#انقلب_السحر_على_الساحر_بقلم_مال_الشام

الجزء الأول

ميس: حياتي ايمت رح تطلقو؟

باسل: انا حكيت معا، الها يومين ما طلعت من غرفتها ومو عارف كيف اسالها ع شو ناويه!

ميس: ييييي لك ما اكلت من يوميييين!؟؟

باسل: والله مابعرف مسكرة باب هالغرفه و حتى الاولاد ما فوتتهن معا عم حطهن عند امي و انا طالع ع الدوام و بس ارجع بجيبهن… يمكن بتاكل بس اطلع #مال_الشام

ميس: يا ربي و بعدين مع هالقصه! انا ليش هيك نصيبي حتى حبيت رجال متجوووز والله ما عم اقدر ما حس بالذنب
خايفه تدعي علي مرتك شي دعوة و الله يسمع دعائها

باسل: لك يا ميس كرمال الله حاج قلتلك الف مره انا و ياها ما عاد يزبط نعيش مع بعض
خلص هالقصه فرطت لا انا طايقها و لا هي طايقتني لك الحياة مو بالغصب
الطلاق شرع ربنا

ميس: خلص فهمت بس يارب نخلص من هالقصه على خير، حاول دق عليها الباب و افهم ع شو ناويه
يمكن ما بدها تطلق معقول؟؟!

باسل: ههههههه لا مستحيل… اصلا فكرتا رح ترقص و تغني بس خبرها انو بدي نتطلق لانها من زمان ما عاد رايدتني بس مابعرف ليش هيك قلبت الوضع دراما… محدا بيعرف شو في ببالها

ميس: خلص حاج نحكي عالمخلوقه الله يبعدا و يسعدا و ان شاء الله عن قريب منصير سوا حبيبي و مننسى كل هالمصايب و التعب

باسل: الله يسمع منك يا قلبي، و ياريت تبلشي تمهدي لاهلك بالموضوع لان ازا غفران كمان يومين بتطلع
ما رح تضل اكتر #مال_الشام

ميس: ماشي بس ليك…. اهلي رح يشرطو مأخر كبير مشان يتاكدو انك ما رح ترجع مرتك بس تتجوزني

باسل: لك حاج جدبه ازا بدي رجعها ليش لطلقها!!! بس طلعت رح ارمي عليها اليمين و ورقتها بتصلها بنفس النهار
و يومين بقلبلك البيت ليصير متل القصرررر و يناسب اميرتي الحلوة

ميس: لك باسل لا تاخدني بالحكي الحلو امي اشترطت يكون المتأخر كبير هلكت لاقنعتها لا تخجلني معون!!

باسل: يعني بدكن تستحكموني؟؟؟ انا مو مشكلتي المصاري بس ضد المبدأ…. انا مو مسدئ طلئها بتقليلي رجعها!!!

ميس: هلا هيك صار الحكي؟ من اسبوع كان بعملك الي بدكن و جاهز من الليرة للعشر ملاين و انتي عندي مو بالمصاري!!

باسل: ياحبيبتي افهمي علي هلأ انا بدي..

و فجأة باسل سمع صوت غرفة مرتو غفران عم ينفتح!!

ميس: ايه كمل ليش سكتت

باسل: روحي روحي بعدين بحكي معك سلام

سكر الموبايل و رماه جنبو و صار يستنا غفران تحكي و هو على اعصابو… و صار يسمع خطوات رجليها وهي جايه بإتجاهو!!

#انقلب_السحر_على_الساحر

-2-

صارت دقات قلبو تزيد بسرعه…
حبيبتو الي حبها سنتين و اخدتو غصب عن اهلها بكل بساطه اجا و قلها ضبي غراضك و بدي اتجوز عليكي!
كان كتير متوتر… و فجأة قعدت غفران جنبو و حطت ايدها ع كتفو. .

غفران: انا بعرفا للعروس؟

باسل بتوتر: لأ

غفران: طيب ليش؟!

باسل: شو ليش؟ هاد شرع ربنا و حقي

غفران: و شرع ربنا تطلقني مشانها؟

باسل: لشو هالحكي؟ …. خلص انا حكيت قراري و مستعجل كمان

صارت تبكييييي و تضرب ع وشها و تعيط عليه: لك يا حقير كيف اخدت قراركيييييف بدي ارجع لعند اهلي بعد ما تحديتهن كرماااالك يا حقير يا حقيرررر

قرب باسل و مسك ايديها و مجد و سعد صارو يبكو (ولادهن)

باسل: لك خلص الاولاد خافوووو خلص خلص

غفران: لك شو خلص شو خلص وين بدي روح بحالي وين روح بولادي، مابدي ياك و بكرهك بس لا تطلقني مافي مكان روح عليه

#مال_الشام

باسل سكت و صار يروح و يجي بالصاله و هو عرفان انو شرط ميس كان انو يطلق مرتو و مستحييييل تنزل ع ضره
وهو اصلا مابقدر يفتح بيتين!

غفران هديت و ناطره ردو و مافي بايدها اي حل… فكرتو غير رأيو و ناطرتو يحكي

لحظات غريبه و غير مفهومة، العاشقين الي واجهو الكل ليتزوجوا هلأ بساحة حرب و الكره معشعش بيناتهن…

باسل: طيب ليكي

غفران: شووو؟؟؟؟

باسل: معك شهرين تحاولي تراضي اهلك بس بتنزلي بتقعدي ببيت اهلي بغرفه انتي و الاولاد

غفران: باسل… لك باسل كرمال الي خلئك انت بتعرف ابي… بتعرف انو وقف وقلي اهلك و لا باسل قلتلو لا باسل
بتعرف وقت رضيو علينا و رجعنا اهل بعد وفاة ابي و كتبتلك حصتي بالورثه اخواني قالولي بتعطي اخواتك الي مو ملاقين خبز يطعمو ولادهن و لا باسل قلتلهن بااااسل
انت بتعرف وقت اخدت اسوارة من امي وهي مريضه و قالتلي يا امي ما بغلى عليكي شي بس بخاف اعتازها لكبرتي كرامة امك و لا باسل لك قلتلها باااسل قلتلها بااااسل

باسل: خللللص خلللص خلص شو عم تمنني علي!! …. شهرين معك بتنزلي بتقعدي مع امي
و انا بعد اسبوع رح اتجوز بهاد البيت و رح جيب مرتي
نحنا مو اول تنين و لا اخر تنين بيتطلقو… خلص بقى افهمي شو الشغله بالزووور؟؟؟

غفران: بالزور؟ هاد اخر كلام عندك؟

لبس جاكيتو و مشي باتجاه الباب (( اي هاد اخر قرار بدي ارجع لاقيكي ضبيتي غراضك و نزلتي ع بيت اهلي بتنظفي غرفه و بتاخديها
وهاد بس مشان العشرة و مشان ولادي)) … #مال_الشام

و طلع و ضرب الباب وراه

ضمت غفرا

ن ولادها و صارت تبكي و هن يبكو معا…
ضلت ساعتين هيك بعدين بلشت تضب غراضها و تجهز ولادها لتنزل… وهي عم تضب غراضها لقت شي…
مسكتو… وصارت تطلع فيه و عيونها مليانين دموع
بعدين ابتسمت…. و قالت ماشي يا باسل… انا رح ورجيك!

#مال_الشام
#انقلب_السحر_على_الساحر

-3-

الي لقتو غفران كان ورقه… عليها رقم رفيقتها عهد
عهد رفيقة غفران من ايام المدرسه بس قطعت علاقتها فيها لان عهد كان عندها شي سيء كتيرررررررر..
عهد كانت بتتعامل بكل شي بحياتها (بالسحر و الحجابات) و غفران بتعرف انو هاد الشغل كلو حرام و بغضب ربنا
بس هي كانت ضعيفة كتير و بحالة يئس… مسكت الرقم و اتصلت…

عهد: الو؟
غفران و هي عم تبكي: عهد انا غفران
عهد: هاد انتي ولييييه… هيك يا دبه ما بتسألي عن رفيقتك تضرسي

ضلت غفران عم تبكي

عهد: غفران عم تبكي؟ لك غفران؟؟؟؟

غفران: لا ما عم ابكي… عهد بدي ياكي بخدمه

عهد: لك امبلى عم تبكي وقفتي قلبي لك شبك

حكتلها غفران كل شي صار معها و كيف ميس فاتت حياتها و جننت جوزها و حكى لميس انو هي بدها تطلق و هددها ازا بتحكي الحقيقه لميس بياخد منها الاولاد و ازا سكتت بعطيها ولادها… يعني قايضها على ضناها!
عهد انقهرت كتير عليها و هي بتعرف اديه كانت غفران تحبو لباسل

عهد: الله لا يوفقووووو و شو بدك تعملي؟

غفران: انا لهيك حكيت معك.. انتي رح تساعديني

عهد: كيييف؟

غفران: في وحده كانت تكتبلك حجابات بدي تدليني عليها

عهد: شووووو؟؟؟ من عقلك بتحكي؟ انا تبت من زمان
وخفت الله يعاقبني ما عاد تعاملت بهل شغله اسفه كتير

انهارت غفران و صارت تبكي ( شوو بدي اعمل ياربي ضحيت بكل شي كرمالو و هلأ باعني مشان وحدة ما الو يومين بيعرف، لك وين بدي روح باولادي شو اعمل )

عهد : غفران انا رح اعطيكي العنوان تبعا…. بس بدي قلك شي واحد
هي ما بتكتب حجابات قرآن… فهمتي علي؟ و انا ما رح اقدر اجي معك لاني تبت ومستحيل ارجع روح لعندا

غفران: فهمانه عليكي لو بتتعامل مع الجان الازرق ما بهمني، المهم تقدر تساعدني… ابعتيلي العنوان

اعطتها العنوان و سكرت الخط…. لبست غفران تيابها و اخدت دهبها راحت باعتو و راحت عالعنوان…. ما كانت عم تفكر بشي… الا انها بدها تندم باسل على الي عملو فيها!

