهني
نور:لأنو انتي وابنك صرتو الكل فلكل
ياسمين مو فاهمة شي

نور:انتي لازم تعرفي،بس هلموضوع بيبقا بيننا،بصراحة أبي اختار بهاء ليعطيه كلشي بيملكو
ياسمين:شو😰
نور:أي أنا متأكد انو جمال وعمار عرفو من المحامي لهيك أول ماطلب أبي انو حدا مننا يتزوجك،وافقو هني التنين

ياسمين:وانت؟ليش رفضت
نور بيسكت
ياسمين:أنا ماعدت بنظرك ياسمين البنت يلي حبيتا،طبعاً ماعدت بهي البراءة يوم اغتصبها زوجا و...
نور بيحط ايدو عتمها:هسس لا تحكي هيك،بلعكس ياسمين انتي بتعرفيني مابفكر بهي الطريقة،كل القصة اني تعبان من يلي مرينا فيه،ووفات أخي صدمتني،بلأخص الرسالة يلي كتبلي ياها ‏ ياسمين:انت كمان؟
نور:شو؟
بتقوم ياسمين وبتعطي الرسالة،وهو كمان بيطالع من جيبتو الرسالة وبيقرأوهم وياسمين مابتحمل هلكلمات وبترجع بتبكي
نور بس يخلص:ياسمين سمعيني منيح،خلينا نعطي لبعض وقت وبهلفترة أنا رح ابقا جنبك وحافظ علأمانة يلي تركها أخي ألي،رح تكون فترة صعبة بس انتي رح تكوني قدا،وانتبهي من فتون وجمال كمان ماشي

بتهز راسها وهو بيروح،بتقوم بتسرح بوجه أبنها الوجه البريئ وهية عم تبكي وبتقول:آخ يانور،بعد ماكنت كلشي بحياتك هلأ صرت أمانة اخوك وبس

مرأت أيام وفتون كان واضح اديش صارت منافقة هية وجمال كرمال يقبل أيوب يزوجو لياسمين

وبلآخر بيقرر أيوب يعطي القرار لولادو بمين رح يتزوج من ياسمين
بيجتمعو الأخوة التلاتة والأب
بيقعد أيوب ورا مكتبو وببلش يحكي:سمعوني كلكن منيح قبل ماخبركن مين يلي رح يتزوج من ياسمين،لازم تعرفو بلشي يلي عملتو

طبعاً كلن عرفو أنو رح يحكيلن كيف تنازل بكلشي لبهاء
أيوب:بصراحة ياولاد انتو بتعرفو قصتي مع أبي وانو مااخدت شي منو،وأنا عملت نفس الشي قبل وفاة بهاء بفترة وكتبت المال كلو باسم واحد منكن انتو الأربعة

ماكان في أي نظرة تعجب بعيونهم وهو كمل:لهيك قررت شغلة تانية،يلي رح يتزوج من ياسمين رح يكتب ورقة يأكد فيها أنو هو أي شي بيملكو رح يكون نصو لياسمين

بيوقف عمار بعصبية:شو؟انت شو عم تحكي
أيوب:اعود وسمعني للآخر
جمال:أبي،مو معقول يلي عم تقولو،عشوي رح فكر ياسمين هية بنتك
أيوب:ياسمين ام حفيدي الوحيد
عمار:وشو قالولك حضرتنا مامنخلف أنا بس اتزوج رح عبيلك البيت احفاد
جمال:انت سكوت،أبي سماع مني وخليني أنا اتزوجا مو معقول تزوجا وهية أرملة لواحد من ولادك العذابية

نور وجهو صار احمر من العصبية بس كتم غيظو احتراماً لأبوه
أيوب:انت شو عم تحكي ولاك،لعما ماعاد في حيا
عمار:أبي جمال مارح يقدر يتزوجا،بكرا فتون رح تورجي الويل لابن بهاء،أما أنا بوعدك بتزوجا وبتغير..جمال مافينو يتزوج تنتين،دوبو يركد ورا وحدة

بيقرب جمال وبيقلو بعصبية:لك انت ماعاد ستحيت ضب لسانك
عمار:انت يلي لازم تستحي،راكد ورا مرت أخوك ليش؟احكي ليكون حاطت عينك عليها من وقت كان بهاء عايش

نور:انتو جنيتو،عيب عليكن تحكو هلحكي
بس ماسكتو بقيو عم يتلاسنو هني التنين،ومن كلمة لكلمة ماعاد يتحمل أيوب وجهو صار أحمر كتير وحط ايدو عقلبو
صرخ نور:أبي..
وتوجه لعندو،سكتو التنين مصدومين بيلي صار بأبوهم
نور:رد علي أبي،لك كاتيا،كاتيااا جيبي الدوا بسرعة

بس لحظة القدر مافي ألها علاج،وهيك العيلة واصلت حزنها من بعد موت بهاء

عزة تعبت كتير وماعاد يعرفو كيف يصبروها،بعد وفاة ابنها رجعت انفجعت بزوجها يلي صرلا سنين طويلة عايشة معو

نور حمّل أخوتو سبب وفاة أبوه.. في كلمة حكتا عزة من فترة لزوجها،أنها كانت خايفة عولادها من بعض..واحساس الأم مابيخيب

وقت قصير وجمال مرتو عم تنق فيه مشان موضوع الورتة وكذلك الأمر عمار لهيك قررو يجتمعو كلن ويجيبو المحامي يلي بيعرف بكل هي الأمور

جتمعت العيلة(نور وياسمين،وعزة وعمار،فتون وجمال)

المحامي:أول شي بدي قلكن الله يصبركن عفراق أيوب بيك،وهلأ رح خبركن وصيتو يلي كتبها،بخط أيدو وفيكن تاخدوها علفحص كمان
بيفتح الورقة وبيقلن:هون ببداية الوصية كتب السيد الوالد وصيتو لنور بيك،يلي بيطلب منو فيها الزواج من ياسمين

صدمة بتوقع علكل بمشاعر مختلفة،بس المحامي مابيعطيهم الفرصة إلا وبيصدمهم صدمة تانية
المحامي:وهلأ صار لازم خبركم السر يلي أمني عليه أيوب بيك وقت وفاة بهاء،بيوما طلب مني انجمع مع كل شخص منكن لحالو وخبرو انو المال كلو انتقل لاسم بهاء يعني أنو مال العيلة كلو رح يكون لابن بهاء فقط

عزة بتقاطعو:عذراً استاذ فيني كمل
المحامي:اكيد تفضلي ياخانم
عزة بتوقف وبتحكي وهية متوجهة عصورة زوجها الكبيرة يلي معلقة علجدار:أيوب من لما كنا شباب وهو عم يفكر بهلموضوع،مين الابن يلي رح يقدر يحافظ علمال يلي تعذب فيه ومرت السنين وقرر أنو يعمل قصة ويختار فيها الولد ومع الأسف خسرنا بهاء قبل
،بس أيوب كان قوي والظاهر كان بيعرف كل واحد منكم كيف بفكر لهيك عمل هلملعوب عليكن،وبردة فعلكن رح تقررو مصيركن،مين يلي بيستحق هلمال

وقت خبركم المحامي أنو المال رح يكون بين ايدين ياسمين وابنها،ابوكن بعدها طلب واحد منكم يتبرع ويتزوج هلضعيفة(وبتوجه نظرها عياسمين)وبتكمل:لحتى يسندها ويكون جنبها وبنفس الوقت الولد بيربا بين عيلتو،ورد عمار وجمال السريع وضحلو نيتكم السيئة تجاه هلبنت

الصدمة ملأت وجوه الكل،والغضب والكره سود الدنيا بعيون البعض
عمار:لا مو معقول،اكيد أبي كان فيو شي عقلو
جمال:طبعاً هو ماكان بوعيو
فتون:ولهيك الوصية مابتنقبل

عزة بعصبية:لك خرسو،خرسو تلاتتكن لعما رح تحكو على ابوكن وهو تحت التراب،ماعاد ستحيتو،لك ااخ ياايوب وين تركتني ورحت،قلتلك رح ياكلو بعض ماصدقتني

كان نور مصدوم،بس ياسمين قلبا رح يوقف من الفرحة،صحي مو وقتا بس هيك رح تقدر تأمن عنفسا وعابنا بين ايدين نور

ومرت الأيام وقررو يعملو العرس بعد كم شهر،واكيد كان بدون حفلة ولا شي،عمار ترك البيت وماعاد سأل عحدا
وجمال طول الوقت متخانق مع مرتو وعم تروح بتقعد عند أهلا

وبهليوم،يمكن من حقن يفرحو لو شوي
كاتيا اخدت بهاء لتعتني فيه،وياسمين رتبتا حماتا وعيون باكية بفرحتها المكسورة
كانت متوترة كتير آعدة بطرف التخت وماسكة ايديها ببعض،وقلبها عم يرجف وحاسستو رح يوقف

قبل مايفوت نور لعندا بتشوفو أمو وبتقلو
عزة:سمعني منيح ياابني،هلبنت يلي جوا حلالك،صارت ألك بدي تنسا كلشي مضا وتنسا مين كانت المهم هلأ مين صارت،بتحميها برموش عيونك،حاول تعوضها عن كل لحظة وجع

بيقرب نور وبيطبع بوسة عجبين أمو،وبيتوجه عباب غرفتها،وأول مابيفوت،بشم ريحة العطر نفسو،بتغلغل بعروقو وبتفوت لنص قلبو لدرجة بحسو ارتعش
ولسا عم يحاول يقاوم،بيقرب لعندا وبيهمسلا:ياسمين؟
بتوقف وبيصير وجهن مقابل بعض،بتكون لابسة فستان قصير مالو شي بنوب ولونو أبيض،وراسم انحناءات جسدها بطريقة جذابة

بيتطلع بوجها،عيونها المكحلين ملامحها الشرقية شفافها البارزة بهللون الاحمر،كل محاولاتو بمقاومتا باءت بالفشل،بيقرب من رقبتها وبشما
تماماً متل انسان انقطع نفسو لمدة طويلة وقدرو بلنهاية يعطو اوكسجين

ومين مفكر بس هو يلي غرق،كمان ياسمين وقت شمت ريحتو حست رح يغما عليها🥰فرحة عمر ماكانت بحياتا متوقعتا،بتطلع بعيونو ومابتشبع،هي صار حبيب عمرها ألها وبس

بيطلع شي من جيبتو،لاففها بأحكام وبيمدا لياسمين وهية بتتفاجأ
ياسمين:جديلتي
نور بحب:أي،كانت معي كل هلوقت،بلحفظ والصون
بتمسكا بأيدها وبتطلع فيه بحب

