СТАРЫ ОЛЬСА
116 subscribers
78 photos
6 videos
101 links
Анонс канцэртаў, навіны гурта.
Сцісла пра важнае і актуальнае.
Слухаць: https://music.mediacube.network/StaryOlsa
Download Telegram
to view and join the conversation
⚡️У нас фантастычная падзея!

Амерыканская кампанія выпусціла пітны мёд ў гонар Старога Ольсы, каб падтрымаць гурт у смутныя часы.

👉Дзелімся перадгісторыяй і падрабязнасцямі падзеі:

https://staryolsa.com/be/news/article/2021-04-21
🌿Учора ў Менску быў закладзены першы гарадскі агарод #Plantaция! На добры ўраджай! @dbajuby

🎧А два гады таму ў гэты дзень Стары Ольса пасадзіў "Ліпку". (Пера)СЛУХАЦЬ
Зміцер Сасноўскі — музыка, кіраўнік гурта "Стары Ольса", далучыўся да праекту "Паштоўкі ад вясноўкі" і напісаў ліст Алегу Рубцу — фанату ФК "Волна", асуджанаму да 5,5 гадоў калоніі ўзмоцненага рэжыму.

"Прывітанне, Алег. Піша табе музыка Зміцер Сасноўскі. У цябе моцнае імя! Мой бацька Алег, усё Алегі па жыцці моцныя! Твой родны Пінск мне дарагі, бо адтуль мае сябры, якія шчыра жылі і моцна пацярпелі за гэта ў 20-м годзе: браты Раман і Андрэй Шклёды і дзядзька Паша - Павел Ляхновіч. Можа ты іх ведаеш. Хачу падтрымаць цябе, каб ты ведаў, што ты не адзін, за табой увесь наш народ. Ты вельмі малады, таму важна, каб гэтае месіва цябе не паламала. Важна трымацца. Не ведаю, ці звыкся ты з рэжымам, але мне вельмі цяжка давалася гадзіна пасля адбою, калі выключалі святло. Нейкая змрочная безвыходная дэпрэсуха лезла ў душу. Але ратавалі тры думкі - Каханне, Радзіма, Вера. Вось іх не вырваць у нас з сэрца нічым! У жыцці вельмі важна рабіць учынкі ў адпаведнасці з перакананнямі. Ты хацеў справядлівасці і квітнення Айчыны і ты ПАЙШОЎ! Тады сапраўды важна было зрабіць гэты маральны скачок - выйсці з дому. Змяніць свой унутраны статус з цярпілы-сядуна на вольнага чалавека, які выходзіць на вуліцу. Выйсці - гэта ўчынак! Нельга насіць у сэрцы захапленне нашым народам, нашай зямлёй, нашай гісторыяй і тупа сядзець і маўчаць. Многія беларусы ўжо раней праходзілі гэты цяжкі шлях - у падвале пакутваў славуты князь Усяслаў Чарадзей, у турме сядзеў Францыск Скарына, паўстанцы Тадэвуша Касцюшкі, касінеры Кастуся Каліноўскага, стваральнікі Беларускай народнай рэспублікі, Янку Купалу цягалі на допыты! Яны не зламіліся, яны вытрымалі і сталі сімваламі для свайго народу! І зараз самыя шчырыя, адукаваныя і высакародныя беларусы сядзяць за свае ідэалы. Ты адзін з іх, вы нашае Сумленне і Гонар! Выкарыстай гэты час для ўдасканалення: фізкультура (я знаходзіў месцы з тарца нараў, між нарамі і сценкай), гартуйся - пасцірайся халоднай вадой і абавязкова мый ногі кожны дзень, англійская мова (запытвай жыццёвы выразы на англійскай у сукамернікаў і запамінай, калі зусім чумаходы ў тваёй хаце, узгадвай, што сам памятаеш, стварай жыццёвыя сітуацыі і нашэптвай англійскія выразы), чытанне (нават у самых тупых турэмных дэтэктывах ёсць глеба для аналізу псіхалогіі, логікі, развіцця ўяўнага мыслення). Не дазваляй сукамернікам абражаць цябе, трымайся на ўзроўні. Але акуратна, каб не трапіць у ШІЗО, там зусім туга... Ты павінен ведаць, што ты не адзін. Там за сценамі твой народ, які цябе памятае, удзячны табе за смеласць і ганарыцца табой! Там твае родныя і сваякі, там тая, хто цябе кахае! Твой свет не абмежаваны камерай - твой свет гэта ўся твая бясконцая і вялізная душа, уся Беларусь, увесь магутны і справядлівы Бог, які проста загартоўвае цябе выпрабаваннямі. Калі ты веруючы - маліся зраніцы на добры дзень і ўвечары з падзякай за пражыты дзень. Абед - сярэдзіна дня, падзякуй Богу за пражытую палову дня і за ежу. І яшчэ маліся кожны раз, калі становіцца цяжка. У цяжкія хвіліны думай пра Маці і Каханую. І ніколі не дазваляй сценам навальвацца і ціснуць, адганяй столь высока над сабой. Вылятай душой пад нябёс і глядзі на прастор нашай Беларусі, глядзі ажна да гарызонту на нашыя краявіды, лясы, вазёры. Вылятай над турмой кожны дзень. Выгульвай душу у вышыні, у аблоках. І ахоўвай душу ад чорных думак, ад злосці, псіхаў і нянавісці. Яны сажруць усё светлае ў душы так хутка, што і не заўважыш. І самае галоўнае ведай, што гэты жах скончыцца, ты выйдзеш на вольны свет, будзеш грэцца на сонейку, купацца, есці смачнае, сустрэнешся з мамай, сваякамі, сябрамі! Турма - гэта часова, гэта цяжка, безвыходна, здаецца нібыта вечна і ніколі не скончыцца, але ўсё адно часова. Трымайся, Браце! Святло вернецца, бо мы МОЦНЫЯ!"

