【公務員secret】
【長文】我係一名醫護，想同大家探討關於打疫苗呢件事。

第五波疫情爆發以來有1500名確診，只有5名確診者需要接受氧氣治療，一宗Delta個案為危殆，呼籲長者去打針。但你地知唔知其實自從推行疫苗注射計劃以來，有好多中年同埋老年嘅病人或者本身非常健康嘅長者、甚至三四十歲嘅人打完針之後突然入院。佢哋本身冇長期病，但好多都因為急性心臟問題或者器官衰竭而過咗身，而家已經冇新聞去報道，但公立醫院嘅所有醫生護士大家心中有數。當然，作為醫護界一員，我仍然鼓勵大家接種疫苗（雖然事實擺在眼前係打咗三針依然可以感染，只係症狀相對上比較輕微），但懇請各位仲未打針嘅人小心評估定三思閣下對於打疫苗後的健康風險。

另外，香港Omicorn重症率0.3%就係事實，香港Omicorn死亡率0%又係事實。香港大學微生物學系教授袁國勇曾經公開地表示打唔打針係市民嘅自由同選擇，而且人嘅性命係物競天擇(“Survival of the fittest”)，你唔打針又中咗兼且重症入埋醫院最後喪失性命係你嘅個人選擇，點解而家要迫全香港人打針？

請問Omicron幾多單重症？事實係入院係可以唔需要用藥（或者醫生都唔想開藥俾你），訓幾日就可以出院，咁係屋企訓都得（咁當然要睇吓確診者屋企嘅環境因素作決定），但而家係格硬逼輕微症狀或者冇症狀嘅確診者入院然後話影響醫療系統。呢一個星期每一日嘅個案破百，今日甚至超過300宗，局方終於都開口承認話會有應變方案，但原來所謂嘅應變方案係將竹篙灣變成接收病徵較輕嘅確診者，而緊密接觸者就佩戴手帶留喺屋企進行家居隔離，呢一啲就係陳局長所謂迅速嘅應變措施？順帶一提，曾經有做紀律部隊嘅朋友而又被調配去聯絡疫情初期由外地返港進行家居隔離嘅人士，其實有好多帶住手帶嘅人，都可以輕鬆咁將條手帶除低放喺屋企，然後出咗街買嘢食。每當佢哋收到政府人員打俾佢哋嘅電話或者短訊嘅時候，佢哋會一早將已經影好咗屋企嘅相片發送出去，當然政府人員睇到相之後就close File，覺得佢哋都仲係乖乖地留係屋企進行家居隔離。

順帶一提，上年財政預算案，陳茂波成日都話要守住個庫房，但就不停撥款去起大白象工程（港珠澳大橋、高鐵工程、遲啲甚至會有大灣區同埋北部灣都會發展etc)，甚至撥款80億比香港警務處嘅國安部門。明明香港公立醫院醫療系統即使唔係流感高峰期，都瀕臨系統爆煲（仲要唔係一時三刻嘅事情，同埋每日有150個單程證香港人嚟香港之後仲可以成為香港永久居民同你一齊爭公立醫療服務），但到底幾多撥款係真正落到去醫療系統，而落入咗去公立醫療系統之後又有幾多係真係去咗clinical setting同clinical operation，各位公立醫院前線醫生護士大家心中有數。

1) 關於打針方面：
作為醫護界嘅一員，所有急症室、急症室病房、內科、心臟科病房嘅醫生同姑娘都應該好清楚每一個月、每星期甚至每日都有男女老幼嘅市民打完疫苗之後不適入院，好多Cases HA並冇對外公布相關消息。仲有一開始香港政府表示打疫苗係可以防止感染新冠肺炎，但呢幾個月已經清清楚楚咁證明比香港市民睇打咗疫苗並唔可以100%防止感染，所以政府已經開始改口風，表示打針唔係為咗防止感染新冠肺炎，反而係可以減低感染新冠肺炎後嘅病徵及潛在嘅併發症。

