مارح يفيدوكي ولو بنتفة ع قد ما الصلاة بتفيدك
.
طوال ما انتي هيك نفسيتك رح تضل صفر وبالمقابل الكل رح يبعد عنك
.
وحسب مو شايف انتي خسرتي الكل قتلتي كل علاقاتك بقلة اهتمامك وانا وحدة من هالعلاقات نقتلت وانطفت نحنا ماعاد نفيد لنكون عيلة وحدة ومتماسكة
.
براءة: لاتحكي هيك بترجاك والله بدي اتغير أمانة فهمني
.
زيد : انا تعبت من كترة الحكي والنقاشات رايح شوي وراجع
براءة : خليك شوي أمانة
زيد : رح ارجع لنتفاهم ونوصل لقرار مصيري
ابتسمت براءة
زيد : قرار يرضينا نحنا التنين وبجوز ما يعجبك
براءة : شو ماكان انا رضيانة المهم نرجع متل قبل
.
نزل زيد ع سيارتو وراح يفتل فيها انخنق وما عرفان شو يعمل
.
اما براءة اتصلت ع أمها تحاكيها
.
عزيزة : اي بنتي كيفك
براءة : ماني تمام
عزيزة:شو صار معك شي
براءة : النزيف ماعم يوقف أمي صرلي اكتر من شهر ونص
انا لما ولدت اول مرة ضليت انزف اربعين يوم بس
.
عزيزة : يكسر ايديكي شكلون توم صبيان بيقولو ام الصبيان بعد الولاد بتضل اكتر من شهر عم تنزف
.
براءة : لك بلا توم صبيان بلا توم بطيخ المهم خلصت منن بس خايفة زيد يحس بشي
عزيزة : ياويلك من الله ع عملتك هي رفستي النعمة يلي اكتر الناس بيتمنوها وأولن اختك
براءة : امي بترجاكي حاولي تفهميني انا اجهضتن لأرتاح لأقدر
بلش من جديد مع زيد شام وياسمين مو تاركينلي شوية وقت
.
عزيزة : مارح تفهمي لتكبري اكتر من هيك ويكبر عقلك
انو الولاد زينة الحياة لك انتي ك ام شو بتسوي بدون ولادك
كيف بدك تبلشي من جديد وانتي فضلتي العبد ع رب العبد
.
بدك وقت مع جوزك خدي وقت وبلشي من جديد بس وين رح تودي وشك من ربك يوم الحساب كيف رح تقليلو قتلت نفسين قتلت قلبين عم ينبضو قتلتن بأيدي مشان عيش ع راحتي
.
براءة:اتصلت فيكي فش خلقي خليتيني اكتب بترجاكي امي لاعاد تذكريني بعملية هالأجهاض وادعيلي يروح النزيف قبل ماروح بخبر كان
.
عزيزة : رح ادعيلك الله يحميلك هالبنات يلي عندك احسن شي
ويهديكي ويكبر بعقلك
.
سكرت الخط براءة قبل ما تسمع دعوة أمها حتى
.
نوعا ما عذبها ضميرها بس شعورها بأنها خلصت من حمل كبير خلاها تحس براحة ماكانت بتعرف انو لما امها كانت تقلها
وهي صغيرة يابنتي حبل الكذب قصير أوعك تستسهلي بمشاكلك وتواجهيها من أسهل مكان ..واجهيها بقوة ولو كنتي ضعيفة انك تتخطي مشكلة هاد بحد ذاتو قوة
.
كانت تفكر هاد مجرد حروف مزينين بشوية نقط هدول كانو قاعدة قوية لازم تمشي عليها بكل حياتها بس للأسف هي استسهلت واختارت انو تعصي ربها بدون ما تفكر انو ممكن ربها ما يستنى يوم الحساب ويعاقبها بالدنيا
.
بعد ما أمها خبرتها انو بتغضب عليها اذا بتأجهض الأطفال اقتنعت نوعا ما ،، بس لما راحت عالبيت وبناتها كالعادة إلهن نق ونكد و كذا ما تحملت وصارت تدور ع رقم رفيقتها من أيام الجامعة كانت بكلية الطب بتدرس
.
اتصلت فيها وخبرتها بوضعها وترجتها تأجهضلا الولاد يلي ببطنها ولما سألتها عن السبب بكل وقاحة كذبت وقالتلها جوزي مابدو ولاد ابدا وإذا دري بيدبحني وفعلا راحت عملت عملية كورتاج وراحت زيارة عند أمها اسبوع مشان ما يحس زبظ بشي لوقت ما تحسنت ورجعت ع بيتها بس قررت تتفادا زيد
.
مشان ما يشعر بأنها عاملة شي بحالها
.
التفتت براءة وإذ بتشهق
براءة: زيد رجعت رعبتني
زيد فهم من طريقة كلامها مع امها شو عملت بس بدو يتأكد : شو عاملة من ورا ضهري
براءة تلبكت : ولا شي شو بدي اعمل
زيد صرخ بقوة هز المكان هز : براءة إذا مابتحكي بكسر الدنيا
لك بموتك والله
براءة حست حالا وقعت وانكشف أمرها عم يتصبب عرقها ع وجهها ريقا ما قدرت تبلعو وقفت غصة كبيرة بحلقها
.
هلأ عرفت خطورة الشي يلي ارتكبتو
زيد بترجاك اسمعني بس شوي
زيد ما عاد يشوف إدامو صار يكسر كلشي عم طلع بوجهو
.
لك كيف عملتي هيك شي بدون ما تخبريني لككك هدول ولادي
بتعرفي شو يعني لك كيف بتقتليون لك مجرمة انتي
.
براءة شبه استفزها كلامو اكتر ما يقهرا :لكن انت شو عبالك انت لا بتسهر معن ولا حَ تهتم فيون ولا رح تسكتهن لما يبكو
ولا رح تنقص شي من راحتك كرمالن انت بس انبسط عليهن
وانا بتعذب لا ما حذرت انا عافيتي مو من حديد ايواا
.
دغري اجاها كف متل الرنان رن صداه بكل البيت
.
هي الصفعة الأولى يلي بتاكلها من زيد بحياتا ما توقعتو يمد ايدو عليها ..حاطة ايدها مكان الكف وما عم تستوعب كيف عمل هيك
.
أما زيد لو بيسخى كان جاي عبالو يكسرها تكسير لانو يلي عملتو ما بينغفرلو
.
زيد :انتي تماديتي كتير كان عم يحكي ويلهث من تعبو
بس هالمرة مو جسمو يلي تعبان قلبو هو يلي تعبان
زيد استسلم وبطل بدو يكمل مع زوجة غير مبالية مع زوجة بدها رياحتها قبل رياحة ولادها هالمرة الحب ما كفا لتستمر

علاقتهن ،،الحب في وراه مسؤوليات وبراءة ما تحملت
واكيد لازم تدفع تمن اغلاطها بس كيف الزمن والقدر وحدو يلي بلي بقررو
.
براءة : والله مابعرف كيف هيك ماتوقعت تعصب كل هل
زيد :اخررررسيييييي مابدي اسمع صوطك لاني عم اكرهو
.
مابدي ناقشك رح قلك كلمتين فهمين منيح وركزي فيهن
تلعثم شوي ...رجفو شفافو بس حكاها
.
انتي طالق براءة
براءة جنت وصارت تنط وهي عم تصرخ
براءة: زيد بترجاك لا تعمل هيك لا تتخلى عننا انا غلطت بعرف بس بترجاك سامحني ماحدا معصوم من الغلط
.
زيد : متل ما حرقتي قلبي عالولاد يلي اجهضتيهن وما اكترثتي لأمري واعتبرتيني رجل كرسي ورحتي تصرفتي من عقلك
.
رح ردلك ياها ورب العزة لردلك ياها وبتقولي زيد قال
.
براءة فقدت عقلها انصدمت كتير بس من شو ما عرفانة
.
انصدمت من طلاقها المفاجئ ولا انو كيف أجهضت اطفالها بدون ما تخبر زيد ولا الصفعة يلي اكلتها من زيد ع وجهها يلي صحتها من كل شي كانت عم تعملو بدون ما تشعر صارت تصرخ
.
زيييد استنى ...كيف بتمد ايدك علي واطي انت تفووووو
.
اااااااااااااااااه ياربي اوووووووووف اوووووووووف
.
صرخاتها كانت ممزوجة بالوجع والغصة كانت لحظة تصرخ ولحظة تاخد نفس لحظة تحس بحالها موجودة وصاحية
وبلحظة تحس الدنيا عم تفتل فيها
.
حرقة قوية صابتها بعيونها وجع فظيع صار بأسفل راسا وكأنو اجتها أول ضربة من هالدنيا يلي ما بتترك حدا مرتاح
.
أما قلبها شعلة نار اشتعلت فيو ،، شعور كتير صعب وموقف اصعب كانت لاتحسد عليه
.
لك خرسووووو خرسووو اصلا انتو السببب بكرهككننن لك بكرهكننن ياريتكن ما جيتو ع هالدنيا انتو دمرتوني انتو السبب
ياريت لو بتختفو من وجه الارض رح كون اسعد انساااااااانة
عم تفهمو رح كون اسعد انسانة
.
.
هاد الكلام يلي كانت عم توجهو لبناتها يلي عم يبكو إدامها من قساوة الموقف يلي شافو بين أمهن وأبوهن هيك تلقو الرد من أمهن ع حزنهن ع انفصال عيلتهن عن انفصال اكتر روحين متعلقين فيها
.
مرقو كم ساعة لقدرت تسترجع نفسها اول شي عملتو فاتت تحممت وطلعت نضفت البيت من التكسير كان شاغل بالها زيد وكيف بدا تصالحو رغم كلشي عم يصير هي بتحبو من جواتها مابتقدر بلاه بس الظروف كتير بشعة لما تقدر تتحكم بالشخص
وتصرفاتو
.
حملت موبايلها وقررت تكسرو مع أنو كانت عم تحس بدا تكسر قلبها مو الموبايل بس كان بدها من قلبها تبلش بداية جديدة
.
بس للأسف براءة ما كانت بتعرف انو الحياة ما بتمشي ع كيفنا
الحياة بدها تمشينا ع كيفها ،، نحنا بدورنا كأشخاص عايشين ضيوف ع وجه الأرض نستغل كل فرصة حلوة بتعطينا ياها الحياة نستغل كل هدية ممكن تجلبلنا سعادة بتعطينا ياها الأيام
.
اذا دققنا بحياة براءة منشوف انو عطتها الحياة فرص كان ممكن تعوضها أيام حلوة ،، بس للأسف متل ما بقولو لما بيوقع القدر بيعمى البصر وهاد يلي صار
.
قبل ما تكسر موبايلها اتصلت ب زيد اتصلت كتير ومارد عليها
.
اطلعت بالساعة كانت يمكن عشرة وربع
.
نسيت موضوع تكسير الموبايل وراحت عملت اكل لبناتها وطعمتهن ونيمتهن
.
سطحتهن عالتخت حد بعض وطبعت بوسة ع خدودهن
رغم كل قساوتها عليهن بالفترة الأخيرة بس بضلو الولاد قلبهن معلق بأمهن ..ذات الشي مع الأم قد ما قسيت ع ولادها بلحظات ضعفها رح ياكلها الندم رح تحس بقلبها عم ينكوى لما تتذكر انها عصبت او جرحت اطفالها وهاد يلي صار مع براءة
.
بضحكة عريضة غمروها شام وياسمين وبوسوها من خدودها بوسات غميقة
.
يالله شو كانت عيونهن مليانة براءة ابتسامتهن شو كانت نضيفة ...نضيفة لدرجة ما كانت بتعرف شو معنى غدر الأيام
.
دفنت راسها براءة بحضن بناتها استنشقت ريحتهن ،، ودموعها عم ينزلو بغزارة بدون ما يطلع صوتها قلبها عم ينحرق والأسباب كتيرة كتفت بالسكوت بس عقلها شغال وعم يرسملا سيناريوهات مشكلة ملونة
.
براءة : اذا طلبت منكن تسامحوني بتسامحوني
.
همست شام بأذن أمها: لاهافي امي لا هافي (لا تخافي امي)
.
ياسمين صارت تضحك ع لعثمة اختها بالكلام أما براءة صارت تبكي وزادت شهقاتها
.
براءة : مارح خاف يا ئلبي طول ما أنتو معي مستحيل خاف
بس بتوعدوني ديرو بالكن عليي وانا بدير بالي عليكن تمام
نحنا التلاتة بحاجة اهتمام ورعاية
.
البنات عم يضحكو بس
.
غفيت براءة جنبهن وصحيت بعد ساعة ع رنة موبايلها
.
كان جاييها مسج من زينة عبارة عن صورة فتحتها ماكنت متحملة من النت كتير ضعيف
.
.
طلعت عالساعة كانت 11 باست بناتا وقامت كانت شبه متفائلة بس لما تذكرت شو صار رجعت انكربت اخدت نفس وزفرتو بقوة وحكت بسرها ...رح حاول صلح كلشي وأطلع من هالمصايب بأقل الخسائر
.
قامت عالمطبخ تعمل نسكافيه حطت الركوة عالغاز
براءة: يي كيف خلصانة الجرة وما انتبهت