مابتتحمل بترجع بترتمي بحضنو،وهو بيسحبا لقلبو وبيشد لحظات قليلة وبيغرقو بعشقهن هلأ ولاول مرة رح يقدرو يعبرو عن مشاعر سنين مكبوتة بطريقتهم الخاصة

تاني يوم

بتفتح عيونها بتلاقي نفسا جنبو بتبتسم ..لا ماكانت ابتسامة من فرحتها ضحكت،وبتبقا سارحة بملامحو وبتصير تمسح بطرف اصبعها عوجهو،وتحاول تدايقو

وأول ماحستو رح يصحا،بتبرم ضهرا فوراً وبتتخبا بلبطانية،هو انتبه وابتسم،هيك فرحة جوات قلبو عتصرفها الطفولي هي هية ياسمينتو
بيرفع البطانية عنها وبيقرب عليها من ورا ضهرها
نور:صباح الخير ياروح روحي
ياسمين مابترد وبتكتم ضحكتها
نور:لساكي نايمة؟
ياسمين:أي
وهون نور مابيتحمل بيضحك ضحكة قوية وهية قلبا الصغير لايتحمل بتلتفت عليه فوراً لتشوف ضحكتو وشكلها كان هيك😍

ثواني وبيسرحو بعيون بعض،وبيبدا نور بكلمات غزل بخيلها تدوب بحضنو،بعدا بتسحب نفسا
بيمسكا من ايدا وبيقلا:لك لويين
ياسمين:لازم اطمن ع بهاء
نور:لك كاتيا وأمي معو اطمني
ياسمين:والله شتقتلو
نور بيخطفا لحضنو وبيقلا:بس مو قد شوقي ألك

بتمرء الأيام
وبيسمعو أنو عمار قرر يرتبط ببنت وبلفعل عزة بتطلبلو ياها وبعد فترة رح يكون الزواج
بس ماحدا منهن بيعرف وين عم يغطس كل هلأيام

أما ياسمين ونور موحاسين عحدا كان نور عم يمشي بوصية ابوه تمام التمام،يعني امو وابن اخو وياسمين عايشين معو وهو مغرقهن بحنانو وحبو

بمكان تاني،بيجتمع جمال وعمار والواضح أنو اجتماع سري،وفي تخطيطات خطيرة

جمال:انت شو عم تحكي؟
عمار:هي الطريقة الوحيدة يلي فينا نسترجع فيها حقنا
جمال:مين رح يعمل هيك؟
عمار:لاتخاف انا رح ادبرلو قصة بيروح فيها وكلشي بيطلعلنا منتقاسمو بلنص
جمال:بس انت نسيت نقطة مهمة كتير
عمار بيضحك ضحكة وسخة:هههه لا اطمن حاسبها منيح،وهي النقطة تركتها ألك
جمال:شرحلي ولا تحكي بلألغاز
عمار:انت رح تتخلص من الولد وانا بتخلص من نور،اتفقنا
جمال:مارح اقدر،ممكن افشل
عمار:مستقبلك انت وعيلتك رح يضيع اذا ماكنت قوي،واطمن انا رح ساعدك
جمال:تمام اتفقنا

وبيتصافحو..عم يتصافحو لتنفيذ خطتهم؟خطتهم أنو يتخلصو من أخوهم وابن اخوهم
ماشالله بلفعل أخوة👏

جمال بيحكي لمرتو وهية بتوافق،وبتصير بتنقلو كل اخبار البيت لزوجها وماعاد تروح عند اهلا،وجمال بيخبر عمار بكلشي

وبيوم اجا نور وعم يخبر ياسمين عن سفرة ضرورية
ياسمين:كرمال الله لاتروح شو بدك من هنيك
نور:حبيبتي،أنا لازم انهي كلشي هنيك واستقر هون،جنبك ياعمري انتي
ياسمين:مابعرف مو مرتاحة لهلسفرة خدني معك
نور:لأ...ههه ليكون خايفة مااتطلع بلنسوان

بتضربو عكتفو وبتقلو:غليظ،اصلاً اذا بتطلع بدبحك
نور بهمس:وبتسخي فيني
ياسمين:هأ مابسخا بس أنوو..نور أنا عم اشتقلك كتير وعم..
نور:وعم شو
ياسمين:توقعت حالي حبيتك بكل مافيني،لك عم لاقي حالي كل يوم بحبك اكتر

بيضما بقوة وبيهمسلا:أنا كمان عم اعشقك كل يوم اكتر من قبلو

وبلفعل بيضب غراضو وتاني يوم بينوي السفر،بيودعهم بطريقة غريبة شوي وبيمشي

بمكان تاني
جمال:طلع هلأ
عمار:أوك تمام بدو شي ساعة ونص ليوصل علطريق الفاضي،ورح يبدا العد التنازلي

بيسكر التلفون،كان جمال في شي جواتو عم يمنعو بس بنفس الوقت فتون ماعم تتركلو وقت ليفكر بهي الطريقة

وقت قصير وبتوصل السيارة عمنطقة فاضية مافيها حدا

صوت توقيت الساعة
0.05
0.04
0.03
0.02
0.01
0.00

صوت قوي انفجرت السيارة بطريقة مريعة،وتناثرت اشلاء منها والنار رتفعت كتير والغبار بكل مكان

بعد وقت طويل لحتى يقدر حدا يوصل ويشوف هلشي ويطلب الاطفاء والاسعاف
السيارة حترقت،وجواتا جثة ومحروقة بلكامل،
كان يوم واحد ومن اصعب ايام حياتهم
يتبع...

#عروسة_الثأر
الجزء_الخامس

جمال واقف قدام أمو وعيونو كلن دموع،وهو عم يخبرا هلخبر وجنبها ياسمين،يعتبر هلخبر لانسانة متل عزة بهلعمر الضربة القاضية
اديش كانت قوية لقدرت تبقا عايشة بعد هلخبر واديش هلخبر كسرا نهائياً
أما ياسمين ماتحملت وانهارت،وصارو يعطوها مهدئات،تصحة بين الفترة والتانية وتصير تصرخ وتضرب بحالها

ياسمين بتقضي هليومين بلمشفى وبترجع علبيت وبتبقا مع عزة وحدهم،عمار كلعادة مابيجي علبيت،وجمال اخد مرتو وبناتو قال بدو يتركهم عند أهلا وهاد كلو كرمال خطتهم التانية ليتخلصو من الولد ويبعد الشبهات عنن

عم تحاول ياسمين تهدا شوي كرمال تقدر تقويها لعزة،الجرح لسا سخن
بيندق الباب،الواضح رح يبلش مراسم الحداد وللأسف جمال وعمار ماهتمو بهلموضوع بنوب

فجأة بيفوت نور وكان حامل بهاء عأيدو بعد مااخدو من الخادمة
بيلاقي أمو وياسمين عم يحكو،وبس تلمحو ياسمين بتصير بعالم تاني وبتجمد بأرضها،متلا متل عزة
ماعاد ستوعبو هنن بحلم ولا بعلم؟

بيتوقع ردة فعلهم هي،لأنو أول مافات علقرية وشاف شخص انصدم كتير ولما سألو عن السبب حكالو أنو فكرو مات بسبب انفجار السيارة السيارة

نور:شبكن وين سرحتو
هاد نور؟عقلهم ماعاد يتحمل بس صوتو بيأكدلهم أنو هو حقيقة مو خيال،بتأعد عزة عطرف الكنبة وبتتعب كتير بيترك بهاء و بيقرب ليساعدا والخادمة بتلحقو،بس فجأة بيلاقي ياسمين اختل توازنها ووقعت بلأرض بيركد لعندا وبيحاول يصحيا بدون فايدة
(لفو الصورة وشوفو المقطع)
بعد وقت قصير،بيطلب الدكتور علبيت وبيطمن ع أمو انو ستقرت حالتا وبيروح لعند ياسمين
يلي رجع عطاها الدكتور ابرة مهدء كرمال تتقبل الصدمة
بيبقا آعد جنبها وماسك ايدها،لحتى تبلش تصحا،بتركز فيه وأول ماتشوفو بتقوم بعصبية كبيرة وبتحكي كلمات مو مفهومة

نور:ياسمين حبيبتي اهدي بترجاكي والله ماكنت بعرف يلي صار
هون هية بتضمو وبتنهار بلبكي
ياسمين:نور انا كنت رح موت،انا مارحواتحمل خسارتك هيك وربي كنت رح اقتل حالي لولا خوفي ع ابني وأمك

وبس يركزو افكارن بيقعد هو وياسمين وأمو فقط
بتصير أمو بتحكيلو كلشي كان يخبرا ياه ايوب من زمان عولادو بلأخص قبل وفاتو كيف ملاحظ أنو عمار وجمال طماعين كتير

ونور بخبرهم شو صار معو بيوم الحادثة
نور:بيوما طلعت بلسيارة وستلمت كريقي،وبلصدفة بلاقي سيارة صديقي هون بلقرية وبيجبرني انزل اركب معو،بس هون كان معي الشوفير وعأساس يلحقني بلسيارة ليعطيني ياها وهو بيرجع بلباص

عزة بحزن:الله يرحمو معناها هو يلي كان محروق بلسيارة،طيب مو عأساس انت رايح لحالك

نور:أي بعد مامشيت بخمس دقايق اتصل وطلب مني يطلع معي لأنو بدو غراض من المدينة،أنو رفقة طريق..أو بلأحرا كان عم يلحق نصيبو

بتضمو ياسمين وملامح الخوف عوجها وهو بيضما
ياسمين:الشرطة اكدت انو الانفجار كان مقصود
نور:معقول توصل معهن لهون؟معقول يقررو يقتلوني اخوتي؟
عزة:مابعرف ماعم اقدر صدق
نور:بس شاكة صح؟شاكة متلي انو اعدائي هنن اخوتي
عزة ببكا:أنا قلتلو لأبوك،قلتلو رح تخلي ولادك يكرهو بعض ماصدقني
بيروحو لعندا ياسمين ونور وبيضموها لتهدا
فجأة نور بيقول:بهاء
ياسمين بيرجف جسما:شبو؟
نور:رح يأذو بهاء اكيد

بيركدو هني التنين علغرفة بيفتحو الباب و وقت بشوفو هلمنظر بيتطلعو ببعض وبتصيبن حالة جمود

بعد يومين

بيتفاجأو عمار وجمال أنو اخوهم نور رجع،بيحاولو يمثلو أنهم مبسوطين بس انو حزنو بخبر وفاة ابن اخوهم