بالفعل وصلت و دفعت و اخدت حجاب قالتلها هديك انو رح يخلي جوزها متل ما بدها و يحبها كتير بس هي ما بتعرف شو فيه… وصتها تحطو بمكان بخص جوزها!! و اعطتها كيس و قالتلها هاد ضلك شربيه منو كل فترة و فترة

و هيك رجعت غفران و هي خايفه و متوترة و صارت تفتش وين بدا تحطو…
بالاخير فتحت فرشة التخت حطت الحجاب بقلبها و خيطتها و رجعت كل شي و اخدت الاولاد و نزلت ع بيت حماها لتاخد غرفه هنيك و لتشوف شو رح يصير!!

مرق شي اسبوع و صار موعد عرس باسل …
و تاني نهار …

كانت غفران بالغرفه عم تبكي كل الليل لوش الصبح
و ع طلوع الفجر… دق باب غرفتها

#مال_الشام
#انقلب_السحر_على_الساحر

-4-

بالاول خافت مين رح يدئلها بهل وئت!
بعديييييين خطرلها شي!!
معقوووول هاد الحجاب نفع!!!

قامت تركض فتحت الباب بدون ما تسأل مين و بالفعل كان باسل على الباب…

قبل ما يحكي شي ضحكت… لفت ضهرها و قلتلو

غفران: ليك ازا بتبوس رجلي ما رح سامحك فهمان؟؟

و فجأة فات و سكر باب الغرفه و مسكها من ايدها متل المجنون

غفران: لك شببببببك شبك

باسل: شو عم تخبصي وليه؟ فوق ما تركتك هون وضبيتك من الشوارع!!

غفران: شو في!!

باسل: مابدي المحك بأي مكان من هون و رايح…. بعد مية واسطه حتى قبلو الجماعه يعطوني بنتهن و انتي على ذمتي و بعد ما شرحتلهن سبب هالشي تعاطفت معك ميس و قبلت خليكي هالشهرين

انا حسيت شي تقييييل و قع ع صدري و دائ نفسي…

غفران: فضحتني بين الخلق يا باسل؟ فضحتني بين الناس يا ابو ولادي؟
مرتك حنت علي يا قليل الاصل!؟؟؟! لك روح ربي يسلط عليك ارذل خلقوووو
روح ربي يسلط عليك ارذل خلقو يا ظالم..

صار يحط ايدو ع تمي و يقلي اخرسي وطي صوتك..
وطلع من الغرفه و تركني حالتي بتبكي الحجر
صرت اتزكر كيف تحديت الدنيا كرمالو
كنت كتير واثقه فيه و شايفتو فارس احلامي
و بلحظة كل شي انقلب فوق راسي
بعت اهلي كرمالو و هو باعني كرمال مرا!

راحت الايام و اجت… و انا مضبوبة بغرفتي لان ست الحسن بتغار… ممنوع اطلع منا الا بوقت نومتها عالعصر
و صرت اتصل باخواني و احكيهن طبيعي ع اساس ما عندي مشاكل لحنن قلبهن بالاول قبل ما خبرهن بمصيبتي…
و بيوم تزكرت الحجاب الي بالفرشه و انو لازم طلعو لان ازا لقوه رح يفضحوني و انا مو ناقصني فضايح..
كان طالع هو و ضرتي وفي نسخه معي من مفتاح البيت…
قلت لحماتي اني واصله لعند الجارة و رح ارجع بسرعه مع العلم حماتي كانت ما تطيئني بس بعد الي صار فيني صارت متل الملاك و تمنع باسل يضربني او يدايئني يمكن شفقة او يمكن لان ما كانت تتفق هي و ميس مابعرف ….

طلعت و انا عم ارجف لانكشف و شايله هم كيف بدي لحق طلعو شغلت ضو البيت و تاكدت انو مافي حدا و بسرعه رحت ع غرفة النوم… هنيك فهمت كل شي
وشفت الي كان رايح عن بالي!!!

#مال_الشام
#انقلب_السحر_على_الساحر

-5-

مداخلة: "روى البخاري ومسلم من حديث أبي هريرة - رضي الله عنه - أن النبي - صلى الله عليه وسلم - قال: ((اجتنبوا السبْع الموبقات))، قالوا: يا رسول الله، ما هي؟ قال: ((الشرك بالله، والسِّحر...))، ثم ذكر البقية الأخرى"
//////////////////////////////////////////////

مغيرلها غرفة النوم كلها!!!
ركضت ع التخت و رفعت المسبل و لقيت الفرشة كمان مغيره
صرت روح و اجي بالغرفة و عقلي ياخد و يجيب و ما عدت عرفت شو اعمل
يعني كان ممكن يزبط الحجاب!! و فوراً نويت ارجع اعمل سحر جديد حتى وجع قلبهن متل ما وجعوني
اخدت قراري و نويت انزل بوشي لعند الدجالة تكتبلي حجاب جديد طلعت من البيت بسرعه و فنحت باب غرفتي لفوت بدل تيابي
و كنت مستعجلة عم البس و الارض مو شايليتني من الفرحة، مافي شي بين عيوني الا الكره و الوجع و الحقد كان ابني سعد عم يلعب و مجد نايم..

غفران: لك مجد امي هلا صحيت شو منيمك يا امي؟
سعد: ماما… مدد سلب دوا ( مجد شرب دوا)
غفران:ستك شربتو؟
سعد: لا هو سلب لحالو (شرب)

انقبض قلبي لان عم طلع الشال من الدرج و ما لقيت قنينة الشراب الي اعطتني ياه الساحرة لشربو لباسل،كنت مخبيتو هون !!
ركضت متل المجنونة ع ابني و صرت حركو و عيط عليه و سعد صار يبكي هرب من الغرفة و فورا اجت عيني ع قنينة الشراب تحت راس ابني…. حملتو و شديتو لصدري متل المجنونة ابني شرب السم الي فيا!!
طلعت اركض انا و لاففتو لحضني و سعد يصرخ و حماتي تركض وراي و تقلي لك شبو الولد شو صار للولد
نزلت فيه متل المجنونة عالشارع و قفتلي سيارة فيها شب و ست كبيرة و قلتلهن مشان الله ابني رح يموووت مشان الله
طلعوني
وصلنا عالمشفى و انا رجلي ما عاد حملوني
الصبي لا من تمو و لا من كمو لك قتلت ابني قتلت اببببننننييييي
صرت عيط بالمستشفى و قلهن قتلت ابببنييييي قتلت ابننننني
اخدو الولد مني ومابعرف شو صار لان غبت عن الوعي… مابعرف اديه ضليت هيك..
لوقت ما فتحت عيوني…

غفران: وين انا؟

مرت عمي :الحمدلله على السلامة

غفران: ابننني…. ابني
مجد وينووو وينوووو
لك ابني شو صار فيه

على عياطي فات باسل و عيونو فيهن دموع و شرار و صار يغلط فيني و يسب علي يمكن هو كان ناطرني على غلطة و صار يتهمني اني ما بنفع لشي ما بزبط كون لا زوجة و لا ام التمت المستشفى علينا و اجو يطلعوه و قبل ما يغيب عن عيني قلي(( انتي طاااالق انتي طاااالق))

ضلينا تلات ايام بالمستشفى متت الف موته و ابني كان وضعو خطر و ما عرفت لملم القصه قلتلهن مابعرف شو شربان بس لقيتو هيك مرمي…
اخواتي وقفو جنبي و اخي الكبير عبدالله اتصلت عليه و قلتلو كل شي لانو طبيب و حتى قلتلو ع السحر لان خفت يصير لابني شي و قلي ما احكي و ضل ببيت حماي لتخلص العده و رح يزبطلي وراقي لاطلع لعندو عالسعوديه…

اول مره شفت فيها ابني فتت و غمرتو و شميتو و هو عم يضحك متل الملاك…. نسيت كل هموم الحياة
حسيت الله شال من جواتي قلب و زرعلي قلب جديد
صافي
ابيض
راضي
مابدو شي من هالدنيا

تعافى مجد و رجعت ع غرفتي ببيت حماي و خبرتهن اني ناطره اخي يبعتلي لروح لعندو و مافي مكان يضبني و ما الي غيرهن يتحملوني… مرقت فترة العده و انا مافي على قلبي اهم
العب مع ولادي و اسهر مع حماتي و نروح و نجي و ميس كل يوم عن يوم تتكبر و تتجبر…. مافي يوم الا تعملي مشاكل مع انو حاول ابعد عنها و فهمتها انو ماااابددددي شي و ناطرة اخي ياخدني لعندو
و امور اخي تعسرت بس كان كل يوم يتصل ويوعدني ياخدني باقرب وقت… بلش باسل يحن و يقارن بين ميس المدلله الي طلباتها ما عم تخلص و نقها الي ما عم يوقف و بين غفران الي كانت ترضى بكل شي..
بس كنت صدو و اقرف منو

هيك صرت كل يوم اسمع اصوات ميس و باسل واصله لاخر الحارة…
يوم عن يوم صار يمد ايدو عليها تقعد عندو يوم و تحرد ببيت اهلها عشرة مع انو باسوء حالتنا انا و ياه ما وصلنا لهل مرحلة…

فجأة انقلب باسل قلب صار متل المجنون ما يتحاكى لوقت ما بهداك النهار كانت الساعه 9 المسا سمعنا صرخة ميس جايه من فوق
جمدنا بارضنا و خفنا يكون باسل عمل فيها شي… و متل المجانين ركضنا لفوووق

#مال_الشام
#انقلب_السحر_على_الساحر
قبل الأخير

-6-

وصلنا و كان ع الباب واقف باسل و جنبو وحده لابسه فستان ابيض و صوت ميس جوا عم تصرخ…
طلعت ميس من جوا و صارت تقلو لك انا انا بتتجوز علي،،، مفكرني غفران لاسكتلك و بوس ايدك تحويني عندك ما فشرت عينك!!!! ..

