ياسمين:بعيد الشر عن قلبك أمي،بس عنجد أنا لازم شوفو
خديجة:برضاية عليكي لك بنتي بلا جنانك وأعدي،ابوكي متوعد اذا بتطلعي برا غرفتك ليدبحك
ياسمين ببكا بتمسك ايدين امها وبتترجاها:ببوس ايدك ياماما،الله يخليكي بس هلمرة،وربي ماعاد شوفو لحالنا بترجاكي رحميني انتي

خديجة مابتقدر تعمل شي بتتركها وبتكمل بكا

وهيك،بلفعل بتجهز حالها وبتروح عمكان الموعد

الموعد الأخير

أول مابيشوفها،واضح الضرب عوجها،في ضربة معلمة عجبينها،وجنب شفتها في جرح والدم تجمد بمكانو

مابيقدر يتماسك،بينقهر اكتر بيشد عأعصابو وقلبو عشوي رح يوقف نبضو من حالها،عيونها كلهن دموع وقهر

نور:ياسمينتي دبلت،بيومين عملو فيكي هيك؟كيف قدرو؟كيف بدن يقتلو حب صرلو سنين؟

ياسمين بقهر:إذا عم يقتلو أرواح بكل برود دم،رح تفرق معهن يقتلو حب..يقتلو انسان بس يبقا على قيد الحياة
نور:أنا عاجز،أول مرة بحياتي بحس هلاحساس
ياسمين:خطفني نور،خدني وخلينا نروح؟

نور:انتي جنيتي ياسمين؟بدك نشعل الفتنة ونقتل ارواح بسببنا،ويحكو الناس ع شرفك؟مارح اتحمل
ياسمين بتهبط علأرض وبتزيد شهقاتا ومن بين دموعا بتقلو:لكن قتلني،قتلني وخلصني يانور مافيني اتحمل
بينزل لعندا وبيشدا لقلبو بقوة:لك اااخ،انا مو رجال لو كنت رجال ماكنت خليت دمعة من عيونك تنزل

بتبرم عليه وبتحط ايدها عتمو:لاتقولا،انت رجالي بسس القدر كان اقوى منك ومني،النصيب اختار انو موت بس ابقا عايشة،اتوجع طول حياتي متل يلي النار عم تولع بجسدو

بيضما بقوة اكبر
ياسمين:اي نور..ضمني بقوة،شد خلي هلضمة ماتنتسا ليوم موت وصير تحت التراب
بيتوجع اكتر وبيشد عليها:لو بيبقا يوم بعمري،رح تكوني ألي

بتطلع بعيونو مستغربة شو هلكلام؟
كانو قريبن من بعض كتير وانفاسهن متعانقة ببعضها متلهم تماماً،وعيونهم ذات الشي
ولا مرة بكل هلسنين ماكانو قراب لهلدرجة،نار العشق ولعت بقلوبهم اكتر كوتهم وماعاد قدرو يسيطرو عحالهم
بيلمس الجرح يلي بجنب تمها بوجع كبير،بيقرب شفافو وبيبوسو

وكأنو الجرأة يلي تخبت جواتها كل هلسنين،كانت تحافظ عنفسا لتكون ألو بيوم زواجهن وما تقبل يلمسها بطريقة متخطية الحدود
بس من القهر يلي جواتها أنو بعد كل هاد مارح تكون ألو،ماقدرت تتمالك نفسا

وهي بادرت بقبلة..وغرقو التنين فيها،ختلطت الدموع ببعضها
فجأة بيبعدو سوا وبقوة عن بعض،وآخر كلمة بتنطقها
ياسمين:رح ضل حبك لآخر نفس

نور بحط عيونو بلأرض:رح انساكي أول ماتبرمي ضهرك وتمشي هلأ

كانت متأكدة أنو كذاب،كانت متأكدة انو خوفو لا يخون أخوه هو يلي خلاه يحكيها،،ومع هيك كوت فؤادها كوي

وقفت وصارت تركد وهية عم تبكي،وهو بعدو آعد بلأرض،خبط بأيدي علتراب بكل قوتو مع اهات

بلآخر بيصيح الآخ القوية يلي بتوصل للسما بحرقة قلب

#انتهى كلشي بلحظة،حياتهم تدمرت

شغلة وحدة،كانو ديماً يدعو أنو يعيشو ببيت واحد،بس مو هيك..يكون ببيت واحد بس بهلطريقة الموجعة

مرت الأيام وكل واحد منهم عم يحترق لحالو،لما يسمع أنو اخو بهاء رايح يشوفا يطق عقلو
وهية وقت يجي بهاء ماتتقبلو بنوب،تقرف منو بس الظاهر عجبتو كتير لبهاء ومو عارف ايمتى يحصل عليها

هيك ليجي يوم الزواج
يوم الموت والعذاب،كانت حفلة عطريقتهم بلقرية،الطبل والاغاني الشعبية الخاصة فيهم حطولها الكحل الأسود بعيونها خلوهم يلمعو اكتر بهللون،كان شكلها انثى شرقية بكل معنى الكلمة وجمالها مو معقول بس حرقة قلبها يلي جوا ماحدا قدران يشوفها غير شخص واحد

نور
وقت شافها من بعيد،قدر يشوف كل تفاصيلها،كم يوم قدرو يغيروها هلقد؟نظرتها كانت غريبة عنو
شي غريب كتير برود بعيونها قهر وحزن،الكحل الأسود فاجأو كيف خلاها تصير انثى ناضجة،وين طفلتو المدللة

فجأة ايد قوية بتنحط عكتفو..بهاء
بيقلو:شو؟بلاقيك هون
نور:وين بدك ياني كون
بهاء:بعيد..بعيد كتير،حتى لو بنفس البيت رح تكون بأبعد مكان عن مرتي،عم تفهم

حرقلو قلبو بكلمة مرتي وماكان داري بحال أخوه
نور بيقلو:له ياأخي..مو نحن اللي منخون،صدقني طلعت من قلبي ولا حتى ماضل ذكرى ألها جواتي..هية هلأ اختي ومرت أخي بس..ألف مبروك

بيقرب نور وبيضمو،كان حابب يهمسلو بكلمة بس بيعرف أنو بوقتا اخوه رح يفهمو غلط،كان حابب يقلو((دير بالك عطفلتي،ع ياسمينتي يلي ضليت سنين اسقيها عشق وحنان،داريها برموش عيونك)) واكيد مانطق بحرف منهن،وبهاء ضمو لأخو وقلو:عقبالك
بقلب نور مافي اي بغض تجاه بهاء وبنفس الوقت بهاء مقرر يبدا من جديد بزواجو وينسا يلي كان بين زوجتو واخوه

في غرفة نوم العروسين

كانت ياسمين اعدة عطرف،وعم ترجف من خوفها وعم تنزل دمعة بين الوقت والتاني وهية فوراً بتمسحا خوفاً أنو ينتبهلا بهاء ويفكرها عم تبكي ع نور

هية كانت بلفعل خايفة ومتوترة من هليوم،كانت مقررة كمان انها تطالع نور من قلبها لأنها مالا خاينة ومستحيل تقبل تخون حتى لو مو بلجسد..جوا الروح مارح تخون

كل مايقرب خطوة ترجف اكتر،ومن كل قلبها دعت يكون لطيف ويتقبل خوفها ويتركها ترتاح..بس الظاهر كانت عم تحلم مفكرة نفسا بشي مسلسل تركي
لأنو بهاء كسرلا كل افكارها ونيتها الطيبة وقت قرب منها بجرأة وصار يتحسس جسما وفوراً بدو يفكلها الازرار

ياسمين بصوت متقطع وبتوتر:بترجاك بهاء فينا نهدا شوي
بهاء:وليش؟في شي بدك تقوليه مثلاُ
ياسمين:لا موهيك بس...
بهاء:لا بس ولا شي انتي حرام تمنعيني لأنك زوجتي وانا شو بدي بعمل فيكي،لازم تتقبلي هلشي
ياسمين بتخجل وماعاد تحكي بس شادة اعصابا كتير

بهاء:كلشي بتعرفو ماشالله عليكن أما شو جيل،لذلك لاتمثلي عليي هلأ دور البنت البريئة

بتنصدم بكلماتو وبتنزل دمعة كانت كتير عم تحاول توقفها

وهلدمعة هي خلت افكار كتير بعقلو المريض،وأول شي فكر فيه هو حبها لأخوه،وماخطرلو بنوب أنو يفكر يهديها بكلمتين حلوين وبخليها ترتحلو

بلعكس تماماً شدها بقوة ووقفها قدامو وضاغط عأيديها بشدة:سمعي وليك فهميا منيح انتي ألي،،ألي..كلشي فيكي ملكي عقلك جسدك..حتى قلبك رح اخدو

ياسمين بعفوية وخوف:بس القلب مابتقدر تتحكم فيه بطريقتك،لأنو اذا اخدتو مني رح يوقف وموت

وياريتها ماحكت هلكلمة،ياريت تفهم يلي قدامها مو نور حتى أي كلمة غلط بتحكيها رح تنفهم بحسن نية

ويمكن هلكف يلي نزل عخدها يصحيها شوي
وقعت بلأرض

رجع رفعها:قلتيلي بتموتي مهيك ياكلبة
بيرجع بيثبتها منيح بأيد وبيضربها بلتانية

وهية عم تبكي،كاتمة صرخاتا وهو مفكر نفسو عم يطبق رجولتو عليها..يلي اصلاً مابيعرف معنى هلكلمة حتى
بيرميها علتخت ووبيخزقلا تيابها بعنف،وهية عم تخلج بين ايديه،عم تصرخ بوجع وهو مو حاسس

نار الشهوة والحقد والغيرة كلهم اجتمعو بوقت،خلو الليل يشهد ع اسوء حادثة اغتصاب رجل لزوجتو بأول ليلة ألهم

بمكان تاني بالطابق الأرضي من فيلة اليونس

كانو خديجة وعزة رايحين جايين بتوتر،باقي العيلة كلهم بغرفهم نايمين،إلا هلتنتين

ونور يلي هلأ لقدر يرجع علبيت،لأنو أبوه اتصل فيه وأمرو يرجع وينام بلبيت
بيفوت مستغرب من شكلهن
خديجة:ياترى شو صار
عزة:لاتقلقي هلأ بينزلو وبيطمنونا،نحن واثقين من تربايتكم ياخديجة خانم
بتبتسم خديجة بفخر

نظرات نور بتدل عخيبة أمل،شو هلتفكير الجاهل معقول ناطرين اشارة تأكد شرف ياسمين؟ياسمين اطهر بنت بلدنيا

ثواني بين هلافكار الملخبطة ولحظات صعبة بتخليه مومستوعب يلي عم يصير وقت بيلاقي أخوه بهاء نازل لابس بنطلون والقميص مفكوكين كل ازرارو

القهر بياكلو اكل بس كلمات بهاء ومنظر بقايا دم عايدو بخلي هلافكار تتلاشا
بهاء بخوف وتوتر:أمي..مرت عمي لحقوني
عزة:لك شو صار ابني
بهاء:ياسمين...ياسمين
خديجة:لك شو عاملة هلبنت والله لربيا هل... وقبل ماتكمل بيقلا بهاء:لك ياسمين غابت عن الوعي وعم تنزف
بتخبط خديجة عراسها وبيطلعو ركد عغرفة بهاء
أما نور،صدمة قتلتو مسك الحيط ونسند عليه كأنو نفسو رح ينقطع،دقايق وبيلاقي بهاء حامل ياسمين ونازل فيها،الظاهر عزة وخديجة لبسوها شي بسرعة قبل ماتروح من ايديهم،بس مع هيك كان الدم واضح عتيابها

مشهد مريع بيسمع بهاء عم يقلو:نور ركود شغل سيارتك مارح اقدر سوق
بيأعدوها ورا لأنو مو عارفين كيف لازم يتصرفو بس هية غايبة تماماً لهيك بترتكي على عزة،وامها بلطرف التاني

وفوراً بيروح نور عأقرب مشفى

بيرجع بيحملا بهاء وبيركد فيها أول مايوصلو،وبيلحقو عزة وخديجة،ونور مابيقدر يبقا مكانو وبيطلع وراهم
فوراً بيفوتوها عغرفة العمليات،وخديجة بتبلش تبكي ع بنتها وتقول:اااخ يابنتي لسا ماتهنيتي بعمرك،ياربي دخيلك مالي غيرها رجعلي ياها بسلامة

كانت دموعها بتحرق القلب وعزة وقفت جنبها لتهديا،
بيتطلع بهاء بأخوه نظرة يلي مالو حيلة بلمقابل نور مابيقدر إلا يتطلع فيه نظرة غضب ولوم
بهاء بيتركهم وبينزل لتحت،يمكن خجلان من فعلتو أو خايف بلفعل تموت بسببو
بعد وقت،بالمشفى

بتطلع الدكتورة والتعب واضح عليها والغضب كمان

الدكتورة بتوجه كلامها لنور:لك انت شو؟مستحيل تكون انسان طبيعي،كيف بتقدر تعمل هيك بلبنت

نور مصدوم ومابيحكي ولا حرف

عزة بقلق:شو صار فيها؟فهمينا،بعدين هاد ابني التاني مو زوجها
الدكتورة بعصبية:زوج شو يامدام،البنت يلي جوا متعرضا لاغتصاب
عزة:اغتصاب؟لك الليلة كان زواجهم ألها ولابني الكبير،اكيد صاير شي بلغلط
الدكتورة:منقدر نقول هلحكي بوقت مابكون ظاهر كلشي،البنت معرضة للتعنيف وفي آثار ضرب،والواضح أنو كانت عم تمنعو لزوجها وشادة عأعصابها ووقت الزواج صار نزيف خطير،وبلويل لقدرنا نوقفو

خديجة بتقرب وهية ميتة خوف:بترجاكي هلأ فهميني؟بنتي شو وضعا
الدكتورة:يمكن هلأ هية بخير،بس مابعرف شو ممكن يصير فيها إذا بتتركيها مع هيك رجال

بهاء بيجي فجأة:وانتي شو خصك ياحضرة الدكتورة؟يلي عليكي تعالجيها وبس ولا تتفهمني علينا بشي تاني
عزة:سكوت بهاء

الدكتورة بغيظ:رح ننقلا عغرفة 304 مافيكن تخرجوها قبل يومين،اي صحي شغلة أخيرة،ياا حضرة الزوج ممنوع تلمسا لبعد شهر وطبعاً بعقل مو بوحشية،وإلا رح تخسرها بنوب

بهاء بيشعل من الغيظ ومابيقدر يحكي شي،وبس يلتفت بيلاقي نور بوجهو بينقهر اكتر وبيقلو بعصبية:وانت شو عم تعمل هون؟
نور:كنت وا..
بهاء:نقلع من وجهي😡
بيتطلع نور وبلويل بيكتم غضبو وبتمسك عأيدو امو وبتطلب منو يروح

بيبعد عنهن خطوتين بيرجع بيسمع صوت بهاء وهو عم يقلو:ستناني صحي،في كلام لازم قلك ياه،امشي قدامي لتحت

بيحاول نور يهدا بكل مايقدر هيك ليوصلو عحديقة المشفى ببعدو شوي عن البوابة
بهاء:سماع ولاك،إذا بعد اليوم بلاقيك عم تحوم حولي مرتي،ولا بتطلع نظرة فيها رح موتك،وقبل ماموتك بموتها قدام عيونك

نور:انتبه عكلامك،انا لهلأ متحملك لأنو متأكد مالك وعيان،مرتك ماعادت تهمني عم تفهم،تتزوجا تغتصبا تحرقا تصطفل منك ألها
بهاء:مارح صدقك،ماعم اقدر
نور:هي مشكلتك

بيبخبط بهاء علسيارة يلي جنبهم من عصبيتو:مشكلتك انت،انت السبب يلي خلاني ابدا اول يوم بحياتي مع زوجتي بهلطريقة
نور ببرود:انا طلعت من حياتها قبل ماتشوفها انت حتى،لا تحط اللوم عغيرك لتريح ضميرك

بهاء بصوت عالي:لك هية ندهتلك
نور بيتطلع فيه مصدوم
بهاء:ستنجدت فيك،بلحظة خوفها مني ندهت نور..ساعدني
لك الله يحرقك ويحرقا

بيتركو بهاء وبيرجع علمشفى،ولسا نور مصدوم ومابيطلع منو حرف،ببالو شي واحد(ليش ياياسمين،ليش عملتي بحالك هيك،لازم تنتبهي وإلا رح تتسببي بموتك عأيدين بهاء،واضح أنو الكره والحقد ممليين قلبو)

بيمرءو هليومين وبترجع ياسمين علبيت،بتبقا بغرفتها أسبوع ولما بتطلع ماعادت شافت نور هو كان كتير حريص يكون بعيد عنها وبهلطريقة مابيترك حجة لبهاء بتعذيب ياسمين

كانت ياسمين اغلب وقتها مقضيتو صمت وبهليلة وقت نجمعو بلسهرة عطلب أيوب
فتون بتقعد ومالا طايقتا لسلفتا،مع أنو مافي اي سبب لسا البنت جديدة،أو يمكن لأنو عزة اهتمت فيها لبينما ترجعلا صحتا
حتى نور كان موجود بس عم يلهي نفسو بلموبايل لأنو بهاء عيونو عليه وع ياسمين