مجتمعين العيلة
ياسمين وعزة جامدين وماعم يحكو مع حدا ولابسين اسود
وعمار وجمال كمان ساكتين عم يتطلعو ببعض وبأخوهم نور

بتقرب فتون عند ياسمين:طولي بالك،الله يعوضك بولد تاني هيك الله كاتب
ياسمين:ونعم بلله
فتون عم تحاول تتقرب من ياسمين بس من جواتا شمتانة فيها

جمال بيوجه كلامو لنور:ليش ماعملتو مراسم دفن متل العادة
نور:بكفي مراسم الدفن عم تكتر بلعيلة،حطيناه عند ابوه يمكن أأمن من هون
عمار:يعني دفنتو جنب قبر بهاء

ماحدا بيرد عليه،والكل ساكت بعد شوي بيقومو عمار وجمال ليطلعو علحديقة،بيلاقو كاتيا بوجهن
جمال:شبك؟
كاتيا:شفتك طالع يابيك قلت لجبلك الجاكيت،تفضل
جمال:اي يسلمو
بيلبسو وبيطلع

جمال:انا نفذت خطتي وانت ماقدرت
عمار بعصبية:لك وربي كان كلو تمام،جهزت القنبلة ووقت خبرتني انو طلع من البيت شغلت الجهاز،ماكنت متوقع يصير هللخبطة وينزل نور من السيارة،المهم اكيد رح اقدر انجح بلمرة الجاية،كيف بدي اطلب من نور مبلغ منيح لحتى اقدر اتزوج
جمال:ليش مامعك من مصاري يلي عم تربحن بلحرام
عمار بعصبية:المهم يكون معي مصرات يافهمان مو متلك،بتنتظر راتب آخر الشهر من اخوك الصغير

بيلمحو كاتيا عم تطلع فيهن من بعيد
جمال:تعي قولي شو بدك؟
كاتيا:انا حاسة بلذنب علي عملتو يابيك
جمال:ليكي وليك رح ارجع اعطيكي مصرات لتسدي تمك وماعاد تقربي مني عم تفهمي رح تخلي الكل يشك فيني
عمار:انا قلتلك تقتل الولد بايديك ليش لتدفع لهلغبية وتطلب منا تقتلو

جمال:شو بعرفني،ماتحملت اقتلو انا،لهيك عطيتا السم ورضعتو ياه بلببرونة
كاتيا بتغمض عيونها بقهر،بيطلع جمال مصرات بيعطيها ياهن وبيمشو

بمكان تاني بمكتب الفيلة كانو نور وياسمين وعزة عم يسمعو صوات عمار وجمال من خلال الجهاز يلي كاتيا حطتو بأمر من نور عجاكيت جمال،جهاز ارسال فوري

وهيك بيتأكدو من شكوكهم
ياسمين:شو رح تعمل
نور:كلشي ألو وقتو
عزة بحنية أم:رح تأذيهم
نور:محتار،استعيد حقي وحقكن بأيدي،ولا اتركهم لالله لانو هو عقابو اشد عهيك مجرمين

بيسكتو تلاتتهم

بس كاتيا تشوف عمار طلع بسيارتو ومشي وجمال فات علبيت،بتلاقي نور
كاتيا:سامحني يابيك
نور:مسامحك،انتي غريبة ويلي طلع من اخوتي اقوى بكتير

بغرفة النوم،بتتسطح ياسمين عصدر نور وبتصير تسمع نبض قلبو
ياسمين:هاد الصوت يلي رح يخليني عايشة من هون ورايح،بترجاك لاعاد تتركني بكفي يلي صار فيني
نور:مستحيل اتركك أو خلي حدا يقدر يأذيكي
ياسمين:شتقت لابني كتير
نور بيشد عليها وبيقلا:وانا كمان شتقتلو

بعد مرور اسبوع،لاحظت فتون أنو ياسمين كتير عم تتردد عند اهلها اكتر من قبل

بتروح فتون بتقلو هلحكي لجمال
جمال:علوا تنتبهي عبناتك لهون وبس فتون خلينا بحياتنا
فتون:شو هي خلينا بحياتنا؟انشالله كلشي عملنا راح علفاضي
جمال بعصبية:لك كرمال الله خلص خلص،سكتي حرام عليكي انا ماعاد اتحمل،لك كل يوم عم شوف ابن اخي بنومي وهو عم يبكي انا قتلتو عم تسمعي،انا قتلت ابن اخي يلي كان آخر شي منو

فتون:هه بلشنا بلاحاسيس والمشاعر،اصلاً لو كنت فعلاً بتحبو مابتوافق علي عملتو
جمال بصدمة:بلله شو؟نسيتي اديش صرتي تذني عراسي وتقنعيني اعمل هيك
فتون:يعني هلأ صرت انا رماية الفتن،سماع جمال انت قتلت ابن اخوك وكنت فرحان ومبسوط كرمال المال،عم تزعجني وتصرع راسي وبلأخير نطلع بلا شي مابقعدلك ولا ثانية بهلبيت عم تفهم
جمال:لك خرسي خرسي،انا ماعاد اتحملك ولاعدت طايقك ولا طايق حالي

بتفتح الباب فجأة بنتن عزة وهية عم تبكي وماسكة راسا
جمال بيركد عبنتو:شبك بابا
فتون بتضربا:وليك أنا مو فهمتك بتدقي الباب قبل ماتفوتي
عزة الصغيرة وهية عم تبكي:ماما والله نسيت راسي كتير واجعني
فتون:مو قلتلك تخلي الخادمة تعطيكي خافض حرارة
عزة:والله ماراح الوجع امي
جمال بيشد بنتو لحضنو وبيوجه كلامو لفتون:شبها البنت
فتون:الظاهر آكلة ضربة شمس وراسا عم يوجعا شو بدك انت هلأ بعطيها دوا وبتنام
جمال:ستني،اديش صرلا
فتون:اليوم
عزة:لا بابا انا صرلي كتير من قبل مايقولو عمو نور مات،وانا بقلا لماما وهية مابتصدقني
بتبكي اكتر عزة وبيضما ابوها بقوة وهو عم يتزور فتون،بيحملا وبيمشي

بتشوفهم عزة من شباك غرفتها بتقلق كتير وبتتصل بجمال،مع أنو كانت ناوية ماتحكي معو،بس نور اجبرها تتعامل طبيعي مع ولادها ليقدرو يحلو القصة

جمال:ألو أي امي
عزة:وين رايح بهليل وين اخد البنت
جمال:علمستوصف،راسا واجعا كتير وعم تبكي
عزة بقلق:بس ترجع طمني عنها
جمال:ماشي

ساعة وبيرجع علبيت
عزة:شو قالولك
جمال:علقولها سيروم وطلبو كومة تحاليل رح اخدها بكرا
عزة:الله يجيب العواقب سليمة،ياربي لاتاخد الحق من الضعفاء
جمال:شو قصدك امي؟

بتتركو وبتمشي،وهو بيصير يفكر كتير بكلمتا،معقول يصير شي لبنتو بسبب يلي عملو

تاني يوم الصبح
فوراً بياخدها وبروح ليعمل التحاليل،وفتون مالا مهتمة وبقيت بلبيت

بغرفة نور
نور:صباح الورد والفل
ياسمين:انت صباحي الحلو،انت ايامي الحلوة كلها
نور بيسحبا لصدرو وبيقلا:اااخ لو فينا نبقا هيك لآخر العمر
ياسمن:رح نبقا،ماعاد في قوة تفرقنا

بترفع راسها وبتطلع بعيونو بتكون كتير قريبة منو
نور:كنت بدفع عمري كلو كرمال هللحظة
ياسمين:راح ايام كتير من عمرنا ونحنا بعاد،والعذاب كلو يلي عشناه،بس بوعدك انو ماضل حزن ولا قهر
نور:هههه لك انا يلي لازم اوعدك
ياسمين:ايي مو مشكلة انا وانت واحد ههههه

بيسحب بكلة شعرها،وبيتناثر عكتافها وضهرها،بيمسك شعراتها بأيدو وبيشمن بقوة
نور:أاه ياسمينتي،كنت عطول احلم شمو هيك،والمسو والمس وجهك

بيقرب منها اكتر وبيغرقو بعشقهم

بآخر الليل
بعد مايرجع نور من الشغل،ويقعد مع امو شوي،بيرجع بفوت مع ياسمين عغرفتهم والحب عم يزيد
لأنو صار لازم يبقو سعيدين عطول،وصار وقت أنو الظالم ياكل عقابو

هلليلة كانت اقسا ليالي على الظلّام،عمار جمال فتون
جمال ماسك بأيدو الورق وفات عند مرتو منهار تماماً انسند علجدار وهو مكسور
فتون:شو صار
بيرفع الاوراق،وبيوقعو من ايدو
فتون:لك شبك؟
جمال بتنزل دمعة من عينو:عزة..
فتون:لك شبها بنتي؟
جمال:صار معها سرطان

بتصرخ صرخة قوية وبتوقع بلأرض وهية عم تضرب بحالها،بيقعد جمال وبيخبط راسو بلجدار وهو عم يبكي

بمكان تاني
بعيد كل البعد عن هلفيلة
كتب كتابو عليها،وخلصت الحفلة الصغيرة يلي عملوها ببيت أهلها وكان آخدها بلسيارة علشقة يلي ستأجرها
عمار:مبسوطة ياقلبي،هي صرنا لبعض،رح خليكي اسعد انسانة بلكون،ومن أول ليلة(وبيغمزها

بتخجل وبتنزل عيونها،بس فجأة بترجع بترفعهم بخوف وقت بتسمع صوت مكابح السيارة،وفي اضاءة سيارة تانية قدامهم بتخليهن يبطلو يشوفو من قوتها

بعدا بينفتحو بواب السيارةعمار ومرتو ميتين خوف،مجموعة رجال بيسحبوهم من سيارتهم عسيارة تانية،بيربطوهم بأحكام وبغطو وجهن

بعد شوي بينزلوهم من السيارة،بيفوتو عبيت ولسا مغطين عيونهم وبيرموهم علأرض
بتصرخ البنت من وجعا
عمار:لاتخافي مارح خلي حد يأذيكي

