元朗唐狗被炮仗聲嚇親走失 獲梁祖堯救起與主人團聚
惟狗主另一狗狗仍未尋回

雖然話「炮竹一聲除舊歲」，但其實市民無論喺邊度放煙花、炮仗都係違法，危險之餘仲會令毛孩受驚。居於元朗嘅梁祖堯昨日下午喺社交平台出post，話喺大棠路紅棗田附近發現一隻疑被炮仗聲嚇走嘅唐狗，「佢非常之害怕，喺大棠路車來攘往之間走來走去，非常危險。」

阿祖見狀先將狗狗帶返屋企，喺網上呼籲大家將消息廣傳，希望盡快幫狗狗搵返主人。經熱心市民及毛孩守護者義工幫助下，佢哋得知狗狗有晶片，3歲，叫「靚妹」。之後隔咗陣「靚妹」主人終於聯絡阿祖佢哋，仲話「靚妹」真係因為鄰居燒炮仗而嚇到走失。阿祖憶述，「靚妹搵返媽媽嘅時候開心到成個跳起不停擺尾，我哋同佢相處咗半日佢都未試過擺尾。」

雖然成功幫「靚妹」搵返主人，但阿祖話呢位主人同時有另外一隻狗走失，仍未搵返嘅狗狗同「靚妹」係同胎嘅兄弟姊妹，樣子基本上係一樣，呼籲各位街坊見到可以先hold 起狗狗，然後聯絡佢。「靚妹」主人亦喺帖文留言多謝阿祖幫忙照顧「靚妹」，話「靚妹」已經安定落嚟，但昨晚搵到而家，仲未搵到「靚妹」阿哥「四眼仔」。而「四眼仔」同「靚妹」一樣樣，顏色偏深色，走失時戴住鐵鍊頸帶，有晶片。

阿祖亦提到每年歲晚好多村會放炮仗煙花，好多寵物都會嚇到走失，昨日亦遇到一個女仔正搵緊一隻金毛犬，所以佢都呼籲大家要好好睇住毛孩，尤其過年過節，「佢哋真係會俾啲炮仗嚇到不顧一切咁樣逃走。既然呢個地球上已經冇人有辦法或願意去阻止違例嘅燒煙花炮仗，咁作為主人就唯有自己小心啲。」

阿祖喺帖文享自己嘅親身體會：「前年我都親身因為咁走失咗隻狗，好在有街坊hold住，先至可以團聚。唔係嗰次經歷，都唔會識得見到有狗喺街上邊走失，無論如何都應該hold住佢，否則佢越走越遠或者會遇到交通意外後果不堪設想...」

#channelchk #梁祖堯 #煙花 #炮仗 #民間煙花 #唐狗 #走失 #毛孩

註：燒炮仗截圖取自《now新聞》影片

鸚鵡走失｜可愛綠金頂愛情鳥葵涌邨走失 一齊幫幫眼

有讀者正急尋一隻叫「青檸」的綠金頂愛情鳥，牠於3月20日傍晚6時半在葵涌邨走失，鳥兒有開口腳環，上面寫上主人的聯絡電話67434055。主人指，他由幼鳥起開始撫養青檸，所以非常擔心性格親人的青檸安危。

主人呼籲，如果有人救起青檸，請致電上述聯絡電話。若有人救起青檸後想繼續撫養，致電主人報平安後，他亦會贈送鳥兒所有用品。

#channelchk #鸚鵡 #綠金頂愛情鳥 #走失

鸚鵡走失｜急尋愛情鳥「柑柑」 天水圍俊宏軒一帶走失

再有讀者走失愛寵，大家一起幫幫眼。今次要找的是一隻叫「柑柑」的愛情鳥，牠於3月22日下午約2時，在天水圍俊宏軒一帶走失，左腳有銀色腳環，有剪羽。主人憂慮這兩天牠未能進食及喝水，而今日天氣轉差、不時有雨，令主人加倍擔心。

主人呼籲，如果有人發現柑柑，可以先救起牠，再致電聯絡52669295（袁小姐）及95198515（高小姐）。

#channelchk #走失 #愛情鳥 #天水圍 #俊宏軒