انا فعلا اخدت درس بحياتي و ما كان بيعنيني شي بس مابعرف ليش اجتني الضحكة يمكن لان حييت اديش هالمشهد مألوف بالنسبه الي
ما عدت مسكت حالي و صرت اضحك اضحك و مرت عمي تقرصني و تقلي اسكتي
جنت ميس و قالتلي شمتااااانه؟؟
قلتلها لك هههههههه لا ههههههه لا والله هههههههه
بس يعني هههههههه

لسه بدي برر موقفي و التفتت العروس الي مع باسل علي و ضحكتي كلها راحت و انسحب لون وشي!!

غفران: هاد انتي؟

عهد: اهلا غفران

غفران: كيف هيك؟!!!

عهد: طيب يعني ما في مبروك؟!

سحبت حالي و نزلت و انا مصدومة مو مستوعبه!!

حماتي نزلت ميس و عم تهدي فيها و انا عم فكر كيف هيك صار!! و ميس اتصلت باهلها و راحت لعندن

بعد تلات اسابيع بتتصل فيني ميس و بتطلب مني ادخل واسطه لتضل عند جوزها!!
انا بالبدايه ما فهمت منيح بس تصرفات باسل اكدتلي انو مو طبيعي بنوووووب، كان يعبدها عبادة و يتصرف متل الي غايب عن الوعي

خطرلي انها عهد كزبت علي و بعدا بتتعامل بالدجل و السحر
زاد خوفي على ولادي… و اكدت لعهد انو انا مبسوطتلها و ما عندي اي نيه ارجع لباسل…

اتصلت باخي و ترجيتو يستعجل باوراقي لان صرت عايشه على اعصابي و بالفعل بوقت قصير دفع مبلغ كبيرو مشالي اموري
ضبيت اغراضي و بدون ما اتطلع وراي طلعت من هالبيت و اخدت ولادي الي باسل ناسيهن اصلا!!

وصلنا و استقبلونا اخي و مرتو احلى استقبال و سامحني من قلبو و دللو ولادي و اعتنو فيهن لوقت ما اجاني خبر انو باسل زت امو بمأوى العجزة و ميس صارت خدامه الوو لمرتو و حبلت مرتين و طرحت بسبب الضرب و مو راضي يطلقها لتتنازل عن المتأخرر

انحرق قلبي على ام باسل…. و تعاطفت مع ميس مابعرف ليش
و خطرتلي فكرة 💡
كنت كتير خايفه نفذها بس هاد بضلو ابو ولادي و امو كانت حبابه معي اخر فترة

قعدت معي اخي و فهمتو الوضع و شو في ببالي و هو شجعني على فكرتي كتير وقلي توكلي على الله

و على هالاساس مسكت الموبايل و اتصلت

#مال_الشام

#انقلب_السحر_على_الساحر

-7- و الأخير

غفران: الو السلام عليكم

—---: و عليكم السلام ورحمة الله وبركاته تفضلي؟

غفران: مركز الامن؟

—---- مزبوط بس هاد الرقم خارجي ليش متصله لهون؟

بلشت احكيلو عن الدجالة و اعطيتو موقعها و مواصفاتها و اديش بتنصب ع العالم و قلتلو انها بتعطي للعالم سموم على اساس انها سحر للمحبة و التفريق بين الازواج

بعدين قلتلو انا طلعت من البلد لاخلص من شرها هي و الي بتساعدها و بتتعامل معها و اعطيتو اسم عهد و اكدت عليه ما يعطي اي معلومات عني و يعتبرو بلاغ سري و انا رح انتظر التفاصيل…

طلعو مداهمة ع موقعها للدجالة الي رحت عليها و فاتو فتشو البيت لقو مصاري كتير و لقو مخدرات كانت تعطيهن للنسوان ع اساس سحر لالهن مشان يجيبو الصيبي وهيك بصيروا مدمنات و بيرجعوا يترجوها لتعطيهن منو..
ولقو اعضاء بشريه كانت تستخدمهن لخلطاتها متل كميات من الدم مفرزة و اعضاء تانيه مقرفة و بهيك انحبست بتلات تهم

نصب و احتيال

مخدرات

اشتباه بتجارة الاعضاء و الخطف

و كانت شبكة واسعه لموهن كلهن و رموهن بالسجن بنفس التهمة و من ضمن الي انحبسو عهد انا بس سمعت كل هالحكي كان رح يوقف قلبي و رحت ع الحرم و صليت و استغفرت و شكرت ربي الف مره انو نبهني قبل ما فوت بهل طريق الوسخ

بس حالة باسل ضلت سيئة و ضل يركض ورا عهد و يبكي بدو ياها و يبدو كانت معلقتو بالمخدرات… اتصلت بميس و قلتلها رح فهمك شو تعملي بشرط تروحي تجيبي ام باسل معززة مكرمة لبيتها… و افقت ميس و قلتلها تاخدوا على شيخ موثوق و تعرضو على طبيب يفحصلو دم و هو بفهمها الباقي..

بهي الفترة اخوها لمرت اخي شافني اكتر من مره هو زوجتو متوفيه و اكبر مني ب 10 سنين و طلبني للزواج كنت كتير متردده بس هو كان كامل مكمل اخلاق و دين و فهم و اكابريه و بس بدو رضاي و وعدني ولادي يتكرمو و يتعززو

وافقت و مع الايام صارت بيناتنا علاقه اكبر من الحب بكتيررررر

لقيت فيه كل شي كنت احلم فيه

الاحترام و الرحمة و الموده و كان احن ع ولادي مني

ع خبر حملي قررنا ننزل ع البلد و نشتري بيت النا هنيك و ابننا يجي هنيك… نزلنا. بالفعل و اخدنا بيت اطلالتو بتطير العقل

قررنا يكون بضيعه خضرا و هاديه و اهلها طيبين و جوزي عمل الي بدي ياه

استأذنتو روح زور ام باسل و اتطمن عليها… و سمحلي بس قلي اترك الاولاد عندو لان خاف ياخدهن باسل مني

رحت وففت قدام البيت و صرت اتأملوو اتزكر

مر شريط حياتي قدام عيوني متل لمح البصر

كيف كنت صغيرة و حبيت باسل و اديه تعزبنا لاخدنا بعض و كنا عايشين بجنه لوقت ما فاتت ميس بيناتنا كيف صار يذلني و تغير علي و انا فكر حالي مقصرة لوقت ما واجهني بخبر زواجو

غريبه هالحياة

رنيت الجرس….

فتحتلي وحده تيابها مبهدله و هيئتها مزرية و مبين عليها الشقى و التعتير

انا صفنت فيها و هي صفنت فيني…

لا انا عرفتا و لا هي عرفتني!!

ميس: غفران؟

غفران: لك هاد انتتتتتيييي؟؟؟ كيييفك شو اخبارك

ميس: الحمدلله منشكر الله

غفران: وين ام باسل بدي سلم عليها و مستعجله بدي روح

ميس: جوا فوتي ما بتقدر تطلع

فتت و قعدنا شوي و فهمت انو باسل لسه بيتعالج بالمصح لان بيهرب و بيرجعوه ف طولت مدت علاجو و عهد انحكمت سبع سنين سجن..

طلعت من البيت
و نزلت دمعتي…

ع كل حدا بهل بيت…

و ع كل تفاصيل حكايتي

الشي المختلف الي منحني ياه رب العالمين انو كان جزاء كل شخص فوري و دنيوي و الله اعلم بعقابنا بالاخرة… ما حدا بيعرف شو ناطروا…. و ما منقول غير رحمتك يارب…

#تمت

بداية القصة 🌸

رأيكن؟ ... 💚
@Stories_3_bot

#امرأة_من_نار
#بقلم_مال_الشام

( الجزء الأول) + ( الجزء الثاني) + ( الجزء الثالث) + ( الجزء الرابع) + ( الجزء الخامس) + ( الجزء السادس)

منار: يا الله شو حلو نهر العاصي، بخليني حس بعز و شموخ لما يمرق قدامي… بحسو بيحترمني مابعرف ليش هههه

قصي: بتعرفي انو بينبع من لبنان؟ بس بصراحة مابعرف وين بيصب و بينتهي

منار: مو مهم… المهم انو بمر بهي الأرض، بيجي من بعيددددد ليتبارك عنا بحماة، بياخد من هون الطيبة و السعادة و البراءة و بوزعهن على كل مكان بيمر فيه بعد هيك…

قصي: ههههههه

منار: ليش عم تضحك؟

قصي: لا ولا شي بس عقلك صغير يا مرتي…

منار: اصلا انت طول عمرك هيك…كل شي بحكيه بالنسبه الك ما الو معنى و بدون قيمة، اي شي بعملو بكون تافه… تعودت

قصي: الي بسمعك بفكر مخترعه شي اختراع و انا حطمت مواهبك فيه، كلهن كم رسمة بتقعدي بترسميهن ما الهن اي معنى..