.
شغلت سخانة الكهربا وحطت الركوة عليها وفاتت عالصالون تشوف شو باعتة زينة
.
فتحت الصورة كانت صورة ل زيد و سهى أعدين وفي بيناتهن شيخ بالأول براءة مافهمت الصورة بس لما قرأت المسج يلي باعتو زينة استوعبت شو عم يصير
.
مسج زينة :ياريت لو يرجع زوجي للحياة لأبقى اخدمو طول عمري لحتى روحي قدملو ياها ما أرفضلو طلب بدفع كل تعبي وعافيتي مقابل بنتي ما تعيش يتيمة او مع أم تانية غيري
.
انتي وصلتي زوجك لهالمرحلة زوجك اليوم عم يتزوج عليكي بسببك انتي اهمالك وصلكن لهون اذا فتحتي مسجي ممكن تلحقي توقفي هالمهزلة واذا ما قرأتي المسج راحت عليكي
.
شعور غريب تملكها لبراءة وهي عم تقرأ المسج قلبها عم يخفق بقوة لي كل هالمصايب عم تصير لي كل هالجروح قلبي مو حمل
.
خذلان وخيانة اصعب شي ممكن يمرقو بحياة الأنسان
.
وشو كرهتك يا سهى بهالنهار دائما بقولو الطعنات بتجيكي من أقرب الناس الك بس ما سدقت كنت مفكرة اني عرفت اختار اقرب الناس الي ومستحيل يأذوني طلعت غلطانة كتير
.
انا يلي أذيت نفسي لما اعتبرتك صديقتي لما شاركتك اسراري
متل الغبية احكيلك عن مشاكلي مع زيد يا ترى كنتي تنبسطي لما نكون متخانقين
.
انعمو عيونها وما لاقت حالا غير لبست وطلعت من البيت
تذكرت البنات بآخر لحظة بس كانو نايمين لذلك تركتن وقالت ببالها ما رح طول عليهن اكيد ما حَ يفيقو بهالوقت القصير
ماكان بدها غير تروح تبزق بوجه سهى ما وجعها خيانة زوجا قد ما وجعتها خيانة سهى خيانة ام زيد
نزلت وتوجهت ع بيت حماتا
.
دقايق ووصلت فتحتلها حماتا
.
ام زيد : اهلين
براءة: اهلين ....ههه يا الله شو انك بريئة
.
دفشت الباب وفاتت : وينو زيد
ام زيد : تاخرتي لتسألي عنو ..هو مع عاروستو يئبرو ئلبي شو لابقين لبعض
.
براءة صرخت مع دموعها يلي عم تنزل: وينو زيد قلتلك جاوبيني
ام زيد : وانا جاوبتك زيد مع عاروستو
.
براءة : الله لا يسامحك كيف هيك عملتي فيني لك انتي بحياتك ما كنتي أم كيف قبلتي حفيداتك يصير عندن مرت أب
ام زيد :حفيداتي صغار مو فهمانين شي ولما يكبرو رح يكون عندن أم وحدة بس هي سهى
.
زيد رح ياخد البنات بس انا ماسمحتلو قلت حرام هي أول ليلة للعرسان ماحلوة ينزعجو من أول يوم
.يتبع

الجزء العاشر

قدرت أم زيد تخلي كنتها تفقد أعصابها براءة فعلا جنت من جواتها عم تختنق بمخيلتها كانت عم تصرخ وتدعي ع حماتا
.
لك الله يسطفل فيكيييي يخرب بيتك ....عدوة الله انتي
.
الله لا يساااااامحك الله لايسامحكنننننن
.
فتحت عيونها وكان كل شي تمام قدرت تسيطر ع حالها
رغم كل شي صار ما بدها تغلط ع وحدة بعمر أمها
.
رغم الأنهيار يلي جواتها رغم نار الغيرة ونار الحقد
رغم الأنطفاء والأنكسار الخذلان والخيانة قدرت تضل واقفة ع رجليها بس عيونها كانو فاضحينها
.
براءة : تمام بتشكرك من ئلبي ...فتلت حالها وتوجهت عند الباب
.
رجعت فتلت وطلعت ب ام زيد بعيون مليانة حزن حكت بصوتها المبحوح
.
هي هية انتي نفسا يلي بيوم من الأيام اعتبرتك أم تانية
.
بتعرفي شي ...فكرة انو انتي ستن ل بناتي كتير بتخجل
.
مستحيل اسمحلك تكوني ستن بعد اليوم
من اللحظة يلي هانو فيها شام وياسمين عليكي اكدتيلي انك بلا قلب انك حدا منافق... مو انتي نفسا الحنونة ام قلب طيب طلع عندك جانب تاني بيأذي الناس لمصالحن ومصالح ولادن عندك جانب بحالك بيحب يأذي الأرواح البريئة
.
ام زيد ساكتة وماعم تنطق بشي اما زينة فكانت عم تسمع كلشي ومحتارة شو تعمل مالاقت غير حل وحيد
.
طلعت براءة ولحقتها زينة
.
ام زيد : درب يسد مايرد انشالله
.
نزلت براءة عم تأشر لتكسي زينة استوقفتها وهي عم تلهث
.
زينة : خدي
براءة :شو هاد
زينة:عنوان المكان يلي اعد فيو زيد وسهى
براءة :ماعاد يهم احتفظي بالعنوان الك
زينة : القصة مو متل مانك مفكرة
براءة : زينة بترجاكي قلبي واجعني بما يكفي يلي صار صار
انا كرهت بتعرفي كيف انا كرهت كلشي بهالحياة حتى زيد كرهتو
.
زينة : زيد تزوج بس سدقيني بلحظة غضب من لما دري انك مأجهضة التوأم بدون ما تسألي جن جنانو
.
أعد ساعة يقنع سهى هو ترجاها لتتزوجو مشان يكسرلك راسك
سهى قبلت بشرط واحد انو يطلقها بكرا ويكتب كتابو عليكي
.
براءة :ها ها ها ها كويس كتر خيرها رفيقتي تزوجت لمصلحتي يعني ..مشان ينكسر راسي وصير اترجا زيد يرجعلي مشان معاملتي تتحسن مع الكل مشان ارجع اهتم بالكل متل قبل
.
زينة :غالباً هيك
براءة : بحب طمنك انو براءة القديمة ماتت انا هلأ عم حاول اصنع أنسانة جديدة لاقدر عيش ب سلام مع بناتي
.
زينة : براءة القديمة موجودة بس جروحها بدا تضميد
.
مسحت دمعتها براءة واخدت الورقة من زينة
هاتي هالورقة خليني روح شوف شو عم تعمل رفيقتي بهالوقت مع زوجي
.
زينة : بكون نامو شو بدن يعملو يعني
براءة : اذا زيد بيعرف اني جاي لعندن بتنسيني وبتنسي صداقتنا لاتخذليني متلن
.
زينة : تكرمي مارح قلو مشان تشوفي بعينك انو كتابن انكتب ع بياض وبكرا رح ينتهي
.
راحت براءة عالعنوان نزلت من السيارة وفي خوف بقلبها
خوف من المجهول من اللحظات يلي عم تستناها
.
اطلعت بالورقة وطلعت عالطابق الثاني
.
رجف قلبا بس قوت حالها ودقت الباب بأيد وبالأيد التانية حطتا عالعين الساحرة مشان ما يشوفوها منها
.
دقايق وانفتح الباب
.
وجهت نظرها ع يلي فتح الباب وكان زيد ما خاب ظنها
.
كان ببنطلونو الجينز ومو لابس كنزة ،، صدرو عاري تماماً
.
ما نصدمت من يلي شافتو كانت متوقعة
.
حولت نظرها ع رقبتو وواضح جدا الروج المتناثر عليها
.
قرفت كتير منو بس مطرة تدخل وتواجه سهى
.
زيد : شو جابك لهون
براءة : جيت باركلك
رفست الباب برجلها وفاتت مشيت بالممر يلي بيودي عالصالون
.
كان ممر طويل وماعد تخلص مشي فيو او رجليها ما عم يحملوها لتقدر تكفي
.
سهى : زيد مين عالباب ....ح حبيبي
.
براءة :ومسدقة حالك كمان يا واطية يا قليلة الشرف
.
ايمتا جوزي صار حبيبك
.
قامت سهى بسرعة من مكانها كان شكلها بخجل كانت لابسة فستان قصير كتير ...بينعد بلوزة مو فستان
.
سهى : ب براءة
براءة: اي انا رفيقتك اتذكرتيني ...بتعرفي بهنيكي ولله
رغم انو هالمهزلة عملتوها كرمالي وكرمال تربوني بس برافو
مانسيتي تجيبي معك فساتينك المغرية وال**** برافو
.
يعني شوفي احلا من انك تستغلي كتب هالكتاب وتعيشي ليلة حلوة بالحلال انبسطتي ورفهتي عن نفسيتك وكلو بالحلال نيالك لا وشووو مع حب حياتك كتير حلو طلعتي انتي سهى يلي كان بدو يخطبها زيد قبلي ...بس شو بدك تعملي لما شافني
ماقدر يقاومني ويتخطى الأنجذاب يلي صار معو
.
سهى : براءة شو عم تحكي استني لفهمك نحنا مكتوب كتابنا
.
براءة : اي بعرف فهمانة كل شي...بس تعي أنا لفهمك شكلك مو فهمانة يلي عم يصير...... انا اخر فترة اهملت زيد كتير وبصراحة انو عيب احكي بس مابيقدر زيد إذا ما ***وفهمك كفاية ...بتعرفي ربنا قال بكتابو انو الأقرباء أولى بالمعروف
.
بقا مالاقه غير بنت خالتو يفرغ فيها طاقتو بس الحمدالله كلو بالحلال يئبر ئلبي مابيعمل شي يغضب الله

.
يلا روحي تحممي يا شطورة وجهزي حالك بس يطلع الضو رح ينرمى عليكي يمين الطلاق وتصيري مطلقة
.
كان كلام براءة عم ينزل متل السكاكين ع قلب سهى
.
وما قدرت ترد هي فعلا خانت رفيقتها بس بدون ما تشعر بلحظة ضعف لحظة غباء سلمت حالها ل زوج رفيقتها
.
تركت المكان وطلعت زيد مصدوم ومو عارف شو يحكي لبس كنزتو بسرعة ولحقها كانت عم تركد مسكها بقوة من معصمها
وحطها بسيارتو
.
براءة : تركني زيد تركنيييييي
.
ااااااااااه لك كلب و وااااااطي انت خاين وغدار لك تفوووو
.
براءة استغلت الفرصة بأنو صارت بالسيارة وبلشت تصرخ وتلوم زيد
.
زيد : عفكرة انتي ما بتزعلي انتي بتستاهلي
براءة :موو هيك موووهيك يا زيد كيف بتجازيني بهالطريقة
.
انت خسرت عيلتك خسرتني انا والبنات بكرهكككككك
زيد : وانا بكرهككككككك انتي خنتي الثقة وخنتي الصدق انتي طلعتي كذابة
.
براءة :ماكان عندي حل تاني ماكنت قادرة احمل مسؤولية اطفال جدد بالوقت يلي مو قادرة فيو احمل مسؤولية حالي
.
لك ما حاولت تفهمني لك انا تعبانة فهموني لك ساعدوووووني
.
كلكن صرتو شرفاء مكة وبدكن بس تنظرو علي بدكن تفهموني الصح من الغلط مع اني عارفة شو الصح وشو الغلط بس كان في شي عم يتغلب علي في شي عم يقلي هملي
.
انا انضغطت كتير كبتت كتير جواتي نفسيتي بكل يوم تصير ابشع من يلي قبلو ما كنتو تحسو كنتو مشغولين بالتنظير عليي
.
انا بكره الكل ماعاد بدي ياكن طلعو من حياتيييي
.
شلحت محبسها ورمتو بوجه زيد
.
تركني بترجاك معد بدي ياك بكرهك وبكره كلشي جمعني فيك
باستثناء بناتي انا رح كرس كلشي الن من هون ورايح
.
زيد : حكيتي من هالكلام كتير رح ترجعي تتعلقي بالموبايل
.
شالت موبايلها ورمتو من الشباك
.
هيك سدقت اني حابة اتغير بس مو كرمالك ابدا
بدي اتغير كرمال بناتي
.
وانت روح كمل حياتك مع رفيقتي
زيد : لاتعمليلي فيها انك مخذولة او خنتك اذا نسيتي بحب
ذكرك نحنا الصبح تطلقنا
.
براءة : ههههه ضحكتني ...فعلا رح تبقى طول عمرك هيك بلا قلب ومابتحس .... خسارة فيك الحب يلي قدمتلك ياه
.
زيد :انتي اخر حدا فيو يحكي عن الحب
براءة :صح مين أنا لحتى احكي عن الحب ...مو انا يلي تحملت اهمالك لعلاقتنا.... أبدا مو أنا يلي كبرت البنات وربيتهن لحالي بدون مساعدة منك .....وكمان مستحيل كون انا يلي كنت موفرتلك راحة بالليل روح اتكسر ونام بالأرض بغرفة البنات كرمال تصحى ع شغلك مرتاح
.
انا يلي حبيت وانا يلي ضحيت انا يلي دائما كنت عم قدم لعلاقتنا وبالآخر شو انا يلي نخنت
.
أربع سنين ...اربع سنين وانا عايشة بضغط مابيحملو العقل
لك ضل كابتة جواتي كرمال ما حسسك وخليك تدايق
.
انا أم ومن واجباتي اني قدم لعيلتي ..بس انت شو
شوووووو انت ...شهرين اهملت فيون غلطة وحدة ارتكبتا ودغري نهيت كلشي وطلقتني.... انت ما تحملت مساوئي
.
انا تحملتك بكل صفاتك وبكل تقلبات مزاجك
.
بس خلص لهون وبس هالمرة انا يلي رح انهي هالعلاقة
.
زيد : أناا ...مابعرف شو بدي قول أنا مجروح منك
.
قطع نقاشهن اتصال ع موبايل زيد
.
شبو هاد لي عم يتصل
فتح الموبايل
.
الو....اي انا.....سكت شوي وبعدها حكا وهو مصدوم
شووووو كيف هيك لااااا ياربي عم يفرك جبينو بأيديه وبلش يتصبب العرق منو
.
سأل براءة بكل تردد وخوف ...براءة البنات وين تاركتيهن
براءة : بالبيت شوفي زيد
زبد :جايين جايين ...عم يخبط بأيدو وهو عم يسوق
.
براءة بخوف: زيد شوفي احكيلي شوصاير
زيد ماعم يرد عم يسوق السيارة بسرعة جنونية
براءة عم تترجاه يحكي شوفي قلبها شعل نار وشعرت انو صاير شي
.
وصلو عالبيت وشافو كيف الناس متجمعة سيارات الأطفاء مسيطرة عالمكان ...العالم عم تحاكي حالها وتدعي ما يكون في حدا بالبيت
.
قربت براءة أكتر فاتت ب زحمة العالم لوصلت ع باب البناية
.
_منيح يلي انتو مو بالبيت
_كلو بيتعوض بالمال ولا بالأبدان
_ شو سبب الحريق يلي صار حسبي الله
_ لاتزعلي لك بنتي المؤمن منصاب المهم انتي وبناتك بخير
.
فجأة طلع من باب البناي 2 رجال كل واحد حامل بأيدو طفلة
.
زيد هجم وهو عم يصرخ صوات الرجال عليت عم يكبرو ومفزوعين من المنظر
.
براءة مصدومة واقفة بين الواقع والخيال بين الحلم النضيف والكابوس بين بسمة بناتها يلي رسموها من كم ساعة وبين أشكالهن هلأ يلي خافية كل ملامحهن
.
صوات الناس يلي حواليها عم تصلها مع صدى
.
صفنت شوي بالموقف يلي إداما ..فعلا شي ما بيتسدق
.
شي جواتها قلها ممكن ما يكونو هنن نفسن بناتك
.
رفعت نظرها وطلعت عالطابق يلي ساكنة فيو شافت كيف الدخنة السودة عم تطلع من بلكونتها
.
حطت إيديها ع أذانها وصرختت صرختها كانت كفيلة تهد جبال
.