صوت ضحكة صاخبة ساخرة،من رجال

هلصوت ابداً مو غريب ع عمار
عمار بيتسائل:جابر؟
جابر:والله وحفظان صوت ضحكتي،برافو
عمار:شو بدك ليش هيك عم تعمل
جابر:بدي حقي
عمار:حق شو؟انت مالك شي معي
جابر:غلطان،لسا في كتير ألي عندك
عمار:تمام،لكن بتتروكو مرتي وبتواجهني ألي
جابر:اووو صار عندك مرة،لك ألف مبروك،والله وطلعت بتخاف عشرفك ياواطي
عمار:خراس ولك جابر
جابر:وشرفي أنا يلي ساومتني عليه ولك كلب
عمار:مافي كلب غيرك،انت بيومها لعبت معي قمار عكلشي بتملكو،ولسا بدك تلعب،وبيوما قلتلي ماضل معك شي تلعب عليه،وانا بلمزح قلتلك لعبني عمرتك وانت وافقت

كانت مرتو لعمار مصدومة وعم تبكي وخايفة كتير،متكومة عحالا بلأرض وعم ترجف
جابر بيرفسو برجلو عكتفو لعمار وبقلو:خراس ولاك(بيلتفت جابر ع رجال وبيقلعهم كلهم برا الغرفة)

بيقرب جابر لعندو:ولك ياوسخ،كنت انا سكران مالي وعيان،وانت بكامل وعيك بتسحبني عبيتي وبتخليني فوتك لعندي
عمار:لاتقلي مالك وعيان،الشرف مابينتسا لو كنت سكران
بيقرب جابر لعند البنت وبيلمسا:صح،مابينتسا لهيك هلأ رح ورجيك شي مارح تنساه بحياتك

بتصرخ صوت البنت وعمار بيبدا بيشتم وبيسب عجابر ومابيرد عليه،بعد لمسات وسخة كتير بيتركها
جابر:بتعرف،ماعجبني الانتقام هيك

بيقرب لعندو وبيكشفلو ععيونو وبيقلو:هيك احسن،شوف كلشي بعينك
عمار:اوعك ياجابر وربي بشرب من دمك مارح ارحمك لاانت ولا لعيلتك

جابر:أي اذا ضل فيك مخ تفكر بشي بعد هليوم
بيطلب من واحد من رجالو يفوت يربطو منيح علكرسي،وبيترك جابر الغرفة وبيأمر هاد الرجال باغتصاب البنت قدام زوجها

لحظات ظلم وانكسار لهلبنت،ماتوقعت من اول يوم ألها مع هلانسان رح تاكل هلعقاب
أما عمار،عم يصرخ متل الكلب،ويحاول يقوم ووقع هو والكرسي وماكان يقدر يفك حالو ولا شوي

البنت اغما عليها بلأخير،وعمار من كتر ماخبط راسو بلأرض داخ وماعاد قدر يتحرك

بعد هيك رمو البنت قدام بيت اهلا،وضربو ابرة لعمار وحطو بلشارع

الصبح آعد جمال منهار وعم يحكي لنور وأمو شو صار ببنتو
عزة بحزن:لاحول ولا قوة الا بلله ياربي دخيلك اشفيها
نور:طيب ماقلك لوين واصلة المرحلة
جمال:لسا ببدايتا،مابعرف اذا رح تقدر تقاوم
ياسمين مع انو قاتل ابنها قدامها مع هيك بتزعل كتير علبنت وبتقلو:لازم تخلي عندكم أمل،بأذن الله رح تتعالج وتشفا
جمال:ليش مين قدر يتخلص من هلمرض
فتون:انت السبب
بيتطلعو فيها مستغربين
جمال:خرسي وفوتي لجوا

بيرفع ايدو بيضربها قدام الكل،وبتوقع بلأرض،بتقوم لعندو امو وبتقلو:طول بالك ياابني المرة مفجوعة ببنتا ومابتعرف شو عم تحكي

ياسمين بتقرب من فتون وبتواسيها،بتساعدا لتوقف
بعدا فتون بتبعدا عنا بعصبية وبتقلا:وانتي شو بدك جاية تشمتي صح،اذا ابنك مات بدك الكل يموتو ولادو صح

جمال:لك خرسي لاتسمعيني حسك
فتون:لك لسا عم تخرسني،ليكون مفكر حالك رجال

دقيقة صمت والكل عم يتطلعو بجمال،شو ممكن تكون ردة فعلو؟
بتوقف بدا تمشي فجأة بتسمع صوتو:فتون،وقفي عندك،انا تحملتك سنين وايام بس هلأ ماعاد تلزميني..انتي طالق

لأول مرة فتون بتنصدم بزوجها،مع كل العمايل يلي كانت تعملن مابتتوقع شي يوم يحكي هلكلمة

بتتركهم وبتركد عغرفتها،بهللحظة بيفوت عمار،كان منظرو برعب وتيابو كلهم غبرة وشعرو خربان ووجهو مابيتفسر

عزة:عمار؟ليش هيك شكلك
كان جامد وماعمل ولا حركة،بيمشي ببطأ وهنن عم يراقبو
نور:لك عمار شو صار احكي؟
فجأة بيحكي كلام مو مفهوم بصريخ متل المجنون وبيصير يكسر كلشي قدامو بيقربو اخوتو بيمسكو ومابيقدرو يمنعو ابداً،بس كان بيحكي كلمات ابداً مو مفهومة
عمار:انا ضعيييف انا بلا شرف،ماقدرت امنعن،أنا وسخخ

كاتيا بتنده لرجال يلي واقفين برا الفيلة وبيمسكو منيح
وبهلوقت ياسمين بكون اتصلت بلدكتور
كتير حاولو يهدو بس مافي فايدة هيك لوقت اجا الدكتور ومسكوه منيح لقدر يضربو ابرة مهدء واسترخا ونام

نور:دكتور،شبو أخي؟
الدكتور:بصراحة علشكل يلي شايفو قدامي واللي عملو بلبيت بيأكد انو هو مالو بوعيو
عزة:يعني شربان شي؟
الدكتور:بس يصحا رح نشوف شو رح يقول،واذا بقي عحالتو بكون السبب شي تاني
جمال:متل شو؟
الدكتور:بيكون صار معو شي انا مافيني أأكد بس وقتا بتجيبولو طبيب نفسي،انتو مابتعرفو وين كان؟
نور:لا دكتور،عكل حال يعطيك ألف عافية تفضل معي

بيمرء اليوم وبيرجع بيصحا عمار عنفس الحالة وبيرجع بياخد مهدئات قوية كتبها الدكتور،وتاني يوم بيجي الدكتور النفسي وبحدد حالتو
الدكتور النفسي:بصراحة اخوك اعصابو منهارة تماماً،في شي صاير معو كتير كبير وعقلو ماقدر يتحملو
نور:كيف يعني
الدكتور:من الكلمات يلي عم يحكيا،واضح انو في صراع داخلي عم يأذيه كتير،وافكار ملخبطة ومابنصحك تتركو هون بنوب،لأنو خطر كبير على نفسو قبل الكل
نور:معقول يعمل بحالو شي
الدكتور:عحسب تشخيصي الأول،اخوك بأزمة عصبية نفسية كتير صعبة،وبأسرع وقت لازم ينتقل علمصح

بلفعل بينقلو علمصح
وبنفس اليوم بيجمعن جمال كلهن ياسمين ونور وأمو وبيطلب يحكي معن
نور ببرود:خير شو بدك
جمال:بدي ارتاح،بدي تسامحوني

عزة:عشو
جمال بيسكت
نور:شو مالك قادر تحكي،هلقد يلي عاملو كبير
جمال:كبير لدرجة ماعاد اتحمل هلتقل،وعدل ربنا بلش فيني وانتهى بعمار،بس صدقني بنتي مو ذنبها
عزة:لاتحكي بلألغاز
جمال:أناا..رح سلم حالي للشرطة

ياسمين بيقشعر جسدها مارح تقدر تسمع منو هلكلام،مارح تقدر تسمعو كيف رح يشرح الخطة يلي حاولو فيها يقتلو نور وابنها
جمال بغصة وكلام متقطع:بعرف مارح تسامحوني،اصلاً انا مو قادر سامح حالي
نور بصراخ:لك احكي،احكي ياأخي..يلي من دمي ولحمي احكيلنا
جمال:الدم واللحم هان علينا لأنو مافينا نخوة ولا شرف
عزة:نطوق ياابن قلبي،نطوق خليني اقدر احكيا واتبرى منك خلي قلبي يقسا عليك وريح ضميري،عذنب انو خلفتكم

جمال بيركد لحضنها رجليها:لا ياأمي لاتتبري مابكفي يلي صار،اول شي ربي عاقبني ببنتي
بتقوم عزة وبتبعدو عنها

جمال:كلشي بتعرفو خلا الطمع يملي قلوبنا،ولما أبي سألنا مين بيتزوج ياسمين انا وافقت،على اساس المال يصير ألي،وصير آغا وأأمر وانهي حتى فتون بدي خليها تحت أمري
وهية وافقت اتزوج كرمال المال

ياسمين:بس بحياتو المال ماعمل رجال
جمال:هاد يلي عرفتو متأخر،بعد بفترة ومرتي عم تنق براسي كرمال اتصرف واخد كلشي،انا ماعم حط لوم عليها لأنو لو كان عندي نخوة كنت كبيتها من زمان وماخليتها تلعب فيني متل اللعبة

نور:المهم
جمال:اتفقنا أنا وعمار،أنو...
غص بكلماتو والأم بتدفن وجها بكفوفا،بتبكي بقهر من يلي عملو ولادها ببعضن
جمال:أنو هو يتخلص من نور بطريقة ما وانا اتخلص من..
ياسمين بغصة:من ابني
جمال:لك الله ياخدني،ريتو الله حرقني ولا عملتا
نور:شو الفايدة هلأ؟كمل كمل يااا..أخ.ي

جمال:كنت انا ومرتي عم نعطي المعلومات لعمار وخبرناه بسفرتك وراح زرع قنبلة بسيارتك على اساس تنفجر فيك وماحدا يعرف شو السبب ويصير المال ألنا بعد ماانا اقتل بهاء

جبت سم لاقتل ابن اخي،بدي اقتل اخر شي من ريحة اخي،لاني اوسخ انسان بهلدنيا،وقت شفتو ماقدرت اقتلو

ياسمين وهية عم تبكي:لا والله فيك الخير
جمال بيبكي ماعاد يقدر يتحمل:طلبت من وحدة تعمل هلشي
نور:مين هية؟

جمال:كات...(ولسا مابيكمل اسمها بيقاطعو نور)
نور:فوتي لعنا

بتفوت كاتيا وهية حاملة بهاء

جمال مابيتحمل بيوقف وهو مدهوش،كيف هيك؟
ياسمين بتركد عابنها بتضمو وبتبكي
نور:مستغرب؟كان بدك ياه يكون ميت صح

