▌無綫又有人玩危險航拍機！？#網民報料，無綫日前上載咗段群星賀年影片，鏡頭一開始見到無人機飛近如心廣場，然後沿住外牆急速下墜，經過馬路上空再飛越藝人嘅頭頂，之後畫面一轉，見到無人機又喺荃灣海濱飛越人來人往嘅行人路同單車徑，係就係花式喇，不過似乎違反咗 #民航處 嘅安全操作指引喎！

影片：https://www.facebook.com/sayno4tvb2.0/videos/345454850587811

▌根據民航處嘅《操作無人機的一般安全操作指引》：

第一，無人機嘅操作高度不得超過地面以上300呎(約90米)，而如心廣場嘅高度係319米，即係已經遠遠超標；

第二，指引講明無人機「不得在人多及擠迫的地方上空放飛無人機系統」，以及須要「遠離人群、船隻、車輛或構築物」，如果係商業用無人機（作出租或受酬用途），規例更加寫明唔可以喺人群、車輛50米範圍內飛行；

第三，無人機似乎已經進入咗「機場及飛機升降航道範圍」，根據指引，該範圍包括「大欖涌至荃灣沿岸及青衣島一帶」。

民航處寫明，除非取得民航處許可，否則所有人士都須要遵守指引，唔知TVB拎咗Permit未呢？

▌上次TVB藝人 #謝東閔 疑似危駕航拍機單嘢，已經喚起咗唔少人對安全使用無人機嘅關注，希望無綫唔會重犯同樣錯誤喇。 至於向民航處投訴有無用呢？民航處喺2018年回覆傳媒時表示，接獲投訴後會敦促相關人士遵從該處嘅無人機飛行安全指引及規例、要求相關警區加強巡邏等，有需要時先會轉介畀警方，講到咁大家都明喇？

涉事影片《虎躍騰飛迎新歲｜群星同唱賀年金曲》
https://www.youtube.com/watch?v=GgipDP11eYc

▌#謝東閔 喺「無人機事件」後一年終於肯接受記者訪問，佢多謝TVB肯畀佢「改邪歸正」… 對唔住，原來只係講緊唔使再做「御用奸人」，唔係為自己做過嘅事負責😂

▌回顧返一年前我哋嘅報導...

//日前「香港無人機航拍會」Facebook群組傳出一段疑似由TVB藝人 謝東閔 拍攝的無人機片段，片段顯示一架無人機在汀九橋上逆線低飛，並且不時貼近貨櫃車、雙層巴士飛過，假若有司機被無人機分心，恐怕會釀成嚴重車禍。

該段片段由IG用戶「gluestick_production.fpv」(下稱gluestick) 所上傳，網民發現，gluestick上載的其他相片，與Youtube Channel中的「謝東閔影像社」頭像吻合，故推斷gluestick為謝東閔所擁有... //

#朱智賢 #無人機 #汀九橋