اخدت منار نفس عميق… و حاولت تتجاهل و تنسى وجودو جنبها… قصي مو هون… بس انا و العاصي و النواعير…
وحماة ❤️

قاطع لحظاتها الحلوة هي وهو عم يتثاوب: قومي يلا نرجع عالبيت

منار: هلأ؟!

قصي: مو شايفه وضع البلد على كف عفريت، اشكري ربك انو صحلنا نقعد نص ساعه… يلا قومي و ضبي الاغراض.

مشى و تركها… و هي وقفت على حافة العاصي و حست دئات البها كتير مخربطة، اديش بتحب هالارض؟ اديش نفسها تنعجن مع ترابها و هواها و سماها ليصيرو جسد واحد…
صارت تقرب اكتر لدرجة كان ممكن تقع بالنهر… بس تفكيرها كلو انو خايفه، خايفه على بلدها و بيتها و زكرياتها..
لوين ماخدتنا الحرب؟! ..

قصي صرخ عليها من بعيد: ولك شو عم تعملي خلصيني رح تغيب الشمس..

صحيت من افكارها و رجعت لورا… ضبضبت اغراضها بسرعة و ركضت وراه…

منار و قصي متل اي زوجين… تمت خطبتهم بشكل تقليدي،، تزوجو من تلت سنين و لسه الله ما رزقهن اولاد…
هي عندا موهبة فظيعة بالرسم… و هو عامل كهربا.. بعد زواجهم الميمون بسنه ونص بلشت الاحداث بسوريا..
حماة كان الها نصيب كبير من الألم و الظلم…
مشاهد مكررة عم يعيدها التاريخ… مرق الوقت و كان الوضع عم يسوء اكتر... و بليلة من الليالي

منار: يا الله تلفت اعصابي مشان الله مشان الله…. اصوات التفجيرات قريبة كتيررر… حاسة كأنها بألبي… شو صار بالناس

قصي: خلص اخرسي شو طالع بايدي انا… اخرسي

منار: يمكن نموت؟

قصي: لا لا انا مابدي موت

منار: رح يطلع الضو علينا؟

قصي: ازا طلع رح نمشي من هون فوراً

منار: لك لوين بدنا نروح

قصي: بدنا نلحق هالناس كلهن راحو على تركيا

منار: استغفر الله العظيم ياربي..

كانت ليلة طويلة كلها رعب و عذاب، مع شعشعة الضو ما بئى حدا سمع اصوات برا… صارت العالم تطلع ع ابواب بيتوها لتعرف شو الي صار… و عالم كانت ضابة اغراضها و طلعو فوراً ليهربو من الموت…
و بالفعل وقت الناس شافو بعضن حاملين غراضهن و طالعين فات الخوف لقلبهن… و صار الجار يودع جارو…
و منار ودعت اهلها… و قصي ما فكر حتى يودع اهلو كتر مانو مرعوب… و طلعو باتجاه تركيا…

ساعات طويلة مرقت عالطريق لتركيا…كان في كتير عالم
و الكل وشهن بيحكي حكاية الم و قهر ، و العيون نشفت دموعا ع فراق الاهل و الارض…
قريب من الحدود نزلو العالم يرتاحو شوي… كان تجمع منيح من البشر…
بس صار في حركة غريبه… بلشت الناس تلم غراضها و تمشي بسرعه..

منار: قصي قوم… اصحى خلينا نتحرك

قصي: اييييه اتركيني نام شوي هلكان

منار: لك قصي ما بئي حدا غيرنا العالم كلها فلت ما بعرف شو عم يصير… قصي قووووم…

صحي وهو مرعوب و صار يتطلع حواليه: وين الناس؟

منار وهي عم تبكي: الهن ربع ساعه ماشين مابعرف شو في

مسكها من تيابها صار يشدها وعيونو متل الجمر: يا حمارة ليش ما صحيتيني فوراً

منار: ماا بعرف مابعرف خلينا نلحقهن…

و قبل ما يقومو من مطرحهن…. انفجار كبير هز الأرض و حرق الاخضر و اليابس صار قدام عيونهن…
صوت سيارات و صريخ و رعب جايه من بعيد… ركض قصي عالسيارة و شغلها: اركبي خلينا نرجع عالبيت

منار: قتلوهن!!

قصي: منار اطلعي بالسيارة بسرعه يلا

منار: كان معهن اطفال صغار…. لك كانو 200 بني ادم
قتلووووهن…. قتلوووووهن
وصارت تضرب ع وشها و تقطع تيابها…
نزل قصي سحبها وطلعها بالسيارة… و بلش يرجع بالسيارة لورا… بس منار كانت عيونها باتجاه الطريق الي راحو منو الناس و اجا منو صوت الانفجار… و لمحت وحده عم تركض باتجاهن و عم تاشرلهن…

منار: استناااا استناااااا…..

قصي: شووو في شوووو

اشرتلو منار على البنت الي جايه من بعيد : اتطلع هنيك

#امرأة_من_نار
#بقلم_مال_الشام

الجزء الثاني

قصي: اي اي شفتها رح انزل ساعدها ضلك بالسيارة

ما نطقت منار بحرف… كانت ترجف و تتزكر وش العالم الي كانو معا… كيف طلعو من الموت للموت؟ الصغار كانو كتير عم يبكو كأنهن حاسين بس محدا فهم عليهن… كل شي راح كل شي راح.. كانت بحالة رعب… لوقت ما وصل قصي و البنت الي


معو عم تنزف وفي حروق بجسما… فتحت منار باب السيارة الي ورا و طلعو البنت و مددوها…
و منار رجعت لورا حطت راس البنت بحضنا و صارت تمسحها من الدم…

قصي: شو اعمل نرجع؟

منار: لا لا رح نموت لا

قصي صار يضرب السيارة و يبكي: لكن شو نعمل

منار: خلينا نخبي السيارة تحت شي شجرة و ننطر لتغيب الشمس

ما كان عندهن غير هالحل… بعدو عن المنطقة شوي و حطو السيارة تحت شجرة كبيرة… و قعدو عالارض

منار: خايفه البنت تموت بين ايدينا

قصي: بكون عمرها خالص…

البنت: مي… بدي مي

منار: رجعت لوعيها…
ركضت و جابتلها مي و شربتها…

منار: شو اسمك؟

البنت: ح - ن - ا… ح ن ا ن

منار: ما فهمت عيدي

قصي: كأنها قالت حنان صح؟

منار: اسمك حنان؟

البنت هزت براسها انو ايه اسمها حنان…

منار: افتح الشنته و اعطيني قطعه من تيابي للبسها ياها

قصي: مجنونه جسمها محروق… لازم ما تشيلي تيابها عنها… بس غطيها ببطانية…

طلعنا خبز و جبنة و اكلنا… و بلشت تغيب الشمس… و بلش الخوف ياكل قلوبنا

قصي: لازم نقرر هلأ.. نرجع و لا نكمل لتركيا؟

منار: ازا كملنا شو بصير؟

قصي: يمكن نموت

منار: و ازا رجعنا؟

قصي: كمان يمكن نموت..

منار سكتت و حطت راسها ع كتف قصي: هلا انت بتحبني؟

مسح وشو و كان تعبان كتير: اي بحبك

منار: طمنتني… مابدي ياك تموت مع وحده ما بتحبا…

رفع وشها و تطلع فيها و عيونو فيهن دمعه: ما رح نموت وكلي الله… رح نكمل على تركيا بس بدنا نكمل مشي مشان ضو و صوت السيارة..

منار: طيب رح عبي كل شي مهم بشنته صغيرة لاقدر احملها و انت بتسند البنت

قصي: بدنا ناخدها معنا؟

منار: لكن شو بئك تتركا هون؟

قصي: بس ما اتوقع انها تعيش وشها وجسمها محروقين

منار: حروقها من الدرجة التانيه يعني بيتعالجو و بعدين البنت فيها روح ما بجوز من الله نتركها!!

قصي: طيب خلينا نتحرك…

ضبو غراضهن و سكرو السيارة و بلشو مشي… ضلو يمشو كل الليل و خافو يوقفو… و حنان ما قدرت تكمل مشي ف حملها قصي على كتافو…

قبل ساعات من شروق الشمس… وصلو للحدود التركية…
و تفاصيل يطول شرحها و يصعب التصريح عنها… رح نتجاوز هاد الجزء…

تاني نهار الساعه عشرة الصبح نقلوهم على مخيم الاجئين بعد تحقيقات طويلة و اجراءات معقدة.. اسعفو حنان و عالجوها فوراً و كانت كلها ضمادات و اعطوهن ادوية كتير لازم تلتزم فيهن و بعدين اعطوهن خيمة الهن التلاته لان منار حكتلهن انو حنان اختها بس جوازها انحرق..

قصي: هههههههه قلتلك ما رح نموت

ركت منار ضهرها و تنفست نفس طويل: تعبانة كتير

قصي: و انا جوعان

منار: وانا والله… شو بدنا نعمل

قصي: رح اطلع اسال حدا بلكي بيعطونا اكل او بشتري بالليرة السورية

منار: رح تتركني هون لحااالي ؟

قصي: هي حنان عندك ما رح اتأخر

منار: لك صحيح شوف يا حرام كيف كلها ضمادات و اعطوها مية دوا

قصي: اكيد اهلها كلهم ماتو

منار: الله يعينها… لا تنسى بكرا ناخدها عالمستوصف يغيرلها عالجرح

قصي: طيب يلا انا طالع جيب اكل..