جمال بيصير يبكي ويضحك ويقول:الف الحمد والشكر الك ياربي،الف الحمدلله انو عايش كنت رح ابقا عم عاقب حالي طول العمر
نور:والله؟يعني ارتاح ضميرك هيك
جمال:لا،كيف هيك صار

نور:بيوم عطيتا المال لكاتيا واغريتها،هية كانت كتير بحاجتو لأنها مسؤولة من اخوتها الصغار،ووقت شكينا انو ممكن تأذي بهاء ركدنا عغرفتو لقيناها اعدة بلأرض عم تبكي وماسكة السم وموجهتو عتمها،فضلت تقتل حالها وتخلص ماعاد فيها تتحمل تشوف عيلتها بهلفقر ولا تحملت تقتل هلروح البريئة

جمال بينصدم انو خادمة ماقدرت تعملها وهو بكل برود كان عملا
جمال:بدي روح واعترف بيلي عملتو انا وانسجن
نور:يعني كم شهر بلسجن لمحاولة قتل رح يكفو لترتاح؟

جمال:كرمال الله يااخي،بكفي يلي صار ببنتي انت مستهينا،صدقني حاسس رح يطق عقلي متل عمار تماماً،اذا موتي بيريحك بقتل حالي
نور:روح عميل شو مابدك رح يكون ألك الملحق يلي عطرف الفيلة،وبناتك رح يبقو هون مع أمي،وبنتك رح عالجها أنا

بيركد جمال عايدين اخوه وهو عم يبكي،صحي نور اصغر شي بس تصرفو اكد انو هو اكبر منهم كلهم

بيبعد نور،مابيتحمل يلاقي اخوه مذلول هلقد مع كلشي صار
جمال:كرمال الله سامحوني،برحمة اخي بهاء تسامحوني
ياسمين:الزمن كفيل يعمل كلشي،خلي السماح لبعدين

بيمرء الزمن عهلحالة
حياة ياسمين ونور بتستقر كتير،والسعادة بتملي قلوبهم وبهاء بحضنهم
نور عم يرجع يشوفها طفلتو المدللة ويرجع يجبلا شوكولا يلي بتحبا،وعدها يرجع يعوضها عن كلشي
وأمو معن وكتير فرحانة فيهن،رجعت الروح الحلوة بلبيت

الصبح أعدين عم يشربو قهوة سوا

بتكون ياسمين اخدة معها شوكولا لتاكلها مع القهوة،فجأة بيسحبا من ايدا نور
ياسمين:لك..عنجد انت غليظ
نور:لك اكلتيهن كلهن ماتركتيلي شي
ياسمين:بلله ليكون مفكر حالك صغير
نور مصدوم:يعني حضرتك الصغيرة
ياسمين بتطلع فيه:ممم يعني اصغر منك،بعدين انت شو بدك هلأ عطيني ياها احسنلك
نور:واذا ماعطيتك شو بتعملي
ياسمين:ياربيي والله بأذيك ها
نور:يلا لشوف أأذي😍

ياسمين بتخجل قدام حماتها بتطلع فيها بيلاقوها عم تضحك عليهن،بيستغل الفرصة نور وبيهرب لفوق
ياسمين بتصيح فيه:لك نووور ياحرامي انا بفرجيك

بتركد وراه وعزة بتهمس وهية عم تضحك:لك الله يثبت علينا العقل والدين،بلفعل العقل زينة

فوق بلغرفة بفوت نور وبسكر الباب
ياسمين بتخبط عليه
نور:مين؟
ياسمين:أنا ياسمين لك فتاااح
نور:هأ مابدي مرتي مو هون ومافيني فوت بنت لهون

ياسمين بصيرو عيونها هيك😍وبتقول جواتها(ياالله اديشك وفي وبتحبني يانور)
بعدا بتسمع صوت ضحكتو وبتستوعب التفاهة يلي فكرت فيها بعقلها
ياسمين بصوت مسموع:لك لعما مااغباني،وانا صدقت كلامك لك فتاح
فتحلا وبيقلا:خير؟
ياسمين ببراءة:ممكن فوت

نور:اي هيك بتفوتي بأدب واحترام،تفضلي
وبيعمل بأيدو هيك💁🏻‍♂️ بتفوت شوي شوي بتقرب عأيدو وبتلقطها بسنانها بقوة،وهون ياحرام ماعاد تحمل نور وصار يصرخ

نور:لك شبك شبك شو شايفتيني
ياسمين:شايفتك شوكولا
نور بخبث:اممم طيب كليني شو ناطرة
ياسمين بيصير وجها احمر وبتخجل لانو فهمت عليه منيح
نور:يلا كلي مني،وخليني انا كمان اكل عسل

بتضربو عكتفو وبتقلو:غليظ

بتبرم بدها تطلع من الغرفة بيمسكا من ايدها وبيقلا:مابدك الشوكولا
بتطلع بعيونو وبتغرق بنظراتو المشاكسة،بيسحبا بقوة لعندو وبيخبط جسدا بجسدو،بيسحبا شوي شوي وعيونهم غرقانة ببعض
نور بصوت هادي:ياسمين،تتذكري آخر لقاء بيناتنا بلبستان
ياسمين:أي😔
نور:انا فقدت ذاكرتي عن كلشي مضى،إلا هداك اليوم،تتذكري شو عملتي بيوما
ياسمين بتدوب من خجلا:لك سكوت
نور:ههههه لك وكل هلسنين كنت فكرك بريئة ومالك بهلقصص،بس طلعتي اوووه😍

بتسكرلو تمو بأيدا،بمسكلا ياها وبيصير يبوسا
نور متقصد يستفزا:بس متأكد مافيكي ترجعي تعيديها
ياسمين بتحدي:غلطان،انت لسا مابتعرف ياسمين
نور:لا لا،بعرفك منيح وماخرجك شي

بتقرب منو بتحدي والعشق مالي قلبها.... وهلأ،كيف حال باقي شخصيات قصتنا؟

فتون عاشت اصعب أيام حياتها عند اهلا صارت خادمة ألهن ولأخوها ومرتو يلي ساكنة معن،وفوق كل هاد كلام الناس على انها مطلقة،ويلي زاد وجعها أنو جمال منعها تشوف بناتها قلا انو مابدو بناتا يتعلمو منها شي،حتى بفترة علاج بنتا ماقدرت تشوفا

جمال كان عند كلمتو انسجن بس ٣ شهور بما انو ماحدا تأذى وانو سلم حالو بدون شكوى

وبنتو عم تتعالج ووضعها تحسن كتير وياسمين عم تعامل بنات جمال متل ابنها وعزة كمان عم تعلمهم الطيبة والحنية وبنفس الوقت القوة المحدودة

عمار اخبارو سيئة جداً يعني لو يموت ارحملو،كان عم يعذب نفسو بلمصح يوم بيلاقو عم يضرب نفسو بأدوات صلبة،وايام كتيرة بيبقا بلا اكل وبيضطرو يحطولو سيروم،عطول عم يصرخ ويضرب راسو بلحيط ويحكي كلام بيشرح العذاب يلي عم يعيشو جوا

جنونو عم يزيد وماعاد يقدرو يتركو مع البقية بلمصح لذلك حطو بمكان لحالو وهاد خلا حالتو تسوء اكتر واكدو الدكاترة استحالة شفاءو،رح يبقا هيك ليرحمو ربنا وياخد روحو لأنو يلي عم يعيشو حالة نادرة ومابيقدر يتحملا بني آدم

بعد ٥سنين
كبرو بنات جمال،وبهاء طلع كتير بيشبه نور وبيجنن

عمار انتحر قبل كم سنة وجمال رجع وعاش بلفيلة وياسمين جابت بنوتة بتجنن سموها(دهب)
عزة مبسوطة كتير بعيلتا بغض النظر عن الغصة يلي بقلبا

نور😍اااخ عنور،لسا نظرات العشق والمشاعر ماتغيرت وكأنن مراهقين بأول عمرهن وكل فترة بياخدهم عشي بلد

بس بعد هيك بيخصص وقت ألو ولياسمينتو فقط،بيخطفها من الكل وبيسافرو كم يوم وبيرجعو

بمكان بعيد
اطلالة علبحر وهنن اعدين بلفندق
نور:ليكي علمنظر شو حلو
ياسمين:أي والله بجنن
نور بيكون عم يمسح عشعراتها:حبيت هلمنطقة كتير،كلشي فيها حلو
ياسمين بتفتح عيونها🙄

نور:ياسمين شو رأيك تلوني شعرك اشقر
بتنط من حضنو وبتتخنصر
ياسمين:بلله شو،وبدك ياني صير متل هدول يلي تحت
نور بيكتم ضحكتو:لا ياعمري بس..
ياسمين:قلت المنطقة حلوة ماختلفنا قلت كلشي فيها حلو سكتنا،بس تكون عم تطلع علبنات هون لا وبدك صير متلهم
نور:مو لازم تعملي كلشي بدو ياه زوجك
ياسمين:بلله ليش انا شبن لون شعراتي آه،من يوم يومك بتقعد بتتغزل فيهن وبتقلي شوكولا سايح

نور:بطلت حب الشوكولا
بتعصب وبتصير تتلفت حوليها بتلاقي مخدة بتخبطو فيها

نور بيمثل الألم:لك اخ يامجنونة وجعتيني
ياسمين:اي بتستاهل
نور بيضحك:لك من كل عقلك بتغاري عليي
ياسمين:وليش لا،بعدين يعني..انت مابعرف ليش هيك،يعني كل البنات بيتطلعو فيك

بيوقف بيقرب لعندا وبيقلا:بس فشرو كلن،انا مابلاقي احلى من حبيبتي وام ولادي
ياسمين:اممم يلا ضحاك علي
نور:وحياتك عم امزح،عم نهز الورد ياوردتي
ياسمين:اي لا عاد تهز شي،كرمال ماهز بدنك
نور:لك خليلي العصبي شو حلو،تعالي بدي احكيلك شغلة

بتسحب ايدا وبتبعد عنو:لا بدي ننزل نتمشا
نور:لك،هلأ؟
ياسمين:هلأ يلا لشوف
نور:بتعرفي اديش مابتمرء سنين علينا بتبقي طفلتي المشاغبة المدللة