Вы таксама можаце напісаць ліст падтрымкі Алегу Віктаравічу Рубцу:
СІЗА-6, 225413, г. Баранавічы, вул. Брэсцкая, 258 В

Таксама заклікаем вас пісаць лісты і іншым палітвязням, інфармацыю пра палітвязвяў можна ўзяць на тэматычных сайтах:
1) https://prisoners.spring96.org/be
2) https://politzek.me/friends
3) https://dissidentby.com
Дзень #1
Стары Ольса далучаецца да святкавання Міжнароднага тыдня беларускай культуры. Кожны дзень у эфіры скарбы літвінаў.

Сёння вашай увазе асноўныя часткі музычнай культуры Вялікага Княства Літоўскага: рыцарскі эпас (песні рыцараў і шляхты), камерная музыка (творы прыдворных музыкаў), духоўная музыку (рэлігійныя гімны і псальмы), народная музыку (фальклор) і гарадская музыка (танцы са зборнікаў XVI ст.). Усе творы грунтуюцца на гістарычных крыніцах, іх рэканструкцыя мае навуковы падмурак.

СЛУХАЦЬ

#by_culture
Дзень #2
Тыдзень беларускай культуры

Усім Ой, рана! Вашай увазе купальская абрадавая песня, якая дайшла да нашых дзён з дахрысціянскіх часоў і працягвае "качаць" сучасных слухачоў.
🎧 https://youtu.be/VeldfDIGRaI

“Ой, рана” ўваходзіць ў топ-5 трэкаў гурта на лічбавых пляцоўках. А дыджэй з Лондана пераасэнсаваў яе ў электронную версію.
🎧 https://soundcloud.app.goo.gl/ewCWKMav5nWQN8vC8

П.с. На фота адна з першых кашуляў гурта, вышытая Змітром Сасноўскім.
Дзень #3
Тыдзень беларускай культуры

Вашай увазе аўдыа аповесць «Ладдзя Роспачы» Уладзіміра Караткевіча пад музыку гурта Стары Ольса. Тэкст чытае Зміцер Сасноўскі.

Аповесць насычаная глыбокімі разважаннямі над сэнсам жыцця і лёсам роднай зямлі. У ёй выкарыстана шмат алегарычных сімвалаў. Ладдзя Роспачы — гэта Беларусь, якая пераадольваючы змрок забыцця, бяспамяцтва і жахаў, уваскрасае і адраджаецца. Ад смерці і знікнення яе ратуе Гервасій Выліваха — жыццялюб, які не растаецца з лютняй нават у царстве Смерці, абаронца людзей і шчыры патрыёт роднай зямлі. Уладзімір Караткевіч сцвярждае, што каханне, цярпенне, смех і жартаўлівасць дазволілі беларускаму народу выстаяць у самых неспрыяльных умовах.

СЛУХАЦЬ

#by_culture
Дзень #4
Тыдзень беларускай культуры

Спявайма разам і сам-насам. Спявайма гучна і вольна. Якім бы не быў ваш шлях, спявайце!

