TVB投訴民間電視大獎侵權 方以文多Post被刪
《東張西望》卻擅自駁片拎嚟賣廣告 疑雙重標準？

早前電視評論家方以文舉辦「觀眾在民間電視大獎」，網民可以投選心儀嘅節目同埋演員，電視台就包括TVB、ViuTV、開電視及港台，而啱啱呢一屆就有超過60,000名網民投票，千祈唔好以為呢一個大獎係ViuTV圍爐大賽，其實啱啱呢一年，李佳芯都有拎到民選視后。

早排方以文就喺IG限時動態話，Facebook有幾個民間電視大獎嘅貼文都被TVB投訴侵權，連買Instagram幾個post都冇埋，懷疑係因為當中嘅相包含TVB嘅角色造型照。

投訴人哋侵權，但另一邊廂，《東張西望》上年11月冇問過當事人之下，剪咗前無綫、商台主持陳慧儀同趙汝威博士喺Facebook、討論「浸稀釋漂白水改善濕疹」嘅直播，夾埋其他片拎嚟做植入式廣告。

嗰集嘅《東張西望》，拎咗陳慧儀嘅直播片段做引子，之後就訪問位元堂嘅中醫師，搵咗一個媽咪訪問佢幫仔仔對抗濕疹嘅方法。片段入面，呢位媽媽就喺小朋友濕疹嘅位置搽油膏（睇包裝似係卡倫萬用膏），之後小朋友就話冇以前咁痕。點解係植入式廣告？因為出咗位元堂logo，片尾都有顯示贊助。卡倫萬用膏就冇出到logo，但係TVB旗下嘅網購平台「士多」就sell卡倫萬用膏，卡倫萬用膏都係TVB嘅長期廣告商，所以話係植入式廣告一啲都唔出奇。

TVB係冇問過陳慧儀嘅情況下用咗佢條直播片，令到好多觀眾誤會，甚至有好多網民事後向佢哋查詢有關嘅廣告產品⋯⋯陳慧儀都希望網民可以幫手澄清返，佢自己同卡倫萬用膏係冇任何關係，都唔清楚相關產品嘅成份同埋真正來源。

圖片來源：陳慧儀YouTube、TVB、方以文IG、思思TVB的二三事IG

#channelchk #TVB #觀眾在民間電視大獎 #方以文 #東張西望 #陳慧儀 #侵權

▌#觀眾在民間電視大獎 係由電視評論家 #方以文（方以文 睇電視喇喂）喺2016年創辦，網民可以就TVB、ViuTV、開電視及港台票選心儀嘅節目同演員，喺2021年呢屆有逾60,000網民投票，不過唔好以為呢個係ViuTV fans嘅圍爐遊戲，其實TVB都有拎過獎，例如李佳芯就憑住《AI智能愛人》取得2021年民選視后，而鍾嘉欣亦憑住《星空下的仁醫》入圍民選視后三甲，喺2017、2018年，TVB亦兩度取得民選最佳劇集。

▌日前方以文喺IG Story透露，佢哋喺Facebook有幾個民間電視大獎嘅貼文被TVB投訴侵權，就連喺Instagram都有幾個Posts消失咗，懷疑係因為貼文包含TVB角色造型照。

▌#TVB (AKA #方丈) 素來重視自己嘅知識產權，會周圍舉報關佢事同唔關佢事嘅任何嘢，例如有商戶曾經Repost佢哋接受TVB訪問嘅片段被舉報、我哋個TVB廣告商名單被舉報，就連而家TVB藝人獲「民間認可」都被舉報，呢個電視台小器成咁根本唔配俾人叫做「#大台」。再者，其實TVB自己都唔係好尊重知識產權，早幾個月《#東張西望》先偷人片嚟做商業廣告（陳慧儀事件），搞到人哋不斷被問廣告詳情，TVB又有咩資格站在道德高地不斷批判人？都係嗰句喇，啲人討厭TVB唔一定係因為政治原因，本身呢個台啲PR都做到屎咁。

陳慧儀事件：
https://www.facebook.com/sayno4tvb2.0/photos/a.444196673963376/444022743980769/

▌#TVB法律部 近期戰狼上身，頻頻出征，繼強行註冊 #SayNo4TVB 商標及舉報本專頁之評論貼文後，今日(31日)本團隊再收到Instagram通知，指我哋一篇報導「《東張》主持黃穎君離巢 獲聘為民政事務局媒體主任」侵犯版權，舉報人為TVB。

▌呢篇報導用咗《#東張西望》嘅 #黃穎君 截圖，本身已經Blur咗Logo同咪牌，貼文內容分為三段，第一段係報導《東張西望》主持黃穎君離開TVB，轉往政府任職的敘述，第二段為介紹黃穎君在TVB的經歷，第三段則係敘述黃穎君的政治立場，及本團隊對黃穎君的期許。根據香港《版權條例》，在特定的情況下，例如批評、評論和報導時事，可合理使用他人的版權作品，而不會招致民事和刑事責任。換句話說，即係TVB又濫用舉報功能，以「侵權」為名義打壓言論自由、消滅異見聲音，而meta公司（包括FB及IG）又再一次成為幫兇，本團隊已經就裁決提出上訴。

▌各位做開專頁嘅朋友，我哋嘅遭遇並唔係孤例，你哋望吓 #游大東（@yautaitung）、#方以文（@fongemantvman）最近都一同遭殃，就知道TVB已經不顧企業形象，封殺所有中立，或者無一面倒唱好TVB嘅頻道，大家以後取用TVB素材，或者用到三色台Logo嘅時候小心啲喇。