بتبتسم وبينزلو
عشاطئ بتلاقي كل ماتمرء بنت بتطلع فيه،كان نور ملامحو شرقية وجذابة كتير وبيسحر كل البنات
مسكتو من ايدو وشدت
ياسمين:لعما شو وقحين
نور بيفرط ضحك
ياسمين:لك نور والله ببكي ها
نور:طيب قوليلهم لا يطلعو
ياسمين:مااشي

بتبعد خطوتين وبتحكي بلهجتا العربية يلي ماحدا فهم منها شي
ياسمين بصوت عالي:لك ياعالم ياناااس هاد زوجي،عم تفهمو حبيبي من لما كنت فصعونة،فلا تحاولو معو انضبو وشوفو غيرو يلا

بتقرب بتضمو وهو لسا ميت ضحك عليها وحمد ربو انو ماحدا فهم،مع انو لفتت انتباه وفكروها عم تغازل حبيبها

بتقلو:اي هيك تمام رتحت انا
نور:بس انا لسا
ياسمين:شو بدك؟
نور بيتطلع فيها بحب:اممم هون بدي خبرك؟
بتخجل كتير بيحملا وبيروح فيها علفندق‏ #عروسة_الثأر #الخاتمة

ممكن كانت النهاية خيالية نوعاً ما بس حبيت تكون تعويض عن الحزن يلي عشناه مع ابطالنا
وشغلة تانية أنا هي نظرتي ل #الحب_الحقيقي💙

أنو يواجه كل المصاعب،ويبقا عم يزيد ومايتغير فيه شي

أنو يلي بحبو بعض لو كبرو بلعمر يبقا قلبهم شباب،يخصصو وقت لنفسهم ولعشقهم يبعدو عن كل الهموم فترة قصيرة ليرجعو بكل طاقة وحيوية

بتمنى تكون عجبتكم القصة ومامليتو ولا بلحظة

بتمنى تكونو استفدتو منها،واستمتعتو بلقراءة متل ماأنا استمتعت بلكتابة

وآخر شي،بدي قلكم..حبو بصدق الحياة قصيرة ومامحرزة نقضيها بلحقد والطمع والكره والانتقام
كانو ابطالنا متسامحين جداً ومتأكدين أنو ربنا رح ياخد حقهن وهاد يلي صار

لذلك عيشو بمحبة وتسامح،بتصيروا اسعد الناس
واهم شي الرضا😍💙ارضو بكلشي الله كاتبو ألكم وكلشي بيصير ألو حكمة من ربنا وخير بحقنا

انتظروني بقصة جديد
بقلمي:سارة🥰

بداية القصة 💜

رأيكن بالقصة🧚‍♀👇
@Stories_3_bot

قصة جديدة : #قلبي_الصغير_لايتحمل

"قراءة ممتعة" 🌸♥️

#قلبي_الصغير_لايتحمل (واقعية)
#بقلم_مريم_اليوسف
#الجزء_الاول

القصة من عام ٢٠١٢ .. بداية الحرب بسوريا
اسمي مروة عمري كان ١٦ سنة عم ادرس بصف العاشر بصراحة وبدون مبالغة انا كنت حلوة كتير وملفتة كتير للنظر وجسمي كان معبا ونص بنات ضيعتنا كانو يغارو مني ... وبسبب هالشي اهلي كانو كتير يشددو علي .. بس شوبدي اعمل هيك الله خالقني حلوه 😊😊😊.... نحنا كنا عايشين بضيعة من ضيع حمص الجنوبية يعني على الحدود اللبنانية ... وببداية الاحداث صار عنا الوضع فلتان متل كل مين ايدو الو .. وكل واحد صار يعمل دولة لحالو .. لانو مافي نظام والامن والجيش كان ملتهي بالمدن لانو الاحداث كانت ولعانة اكتر شي بالمدن .. والضيع يلي متل ضيعتنا ماكن حدا داير عليها ... يعني صارت ضيعتنا متل مسلسل الهيبة 😂😂😂 ... وانتشرت كتير بضيعتنا شغلة التهريب ... بس للامانة حرام بس كانو يهربو مازوت ...وكان كل يوم يمرق من ضيعتنا حوالي ١٠٠ سيارة ... سيارات كبيرة وفيها خزانات كبيرة وكانو ينقلو فيها مازوت من سوريا للبنان ... تعو لاحكيلكم شوي عن اهلي ... اهلي من النوع يلي بيمشو الحيط الحيط ويارب السترة .. كانت عندي اخين شباب وانا واخت اكبر مني كانت تدرس جامعة بس اهلي معد خلوها تروح تكمل .. لانو يخافو عليها كتير من الطرقات ...

بلشت قصتي من لما كنت راجعة من المدرسة على البيت .. وصدفت بوقتا كانت مارقة قافلة المازوت وقفت ع جنب لانو الطريق كان ديق ...وماضل حدا من الشوفيرية الا وتطلع علي بصارحة انا كتير خجلت من نظراتن الوقحة ونزلت راسي ورفعت الكتاب يلي كان بأيدي على وجهي عأساس عم فييه فيه بس هو انا كنت عم غطي وجهي من نظراتن يلي مابترحم .... ومرقو السيارات على خير .. وانا قربت ع الطريق لحتى كمل طريقي بس فجأة طلعت قدامي سيارة جيب سودة طبعا هي تابعة للقافلة يعني هي الدليل تبع السيارات او صاحب السيارات مابعرف وكانت رح تضربني ... بس بسرعة صاحبا شحط فراام .. ومع صوت الفرام حسيت قلبي انشل وحطيت ايدي على وجهي وصرخت صوت يمكن الضيعة كلا سمعتو ... وانا مغمضة عيوني سمعت طبشت باب السيارة ... وكأنو حدا نزل .. رفعت ادي عن عيوني ... لقيت شب واقف قدامي .. هلأ هو من ضعيتنا بس انا مابعرف ابن مين بكون او شو اسمو
_صابك شي .. انتي منيحة
انا كان جسمي كلو عم يرجف وحسيت رجلي عم يخبطو ببعض ... ومن كتر ماكنت معصبة .. صرخت بوجهو وقلتلو وبصوت عالي : الله يلعنك ... الله لا يوفقك معد نخلص منكم ... حتى بالشارع معد فيه الواحد يمشي ... تضرب انت وكلشي عم يشتغل معك هالشغلة ...
هلأ هو بين عليه انو عصب من كلامي ... ويعني لو بمون علي كان ضربني كف لزقني بالحيط .. بس ماحكي وقال : المهم انتي صابك شي
قلتلو : لأ ما صابني شي ... وان شالله تصيبك شي مصيبة ماتطلع منا الله ياخدك انت وكلشي معك
تركني عم اردح وراح ركب سيارتو وخبط الباب بقوة .. انا بعدتلو عن طريقو ... ومشي هو كان عم يزورني وانا كنت عم ازورو
رحت ع البيت وبوجهي فتت ع المطبخ وعبيت كاسة مي وشربتا لانو حسيت قلبي نشف من الرعبة
فتت ع غرفة القعدة وشلحت شنتي وتمددت على الكنبة
امي كانت ورا البيت عم تزرع شوي ورد ... اجت لعندي وشافتني كيف حيلي فارط ولوني اصفر ...
امي : مروة شبك امي ليش هيك مصفرنة
مروة : والله يا امي كنت عملت حادث ورحت بخبر كان
امي : يه ... وكيف هيك .. انتي بخير ياعمري .. صابك شي
مروة : لا لا ماصابني شي ...
امي : مين كان رح يضربك
مروة : سيارات التهريب
امي : سيارات التهريب 😱😱
مروة : لا ماما مو سيارات التهريب... بس هي السيارة السودة يلي بتمشي وراهم .. هاي هية يلي كانت رح تضربني
امي : اي الحمد لله انو اجت ع خير .. ومين كان عم يسوق هي السيارة
مروة : مابعرف واحد حيوان ...
امي : اي والله حيوان
مروة : بتعرفي .. انا كلشي عم يشتغل بالتهريب مابطيقو لانو هيك عم يسرقو بترول البلد ونحنا بحاجة الو ... واصلا كلشي عم يطالعوه من هالشلغة كلو حرام بحرام
امي : يلا سكتي وحاج تتفلسفي ...يعني مين سامعك .. قومي بدلي تيابك وتعالي لنجهز الغدا
مروة : وينا فاطمة واخواتي وابي
امي : فاطمة بغرفتكن يمكن عم تصلي الضهر واخواتك وابوكي فوق ع السطح ...
مروة : شو عم يعملو ع السطح
امي : قال اخوكي عمر بدو يفرجيهن على فراخ الحمامات يلي فقسو جديد
مروى: يلا انا لكن رح صلي ع السريع واجي ساعدك
امي : اي يلا لاتطولي وخلي اختك تجي تساعدنا كمان
___________
قعدنا ع الغدا وصرنا ناكل
عمر : بابا شو رأيك بالحمامات
ابي : ماشي حالنا ..بس بدن رعاي اكتر من هيك
عمر : انا اصلا مليت منون وبدي بيعن