طلع و قامت منار لعند حنان و صارت نحاول تحكي معها: موجوعه؟

حنان: أي

منار: يبعتلي حمى عليكي… انتي من وين؟

حنان: حماة

منار: من وين بحماة؟

حنان: اب.. اب

منار: خلص خلص ارتاحي…

حطت راسها عالارض لترتاح و غفيت… بعد شوي اجا قصي و صار يصحيها: قومي قومي جبت اكل

منار: اتركني نايمة مشان الله

قصي: لك قوووووومي بسرعه جبت اكل و بطانيات و مي

حاولت ترجع تنام بس شمت ريحة طبخ!! جاج!!
قامت من مكانها و فركت عيونها: شو هاد؟

قصي: لك جيرانا اعطوني صحن رز و جاج و خيمة تانيه اعطوني بطانيات… و كمان مي

قربت منار من الصحن بدها تاكل… وسمعت حنان عم تأن: قصي بدنا نطعميها جوعانه البنت

قصي: اي اي كلو انتي وياها انا جبت خبز رح اكول منو..

قربت منها منار و صارت تحطلها حبات الرز بتمها

#امرأة_من_نار
#بقلم_مال_الشام

الجزء الثالث

مرقو عليهن شهرين بالمخيم… كلهن عزاب و شنططة…
الخيم كلها قريبة من بعضا ما فيك تاخد راحتك…و الحمامات بدها حجز و الجلي بالدور كلو تعتير… حنان صارت تتحرك و عالعلاج الحروق عم تروح بالتدريج كان واضح لمنار انها بنت حلوة بس الحروق اخدت جمالها… ضلت عايشه معن و كانت نفسيتا تعبانه لان خسرت كل اهلها و منار تحاول تعوضها و ما تحسسا بالوحدة ابداً…
فات قصي عالخيمة وهو تعبان.. و تمدد عالاسفنجة

منار: يعطيك العافية خلصتو شغل؟

قصي: ايه خلصت بس حاسس ضهري انقسم نصين

منار: الله يتوب عليك من هالشغل

حنان: هلا انتو ما عم تفكرو تطلعو من هالمخيم؟

منار: ياريييييت والله بس قصي ما عم يقتنع

قصي: المصاري الي معنا مو كتار مابدي نتورط

منار: بس دهباتي معي شو نسيت؟ بطلعو بمبلغ كبير

حنان: و انا دهباتي معي ما احترقو ههههه

قصي: هههههه والله ورايقه كمان… بالمناسبة
جايه عالمخيم طاقم علاج فرنسي بعالجو مجاني و الادوية كمان ببلاش روحي انتي ومنار

بلكي بيعطوكي دوا احسن من الي بتستعمليه…

تكركبت حنان و استأزنتهن و طلعت من الخيمة..

منار: كيف قلت للبنت هيك!

قصي: شو قلت!!!

منار: الله يسامحك بتعرفا حساسة انتبه ع حكيك.. رايحه شوفا

قصي: لحظة تعي

منار: شو بدك

قصي: هلا عنجد ازا بدنا نطلع بتبيعي دهبك؟!

منار: ازا بتطلعني من هون و بتاخدلي بيت نظيف اي ببيعهن...و بتحلف ترجعلي هن بس الله يفتحها عليك

قصي: ماشي خلص روحي

منار: يعني عنجد بدك تطلعنا؟

قصي: ايه بس اصبري علي… وخدي حنان لتتعالج قبل ما نطلع من هون لان رح استعجل بالطلعة…

تاني نهار منار اقنعت حنان يروحو وانهن ما بيخسرو شي… سجلو اسمهن و رجعو عالخيمة و بعد تلات ايام اجو لعندن و عاينو حنان و اعطوها ادوية و مراهم يبدو انهن متل السحر!! ياعمي دوا برا غير ليش الكزب… خلال اسبوع بلش يبين الفرق على حنان و منار كانت فرحانيتلها كأنو فرحانه لحالها… بلشو يضبو اغراضهن و يجهزو حالهن للطلعة… و كان قصي حاكي مع رفيقو برا و مدبرلو بيت صغير و نظيف و سعرو طري ليقعدو فيه… ودعو جيرانهم و فرحتهم مو عاطينا لحدا...و طلعو على بيتهن الجديد.. اول ما فاتو انقهرت منار لان بيتا كان احلى بكتيرررر بعدين تزكرت عزاب المخيم و شكرت ربها… و بلشت هي و حنان تنظيف بالبيت و قصي نزل يستلم الشغل الي دبرلو ياه رفيقو حازم…

مع الايام تعافت حنان من كل الحروق و حلوت و رجع جمالها و صباها… كانت صغيرة و ملامحها كتير حلوة… منار باعت كل دهبها الا المحبس و الحابس و قررت تبيعن و تجيب ماكينة خياطة لتشتغل و تساعد قصي… بلشت تخيط تياب الها و لحنان لان تيابن كتير قديمة
فساتين طويلة و كنزات بموديلات جديدة… و خيطت للبيت برادي و سفنجات و ادوات زينة ع زوئها بما انو الفن و الجمال بيمشي بدمها و صارت ع مهل تعلم حنان الخياطة مشان تساعدا.. .. بس حنان ما كان عندا ذوق و ابداع متل منار لهيك ما قدرت تتعلم الشغل… اجا حازم و حكي مع منار و قلها انو حكي مع تاجر تركي وبدو يشوف شي من شغلها يمكن يتعامل معها..
و حست منار انو طاقة من السما انفتحتلها… وصلت الليل مع النهار لتحاول تعمل تصاميم جديدة و مميزة و بعتت تلات موديلات مع حازم… و اجا بعد يومين.. :

حازم: والله مابعرف شو بدي قلك…

منار: مايهمك كنت بعرف انو ما رح يعجبوه اعطيني ياهن عزبتك معي اسفه

حازم: خدي

منار: هاد واحد وين التنين الباقين؟

حازم: والله ما اعطوني ياهن قال بدهن تفصليلهن قد مابتقدري كميات نفس الموديلين بس بقياسات مختلفة

منار: يييييي لك عم تحكي جد؟

حازم: ههههههه ايه والله

منار: لك ربي يجبر بخاطرك و بفرحك ببنت الحلال

حازم: والله هي الشغلة بايدك بقى

منار: لك انا مو ناسيتك و عم حاول اقنع حنان بس قال ما بدا تتجوز… و قصي واقف معا كمان

حازم: هلا بعد كل شي عملتو كرمال قصي ومستكتر علي اتجوز و يصير عندي عيلة؟

منار: له يا حازم الله يسامحك انت بتعرف اديش قلبو طيب بس هو مو حابب نجبرها على شي عرفت؟

حازم: ايه الله كريم اختي… تفضلي هاد عنوان المصنع دوامك من ال 9 لل 9

منار: شوووووو مستحيل قصي يوافق

حازم: ليش مستحيل انا خبرتو قبل ما اجي لعندك و فرح كتير

استحت منار و اتدايئت: اها طيب يعطيك العافية…

هيك مشيت ايام منار و قصي بين نقار و زعل و رضى… و كل يوم المسافة عم تزيد بيناتهن ما تشوفو الا اخر الليل لما ترجع من شغلها هلكانة و حنان تقوم بشغل البيت بغيابها..
هيك لوقت ما منار حست انو حنان عم تكون حاجز بينها وبين جوزها وماعم يقدرو ياخدو راحتهن حتى بغرفتهن لان بخافو يحرجوها…
ف قررت تدبر جوازتها هي و حازم باسرع وقت… اتصلت بحازم و اتفقت معو على خطة مشان يعملو مفاجئة لحنان لتعرف هو اديش بحبا و رايدها… و اخدت اجازة من شغلها تاني نهار مشان ترتب كل شي على رواق… وهيك اجا الموعد المتفق عليه…
حنان عم تشوف التلفيزون و ما معا خبر بشي
و قصي عم ياخد دش لان هلا رجع من شغلو…
و منار ناطرة حازم يوصل… و عالساعه سبعة المسا… دق الباب..

#امرأة_من_نار
#بقلم_مال_الشام

الجزء الرابع

دئ الباب و قامت حنان لتفتح… ركضت منار و قالتلها ارتاحي انا بفتح الباب…

منار: لك اهلين حازم فوت فوت

حنان: العمى شو جابو هاد هلا!!

طلع قصي من الحمام و شاف حازم عالباب حامل بوكي ورد و جايه بهيك وقت و استغرب!!

قصي: اهلا و سهلا تفضل حازم

فات حازم و عيونو عم يلمعو و خجلان شوي..

حازم: بعتزر يمكن الوقت مو مناسب

منار: ييي الله يسامحك بالعكس انا شايفه حنان مبسوطة كتير بزيارتك مو حنونه؟

حنان: اه؟ ايه ايه

منار: تفضلو اقعدو انا عملت كيك و تبولة رح جيبهن من المطبخ و اجي…

قعدو نص ساعه و في برود بالقعده و حنان و قصي عم يتطلعو ببعضهن مو فاهمين شو الطبخة!!