فتون بتوجه كلامها لياسمين وقدام الكل:شو ياسمين انشالله تكوني قدرتي تطلعي من الحالة يلي كنتي فيها
كانت طريقتها مستفزة،بس بلحقيقة ياسمين بعالم تاني ماردتلها شي وبهاء استلم حق الرد وقلا:ليش مين قلك أنو مرتي كانت بحالة،كل القصة كانت مريضة والحمدلله صحت

فتون:ايواا،أي ماعقلبها شر،أي..وانشالله قدرتي تتأقلمي عحياتنا
ياسمين:مافهمت؟
فتون:يعني هون حياتنا غير،كلشي ألو نظامو وقوانينو يعني مهما كان وضعك عند أهلك هون بعيلة اليونس غير

بتدخل عزة بلموضوع:هية مدة وبتتأقلم،مارح تكون اطول من المدة يلي ستغرقتيها لبينما تعودتي عحياتنا،ومع هيك لهلأ عم تحاولي تتأقلمي بس ياسمين متعودة عكتير قصص لأنو عيلة الشاهر من اكابر القرية كمان

أيوب:ايي وبعدين معكن مالاقيتو غير هلسيرة
(الكل بيسكت)كان نور حابب بس يتطلع فيها ليتطمن عليها بيعرف أنها ضعيفة كتير وخاف أنو الكلام يجرحا وينزل دموعا بس ماقدر،بهاء كان ناطرو يغلط غلطة بس

فتون بتنقهر كتير وبتستأذن،وجمال طبعاً بيلحقا
أيوب:أي ياكنتنا الجديدة،بأذن الله انتي صرتي مننا وفينا وبنتي التانية،اختك فتون هيك طبعها بتتعودي عليها،بس تأكدي هون العيلة كلها قلبها طيب،من كبيرهم(وبيأشر بيأيدو عنفسو)وبيكمل:لصغيرهم(وبيوجه أيدو ع نور)

من الطبيعي الكل يوجه نظرو ع نور لسياق الحديث،بس أنو هيك تلتقا عيونو بعيونها للحظة،شعلت النار جواتهن
بس مو متل نار بهاء،يلي نقهر كتير وقف اخد مرتو وطلعو

بتلحقو عزة وبتحكي ع أنفراد:ابني،لاتنسا كلام الدكتورة الله يرضا عليك،خلي هلشهر يمضا عخير ولا تقرب منها
بهاء:اي ماشي ماشي مالي نسيان
بيتركا وبيفوت،بتكون عم تطلع علشباك في مطر كتير عم تنزل وهية صارت تبتسم بطريقة طفولية كتير
وقف بهاء بعيد وصار يراقبها،وقت نتبهتلو خجلت كتير قرب منها خطوتين وهية توترت وخافت

بهاء:لاتخافي مني ياسمين..أنا آسف بعرف مارح اقدر خليكي تسامحيني بهلسرعة بس صدقيني مابعرف شو صرلي وقتا

بتبتسم ابتسامة خفيفة كرمال تمشي الوضع ومايعصب،وبترجع بتبرم علشباك وبتسرح فيه بيقرب منها اكتر بيحاول يشم ريحتها من بعيد،بيلمس شعراتها وهية بترتعش بخوف
بهاء بيحاول يمسك غضبو:بتحبي توقفي تحت المطر

بهللحظة رجعتلا ذكريات مع نور ماقدرت تمسك نفسا،وهزتلو براسها بأيجاب
بهاء:طيب تعالي ننزل لتحت
ياسمين:عنجد؟
بهاء:أي،منتمشا شوي تحت المطر بعدا منطلع منتحمم مارح يصير شي،إلا اذا لسا تعبانة
ياسمين بفرحة:لا لا يلا بدي انزل
بتمشي خطوتين بيقلا بصوتو الرجولي:ستني عندك

بتلتفت بخوف
ياسمين:نعم؟
بهاء:بدك تنزلي بهي التياب الخفيفة،هلأ بتمرضي
ياسمين بتضحك بعفوية:اي علحالتين رح اتبلل وامرض
احساس الاعجاب بيتملكو ببسمتها بحروفها بوجها البريئ،بياخدها وبينزلو

بس للأسف كان بلفعل تحت المطر انسان تاني عم يسترجع هي الذكريات واعد عطرف

بهاء بيرجع علبيت ليجيب مظلة ألو لأنو مابحب لهلدرجة المطر بس نزل كرمال ياسمين

نور باستغراب:ياسمين؟شو عم تعملي هون؟فوتي هلأ بتمرضي شو نسيتي آخر مرة شو صار فيكي
كانت عم تحاول تسكتو لأنو بتعرف بهاء جاية من وراها،وبلفعل بيطلع بوجهو فجأة وبيقلو:اي والله نسيت،ياسمين نسيت كلشي بلماضي ورح تبلش حياة جديدة معي صح حبي(عم يقولها لياسمين وبيضمها لجنبو)

هية بتتلبك،لأنو لسا ميتة خوف من بهاء وماعادت عرفت كيف تتصرف وخايفة يرجع يعصب،لذلك قالتلو بابتسامة:اي صح
نور بغصة:الله يسعدكن،طلعت معي بعفوية ماقصدت شي
بهاء وهو كاتم غضبو:ايي ولا يهمك،انت لازم تفوت كرمال ماتمرض يلا روح

بيرجع نور علبيت بيفوت بيتدوش وبغير تيابو وبيتسطح علتخت وهو عم يفكر،كيف هيك صار سنين جمعتهم وايام قليلة فرقتهم

بعد فترة

كانت ياسمين آعدة علمراية وعم تسرح شعراتها وتجدلهن وبتغني بصوتها الحنون((هلأسمر اللون..هلأسمراني🎶تعبان هلقلب خيوو هواك رماني)) كان صوتها كلو حزن وقهر وعشوي رح تنزل دمعة بطرف عينها،بس لما لمحت صورة بهاء يلي معكوسة علمراية جمدت كل حواسها،حتى الدم يلي بعروقها جمد بسبب نظرتو القوية
يلي كلها غضب،بيقرب منها😭

بهاء:لك انتو شو؟مابتحسو؟ليش هيك عم تعملي فيني،أنا عم حاول اتقرب منك واخدك لقلبي وانتي عم تعملي هيك

ياسمين بتوتر:شوفي؟شو صار؟
(طبعاً يلي مابيعرف أنو نور بشرتو سمرة،أما بهاء مع أنو من القرية بس كانت بشرتو بيضا وكان يحمي نفسو من الشمس كتير منيح)

كان في شي واحد عم يخطر ببالو،أنو ياسمين وهية عم تغني قاصدة شخص وعم تفكر فيه سارحة وبتمسح بأيدها عشعراتها،اكيد هيك كان نور يعملا،،وجن جنونو من هلأفكار

سحبا بقوة ووقفها قدامو،وبدي يحكي معاها كلام بيجرحا وهية لسا مو فاهمة شي لذكر اسم نور،بس الحركة يلي ماتوقعتها وقت طالع مقص من الدرج ووجهو علجدايل وقصهم بقهر وحدة والتانية

كانت صدمتا قاتلة عنجد،مين مابيعرف غلاوة شعر البنت عقلبها،كسرا بطريقة جديدة وقلا بقهر:ابقي عم تتذكريه،وهو هلأ ماعاد يلاقي الشي الحلو يلي بيعجبو فيكي،ولسا ماشفتو شي
كانت عم تبكي نزلت علأرض ومسكت الجدايل وتبكي،وهو يرجع يصرخ عليها:لك خرسي..لاتضطريني اعمل شي تاني ها

وهية ماترد عليه ماتوقعت أفكارو وين رح توصلها
كان في افكار مو منيحة ببالو ليرجع ينفذ الانتقام فيها،رجع يقرب عليها ويتطلع بعيونها بشراسة بس هية هربت منو وطلعت لبرا الغرفة،كان نص الليل وعلاغلب الكل نايم

نزلت علصالة وشافت حماتها آعدة وقفت قدامها وعيونها غرقانين دموع
عزة:بنتي؟شبك ليش هيك عم تبكي،تعالي لشوف
بترتمي ياسمين بحضنا وبترجع بتبكي اكتر،عزة بتزعل عليها اكتر وقت تنتبه عشعراتها كيف مقصوصين،كانت بتعرف ابنا بهاء انسان قاسي بس مو لهلدرجة

بيطلعلن بهاء وهو ماسك الجدايل وبيقول بحدة:فهميها لكنتك كيف تحترم زوجها،كيف تكسر عينها وقت تشوفو،علميها علوفا ياأمي
كانت كلمتو الأخير جارحة،بس عزة اعتبرتها كلمة سقطت سهواً من الغضب،بيرمي الجدايل بأول الصالون علأرض وبيطلع من البيت وشهقات ياسمين عم يزيدو

وبعد وقت قصير ولسا عزة عم تحاول تهديا،بيفوت شخص بملامح مقهورة ومصدومة..نور
انقهر وقت شاف بنت قلبو عم تبكي بحضن أمو،وانكسر قلبو وقت شاف جدايلها بلأرض ماحدا انتبه وقت نزل علأرض وسحب وحدة منهن وتوجه فوراً عغرفتو

كان في شي عم يصير مع نور،عم يحاول يجمع ذكريات،وماحدا بيعرف السبب

بتاخدها عزة عغرفة بهاء وبتخليها تنام،بعد هيك بتطلع من الغرفة بتلاقي بوجها بهاء
عزة:بهاء بعرف يمكن ياسمين عندها تصرفات بتزعجك،بس مو هيك بتنحل الأمور ياابني،صحي هية بعمر ال ١٨ بس لسا مو واعية كفاية،لساتا طفلة واكبر دليل أنو نقهرت عشعراتها

بهاء:لا ياأمي ماهاد سبب انزعاجا عشعراتا
عزة:امبلا،انت مابتعرف هلقصص لأنو ماكان في بلبيت بنت لتعرفو كيف بيفكرو البنات،ياابني البنت بتنقهر عأبسط القصص،إذا وقعت شعرة من شعراتها بتحس بغصة جوات قلبها،لأنو بتعتبرو زينتها وجمالها وكتير شغلات وبتفتخر فيه بلأخص ماشالله ياسمين شعراتها بتجنن

سرح بهاء وصارت تتغير أفكارو،معقول ياسمين كانت ماعم تفكر بنور،وبس مجرد انها عم تستمتع بشكل شعرها،كان بهاء انسان ملخبط من جوا،برغم قساوة قلبو يلي كافية تدمر الكون فيه قلب طيب جواتو ماحدا عم يعرف هلنقطة غير أمو يلي وعدت نفسا تعلما لياسمين كيف تقدر تسحب زوجها لطرفها

فات بهاء لاقاها متسطحة،وكانت جديلة وحدة بأيدو جابها من مكان مارماها،طالع صندوق من خزانة ياسمين خشب من النوع الفخم وطالع منو المجوهرات وحط الجديلة فيه،وحط الصندوق بطرف ياسمين

قرب منها ليراقب ملامحا
وقال جواتو:بلفعل انتي بريئة يابنت،ملامحك مابتدل بنوب عشخص خاين،انتي مالك هيك والمشاعر يلي مسيطرة عليكي مشاعر مؤقتة وانا رح اقدر اخدك لألي وخليكي تحبيني

بيقرب منها بحذر خايف يصحيها وبيطبع بوسة عخدها بحنية،بيشعر بنعومة خدها وبتشعل نيران الحب بقلبو اكتر

بيتسطح جنبهاوبينام
الصباح

بتفتح عيونها،في شمس قوية بلغرفة بتغمضهن شوي بعدا بتستغرب من وجود صندوق بتأعد علتخت وبتمسكو لتلاقيه مفتوح وجواتو جديلة وكرت مكتوب فيه((هذه الصناديق صنعت لأثمن المجوهرات،ولم يكن هناك اثمن من جدائلك حبيبتي لتوضع فيها)) حست بشي غريب وبقيت عم تطلع بلكرت لسمعت صوتو،كان صاحي وآعد عجنب وعم يراقبها
بهاء:صباح الخير
ياسمين بتطلع بحزن وبتتذكر كلام عزة،أنو ماتعاملو بطريقة سيئة بعود مابيأذيها وتنتبه لكلماتها لذلك بتجاوب:صباح النور

بتطلع ياسمين بلكرت بترجع بترفع نظرها ع بهاء
بيقلا:مابعرف كيف فيني رمم الكسر يلي عملتو جواتك،وكل مرة عم زيدو اكتر..وعم تصعب عليي الشغلة اوووف مابعرف شو قلك لأنو حتى كلمة آسف مارح تردلك شي

كانت ياسمين من جوا حاسة بشي تجاه بهاء،مقهورة من حالها لأنو بلفعل نور ماعم يطلع من بالها وحاسة بشفقة ع بهاء مع كل يلي عملو
بتبتسم بوجهو،وهو بيفرح من كل قلبو بابتسامة بريئة منها عم يفهم كتير قصص
ياسمين:بس..وين الجديلة التانية
بهاء:بصراحة مابعرف،أنا هي لاقيتها تحت مكان مارميتهم وقت جيت وجبتا،ابقي سألي الخدم أو دوري عليها هون بلغرفة مابعرف اذا نزلتا معي او لا
ياسمين:ماشي
بهاء:يلا غيري تيابك وخلينا ننزل نفطر

يتبع...

#عروسة_الثأر
الجزء_الُثُالُثُ

بيفوت علحمام ليغسل وجهو بيندق باب غرفتهم،وفوراً بتسمع صوت حماتها عزة
عزة:ياسمين بنتي صحيتي؟
بتفتح ياسمين وهية مبتسمة
عزة:الله يديم البسمة حبيبتي صباح الخير
ياسمين:صباح النور ماما
بتفرح عزة بلكلمة كتير،صحي عندها اربع شباب بينادولا هيك بس ماعندها البنت يلي تقولها بهلحنية
عزة:الله يسعدك يابنتي،مسكي من ايدي هلمكحلة

بتعطيها علبة صغيرة فيها كحل اسود
عزة بتكمل:انتي صرتي متزوجة وعادات عيلتنا أنو المتزوجة تكحل عيونها بلأسود،ماشالله كان يوم العرس بجنن بعيونك

احتراماً ألها بتمسك ياسمين ايد حماتها وبتبوسا،بتمشي عزة وبتسكر الباب ياسمين
بس في شخص كان سامع كل هلحكي
فتون:ايوا،له يامرت عمي بنت صغيرة متل هي قدرت تضحك عليكي بهلسرعة
عزة:بنتي فتون أنا هلأ مروئة ومابدي اعكر مزاجي،لهيك انتبهي عكلماتك وعلانسانة يلي قدامك مين بتكون
فتون:طيب بس افهم،ليش هلمحبة كلا لياسمين خانم،ولا لأنها مرتو لبهاء

عزة:لأ انا كل ولادي بحبن متل بعض،بس البنت حبابة وماطلعت منها كلمة عاطلة،واذا بترجعي للماضي عاملتك بنفس الطريقة وقت زواجك واكتر،بس انتي ماكنتي تتقربي من حدا وماتطيقي حدا وخليتيني عاملك من بعيد لبعيد

بتنقهر فتون مع أنو كان كلام صريح غير جارح،بتنتر نفسا وبتمشي
عزة:الله يهديكي يافتون ويصبر جمال عليكي

بغرفة بهاء

بيطلع من الحمام بيلاقي ياسمين جاهزة جامعة شعراتها القصار ورافعتن لفوق بحيث مايبين الخربطة يلي فيهن،ولبست فستان طويل مستّر وعم تحط الكحل بعيونها
بينسحر بشكلا وبيقرب شوي شوي،كانت عم تدندن غنية لفيروز وبس تلاقي جنبها بيوقع الكحل من ايدها من الخوف وبتسكت

ياسمين بتوتر:آسفة والله انا ماقصدت بس هيك وقت وقف علمراية بحب غني شي
بهاء بيبتسم بيرفع الكحل وبيعطيها ياه:بلعكس،بدي يايكي تكملي صوتك بجنن(بيكون جاب منديل وعم يمسح مكان ماوقع الكحل)

بس هية بتخجل ومابتقدر تكمل وبتقلو:انا خلصت يلا ننزل

بينزل وهية بتكون جنبو،وأول مايوصلو الكل بينتبهلن،بيمسك أيدها متقصد ليأثبت لنور أنو صارت ألو
بهاء:صباح الخير

الكل بيردلو،إلا فتون يلي كل مالا عم تشعل نار الغيرة جواتها،وكذلك الأمر عند نور،بس غيرة مختلفة غيرة بتحرقو ألو وحدو بدون مايقدر حتى يحكي حرف

عم يتطلع فيها...هلمرة بهاء ماعاد يراقب نظرات نور لمرتو ونور غرق بكحل عيونها بنفس الوقت عم يحس بلذنب (يافتاتي لقد اشعلتي نار العشق الحرام في قلبي من جديد،تكحلت فتاتي ياخلق ربي فأذابت فؤادي وحكمت عليه بارتكاب خطيئة لاتغتفر)