ابي: بكون احسن
حكي اخي خضر وقال : بابا انا حكيت مع رفيقي سليم مشان يحكيلنا مع صهيب بركي بشغلنا معو
حكيت انا وقلتلو : مين صهيب وشوبدكن تشتغلو
خضر : بالتهريب .. متل ماكل شباب هالضيعة عم يشتغلو بنصير نشتغل انا وعمر
انا : شو هالشغلة كلا حرام بحرام
خضر : اولا مو حرام لانو هية متل التجارة .. وكمان لاتدخلي انفك بشي مابخصك اي انسة مروة
حكيت بقلبي لأ حرام ونص .. بس ماسترجيت احكي
عمر : اي بشتغل انا
انا : طيب بركي مسكوكن الشرطة
خضر لعمر : ههه سماع يازلمة قال بدا تمسكنا الشرطة لك نحنا بدنا نشتغل مع صهيب .. بتعرفي مين صهيب
انا : لا والله ومين بكون
عمر : احسن ...بس هاد بكونوصاحب كل هي السيارات يلي بتمرق ومحملة مازوت ... ومتفق مع كل الدوريات
انا : اوووف كلن الو
خضر : اي ... ومشغل نص شباب الضيعة وكل واحد بيطلعو باليوم خمس تلاف او عشرة حسب الشغل
مروة : خمس تالااف باليوووم ... لكن هاد صهيب شقد غلتو باليوم
خضر : من ٢٠٠ وانتي طالعة
مروة : الله لايشبعو ولاشلو بهل المصاري كلا
عمر : عم يقولو عم يعمر قصر بكل المنطقة مافي منو
حكيت بقلبي : بكرا بيهبط عليه لانو يلي بيجي هيك بروح هيك .. تضربو انتو والمصاري
مروة : وهاد صهيب شقد عمرو متزوج ولا لأ
خضر : شو قصتك انتي وهالاسئلة
عمر : وانت ليش عم تجاوبا .. خلص تركا مابتعرفا من يوما يوما بتدخل انفا بشي مابيعنيها
مروة : 😒😒😒
خضر : اي بابا شو قلت
ابي : اي ليش لأ
امي : والله مابضرو بطنا كل يوم عشرة تالاف منك ومن اخوك
مروة بقلبا : وانا كنت مفكرتكن بتخافو من الله يا اهلي والله انغشيت فيكم هههه طلع كلو قدام المصاري بينسا حالو ... لك يصطفلو انا شو دخلني ... لسه بوجع راسي بشغلات مالي فيها
مروة : دايمة
اخدت صحني حطتو بالمجلى و رحت ع غرفتي
__________________
المسا كنا قاعدين عم نسهر ع السطح انا وامي واخواتي .. وابي كان عم يسهر عند رفقاتو ...اخواتي الشباب كانو عم يأركلو
مروة : عمر عطيني سحبة
عمر : هههه ماحزرتي
مروة : بس حط النبريج بتمي شوي بس حابة جرب هالشعور
عمر : لا
مروى: الله يخليك .. الله يخليك
خضر : لك عطيها يازلمة مابتعرف بس تنفتح ع النق مابتعود تستكت
عمر : خدي ...
اخدتو مسكتو شوي ورجعتلو اياه
عمر : اي انسة مروة شو طلع شعورك
مروة : بهوي 😁😁
مروة : لك ماقلتكم انو اليوم كنت عملت حادث
عمر : ياريتو دعسك وخلصنا منك
امي : خراس ولاه حاج تفاول ع البنت
عمر : عم نمزح ماما ماحكينا شي ... اي انسة مروة حكيلنا وين كنتي رح تعملي الحادث
تجلست وبلشت احكي : كنت راجعة من المدرسة ... ومرقو سيارات المازوت ...قام جيت لحتى امرق وتطلع قدامي هي السيارة السودةالجيب يلي بتمشي ورا السيارات عطول ...وهو دغري شحط فريم وانا صرخت صوت رجت الحارة رج ...ونزل صاحب هالسيارة لعندي ... اماشو طرقتلكن ايااه بهدلة غيررر شكل ومافتح تمو بحرف
خضر: لك الله لايعطيكي العافية
مروة: ليش
خضر : هاد الشب يلي كان بالسيارة طويل شوي واسمر ولابس جاكيت اسود وبنطلو جيشي بجياب ماهيك
مروة : اي هاد هو ليش بتعرفو
خضر : لك ريتك ماتنعرفي ... هاد هو صهيب يلي بدنا نتشتغل معو
مروة : اي وشي بهوي وليش كل هالقد نحيرت انت عليه
خضر : ما نحريت .. بس منيح ماشاطك شي كف عماكي عمي ..
مروة : مافشر يمد ايدو علي ... والله كنت لميت عليه الضيعة ومافيها
عمر : لانو حدا بيسترجي يقلو ليش هيك عم تعمل...
خضر : بس مايكون عرف انك اختي
مروة :بلله شوو
خضر : لانو اذا عرف مارح يشغلنا ... لانو هاد ماحدا بيسترجي يحكيه كلمة .. وانتي بهدلتيه
عمر : لك مابظن ... يمكن مروة عم تسلبا علينا
مروة : والله بهدلتو .. وليش لحتى اسلبا عليكن .
عمر : انا بقول انسى الشغل
خضر : وهو هيك ... لانو اكيد بكون عرفك
مروة : وكيف بدو يعرفني
عمر : لاتخافي بكون سأل
مروة : مابظن
تلفون خضر عم يرن
عمر : مين
خضر : مابعرف رقم غريب
امي : رد .. رد بكون ابوك عم يتصل من عند شي حدا لانو نسي هاتفو هون
فتح الخط خضر : الو ..اي اهلين اي انا خضر ..
عمر اشرلو انو يفتح السبيكر
خضر : اي انا خضر مين حضرتك
_ انا صهيب ...
هون كلنا صرنا نتطلع ببعض
خضر : اهلا ... اهلا معلم صهيب كيفك
صهيب : منيح ... خبرني سليم انو بدك تشتغل معنا
خضر : اي والله ياريت
صهيب : انت ومين
خضر : في انا واخي عمر
صهيب : طيب ماشي بكرا جهزو حالكم ...
خضر : يكتر خيرك ... والله فضلت عراسنا
صهيب : الفضل لالله ... ليك
خضر : اي قلي
صيهب : بتفهملي اختك انو تنتبه قداما منيح تاني مرة ... وانا لانو بنت مافعلت رد بوجها .. وتحمد ربا انها بنت

خضر عمل حالو مامعو خبر وقال : ليش خير شوفي ..
صهيب : اسألا وهية بتجاوبك .. ولاتنسى بكرا جهزو حالكم ... سلام
خضر : الله .. الله معك
انا هو عنجد خفت بس مابينت لحدا .. وعملت حالي ولا كأنو هاممني
مروة : ههههه قال تحمد ربا انو بنت .. العما بقلبو ... وانتو انشالله بدكم تروحو تشتغلو معو
خضر : مابعرف ... شو رأيك عمر
عمر : انا بقول بلا لانو يمكن يعاملنا بحقارة بعد عملت اختك السودة
خضر : طيب شو قلو
عمر : استنا شوي وبعدين اتصل فيه وقلو انو انت بتعتذر عن اختك وانو معد بدنا نشتغل
مروة : بس انا مابدي اعتذر من حدا
خضر : لك انتي مشان الله خرسي احسن ما ابتلى فيكي اخر هالليل
مروة : خرست تضربو انتو وهالعيشة ..
قمت ونزلت عأساس نازلة ع غرفتي ... بس وقفت ع الدرج مشان اسمع شو رح يقلو خضر لصهيب
اتصل خضر بصهيب وفتح السبيكر وكان الصوت واصل لعندي
خضر : كيفك معلم صهيب
صهيب : اهلين خضر شوفي
خضر : بصراحة انا سألت اختي وحكتلي بس والله ماكانت بتعرفك ولا ماكنت اتجرأت وحكتك هيك وانا بعتذر بالنيابة عنها
صهيب : مامشكلة
خضر : وبصراحة انا معد الي عين لا انا ولا اخي عمر نشتغل معك بعد الشي يلي بدر من اختي
صهيب : خلصت يلي عندك
خضر : اي
صهيب : بكرا لا تتأخرو ناطركم
خضر: بس .. يامعلم
صهيب : قلت لا تتأخرو .. كلامي واضح .. سلم
خضر : الله معك
سكر التلفون خضر والضحكة ع وجهو
عمر : انا قلت مارح يدقق عكلام وحدة مجنونة متل اختك
نطقت وحكيت : هلأ انا مجنونة
ماشفت غير اخي خضر قام وقال : لك انتي لسه مانقلعتي انا بفرجيكي ..
ونزلت هرولة ع الدرج وانا عم اضحك
___________
بلشت تمر الايام واخواتي عم يشتغلو مع صهيب واهلي بلش يبين عليهن الجخ ... بس انا عنجد شي جواتي كان يقلي انو هي مصاري حرام بس ما افعل اتدخل قول يصطفلو ... انا كنت اخد مصروفي متل قبل كل يوم خميسن ليرة ... وبيوم من الايام .. كنت طالعة من المدرسة وفي رفيق الي من الصف لحقني مشان يعطيني كتابي يلي نسيتو ع المقعد
لؤي : مروة... مروة
وقفت والتفتت عليه
مروة : اي لؤي قلي
لؤي : نسيتي كتابك ع المقعد .
مروة : يسلمون ... مابعرف كيف نسيتو
لؤي : اي هو انا جبتلك اياه لانو بكرا عنا امتحان منو مشان تدرسي فيه
مروة : يكتر خيرك لولاك ماكنت عرفت شو كان صار فيني ... مشيت وهو مشي جنبي
لؤي : لك صحي شفت اخواتك عم يشتغلو مع صهيب
مروة : اي والله
لؤي : يلا منيح ... اصلا صهيب شغل كل المنطقة يكتر خيرو
مروة بمسخرة : هه وخيرك
ونحنا عم نحكي بلشت تمر سيارات المازوت
مروة : ليك خليك بعيد لانو اخواتي يمكن معن مشان مايشوفوني
لؤي : اي ماشي
سبقني بكم خطوة وانا مشيت وراه ... وانا عأساس ماشية وراسي بالارض مشان ماشوف اخواتي وبين قدامون انو مابتطلع لاهيك ولا هيك 😅😅
مرقت كل السيارات وما انتبهت اذا اخواتي معن او لأ .. وقفلي لؤي ورحت مشيت جنبو ..
لؤي :والله ضيعتنا صارت مسخرة
مروة : اي والله ...
لؤي :والمشكلة انو دوريات الشرطة هية يلي عم تفتحلون الطريق
مروة : هههههه اي عم ياكلو ههههههه
لؤي : هههههههههه
ونحنا عم نضحك مرق صهيب طبعا هو عطول بكون ورا السيارات ... حسيتو هدا السيارة حدنا ... وصار يزورني ... وانا كمان بادلتو نفس الزورة وكملت طريقي ..
مروة : يلا بدك شي لؤي
لؤي : لا سلامتك باي
كملت ع البيت ...
_________
المسا كنت عم ادرس ماشفت غير اخي خضر فايت لعني متل التور
خضر : ولييه مين هاد يلي كنت ماشية معو اليوم
مروة : اناااا
خضر: اي انتي لما كنتي طالعة من المدرسة
مروة : هههههه لك هاد زميلي بالمدرسة كنت نسيانة كتابي عطاني اياه وراح ... مامشيت معو ولا شي
خضر : بس هيك
مروة : اي بس هيك .. بس انت مين قلك
خضر : اااه .. انا شفتك
صفنت وحسيت انو في شي غلط لانو لما مرقو السيارات ماكنت عم امشي معو ... وكمان كلن كم خطوة مشيتن مع لؤي ... ياترى مين خبرو ... معقول صهيب .. لا لا شو مأحلاه يكون هو .. لا لا مابيعملا بعدين شودخلو فيني ... يمكن خضر شايفني عنجد
خضر طلع بدون ما يحكي ولا كلمة .. وانا ما اخدت وعطيت بالموضوع
تاني يوم بالمدرسة .. كان استاذ الفيزيا غايب .. وللصدفة اجا بدالو خالي ايمن لانو خالي عم يدرس نفس الاختصاص بالجامعة واجا يناوب كم يوم لبين مايجي استاذنا ... خلصنا دورسنا وخالي طلب مني انطرو مشان نطلع سوا وندّرج لعنا ع البيت لانو امي كانت عازمتو ع الغدا .... نطرتو عباب المدرسة لحتى طلع ومشينا سوا ع البيت وكان خالي كتير مهضوم ومحبوب وانا كتير بحبوو لانو كان عطول يضحكني
ايمن : وليه دبي ليش هيك صايرة متل البرميل
نروة : انااا ... الله يسامحك يا خالو ... انا برميل