حازم: احم احم… يعني انا بصراحة اليوم جيت لسبب معين
بصراحة انا حابب اطلب ايد حنان لتصير مرتي على سنة الله و رسولو و ان شاء الله بتكون

قاطعو

حازم ووقف فوراً: بس انت بتعرف رأي حنان بالموضوع

منار: قصي انت ما تدخل هاد الموضوع بخص حنان و حازم.. و حازم شب مافي منو و ما في سبب لترفضو حنان، يعني عدم المؤاخذة بس بالنهاية نحنا مو اهلها للبنت!! لازم تتجوز و يصير عندا بيت و عيلة و لا شو رايك حنان؟

حنان: يعني هلا انتي متدايئة مني منار؟

منار: طبعاً لا هاد بيتك و اهلا وسهلا فيكي ايمت مابتحبي بس انتي مو صغيرة و حازم حابك و رح يهنيكي مو هيك حازم؟

قام حازم و وقف جنب حنان و طلع من جيبتو خاتم: ايه هيك و نص… بوعدك اسعدك و دير بالي عليكي كل العمر بس وافقي

منار: ايه حنان حاجتك دلال قولي ايه

قصي: حنان ما

حطت منار ايدها ع تمو: انت سكوت لا تدخل

حازم: شو السكوت علامة الرضا؟

حنان: بس انا

منار: لا بس و لا خس انتي خجلانه تقولي ايه ليكي وشك كيف صار احمر… نقوووول مبرووووك؟

حنان: منار لازم قلك شي

حازم: بعدين بتقوليلها هلا بدك تقليلي الي… موافقة علي؟؟؟

قصي: لا تضغطو عالبنت

منار: قولي ايه قولي ايه

حازم: شوووو موافقة؟

الكل كان عم يتطلع فيها و ناطرين جوابها… و حازم مبسوط كتيرررر… هييييك لوقت ما قررت حنان تحكي

حنان: انا اسفه… بس… بس لأ

منار: شوووووووو

تغير لون وشو لحازم… كان مفكرها رح توافق اخيراً.
رجع الخاتم لجيبتو و ابتسم.. : ههه شي حلو

حنان: انا.. انا

حازم: خلص مافي داعي تحكي… بالازن يا جماعه

و طلع فوراً و لحقتو منار: لك حازم استنا… تعا خلينا نفهم منا
حااازم… حازم..

رجعت لعند قصي و حنان وهي معصبة: لك شبك انتي مجنونة
في وحده بيصحلها شب متل حازم و بتقول لاااا شووو قصتك

حنان: يا منار انا ما فيني وافق

منار: ليييش شو قصتك… شو عم يصير معك هلا بدي افهم

قصي: بكفي خلص… البنت قالت لا و انتهى الموضوع خلونا ننام

منار: لا والله ما حدا بنام قبل ما افهم شو عم يصير… حنان… ليش ما فيكي توافقي؟

حنان: لاني… لانو… لانو… لان انا حامل.

#امرأة_من_نار
#بقلم_مال_الشام

الجزء الخامس

منار: حامل!!

قصي: شو يعني حاااامل؟!

حنان: مشان الله طولو بالكن علي اعطوني فرصة فهمكن بس

قصي: لك فرصة شو كيف يعني حامل شو عم تخبصي انتييي

منار: قصي خلص سكوووت سكوووت… شو هالمصيبة هي شو هالمصيبة

حنان: لا لا انتو راح فكركن لبعيد انا…. انا متزوجة

منار: لك مين وكيييييف!!! لك ايمت

حنان صارت تبكي: انا كنت طالعة مع اهلي لهون مشان اجي لعند جوزي… وهو كان المفروض انو ناطرنا عالحدود ورح يستقبلنا

منار: و ليش ما قلتيلنا هالحكي كيف هلا بدنا نسدئك؟

حنان: والله والله والله انو انا متزوجة سدئيني، ماكنت اعرف عنوان جوزي وخفت تقلولي روحي دوري عليه لهيك قلت بضل ساكته لوقت ما لاقيه

منار: ايه وكيف يعني انتي هلا حامل

حنان: انا… انا… مره و انا نازله على البازار ( السوق) لمحتو هنيك… و لقيتو

قصي صار يضحك وهو معصب: يا سبحان الله شو هالصدفه الحلوة… تركيا بطولها و بعرضها لقيتي جوزك فيا بالصدفه؟

منار: قصي انت سكوت

حنان: هاد الي صاااار ما عم كزب بشييييي

منار: ايه و بعدين؟

حنان قعدت عالارض و كملت حكي: ركضت عليه و صرنا نبكي التنين… و اخدني ع شفتو كان مستأجر هو و رفقاتو… و صرنا نحكي لبعض كل شي،كان وضعو المادي تحت الصفر و حالتو بتبكي و قلي انو هلا ما خبركن شي مشان تخلوني عندكون
و بعدين صرت كل يوم روح لعندو الساعه 4 العصر لان رفقاتو مو بالبيت بكونو بشغلهن..

قصي: برافو عليكي مدام… نحنا ضابينك عندنا و انتي مستغبيتنا

منار: انتي غلطتي بحقنا يا حنان… اتصلي بزوجك و خليه يجي ياخدك فوراً… نحنا صعب نسدئك بعد هلا… و خدي غراضك

ركضت حنان على ايد منار و صارت تترجاها: جوزي مووو هووون من اسبوع سافر على المانيا بالبحر و لهلا ما دئلي الله يوفئكون ما تزتوني بالشااارع امانه انا حامل وين روح بحالي

منار: سااااافررر!!

قصي: كزبة جديده هي؟

حنان: لا لا مو كزبة سدئوني… اول ما يوصل رح يدئلي و بخليه يحكي معكون

قصي: شو هالمسخرة هي… ما كان مبين عليكي انك هيك

منار: دخيلك يا قصي راسي رح ينفجر… كل هالوقت عم تكزب علينا و نحنا حاطينا بعيونا… مابئى متحملة جد مو مسدئة

قصي: وين رايحة منار!!

منار: فايته ع غرفتي ما بئى متحملة

راحت منارع غرفتها و هي عم تندب و تشكي من راسها… و سكرت الباب وراها..

نزل قصي و قرب من حنان و حكى بصوت واطي: وليه عليكي شو ممثلة

حنان: لك بعد عني لا تشوفنا

قصي: لا سكرت الباب اطمني

حنان: قولك سدئتني؟؟

قصي: هلا انا بلحقها و بشتغل شغلي لاقنعا

حنان: الله يستر ما ننكشف

قصي: لا حبيبتي لا تخافي انا مرتب كل شي و منار جدبة كلمة بتاخدا كلمة بتجيبا… اتركيها علي

حنان: ااخ نفسي بتلعي

قصي: قومي حبيبتي على غرفتك و ارتاحي تمددي و ما تشيلي هم شي، بعرف هلا لازم تكوني متستت متل الملكات بس انتي فاهمة الوضع

حنان: فاهمة ما يهمك بس ان شاء الله بالاخير تقتنع و توافق ع زواجنا برضاها متل ما بدنا

قصي: بتواااافق بتوااافق و قولي جوزي حبيبي قلي… يلا قومي ارتاحي بغرفتك و ديري بالك على ابني…

#امرأة_من_نار
#بقلم_مال_الشام

الجزء السادس

قصي لحق منار و فات وراها..

قصي: خلص خلص طولي بالك ..

منار: انا خايفه تكون هالبنت عاملة عملة وعم تكزب علينا

قصي: له يا منار من ايمت بتحكي بعرض العالم انتي

منار: استغفر الله العظيم لك ما عم سدء كيف كل الوقت المي ماشيه من تحتنا… كيف بدنا نأمن عليها ببيتنا بعد هلأ؟؟!

قصي: خلص بسيطة هدي حالك… صغيرة لا تكبريها

حطت راسها ع كتفو و ضلت ساكته… بعدين قالتلو قصي

قصي: فكرتك نمتي

منار: لا كنت عم فكر

قصي: بشو؟

منار: بدي شوف دكتورة مشان الحمل

قصي: حمل حنان؟

رفعت راسها عن كتفو: هلا مين جاب سيرة بطيخه.. لا حملي انا… انا ضبيت شوية مصاري رح اسال عن دكتورة شاطرة ورح

قصي: شو الها لازم بعزئت المصاري هلأ؟

انصدمت منار من حكيو: بعزئة!!! لك مو انت الي كنت تشحطني شحط عالدكاترة بسوريا و انا ارفض!!!!

قصي: اه… ايه صح بس يعني…

منار: يعني شو؟!

