古天樂監製《一家人大戰機械人》入圍奧斯卡：
希望可以帶正能量畀大家

第94屆奧斯卡頒獎典禮將於下月27日舉行，提名名單噚晚（8日）已公佈。古天樂首次投資兼擔任執行監製，去年喺Netflix上架後大獲好評嘅動畫《一家人大戰機械人》，就以大熱姿態入圍角逐「最佳動畫」獎項。

古天樂知道入圍後都表示開心同榮幸，希望呢部動畫「可以帶到而家最需要嘅正能量畀大家，最重要係提醒大家要更加珍惜同一家人相處嘅時間。」佢仲希望以後可以帶更多好嘅動畫作品畀大家添！

其他有份入圍角逐「最佳動畫」作品包括：《奇幻魔法屋》、《盛夏友晴天》、《魔龍王國》和《逃不出的記憶》。

#channelchk #奧斯卡 #古天樂 #最佳動畫 #一家人大戰機械人 #奇幻魔法屋 #盛夏友晴天 #魔龍王國 #逃不出的記憶