🎤Вашай увазе караоке версія песні Літвін. Яна прысвечана чатыром вялікім бітвам, у якіх літвіны атрымалі перамогу: Бітва на Сініх Водах (1362), Грунвальдская бітва (1410), Бітва пад Воршай (1514), Смаленская вайна (1512-1522).

🎤А таксама караоке версія беларускай народнай песні Ружа-кветка пад акампанемент гурта.

#by_culture
Дзень #5
Тыдзень беларускай культуры

Сёння вашай увазе песня пра ўнікальную падзею ў гісторыі Вялікага Княства Літоўскага, гонар і нязломнасць духу нашых продкаў, як напамін, што гонар і воля найважнейшыя за ўсё.

У 1336 годзе адбылася гераічная абарона замка Пулен (іншыя назвы Pilenai, Pillenen, Punia) на мяжы з Прусіяй супраць Тэўтонскага ордэна. Жыхары і абаронцы замка палічылі за лепшае загінуць і страціць усё, чым патрапіць у палон, жыць рабамі і аддаць сваіх дзяцей на выхаванне крыжакам.

Вокладка: мастацкая праца Ксеніі Лугавой.

ГЛЯДЗЕЦЬ І СЛУХАЦЬ

#by_culture
Дзень #6
Тыдзень беларускай культуры

Першы тост звычайна п'ецца
За ўсіх тых, хто тут збярэцца.
П'ем другі, каб волю меці,
За жыццё падымем трэці.
Чацьвёрты за Царкву Хрыстову,
Пяты за моц князёву,
Шосты за людзей вольных,
А потым п'е, хто здольны.


Застолле – гэта мастацтва! Нашы продкі былі вельмі здатныя да іх, мелі добры густ і імпэт. Мы паспрабавалі аднавіць дух старадаўніх застолляў: жартоўныя спевы, рэлігійныя, ваярскія, баладныя і, вядома ж, спевы пра пітво.

Вашай увазе альбом «Вада, хмель і солад».

СЛУХАЦЬ

А ўвесну амерыканская кампанія выпусціла пітны мёд «Стары Ольса» у падтрымку гурта. То не падаем духам! Будзьма!

Фота: Anastasiya Vasilyeva
#by_culture
Дзень #7, апошні
Тыдзень беларускай культуры

Вашай увазе дакументальны фільм Змітра Сасноўскага «Старыя інструменты Беларусі». Пяць старадаўніх інструментаў, пяць характараў, пяць гісторыяў.

Дуда
Лютня
Колавая ліра
Гуслі
Сурма

ГЛЯДЗЕЦЬ (ёсць рускія субтытры)
Англамоўная версія фільма тут

#by_culture
🎧Зміцер Сасноўскі запісаў сольны зборнік беларускіх песняў «Айчына і Каханне»

«Айчына і Каханне – тое, што трымае і не дазваляе здавацца.
Запісаў ва Украіне, у не лепшым стане пасля падвалу.
Дзякуй Валянціне Трыгубовіч, Віталю Супрановічу, Паўлу Бераговічу, Патрыцыі Свіцінай і Алесю Чумакову. А таксама ўсім музыкам і аператарам, якія пажадалі застацца невядомымі»


СЛУХАЦЬ
Цяпер і на "Кніжным возе"!

Аўдыёспектакль "Ладдзя роспачы" паводле аповесці Уладзіміра Караткевіча.
Чытае: Зміцер Сасноўскі
Музыка: Стары Ольса

СЛУХАЦЬ

Дадатак Кніжны воз дазваляе бясплатна слухаць аўдыякнігі ў беларускамоўным агучванні на ios i android (даступны і ў вэбверсіі).

Выцінанка: Аляксей Кульбіцкі
Ён вярнуўся!😉

#forzstudio
Гэта фрагменты з аўтарскага фільма Ігара Таркана пра Стары Ольса. Рэдкія старыя кадры маладога Ольсы. Ігар быў адным з першых прадзюсараў гурта, кіроўцам, менеджарам, сябрам. Ён арганізаваў здымкі першага кліпа "У карчме", сам стаяў за камерай. Здымаў нашы канцэрты, выпусціў 2 DVD пра гурт. Ён вельмі шмат зрабіў для Старога Ольсы, гурт займаў у яго сэрцы асаблівае месца. Шмат шалёных гісторый, дарог, успамінаў... Бывай, дружа. Дзякуй табе за ўсё!!!

ℹ️Развітанне з Ігарам адбудзецца заўтра, 1 снежня ў Міханавічах, у праваслаўнай царкве (вул. Савецкая, 10), 12:00.

https://youtu.be/vwywFzB79Fo