ركدت عند بناتها كانو مشوهين من الحروق يلي بجسمهن
ياسمين جسمها ما اتحمل ماتت دغري
.
اما شام كانت موجهة نظرها ع أمها وعم تاخد نفسها بصعوبة
.
براءة : لاااااااا هدول مو بناتي بترجاكن هدول مو بناتي
اااااه.....زيد اعميل شي بترجاك شام يا قلبي هي مو انتي
.
انا بناتي نايمين فوق ...كنت غامرتن ونايمة انتو مو بناتي
.
ياسمين ياسمينتي لا تدبلي بترجاكي لا تموتي اصحي
.
لك ياااااربي ياربيييييييي خدني بسرعة دخيلك خدني ما بتحمل كل هالوجع ياااربي اسمعني بترجاك هدول مو بناتي رجعلي بناتي هدول مانن الي
.
زيد عم يبكي وقلبو عم ينحرق ما عم يصدق يلي صار عم يضرب راسو ب السيارة يلي جنبو
.
تركتن براءة وتوجهت ع بنايتها
.
استوقفها صوط الشرطي
.
ممنوع حدا يطلع لحتى نعرف شو سبب الحريق يلي صار
.
براءة : انا مافي ببيتي حريق ببوس ايدك خليني اطلع ع بيتي بالي مشغول تاركة بناتي فوق
.
.
الشرطي :يا آنسة ليكن بناتك تأذو من الحريق يلي صار بالبيت وتأذو من الروايح
.
براءة :عم قلكككك هدول مانن بناتي فهموووني
.
زيد : شام تمسكي يا ئلبي شام لا تروحي شام انتي قوية لا تموتيني
.
التفتت براءة وشافت الدكتورة عم يعملها صدمات ل شام كرمال تصحى بس لا حياة لمن تنادي
.
البنات كانو ضعاف لدرجة ماتحملو حتا ريحة الحريق بقة كيف انو انحرقو وتشوهت ملامحهن
.
هجمت لعندهن وصارت تترجاهن يصحو عم تضرب حالها وتقول أنا السبب
.
اخدو البنات عالمشفى بسيارات الأسعاف وبراءة أعدت بأرض الشارع سارحة وماعم تحرك جفنها هالمرة فعلا انهارت عالآخر
.
بطل فيها قوة تتحمل هالضربة دقايق ووصلو اهل زيد واهل براءة
.
اعدت أمها لبراءة : وصارت تضربها اما براءة ماعم تحرك ساكن
لك كيف هيك صار وين كنتي عنن انتي لك الله يسطفل فيكي لك الله يسطفل فيكي متل ما قتلتي هالبنات بسببك
.
براءة : بترجاكي أمي بترجاكي لاتحكي عن بناتي ليكي بيتي
.
أشرت ع بلكونة بيتها وقالت : صحيح عم يطلع منو دخنة
بس الحريق من عند الجيران انا ما عندي حريق
.
اطلعت عزيزة ببنتها كيف شكلها مرعب وممكن بأي لحظة تقتل حالها من الصدمة يلي هي فيا
.
ام زيد عم تلوم براءة وتعاتبها عم تدعي عليها كانت عم تقلها يا مجرمة ارتحتي قتلتي بناتك
.
(كان قهرن مني اقوى من زعلهن ع ولادي ...لما شافوني منهارة انبسطو لانو هاد يلي بدن ياه انن يشمتو فيني ويقلولي شفتي حكينالك رح يجيكي يوم تاكلي صفعة من القدر مشان تصحي )
.
وقفت براءة وراحت عالمشفى فاتت ورجليها مو حاملينها
.
طلعت ع زيد ماشافتو سألت الموظفة عن مكان بناتها
.
وكانت الصدمة لما خبرتها انهن بالبراد لانو الدنيا ليل ومافي دفن لبكرا الصبح
.
ركدت بدون وعي ع مكان برادات الموتى كان زيد آعد عالأرض جنب الباب
.
تخطتو وفاتت ،، وهو لحقها
.
براءة : وينن بناتي ويننننن كيف بتسمحلن يحطوهن هون
.
فتحلها زيد محل مو حاطين البنات ...اطلعت براءة ع بناتها ورجعت اطلعت ع البخار المتلج يلي عم يطلع نتيجة التجميد
.
انهارت من البكي وكأنو كائنات الدنيا كانت عم تدعس ع قلبها
.
قلبها اتقطع واتكسر لمليون قطعة حتى دموع ماعاد يطلع معا كانت بس عم تشهق
.
براءة : زيد كيف سمحتلن يحطوهن هون هلأ بيمرضو وبيضلو يعطسو طوول الليل
.
حكا زيد والدموع بعيونو : معلي هنن يصحو ويمرضو وانا بسهر ع راحتن طول الليل
.
براءة : انا السبب ... كيف هيك صار ليش الحياة عملت فيني هيك ...أنا ميتة بس مابعرف لي عم اتنفس
.
زيد : شو كنتي حاطة بالكهربا
.
براءة : حطيت السخانة ...انا ..انا نسيتها لما اختك بعتتلي صورك مع سهى انا دغري تركت كلشي وجيت ماتوقعت ادفع تمن اغلاطي بهالطريقة
.
زيد : السخانة حميت كتير والشريط ساخ بسببك انتي كهربة البيت نفجرت وولدت حريق ..بسبب اهمالك
.
براءة :اي صح بسبب اهمالي ،، بس الحمدالله البنات ما تأذو
.
زيد : براءة انتي بعقلك
براءة :انت بعقلي اكتر من كل مرة ..وبتحداك اخدك عالبيت وفرجيك كيف البنات غفيانين هنيك
.
زيد عصب وخاف ع براءة ملامحها بتدل ع أنها فقدت عقلها
.
اخدها عالبيت كرمال يفرجيها الكارثة يلي هنن فيها
طلعو عالبيت وفتحو الباب
.
كان كلشي مطلوس باللون الأسود الدخان والريحة البشعة مسيطرين عالمكان
.
ركدت براءة ع غرفة بناتا كانت عتمة ظلام ،،صارت تنده
.
شام ياسمين فيقو حبيباتي انا جيت ما اتخرت عليكن صح
.
شام ياسوو قومو حبابين رح اعملكن بوشار
.
زيد : شام وياسمين هلأ بأيدين الباري ،، هنن بمكان اجمل وانضف من هالمكان
.
براءة : لااااااااااا مابقبل مابصير ياخدهن هدول بناتي هدول الي
ياربي رجعهن للحياة بدي افرح فيهن اااااااااه
.
لااا هيك مستحيل مافيني عيش هيك

.
ركدت براءة بسرعة قوية ع برندة بلكونتها ورفعت أول أجر عالشرفة بس دغري زيد سحبها
.
زيد : مجنونة انتي شو عم تعملي
براءة :رايحة عند بناتي
زيد : اذا رحتي بهالطريقةاتأكدي مكانك رح يكون جهنم وبئس المصير
.
صدمة كبيرة صابتها لبراءة وندم اقوى تغلغل جواتها ماعم تخطرلا غير الأيام يلي قسيت فيها عليهن الأيام يلي قالتلن فيها انتو دمرتوني ...هنن هلأ دمروها بغيابن
.
صارت متأكدة اكلت عقابها لانت قتلت روحين بريئة جواتها
.
أما زيد قلبو عم ينحرق بس لازم يكون واحد من الطرفين قوي ومتماسك واكيد زيد يلي كان متماسك وكابت حزنو جواتو
.
مرقت الليلة وصارت الساعة سبعة الصبح ما حدا قدر ينام
.
بس بهالأثناء غفيت براءة وشافت بنومها بناتها عم يندفنو وكيف عم ينخنقو من التراب
.
نأزت بأربعتهاا وهي عم تصرخ وقلبها عم يخفق
.
فعلا صار وقت الدفن ،، اللحظة يلي الكل مو قدران يسدقها العالم متجمعة بالشارع وناطرين لبآجرو
.
زيد كان مشغول بأجرائات المشفى أما براءة ف كانت عم تبكي كانت عم تحترق كانت عم تنطفي شوي شوي مع طلعة بناتها
.
ركدت بسرعة عالغرفة لتشوف كيف الممرضة عم تلفهن بشاش أبيض عم تكفنهن بدون حمام
.
براءة : كيف هيك بدون حمام
الممرضة : ليش بدك تعزبيهن اكتر من هيك وتحمميهن حرام عليكي
.
براءة صارت تبكي ووجعها قلبها ماهان عليها بناتها يلتفو بالكفن بدون ما تحممهن وتعطرهن
.
ترجت أمها تقنع الممرضة تسمحلا تحممهن
.
وفعلا دغري اخدتها ع الحمام يلي بحممو فيه الموتى
.
براءة : ممكن بآخر لحظاتهن بهالدنيا كون معهن لحالي
.
ممرضة : اكيد ،، بس لا تطولي
براءة : تمام
.
فوتتهن وسطحتهن بهدوء عم تتمعن وتحفظ كل ملامحهن
.
رافضة تتقبل الواقع بس مجبورة تقبلو
.
حممتهن بدموع عيونها بكل لحظة كانت عم تمرق ذكرياتهن الحلوة معها ضحكاتهن العالية صداها عم يرن بمسمعها
.
عم تمسح ع شعراتن بحنية وتشوف الجروح والحروق المتناثرة بجسدهن
.
لاتخافو يا ئلبي انتو رحتو لعند يلي احن مني عليكن
.
بس كمان لا تشكوني ل الله..بس قابلتو احكولو اني بحبكن كتير قلولو اني بستاهل هالعقاب يلي عطاني ياه
.
رح ادعي ربي ياخدني لعندكون بأقرب وقت
.
قربت ع جبينهن وطبعت بوسات
.
سطحت راسا جنب راسهن وصارت تمسح ع وجههن وتغنيلهن
.
يالله تنام يالله تنام لاهديلك طير الحمام ..روح يا حمام لا تسدق عم غنيلن لحتى تنام
.
لحظات واجت الممرضة المختصة بالتكفين وكفنتهن
.
براءة :لاتغطيلن وجهن حبابة
ممرضة :بس مابصير هيك
براءة :ببوس ايدك والله بيختنقو
ماناقشتها كتير الممرضة لانها شايفة حجم وجعها وألمها
.
توجهو الكل عالمقبرة ليدفنو هالطفلتين يلي راحو ضحية التشتت الأسري ..يلي ضاعو بين مشاكل أمهن وأبوهن
.
راحو بدون ذنب ..بس مع ذلك تركو وجع وندم بقلب اهلهن ما ممكن الزمن يمحيه
.
براءة كانت متماسكة طول الفترة كانت بتعرف انو البكاء عالميت والنواح كتير حرام ..لهيك مابدها تعزب بناتها ببكاها
.
بس انهارت كلياً لما شافتن عم ينزلو عالقبر كان كتير ديق
.
قلبها راح معهن لما نزلو ما عم تسدق انو خلص ماعاد رح يكونو موجودين
.
عم تشوف كيف التراب عم ينصب عليهن
.
براءة : زيد ببوس ايدك شوف لي هيك عم يعملو بناتي عم يختنقوو انا بعرف
زيد :اهدي ببوس إيدك مرقيلي هالشوي ع خير
.
براءة :يا جماعة ليش ساكتين شوفو كيف عم يخنقوهن عم يصبو تراب ع بناتي
.
بابا شوف شو عم يعملوو امي ببوس ايدك خليهن يطلعوهن هنن عم يختنقو الحفرة كتير ديقة رح يخافو لحالون
.
كل الموجودين عم يقنعوها انو اكرام الميت دفنو وانو ربنا هيك قال ما كانت عم تستوعب ...عاطفتا غلبت عليها
.
ركدت لعند يلي عم يطمو التراب وترجتهن يبعدو
.
براءة : ببوس ايديكن فهموني هدول صغار حرام يندفنو
.
بترجاكن والله بدفنن عندي بالبيت بحطن بغرفة وبقفل عليهن
المهم يبقو جنبي..بترجاكن خلو القبر مفتوح
.
زيد بترجاك عالأقل كنت حطلهن ضو بالقبر...بناتنا بخافو من العتمة
.
براءة: ااااااخ ياربي دخيلكن اسمعو مني خلونا نعمرلن غرفة كبيرة بالمقبرة احسن من الحفرة لك شباك مافيها كيف بدن يتنفسو
.
الموقف نفسو عم ينعاد بذاكرتي كل يوم انا ما عم اقدر انسى
.
النار بقلبي ماعم تطفى العروق بجسمي من هداك النهار
لهالنهار بعدا شاعلة ماعم تطفى،،تعبت ياربي
.
تعبت والتعب مل مني ،، أنا جثة بشكل أنسان عم أتحرك
.
عايشة #على_قيد_الوجع....الألم...الندم...الحرقة
.
كانت أمي عندي امبارح ...اجت وهي مبتسمة متل كل مرة
.
جابتلي اكتر أكلة بحبها...ما بتتخيلو أديش وجعتني مو لأنها اهتمت فيني ...لأنها هي أكتر اكلة كانو بحبوها بناتي
.
ما تذكرتهن ولا تذكرت تترحم عليهن