2) 關於打疫苗然後放寬社交距離措施：
陳局長曾經講過如果香港有七成人口接種左疫苗，就可以放寬社交距離措施，但事實係而家有八成人口接種左疫苗，佢就突然改口表示要九成香港人口接種左疫苗先至有機會放寬社交距離措施，請問到底有冇任何科學根據去放寬社交措施？

另外，袁國勇教授曾經表示香港政府必須要向以色列政府學習，推行疫苗護照。但係根據《紐約時報》報導，有以色列嘅科學家表示當打第三針或者第四針嘅時候反而會削弱年長族群人體嘅免疫系統，令到你身體更容易感染新冠肺炎。大家再仔細睇一睇以色列當地嘅數據，就可以發現即使有七成嘅以色列人已經接種加強劑，感染率同死亡率不跌反升，以色列政府已經決定取消疫苗護照計劃。袁國勇教授，請您看清楚以色列嘅現實情況，謝謝您！

3) 關於一班政府的抗疫專家：
仲有一班所謂嘅抗疫專家，根本佢地就成日攞住自己嘅Academic或者Professional Entitlement去講東講西，一時又話食肆需要用隔板去阻隔飛沫，但係去到九龍塘又一城望月樓感染群組，就指出用隔板係會阻擋空氣嘅流通，增加感染風險。再之前又話餐廳空氣唔流通，鮮風轉換次數不足，需要餐廳加裝空氣清新機，但係去到九龍塘又一城望月樓感染群組就指出空氣清新機嘅風向流動有助病毒係餐廳之間嘅流動，從而增加其他食客受到感染嘅風險。

仲有，一班專家成日都出動去唔同嘅樓宇檢查結構，有垂直或者橫向傳播，然後要撤離指定單位嘅市民，到底你哋係有啲乜嘢科學根據？你哋每一位所謂嘅抗疫專家每一次都係今天的我打倒昨天的我。想多口講一句，自從2003年沙士淘大花園E座事件，已經講過屋宇排污結構系統甚至劏房問題係會導致病毒傳播影響公共衛生，事隔咁多年，咁多屆香港政府到底有冇真正正視甚至解決呢啲問題，每一個香港人都心中有數。

4) 關於唔同地區污水都呈陽性：
其實全香港唔同地方嘅污水最後都會運送到去一個終極嘅污水收集站，咁如果係咁嘅話咪即係全香港嘅污水都係呈陽性？咁點解唔迫全香港市民做一次全民檢測？（特首之前話香港係冇可能可以模仿大陸嘅禁足措施，但係葵涌邨同埋屯門公共屋村又開始做緊禁足措施同埋強檢，又係今天的我打倒昨天的我😉）

最後我想講，每一類病毒都會有基因變異同埋變種，每一次嘅基因變異會令到該病毒更容易喺人群之間傳播開去，但同時死亡率係會下降，亦可能會成為風土病。#醫護 #Omicron #Delta #covid19 #新冠疫苗 #第三針
提交時間：2022/2/7 上午2:16

出處：
https://www.facebook.com/492354117860377/posts/1383684645393982/ .

除咗公立醫院唔夠床位，其實連救護車都好緊絀😢辛苦晒各位醫護🙏

去片👉https://www.youtube.com/watch?v=p6xfiFNs7Sw
#channelchk #COVID19 #疫情 #omicron #delta #醫護 #救護車

足本字幕！竹篙灣隔離女 失控飛腳踢職員
雙方追逐對峙片 揭營內滯留無援慘況
嘮動新聞👉 https://youtu.be/42SwTQPrtF8

無論係喺隔離營欠缺支援嘅人，還是遲遲未拎到出營證明而滯留嘅人，甚至係人手短缺但仍然緊守營內崗位嘅人，佢哋都係香港人。佢哋都係一班「被選中」嘅悲慘香港人。😢

呢條片後半部，來自網上流傳嘅足本版雙方對峙片。雖然我哋發佈咗交代到來龍去脈嘅嘮動新聞片，但有熱心讀者之前擔心我哋人手不足，幫我哋整咗足本字幕版，風格仲學足字幕師，所以而家出埋，畀大家欣賞。