انتبه عشكل شعراتها يلي ختفو،ونقهر كتير

كانت ياسمين عم تتصرف بطريقة افضل من قبل وهلشي خلا بهاء يفرح كتير فيها
بيجي عمار بيتطلع فيه أيوب نظرة بتحرقو بأرضو
أيوب بغضب:ليش تكرمت علينا وجيت تفطر يااستاذ،كنت خليك نام،واصحا بليل وروح سهار برا البيت وفلات

عمار بعدم مبالاة:أنا مالي فلتان
بيخبط علطاولة بيهتز كلشي عليها،حتى قلوب الموجودين
أيوب بيقرب عليه:انت انسان قليل ادب،بلفعل انا ماعرفت ربيك

عمار:هه معناها هاد ذنبك مو ذنبي
بيرفع ايدو القوية،وبيوجها عخد ابنو بكف قدام كل الموجودين كان كف بيحني اقوى رجال بهلكون،بس عمار اكتفى أنو برم وجهو عجنب

شهقة الام وقفت عرجليها بس مابتقدر تعمل شي،احتراماً لزوجها
بيرجع عمار بكل قوة بيتطلع بعيون أبوه بتحدي وبيقلو:تمام ربيتني ولا لسا في كمان؟
ايوب بيرفع ايدو:لك خراس

بس قبل مايكمل بيلاقي نور صار جنبو:لا ابي،بيكفي ببوس ايدك،مابدي اكسر كلمتك بس بكفي
بيسحب نور ايد ابوه وببوسا،وبلوقت نفسو بيقرب بهاء وبيضربو لأخو عطرف راسو مع نظرة غضب:قرب ولاك بوس ايد ابوك واعتذر

عمار كان شب عنيد كتير،ماعجبو يلي عم يصير،بس نظرة عيون أمو يلي كلها رجاء منو انو ينفذ كلام بهاء،بيخليه يقرب ويبوس ايدو
بعدا ايوب بيمشي علمكتب بدون ولا حرف،وبهاء بيلحقو

جمال مابيفوت نفسو بكل هلقصص،وياقوم ماني منكم،بتقوم مرتو بتاخد بناتها وبتتوجه عغرفتها وهو بيلحقا

عزة بعيون عم تدمع مع أنو قليل لتظهر هلشي:لك ياابني ليش هيك عم تعمل،ليش عم تضطرو يكسرك وقدام الكل
بتقوم وبتقعد جنبا ياسمين لتخفف عنها،بلمقابل كان نور لسا واقف جنب عمار

عمار بيرد ع أمو:حاجة بقا،هو مو شايف حدا بعيونو غير ابنو بهاء،طبعاً لأنو بيمشي معو وبينفذ كلشي بدو ياه،عفكرة بهاء كمان عم يغلط بس بتعرفي ليش ابي ساكتلو؟لأنو عم يغلط بأمر من أبي

نور كان منتبه ع نظرات ياسمين وهية مستغربة من كلام عمار لذلك بيصير بيسكتو
عمار بيكمل:لهيك أنا رح ابقا اغلط،وابقا قلل ادب لحتى يعرف يحب بهاء اكتر واحد مننا،وبكرا انتي ياسمين خانم رح تدللي عهاد الاساس،ماشالله راح بنفسو ليطلبك من ابوكي وابوكي ماصدق

نور بصوت مرتفع:لك سكوت انتبه عكلامك
عمار:انت ولا حرف عم تفهم،ناقصني مثقفين،حل عني ياه
بيعصب نور وبيقرب وكأنو رح يتخانقو وياسمين كتير بتخاف

بس صوت عزة بيوقفهم وقت بتصرخ فيهم صوت:لك بس انت وياه،امشي عمار روح من وجهي
عمار:اي ماشي

بيتركهم وبيروح،وعزة بتتعب كتير وبيديق نفسها،بتمسكلا ايدا ياسمين وعزة بتوجها عطرف صدرا ماعم تقدر تاخد نفس
وبلوقت نفسو بيركد لعندا نور ليساعدا وبلحظة بتلمس ايدو ايد ياسمين

#رعشة_حب بلحظات غريبة
هي بتشبه غصة بلقلب لما بيخطر ببالك انسان كتير غالي عليك،مدتها ثانيتين،بس شعورها سنين

بتسحب ايدها فوراً بتعطيها مي لعزة فجأة بتصير عينها بعينو،وبيسرحو بعالم تاني..بيحكو كلام كتير ماحدا سامعو غيرن

بلوهم
نور:الله اديش حليانين عيونك ياياسمين بهلكحل،زادو فتنة وانا مارح اتحمل هلعقاب كلو،بس في لمحة قوة فيهن،بحياتي ماشفتها قبل،معقول يلي صار فيكي رح يعطيكي قوة لتواجهي قدرك

ياسمين:انا موجوعة نور،كبروني مية سنة طفلتك كبرت غصب عنها وحرقو برائتها حتى عيونها يلي كنت تشوف فيهن الحب،حاوطوهم بلأسود لتتذكر عطول هلوجع

فجأة بيصحو ع صوت أيوب يلي كان خايف:عزةفيكي شي

بيوجهو نظرهم عمصدر الصوت،توقعو يشوفو يعقوب وبس ماظنو رح يلاقو عيون كانت عم تراقبن والله اعلم من ايمتى

بهاء بغضب:ياسمين،تعي معي
بتقوم وهية ميتة خوف،بس مو اكتر من نور كان متمني لو يقدر يركد يخطفها ويروح والافكار صارت تاخدو وتجيبو،ياترى شو رح تعمل يابهاء،تعال ضربني ألي تعال حرقني بس لاتعاقبني بياسمين💔

بغرفة بهاء
بتفوت لنص الغرفة وبتجمد بأرضها،ناطرة العقاب بتسمعو سكر الباب بقوة،بيرتجف جسدها كلو أثر هلصوت

بيبقا هادي وللحظة بتفكرو مافات وراها،بتلتفت وبتتفاجأ فيه قداما تمام،عيون غاضبة وهية عيونها كلهن خوف،عم تطلع فيه وبتترجاه بنظراتا مايأذيها

بيرفع ايدو علخفيف،هية بتحني وجها خوفاً من ضربة توقعت تجيها،بس هو كان حابب يلمس خدها مو اكتر

شد عقبضة ايدو وقت عرف اديش بتخاف منو،انكسر قلبو اكتر بيسحبا بقوة وبيضما،هية بتتفاجأ وبتبقا ساكنة
بتحس بأنفاسو جنب رقبتها،وبهمسات ماعم تفهما
خايفة انها ترجع تمنعو وينعاد يلي صار بلماضي

بهاء:أنا شتقتلك،وهي صار شهر لازم تعرفي أنو انا الرجال الوحيد بحياتك وأي شي غلط رح تكوني عم ترتكبي فيه خطيئة
ياسمين:من وقت صرت ع اسمك،عاهدت نفسي انو حافظ عليه
بهاء:حتى لو مابتحبيني
ياسمين:الوفاء ماخصو بلحب،انت الك حق علي أنو كون وفية تجاهك ك زوج
بهاء:وك حبيب؟مارح كون هيك شي يوم
ياسمين بتضغط عقلبها وكأنو رح يوقف،بس الدمعة مابتوقف وبتظهر بطرف عينها،وبيكون بهاء بعد عنها وعم يتطلع فيها وبتقلو:مابتعرف شو مخبي القدر،وكلشي بهلدنيا ممكن

هلدمعة كتير بتوجعو بس بيحاول يتماسك،وبيمسحلا ياها بقبلة من عينها بشفافو،وهية بتقطع نفسها شوي،بترجع بتاخد بقوة نفس متل الغريق يلي بيطلع من المي وبيرجع بينزل

بيسحبا بهدوء وحنية علتخت وبسطحها وبيقلا:سامحيني لازم تكوني ألي وبس

وهلمرة بتستلم ياسمين وحتى لو النار عم تاكل فيها،استسلمت للحقيقة

استسلمت للحقيقة،للأمر الواقع ولسا الله اعلم لشو رح تستسلم بلأيام

من بعد هاد اليوم كتير أمور بتتغير،حتى نظرة عيونها لنور لأنو هية ماعادت تطلع فيه حتى،مابدا تحس بذنب الخيانة وتقبلت نصيبها والعذاب يلي رح تعيشو

ونور لاحظ هلشي،ولاحظ كيف صار بهاء يتقصد كل مرة يغيظو وقت بيقرب من زوجتو قدام الكل وبيغازلها وبدون خجل

جمال المشاكل بينو وبين زوجتو ماعم تخلص،وعمار لسا ملتهي بسهراتو
وعزة نفس الشي ملتهية بهلبيت،بس نور يلي احن واحد عليها ماعم يتركا،واخدها أول شي علعيادة لحتى يتطمن عصحتها

وبعد مرور زمن
وبيوم من هلأيام

أحد الخادمات بتقلل احترام مع ياسمين،وهاد كلو من تخطيطات فتون
بهلوقت أول شخص بيسمع الأهانة من الخادمة لياسمين هو نور لهيك مابيتحمل،بيوقف بوجه الخادمة وبوجود ياسمين فقط بلصالة وبيقلا:انتي عايشة بهاد البيت من زمان،وبتعرفي شو اهم شي هون،وهو الاحترام وياسمين من أهل البيت بتحترميها وبتحطيها فوق راسك عم تفهمي

كانت الخادمة خايفة وعيونها بلأرض،وقت بيأمرا نور انو تمشي بتهرب فوراً من قدامو وهو هون بيوجه عيونو عياسمين يلي كانت ماعم تطلع فيه بنوب

وقبل مايحكي اي كلمة،بيسمع صوت تزقيف متقطع بطريقة ساخرة👏
بهاء بسخرية:لا والله رجال،برافو كبرت بعينها كتير
نور متلبك:أنا بس لأنو شفت الموقف...
بهاء:ولا حرف(بيقرب اكتر)ولا نفس ليك نور أنا ماعاد اتحملك اكتر
نور:والمطلوب
بهاء:قلتلك تنتبه عتصرفاتك ومارديت،عم تدّخل بمرتي ليش؟ايمتا رح تفهم انها الي وبس

نور بيتوتر وبيتلفت حوليه خايف حدا يسمع وكانت ياسمين كتير خايفة وعيونها عم تدمع
نور:لك سكوت شو عم تحكي بهاء
بهاء:خايف؟
نور بيسحبو وبيقلو:خلينا نطلع علحديقة
بهاء:بيكون احسن شرف قدامي
ياسمين بخوف:لا بهاء بترجاك
بهاء:ياسمين،طلعي لفوق من تم ساكت

بيتوجهو الأخوة علحديقة لابعد نقطة عن البيت،وبيرجع بهاء بيفتح السيرة وبيعلا صوتو ع نور وبيبقو عم يتلاسنو

بهاء:من الأخير،لازم تفهم أنو هية مرتي ألي،أنا يلي بيطلع بعيونها انا يلي رح كون بقلبها وبس(وبغيظو اكتر وقت بيقلو)وانا الوحيد يلي لمست جسدها
نور بغضب:لك سكوت،سكوووت بهاء اوعى ع حالك،انت مريض معقول جاية تحكي هلشي لأخوك،لك شو صابك هي مرتك كيف بتحكي بهي الطريقة

بهاء بقهر بيقرب وبيضربو بأيديه التنتين عكتافو لنور وبيقلو:انت السبب،انت طول الوقت موجود بيني وبينا،انت ماعم تطلع من بالي ولا من قلبها

بيبقا عم يضربو ونور عم يرجع لورا،مصدوم بلحالة يلي موصل ألها بهاء،بس بينصدم اكتر وقت بتجيه لكمة قوية بنص خلقتو وهو عم يقلو:طلاع من حياتناااون

بعد وقت،أيوب بيوقف،وبيطلب من نور وبهاء يلحقوه علمكتب
بيتزورو بعضن وبيمشو،بلوقت يلي كانت ياسمين رح يوقف قلبها من الخوف

بالمكتب
أيوب:والله كتير حلو،عآخر عمري شوف ولادي عم يتخانقو
نور:بتحصل أبي،كان دمنا فاير وماقدرنا نمسك نفسنا
بهاء:والحمدلله نحلت لا تشغل بالك

أيوب:انا مابيشغل بالي إلا شي واحد،أنو تنسو أنكن أخوة،أنكن تقسو عبعض..لك يااابني الانسان مين ألو سند بهلدنيا غير أخوه

بينزلو راسهم بلأرض
أيوب:رفعو راسكم وتطلعو فيني،انتو التنين أنا بفتخر فيكم وبرفع راسي فيكم،مابدي بيوم لاقيكم ضد بعض بدي تكونو عطول مساندين بعض وساندين الجوز يلي برا(جمال وعمار)انتو افهم منهم ورح اعتمد عليكن وعدوني تكونو عمود البيت من بعدي

نور و بهاء:الله يمدك بلصحة والعافية تاج راسنا انت

أيوب:لكن أنا طالع هلأ من هون،بس بدي وعد رجال،وعد من ولاد أيوب اليونس،أنو ماتطلعو من هلمكان ألا وانتو رضيانين عبعضكم

بيتطلعو ببعض وبيسكتو،بيرجع بكمل:وبعرف كلمتي مابتصير تنين عندكم

بيتركهم وبيطلع،لحظات وبيلتفتو عبعض
نور:أخي،انت غالي عقلبي كتير اكتر واحد من اخوتي،وكلشي صار بيناتنا رح ينتسا مع الزمن
بهاء بضعف لأول مرة نور بشوف أخو هيك:كيف يانور؟كيف رح ينتسا؟أنا ماعم اعرف لوم حالي ولا لوم مين على يلي صار
نور:لاتلوم حدا،هاد القدر والنصيب وانا اخدت قراري
بهاء:يلي هو؟
نور:أنا رح سافر واستقر بلمدينة،رح اقنع أهلي انو حابب اعمل مشروع هنيك،وبدي منك تبدا بداية جديدة مع زوجتك بلأخص انكن ناطرين ولد..وربي يسعدكم

كلام نور أثر كتير فيه،ماتحمل ألا قرب منو وضمو لصدرو
بهاء:سامحني أخي
نور:انت سامحني،لأنو انا بحياتي ماشلت بقلبي عليك،ماقدرت انت اخي وقطعة من قلبي

بيطلعو هنن التنين،عصوت زغاريد عزة والخدم،وعم يباركو لياسمين يلي ماقدرت الا تخبر حماتها،الكل فرح بهلخبر بس كانت نور فرحتو مكسورة،بحياتكم سمعتو بفرحة مكسورة💔🥀 اما فتون فما كانت راضية بنوب بيلي عم يصير

بيترك روحو وسعادتو بهلبيت وبيمشي،عطاها لأخوه متمنيلا الرضا والسعادة مع شخص تاني
و هية،كانت عم تتظاهر بلقوة،عم تتظاهر أنها نسيتو،بس دمعات آخر الليل عم يخلوها تسترجع كلشي من الماضي

وبيمر الزمن،زمن قاسي مرير
٧ شهور،وهو حتى مالمحا ماعم يعرف وجعو وهية قدامو ومحرمة عنو احسن ولا وجعو وهية بعيدة وماعم يشوفا احسن؟؟ أما هية،قدرت تخطي خطوة منيحة وقت قدرت تتخطاه وتصير تفكر بحياتها مع ابنها يلي جاي علطريق

باقي العيلة ماختلف عليهن شي،ماعدا عزة،كانت مقهورة بغياب ابنها الغالي الحنون،وتنطرو كل يوم يتصل ويحاكيها وهية تترجاه أنو يجي وتشوفو وهو كان كتير عنيد هلمرة معها

يوم الفاجعة

وقت الكل صحي عصرخات ياسمين،ظنوا أنها بتولد،ماكان عندهم شك واحد بلمية أنها كانت بتصرخ وبتنادي لزوجها يلي وقع علأرض بدون أي نفس

بنقلو عمار وجمال علسيارة والعيلة بتلحقهم بسيارة تانية،كانت ياسمين ضامة عزة وعم يبكو ويدعو،هيك لوصلو علمشفى

لحظات صعبة،علكل حتى ع ياسمين،مابدا تخسرو بعد ماقدرت تتأقلم عحياتها معو،هو بلفعل تغير كتير معها بعد ماسافر نور
بس مامرء وقت طويل فوراً طلع الدكتور ونظرات الحزن عوجهو
ألتفت ع أيوب وبوجع كبير قلو:أيوب بيك،بعتذر منك نحن خسرناه،العمر ألك

صرخة الآهات من ياسمين وعزة بتحرق القلب،وعزة عم تنده لضناها بس ماحدا عم يلبيها

أيوب اختل توازنو،بلفعل كان ابنو غالي كتير عليه ووقت سمع هلكلام انفجع فيه،سندوه جمال وعمار وهنن مقهورين ع أخوهم
عمار بيقرب علدكتور:شو صار معو دكتور؟كيف هيك وهو ماكان بعاني من شي؟
الدكتور:أنا آسف علخبر يلي رح خبركم ياه،بلفعل كان بهاء عم يعاني من مرض مميت وصعب

الكل بيوجه نظرو علدكتور،وبيكمل:بس هو منعني احكي لأي حدا وحاولت اقنعو يسافر ليتعالج برا لو نسبة الشفاء بسيطة هو رفض وقرر يعاني لحالو ومارضي يخبركم لأنو مابدو شفقة من حدا