.
كلن عايشين على قيد الحياة عم يتنفسو ويعيشو أيامن
.
حتى زيد أبوكن كفى حياتو وزواجو يلي كان ع بياض ثبتو بالمحكمة صار هو وسهى زوج وزوجة عند الدولة
صار عندو كمان بنتين كنت متوقعة يسميهن ع اسمكن بس خاب ظني ...بكرهو كتير ياريت لو الله محلل القتل كنت قتلتو بدون مايرفلي جفن..بسببو صار كلشي لو مو حاكي لأختو تبعت صورتو وهو عم يكتب كتابو ماكنت فقدت عقلي ونزلت من البيت ماكان صار هالحريق يلي سلبكن مني
.
نزلو دموعها عالدفتر يلي عم تكتب عليه كل مواجعها
صارت تاخد نفس وتزفرو متل ماخبرها الطبيب كرمال ما تفقد عقلها
.
دقت الباب وفاتت الممرضة
.
الممرضة : كيف صرتي
براءة :........
الممرضة : مصرة ماتحكي
براءة : ........
الممرضة : اذا فضفضتي بترتاحي
رفعت نظرها ع الممرضة.. يالله شو كانت تعبانة كتير ضعفت بهالسنة يلي اعدت فيها بالمشفى في بعيونها انكسار لدرجة يلي معدي بالشارع وشافها اول شي بشوف انكسارها شعراتها نصهن رايحين الصفار مو بس اكل وجها الصفار مملي جسمها شكلها
.
بزعل كتير : هههه لما حاولت فضفص ل يلي حوالي جابوني ع مشفى الأمراض العقلية برأيك انا مريضة ولا مواجعي ما قدرو يحملوها
الممرضة : ليش ماعم تسمحي لحالك تطلعي من يلي انتي فيو
سنة كاملة صرلك بهالمشفى شوي بتجني وشوي بتهدي شوي حسك حدا كتير واعي وشوي حسك فعلا عقلك فيو شي
.
براءة: انا أم فقدت ولادها ليش ماعم تفهموني عقلي الباطني لهلأ رافض يقبل انو ولادي ماتو
.
شالت الكاسة يلي عالطاولة وشلفتها بقوة عالأرض
.
لهلأ بخاف عليهن لما يجي الليل
أشرت ع صدرها وقالت...لهلأ الغصة والخنقة آعدة هون
كل ما أتذكر أديش القبر صغير وديق عليهن عقلي لهلأ
بيضل يقلي بناتك عم يختنقو روحي فتحي القبر
.
تلقائيا الممرضة صارت تبكي مجرد ما سمعت بحة صوتها يلي عم تحكي فيها
.
براءة : قصتي بتوجع كتير عطيتك عنها رؤوس اقلام
.
بتحبي احكيلك كيف رفيقتي قبلت ينكتب كتابها ع جوزي
.
الممرضة: شووووو
براءة : بس وحياة الله ما وجعوني قد ما وجعني رحيل بناتي
.
بكل وقاحة جابت منو بنتين هي أوطى و أوقح حدا تعرفت عليه شايفة الحب شو بيعمل الحب اعمى وهي فضلت الصداقة عالحب
.
الممرضة : الله يكون بعون قلبك شو متحمل
براءة :بستاهل اكتر من هيك ...أنا قتلت روحين ببطني مالن ذنب والله عاقبني واخدلي الروحين يلي عايشة مشانن
.
اخدلي ياهن بأبشع طريقة ..خلاني دوق واتحمل مسؤولية موتهن ع عاتقي طول عمري رح ضل قول انا السبب
.
اوووووووووووووف لك اووووووووووف
.
قامت الممرضة بسرعة وعطتها أبرة المهدئ لحتى تغفى وتهدى اعصابها
.
سطحتها عالتخت واخد نظرة عليها وطلعت من الغرفة
.
قبل ستة اشهر براءة بلشت تتحسن بهالمشفى او غصب عنها عم تتحسن من خوفها انو يعيفوها لسا مدة أكتر بالمشفى
.
كانت كل ما تأعد تتذكر ماضيها تفقد عقلها تصرخ وتكسر
.
الها فترة عم تتبع نصيحة الدكتور وهو أنو تفضفض ل دفترها
.
لانو قد ما كتبت وفشت خلقها مارح يسألها ليش وكيف... رح يسمعها ويكتفي بالسكوت
.
بمكان تاني عند جوري ...وشو حليانة هالجوري الحب بيغير الملامح ...كانت مبينة متل الوردة الجورية
.
واقفة بالمطبخ عم تطبخ وحاملة ابنها بأيدها ماكان عم يسكت
.
فتحت جواد الباب وفات
.
جوري:جواد وأخيرااااا
جواد : وليس آخراً تعبان كتير لا تقليلي احمل عمر
.
جوري صارت تشلفلو بوسات وتدلع عليه : حباااااب بس لخلص الطبخة
.
جواد : اافففف بتمسكيني من نقطة ضعفي بتعرفي اني مافيني قاومك وانتي بهالكياتة
.
جوري غمزتو : اي يلا معناها تعال خود عمر عني مشان خلص بسرعة واجي لعندك
.
قرب جواد وحمل عنها عمر ومشي
.
جوري : بطريقك طلع ع أمير يئبر ئلبي شعي صحي من نومتو
.
مشان تحملو كمان
.
جواد : ولييي شو الله بلاني بزوجة روح قلبها تعزبني
.
سبحان يلي مابهون علي دعوة حدا وما بينسى حدا من كرمو وجودو
.
معجزة غريبة خلت جوري تكون حامل بعد ما فقدت الأمل بأنها تحمل وتنجب بعد شهرين من لما اجا أمير عالبيت ،، بلشت تحس بشي غريب بجسمها ولما حللت كانت حامل ماتوقعت أبدا حتى جواد ما وسعتو الفرحة بطل يخلي جوري تعمل شي بالبيت اهتمام الدنيا كلهااا حطو بجوري
.
وولد حب جديد بيناتهن وهلأ صارو متمسكين ببعضهن وكأنو حبهن الو أعوام
.
أما زينة ....ومين ما سمع بوجع زينة يلي فقدت زوجها بالحرب
.
يلي كل ما بتسألها بنتها وينو بابا بينكوى قلبها وبتحتار شو تجاوب
.
الحمدالله الله صبرها وعوضها خير زينة رجعت أقوى من قبل
.
كبت مواجعها وراها ووقفت ع رجليها أول شي عملتو انو كفت دراستها وصارت تشتغل واستقرت ببيت لحالها مع بنتها
.
الله هداها الصبر والنسيان وكفت حياتا ع هالأساس

.
بعد مرور شهر ....صحيت براءة بكير كتير صحاها صوط العصافير
.
قامت من مكانها وغسلت وجها ووقفت عالشباك عم تتأمل السما وتستنا إمتى رح تطلع من هالسجن
.
بهاد اليوم كان براءة رح تطلع من المشفى بالعادة ما بتقوم من تختها الصبح بتفضل تضل متسطحة وغارقة بذكرياتها
.
بس كان بدها تنهي قصتها بعد ما كتبت كلشي صار معها من بداية حبها لنهايتو صار لازم تكتب كلماتها الأخيرة
.
توجهت عالخزانة وطلعت دفترها وقلمها وأعدت عالطاولة يلي حد الشباك وبلشت تكتب
.
اليوم رح اطلع من هالسجن ...رح بطل شوف الدكاترة والممرضات يلي فعليا عملولي مغص بمعدتي من شوفتهن المتكررة
.
قصتي انتهت لهون بتمنى من كل قلبي تنطبع بشي كتاب ويقرأوها اكبر عدد من الناس متل ما وعدتني جوري انو تخلي جواد يساعدني لنطبعها بكتاب ...صحيح يلي رح يقرأها رح يتمنى انو تنتهي بنهاية سعيدة ..رح يتمنو حبنا انا وزيد يدوم ويضل للأبد
.
ممكن تكون نهايتي السعيدة لما صير اقوى من هلأ لما ربي يرضا عليي ويغفرلي عن يلي عملتو ممكن نهايتي السعيدة
تكون لما موت وقابل ولادي الأربعة بالجنة وأأعد احكيلن اديش تعذبت ببعدهن
.
بس بأكدلكن رح تاخدو عبر كتيرة من قصتي لا سمح الله كل ما تمرئو بشي موقف مشابه للمواقف يلي مريت انا فيها
.
رح تتذكروني وتقولو لا ما بدنا نصير متل براءة
.
بقصتي رح تشوفو الجانب الآخر للحياة الزوجية يلي اغلب البنات بشوفوها كلها حب وسعادة ومثالية
.
الحب ما بكفي يا بنات الغزل والكلام الحلو ما بكفي
.
الحب بدو مسؤولية بدو اهتمام الحب بدو رعاية بدو صدق وثقة الحب ما بينهمل لانو رح يدبل مع الأيام
.
لا تتزوجو إذا مانكن حمل تربو ولاد لا تظلمو حالكن وولادكن
.
الولاد بدها اهتمام لا تضيعو حالكن متل ما أنا ضيعت حالي
.
اهتمو بيلي بتحبوهن لانو يمكن مافي بكرا
.
سكرت الكتاب يلي بين أيديها وهي عم تضرب أخماس بأسداس
معقول هي القصة واقعية
.
نيسان : #على_قيد_الوجع أكتر رواية رح تبقى مأثرة ومحفورة بقلبي الله ينتقم منك ياسهى متل ما قبلتي تخوني رفيقتك
.
نجم وهو بالمطبخ : قهوة ولا نسكافيه متل بطلة روايتك
نسيان : قهوة ولا تتمألس عليي
.
اجا نجم من المطبخ وحامل فنجانين القهوة
.
اصلا بعرف بدك قهوة بس حبيت أتمألس...نيسان عم تبكي
.
نيسان: عم اتمنى تكون القصة مو حقيقة ع قد مو موجعة
نجم : #على_قيد_الوجع بظن الروايات الحزينة من اختصاصي ليش اخترتي تقريها
نيسان: حبيت شوف شو السبب يلي بخلي الأنسان يعيش #على_قيد_الوجع
نجم : اكيد عرفتي شو السبب
نيسان : الفقدان هاد أقوى سبب ممكن يخلي الأنسان يعيش
نجم :صحيح...وقيل في فقدان الأحباب مثل الموت البطيئ يقتُل ولايُقتل ...موت ولكنه وجع على قيد الحياة
.
نيسان غمرت نجم بقوة وقالتلو :نجمي انا بحبك ورح ضل حبك بوعدك
.
نجم : وانا بوعدك يا ئلبي يضل حبنا للأبد ..ولا تتأثري بهالقصة مو كل العلاقات هي هي نبذة صغيرة عن بعض العلاقات الفاشلة
.
نيسان : مابدي توعدني بدي تحلفلي انك ما ح تتركني ولا تفكر تخذلني لو شو ما صار
.
استنشق عطرها وهمس بأذنها :بحلفلك بحياة كل شي حلو مر علينا بحلفلك بأطهر علاقة و زواج ع وجه الدنيا يلي هي علاقتنا
.
انو يدوم حبنا للأبد وينحكى بقصتنا لأولاد أولادنا
.
نيسان :بحبك نجمي
نجم : بحبك أكتر نبضي
.
#انتهت_بعون_والله
.
لا تبخلو عليي بأرائكن أكتر قصة اخدت معي وقت و مشاعر ملخبطة
.
بتشكر كل يلي وصلو لهون بقرائتهن فرداً فرداً دمتم لي شيئاً جميل
.
لاتنسو تقلولي شو العبرة يلي استفدتو منها من خلال قرائتكن
. ‏ الحب ليس تشابك أيادي وكلامٌ من عسل وتبادل أحضانٍ وقُبل ، الحب اهتمام تضحية احتماء من العالم ، الحب مسؤلية ومن لا يستطيع تحملها ستكون نهايته وخيمة ، العالم الالكتروني ليس سوى شيطان يُلهينا عن واقعنا ومن فيه ليأتي يوم سنأكل أصابعنا ندامةً على ما فعلناه ، وان كانت الامرأة عاقر هذا ليس بيدها فالله اذا احب عبداً ابتلاه والله ابتلاها في ضناها ، كلام الأمهات ليس كالتراب وعليه تدوس بل كالتيجان يُوضع على الرؤوس ، مصائبنا من فعل ايدينا ومن يدري ولطف الله فينا يجري وايضاً لا احد يدري ، إن الانسان يظهر عند المحن والمواقف كفيلة لترينا العدو من الصديق ، الندم سيأكلنا جميعاً دون استثناء و وحده الله القادر على انتشالنا من كل آلامنا ♥️♥️
#الى_اللقاء بقصة جديدة بقلم الكاتبة:#حياةالروح♡
.
مع كامل حبي الكم♡

