Jeffrey魏浚笙曾達200磅 減肥成功變翻版EDC
預告將與大4年女友結婚：趁佢30歲前結婚

有「翻版EDC」之稱嘅Jeffrey魏浚笙早排上咗陳志雲嘅節目，節目中透露Jeffrey細個都係一個肥仔，而最肥嗰陣接近200磅！小學時嘅佢肥嘟嘟又為食，最鍾意食甜嘢、煎炸、零食，去到升中發育時期，拉高咗個人就自然瘦返，之後識咗女朋友Evelyn，又變咗幸福肥，去到20歲時就決定減肥，斷食、做gym，成功瘦返變返靚仔型男。

Channel絲發現捱得過減肥呢個難關真係好似脫胎換骨咁，大家睇下姜濤，再睇下Jeffrey！我都想有呢個決心減肥……（大大力咬薯片中）大家不妨留意下身邊有冇邊個潛力股！

如果大家有follow開Jeffrey，都會知佢有個大佢4年嘅女朋友Evelyn，Jeffrey節目入面高調封盤，話想趁女朋友30歲前同佢結婚！雖然Evelyn覺得好似有啲早，不過Jeffrey睇嚟真係好想快啲結，仲開始諗緊求婚細節，例如要做到好surprise好浪漫，去外國求婚，將求婚過程拍到好似紀錄片一樣，咁第時可以重溫返。

Jeffrey一開頭都已經好高調公開自己有個好穩定嘅女朋友，同一向娛樂圈低調做法好唔同。不過Jeffrey就講咗句好心動嘅說話：「對另一半係要有承諾，冇人想做另一半要匿匿埋埋，對於對方其實不公平，身為男人要公開。」原來佢哋仲開埋聯名户口，Evelyn又係Jeffrey經理人，令Channel絲都好佩服佢哋呢段感情穩定同埋放心到呢個位。Channel絲好希望快啲有好消息呀！

#channelchk #JeffreyNgai #魏浚笙 #Stephen傾 #陳志雲

有網民尋日（19日）search「hong kong anthem」，《義勇軍進行曲》又真係置頂，不過本報駐英記者實測都係出《願榮光》，原本以為係只限香港地區，點知我哋喺香港嘅記者今日再search，已經冇置頂啦！#陳志雲 尋日都喺自己個YouTube channel就話港府做得唔夠好，檔案名係「guoge」，外國人未必明白。佢又質疑當局用咗近半年先update網站，令人難以接受。// @hk.epochtimes

#願榮光歸香港 #香港國歌 #Google #HongKongAnthem #GloryToHongKong