قصي: خلص متل مابدك بس اجليها لبعدين

منار طفت الضو و لفت ضهرها و تغطت: تصبح على خير

قصي: و انتي من اهلو…

ضل ناطرها لتنام و تاكد انها غفيت و طلع خبر حنان شو صار معو و رجع عالسريع نام بمكانو…

منار قاطعت حنان بعد الي صار لفترة شهر… تحكي معا خفيف كتير و تحاول تتجاهلها… لوقت ما مره تعبت حنان و اسعفوها عالمستشفى و طلع مغص عادي وما في مشاكل بالحمل … طلبت حنان تشوف المولود على الايكو.. فاتت هي و رفضت منار تفوت معا… لهيك فات قصي و قال لمنار انو حرام تكون لحالها… حست بالغيرة لحقتهن و فاتت عالغرفة و وقفت بعيد عنهن…

قصي: يا الله دخيلك ليكي هي ايدو

الدكتورة: هههه لا هي مو ايدو ليكو اتطلعو هون

حنان: شفتووو شفتو عم يتحرك كأنو؟

الدكتورة: ايه هلا الظفل بيتحرك بهل مرحلة

قربت منار لتشوف شو عم يشوفو… و شافت الطفل عالجهاز
و دمعو عيونا…

حنان: لو سمحتي معي صبي و لا بنت؟

الدكتورة: لا صبي ريتو الف مبروك

حنان: يييي الف الحمدلله… قصي شو بدنا نسميه؟

هون قصي التفت على منار لقاها هم تبكي… و منار انصعقت بالي سمعتو!! و حنان تزكرت وجودها معون

حنان: انا اسفه اسفه يعني اصدي شو رأيك… و انتي دكتورة شو رأيك… لان ابوه مسافر لهيك سالتكون عن رأيكن

طلعت منار و ضلت رايحة عالبيت و قصي و حنان لقوها فرصة نزلو سوا و تمشو و اكلو بوظا و قعدو عالبحر…

كان حازم و قصي عطول يجو ع هالمكان هاد و للصدفة كان حازم قاعد و مهموم… و شاف قصي… كان رايح لعندو ليقعد معو هو منار…
بعدين انتبه انو هي مو منار هي حنان!!
ليش هيك حاط ايدو ع كتفا… العمى شو هاااد!!!

#امرأة_من_نار
#بقلم_مال_الشام

الجزء السابع + الجزء الثامن + الجزء التاسع + الجزء العاشر + الجزء الحادي عشر + 12 #تمت

حازم ضل عم يراقبهن و هن على ضحك و مسخرة و حركات بلا طعمة…
طلع موبايلو و اتصل على منار الي كانت نشفانه عيونا من الدموع...رن مره تنتين ما ردت عليه.. تالت اتصال جاوبتو..

حازم: مرحبا

منار بصوت مخنوق : اهلين حازم

حازم: كيفك شو اخبارك

منار: منيحة شكراً

حازم: شبو صوتك؟!

منار: مابو شي بس مرشحة خير قلي في شي؟

حازم: ايوه سلامتك… مممم انتي وين؟

منار: بالبيت شو في

حازم: و قصي؟

منار: بالمستشفى مع حنان تركتهن.. يمكن لهلا ما خرجوها

حازم: ليه شبها؟

منار: هههههه لا ولا شي بس طلعت حامل… رايح عليك كتير حكي… جيت والله جابك خليني فشلك البي… هي يا سيدي حنان طلعت متجوزة…

و ضلت منار عم تحكيلو كل شي صار لوقت ما تركتهن بالمستشفى و طلعتو حازم تخربط كتير و هو شايفهن قدامو كيف عم يتسايروو يضحكو و قصة حنان ما فاتت براسو بنوب..
سحب حالو و رجع عالبيت و ضل عم يحكي مع منار عالموبايل.


حازم: هالقصه مو زابطة فيها شي ناقص مو هيك؟

منار: مزبوط معك حئ… بس قلك شي؟ وقت شفت البيبي كيف عم يتحرك عالايكو لهف البي عليه و راح زعلي منها

حازم: منار فتحي عيونك الي عم يصير مو منطقي

منار: والله بعرف بس شو اعمل زتها بالشارع؟ بعدين ما عم لحئ فكر بشي عم قضي نهاري كلو بالشغل حاسة جسمي مكسر و نفسيتي تعبانه بشو و لا بشو بدي فكر

حازم: انا رح حاول شوفلك غير شغل

منار: ايه ياريت… يلا انا عن ازنك بدي سكر تعبانه كتير

حازم: الله معك

ضل عم يفكر طول الليل بالي عم يصير، قصي و حنان عملو عملة وسخه… و منار ما عم تشوف قدامها و ما عم يخطرلها انو جوزها بهل حقارة هي… طيب رح يضل ساكت؟!

___________________________

حنان: حبيبي تاخرنا كتير

قصي: ايه ازا بدك مننام برا البيت و منقلها نيموكي بالمشفى

حنان طارت من الفرحة: فينا نعملها؟؟؟

قصي: ايه هلأ بدقلها و بقلها انو مضطر ضل عندك لان رجعتي تعبتي بس هي راحت

حنان: ايه و ازا التلك رح تجي؟

قصي: ما بتجي ما شفتيها كيف زعلت

حنان: ايه و معك مصاري لنستأجر شي غرفه؟

قصي: لك اي لما شفتك موجوعه خفت نحتاج مصاري للمشفى و اخدت المصاري الي بالدرح

حنان: قصدك راتب منار؟

قصي: ايه

حنان: طيب لايمت رح نضل هيك؟!

قصي: لوقت ما تولدي… بتجيبي الصبي… و بتحطيه بين ايديها و بتقليلها انا جوزي اتصل علي و طلئني و هلا ما الي غيركون و هالولد اعتبريه ابنك

حنان: شووووو بدك اعطيها ابني!!!

قصي: لك لا بس اول شهر لتنبسط فيه هي ناطف البها ع ولد و بس تشوفو رح يطير عقلها انا بعرفا لمنار ما رح تتحمل تبعد عنو… بتخليها تسميه و تنيمو عندا و تطعميه و تشربو كأنو ابنا...بعد شهر بتقليلها انو خلص بدك تطلعي ع اوروبا انتي و الولد و هي رح تجنو تخاف عليه…. و هيييييييك بتوافق ع زواجنا ويمكن تصير تقنعك كمان هههههااااي

حنان: حلو الحكي… الله يعجل هالقصه مليت

قصي: طولي بالك حبيبي هانت… نحنا متفقين انو ما بدنا ياخا تعرف بعلاقتنا لانها رح تنكد حياتنا لازم هي تزوجنا بايدها لتتركنا نتهنى… و غير هيك انا لحالي مافيني اصرف عالبيت هي الي حامله مصروف اكلنا و شربنا…

حنان: خلص والله حفظتهن… يلا نروح على الفندق الي قضينا فيه اول يوم سوا؟!

قصي: هههههه اي منقوم بس خليني اتصل و خبرها

اتصل قصي و قلها انو حنان تعبت كتير و ما خلوها تطلع من المستشفى… وهو لازم يضل مشان يرجعها عالبيت…
رجعت منار تبكي و نامت من التعب..

قصي: يلا قومي نروح

حنان كانت ماشيه بعدين وقفت: لك قصي

قصي: شبك؟

حنان: هلا ازا منار تركتني روح سافر و قررت تتعالج و تجيب ابنها هي… وقتا شو رح نعمل بحالنا؟

قصي: لا انا عم امنعها تروح تتعالج… ازا راحت اكيد رح بعرف لان وقت كنت اخدا ع دكاترة قالولي علاجا طويل و الدوا الي بتاخدو متعب و الو اثار جانبيه… يعني رح حس عليها انو عم تاخد الدوا

حنان: و ازا التلك منتعالج و منجيب ابنا؟

قصي: هي بئى الها تصرف تاني

حنان: شو؟!

قصي: رح قلها انو العيب مني و انا ما بجيب ولاد… مشان يكون هالطفل اخر امل الها بالحياة لتحس بالامومة!!

#امرأة_من_نار
#مال_الشام

الجزء الثامن

بعد اربع ايام اتصل حازم بمنار و خبرها انو دبرلها شغل ما بتحلم فيه… و تجهز حالها مشان تستلمو… رجعت عالبيت و جابت معها عشا جاهز و ندهت لحنان و لقصي مشان يتعشو كلهن سوا..

قصي: شووو مشاوي؟؟؟؟

منار: ايه حبيبي حقك تستغرب لانك اخدت راتبي و صرفتو ف لازم ما يكون معي مصاري مو؟

قصي: حاج هالسيرة ولو يعني تموت المخلوئة بالمستشفى؟! طلعت فاتورتهن غالية شو اعمل!!

منار: ايه روق روق خلونا ناكول… انا اعتبرتهن دين لحنان و استديتو

كانت حنان عم تاكول وهي مو مهتمة بحكيهن و قصي عم ياكول وهو معصب… و منار تركت الاكل و قامت

منار: اخدت دهبات حنان و بعتون… و جبت كل شي ناقصني تعا قصي ورجيك التياب الي جبتهن شي بيشل والله

غصت منار و صارت تسعل و شربت مي!!!

قصي: كيف يعني بعتي دهباتها؟!

منار: هلأ لما كنا بالمخيم هي مو قالت انو مستعده تبيع دهباتها؟
و مو الها 6 شهور عايشة معنا و انا عم اتحمل مصروف كل شي؟ و راتبي راح مشان فاتورة المستشفى؟ … بقى انا بعت كل دهبي و راتبي خلص اضطريت اخدهن… ليش في مشكلة؟

حنان: هي اسمها سرقة

منار: شووووو!!!! يعني انا حرااامية؟ بعد كل شي عملتو كرمالك!!

حنان: لا مو حرامية بس لازم خبرتيني

قصي: منار اعطيها المصاري و اقصري الشر الله يرضى عليكي

منار: يعني بالله انا بتتركني بدون ولا قرش وبدك مني دبر حالي و هلا بتقلي رجعيهن… اصلا ما ضل منن شي

قامت حنان وهي معصبة على غرفتها وقصي صار يخانئ منار انو وين راحت بالمصاري..

حنان: اشتزيت تياب كتير

قصي: شووووو!!! تياب!!