بداية القصة 💜

رأيكن بالقصة🧚‍♀👇
@Stories_3_bot

قصة جديدة : #عروسة_الثأر

"قراءة ممتعة" 🌸♥️

#عروسة_الثأر
#بقلم_سارة_العلي

لما لسى تكون العادات والتقاليد مسيطرة علينا والبنت عنا ما لا كلمة بتحديد مصيرا

لما توقعي ضحية كرمال توقفي دم بين عيلتين

بس المشكلة الأكبر تكوني بتحبي شخص و يجوزوكي اخو وما تقدرو توقفو هالشي

لما الأخ يعرف بحبك لاخوه بس ما يهمو ويعاملك بقسوي َ يعتدي عليكي وما يهتم لوجعك

لما تتأقلمي مع حياتك الجديدة بس الموت يبلش يسرق اشخاص من حياتك

ياترى مين هني و كيف رح تكملي حياتك مع شخص ما بتحبي ولا القدر الو رأي تاني

‏ #عروسة_الثأر #الجزء_الأول

الماضي عام "١٩٨٤"

ببيت كبير بقرية قريبة علمدينة،آعدة صبية ببداية العشرينات،حامل وبلأشهر الأخيرة وجنبها زوجها بأول التلاتين

أيوب:أنا فرحان كتير،شو قالتلك الداية ولد ولا بنت؟

عزة:ههههه لك شو هلحكي يارجال هنن كم يوم ورح تعرف،شو قالولك الداية بتعلم بلغيب

أيوب:بدي ياه ولد،عم تسمعي ياعزة،ولد..بدي اثبت للكل أنو أيوب أبن جمال اليونس قدر يوقف عرجليه ولوحدو

عزة:ياخوفي ياأيوب ترجع تعيد الزمن بولادك وتعمل فيهم يلي عملو أبوك فيك

أيوب:مو غلط..يلي عملو أبي ابداً مو غلط

عزة:كيف مو غلط؟أنو يعطي المال كلو لأخوك وبس مو غلط؟

أيوب:من لما كنا صغار أبي يعتمد ع أخي اكتر مني وكنت حس حالي مو بمكاني وقت اشتغل معو وأول ماتركت ابي ورحت شتغلت عند عيلة تانية،أبي قرر أنو يعطي المال للي بيستاهلو وانا مو زعلان،هاد مالو وهو حر فيه

عزة:انت تركت ابوك بسبب المشاكل بينك وبينو يعني عادي

أيوب:بس كانت فضيحة أنو الولد يروح يشتغل أجير عند عيلة تانية،الآغا يلي شتغلت عندو حبني ومع أنو كنت صغير تقريباً بل ١٥ عطاني ثقة بحالي وقدرت اخطي أول خطوة بدون مال أبي..وسنة ورا سنة اخطي خطوات كبيرة لحتى وصلت لهون وبسن صغير عملت هاد البيت،تأخرت لتزوجت بس كنت حابب اسس لعيلة حقيقية

عزة:اذا حابب تحرم ولد من مالك بتحرمن كلن وبتتبرع فيه

أيوب:لأ،واحد يلي رح ياخد المال هو يلي بكون متأكد منو أنو رح يحافظ علمال يلي دقت السم والدم وأنا عم اجمعو

بتتسطح عزة عطرف رجلو،فاقدة الأمل بتغيير افكارو،هاد هو أيوب الرجال العنيد القوي،يلي نظرة من عيونو بتثبت عشر رجال بأرضهم من خوفهم منو

عام "٢٠١١"

يوم ممطر من أيام الشتا الحلوة،الناس عم تتراكد عبيوتها،قبل مايزيد المطر اكتر،وكان بهلوقت موعد رجعة طلاب المدرسة عبيوتهم إلا هلبنوتة الحلوة عمرها ١٣ سنة

كانت محتمية تحت مكان معين خايفة من المطر،وعم تتلفت من طرف للتاني كأنها عم تدور على حدا،عاملة جديلتين عم يلمعو متل الدهب وبشرتها حنطية مايلة علسمار بسبب الشمس يلي كل يوم بتعانق وجها البريئ كان اسمها (ياسمين)وريحتها اطيب من ريحة الياسمين

بيقرب منها رجال:شبك ياعمو ليش واقفة هون؟عم تنتظري البابا

بتخاف ياسمين لما بيحاول يمسك ايدها وبترجع خطوة لورا:لا

الرجال:لكن مين؟طيب تعالي أنا بوصلك المطر هلأ بتزيد ومارح تقدري ترجعي لحالك

ياسمين بتخاف اكتر وبتبقا عم تهز راسها يمين وشمال رافضة أنو تروح معو

بيحس هلرجال بأيدو قوية محطوطة عكتفو،بيلتفت وهو متأكد رح يلاقي ابوها،لأنو الايد كانت قوية شوي
بس بلعكس بيتفاجأ لما بيلاقي شب

بلعكس بيتفاجأ لما بيلاقي شب تقريباً بعمر ال ٢٠ نظراتو اكبر من عمرو وعابس بقوة

الشب(نور):خير شو بدك منها؟

الرجال بيتلبك:ولا شي ياابني،بس شفتها خايفة قلت بوصلها عبيتها لحتى ماتنأذى

نور:شكراً يلا تركها وامشي عأشغالك

الرجال:انت اخوها؟

بيتدايق اكتر نور وبيشد عسنانو:مابيخصك (نور كان شب محترم،بس ابداً ماناسبو الاحترام وقت شاف رجال عم يقرب بهلطريقة ع ياسمين)

الرجال بيتركهم وبيمشي بانزعاج
كانت ياسمين طول هلحديث عم تبرم راسها من واحد للتاني،مجدوبة بنور ويلي عم يحكي

وبس مشي الزلمة بتثبت نظرها ع نور
نور بيتطلع فيها وهو عابس:وانت كيف بتسمحيلو يحكي معك

بأيدها الصغيرة كتير بتخبطو بكل قوتها عبطنو،بس كانت خبطة كتير بسيطة😅لأنو ياسمين ناعمة كتير ونور مشالله جسمو بيعطي اكبر من عمرو

ياسمين بعيون غاضبة:جاي تتغدا فيني قبل مااتعشا فيك،انا يلي لازم عصب منك مو انت

نور بيضحك عشكلها الحلو وكيف كانو شعراتها مبلولين وبيقلا:وليك فصعونة من وين جبتي هلكلمات هي؟قال اتغدا واتعشا قال

ياسمين بتبتسم وبتنزل راسها:ههه حلوين صح؟امي بسمعها هيك بتحكي،المهم هلأ تعال لهون،بتعرف اديش صرلي ناطرتك

نور:ماكان لازم تنتظري،ليكي شو صار فيكي،امشي وصلك علبيت

ياسمين:بقيت لشوفك متل كل يوم،بابا بيصرخ عليي اذا شافني ماشية مع حدا مافيني روح معك

نور بيسرح بطريقة كلماتها العفوية ونظراتها الطفولية وبيقلا:اصلاً معو حق،ياسمين مابيصير تمشي مع اي شخص غريب،أنا غير الكل عم تفهمي

ياسمين:عم تفهمي🤗

نور:شو😳

ياسمين:لك عم افهم عم افهم،هلأ وين اكلاتي😥

نور بيطلع من جيبتو شوكولا يلي بتعشقا ياسمين:خديها،والتانية اسف اكلتها انا

ياسمين بتاخدها وهية فرحانة:اي ولا يهمك اصلاً انا كمت رح اعطيك ياها،،شو بدي قلك،انا اليوم حكيت كلمتين بلغلط لرفيقتي عنك

نور بيتدايق:ياسمين مو اتفقنا ماتجيبي سيرة لحدا،بعدين شو حكيتيلا

ياسمين:قلتلا أنو في ولد عم شوفو بيعطيني شوكولا كل يوم وبيجي بيسلم عليي

نور بيتفاجأ بكلامها،بعدين هو بيستوعب انو يلي قدامو طفلة لسا مابتعرف شو هو الحب فبيضحك وبيقلا:هلأ هدول بس كلمتين؟المهم شو جاوبتك

ياسمين:قالتلي نتبهي ليكون يلي فلشوكولا سم ويموتك

نور ماقدر يمسك حالو وضحك😂

ياسمين:طيب صحي قالتلي اسألك سؤال،انت من وين جبتلي هديك الباربي الحلوة

نور:أممم بصراحة لما نزلت علمدينة مشان ظبط أوراقي وشفتا تذكرتك وقلت انها كتير بتشبهك لذلك شتريتا

ياسمين بحب طفولي:شكراً كتير جد بتجنن وكل البنات ماعندن متلها

نور:انتي يلي بتجنني ياسمينتي،سمعي أنا ممكن اضطر غيب كم يوم،انتي لاتبقي تنتظري اكتر من ٥ دقايق،يعني اذا كنت موجود رح بجي قبل الموعد

ياسمين:طيب ليش

نور:لازم سافر علمدينة تمام،عندي كك شغلة مشان دراستي

بيصير واضح ععيونها الزعل،بيتساءل نور عن سبب حزن طفلة مابتعرف غير المشاعر الطفولية وبيسألا:ليش الزعل؟

ياسمين بعفوية:ليك يعني انا تعودت كل يوم شوفك واخد شوكولا منك،ونحكي بمواضيع مابحكيها لغيرك لو وقت قصير كتير،كيف لما رح تغيب عني شو بعمل بحالي

نور بحب:بتنتظريني،وبس ارجع رح جبلك شوكولا من المدينة اطيب بكتير

ياسمين:موافقة بس بدي باربي تانية

نور:اي من عيوني😍يلا هلأ روحي علبيت

بتهز براسا وهية مبسوطة بتركد تحت المطر،بترجع بتبرم لعندو بتعملو حركة بأيدها أنو باي،وبتكمل طريقها

وهو بيبقا سارح فيها،وهو بهلعمر مالاقا غير طفلة ليتعلق فيها!! (بعد مرور الزمن نعود للحاضر الذي يغير كل مافي مخيلتنا)

٥ سنين بلظبط،مرءو وياسمين عم تكبر قدام عيونو،لقاءات سرية..حب بريئ ولسا طفولي لأنو ياسمين كبرت،بس احتفظت بكل براءة الطفولة وعفويتها وهاد الشي قوى مشاعر الحب بقلب نور

حب الطفولة،،يلي استمر لحب المراهقة،،معقول يستمر ويبقا لحب النضوج؟

الزمن الحاضر "٢٠١٩"

متجمعة العيلة ع سفرة الأكل،وقت الغدا
كان أيوب ممشي عيلتو عنظام،كلشي ألو نظام وزوجتو عزة أخدت من طبعو كتير،القوة والجبروت والقدرة على الصمود بأقوى الظروف

أيوب أعد على رأس الطاولة وجنبو زوجتو عطرف اليمين،يلي مهما مر الزمن لسا بيعشقا ولو شعرها تغلغل فيه الشيب،ووجها امتلأ بلتجاعيد لساتا بنظرو الانثى يلي عشقا من اكتر من ٣٠ سنة

أما الكرسي يلي مقابل أيوب،كان مخصص لأبنو الكبير(جمال) عمرو ٣٥ سنة،رجل متزوج من صبية اسما(فتون) وعندو منها بنتين(عزة و غفران)

كان جمال انسان بحب التغيير،وبحب السلطة بس مو كل انسان بيحب شي بيقدر يحصل عليه،وزوجتو كانت هية يلي ممتلكة السلطة لهيك هو مابيقدر يتصرف أي شي بدون أذنها

وهلأمور كانت تدايق عزة كتير،وعطول بتلوم نفسا عترباية هيك ولد بهيك طريقة

مننتقل لباقي العيلة
(بهاء) الولد التاني وعمرو ٣٢ سنة،غير متزوج أيوب بشوف شبابو بأبنو هاد،وبيعتمد عليه بكل شاردة وواردة وطبعاً هاد الشي مأثر كتير بقلوب الاخوة البقية

حتى كان أيوب مخصص الكرسي يلي جنبو بطرف اليسار لابنو بهاء كانت شخصيتو متل والدو قوية،وبيتمتع بنفس النظرة،واذا في اذى ممكن يحدث لوالدو،بيرمي نفسو علموت لأجلو

باقي من العيلة شبين،منحكي عن (عمار) عمرو ٢٨ الشب الأذعر يلي بلعيلة،يلي مو تارك بنت بلقرية الا وزاعجها،بس في قسم كبير منهن بيتمنو كلمة منو ووقت بيتواعد معهن بيكونو اسعد البنات