عزة صارت تبكي اكتر وتقول:آخ ياابني،آخ ياضي عيوني كنت عم تتعذب وماحدا حس بحالك ياقلبي انتت...
هلكلمات غرزت بقلب أيوب،الرجال القوي هون ماعاد قدر يكون قوي،ونزلت دمعتو غصب

ياسمين عم تلمس ابنها وتبكي بقوة اكتر،ماطلع معها ولا كلمة غير:وين تركتني ورحت يابهاء

وبدأت مراسم العزاء بعيلة اليونس
أما عند نور،كان خبر موجع كتير بلنسبة ألو،بلأخص مافي حدا من عيلتو جنبو مكسور والافكار عم تضرب براسو غصة بقلبو وفاة اخوه

راح فوراً علقرية،وأول مافات علفيلا،كانو الرجال كلهم بلحديقة اخد بخاطر أبوه ضمو وصار يبكي ماقدر يمسك نفسو،وبعد هيك توجه علبيت لجوا وطلب من وحدة من الخادمات تنده لأمو يشوفها

وهو واقف عم ينتظر،بتنزل وحدة من فوق كانت لابسة اسود بأسود وحاطة شال ابيض عراسها،وبطنها كبيرة واضح انها رح تولد قريب

غص بوجعو ولما شاف ملامح وجها نزل عيونو بلأرض،لأنو شاف وجه أخو بهاء،وهية من صدمتها بقيت واقفة موقادرة تتحرك
نزلو دموعها اكتر وبلآخر صوت عزة قطع افكارهم
عزة ببكا:ابني،نور..ياحبيب قلبي انت تعا لحضني،شوف شو صار فأمك ياعيونيي

بيضما بقوة مافي كلمات يقدر يحكيها ليخفف عن أمو هيك فاجعة

بتبقا عم تحكيلو عن بهاء وأنو كان مريض وماخبر حدا،حكتلو كيف تغير وصار منيح مع الكل بلفترة الأخيرة وكانت ياسمين واقفة عم تسمع وتبكي

نور:بعرف،ماكنت معكن بس انا وبهاء وقت بعدت عن البيت صرت اقرب منو اكتر من قبل
عزة بتوجه ايدها ع ياسمين:تركلنا هي الأمانة عنا،تركلنا قطعة منو وراح
بيلتفت بيلاقي الدموع غرقت وجها،وعم تنسند علحيط بلفعل هية تعبت كتير من هلخبر
عزة:ياسمين بنتي مو قلتلك ابقي فوق ورتاحي
ياسمين ببكا:ماقدرت،صورتو ماعم تفارق بالي عم ألمحو بكل مكان ماعم صدق ياأمي ماعم صدق

نور بيتدمر علآخر بهلكلمات،بيحاول يتماسك وبينطق هلكلمات:الله يجبر بمصيبتك ويقويكي،العمر ألك مرت أخي
بتطلع ياسمين بعيونو،وهو بيتركن وبيطلع لبرا

بعد كم يوم
نور بغرفتو عم يرجع أغراضو،بيلاقي القميص تبعو،يلي بهداك اليوم بآخر موعد مع ياسمين
كان رح يشيلو يرميه بس تفاجأ وقت وقعت منو ورقة،بينحني ليفتحها وبيقعد عطرف التخت
كانت الرسالة بتقول "أخي العزيز نور،عم مر بأصعب أيام حياتي،عم ودع الكل ببطأ،عم حب الكل زيادة..عم اندم كتير
ندمان علشي يلي عملتو فيك..وبياسمين،اااخ يااخي لو يرجع الزمن لورا،ماكنت عملت يلي عملتو،بس الدنيا كانت سارقتني ومابعرف شو يعني حب شو يعني أخ،وهلأ عرفتهم بس ممزوجين مع ألم وعذاب،أنا بعد فترة رح فارق الحياة بعرف مارح ترجع لتسمع بخبر وفاتي،كنت قضي وقت بغرفتك وانتبهت عهاد القميص،يلي فيه ريحة ياسمين وبعرف أول شي رح تجي تدور عليه هو هلقميص،يمكن قدرت احصل عشي من قلب ياسمين،هية حنونة وطيبة كتير بتشبهك،انت عاطيها كتير من تفاصيلك وكلماتك بشوفك عطول بعيونها بتوجع بس بعرف أنو انا السبب

من يوم انت سافرت انا مسامحك وعرفت اني غلطت وقت شكيت فيكم

أخي بدي حط ياسمين أمانة عندك انت بلذات،وابني كمان مافي غيرك رح يحميهم من يلي رح يصيبهم بعدي،ياسمين رح تنكسر ببعدك وبعدي،لهيك أول مارح امشي أنا انت رجاع،ورجعها لحضنك

أخوك يلي بحبك كتير ومتمني أنك تسامحه((بهاء))" بيضم الورقة لقلبو وبيبكي(رجال بيبكي؟؟)
أي بيبكي لأنو مافي اقوى من هيك موقف أمانة تقيلة كتير،وهو مو قادر حتى يتطلع بياسمين لأنو بهاء عم يتجسدلو فيها

بتمر أيام وبتخلص المراسم،اعتزلت ياسمين بلطابق الأخير من الفيلا،بعيدة عن الكل لتقضي عدتها كانت بدا تروح عند أهلا بس أيوب رفض،وخبرا أنو بعد ولادتها كلشي رح يتغير وفي أمور مهمة رح تصير ومالازم تطلع من البيت بنوب ومجرد ماتولد رح تطلع من العدة وموباقيلا كتير

كانت تطلع لعندها وحدة قريبة منها كتير من الخدم اسما(كاتيا)
وعزة كمان بتطلع بتزورها وخديجة أمها كمان بتجي لعندا

بعد ١٥ يوم،محامي العيلة تصرف بطريقة غريبة بموضوع مهم،وقت صار ينجمع بكل ولد من ولاد أيوب عأنفراد ويخبرهم هلخبرية

كان المحامي أول شي مع جمال وهو عم يقلو
المحامي:لازم تعرف هلقصة،أنو للأسف أبوك كتب كلشي مال عندو لأخوك بهاء
جمال بصدمة كبيرة:أنت شو عم تحكي؟مستحيل أبي مابيعملا
المحامي:امبلا انت بتعرف كتير منيح أنو بهاء كان قريب من سيد أيوب كتير،والوالد قرر هلشي قبل فترة وبوقتا قلي أنو وحدو بهاء رح يقدر يحافظ ع هلمال
جمال:لك ونحن؟؟
المحامي:بتقدرو تبقو بلفيلا وتشتغلو بلأراضي بس مو ك مالكين،متلكم متل أي موظف عند سيد أيوب،لأنو حتى حصة أبوك ووالدتك متنازل عليها الوالد وبما أنو زوجة المرحوم حامل،كلشي رح يكون لأبنها

جمال رح يموت من الصدمة

هي المحادثة تكررت نفسها مع عمار،بس كانت مع نور مختلفة شوي،وقت انصدم بكلامو المحامي
نور:الله يرحمو،هيك ابي كان بدو ومامنقدر نعترض اكيد هو عمل الصح
المحامي:معقول؟
نور:اكيد،وصدقني هلموضوع مابهمني لتحكيه معي بهي السرية أنا تقريباً ألي حياتي الخاصة بلمدينة وعم اسس وضعي لحالي

وبعد يومين
بيجمعهم أيوب لتلاتتهم،طبعاً الكل توقع أنو يحكيلن هي القصة،بس أيوب صدمهم وقت كان الموضوع بعيد كل البعد عن هيك

أيوب:مرت أخوكم مالازم تطلع من هاد البيت
عمار:والمطلوب؟
أيوب:يتزوجها حدا منكم

رفعو نظرهم كلهم عأبوهم،مصدومين
أيوب:ليش مستغربين؟مابيصير أبن بهاء يربا بعيد عن عيلة أبوه،والكل بيعرف أنو القانون رح يعطيها الولد للأم بهلعمر
لذلك بدي واحد منكم يوافق علزواج

جمال متلبك:أاا أبي،،يعني
ايوب:احكي ولا تتلبك
جمال:أنا..أنا بتزوجها
عمار بيتطلع بصدمة:انت شو عم تحكي،انت متزوج وعندك بنتين،اما انا عذابي،لهيك أبي انا بتزوجها
جمال بعصبية:شو خص،انا بقدر اتزوج كمان،وأبي حطني معكن هون يعني ماعندو مانع
عمار بيرفع صوتو:لك انت بوحدة ماعم تخلص،روح سألها قبل ياا جمال افندي

أيوب بيرفع صوتو:لك بس،لعما شو قلة هلأدب،معقول عم تصرخو وانا موجود،وبحالتنا هي؟
بيسكتو وبحطو عيونهم بلأرض

بيتطلع أيوب بنور وبيقلو:وانت يانور؟ليش ماحكيت شي
نور:أنا بصراحة بعتذر منك،مافيني اتزوج مرت أخي
ايوب:بس هية هلأ بطلت مرت أخوك،وانت لازم تحافظ ععيلة اخوك

نور:بقدر حافظ عليها ببيت أهلها وقت ببعتلا مال تقدر تعيش فيه حياة كريمة هية وابنها،وبقدر جيب ابن اخي لعندي فترة وبعد هيك برجعو عند امو
أيوب:لأ،أنا قررت ولازم حدا يتزوجها
نور بصوت واثق ورجولي:بعتذر أبي بس مو أنا،ليكن ولادك التنين ماشالله تبرعو بحماية عيلة أخوهم،أنا ألي حياتي الخاصة بلمدينة
أيوب:ومين قلك رح اسمحلك ترجع علمدينة؟
نور:بس ياأبي..
أيوب:ولا كلمة،كلكن سكتو،هلأ أنا رح حدد ووقت اعرف مين الانسب رح خبركم،امشو من هون يلا

ثواني وبيرجع كل واحد عغرفتو
بتفوت عزة لعندو وبتطلع فيه بحزن
أيوب:مافي غير هي الطريقة ياعزة،لازم اقدر احكم بلحق
عزة:خايفة عولادي
أيوب باستغرب:من شو؟؟
عزة:خايفة عليهم ماياكلو بعض

بيسكتو هني التنين وبيسرحو بأفكارهم

بتكون بغرفتها الخاصة،المنعزلة فيها نقلولا كتير أغراض ألها عم تفتش عذكريات ألها مع بهاء،بتلاقي صندوق الجديلة تبعيت شعرها

بتسحبو وبتمسح عليه وعيونها عم يبكو بتفتحو وبتطلع بجديلتها بتهمس:آاخ يابهاء،وين تركتني أنا وابنك،تخليت عني بكير كتير قلتلي رح تتغير وتبقا جنبي،ليكك تغيرت بس مابقيت جنبي
قلتلي رح تسعدني بس وانا عم حاول اتقبلك بحياتي رحت

بتلاقي ورقة جوا الصندوق كانت تحت الجديلة،بتطالعها وبتفتحا "ياسمين،حبيبة قلبي الأولى والأخيرة،قلبي صغير ماقدر يتحمل حبك كلو لهيك رح فارقك عن قريب،مسحي دموعك وكوني قوية ليكو ابني رح يكون سندك،وكمان في شخص تاني واثق مارح يتخلى عنك،لأنو حتى وانا موجود ماقدر يتخلى..أخي نور
يمكن رح تتفاجأي،بس مابتعرفي ياياسمين اديش الندم آكلني أكل وماعم اقدر احكي هلشي لحدا،وقت بلاقيكي عم تبدي تتقربي مني عم حس بعذاب الضمير تجاه أخي

سامحيني علي عملتو فيكي وفيه وخلي روحي ترتاح تحت القبر
حبيتك بس نور كان بحبك اكتر،بتوجعني هلكلمة بس هي الحقيقة
انتبهي عحالك كوني أقوى من الدنيا يلي رح تواجهك ((بهاء)" غصت بوجعها مرة تانية ورتمت علتخت وغرقت بدموعها،بس بعد شوي بتسكت وقت سمعت صوت الباب

بتفوت كاتيا:كيفك ياسمين خانم
ياسمين:متل ماأنا،كيف بدي كون
كاتيا بتفرك بأيديها وبتتلبك،بتنتبهلا ياسمين
وبتقلا:شبك كاتيا؟ليش متلبكة
كاتيا:بصراحة في شي لازم تعرفيه،ومابعرف كيف احكيلك ياه
ياسمين:إذا مو مهم لا تحكي مالي رايئة
كاتيا بلهفة:لاا شو مو مهم،لك هاد مصير حياتك انتي وابنك

بتتفاجأ ياسمين وبيصير عندا فضول:طيب احكي
كاتيا:كيف بدي قلك،بس من شوي سمعت الشباب والسيد ايوب متجمعين وعم يحكو عنك
ياسمين:كملي شبك
كاتيا:كان أيوب بيك عم يطلب واحد منهم يوافق يتزوجك
ياسمين:شوو😭
يَتْبّْع...

#عروسة_الثأر
الجزء_الرابع

كاتيا:أي والله هاد يلي صار،قال أيوب بيك خايف حفيدو يطلع برا هلبيت
ياسمين:مستحيل،لك شو هلكلام؟طيب شو جاوبوه
كاتيا:مارح تصدقي،جمال أول واحد وافق،وبعدو عمار

بتسكت كاتيا
ياسمين متلبكة:ممم يعني..ونور؟
كاتيا:الوحيد يلي رفض بيناتهم

نصدمت كتير ياسمين
،انكسرت وماعاد عرفت كيف تتصرف
ياسمين:كاتيا،سامحيني بدي منك تتركيني شوي،بس بدي ياكي ترجعي وقت اتصلك
كاتيا:انا بدي ابقا جنبك بهلحالة
ياسمين:بترجاكي يلا،بس تركيني شوي ماعاد فيني اتحمل تشوشت افكاري

بتطلع كاتيا وهية قلقانة عليها كتير،لأنو لاحظت ع ياسمين التعب
بتقعد وبتبلش تفكر بيلي حكتلا ياه الخادمة،وبردة فعل نور..وبرسالة بهاء
كان بهاء بطريقتو عم يحسسا انو في شي رح يصير معا إذا ماكان نور جنبها،فكرت كتير وماعادت تحملت،معقول يزوجوها لعمار ولا لجمال وتوقع بمتاهات تانية

بمكان تاني بهلبيت الكبير
بغرفة جمال تحديداً
بتوقف فتون وعلامات الغضب بوجها واصلة لزروتها
فتون بصراخ:شو تفضلت ياافندي؟شو أمرت ياسيد الرجال انت؟بدك تتزوج عليي تؤبرني،اي مو لتعرف تعيش مو وحدة يابعدي
جمال بيوقف وبيخفض صوتو:لك هسس شبك شبك،اهدي وسمعي للآخر
فتون:شو بدي اسمع اكتر من السمعتو،هاد يلي ضل ناقص والله هلفصعونة تصير ضرتي،سماع جمال اذا بصير يلي عم تقولو لطربق هلبيت فوق روسكن
جمال:لك خرسي بقا،اذا ماتزوجتا لياسمين رح نصفي بلا شي
فتون:يلا تعال ألّف عليي قصص وحكايا،بس مارح صدقك واذا بتتزوجها ياجمال.. جمال بغضب ماشافتو من قبل:لك انتي مابتفهمي،مابفوت لسانك لحلقك،وربي اذا مابتقعدي وبتضبي لسانك وبتسمعي كلامي لاحطك اقتلك وفش قهر السنين هلأ
فتون بترفعلو حاجب وبتنزل التاني،بتسكت وبتقعد
فتون:تفضل اتحفنا
جمال:بتعرفي أني شفت محامي العيلة
فتون:أي؟؟
جمال:خبرني أنوو..أبي كاتب كل أموالنا باسم اخي
فتون بصدمة:أي أخ؟
جمال:بهاء،وأبي كمان متنازل عن حصتو يعني كلشي لابن ياسمين
بتلطم فتون متل الهبلة عوجها:ياخراب بيتك يافتون
جمال:اذا بدك بيتك يبقا عمران بتخليني اتزوجا لياسمين،بسحب كلشي لاسمي بلأيام وبرميها متل الكلبة عند اهلها
فتون:وشو يلي بيضمنلي ياأفندي؟
جمال بيفكر شوي:بكتب ورقة شراكة بيني وبينك أنو كلشي بملكو انا بكون ألك فيه النص،تمام هيك؟
فتون بيعجبها الكلام كتير وبتسكت،بعدا بتقلو:موافقة
جمال:بقي بس يختار أبي واحد مننا
فتون:يعني انت متأكد انو المحامي صادق
جمال:اكيد،لأنو هو الوحيد يلي بيعرف هلموضوع غير أبي،وهو من زمان بهي العيلة ويمكن خبرني لأنو ابنو الكبير لأبي

بيسرحو هني التنين بأفكارهم

ومنرجع مننتقل عند ياسمين
كانت ماسكة بقلم وورقة،وانتهت من الكتابة،بتتصل عكاتيا وبتطلب منها توصل هي الرسالة لنور
كايتا:أنا بأمرك،بس شبك ليش هلقد تعبانة صاير معك شي
ياسمين:لا لا شوية مغص يمكن يروح بعد شوي
بتمشي كاتيا