未睇嘮動新聞版本嘅你，記得睇番嘞～ 睇完包無後悔🥲
👉 https://youtu.be/42SwTQPrtF8

#channelchk #竹篙灣 #隔離營 #檢疫中心 #保安 #醫護 #隔離 #檢疫 #quarantine #covid19 #疫情 #Omicron

染疫醫護第7日快速測試陰性可復工
醫管局：非常時期確保足夠人手
衞生署：一般市民須繼續家居隔離14日

醫管局昨（23日）向員工發出最新防疫指引，稱「為平衡同事健康，同埋病人服務運作需要」，員工若確診或列為密切接觸者後，若第7日快速抗原測試結果呈陰性，通知主管後就可上班。有員工就向Channel C反映，認為新安排完全妄顧員工及病人安全，甚至令同事可能觸犯《預防及控制疾病規例》（第599A章）法例。

醫院管理局總行政經理（質素及標準）劉家獻今表示，現時疫情嚴峻，醫管局至今有1,668名員工確診，部份同事家人確診而成為密切接觸者，嚴重影響人手，形容目前情況「全民皆兵」。他又說，醫護是照顧病人的寶貴資源，「粒粒皆辛苦」，希望每員工都能盡快重返崗位照顧病人，「佢（確診或須隔離員工）都想返嚟幫同事，照顧新冠肺炎病人」，所以「如果有辦法平衡到感染風險、醫院運作需要，有時在非常時期，都希望能實施安排，確保有足夠人手提供必要醫療服務。」

他補充，整個安排已有好多專家分析，考慮到超過98%員工已接種疫苗，傳染病及感染控制專家參考海外及本地數據，絕大部份病發病人第7日已找不到活病毒，第7日若檢測呈陰性，相信安全，「防感染係非常重要，但而家要做係增加能力照顧病人。」

醫管局會要求重返崗位的員工嚴守感染控制措施，包括每日須做快速抗原測試，戴好口罩，依從指引佩戴適當個人裝備、盡可能單獨用膳、保持社交距離。

劉家獻續說，有關安排亦已向衞生防護中心溝通，中心同意解除隔離；屆時醫管局有關部門會向中心通報員工情況，以將員工隔離令或檢疫令中止，讓員工重返崗位。被問到既然第7日快速測試結果陰性已屬安全，一般已接種疫苗市民是否都毋須等14日，衞生防護中心傳染病處主任張竹君表示，有關安排是醫管局要求衞生署同意的特別安排，「醫管局會保障員工遵守指引，每日測試，普通市民我哋都係要求做14日家居隔離。」

對於快速抗原測試準確度不及核酸檢測，劉家獻表示，醫管局現時有8萬多名員工，「無可能每日都叫佢做核酸測試，但抗原測試都好準吓。」

#channelchk #家居隔離 #醫管局 #醫護 #快速測試 #核酸檢測 #醫護人手

身為一個公立醫院醫生，真係睇唔過眼呢一場「人禍」。

先係疫情初期，政府不斷發放變種新冠肺炎(Omicron)有幾嚴重有幾得人驚，迫香港人用安心出行App，結果呢？班高官自己開party唔用app，一連串社區爆發突然出現。政府專家理應知道變種新冠肺炎同普通Common cold / Flu差唔多，但就係都要嚇你。係一連串無效嘅圍封強檢之後，最應該改行與病毒共存嘅策略，同西方國家一樣，亦係世界大方向，先可以避免整爆香港醫療系統。結果政府完全唔理，係都要跟上面一樣乜叉動態清零，完全不切實際冇科學基礎。