حنان: ايه لانو حازم دبرلي شغل جديد بشركة مهمة… اخوه الي بدبي بدو يفتح فرع هون… و الافتتاح الاسبوع الجاي و انا لازم كون بكامل اناقتي

قصي: والله حلووو… و انتي كيف بتحكي مع حازم؟

منار: مابحكي معو طبعاً… بس اتصل اليوم و قلي عن الشغل… حرام عليك والله حاسه حالي كبرت مية سنة تعبت كتير من الشغل بالمصنع…

قصي: و الراتب كيف؟

منار: هون المشكلة… اول تلات شهور مافي راتب

قصي: لا ما سمعت عيدي

منار: بس بعد تلات شهور راتبي رح يكون 1500 دولار!!

قصي: 1500 دولا و لا تركي؟

منار: شو بشوفك سمعت

قصي: دولار ولا تركي؟

منار: د و ل ا ر… $$$

قصي: اووووف… لك شو بدو يشغلك حتى تاخدي هيك راتب… رقاصه يعني؟

منار: يبعتلو قطعو لسانك… اصلا انت عطول بتشوفني فاشلة… بس الله ما برضى بالظلم…
انا بعتت صور رسمات اشتغلتهن لحازم وهو بعتهن لاخوه… هي شركة دعاية و اعلان و بدهن ياني اشتغل بقسم التصميم

قصي: طيب وبالتلات شهور كيف رح نعيش؟

منار: حسبت حساب هالقصة… انا خبرت المدير انو في وحدة رح تشتغل مكاني.. منبعت حنان

قصي: حنان لأ

منار: ليش حنان لأ؟!

قصي: لانها…
لانو… لان حامل و مابتعرف تخيط

منار: ايه بعرف هاد الشي لهيك رح تشتغل بس بفرز قطع القماش و تسفيطهن… مشان ما تتعب لانها حامل يا حرام

قصي: لك يا منار البنت امانه عنا ازا صرلها شي جوزها بفضحنا

منار: حبيبي ياعمري والله ما بصرلها شي شغلها كلو وهي قاعده… يعني شو في حل غير هيك؟
بعدين جوزها وينو اه؟ ليش ما يصرف عليها نحنا مجبورين نضل عم نصرف عليا؟

قصي: وطي صوووووتك… خلص منقلها عن الشغل… لشوف من وين طلعتيلي بقصة الشغل الجديد منار خانوم

منار: يييييه لك دخيل عيونو حبيبي… تعا ورجيك التياب الي جبتهن شي بياخد العئل..

قصي: تعبان بكرا بشوفن هلا بدي نام

قام قصي و رح يطلع من المطبخ مسكت ايدو منار..

منار: حبيبي بدي قلك شي بس خجلانه منك

قصي: شو في؟

منار: كأنو الك كتير بعيد عني؟

قصي: وين يعني بعيد ليكني كل يوم بوشك

منار: لا ما فهمت شو قصدي

قصي: منار والله مو شايف شي قدامي خلص بدي فوت نام بلا فلسفة… تصبحي على خير…

#امرأة_من_نار
#مال_الشام

الجزء التاسع

مرق اسبوع و الوضع متوتر بين حنان و منار و واحدتهن مو طايقة التانيه… انجربت حنان تروح عالشغل لان فعلاً مافيهن يعيشو على راتب قصي..
و منار داومت اول يوم بالشغل بعد الافتتاح…

لبست التياب الجديدة الي جابتن و كانت بكامل انقتها و جمالها..

منار: يلا قصي انا طالعه

وقف قصي بمطرحو و مل بئى تحرك: لك شو هاد

منار: شو هاد شو في؟ لبسي مو مناسب؟

قصي: لك طالعة بتشلي

منار: ههههه من زمان ما تغزلت فيني

قرب منها قصي: ريحة عطرك بتاخد العئل… بتعرفي انو مشتئلك؟

منار: قصي بعد هيك لازم انزل بسرعه مو حلوة من اول يوم اتأخر بالدوام

قصي: طيب ليكي ارجعي بكير قبل رجعت حنان لناخد راحتنا

منار: ايه بحاول… بخاطرك

___________________

وصلت عالشركة و فاتت و سألت عن قسمها … كان في تلات مكاتب بنفس الغرفة… صبيه و شب… و مكتب عليه اسمها!!
قعدت وهي مبهورة باطلالة المكتب… و جمالو و تنسيقو..
قدامها لاب توب بس مابتعرف تستخدمو!!

بعد شوي اجت الصبيه التانيه و سلمو على بعضن و كانت كتير حبابه و مرحة بعد شوي بعتو للموظفين مشان يجتمعو بالمدير ( عمر) اخوه لحازم…
كان رجال كبير عمرو بالخمسين… حسب ما قاللها حازم انو تعب وشقي كتير لوصل و كون شغلو… لدرجة انو نسي حالو و العمر مشي فيه و ما تزوح..
بس خلص الاجتماع عمر سألهن مين منار؟

منار: انا استاز

عمر: الحقيني على مكتبي

لحقتو منار و قعدت هي وياه و قلها انو حازم وصاه فيها وبيعرف ظروفها و انو معجب كتير برسمها و ابداعها وشجعها كتيرررر و حسسها بالثقة..

طلعت منار مبسوطة و عم تشكر ربها انو الله حط بطريقها هيك رجال خلوق و بخاف الله… كان بالنسبه الها متل الاب الي فقدت وجودو بحياتها..
صارت تجتهد بشغلها اكتر و اكتر مشان تثبت انو اختيارها مو واسطة بس لانها بتستاهل… و عمر يدعمها و يقبل تصاميمها بشكل سريع…

علاقتها بقصي رجعت ممتازة و ما بقى فوت فرصة ليتقرب منا بالوقت الي حنان كانت طول النهاربالمصنع عم تشتغل و الحمل هلكها وعم تتفرج ع منار كيف عم تلبس ارقى لبس و عم تشتغل شغل محترم… و النار عم تشعل بقلبها..
بلشت تحط حكي براس قصي انو هالشغل ما اجى ببلاشو حازم بدو ينتقم لانو رفضوه.. بس تأثيرها عليه كان اقل من اول..

طلعت منار ع شغلها و كانت حاسة بتعب و ارهاق.. بلشت دوامها و الكل لاحظ عليها انها مو طبيعية بنوب…
لوقت ما خلص الدوام.. و ضبت غراضها لتطلع و فقدت الوعي.. التمو عليها الموظفين و نادو للمدير عمر… بس شاف منار بالارض اتصل على حازم و اخدوها عالمكتب ليصحوها…

حازم: منار… منار…

عمر: ناخدها عالمشفى؟

حازم: ما بعرف يمكن لازم نتصل بجوزها بس ناسي تلفوني انا..

عمر: اتصل من جوالها بكون بشنتتها

طلعو حازم و رن ع رقم قصي و ما كان يرد… لانو استغل تأخر منار بالشغل ليقضي وقت من حنان…
و حاول يرن لحنان كمان ما كانت ترد..

عمر: خلص مافينا نتطر اكتر… انا رح اخدها عالمستشفى

حازم: و انا رح روح جيب قصي من البيت ما منتأخر..

راح حازم و ضل يدق باب البيت بس لما شاف قصي انو هو الي عالباب ما رضي يفتحلو… و رجع عالمستشفى لعند منار

هيك لصارت الساعة 2 بالليل… رجعت منار لوعيها.. كان عندا نقص تغذية حاد و ارهاق اول ما صحيت لقت عمر و حازم حواليها… و سالت عن قصي و حكولها انو ما رد عليهن
وقتا بلش قصي يرنلها و يبعت رسائل ( وينك يا فلتانة لهلأ)
) رح لمك من شوارع تركيا طولي بالك علي)
و حكي بشع طالع نازل…

حازم: شبك ليش عم تبكي؟

منار: لا ولا شي… ممكن توصلني عالبيت؟

عمر: حازم خود هي مفاتيح سيراتي روح وصلها..

حازم: تمام يلا..

طلعوها و عالطريق حاول حازم يفهم شبها و ما كانت تحكي

حازم: ئخلك منار… هلا جوز حنان بعدو ما بين؟

منار: حازم تعبانه الله يوفئك بلا سيرتها

حازم: ايه مو مشكلة… هي وصلنا… ساعدك لتنزلي

؟

منار: لا عزبتك كتير فيني وصل لحالي

حازم: تبقي طمنيني عنك تصبحي على خير

منار: و انت من اهلو..

نزلت من السيارة و بدها تمشي ندهلها حازم

حازم: منار… ديري بالك على حالك

منار: لا تعتل همي. … شكراً

مشيت عالبيت وحطت المفتاح بالباب و قبل ما تفتحو انفتح الباب من جوا و سحبها قصي عالبيت و حطها بالارض و صار يضربا بدون رحمة

منار: لك قصيييييي…. قصييييييي بكفي ببوس ايدك

قصي: يا واطية يا خاينة راجعه الساعه تلاته بالليل مع حازم و بسيارة غريبه لك تفوووووو عليكي

منار: انت فهمان غلط مووو هيك مووو هيك ااااااخ اتررركني

لما حنان شافتو رح يخلص عليها حاولت تدخل و تبعدن عن بعض…

قصي: انا بورجيكي… انتي وحده بلا تربايه

منار: لك انت حيوان و ما بتخاف الله

قصي: انا حيوان!! و حازم الي بخاف الله… اديش دفعلك؟

منار: تفوووو عليك الله ينتقم منك

قصي صار يضربا اكترررر: لك انتي طالق… انتي طاااالق فهمانه

حنان: لك قصي اتركها… قصي رح تدبحا

و بين عياط و ضرب… و بدون قصد كانت منار عم تدافع عن حالها… و دفشت حنان… الي وقعت عالارض و صارت تصرخ من الوجع!!