بس كان عطول يتنائر مع أخوه(نور) لأنو اعمارهم متقاربة
يلي كان عمرو ٢٥ سنة،درس وتخرج مهندس وتعب عحالو،ستلم كتير من شغل ابوه هو تخصص بدراستو مشان بلمستقبل يبقا بجنبو وهيك بكون اكتملت صورة عائلة أيوب جمال اليونس،العيلة المهمة بهلقرية،بس طبعاً بلمقابل في عائلات تانية بتتنافس معهن

أيوب كان بيتمنا ماتجيه بنت بنوب،وهيك الله رزقو بأربع شباب،وكلو بسبب القصة القديمة يلي صارت بعيلتو ((الماضي)) 💙كانت عمتو لأيوب متزوجة واحد من عيلة الشاهر،وبعد كم سنة من زواجها،صارت مصيبة وقت حس زوجها أنها عم تخونو مع ابن عمها يلي كان حبيبها قبل ماتتزوجو،بس أبوها اجبرها تتزوج من عيلة الشاهر كرمال الاعمال يلي بيناتن

والزوج فوراً قتل زوجتو والشب يلي معها كمان،وبعد سنين من المشاكل صارو بين الفترة والتانية عيلة الشاهر يعطو فدية لبعض من عيلة اليونس حفاظاً على أرواح ولادهم وبنفس الوقت عيلة اليونس بتعطي فدية لعيلة الشاهر

ومن هلمشكلة أيوب كره أنو يخلف بنات شي من العار يلي جابتو عمتو💙 ((الحاضر)) نور بيوقف من علسفرة بياخد رشفة عصير اخيرة وبيقلهن:يلا أنا صار لازم أمشي بستأذن منكم🤗

وبس يأذنلو أبوه بيمشي،فجأة غفران بتوقع كاسة المي عحالا،وفتون بتبلش تبهدلا،ومابتسكت

بيخبط أيوب علطاولة وبيقول بنبرة عصبية:لك انتي ماعاد تسكتي،حترمي وجودي قدامك،ايمتا رح تعرفي تتصرفي وصرلك سنين عنا

فتون بتنقهر بتتمنا زوجها يبرر لو بحرف،بس هو كان شمتان فيها🤣بتنقهر بدا تترك السفرة وتمشي
عزة بتقلا:فتون،اعتذري من عمك بعدا استأذني وامشي،عيب تقومي بهي الطريقة

فتون بتطلع بنظرة قوية بحماتها وزوجها،بس مابتقدر تطلع بعيون أيوب لذلك بتحط عيونها بلأرض بعدا بتعتذر وبتستأذن،وبس يقلا فيكي تمشي بتروح عغرفتا

بعد دقايق قليلة بيوصل زوجها
فتون:لك انت شو؟انت رجال انت؟مرتك عم تنهان قدامك ومابيطلع معك حرف
جمال:انتي تسببتي لحالك بهلشي،وبتعرفي اذا حكيت بوقتا ابي رح يبلش فيني كمان،لذلك كل واحد يخلص شوكو بأيدو

بيتركها والنار شاعلة فيها وبيروح

بمكان تاني
تقريباً بستان بعيد شوي مابيلتقا فيه حدا الا كل كم يوم،بتكون ياسمين عم تمشي بحذر لاتتفركش بشي حجرة وبتروح يمين وشمال لتوصل علمكان يلي بتتواعد فيه مع نور

ياسمين بخوف:أخ آي رجلي

فجأة بيمسكا من ايدا قبل ماتوقع
نور:صرلك شي؟؟
بتطلع فيه وبطرف عينها لمعت دمعة

ياسمين:موجوعة😿،فات فيها شوك

نور بيقرب اكتر بيجي ليحملا،وهية بترتعش
ياسمين:لا لا بقدر امشي
نور:بس رح احملك عطرف الشجرة لحتى اقدر ساعدك
ياسمين بخجل:مسكلي ايدي وانا بمشي عرجل وحدة

بيسندا وبتصير تنطوط عرجل وحدة وهو بأفكارو عم يزيد اعجابو فيها وبلنضج يلي مرافق هلطفلة البريئة

ياسمين:اوف خليني أأعد..(بتطلع فيه)نور انت هلأ سندتني،رح تبقا هيك ساندني لآخر العمر؟

نور بيتطلع بعيونا:اكيد،مستحيل اتخلى عنك ورح ابقا سندك،هاتي رجلك لشوف شو صار فيها

بينحني وبدو يشيل الشوك بس هية بتتوجع،بتصير بتضربو علخفيف عكتفو لاارادياً

بيتطلع فيها بيلاقي عيونها عم يلمعو من الدمع،بيتلبك ومابكمل،هية بتفكر انو زعجتو بضرباتها

ياسمين:بعتذر،بس من وجعي
نور بحب:ريت الوجع لقلبي،ريت الشوك بقلبي ولا فيكي

بتضربو ضربة بس هلمرة اقوى من يلي قبلها
نور:لك شبك؟
ياسمين:بعيد الشر ليش هيك عم تحكي؟
نور:لأنو مافيني شوف الدمع بعيونك،عم اتوجع اضعاف وقت عم تتوجعي

ياسمين بتسرح بعيونو وبصير قلبها ينبض بشدة،بعدا بتنفض راسها من الافكار وبتقلو:ليك نور اذا ماستعجلت مارح نقدر نحكي،يلا خلص

بيطالع كل الشوك وبعدا بيقعد بيقلا:وانتي ضروري تلبسي هيك شوذ👡 وانتي جاية لهلمكان
ياسمين:هي ضريبة الاناقة لازم نتحمل
نور:انتي انيقة بشو ماكان

بيقرب ايدو عشعراتها وبيرجعهن لورا ادنها،وهية بترتعش وبتخجل كتير
نور:بتخافي مني معقول؟
ياسمين بلهفة:بنوب..شو هلحكي،كل القصة اني مابتحمل هيك مابعرف شو بصرلي
نور:لأنك غير كل البنات،الخجل يلي فيكي رح يقتلني،انتي مميزة بكلشي..ياسمين أنا كل يوم عم حبك اكتر،بحبك يابنت لك بعشقك

ياسمين بتسكت،نور:لك ببوس ايدك احكيا،كرمال الله رح موت بدي اسمعا كل يوم
ياسمين:بشرط
نور:أمريني
ياسمين:بتغمض عيونك،وبهمسا بس بأدنك،بعدا بترجعني علشارع العام
نور:اتفقنا،يلا

بيقرب راسو لقدام بيغمض عيونو وهية بتقرب عأدنو وبتهمس بحب:بحببببك

نفسها وحروفها وريحتها كلن مابيخلو يسيطر عحالو،بيبرم راسو بسرعة وبيخطف بوسة من خدا

هون ياسمين بيتغير لون وجها وبتنصدم،بتبعدو عنها
ياسمين بزعل:لك نور انت شو عملت
نور وهو مبتسم:يلي صرلي ٥ سنين عم انتظرو
ياسمين:انت عنجد قليل..
بيحط اصبعو عتمها ولسا مبتسم وبيقلا:هسسس ولاحرف،يامجنونة لك انتي ألي ورح نتزوج،ليش خايفة مني

ياسمين بخجل:لك نور انا مو خايفة منك،بس حابة مايصير شي إلا وانا ع اسمك
نور:ورح تكوني ع اسمي قريباً
ياسمين:لسا في شهر
نور:يي لك بس افهم مين يلي خبرك انو مابصير تتزوجي لل١٨ علتمام،ويكون قبل بشهر

بتضحك وبتقلو:هلأ قوم رجعني تأخرت
بيتطلع بعيونها وكأنو عم يحاول يشبع منها لبينما يرجعو يلتقو،بس ماعم يقدر يشبع بنوب

آخر الليل

بتنجمع العيلة كلها من أول وجديد،وعم يشربو الشاي،إلا شخص واحد..(عمار)
كان أيوب متدايق كتير من تسيب ابنو بس ماعم يقدرلو
ايوب بيوجه كلامو لبهاء:ابني،انا مو قلتلك بدي تشفلي وين عم يروح ومين مصاحب
بهاء:اي ابي عرفت كم شب من الشلة،و..
ايوب:خلص لكن بكرا بعد الفطور بتلحقني علمكتب..(بيوجه كلامو لجمال)جمال من الصبح وبدون فطور بتروح علبستان الكبير،الموسم رح ينضرب وحضرتك الله اعلم وين مشغول

جمال:أبي صدقني أنا يادوب عم لحق عغير شغل،خلي بهاء.. (بيرجع أيوب بيقاطع ابنو)ايوب:أنا شو قلت؟قلت جمال يعني جمال،بهاء عندو مية شغلة،ومابيقصر ع ولا شغلة ومابينتظر نبه عليه..ياريت لو تقدر تصير جزء من بهاء

جمال بينقهر ومابيطلع معو حرف
أيوب:بهاء ابني تعال عاوزك بلمكتب

بيقوم الأب بيمشي خطوات البطيئة وبنفس الوقت قوية،مع أنو بهلعمر ولسا فيه قوة شباب

بيفوتو علمكتب،ومن نظرة من أبوه بيفهم شو بدو
بهاء:لاتاكل هم ياتاج راسنا،كلو تمام والشحنة مشت ووقت قصير رح يوصل اتصال انو وصلت

هية ثواني وبتوصلو رسالة وبلفعل وصلت الشحنة..بيقرب من ابنو وبيتطلع فيه بفخر،بعدا بيمسكلو راسو من الخلف وبما انو بهاء كان اطول من ابوه،حنالو راسو والأب باس ابنو من جبينو

بعدا بيتركو وبيمشي

بعد كم يوم

الموعد ليلتقو،بجهز حالو نور وبيحط من العطر المخصص يلي بتحبو ياسمين،مابيحطو ألا بهليوم كرمالها لأنو قالتلو مابدا أي بنت تشم هلريحة غيرها

وبس يوصل بيلاقي ياسمين عم تحكي مع تنتين نسوان الواضح انو مابتعرفهن،كانت كتير خجلانة ومتلبكة بعدا مشت معن،خاف عليها كتير حاول يتتبعن بس اطمن وقت شافهن متوجهين ناح بيت ياسمين

نقهر أنو ماقدر يشوفها

المسا بعتلا مسج:بكرا لازم نعوضها
ياسمين:أي اكيد
نور:حبي،مين يلي كانو معك اليوم
مابترجع بتبعتلو...
نور:ياسمين ليش سكتي
ياسمين:بكرا بحكيلك،هلأ تصبح ع خير
نور:تكرمي بكرا،،وانتي من اهلي وناسي وكل دنيتي

بيسكرو تنيناتهم وبيغمضو عيونهم وهنن عم يفكرو ببعض

صحي نور عصوت امو وهية عم تصرخ علخدم،،بيطلع بيسأل شو في؟
عزة:هدول ماعم يتعلمو منيح،لك طلع علساني شعر وانا بفهمن وهنن فالج لا تعالج
نور:طولي بالك عليهن،بلرواء كلشي بيصير
بتبتسم وبتقرب منو:تعا تعا لقلبي تعا،لك انت بس تطلع فيني نظرة بتهديني وبتروئني،انتي قطعة من قلبي

بيضما بقوة وبيهمسلا:بس القطعة الاكبر ها،هدوليك تركيلهن بس شوي

عزة بتضحك:هههه يعني حاسس علموضوع
نور:اي طبعاً من نظرتك ألي بعرف غلاوتي عندك
عزة:لأنك بتستاهل،الله يرضى عليك ويحميلي ياك ياضي عيوني،انت الضنا يلي من يوم خلفتك وانا بحس بحنيتك

بيرجع بيضما وبيبوسا من ايدها وبيستأذن منها

وفوراً بيتوجه نور عمكان التاني يلي بيلتقو فيه،بعيد شوي عن العمارات والبيوت يلي بلقرية
بس هلمرة بيلمح شب عم يتقرب منها،مابيتحمل عقلو وبيصرخ صوت فيه،الشب بيلتفت بخوف

نور بصوت رجولي:ولاك واطي،شو بدك منها
الشب بيتلبك:أاا..كنت ..كنت عم اسألها اذا ضايعة أو شي
نور بعصبية اكتر:نقلع من هون واذا مرة بلاقيك عم تتحركش ببنات الناس ياويلك
الشب بيهمس:معقول هلملاك البريئ عندو هيك اخ شيطان..
نور بيصرخ فيه:لك نقلع،تفه عليك واطي

بيركد الشب

نور:ياسمين..لك ياسمين
بتبرم عليه فاتحة تما متل الهبلة وبتقلو:هاه
نور د:لك شو هاه،شو صابك جمدتي
ياسمين:كنت رح موت من الخوف
نور بيقرب لعندا:عملك شي الواطي؟جاوبي😠
ياسمين:لك لا شو بدو يعمل،بس خفت يصير مشكلة بيناتكن وتكبر وتوصل لاهلي الله ستر أنك ماعملت شي
نور:لو غلط بحرف واحد كنت دفنتو بأرضو،بس الاخ فكرني اخوكي

ياسمين بتبتسم وبتنزل راسها بلأرض،بيرفعلا راسها بحنية،ليلتقو عيونهن سوا،هلبنت البريئة أم عيون خضر،شعراتها الدهبيات من شمس القرية صار لونهم كستنائي،أما بشرتها البرونزية،بتشرح تفاصيل بنت القرية الجذابة يلي الها سحر خاص ومميز