وقت قصير وبتكون الورقة بأيد نور،وهو مستغرب كتير ياترى شو بدك مني ياياسمين؟

بيفتحا وبيبدا بيقرأ "نور،مابعرف من وين بقدر أبدا كلامي،أنا انكسرت كتير من زمان،وهلأ اتدمرت بوفاة بهاء،بعرف أنك مو طايق تشوفني من نظراتك ألي اول يوم بتجي لهون،مع هيك بدي اطلب منك طلب
نور بغلاوة أيام زمان يلي كانت بيناتنا،برحمة بهاء تساعدني وماتتركني،أنا أمانة أخوك عندك لاتفرط فيني
تعذبت بحياتي كتير وماعاد فيني اتحمل اكتر،بدي ارتاح وابعد عن كل هلعذاب وعيش مع ابني بهدوء

وصلني خبر بقرار عمي أيوب،وبعرف كلمتو لازم تتنفذ،انقهرت وقت سمعت انك رفضتني،انت بتعرف اديش كرامتي غالية علي،انت يلي علمتني هلشي
بس معك مارح خاف عكرامتي لأنو بعرف رح تحافظلي عليها،لهيك انا بترجاك لاتخلي واحد منهم يتزوجني،وتزوجني انت((ياسمين))" بيشد الورقة كلها وبيجمعا بقبضة أيدو،ملامح غضب عوجهو ماعاد يعرف شو يعمل،كيف رح يقدر يكون معها وهية كانت لأخوه،افكار كتيرة براسو بيبقا عهلحالة ليفزع بلآخر من صوت صرخات فظيعة بيرجف قلبو من صخبها

والكل بيتجمع تحت عند الدرج،عزة بتكون طالعة بسرعة من غرفتا
نور بخوف:أمي شو صاير شبها ياسمين؟
عزة:عم تولّد،لازم حدا يجيب القابلة بسرعة وكمان جيبو أمها خديجة

نور بيتوتر بيرفع راسو للأعلى عند مصدر الصوت
أيوب:لك شبكن،واحد منكم يروح يجيبن
بيمشو عمار وجمال ليجيبوهن(الظاهر بلشو يبيضو وجه قدام ابوهم ليختار واحد يتزوج ياسمين)
أما نور كان بعالم تاني،حزن معبي عيونو وهو سامع صرخاتا يلي خزقتلو قلبو

بيطلع فيه أيوب بيلمح نظرة بعيونو غريبة
أيوب:نور،شو واقف عم تعمل،طلاع وقف برا وانا جاية وراك
نور بخوف:بس ياسمين عم تستنجد،عم تتوجع بترجاك خلينا ننقلا علمشفى
أيوب بحزم:سكوت هاد شغل النسوان،امشي معي لبرا يلا

متل الولد الصغير روحو تعلقت هون وسحبو أبوه من ايدو لبرا
وبقي متوتر عم يروح ويجي،وقت قصير وبتول القابلة وخديجة بيجو وفوراً بيتوجهو لعندا

أيوب:جمال انت روح عبيت حماك جيب مرتك
جمال:حاضر أبي
عمار بعدم اهتمام:وانا بقي بدك مني شي
أيوب:ليش وين رح تروح
عمار:واعد رفيقي
أيوب ببرود:روح من وجهي

كل هلاحاديث ونور واقف ولا كأنو موجود وموجه نظرو عغرفتها لفوق
نور من جواتو بيقول:ياربي كون معها،هي الطفلة كيف رح تكون أم وتقدر عهلألم كلو قويها يارب

أيوب بيهزو:لك ابني شبك،هيك الرجال بيخاف من شوية صوات
نور:بس ياأبي
أيوب:لا بس ولا شي شوية وقت وبينتهي كلشي،وبيجي ابن ابني..حفيدي
نور:بهاء
ايوب:شو؟؟
نور:بدي سميه بهاء

أيوب بتدمع عينو،بس بيكون اقوى من هيك ومابتنزل الدمعة
نور بيتحجج وبيقول:أنا بدي فوت اشرب مي

بيفوت ولسا صواتها عم تهز أرجاء الفيلة،عم يتوجع من جوا قلبو،بيفوت علمطبخ بيطلب المي وبس يخلص وبدو يرجع عند أبوه بيلاحظ أنو الصوت اختفا،وبيزيد عندو الخوف بيلاقي كاتيا نازلة بسرعة وملامح الخوف متملكتا

نور بذعر:كاتيا شو صار؟
كاتيا:نور بيك،الخانم تعبت كتير وكانت بتولد وهلأ
نور:وهلأ شو لك نطقي شو صار بياسمين
كاتيا:هية غابت عن الوعي والقابلة عم تقول لازم ناخدها بسرعة علمشفى

بحس نور بدوخة وكأنو الدنيا برمت فيه،بس بحاول يقاوم وبيطلع لفوق
عزة بتطلع لعندو:نور ابني بترجاك ساعدها
نور:طيب شوفيني اعمل امي قوليلي
عزة:فوت حملا ونزلا علسيارة لازم نوصل علمشفى قبل مايصيبو شي الطفل

بيفوت بعد مابتسمحلو القابلة بيحملا بحنية وهو عم يراقب ملامح وجها يلي كلو مي،بس مسترخية تماماً ماعادت حست عشي

بينزل لتحت وأيوب بس يشوفو بينصدم،وعزة بتخبرو يلي صار وفوراً بيتوجهو علمشفى
وبعد وقت قصير بيوصلو بينقلو ياسمين عغرفة العمليات،مرة تانية وبنفس المكان صار يستعيد نور ذكرياتو بس الفرق أنو اخو مو موجود

بيلاقو هلممرضين عم يطلعو ويفوتو ويتراكدو
بيسألوهم شو يلي صاير وماحدا بيرد،بلآخر نور بيمسك الدكتور وبيقلو:لو سمحت اعصابنا ماعاد تتحمل طمنا
الدكتور بقلق:الوضع كتير خطير وحتى الطفل وضعو صعب وخايفين الاوكسجين يوقف عندو
نور:طيب شو ناطرين عملو العملية
الدكتور:المشكلة أنو المريضة غايبة عن الوعي وصار معا بداية نزيف،رح يجي الدكتور التاني بس ادعولا تكون قوية

عزة وهية عم تبكي وجنبا خديجة: ياسمين قوية ورح تقاوم كرمال ابنها،رح ترجعلي ريحة ابني علبيت انا متأكدة

بيقرب نور لعند امو وبيضما،وبيمرء الوقت عليهم بصعوبة
هيك لحتى تطلع الممرضة وتقلو لنور:ألف مبروك مدامتك جابت ولد متل القمر،وقت قصير ومنجبلكم ياه علغرفة
نور بيقشعر جسدو من هلكلام وبيقلا:طيب وياسمين،الأم كيفا؟
الممرضة:لاتقلق هية حالتا شوي احسن هلأ ورح ننقلا علغرفة الخاصة بعد شوي فيكن تروحو علغرفة
بيروحو وكان نور ناوي يبقا بس بينجبر يمشي،مانتبه عنظرات أيوب ألو كان كتير مستغرب أيوب من لهفة أبنو ع ياسمين

بينتظرو وقت قصير وبيجيبو ياسمين،يلي يادوب وعيانة علدنيا،بتطلع حوليها وعيونها مغبشة شوي،بتلاقي أمها ماسكتلا ايدا

ياسمين يادوب بيطلع معا الحكي:أمي،ابني كيفو؟
خديجة:لاتقلقي هو بخير ياتؤبريني بس انتي شدي حالك لترجعيلنا بخير وسلامة
بترفع عيونها لفوق ياسمين وبتقول:الحمد والشكر ألك ياربي،ليكني يابهاء جبت ابننا،اجا علدنيا ورح علمو كلشي قلتلي ياه..هاد ابنك.. وقبل ماتقول شي بيقلا نور:بهاء،ابنك اسمو بهاء ياياسمين
بتطلع فيه وبدمعو عيونا اكتر:نور..
بيقلا بقلبو وعيونو بتحكيلا(ياعيون نور،ياربي صبرني عهلأيام ماعم اقدر قاوم حبي ألها،ياربي سامحني أنا بعشقا،ياريت اقدر اخد هلوجع كلو من عنك)

عزة:قوليلي يابنتي بدك شي
بتبقا موجهة عيونا ع نور:بدي ابني يعيش بأمان جنب عيلتو،بدي ابني يتعوض عن حنان الأب ابني يلي صار يتيم قبل مايشم الهوا
نور:بهاء مارح يحس بليتم بحياتو،لأنو رح يعيش بيناتنا وبحضنا
خديجة:معك حق ياابني بس الولد لازم يتربا بحضن أمو(فكرت من كلام نور أنو بدن ياخدو الولد ويرجعولا بنتا)

بس كانت ياسمين سارحة بعيون نور،عم تاخد منهن أمان ووعود كتيرة لحتى تهدي نفسا
بيكون يادوب فايت أيوب وسمع آخر كلامن وبيوجه كلامو لكنتو:سمعيني يابنتي،لو الحديث هلأ مو وقتو،بس انتي رح تبقي ببيتك وابنك رح يبقا بحضنك وبيناتنا،ومارح ينقص عليكن شي
عزة:طبعاً أنتو من ريحة الغالي
أيوب:مو مهم هلكلام ياعزة،المهم أنو رح تبقا كنة هاد البيت

بينتهي الحديث والكل عم يفكر شو رح يصير بلمستقبل،بيجيبو الولد بيحملو أول شي نور بشم ريحتو وبيضمو لقلبو ياسمين بين وجعها فرحت بهلموقف كتير

وهيك مر يومين وهية بلمشفى وجمال وعمار اجو شافو ابن اخوهم كمان وحاولو يتقربو من ياسمين ببعض الكلمات الكاذبة

رجعت علبيت
وهي هية حالة الكل،ياسمين عم تحاول تصح من أثر الولادة،ونور عم يحاول يكبت العشق يلي عم يزيد كل ماعم يشوفا

جمال ومرتو عم يتقربو منها كتير،وأيوب عم يخطط وماحدا عم يعرف لشو
كان نور منتبه كتير منيح عأفعال عمار وجمال الكاذبة وخايف كتير عياسمين منهم،بلأخص من عمار

بتمرء الأيام وبعد تقريباً شهرين
بيكون واقف نور عشباك غرفتو بآخر الليل لينتبه عسيارة عمار مركونة ورا الفيلا،ستغرب كتير،كان عم يمشي عمار بلحديقة طبيعي جداً بس عم يتلفت حوليه ويرفع راسو عشبابيك الغرف،والحمدلله كان نور مطفي الانارة ومانتبهلو عمار،واختفا فجأة

نزل نور لعندو علحديقة ليشوف شو السبب يلي خلا اخو يعمل هيك،وتوجه علسيارة بس مالاقاه وصار يبرم بلحديقة

بس بهلاثناء،كان عمار فايت علفيلا قبل مايطلع نور منها،وتوجه فوراً عغرفة ياسمين،طالع قنينة مشروب من جيبتو وصار يرمي منها عطرف قميصو وصار يعمل حالو متل السكرانين

بعدا قرب علباب ودق ومافي اجابة،حاول مرتين حتى انفتح الباب،رما غطا العلبة بعيد وهلشي خلا ياسمين تشك بشي طلعت خطوة من غرفتها لتتفاجأ بعمار بيسحبا لجوا وبيسكر الباب

استغل عمار انو غرفتا المنعزلة بعيدة عن باقي الغرف وبلطابق الاخير،سكرلا تما ووجها علحيط محاصرها تماماً،وعيونها مفتوحين عآخرهن من الخوف،بتطلع بعيونو وبتطلع عابنها يلي نايم بسريرو

شمت ريحة القرف يلي عقميص عمار وعرفت أنو سكران وهلشي خوفها اكتر
عمار:سمعيني منيح،بتسكتي ومابتحكي حرف احسلك
هية عم تحكي بس مو مفهوم كلاما
عمار:رح اسحب ايدي عن تمك بس ياويلك تصرخي،وربي بقلن انتي يلي فوتيني برضاتك

بتخاف اكتر وبتصير ترجف وبس يبعد ايدو عن تمها بتقلو:كرمال الله لاتأذيني ياعمار،والله انا مالي حمل مصايب
عمار بنظرات وسخة:تكرم عيونك الحلوة،لكن بتسكتي وبتكوني حبابة وبتستسلمي للي رح يصير فيكي
ياسمين:لا لا مابقدر لا ياعمار أنا مرت بهاء
عمار بيضحك ضحكة وسخة:هههه ورح تصيري مرتي،ومافي غير هي الطريقة
ياسمين:كيف؟

بيقرب اكتر وبيحاول معها كتير وهية خايفة عم تدافع عن نفسا بصمت،وبتدعي لربها بصمت،وهو ماكان يحس بلنار يلي عم تاكلا

بهلوقت كان لسا نور عم يدور عأخوه بس للحظة بتجي صورة ياسمين ببالو
نور:ياواطي،أوعك ياعمار والله مابرحمك

بيركد فوراً وبيطلع علطابق الأخير بس ماعم يقدر يسمع شي يأكدلو أفكارو،بيقرب اكتر علباب بيسمع اصوات اشياء عم توقع

جوا الغرفة
ياسمين بتحاول تضربو أي شي وتبعدو بس وقت بتلاقيه طالع من جيبتو متل بخاخ خافت وعرفت أنو رح يخدرا صحي الولد وصار يبكي
وماعاد تقدر تتحمل وصرخت صوت،وبنفس الوقت بخ عوجها عمار وغابت عن الوعي
وبهللحظة بيكون نور فتح الباب ليلاقي ياسمين بين ايدين عمار

بيتفاجأ عمار وبيرميها علتخت
فوراً بيقرب نور وبيمسكو من قميصو:ولك حقير انت،شو عم تعمل ياواطي

وبيضربو بوكس
عمار:انت ماخصك ولاك،سماع نور اذا بتطالع حرف رح طالع كلام عن ياسمين لكل أهل القرية
نور:لعما ماأوسخك،لك هير عرضنا

بيكون الطفل لسا عم يبكي،ونور مابيتحمل يتركو هيك،لذلك بيروح بيحملو وعمار بيجي ليهرب
نور:عمار،بتترك البيت وبتمشي من بكرا وألا رح خبر أبي بكلشي صار
عمار:مابتقدر،ورح احصل علي بدي ياه
نور:لك شو بدك منها،وانت مليان عندك بنات من طينتك مكان مابتروح

عمار:ههههه عنجد انت غبي،انت بتعرف اذا بصير بيني وبين ياسمين يلي كان رح يصير،فوراً أبوك بيزوجني ياها
بيترك نور الولد علتخت وبيرجع بيتوجه ع عمار
نور:لعما اديشك وسخ،سكران كمان؟

بيرجع بحاول يضربو بيمسكو عمار من ايدو وبيقلو:انا اكبر منك ولاك نور،واذا هلأ منعتني من يلي رح اعملو،مارح تقدر تمنعني بعدين،واطمن مالي سكران هي كانت من باقي خطتي

عمار بيطلع من الغرفة ومن البيت كلو
ونور بيرجع الطفل عسريرو،وبيقرب لعند ياسمين وبيراقب ملامح وجها
بدون شعور بيقرب ايدو وبيمسح عوجها،هية نفسا بنت قلبو يلي عرفها من سنين،بس تغيرت بعض التفاصيل،صارت أم والتعب اخد شوي من براءة وجها
لسا ريحتها هي هية وبشرتها ناعمة،بيقرب شوي شوي لعندها ليصير وجها مقابل وجهو،و فجأة بينتبه عحالو وبيتذكر أنو غايبة عن الوعي

بيروح بيجيب عطر بشممها ياه بدون فايدة،برش عوجها مي وبيحرك وجها وكان مفعول المخدر مو كتير لأنو بلشت ترجع تستعيد وعيها
بتفتح عيونها ببطأ وبتبدا تسترجع ذاكرتا بتلمح خيال رجال جنبها لحظات وبتتذكر شو عمل عمار وبتفكرو لسا قداما بترتعش وبتبعد عنو وبتصير بتهلوس بكلمات مو مفهومة

نور بيمسكلا ايديها:اهدي ياسمين اهدي،لك أنا نور شبك
بتركز شوي بتنتبه أنو بلفعل هاد نور،بتوقف لتطمن عابنها بترجع بتقعد قدامو،بتدفن وجها بكفوفا وبتصير بتبكي

في شي جواتو عم يدفعو ليضما ومو قادر عم يتمالك نفسو بلويل
هية هلمرة كانت اقوى منو وقربت رتمت بحضنو وبهلحظة الجبل انهار،ماعاد قدر يسيطر عحالو لهيك شدا عليه اكتر وضما بقوة

لحظات بس كانت كفيلة أنو تريحلا قلبا وترجع الأمان لنفسا
نور:أنا ماعاد اسمح لجنس مخلوق يأذيكي،وعمار ماعاد ألو فوتة عهلبيت