ايمن : ههههه لا مو برميل اصغر شوي
مروة : هلأ هيك خلص انا زعلت
تركتو ومشيت قدامو .. هو لحقني ومسكني من دراعي وقلي خلصو ولوو عم امزح معك.. العما شو جدبة ما بتتحملي خالك
مروة : لك انا بزعل من العالم كلا الا منك يا احلا خال بالدني .. طبعا كان باين علينا مبسوطين ونحنا ماشين ... بس كان في عيون عم تراقبيني وانا اكتشفت هالشي متأخرة ومتأخرة كتير ... ونحنا ماشين .. مرق صهيب بسيارتو مسرع كتييير حتى الغبار وراه واصل للسما
انا قلت : هيييششش .... العما شو جحش ليك كيف غبر الدني
خالي : هاد صهيب ما هيك
مروة : اي هو يقطع عمرو
خالي : وليش هيك كأنك حاقدة عليه
مروة : هيك من الله ما طقتو لهل الزلمة ... بس هلأ شوف المحبة عند اهلي واخواتي رح يدوشك بصهيب واعمال صهيب وانجازاتو ..
خالي : اووف وليش
مروة : ليش مامعك خبر انو خضر وعمر عم يشتغلو معو
خالي : عنجد ؟؟
مروة : اي... منيح انك بتضل اكتر وقتك بالجامعة احسن ماتضل بهل الضيعة وتشوف هالمهزلة
خالي : مابعرف ...
وصلنا ع البيت وخالي راح قعد مع امي وابي وانا فتت عغرفتي لغير تياب المدرسة ... وانا بالغرفة سمعت صوت اخي خضر عم ينده عملات صوتو ويقول : مروة .. مروة .. وينك ياكلبة .. انا نقطع قلبي فكرت في شي وطلعت عليه قلتلو شبك
خضر ؛ مين هاد يلي كنت ماشية معو وعم تتصهصلي انت واياه اليوم اااه
مروة : لحظة .. لحظة .. انت حاطط حدا يراقبني
خضر : لا بس كل اهل الضيعة عم تحكي عنك ...
مروة : بلله شوو ومين هالعالم دخلك
اجو ابي وامي وخالي ع صوتنا
خضر : مادخلك ... المهم هلأ قوليلي مع مين كنتي
ابي : خير شوفي .. شبك خضر
خضر : بدك تسأل بنتك فضحتنا بالضيعة اليوم كانت ماشية مع شب وكان مبين عليها كتير مبسوطة
امي : عنجد وليه ... ايمت هالحكي
خضر : ايمت يعني .. لما خلصت دوام
خالي : خضر انت اكيد غلطان لانو انا جيت مع مروة من المدرسة لهون وماكانت مع حدا انت مين خبرك
خضر : شووو .. يعني انت خالي يلي كنت معها
خالي : ههههه الظاهر يلي ناقلك الخبر مابيعرفني .. تاني مرة لاتصدق حكي العالم اي خال
خضر خجل ونزل راسو
ابي : تاني مرة اذا بتشك بأختك ماتلوم الا حالك
خضر : اسف بابا .. اسف مروة
مروة : لحظة .. لحظة .. انت مين خبرك
خضر : ااااه ... محدا .. محدا
بس انا هون الفار لعب بعبي .. وقلت اكيد حدا عم ينقل اخباري لاخي خضر ...
رحت لعند اختي فاطمة .. وهية كتير حنونة وصحبة كتير هية وخضر ... وكمان بيت اسرارو .. رحت لعبت شوي بعقلا وضليت ساعة اترجاها مشان تروح لعند خضر وتسألو مين عم يوصلو اخباري ..
المسا لما اجو اخواتي من الشغل فاتت فاطمة لعند خضر لحتى تسألو .. بس انا مانطرت لحتى تجي تقلي فاطمة رحت وصرت اتصنت عليهن
فاطمة : خضر حبيبي معلش اسألك سؤال
خضر : شو قوليلي
فاطمة : مين قلك انو مروة كانت مع شب اليوم ومبارح
خضر : والله يافاطمة انا رح جن ومابعرف شو عم يصير
فاطمة : اي قلي مو انا بيت اسرارك
خضر:هلأ انا بعرف انو هديك الفصعونة باعتك ... بدي منك ماتخبريها نهائيا لانو اختك فضيحة .
فاطمة : طيب قلي انا هلأ بكذب عليها شي كذبة
خضر : هاد ياستي ..صهيب يلي عم يخبرني
انامن برا لما سمعت ..نقزني قلبي وماتوقعت ابدا انو يكون هو ... رجعت لاتسمع
فاطمة : كيف هيك بقلك ... وهو شو دخلو
خضر : مابعرف .. بس مبارح ندهلي عجنب وقلي .. هلأ اختك بتحب شي حدا يعني .. انا قلتلو لأ .. قام قلي شفتا اليوم كانت طالعة مع واحد من المدرسة وعم يضحكو ... واليوم كمان قلي شو اختك مانها مخلاي حدا الا وبتمشي معو
فاطمة : العما بقلبو وهو شو دخلو ...
خضر : مابعرف .. بس انا ماسترجيت قلو شو دخلك
فاطمة : طيب ما وضحتلو انو اختك ماعم تغلط
خضر : مبلا .. قلتلو انو مبارح كان زميلا بالصف واليوم كانت ماشية مع خالي ..
فاطمة : وشو قلك بعد ما وضحتلو غلطو
خضر : قال انو هو خايف عليها متل اخوها ولانها صغيرة وحلوة مشان محدا يضحك عليها
فاطمة : امممم ... فيها وجهة نظر
انا برا كنت عم فور واغلي وكنت مفكرة انو عم يعمل هيك مشان اكل قتلة من اخي مشان ينتقم لانو بهدلتو هداك اليوم ... رجعت ع غرفتي وانا عم فكر انو معقول يفكر بهل الطريقة ... مابعرف في شي جواتي قال بركي حاببني .. هون نقزت وقلت لا لا .. اكيد ماهيك بعدين هو كبير عمرو فوق ٣٠ .. وقفت قدام المراي وصرت حكي حالي .. ان شاء الله مايكون هيك .. انا بكرهو .. بكرهو كتير .. لا ولوو مامعقول ... خلص انا بلشت تخبيص ... خلص انا لازم لاقي خطة اتأكد فيها واعرف اذا كان عم يراقبني عن قصد او لأ ... شو بدك تعملي يامروة .. شووو
وضليت هيك للصبح فكر واخيرا لقيت خطة وهية انو غيب عن المدرسة اسبوع واذا كان حاببني وان شاء الله يكون لأ اكيد رح يحاول يشوفني ... واذا بس حابب يسببلي مشاكل بكون نسيني بهل الاسبوع ... غبت عن المدرسة اول يوم والتاني والتالت .. وانا هون قلبي بلش يرتاح لانو احساسي غلط ..

وكنت موصاي رفيقتي تجبلي الدروس وضليت هيك معطلة اسبوع وانا كنت طايرة من الفرح لانو طلع احساسي غلط.. واخر يوم كان يوم سبت .. اخواتي كالعادة بالشغل وامي وابي واختي فاطمة راحو ع الارض تبعتنا مشان ينكشو شوي حوالي الشجارات وانا ضليت بالبيت عم راجع الدروس لانو راح علي اسبوع كامل وتاني يوم كان عندي دوام .. فجأة رن الجرس .. قمت وصرت دور حولي على شي البسو على راسي .. لقيت طقم الصلاة حدي لبستو ورحت شوف مين
رحت فتحت الباب بدون ما اسأل مين لانو بهاد الوقت محدا بيجي لعنا وفكرت حدا من اخواتي او اهلي نسو شي ورجعو ياخدوه .. اول مافتحت الباب ضربت عيني بعينو .. اول الشي نقذت بس بعدين عادي ... وقلتلو : تفضل شوبتريد
صهيب حسيتو عم يتطلع علي بواقحة وكأنو رح ياكلني بعيونو
صهيب : خضر هون
انا : لأ
صهيب : وينو
انا : مابعرف .. معو تلفون دقلو بتعرف وينو .. رجعت خطوتين لورا لحتى اطبش الباب .. بس هو قبل مااطبش الباب بوجهو حط ايدو ع الباب مشان ماتسكرو
انا: خير شوبدك ... قلتلك مافي حدا هون
صهيب : انتي ليش ماعم تروحي ع المدرسة
انا هون انصدمت واتأكدت من نيتو
انا : وانت شو دخلك .. لحظة .. لحظة .. انت عم تراقبني
صهيب : لا مو هيك ..بس بالعادة بشوفك وانتي طالعة من المدرسة
انا حبيت اقهرو وقلتلو : مبلا عم روح .. بس عم اجي قبل انتهاء الدوام
صهيب : كذابة
انا : لا انت شكلك مراقب كل تحركاتي ... قلي شوبدك
ضحك ضحكة نصر وقال : بعدين بتعرفي ..
تركني واقفة متل الجدبة يلي مانها عارفة الله وين حاططتها وراح
فتت طبشت الباب وانا كنت كتير مقهورة.. متل لما الواحد بضيع شي غالي عليه .. او متل لما بيرسب بالمدرسة هيك كان شعوري .. وكنت عشوي رح ابكي .. مابعرف ليش .. بس حسيت بالخوف .. لانو عنجد صهيب محدا بيقدر يوقف بوجهو .. اذا اخي خضر لما قلو اختك عم توقف مع شباب ماقدر يسكتو ... وصرت اتخيل انو هو معجب فيني واذا اجا طلبني اهلي اكيد رح يوافقو ورح يخلوني اترك المدرسة وافكار كتير صارت تجي عبالي ... وصرت ادعي من ربي انو مايصير هالشي ويكون كل شي عم فكر فيه مالو اي اساس من الصحة

يتبع ......