ياسمين بهدوء:شو وين سرحت
نور:فيكي..يابنت أنا ماعاد اقدر اتحمل،لهون وبس..بدي ياكي
ياسمين:بس..
نور:لا بس ولا شي،بدي اتزوجك واتقابل معك بلعلن قدام عيون الكل،بدي تكوني ألي وخبيكي جوا قلبي،اكل عسل كل يوم
ياسمين باستغراب:وشو دخل العسل بزواجنا؟
نور بيقرب اكتر:انتي العسل،لونك بيشبهو كتير،بس طعمك اطيب

بتفتح عيونها عآخرن وبتبعد كتير
نور بيضحك بيرجع بيقرب:لك شبك لاتخافي،عفكرة اذا بتبقي بترفضي اجي اخطبك رح ابقا حاكيكي هيك
ياسمين متلبكة:أا..انت من وين حكيت هيك
نور بيضحك عليها:من تمي يعني من وين😂
ياسمين:لك لا قصدي من وين خطرلك هيك تحكي
نور بيقرب وهية بترجع لورا:منك،من كل تفصيل فيكي..عيونك،بشرتك،شعراتك(بيلمس عشعراتها يلي بيعشقن،بعدا بينزل ايدو عشفافها)مبسمك

بترجع خطوة اكبر لورا بتجي لتوقع بس بيمسكا وبتصير بعالم تاني
ياسمين بأحرف متقطعة بعد ثواني صمت:اوعك نور..أوعك تعمل شي،مارح سامحك
نور:انا ماعاد فيني..انا بعشقك ياسمين
ياسمين:اذا بتعشقني عنجد،بتنتظرني،معقول خمس سنين بتصبر وهلأ كم يوم ماعاد فيك..تركني بترجاك

بيوقفها منيح وبيبعد،بيبرملا ضهرو وكأنو متدايق
ياسمين:نور..أنا..أنا بحبك بس
نور:بس شو؟؟
ياسمين:خلص اسبوع وتعال خطبني
نور:ليش اسبوع يعني؟
ياسمين:مابعرف،بس جد هلأ متوترة..حاسة انو لازم نستنا هلاسبوع،مابتعرف شو مخبا
نور بقلق:انا عكسك،خايف من يلي مخبا

بيتطلع فيها بعيون حزينة:يلا خلينا نرجع.. ((بعد خمسة أيام)) ببيت عيلة الشاهر

آعد يمان أبو ياسمين مع أمها(خديجة)
يمان:أي ياخانم،رح زوجها
خديجة:بس..ياا يمان
يمان:بس شو،انتي بتعرفي مين يلي رح يخطبها لابنو،ايوب جمال اليونس،وبتعرفي السبب هو لنوقف الفتنة بين العيلتين،اليوم وصلني اتصال وخبروني من طرفو أنو رح يجي اليوم ونحكي
خديجة:البنت مابدها تتزو..
(بيتطلع فيها نظرة قوية وقبل ماتكمل بتسكت ومابيطلع حرف تاني)
يمان:سمعيني وليك،نحن ماعنا بنات بيتاخد رأيهن بشي،واذا الليلة بيجي بيطلب ياخدها أيوب رح قلو خدها وامشي،روحي خبريها،واوعك تاخدي رأيها

وبعد نص ساعة،ملامح الدهشة عوجه خديجة لما شافت الفرح بعيون بنتها الوحيدة ياسمين
خديجة:بسم الله عليكي لك بنتي،شبك ماتوقعت تفرحي هلقد
ياسمين:أمي انتي متأكدة؟متأكدة أنو ايوب اليونس اليوم بدو يطلبني لابنو،وانو ابي موافق
خديجة:اي نعم،وابوكي قال ممنوع تعطي رأيك بلموضوع بنوب
ياسمين:وانا تحت أمرو لأبي😍
خديجة:ييي يابنتي الله يزينك بعقلك،الف الحمدلله والله يتمم عخير

بتركد ياسمين وبتضم أمها بقوة من فرحتا

وبعد كم ساعة بيجي أيوب وحدو ليفتح السيرة مع يمان الشاهر

يمان:نورتني وشرفتني أخي أيوب
أيوب بشوفة نفس:بوجودك،اي يااخي يمان،أنا اليوم جاي وطالب ناسبكم،وطبعاً انت بتعرف مين عيلة اليونس وتاني شي بدي تعرف منيح السبب،يلي رح يفيد العيلتين للأبد

يمان:معك حق،وانا عاطيك إذا الله راد،والليلة اذا بدك بتاخدها وبتمشي
أيوب:لا..رح يصير عرس ماصار من قبل،هاد ابني..ابن اليونس،،((بهاء اليونس)) بعد ساعة
ياسمين بصدمة قدام ابوها:شو؟؟مين بهاء
يمان:زوجك المستقبلي يابنت،ابن اليونس
ياسمين والدمعات تحجرت بقلب عينها:لأ..لا مو معقول
يمان:لك شبها بنتك ياخديجة،ليكون جنت مو قلتي حاكيتيها

بتقرب خديجة عبنتها:اسم الله عليكي يابنتي لك شو صابك،ياسمين ياقلبي
ياسمين بتهمس بحروف مقطعة:ب..بها..بهاء؟أخ أخوهه

مابتقدر امها تسمع شو حكت لأنو فوراً بتغمى بين ايديها بدون ولا حركة💔

أما ببيت اليونس

واقفين الكل وقت نزل عليهم هاد الخبر
عزة:وليش ماخبرتني قبل،المفروض انا روح اطلبها
أيوب:هاد كلام رجال يامرة،مارح ندخلكم فيه،،هي مستقبل عيلتين بكاملهم
نور..آااخ ع نور😭كان بعالم تاني،اسود مافيه نور،طفي بنوب عم يحكو ويتحركو يلي قدامو بس هو مو قدران يسمع ولا يحكي

وبعد دقايق صمت قاتلة بيقول بهمس:مستحيل،مستحيل..عجثتي

ماحدا سمعو،بس سمعو صوت الصمدية القزاز يلي رماها بقوة علأرض من شدة غضبو،سكتهم كلهم وصار يتطلعو فيه

شرف بنت بين ايديه لذلك مابيصير يثير الشبهات حاول يتماسك وقال:بعتذر وقعتا بلغلط
عزة:فيك شي ياقلبي
نور:بدي ارتاح..يعني بقصد بدي نام بستأذن

بيمشي قدامهم متل الشبح،جسد بلا روح تمنا الموت بهللحظة يغمرو ويخطفو من كل هلفوضى،بس شي واحد خلاه يتمسك ..لما اجت ببالو صورة ياسمين

نور:ياسمين؟؟ياترى شو صاير فيكي هلأ..ليش ليش ياسمين يلي رح تكون الضحية لانقاذ هلعيلتين..لك انا بحرق العيلتين ولا بتخلى عنك ((قبل يومين بلتحديد))
بمنزل عيلة اليونس

بيفوت أيوب غضبان
#غضب أيوب،يعني زلزال براكين رح تنفجر
أيوب بغضب:جمال ،،بهاء لحقوني علمكتب
عزة بقلق:شو صاير أيوب؟

بيتطلع فيها نظرة هية بتفهما منيح،طالب منها السكوت

ولسا مابيلحق بيفوت مكتبو بيكونو ولادو وراه
جمال بقلق:شو صاير أبي؟
بهاء بتحدي:عطيني اسمو بس لامسحو من عوجه الأرض،مين يلي بيتجرأ بدايق أيوب اليونس

أيوب:فتنة،فتنة رجع شعلت بيننا وبين عيلة الشاهر
جمال:لاتقولا
(كان جمال عفوي كتير بكلماتو وهاد الشي بيدايق أيوب)
أيوب بيخبط علطاولة:شو عم امزح معك انا ولاك،عم قلكن النار رح ترجع تشعل الفتنة رح ترجع #الثأر بين العيلتين
بهاء:بسيطة ياكبير،منحط بجيوبهم كم ليرة وبيسكتو علخالص مابتعرفهم هلعيلة عيلة شحادين من يوم يومهم،ولولا شحادتن ماكانو وصلو لهون

أيوب:لأ..لا ياابني هلمرة مارح تنحل بلمصاري،لأنو عيلة اليونس هية يلي رتمت فيهن الفتنة ويمكن يعملو شي بلعيلة الشاهر
بهاء:لعيونك،منحلها بلدم،وأنا رقبتي فداك
أيوب:مستحيل،ماعندي استعداد خاطر بأي واحد من بيناتكم،لذلك عندي حل تاني
جمال:يلي هو؟؟
أيوب:#عاروسة_الثأر

بيتطلعو الاخوة ببعض مو فاهمين شي
أيوب:إذا تناسبو العيلتين،وبعدا صار احفاد ماعاد رح يقدرو يفتحو تمهن،لامن عيلتنا ولا من عيلتهم،رح اختار الانسب لهلموضوع من ولادي وزوجو

بهاء:المطلوب..
أيوب بيتطلع بعيون ابنو بهاء نظرة ذات مغزا:زواج،واحد من ولادي رح يتزوج بنت يمان الشاهر الوحيدة،وهيك منقدر نضمن الهدوء التام

بيبتسم بهاء فهم كلشي بدو ياه أبوه منو،وبلمقابل أيوب من نظرة ابنو فهم موافقتو عهلزواج،واسترخت ملامح الغضب يلي بوجهو

أما جمال لسا واقف متل الاطرش بلزفة

الزمن الحاضر

بيفوت عغرفتو يلي بلطابق التاني،ولسا عم يمثل ملامح الهدوء،وبس يسكر الباب بصيح الآخ يلي بتحرق القلب بيكسر كلشي بتنحط عينو عليه،عم يحاول يهدا مو قادر حاسس روحو رح تطلع بس مالازم اي شخص يسمعو

بعد وقت قصير
عند ياسمين
بيوصلها مسج منو آخر الليل
نور:ياسمين،أنا لازم شوفك بكرا ضروري

ما بترد عليه مع أنها بتستلم
نور:ياسمين؟ليش ماعم تردي؟
ياسمين:مابعرف
نور:شبك شو يلي مابتعرفيه
ياسمين:اذا فيني شوفك أو لا
نور:فيكي،وضروري كتير إذا ما بتجي بتدمري حياتنا
ياسمين:طيب انشالله،،نور؟؟
نور:عيون نور
ياسمين:يا ترى شو رح يصير فيني،شو مخبيلي القدر؟
نور:مخبيكي القدر ألي وحياتك،روحي نامي بقلبي بكرا بشوفك
ياسمين:أوك

بيتسطحو تنيناتن وكل واحد فكرو عند التاني،مابيجيهم نوم من التفكير رح يضرب عقلهم وقت بيفكرو لو ماقدرو يمنعو هاد الشي شو العواقب بعد هلموضوع

تاني يوم،كان واضح ع نور التوتر وطلع بدون مايفطر حتى

بالبستان

ياسمين وعيونها حمر من البكاء متنفخين من ليلة مبارح:نور أنا مستحيل كون لغيرك،لا وكمان اخوك..لك بقتل حالي ها

نور بيمسكا من كتافها:أوعك تحكي هيك ياسمين،أنا مو قادر فكر اكتر بترجاكي

ياسمين:شو رح يصير..الوضع خطير والعيلتين مقررين

نور:مارح اقدر،اهون عليي يدفنوني تحت التراب ولا اشوفك متزوجة غيري،،وكمان أخي واشوفك قدام عيوني ليل نهار،،أنا رح خبر أبي

ياسمين:أوعك نور والله بيدبحونا شو مابتعرف عقلهم

نور:لك انا ماضل عندي عقل فكر،ليكي بحكي مع اخي بهاء،هو يمكن افضل من انو احكي لأبي

ياسمين:بترجاك بلاها
نور:بكفي ياسمين شو بدك ياني ابقا واقف،اخي مستحيل يقبل يتزوج بنت اخوه بيحبها خلينا نجرب

ياسمين بتطلع بخوف ولسا عم تبكي،بيقرب منها وبيمسح دموعها،شوي بيفتح ايديه شوي وبيقلا:ممكن؟(أنو يضمها)

وبدون تردد بترمي نفسا بحضنو كأنو رح تموت من بعد ماتتركو،كأنو عم تودعو وبترمي هموم قلبها كلن بهلحضن،بيتبلل قميصو بدموعها،وبتعلق ريحتها فيه

بعدا بيتركها وبيرجع علبيت،بيفوت عغرفتو مباشرةً بدون ولا كلمة

بيعمل دوش ويريح اعصابو،بيفك ازرار القميص ولسا آخر شي صار بينو وبين ياسمين مايفارق بالو
رفع القميص لأنفو شمو منيح وشدو،ريحتها فيه معقول؟وممزوجة مع عطرو يلي بتحبو ياسمين،بيمسك عطرها يلي بيشتريلا منو ديماً من المدينة كان محتفظ بعلبة منو وبيغرق القميص فيها

يتبع..