ياسمين:بس...انت كيف أجيت
نور:شفتو لما كان بلحديقة ولما نزلت شوف شبو ختفا لحظات وتوقعت وجودو هون
ياسمين:كان سكران
نور:لا،عمار كان بوعيو
ياسمين:بس أناا شميت..
نور:كان مخطت أنو يعمل فيكي هيك وبعدين لما يعرف أبي بيقلو أنو كان شربان ومو حاسس عشي،وهيك أبي بينجبر يزوجو ياكي
ياسمين:وليش هلقد بدو ياني؟صدقني بحياتو ماعمل حركة غلط بلعكس كنت حسو بيكرهني
نور:لأنو انتي وابنك صرتو الكل فلكل
ياسمين مو فاهمة شي

نور:انتي لازم تعرفي،بس هلموضوع بيبقا بيننا،بصراحة أبي اختار بهاء ليعطيه كلشي بيملكو
ياسمين:شو😰
نور:أي أنا متأكد انو جمال وعمار عرفو من المحامي لهيك أول ماطلب أبي انو حدا مننا يتزوجك،وافقو هني التنين

ياسمين:وانت؟ليش رفضت
نور بيسكت
ياسمين:أنا ماعدت بنظرك ياسمين البنت يلي حبيتا،طبعاً ماعدت بهي البراءة يوم اغتصبها زوجا و...
نور بيحط ايدو عتمها:هسس لا تحكي هيك،بلعكس ياسمين انتي بتعرفيني مابفكر بهي الطريقة،كل القصة اني تعبان من يلي مرينا فيه،ووفات أخي صدمتني،بلأخص الرسالة يلي كتبلي ياها ‏ ياسمين:انت كمان؟
نور:شو؟
بتقوم ياسمين وبتعطي الرسالة،وهو كمان بيطالع من جيبتو الرسالة وبيقرأوهم وياسمين مابتحمل هلكلمات وبترجع بتبكي
نور بس يخلص:ياسمين سمعيني منيح،خلينا نعطي لبعض وقت وبهلفترة أنا رح ابقا جنبك وحافظ علأمانة يلي تركها أخي ألي،رح تكون فترة صعبة بس انتي رح تكوني قدا،وانتبهي من فتون وجمال كمان ماشي

بتهز راسها وهو بيروح،بتقوم بتسرح بوجه أبنها الوجه البريئ وهية عم تبكي وبتقول:آخ يانور،بعد ماكنت كلشي بحياتك هلأ صرت أمانة اخوك وبس

مرأت أيام وفتون كان واضح اديش صارت منافقة هية وجمال كرمال يقبل أيوب يزوجو لياسمين

وبلآخر بيقرر أيوب يعطي القرار لولادو بمين رح يتزوج من ياسمين
بيجتمعو الأخوة التلاتة والأب
بيقعد أيوب ورا مكتبو وببلش يحكي:سمعوني كلكن منيح قبل ماخبركن مين يلي رح يتزوج من ياسمين،لازم تعرفو بلشي يلي عملتو

طبعاً كلن عرفو أنو رح يحكيلن كيف تنازل بكلشي لبهاء
أيوب:بصراحة ياولاد انتو بتعرفو قصتي مع أبي وانو مااخدت شي منو،وأنا عملت نفس الشي قبل وفاة بهاء بفترة وكتبت المال كلو باسم واحد منكن انتو الأربعة

ماكان في أي نظرة تعجب بعيونهم وهو كمل:لهيك قررت شغلة تانية،يلي رح يتزوج من ياسمين رح يكتب ورقة يأكد فيها أنو هو أي شي بيملكو رح يكون نصو لياسمين

بيوقف عمار بعصبية:شو؟انت شو عم تحكي
أيوب:اعود وسمعني للآخر
جمال:أبي،مو معقول يلي عم تقولو،عشوي رح فكر ياسمين هية بنتك
أيوب:ياسمين ام حفيدي الوحيد
عمار:وشو قالولك حضرتنا مامنخلف أنا بس اتزوج رح عبيلك البيت احفاد
جمال:انت سكوت،أبي سماع مني وخليني أنا اتزوجا مو معقول تزوجا وهية أرملة لواحد من ولادك العذابية

نور وجهو صار احمر من العصبية بس كتم غيظو احتراماً لأبوه
أيوب:انت شو عم تحكي ولاك،لعما ماعاد في حيا
عمار:أبي جمال مارح يقدر يتزوجا،بكرا فتون رح تورجي الويل لابن بهاء،أما أنا بوعدك بتزوجا وبتغير..جمال مافينو يتزوج تنتين،دوبو يركد ورا وحدة

بيقرب جمال وبيقلو بعصبية:لك انت ماعاد ستحيت ضب لسانك
عمار:انت يلي لازم تستحي،راكد ورا مرت أخوك ليش؟احكي ليكون حاطت عينك عليها من وقت كان بهاء عايش

نور:انتو جنيتو،عيب عليكن تحكو هلحكي
بس ماسكتو بقيو عم يتلاسنو هني التنين،ومن كلمة لكلمة ماعاد يتحمل أيوب وجهو صار أحمر كتير وحط ايدو عقلبو
صرخ نور:أبي..
وتوجه لعندو،سكتو التنين مصدومين بيلي صار بأبوهم
نور:رد علي أبي،لك كاتيا،كاتيااا جيبي الدوا بسرعة

بس لحظة القدر مافي ألها علاج،وهيك العيلة واصلت حزنها من بعد موت بهاء

عزة تعبت كتير وماعاد يعرفو كيف يصبروها،بعد وفاة ابنها رجعت انفجعت بزوجها يلي صرلا سنين طويلة عايشة معو

نور حمّل أخوتو سبب وفاة أبوه.. في كلمة حكتا عزة من فترة لزوجها،أنها كانت خايفة عولادها من بعض..واحساس الأم مابيخيب

وقت قصير وجمال مرتو عم تنق فيه مشان موضوع الورتة وكذلك الأمر عمار لهيك قررو يجتمعو كلن ويجيبو المحامي يلي بيعرف بكل هي الأمور

جتمعت العيلة(نور وياسمين،وعزة وعمار،فتون وجمال)

المحامي:أول شي بدي قلكن الله يصبركن عفراق أيوب بيك،وهلأ رح خبركن وصيتو يلي كتبها،بخط أيدو وفيكن تاخدوها علفحص كمان
بيفتح الورقة وبيقلن:هون ببداية الوصية كتب السيد الوالد وصيتو لنور بيك،يلي بيطلب منو فيها الزواج من ياسمين

صدمة بتوقع علكل بمشاعر مختلفة،بس المحامي مابيعطيهم الفرصة إلا وبيصدمهم صدمة تانية
المحامي:وهلأ صار لازم خبركم السر يلي أمني عليه أيوب بيك وقت وفاة بهاء،بيوما طلب مني انجمع مع كل شخص منكن لحالو وخبرو انو المال كلو انتقل لاسم بهاء يعني أنو مال العيلة كلو رح يكون لابن بهاء فقط

عزة بتقاطعو:عذراً استاذ فيني كمل
المحامي:اكيد تفضلي ياخانم
عزة بتوقف وبتحكي وهية متوجهة عصورة زوجها الكبيرة يلي معلقة علجدار:أيوب من لما كنا شباب وهو عم يفكر بهلموضوع،مين الابن يلي رح يقدر يحافظ علمال يلي تعذب فيه ومرت السنين وقرر أنو يعمل قصة ويختار فيها الولد ومع الأسف خسرنا بهاء قبل
،بس أيوب كان قوي والظاهر كان بيعرف كل واحد منكم كيف بفكر لهيك عمل هلملعوب عليكن،وبردة فعلكن رح تقررو مصيركن،مين يلي بيستحق هلمال

وقت خبركم المحامي أنو المال رح يكون بين ايدين ياسمين وابنها،ابوكن بعدها طلب واحد منكم يتبرع ويتزوج هلضعيفة(وبتوجه نظرها عياسمين)وبتكمل:لحتى يسندها ويكون جنبها وبنفس الوقت الولد بيربا بين عيلتو،ورد عمار وجمال السريع وضحلو نيتكم السيئة تجاه هلبنت

الصدمة ملأت وجوه الكل،والغضب والكره سود الدنيا بعيون البعض
عمار:لا مو معقول،اكيد أبي كان فيو شي عقلو
جمال:طبعاً هو ماكان بوعيو
فتون:ولهيك الوصية مابتنقبل

عزة بعصبية:لك خرسو،خرسو تلاتتكن لعما رح تحكو على ابوكن وهو تحت التراب،ماعاد ستحيتو،لك ااخ ياايوب وين تركتني ورحت،قلتلك رح ياكلو بعض ماصدقتني

كان نور مصدوم،بس ياسمين قلبا رح يوقف من الفرحة،صحي مو وقتا بس هيك رح تقدر تأمن عنفسا وعابنا بين ايدين نور

ومرت الأيام وقررو يعملو العرس بعد كم شهر،واكيد كان بدون حفلة ولا شي،عمار ترك البيت وماعاد سأل عحدا
وجمال طول الوقت متخانق مع مرتو وعم تروح بتقعد عند أهلا

وبهليوم،يمكن من حقن يفرحو لو شوي
كاتيا اخدت بهاء لتعتني فيه،وياسمين رتبتا حماتا وعيون باكية بفرحتها المكسورة
كانت متوترة كتير آعدة بطرف التخت وماسكة ايديها ببعض،وقلبها عم يرجف وحاسستو رح يوقف

قبل مايفوت نور لعندا بتشوفو أمو وبتقلو
عزة:سمعني منيح ياابني،هلبنت يلي جوا حلالك،صارت ألك بدي تنسا كلشي مضا وتنسا مين كانت المهم هلأ مين صارت،بتحميها برموش عيونك،حاول تعوضها عن كل لحظة وجع

بيقرب نور وبيطبع بوسة عجبين أمو،وبيتوجه عباب غرفتها،وأول مابيفوت،بشم ريحة العطر نفسو،بتغلغل بعروقو وبتفوت لنص قلبو لدرجة بحسو ارتعش
ولسا عم يحاول يقاوم،بيقرب لعندا وبيهمسلا:ياسمين؟
بتوقف وبيصير وجهن مقابل بعض،بتكون لابسة فستان قصير مالو شي بنوب ولونو أبيض،وراسم انحناءات جسدها بطريقة جذابة

بيتطلع بوجها،عيونها المكحلين ملامحها الشرقية شفافها البارزة بهللون الاحمر،كل محاولاتو بمقاومتا باءت بالفشل،بيقرب من رقبتها وبشما
تماماً متل انسان انقطع نفسو لمدة طويلة وقدرو بلنهاية يعطو اوكسجين

ومين مفكر بس هو يلي غرق،كمان ياسمين وقت شمت ريحتو حست رح يغما عليها🥰فرحة عمر ماكانت بحياتا متوقعتا،بتطلع بعيونو ومابتشبع،هي صار حبيب عمرها ألها وبس

بيطلع شي من جيبتو،لاففها بأحكام وبيمدا لياسمين وهية بتتفاجأ
ياسمين:جديلتي
نور بحب:أي،كانت معي كل هلوقت،بلحفظ والصون
بتمسكا بأيدها وبتطلع فيه بحب

مابتتحمل بترجع بترتمي بحضنو،وهو بيسحبا لقلبو وبيشد لحظات قليلة وبيغرقو بعشقهن هلأ ولاول مرة رح يقدرو يعبرو عن مشاعر سنين مكبوتة بطريقتهم الخاصة

تاني يوم

بتفتح عيونها بتلاقي نفسا جنبو بتبتسم ..لا ماكانت ابتسامة من فرحتها ضحكت،وبتبقا سارحة بملامحو وبتصير تمسح بطرف اصبعها عوجهو،وتحاول تدايقو

وأول ماحستو رح يصحا،بتبرم ضهرا فوراً وبتتخبا بلبطانية،هو انتبه وابتسم،هيك فرحة جوات قلبو عتصرفها الطفولي هي هية ياسمينتو
بيرفع البطانية عنها وبيقرب عليها من ورا ضهرها
نور:صباح الخير ياروح روحي
ياسمين مابترد وبتكتم ضحكتها
نور:لساكي نايمة؟
ياسمين:أي
وهون نور مابيتحمل بيضحك ضحكة قوية وهية قلبا الصغير لايتحمل بتلتفت عليه فوراً لتشوف ضحكتو وشكلها كان هيك😍

ثواني وبيسرحو بعيون بعض،وبيبدا نور بكلمات غزل بخيلها تدوب بحضنو،بعدا بتسحب نفسا
بيمسكا من ايدا وبيقلا:لك لويين
ياسمين:لازم اطمن ع بهاء
نور:لك كاتيا وأمي معو اطمني
ياسمين:والله شتقتلو
نور بيخطفا لحضنو وبيقلا:بس مو قد شوقي ألك

بتمرء الأيام
وبيسمعو أنو عمار قرر يرتبط ببنت وبلفعل عزة بتطلبلو ياها وبعد فترة رح يكون الزواج
بس ماحدا منهن بيعرف وين عم يغطس كل هلأيام

أما ياسمين ونور موحاسين عحدا كان نور عم يمشي بوصية ابوه تمام التمام،يعني امو وابن اخو وياسمين عايشين معو وهو مغرقهن بحنانو وحبو

بمكان تاني،بيجتمع جمال وعمار والواضح أنو اجتماع سري،وفي تخطيطات خطيرة

جمال:انت شو عم تحكي؟
عمار:هي الطريقة الوحيدة يلي فينا نسترجع فيها حقنا
جمال:مين رح يعمل هيك؟
عمار:لاتخاف انا رح ادبرلو قصة بيروح فيها وكلشي بيطلعلنا منتقاسمو بلنص
جمال:بس انت نسيت نقطة مهمة كتير
عمار بيضحك ضحكة وسخة:هههه لا اطمن حاسبها منيح،وهي النقطة تركتها ألك
جمال:شرحلي ولا تحكي بلألغاز
عمار:انت رح تتخلص من الولد وانا بتخلص من نور،اتفقنا
جمال:مارح اقدر،ممكن افشل
عمار:مستقبلك انت وعيلتك رح يضيع اذا ماكنت قوي،واطمن انا رح ساعدك
جمال:تمام اتفقنا

وبيتصافحو..عم يتصافحو لتنفيذ خطتهم؟خطتهم أنو يتخلصو من أخوهم وابن اخوهم
ماشالله بلفعل أخوة👏

جمال بيحكي لمرتو وهية بتوافق،وبتصير بتنقلو كل اخبار البيت لزوجها وماعاد تروح عند اهلا،وجمال بيخبر عمار بكلشي

وبيوم اجا نور وعم يخبر ياسمين عن سفرة ضرورية
ياسمين:كرمال الله لاتروح شو بدك من هنيك
نور:حبيبتي،أنا لازم انهي كلشي هنيك واستقر هون،جنبك ياعمري انتي
ياسمين:مابعرف مو مرتاحة لهلسفرة خدني معك
نور:لأ...ههه ليكون خايفة مااتطلع بلنسوان

بتضربو عكتفو وبتقلو:غليظ،اصلاً اذا بتطلع بدبحك
نور بهمس:وبتسخي فيني
ياسمين:هأ مابسخا بس أنوو..نور أنا عم اشتقلك كتير وعم..
نور:وعم شو
ياسمين:توقعت حالي حبيتك بكل مافيني،لك عم لاقي حالي كل يوم بحبك اكتر

بيضما بقوة وبيهمسلا:أنا كمان عم اعشقك كل يوم اكتر من قبلو

وبلفعل بيضب غراضو وتاني يوم بينوي السفر،بيودعهم بطريقة غريبة شوي وبيمشي

بمكان تاني
جمال:طلع هلأ
عمار:أوك تمام بدو شي ساعة ونص ليوصل علطريق الفاضي،ورح يبدا العد التنازلي

بيسكر التلفون،كان جمال في شي جواتو عم يمنعو بس بنفس الوقت فتون ماعم تتركلو وقت ليفكر بهي الطريقة

وقت قصير وبتوصل السيارة عمنطقة فاضية مافيها حدا

صوت توقيت الساعة
0.05
0.04
0.03
0.02
0.01
0.00

صوت قوي انفجرت السيارة بطريقة مريعة،وتناثرت اشلاء منها والنار رتفعت كتير والغبار بكل مكان

بعد وقت طويل لحتى يقدر حدا يوصل ويشوف هلشي ويطلب الاطفاء والاسعاف
السيارة حترقت،وجواتا جثة ومحروقة بلكامل،
كان يوم واحد ومن اصعب ايام حياتهم
يتبع...