今時今日公立醫院病床爆煲、病人訓街、重症病人得不到適當治療、危殆病人等半日先到急症室、醫護人員工作量爆炸，以上種種情況是誰造成相信大家心中有數！COVID 有幾嚴重，大家中過都好清楚，我地見大部分 COVID patient，就算中哂所有 Risk Factor 又 Unvaccinated 都可以冇乜 Symptom，我地好多藥都唔洗落，只係做 Routine CXR 同 BT。單純 COVID 呢個病嘅 Management 根本就極少，因為 COVID 而危殆嘅病人亦極少。但政府就係要將人手分去去做哂啲 Isolation，去應付 ICN 做 Contact Tracing，去配合政府做檢測做化驗，搞一大堆無意義嘅文件。

結果呢？冇人手去處理一大班因為比政府嚇入醫院嘅病人，當中入到A&E就死果班危殆果班好多都係本身已經有其他 chronic disease，冇人手冇設備冇時間冇空間，果班人好快就差，仲未計一班等左半日都未入到 A&E 嘅 CVA (ICH) IHD cardiac arrest Cat I case。正正係因為政府唔肯面對現實，死都要清零，令到一班市民以為個病好嚴重衝入急症室、因為政府嘅檢測令一班返唔到工嘅人衝嚟A&E 拎 SL，一車車老人院職員一見有院友確診就掉哂啲老人家嚟，谷爆公立醫院，而本來一班最需要緊急照顧嘅病人延遲幾個鐘送院導致死亡。死嘅大部分人都唔係因為新冠肺炎，而係無辜本來唔洗延遲送院/治療嘅香港人。

已經唔同你講 HA 令人冷笑的policy，一開頭跟實政府話個病有幾嚴重要點樣 Contact Tracing，郁啲就計你 Close Contact 要隔離唔知幾多日。。好啦到而家，玩出火啦，又多人中又多人返唔到工就話 HA staff 唔係一般市民，中左之後7日就可以返工，最嘔心係聽到班 top management 話我地好樂意返工。。。個龍門同政府一樣任佢搬！我地返工係為左醫人救人，唔係為左幫政府補鑊！

講到呢度，我已經唔知仲可以講咩，香港人自求多福啦，而家呢個時勢唔係驚感染新冠肺炎(Omicron)，係要希望自己唔好感染其他嘅病。。。香港醫護逐個逐個移民，大家自求多福啦。。#醫護 #醫生 #醫管局 #衛生署 #公立醫院
提交時間：2022/3/3 上午12:37

【緊急】公院病人家屬求救：媽媽等死中 十幾個鐘無飯食無水飲無鹽水無藥派

究竟件事係邊度出錯……😰

聽下苦況👉https://www.youtube.com/watch?v=TROYeq_t_fw

#channelchk #COVID19 #疫情 #公立醫院 #Omicron #醫護

疫情嚴峻，醫護人員每日疲於奔命，有救護員昨日在社交網facebook群組「公務員secrets」發文，指早前有個案瞞報病情，置救護員於染疫風險下，該名救護員大呼：「真心希望市民報警叫救護車不要隱瞞病情。」

#醫護 #救護車 #救護員 #武漢肺炎 #支那病毒 #支共禍患 #禍港正苦

網上流傳醫護被欺凌片段，雖然條片有晒日期時間，但醫管局都話未能確認拍攝時間地點同片中人身份😢
👀https://www.youtube.com/watch?v=li2sYxrGXH4

醫管局挽留人手 低息貸款助買樓留港
大灣區醫生交流計劃 內地醫生來港執業

IG @boomheadhk 報導

為了挽留現時醫護人才，通過設立低息置業貸款計劃，令 #醫護 更容易置業買樓，長遠繼續留港工作。醫護只要工作滿3年便可申請計劃。

另外 #醫管局 亦宣佈將推出「大灣區醫生交流計劃」。由內地推薦 #大灣區 三甲醫院具有經驗及水準的醫生來港「有限度註冊」執業，當中亦包括早前來港支援抗疫的醫護人員，以解決香港醫護人手短缺問題。

#班仆街唔係鬧人黑醫護咩
#人才流失 #支共攬炒香港