#عروسة_الثأر
الجزء الثاني

دموعها نشفو علقميص بس هو حاسس ياسمين موجودة بحضنو لما غمر هلقميص،بيطوي وبيخبي بمكان ماحدا يقدر يوصلو

بعدا بيسرح وبيقول لحالو:شو صابك نور؟شو هلولدنة هي؟بعدين ليش عم تتصرف وكأنو بطلت تقدر تشمها مرة تانية؟

بيرمي نفسو علتخت وبيبقا هيك ويمكن بيغفا بدون ماينتبه،ليصير موعد رجعة بهاء

بينزل فوراً وبيطلب يحكو عأنفراد برا بلحديقة،وبلفعل بيطلعو

في الحديقة
بعد دقائق صمت
بهاء:وبعدين معك،رح تبقا ساكت هيك؟
نور:سمعني أخي،وحاول تتفهم يلي رح خبرك ياه بهدوء
بهاء:الله يستر شو المصيبة يلي عاملا،أنا بعرف عمار أبو المصايب مو أنت😅

نور:صدقني مو مصيبة،بس اذا ماساعدتني بتصير مصيبة
بهاء باستغراب:لك شوفي احكي شغلت بالي أخي
نور:مو أبي رح يزوجك عن قريب بنت عيلة الشاهر
بهاء:أي؟
نور:عم قول،،أاا..فيك ترفض
بهاء:وليش لارفض،انت بتعرف انو بحياتي مارفضت لأبي طلب
نور:أي طبعاً بعرف،بس هلمرة غير

بهاء:شو بتعرف عن البنت احكيلي؟
نور:لا والله مو هيك البنت مافي متل شرفا وأخلاقا بس
بهاء:حلو كتير والله،وانت شو عرفك بأخلاقا
نور:تمام وبما انو سألتني رح جاوبك،بصراحة أخي..أناا بحبا
بهاء:مافهمت؟؟
نور:أنا بحبا لهلبنت ورايدا بلحلال

بيرتفع صوت بهاء:لك انت غبي،شو يلي عم تقولو
نور:لك اهدا وطي صوتك هلأ بيسمعونا
بهاء:وليش خايف؟عحالك ولا علحرب يلي ممكن ترجع تقوم بين العيلتين بسببكم
نور:اهدا شوي سمعني،انت شو بهمك غير أنو أبي ينفذ يلي براسو
بهاء:اي طبعاً أبي قبل كلشي
نور بتوتر:لكن..فيك تقلو أنو يزوجها ألي

بهاء بيسرح شوي بعدا بتتغير ملامح وجهو اكتر وبيمسكو من قميصو لنور وبيقربو عليه بعصبية:ولاك،ليكون صاير شي بيناتكم،لك احكي
نور:لا لك شو هلحكي مستحيل،عم قلك البنت شريفة بس انا حاببا من بعيد لبعيد وبدي ياها
بهاء:معناها سماع هلكلمتين،أبوك مستحيل يزوجك ياها انت اصغر ولد وغير هيك عطا كلمة لأبوها،وبما أنو مجبورين علزواج مشان وقف الدم بين العيلتين،انت بتنسالي ياها بنوب وبتحط بمخك شغلة وحدة

هلبنت رح تصير مرت أخوك..عم تفهم،يعني إذا بيبقا براسك كلمة من هلكلام بعد ماتصير ع ذمتي،بدفنك هون انت وياها(بينهي حديثو بصراخ) عم تسمع أنساها

نظرات خيبة وقهر بعيون نور،ماقدر يجاوبو،بيتركو وبيبرملو ضهرو وبيمشي
بهاء بيكمل حديثو:بموتك..بموتها قدام عيونك ولاااك

طعنة بلقلب بتغرز،بينزف من جوا بدون مايلاقي حدا جنبو ولا يقدر يعالج نفسو
#الندم تملكوا تماماً،شو يلي ممكن يعملو بهاء بياسمين اذا تمت القصة،نسي أنو رح تتزوج غيرو ومارح تكون ألو..الشي الوحيد ببالو شو رح يعمل بهاء

لام نفسو كتير،بس قرر أنو بلفعل اذا تم الوضع يوهم أخوه أنو نسيها

بتبعتلو كتير،بس مابيجاوب،هو مو عارف شو يحكيلا وهية خايفة اكتر منو هيك لحتى بلآخر بيجاوب

ياسمين:كرمال الله رد

نور:ياسمين،أخي رفض الموضوع من أصلو..وقلي أنساها

مابيعود بيطلع منهن ولا حرف لاهية ولا هو،بيغفا وبعد وقت بتبعتلو

ياسمين:أنا رح قول لأهلي أنو مارح اتزوجو

بس بيكون نور نام وماحس علرسالة

الصباح
ببيت عيلة الشاهر

صوت كف بيوقعها بأرضها وعأثر القوة بينجرح تمها وبتضرب جبينها بلطاولة
يمان:وليك مقصوفة الرقبة،جاية ترفضي الزواج بدك توطي راسنا

ياسمين ببكا:لا والله يابابا بس سمعني بترجاك
ضربة تانية برجلو عكتفها:خرسي مابدي اسمع النفس،والله عال ليكون عشقانة وليك

بينزل ليكمل ضرب بس بتلحقها أمها بتسحبا وبتركد علغرفة
بتدفن حالها بحضنا وهية ميتة من البكا

خديجة بتبكي معا:لك انتي جنيتي،بدك ابوكي يدبحك
ياسمين بتطلع بعيون امها:أمي..أنا بحبو بحبو
خديجة بتضرب عخدودا:ولي على قامتي،لك مين هاد
ياسمين:أمي واللهي بحبو وبحبني وبدو يتزوجني بس كرمال الله خلصيني من بهاء

خديجة:ببوس ايدك سكتي،لك والله ابوكي بموتك وبموتو وبموتني معكن كمان

بيسمعو صوت صريخ الأب عم ينده لمرتو
خديجة:نازلة شوفو

بتفتح موبايلا ياسمين بتلاقي كومة رسائل من نور وهو عم يقلا:أوعك ياسمين لاتحكي لابوكي لاترفضي ممكن يعمل فيكي شي

بترجع بتبكي اكتر وبتقلو:حكيتلو،نور أنا بدي شوفك
نور:عمل فيكي شي؟انتي منيحة؟
ياسمين:مو مهم،المهم انو شوفك
نور:طيب ياعمري يلا ساعة وبكون هنيك..بحبك

ياسمين بتزيد دموعها وبتصير تبكي اكتر

بنفس الوقت
تحت بلصالة
يمان بعصبية:هلحيوانة بتنحبس فوق جوا اوضتها،واذا بتخطي خطوة برا البيت اعتبري بنتك اندفنت وهية عايشة
خديجة ببكا:لاببوس ايدك مالي غيرا طول بالك
يمان:هي نتيجة تربايتك ياخانم تفه عليها

بيترك البيت وبيروح،بتطلع لعند بنتا بتلاقيا عم تجهز حالا،بترجع خديجة بتضرب حالها كفوف
خديجة:لك بدك تموتيني انتي؟بدك تجلطيني؟شو عم تعملي
ياسمين بقوة واصرار:بدي روح شوفو
خديجة:اااخ ياخديجة شو رح يصير فيكي،اااخ بدك تجيبيلي الفالج انتي

ياسمين:بعيد الشر عن قلبك أمي،بس عنجد أنا لازم شوفو
خديجة:برضاية عليكي لك بنتي بلا جنانك وأعدي،ابوكي متوعد اذا بتطلعي برا غرفتك ليدبحك
ياسمين ببكا بتمسك ايدين امها وبتترجاها:ببوس ايدك ياماما،الله يخليكي بس هلمرة،وربي ماعاد شوفو لحالنا بترجاكي رحميني انتي

خديجة مابتقدر تعمل شي بتتركها وبتكمل بكا

وهيك،بلفعل بتجهز حالها وبتروح عمكان الموعد

الموعد الأخير

أول مابيشوفها،واضح الضرب عوجها،في ضربة معلمة عجبينها،وجنب شفتها في جرح والدم تجمد بمكانو

مابيقدر يتماسك،بينقهر اكتر بيشد عأعصابو وقلبو عشوي رح يوقف نبضو من حالها،عيونها كلهن دموع وقهر

نور:ياسمينتي دبلت،بيومين عملو فيكي هيك؟كيف قدرو؟كيف بدن يقتلو حب صرلو سنين؟

ياسمين بقهر:إذا عم يقتلو أرواح بكل برود دم،رح تفرق معهن يقتلو حب..يقتلو انسان بس يبقا على قيد الحياة
نور:أنا عاجز،أول مرة بحياتي بحس هلاحساس
ياسمين:خطفني نور،خدني وخلينا نروح؟

نور:انتي جنيتي ياسمين؟بدك نشعل الفتنة ونقتل ارواح بسببنا،ويحكو الناس ع شرفك؟مارح اتحمل
ياسمين بتهبط علأرض وبتزيد شهقاتا ومن بين دموعا بتقلو:لكن قتلني،قتلني وخلصني يانور مافيني اتحمل
بينزل لعندا وبيشدا لقلبو بقوة:لك اااخ،انا مو رجال لو كنت رجال ماكنت خليت دمعة من عيونك تنزل

بتبرم عليه وبتحط ايدها عتمو:لاتقولا،انت رجالي بسس القدر كان اقوى منك ومني،النصيب اختار انو موت بس ابقا عايشة،اتوجع طول حياتي متل يلي النار عم تولع بجسدو

بيضما بقوة اكبر
ياسمين:اي نور..ضمني بقوة،شد خلي هلضمة ماتنتسا ليوم موت وصير تحت التراب
بيتوجع اكتر وبيشد عليها:لو بيبقا يوم بعمري،رح تكوني ألي

بتطلع بعيونو مستغربة شو هلكلام؟
كانو قريبن من بعض كتير وانفاسهن متعانقة ببعضها متلهم تماماً،وعيونهم ذات الشي
ولا مرة بكل هلسنين ماكانو قراب لهلدرجة،نار العشق ولعت بقلوبهم اكتر كوتهم وماعاد قدرو يسيطرو عحالهم
بيلمس الجرح يلي بجنب تمها بوجع كبير،بيقرب شفافو وبيبوسو

وكأنو الجرأة يلي تخبت جواتها كل هلسنين،كانت تحافظ عنفسا لتكون ألو بيوم زواجهن وما تقبل يلمسها بطريقة متخطية الحدود
بس من القهر يلي جواتها أنو بعد كل هاد مارح تكون ألو،ماقدرت تتمالك نفسا

وهي بادرت بقبلة..وغرقو التنين فيها،ختلطت الدموع ببعضها
فجأة بيبعدو سوا وبقوة عن بعض،وآخر كلمة بتنطقها
ياسمين:رح ضل حبك لآخر نفس

نور بحط عيونو بلأرض:رح انساكي أول ماتبرمي ضهرك وتمشي هلأ

كانت متأكدة أنو كذاب،كانت متأكدة انو خوفو لا يخون أخوه هو يلي خلاه يحكيها،،ومع هيك كوت فؤادها كوي

وقفت وصارت تركد وهية عم تبكي،وهو بعدو آعد بلأرض،خبط بأيدي علتراب بكل قوتو مع اهات

بلآخر بيصيح الآخ القوية يلي بتوصل للسما بحرقة قلب

#انتهى كلشي بلحظة،حياتهم تدمرت

شغلة وحدة،كانو ديماً يدعو أنو يعيشو ببيت واحد،بس مو هيك..يكون ببيت واحد بس بهلطريقة الموجعة

مرت الأيام وكل واحد منهم عم يحترق لحالو،لما يسمع أنو اخو بهاء رايح يشوفا يطق عقلو
وهية وقت يجي بهاء ماتتقبلو بنوب،تقرف منو بس الظاهر عجبتو كتير لبهاء ومو عارف ايمتى يحصل عليها

هيك ليجي يوم الزواج
يوم الموت والعذاب،كانت حفلة عطريقتهم بلقرية،الطبل والاغاني الشعبية الخاصة فيهم حطولها الكحل الأسود بعيونها خلوهم يلمعو اكتر بهللون،كان شكلها انثى شرقية بكل معنى الكلمة وجمالها مو معقول بس حرقة قلبها يلي جوا ماحدا قدران يشوفها غير شخص واحد

نور
وقت شافها من بعيد،قدر يشوف كل تفاصيلها،كم يوم قدرو يغيروها هلقد؟نظرتها كانت غريبة عنو
شي غريب كتير برود بعيونها قهر وحزن،الكحل الأسود فاجأو كيف خلاها تصير انثى ناضجة،وين طفلتو المدللة

فجأة ايد قوية بتنحط عكتفو..بهاء
بيقلو:شو؟بلاقيك هون
نور:وين بدك ياني كون
بهاء:بعيد..بعيد كتير،حتى لو بنفس البيت رح تكون بأبعد مكان عن مرتي،عم تفهم

حرقلو قلبو بكلمة مرتي وماكان داري بحال أخوه
نور بيقلو:له ياأخي..مو نحن اللي منخون،صدقني طلعت من قلبي ولا حتى ماضل ذكرى ألها جواتي..هية هلأ اختي ومرت أخي بس..ألف مبروك

بيقرب نور وبيضمو،كان حابب يهمسلو بكلمة بس بيعرف أنو بوقتا اخوه رح يفهمو غلط،كان حابب يقلو((دير بالك عطفلتي،ع ياسمينتي يلي ضليت سنين اسقيها عشق وحنان،داريها برموش عيونك)) واكيد مانطق بحرف منهن،وبهاء ضمو لأخو وقلو:عقبالك
بقلب نور مافي اي بغض تجاه بهاء وبنفس الوقت بهاء مقرر يبدا من جديد بزواجو وينسا يلي كان بين زوجتو واخوه

في غرفة نوم العروسين

كانت ياسمين اعدة عطرف،وعم ترجف من خوفها وعم تنزل دمعة بين الوقت والتاني وهية فوراً بتمسحا خوفاً أنو ينتبهلا بهاء ويفكرها عم تبكي ع نور

هية كانت بلفعل خايفة ومتوترة من هليوم،كانت مقررة كمان انها تطالع نور من قلبها لأنها مالا خاينة ومستحيل تقبل تخون حتى لو مو بلجسد..جوا الروح مارح تخون