#عروسة_الثأر
الجزء_الخامس

جمال واقف قدام أمو وعيونو كلن دموع،وهو عم يخبرا هلخبر وجنبها ياسمين،يعتبر هلخبر لانسانة متل عزة بهلعمر الضربة القاضية
اديش كانت قوية لقدرت تبقا عايشة بعد هلخبر واديش هلخبر كسرا نهائياً
أما ياسمين ماتحملت وانهارت،وصارو يعطوها مهدئات،تصحة بين الفترة والتانية وتصير تصرخ وتضرب بحالها

ياسمين بتقضي هليومين بلمشفى وبترجع علبيت وبتبقا مع عزة وحدهم،عمار كلعادة مابيجي علبيت،وجمال اخد مرتو وبناتو قال بدو يتركهم عند أهلا وهاد كلو كرمال خطتهم التانية ليتخلصو من الولد ويبعد الشبهات عنن

عم تحاول ياسمين تهدا شوي كرمال تقدر تقويها لعزة،الجرح لسا سخن
بيندق الباب،الواضح رح يبلش مراسم الحداد وللأسف جمال وعمار ماهتمو بهلموضوع بنوب

فجأة بيفوت نور وكان حامل بهاء عأيدو بعد مااخدو من الخادمة
بيلاقي أمو وياسمين عم يحكو،وبس تلمحو ياسمين بتصير بعالم تاني وبتجمد بأرضها،متلا متل عزة
ماعاد ستوعبو هنن بحلم ولا بعلم؟

بيتوقع ردة فعلهم هي،لأنو أول مافات علقرية وشاف شخص انصدم كتير ولما سألو عن السبب حكالو أنو فكرو مات بسبب انفجار السيارة السيارة

نور:شبكن وين سرحتو
هاد نور؟عقلهم ماعاد يتحمل بس صوتو بيأكدلهم أنو هو حقيقة مو خيال،بتأعد عزة عطرف الكنبة وبتتعب كتير بيترك بهاء و بيقرب ليساعدا والخادمة بتلحقو،بس فجأة بيلاقي ياسمين اختل توازنها ووقعت بلأرض بيركد لعندا وبيحاول يصحيا بدون فايدة
(لفو الصورة وشوفو المقطع)
بعد وقت قصير،بيطلب الدكتور علبيت وبيطمن ع أمو انو ستقرت حالتا وبيروح لعند ياسمين
يلي رجع عطاها الدكتور ابرة مهدء كرمال تتقبل الصدمة
بيبقا آعد جنبها وماسك ايدها،لحتى تبلش تصحا،بتركز فيه وأول ماتشوفو بتقوم بعصبية كبيرة وبتحكي كلمات مو مفهومة

نور:ياسمين حبيبتي اهدي بترجاكي والله ماكنت بعرف يلي صار
هون هية بتضمو وبتنهار بلبكي
ياسمين:نور انا كنت رح موت،انا مارحواتحمل خسارتك هيك وربي كنت رح اقتل حالي لولا خوفي ع ابني وأمك

وبس يركزو افكارن بيقعد هو وياسمين وأمو فقط
بتصير أمو بتحكيلو كلشي كان يخبرا ياه ايوب من زمان عولادو بلأخص قبل وفاتو كيف ملاحظ أنو عمار وجمال طماعين كتير

ونور بخبرهم شو صار معو بيوم الحادثة
نور:بيوما طلعت بلسيارة وستلمت كريقي،وبلصدفة بلاقي سيارة صديقي هون بلقرية وبيجبرني انزل اركب معو،بس هون كان معي الشوفير وعأساس يلحقني بلسيارة ليعطيني ياها وهو بيرجع بلباص

عزة بحزن:الله يرحمو معناها هو يلي كان محروق بلسيارة،طيب مو عأساس انت رايح لحالك

نور:أي بعد مامشيت بخمس دقايق اتصل وطلب مني يطلع معي لأنو بدو غراض من المدينة،أنو رفقة طريق..أو بلأحرا كان عم يلحق نصيبو

بتضمو ياسمين وملامح الخوف عوجها وهو بيضما
ياسمين:الشرطة اكدت انو الانفجار كان مقصود
نور:معقول توصل معهن لهون؟معقول يقررو يقتلوني اخوتي؟
عزة:مابعرف ماعم اقدر صدق
نور:بس شاكة صح؟شاكة متلي انو اعدائي هنن اخوتي
عزة ببكا:أنا قلتلو لأبوك،قلتلو رح تخلي ولادك يكرهو بعض ماصدقني
بيروحو لعندا ياسمين ونور وبيضموها لتهدا
فجأة نور بيقول:بهاء
ياسمين بيرجف جسما:شبو؟
نور:رح يأذو بهاء اكيد

بيركدو هني التنين علغرفة بيفتحو الباب و وقت بشوفو هلمنظر بيتطلعو ببعض وبتصيبن حالة جمود

بعد يومين

بيتفاجأو عمار وجمال أنو اخوهم نور رجع،بيحاولو يمثلو أنهم مبسوطين بس انو حزنو بخبر وفاة ابن اخوهم

مجتمعين العيلة
ياسمين وعزة جامدين وماعم يحكو مع حدا ولابسين اسود
وعمار وجمال كمان ساكتين عم يتطلعو ببعض وبأخوهم نور

بتقرب فتون عند ياسمين:طولي بالك،الله يعوضك بولد تاني هيك الله كاتب
ياسمين:ونعم بلله
فتون عم تحاول تتقرب من ياسمين بس من جواتا شمتانة فيها

جمال بيوجه كلامو لنور:ليش ماعملتو مراسم دفن متل العادة
نور:بكفي مراسم الدفن عم تكتر بلعيلة،حطيناه عند ابوه يمكن أأمن من هون
عمار:يعني دفنتو جنب قبر بهاء

ماحدا بيرد عليه،والكل ساكت بعد شوي بيقومو عمار وجمال ليطلعو علحديقة،بيلاقو كاتيا بوجهن
جمال:شبك؟
كاتيا:شفتك طالع يابيك قلت لجبلك الجاكيت،تفضل
جمال:اي يسلمو
بيلبسو وبيطلع

جمال:انا نفذت خطتي وانت ماقدرت
عمار بعصبية:لك وربي كان كلو تمام،جهزت القنبلة ووقت خبرتني انو طلع من البيت شغلت الجهاز،ماكنت متوقع يصير هللخبطة وينزل نور من السيارة،المهم اكيد رح اقدر انجح بلمرة الجاية،كيف بدي اطلب من نور مبلغ منيح لحتى اقدر اتزوج
جمال:ليش مامعك من مصاري يلي عم تربحن بلحرام
عمار بعصبية:المهم يكون معي مصرات يافهمان مو متلك،بتنتظر راتب آخر الشهر من اخوك الصغير

بيلمحو كاتيا عم تطلع فيهن من بعيد
جمال:تعي قولي شو بدك؟
كاتيا:انا حاسة بلذنب علي عملتو يابيك
جمال:ليكي وليك رح ارجع اعطيكي مصرات لتسدي تمك وماعاد تقربي مني عم تفهمي رح تخلي الكل يشك فيني
عمار:انا قلتلك تقتل الولد بايديك ليش لتدفع لهلغبية وتطلب منا تقتلو

جمال:شو بعرفني،ماتحملت اقتلو انا،لهيك عطيتا السم ورضعتو ياه بلببرونة
كاتيا بتغمض عيونها بقهر،بيطلع جمال مصرات بيعطيها ياهن وبيمشو

بمكان تاني بمكتب الفيلة كانو نور وياسمين وعزة عم يسمعو صوات عمار وجمال من خلال الجهاز يلي كاتيا حطتو بأمر من نور عجاكيت جمال،جهاز ارسال فوري

وهيك بيتأكدو من شكوكهم
ياسمين:شو رح تعمل
نور:كلشي ألو وقتو
عزة بحنية أم:رح تأذيهم
نور:محتار،استعيد حقي وحقكن بأيدي،ولا اتركهم لالله لانو هو عقابو اشد عهيك مجرمين

بيسكتو تلاتتهم

بس كاتيا تشوف عمار طلع بسيارتو ومشي وجمال فات علبيت،بتلاقي نور
كاتيا:سامحني يابيك
نور:مسامحك،انتي غريبة ويلي طلع من اخوتي اقوى بكتير

بغرفة النوم،بتتسطح ياسمين عصدر نور وبتصير تسمع نبض قلبو
ياسمين:هاد الصوت يلي رح يخليني عايشة من هون ورايح،بترجاك لاعاد تتركني بكفي يلي صار فيني
نور:مستحيل اتركك أو خلي حدا يقدر يأذيكي
ياسمين:شتقت لابني كتير
نور بيشد عليها وبيقلا:وانا كمان شتقتلو

بعد مرور اسبوع،لاحظت فتون أنو ياسمين كتير عم تتردد عند اهلها اكتر من قبل

بتروح فتون بتقلو هلحكي لجمال
جمال:علوا تنتبهي عبناتك لهون وبس فتون خلينا بحياتنا
فتون:شو هي خلينا بحياتنا؟انشالله كلشي عملنا راح علفاضي
جمال بعصبية:لك كرمال الله خلص خلص،سكتي حرام عليكي انا ماعاد اتحمل،لك كل يوم عم شوف ابن اخي بنومي وهو عم يبكي انا قتلتو عم تسمعي،انا قتلت ابن اخي يلي كان آخر شي منو

فتون:هه بلشنا بلاحاسيس والمشاعر،اصلاً لو كنت فعلاً بتحبو مابتوافق علي عملتو
جمال بصدمة:بلله شو؟نسيتي اديش صرتي تذني عراسي وتقنعيني اعمل هيك
فتون:يعني هلأ صرت انا رماية الفتن،سماع جمال انت قتلت ابن اخوك وكنت فرحان ومبسوط كرمال المال،عم تزعجني وتصرع راسي وبلأخير نطلع بلا شي مابقعدلك ولا ثانية بهلبيت عم تفهم
جمال:لك خرسي خرسي،انا ماعاد اتحملك ولاعدت طايقك ولا طايق حالي

بتفتح الباب فجأة بنتن عزة وهية عم تبكي وماسكة راسا
جمال بيركد عبنتو:شبك بابا
فتون بتضربا:وليك أنا مو فهمتك بتدقي الباب قبل ماتفوتي
عزة الصغيرة وهية عم تبكي:ماما والله نسيت راسي كتير واجعني
فتون:مو قلتلك تخلي الخادمة تعطيكي خافض حرارة
عزة:والله ماراح الوجع امي
جمال بيشد بنتو لحضنو وبيوجه كلامو لفتون:شبها البنت
فتون:الظاهر آكلة ضربة شمس وراسا عم يوجعا شو بدك انت هلأ بعطيها دوا وبتنام
جمال:ستني،اديش صرلا
فتون:اليوم
عزة:لا بابا انا صرلي كتير من قبل مايقولو عمو نور مات،وانا بقلا لماما وهية مابتصدقني
بتبكي اكتر عزة وبيضما ابوها بقوة وهو عم يتزور فتون،بيحملا وبيمشي

بتشوفهم عزة من شباك غرفتها بتقلق كتير وبتتصل بجمال،مع أنو كانت ناوية ماتحكي معو،بس نور اجبرها تتعامل طبيعي مع ولادها ليقدرو يحلو القصة

جمال:ألو أي امي
عزة:وين رايح بهليل وين اخد البنت
جمال:علمستوصف،راسا واجعا كتير وعم تبكي
عزة بقلق:بس ترجع طمني عنها
جمال:ماشي

ساعة وبيرجع علبيت
عزة:شو قالولك
جمال:علقولها سيروم وطلبو كومة تحاليل رح اخدها بكرا
عزة:الله يجيب العواقب سليمة،ياربي لاتاخد الحق من الضعفاء
جمال:شو قصدك امي؟

بتتركو وبتمشي،وهو بيصير يفكر كتير بكلمتا،معقول يصير شي لبنتو بسبب يلي عملو

تاني يوم الصبح
فوراً بياخدها وبروح ليعمل التحاليل،وفتون مالا مهتمة وبقيت بلبيت

بغرفة نور
نور:صباح الورد والفل
ياسمين:انت صباحي الحلو،انت ايامي الحلوة كلها
نور بيسحبا لصدرو وبيقلا:اااخ لو فينا نبقا هيك لآخر العمر
ياسمن:رح نبقا،ماعاد في قوة تفرقنا

بترفع راسها وبتطلع بعيونو بتكون كتير قريبة منو
نور:كنت بدفع عمري كلو كرمال هللحظة
ياسمين:راح ايام كتير من عمرنا ونحنا بعاد،والعذاب كلو يلي عشناه،بس بوعدك انو ماضل حزن ولا قهر
نور:هههه لك انا يلي لازم اوعدك
ياسمين:ايي مو مشكلة انا وانت واحد ههههه

بيسحب بكلة شعرها،وبيتناثر عكتافها وضهرها،بيمسك شعراتها بأيدو وبيشمن بقوة
نور:أاه ياسمينتي،كنت عطول احلم شمو هيك،والمسو والمس وجهك

بيقرب منها اكتر وبيغرقو بعشقهم

بآخر الليل
بعد مايرجع نور من الشغل،ويقعد مع امو شوي،بيرجع بفوت مع ياسمين عغرفتهم والحب عم يزيد
لأنو صار لازم يبقو سعيدين عطول،وصار وقت أنو الظالم ياكل عقابو

هلليلة كانت اقسا ليالي على الظلّام،عمار جمال فتون
جمال ماسك بأيدو الورق وفات عند مرتو منهار تماماً انسند علجدار وهو مكسور
فتون:شو صار
بيرفع الاوراق،وبيوقعو من ايدو
فتون:لك شبك؟
جمال بتنزل دمعة من عينو:عزة..
فتون:لك شبها بنتي؟
جمال:صار معها سرطان

بتصرخ صرخة قوية وبتوقع بلأرض وهية عم تضرب بحالها،بيقعد جمال وبيخبط راسو بلجدار وهو عم يبكي

بمكان تاني
بعيد كل البعد عن هلفيلة
كتب كتابو عليها،وخلصت الحفلة الصغيرة يلي عملوها ببيت أهلها وكان آخدها بلسيارة علشقة يلي ستأجرها
عمار:مبسوطة ياقلبي،هي صرنا لبعض،رح خليكي اسعد انسانة بلكون،ومن أول ليلة(وبيغمزها

بتخجل وبتنزل عيونها،بس فجأة بترجع بترفعهم بخوف وقت بتسمع صوت مكابح السيارة،وفي اضاءة سيارة تانية قدامهم بتخليهن يبطلو يشوفو من قوتها

بعدا بينفتحو بواب السيارةعمار ومرتو ميتين خوف،مجموعة رجال بيسحبوهم من سيارتهم عسيارة تانية،بيربطوهم بأحكام وبغطو وجهن

بعد شوي بينزلوهم من السيارة،بيفوتو عبيت ولسا مغطين عيونهم وبيرموهم علأرض
بتصرخ البنت من وجعا
عمار:لاتخافي مارح خلي حد يأذيكي

صوت ضحكة صاخبة ساخرة،من رجال

هلصوت ابداً مو غريب ع عمار
عمار بيتسائل:جابر؟
جابر:والله وحفظان صوت ضحكتي،برافو
عمار:شو بدك ليش هيك عم تعمل
جابر:بدي حقي
عمار:حق شو؟انت مالك شي معي
جابر:غلطان،لسا في كتير ألي عندك
عمار:تمام،لكن بتتروكو مرتي وبتواجهني ألي
جابر:اووو صار عندك مرة،لك ألف مبروك،والله وطلعت بتخاف عشرفك ياواطي
عمار:خراس ولك جابر
جابر:وشرفي أنا يلي ساومتني عليه ولك كلب
عمار:مافي كلب غيرك،انت بيومها لعبت معي قمار عكلشي بتملكو،ولسا بدك تلعب،وبيوما قلتلي ماضل معك شي تلعب عليه،وانا بلمزح قلتلك لعبني عمرتك وانت وافقت

كانت مرتو لعمار مصدومة وعم تبكي وخايفة كتير،متكومة عحالا بلأرض وعم ترجف
جابر بيرفسو برجلو عكتفو لعمار وبقلو:خراس ولاك(بيلتفت جابر ع رجال وبيقلعهم كلهم برا الغرفة)

بيقرب جابر لعندو:ولك ياوسخ،كنت انا سكران مالي وعيان،وانت بكامل وعيك بتسحبني عبيتي وبتخليني فوتك لعندي
عمار:لاتقلي مالك وعيان،الشرف مابينتسا لو كنت سكران
بيقرب جابر لعند البنت وبيلمسا:صح،مابينتسا لهيك هلأ رح ورجيك شي مارح تنساه بحياتك

بتصرخ صوت البنت وعمار بيبدا بيشتم وبيسب عجابر ومابيرد عليه،بعد لمسات وسخة كتير بيتركها
جابر:بتعرف،ماعجبني الانتقام هيك

بيقرب لعندو وبيكشفلو ععيونو وبيقلو:هيك احسن،شوف كلشي بعينك
عمار:اوعك ياجابر وربي بشرب من دمك مارح ارحمك لاانت ولا لعيلتك

جابر:أي اذا ضل فيك مخ تفكر بشي بعد هليوم
بيطلب من واحد من رجالو يفوت يربطو منيح علكرسي،وبيترك جابر الغرفة وبيأمر هاد الرجال باغتصاب البنت قدام زوجها

لحظات ظلم وانكسار لهلبنت،ماتوقعت من اول يوم ألها مع هلانسان رح تاكل هلعقاب
أما عمار،عم يصرخ متل الكلب،ويحاول يقوم ووقع هو والكرسي وماكان يقدر يفك حالو ولا شوي

