#轉貼 #黃大仙黃色生活圈
=====================
#黃大仙 #富記麵家

好耐無出post，前幾日出post就有人話係唔係啲個page要告別。當然唔係啦😅

確實今年環境嚟得比上年還要差好多倍，鳳凰邨有兩間良心店都離各位街坊而去😭不過，最近又有兩間新嘅良心店進軍鳳凰邨🥳今次就講下富記麵家

佢地係灣仔做開先，如果係港島返工嘅朋友仔都應該對佢地唔會覺得陌生。但又有幾多人知道，其實老闆係仙友嚟呢🤫

我地簡單咁同老闆傾過幾句。點解係灣仔做開，會走嚟鳳凰邨開分店？需知道灣仔區家庭收入中位數同黃大仙區嘅差成一大截😔點知老闆就講話自己細過係啲區生活，而且有唔少熟客同朋友都「抱怨」每次要特登過海嚟幫襯。所以依家有機會開分店，就試下係返啲個充滿童年回憶嘅地方開舖。

鳳凰邨潮式粉麵舖本身都有兩間，而且仲要做咗幾十年。富記老闆咁樣嚟插旗，當然係因為對自己出品充滿信心先咁做啦。小編去食之前，佢地就推薦自家手打墨丸。所以，小編就叫咗個墨丸拼生牛肉撈麵。

啲牛肉係打邊爐級嘅手切牛，小編唔肯定，但覺得似牛小排啲位，總之就係唔會出現係平時潮式粉麵店嘅靚牛😛。
個湯好濃大地魚味，好鮮甜。我冒險飲晒睇下會唔會有味精攪到夜晚口乾瞓唔著，結果無問題☺。
墨丸真係不得了。一食就知唔係出面攞貨果啲擦紙膠墨丸🤪
食完個餐，就知老闆嘅自信那裡來😉。

#富記麵家
#黃大仙黃色生活圈

詳情：
https://www.facebook.com/103431747869822/posts/366671814879146/