▌#王祖藍 重返 #TVB 後，積極同中国進行影視文化交流，包括引入俗稱「帶貨」嘅直播營銷，仲有合作籌辦港版《我是歌手》，定名為《#聲生不息》，不過祖藍最近就因為中国當局嘅「禁選秀令」初嚐鐵拳滋味。

▌《聲生不息》係TVB同湖南衛視芒果TV合作籌辦嘅音樂綜藝節目，大致內容就係搵班香港歌手互相battle，贏咗就再去中国同人battle，據稱入圍名單包括 #炎明熹、林二汶、吳業坤、曾比特、Supper Moment、林欣彤、谷婭溦、泳兒、許靖韻、糖妹、林智樂及涂毓麟。個節目本身就拍咗少少㗎喇，不過由於早前中国廣電總局提出「堅決反對唯流量論」，當中提及「不得播出偶像養成類節目」，所以有導師、學員元素嘅《聲生》就被要求「整改」，都唔知幾時先拍得成。無計喇，為咗食北水，遲啲叫你宣誓或者派個政委進駐都要㗎喇。

#四大堅持 #堅決抵制違法失德人員 #堅決反對唯流量論 #堅決抵制泛娛樂化 #堅決抵制高價片酬