البنت اغما عليها بلأخير،وعمار من كتر ماخبط راسو بلأرض داخ وماعاد قدر يتحرك

بعد هيك رمو البنت قدام بيت اهلا،وضربو ابرة لعمار وحطو بلشارع

الصبح آعد جمال منهار وعم يحكي لنور وأمو شو صار ببنتو
عزة بحزن:لاحول ولا قوة الا بلله ياربي دخيلك اشفيها
نور:طيب ماقلك لوين واصلة المرحلة
جمال:لسا ببدايتا،مابعرف اذا رح تقدر تقاوم
ياسمين مع انو قاتل ابنها قدامها مع هيك بتزعل كتير علبنت وبتقلو:لازم تخلي عندكم أمل،بأذن الله رح تتعالج وتشفا
جمال:ليش مين قدر يتخلص من هلمرض
فتون:انت السبب
بيتطلعو فيها مستغربين
جمال:خرسي وفوتي لجوا

بيرفع ايدو بيضربها قدام الكل،وبتوقع بلأرض،بتقوم لعندو امو وبتقلو:طول بالك ياابني المرة مفجوعة ببنتا ومابتعرف شو عم تحكي

ياسمين بتقرب من فتون وبتواسيها،بتساعدا لتوقف
بعدا فتون بتبعدا عنا بعصبية وبتقلا:وانتي شو بدك جاية تشمتي صح،اذا ابنك مات بدك الكل يموتو ولادو صح

جمال:لك خرسي لاتسمعيني حسك
فتون:لك لسا عم تخرسني،ليكون مفكر حالك رجال

دقيقة صمت والكل عم يتطلعو بجمال،شو ممكن تكون ردة فعلو؟
بتوقف بدا تمشي فجأة بتسمع صوتو:فتون،وقفي عندك،انا تحملتك سنين وايام بس هلأ ماعاد تلزميني..انتي طالق

لأول مرة فتون بتنصدم بزوجها،مع كل العمايل يلي كانت تعملن مابتتوقع شي يوم يحكي هلكلمة

بتتركهم وبتركد عغرفتها،بهللحظة بيفوت عمار،كان منظرو برعب وتيابو كلهم غبرة وشعرو خربان ووجهو مابيتفسر

عزة:عمار؟ليش هيك شكلك
كان جامد وماعمل ولا حركة،بيمشي ببطأ وهنن عم يراقبو
نور:لك عمار شو صار احكي؟
فجأة بيحكي كلام مو مفهوم بصريخ متل المجنون وبيصير يكسر كلشي قدامو بيقربو اخوتو بيمسكو ومابيقدرو يمنعو ابداً،بس كان بيحكي كلمات ابداً مو مفهومة
عمار:انا ضعيييف انا بلا شرف،ماقدرت امنعن،أنا وسخخ

كاتيا بتنده لرجال يلي واقفين برا الفيلة وبيمسكو منيح
وبهلوقت ياسمين بكون اتصلت بلدكتور
كتير حاولو يهدو بس مافي فايدة هيك لوقت اجا الدكتور ومسكوه منيح لقدر يضربو ابرة مهدء واسترخا ونام

نور:دكتور،شبو أخي؟
الدكتور:بصراحة علشكل يلي شايفو قدامي واللي عملو بلبيت بيأكد انو هو مالو بوعيو
عزة:يعني شربان شي؟
الدكتور:بس يصحا رح نشوف شو رح يقول،واذا بقي عحالتو بكون السبب شي تاني
جمال:متل شو؟
الدكتور:بيكون صار معو شي انا مافيني أأكد بس وقتا بتجيبولو طبيب نفسي،انتو مابتعرفو وين كان؟
نور:لا دكتور،عكل حال يعطيك ألف عافية تفضل معي

بيمرء اليوم وبيرجع بيصحا عمار عنفس الحالة وبيرجع بياخد مهدئات قوية كتبها الدكتور،وتاني يوم بيجي الدكتور النفسي وبحدد حالتو
الدكتور النفسي:بصراحة اخوك اعصابو منهارة تماماً،في شي صاير معو كتير كبير وعقلو ماقدر يتحملو
نور:كيف يعني
الدكتور:من الكلمات يلي عم يحكيا،واضح انو في صراع داخلي عم يأذيه كتير،وافكار ملخبطة ومابنصحك تتركو هون بنوب،لأنو خطر كبير على نفسو قبل الكل
نور:معقول يعمل بحالو شي
الدكتور:عحسب تشخيصي الأول،اخوك بأزمة عصبية نفسية كتير صعبة،وبأسرع وقت لازم ينتقل علمصح

بلفعل بينقلو علمصح
وبنفس اليوم بيجمعن جمال كلهن ياسمين ونور وأمو وبيطلب يحكي معن
نور ببرود:خير شو بدك
جمال:بدي ارتاح،بدي تسامحوني

عزة:عشو
جمال بيسكت
نور:شو مالك قادر تحكي،هلقد يلي عاملو كبير
جمال:كبير لدرجة ماعاد اتحمل هلتقل،وعدل ربنا بلش فيني وانتهى بعمار،بس صدقني بنتي مو ذنبها
عزة:لاتحكي بلألغاز
جمال:أناا..رح سلم حالي للشرطة

ياسمين بيقشعر جسدها مارح تقدر تسمع منو هلكلام،مارح تقدر تسمعو كيف رح يشرح الخطة يلي حاولو فيها يقتلو نور وابنها
جمال بغصة وكلام متقطع:بعرف مارح تسامحوني،اصلاً انا مو قادر سامح حالي
نور بصراخ:لك احكي،احكي ياأخي..يلي من دمي ولحمي احكيلنا
جمال:الدم واللحم هان علينا لأنو مافينا نخوة ولا شرف
عزة:نطوق ياابن قلبي،نطوق خليني اقدر احكيا واتبرى منك خلي قلبي يقسا عليك وريح ضميري،عذنب انو خلفتكم

جمال بيركد لحضنها رجليها:لا ياأمي لاتتبري مابكفي يلي صار،اول شي ربي عاقبني ببنتي
بتقوم عزة وبتبعدو عنها

جمال:كلشي بتعرفو خلا الطمع يملي قلوبنا،ولما أبي سألنا مين بيتزوج ياسمين انا وافقت،على اساس المال يصير ألي،وصير آغا وأأمر وانهي حتى فتون بدي خليها تحت أمري
وهية وافقت اتزوج كرمال المال

ياسمين:بس بحياتو المال ماعمل رجال
جمال:هاد يلي عرفتو متأخر،بعد بفترة ومرتي عم تنق براسي كرمال اتصرف واخد كلشي،انا ماعم حط لوم عليها لأنو لو كان عندي نخوة كنت كبيتها من زمان وماخليتها تلعب فيني متل اللعبة

نور:المهم
جمال:اتفقنا أنا وعمار،أنو...
غص بكلماتو والأم بتدفن وجها بكفوفا،بتبكي بقهر من يلي عملو ولادها ببعضن
جمال:أنو هو يتخلص من نور بطريقة ما وانا اتخلص من..
ياسمين بغصة:من ابني
جمال:لك الله ياخدني،ريتو الله حرقني ولا عملتا
نور:شو الفايدة هلأ؟كمل كمل يااا..أخ.ي

جمال:كنت انا ومرتي عم نعطي المعلومات لعمار وخبرناه بسفرتك وراح زرع قنبلة بسيارتك على اساس تنفجر فيك وماحدا يعرف شو السبب ويصير المال ألنا بعد ماانا اقتل بهاء

جبت سم لاقتل ابن اخي،بدي اقتل اخر شي من ريحة اخي،لاني اوسخ انسان بهلدنيا،وقت شفتو ماقدرت اقتلو

ياسمين وهية عم تبكي:لا والله فيك الخير
جمال بيبكي ماعاد يقدر يتحمل:طلبت من وحدة تعمل هلشي
نور:مين هية؟

جمال:كات...(ولسا مابيكمل اسمها بيقاطعو نور)
نور:فوتي لعنا

بتفوت كاتيا وهية حاملة بهاء

جمال مابيتحمل بيوقف وهو مدهوش،كيف هيك؟
ياسمين بتركد عابنها بتضمو وبتبكي
نور:مستغرب؟كان بدك ياه يكون ميت صح

جمال بيصير يبكي ويضحك ويقول:الف الحمد والشكر الك ياربي،الف الحمدلله انو عايش كنت رح ابقا عم عاقب حالي طول العمر
نور:والله؟يعني ارتاح ضميرك هيك
جمال:لا،كيف هيك صار

نور:بيوم عطيتا المال لكاتيا واغريتها،هية كانت كتير بحاجتو لأنها مسؤولة من اخوتها الصغار،ووقت شكينا انو ممكن تأذي بهاء ركدنا عغرفتو لقيناها اعدة بلأرض عم تبكي وماسكة السم وموجهتو عتمها،فضلت تقتل حالها وتخلص ماعاد فيها تتحمل تشوف عيلتها بهلفقر ولا تحملت تقتل هلروح البريئة

جمال بينصدم انو خادمة ماقدرت تعملها وهو بكل برود كان عملا
جمال:بدي روح واعترف بيلي عملتو انا وانسجن
نور:يعني كم شهر بلسجن لمحاولة قتل رح يكفو لترتاح؟

جمال:كرمال الله يااخي،بكفي يلي صار ببنتي انت مستهينا،صدقني حاسس رح يطق عقلي متل عمار تماماً،اذا موتي بيريحك بقتل حالي
نور:روح عميل شو مابدك رح يكون ألك الملحق يلي عطرف الفيلة،وبناتك رح يبقو هون مع أمي،وبنتك رح عالجها أنا

بيركد جمال عايدين اخوه وهو عم يبكي،صحي نور اصغر شي بس تصرفو اكد انو هو اكبر منهم كلهم

بيبعد نور،مابيتحمل يلاقي اخوه مذلول هلقد مع كلشي صار
جمال:كرمال الله سامحوني،برحمة اخي بهاء تسامحوني
ياسمين:الزمن كفيل يعمل كلشي،خلي السماح لبعدين

بيمرء الزمن عهلحالة
حياة ياسمين ونور بتستقر كتير،والسعادة بتملي قلوبهم وبهاء بحضنهم
نور عم يرجع يشوفها طفلتو المدللة ويرجع يجبلا شوكولا يلي بتحبا،وعدها يرجع يعوضها عن كلشي
وأمو معن وكتير فرحانة فيهن،رجعت الروح الحلوة بلبيت

الصبح أعدين عم يشربو قهوة سوا

بتكون ياسمين اخدة معها شوكولا لتاكلها مع القهوة،فجأة بيسحبا من ايدا نور
ياسمين:لك..عنجد انت غليظ
نور:لك اكلتيهن كلهن ماتركتيلي شي
ياسمين:بلله ليكون مفكر حالك صغير
نور مصدوم:يعني حضرتك الصغيرة
ياسمين بتطلع فيه:ممم يعني اصغر منك،بعدين انت شو بدك هلأ عطيني ياها احسنلك
نور:واذا ماعطيتك شو بتعملي
ياسمين:ياربيي والله بأذيك ها
نور:يلا لشوف أأذي😍

ياسمين بتخجل قدام حماتها بتطلع فيها بيلاقوها عم تضحك عليهن،بيستغل الفرصة نور وبيهرب لفوق
ياسمين بتصيح فيه:لك نووور ياحرامي انا بفرجيك

بتركد وراه وعزة بتهمس وهية عم تضحك:لك الله يثبت علينا العقل والدين،بلفعل العقل زينة

فوق بلغرفة بفوت نور وبسكر الباب
ياسمين بتخبط عليه
نور:مين؟
ياسمين:أنا ياسمين لك فتاااح
نور:هأ مابدي مرتي مو هون ومافيني فوت بنت لهون

ياسمين بصيرو عيونها هيك😍وبتقول جواتها(ياالله اديشك وفي وبتحبني يانور)
بعدا بتسمع صوت ضحكتو وبتستوعب التفاهة يلي فكرت فيها بعقلها
ياسمين بصوت مسموع:لك لعما مااغباني،وانا صدقت كلامك لك فتاح
فتحلا وبيقلا:خير؟
ياسمين ببراءة:ممكن فوت

نور:اي هيك بتفوتي بأدب واحترام،تفضلي
وبيعمل بأيدو هيك💁🏻‍♂️ بتفوت شوي شوي بتقرب عأيدو وبتلقطها بسنانها بقوة،وهون ياحرام ماعاد تحمل نور وصار يصرخ

نور:لك شبك شبك شو شايفتيني
ياسمين:شايفتك شوكولا
نور بخبث:اممم طيب كليني شو ناطرة
ياسمين بيصير وجها احمر وبتخجل لانو فهمت عليه منيح
نور:يلا كلي مني،وخليني انا كمان اكل عسل

بتضربو عكتفو وبتقلو:غليظ

بتبرم بدها تطلع من الغرفة بيمسكا من ايدها وبيقلا:مابدك الشوكولا
بتطلع بعيونو وبتغرق بنظراتو المشاكسة،بيسحبا بقوة لعندو وبيخبط جسدا بجسدو،بيسحبا شوي شوي وعيونهم غرقانة ببعض
نور بصوت هادي:ياسمين،تتذكري آخر لقاء بيناتنا بلبستان
ياسمين:أي😔
نور:انا فقدت ذاكرتي عن كلشي مضى،إلا هداك اليوم،تتذكري شو عملتي بيوما
ياسمين بتدوب من خجلا:لك سكوت
نور:ههههه لك وكل هلسنين كنت فكرك بريئة ومالك بهلقصص،بس طلعتي اوووه😍

بتسكرلو تمو بأيدا،بمسكلا ياها وبيصير يبوسا
نور متقصد يستفزا:بس متأكد مافيكي ترجعي تعيديها
ياسمين بتحدي:غلطان،انت لسا مابتعرف ياسمين
نور:لا لا،بعرفك منيح وماخرجك شي

بتقرب منو بتحدي والعشق مالي قلبها.... وهلأ،كيف حال باقي شخصيات قصتنا؟

فتون عاشت اصعب أيام حياتها عند اهلا صارت خادمة ألهن ولأخوها ومرتو يلي ساكنة معن،وفوق كل هاد كلام الناس على انها مطلقة،ويلي زاد وجعها أنو جمال منعها تشوف بناتها قلا انو مابدو بناتا يتعلمو منها شي،حتى بفترة علاج بنتا ماقدرت تشوفا

جمال كان عند كلمتو انسجن بس ٣ شهور بما انو ماحدا تأذى وانو سلم حالو بدون شكوى

وبنتو عم تتعالج ووضعها تحسن كتير وياسمين عم تعامل بنات جمال متل ابنها وعزة كمان عم تعلمهم الطيبة والحنية وبنفس الوقت القوة المحدودة

عمار اخبارو سيئة جداً يعني لو يموت ارحملو،كان عم يعذب نفسو بلمصح يوم بيلاقو عم يضرب نفسو بأدوات صلبة،وايام كتيرة بيبقا بلا اكل وبيضطرو يحطولو سيروم،عطول عم يصرخ ويضرب راسو بلحيط ويحكي كلام بيشرح العذاب يلي عم يعيشو جوا

جنونو عم يزيد وماعاد يقدرو يتركو مع البقية بلمصح لذلك حطو بمكان لحالو وهاد خلا حالتو تسوء اكتر واكدو الدكاترة استحالة شفاءو،رح يبقا هيك ليرحمو ربنا وياخد روحو لأنو يلي عم يعيشو حالة نادرة ومابيقدر يتحملا بني آدم

بعد ٥سنين
كبرو بنات جمال،وبهاء طلع كتير بيشبه نور وبيجنن

عمار انتحر قبل كم سنة وجمال رجع وعاش بلفيلة وياسمين جابت بنوتة بتجنن سموها(دهب)
عزة مبسوطة كتير بعيلتا بغض النظر عن الغصة يلي بقلبا

نور😍اااخ عنور،لسا نظرات العشق والمشاعر ماتغيرت وكأنن مراهقين بأول عمرهن وكل فترة بياخدهم عشي بلد

بس بعد هيك بيخصص وقت ألو ولياسمينتو فقط،بيخطفها من الكل وبيسافرو كم يوم وبيرجعو

بمكان بعيد
اطلالة علبحر وهنن اعدين بلفندق
نور:ليكي علمنظر شو حلو
ياسمين:أي والله بجنن
نور بيكون عم يمسح عشعراتها:حبيت هلمنطقة كتير،كلشي فيها حلو
ياسمين بتفتح عيونها🙄

نور:ياسمين شو رأيك تلوني شعرك اشقر
بتنط من حضنو وبتتخنصر
ياسمين:بلله شو،وبدك ياني صير متل هدول يلي تحت
نور بيكتم ضحكتو:لا ياعمري بس..
ياسمين:قلت المنطقة حلوة ماختلفنا قلت كلشي فيها حلو سكتنا،بس تكون عم تطلع علبنات هون لا وبدك صير متلهم
نور:مو لازم تعملي كلشي بدو ياه زوجك
ياسمين:بلله ليش انا شبن لون شعراتي آه،من يوم يومك بتقعد بتتغزل فيهن وبتقلي شوكولا سايح

نور:بطلت حب الشوكولا
بتعصب وبتصير تتلفت حوليها بتلاقي مخدة بتخبطو فيها

نور بيمثل الألم:لك اخ يامجنونة وجعتيني
ياسمين:اي بتستاهل
نور بيضحك:لك من كل عقلك بتغاري عليي
ياسمين:وليش لا،بعدين يعني..انت مابعرف ليش هيك،يعني كل البنات بيتطلعو فيك