​#Мутафаккирлар

Меҳмон келса уйини оқлаб кўчага сув сепадиган ва болаларига бермайдиган ширинликларни дастурхонга қўядиган, эрига жулдурвоқи кийиниб, оммага ясан-тусан қиладиган, тўйида "ўнта қўй нима бўларди", деб дея тўқлигини кўз-кўз қиладиган миллатмиз-ку, президент кирган кўчаларни асфальт қилинганини танқид қилишимиз ғалатимас-ми?! Амалдорларимиз ҳам шу миллат "боласи"ку!

Муаммо тарбия, таълим ва табиатимизда. Булар тузалмагунча, йўлларимиз тузалмайди. "Хўжакўрсинлик" қон-қонимизга сингиб кетган. У қуруқ танқид ва масхара билан ўнгланмайди. Узоқ йиллик ва машаққатли таълим-тарбия йўлини босиб ўтишимиз керак.

✍🏻©Мубашшир Аҳмад

Каналга уланиш👈🏻
@Solihlar_taratgan_nurlar

Бизни шариатимиз жазолашни
1-ўринга қўймайди❗️

🎙Устоз Исҳоқжон Муҳаммад

Каналга уланиш👇
Манба: © @ummatuz @muttaqiynuz
https://telegram.me/Solihlar_taratgan_nurlar

​#Ибрат

Аллоҳнинг неъматларини санаб адоғига етолмайсан

Ғассон айтади: «Басралик дўстларимиз шундай дейишди: «Бир киши Юнус ибн Убайднинг олдига келиб, ҳоли танглиги, турмуши ғам-ташвишли эканидан шикоят қилди. Юнус: «Шу кўриб турган кўзларингни 1000 динорга сотасанми?» деди. У: «Йўқ» деди. «Эшитиб турган қулоқларингни 1000 динорга сотасанми?» деган эди, яна «Йўқ», деди. «Гапираётган тилингни-чи?» деган эди, яна «Йўқ», деди. «Уриб турган юрагингни-чи?» деган эди, яна «Йўқ», деди. «Икки қўлингни 100 мингга сотасанми?» деган эди, яна «Йўқ», деди. «Икки оёғингни-чи?» деган эди, яна «Йўқ», деди. Шунда Юнус: «Аллоҳ таоло сенга юз минглаб неъматлар ато қилибди-ю, сен бўлса шикоят қилиб ўтирибсан», деди.

«Солиҳлар гулшани» китобидан📚

Манба: islom.uz

https://telegram.me/Solihlar_taratgan_nurlar

Гўзал амал❕

"У зот сизларнинг қайси бирингиз энг гӯзал амални қилувчи эканингизни синаш учун ӯлим ва ҳаётни яратди" (Мулк сураси, 2-оят)

Фузайл ибн Иёз раҳматуллоҳи алайҳ ушбу оятдаги “энг гӯзал амал” лафзини “амалнинг энг холиси ва энг тўғриси”, деб тафсир қилдилар. Шунда унга:

- Эй Абу Али, “амалнинг энг холиси ва энг тўғриси” нима? - деб сўрашди.

У:
- Агар амал холис бўлса-ю, лекин тўғри бўлмаса, ёки тўғри бўлса-ю, лекин холис бўлмаса, у то холис ҳамда тўғри бўлмагунча қабул қилинмайди. Холис амал бу Аллоҳ учун қилинган амалдир. Тўғри амал эса суннатга мувофиқ қилинган амалдир, - деб жавоб бердилар.

Ҳакимлардан яна бирлари айтган экан: "Тааммул қилинг! Аллоҳ таоло "энг кӯп амал" демади, балки " энг гӯзал амал" деди".

"Ҳикматлар чашмаси"дан📚

@Solihlar_taratgan_nurlar

​ОХИРАТ ТАДОРИГИГА ҚАНЧА ВАҚТ АЖРАТАМИЗ?

Тобеинлардан Ҳасан Басрий раҳимаҳуллоҳ айтади:
"Сизни (охиратдан) тўсиб қўювчи дунё ишларидан узоқ бўлинг. Чунки дунёнинг иши кўп. Бир эшикни очса, унинг ортидан ўша иш ўн эшикни очиб тураверади" (яъни, натижада охират ишларидан узоқлашиб, дунёга машғул бўлганингизни билмай қоласиз).

* * *

Абдуллоҳ ибн Авн раҳимаҳуллоҳ (имом Абу Ҳанифа раҳимаҳуллоҳнинг тенгдоши, имом Ҳасан Басрийнинг шогирди) айтади:

"Сизлардан бурунгилар охират ташвишидан ортган вақтларини дунё учун сарфлар эдилар, сизлар эса, дунё ташвишидан ортган вақтларингни охират учун сарф этмоқдасизлар".

Бу - ўша имомлар вақтидаги ҳолат... Оллоҳ таоло бизнинг ҳолимизга раҳм қилсин...

✍🏻Сайфуллоҳ Носир

Каналга уланиш 👇🏻
https://telegram.me/Solihlar_taratgan_nurlar

Пайғамбар алайҳиссаломга бўлган муҳаббатнинг самараси

Ҳазрати Али жомеъ масжиди имом-хатиби:

🎙Устоз Салоҳиддин домла

📍Shayx Muhammad Sodiq Muhammad Yusuf rohimahulloh majmuasi

Манба: © islom.uz

Каналга уланиш👇🏻
https://Telegram.me/Solihlar_taratgan_nurlar

Аллоҳим бизни ҳам яхши кўрганларимиз билан бирга қилгин

​#Ибрат

Бир киши улуғ саҳоба Абдуллоҳ ибн Масъуд розияллоҳу анҳунинг поябзалларини ўғирлаб кетди. Шунда у киши: "Аллоҳим! Агар у муҳтож бўлса, олган нарсасига барака бергин. Агар муҳтож бўлмаса, шуни охирги гуноҳи қилгин", дедилар.

Қизиқ, биз уларни ўринларида ўша одамни ҳаққига дуо қила олармидик? Нақадар гўзал хулқ!

✍🏻@ttunchiroq

каналга уланиш👇🏻
https://telegram.me/Solihlar_taratgan_nurlar

#Ҳикмат

"Ризқ тақсим қилиб бўлингандир. Ёмон гумон қилиш манфаат бермайди. Ҳар нарсани тамаъ қилаверадиган киши камбағалдир. Борига қаноат қиладиган киши эса бойдир".

©Алий ибн Абу Толиб розияллоҳу анҳу

✍🏻Абдуссами Хайруллоҳ

Каналга уланиш👇🏻
https://telegram.me/Solihlar_taratgan_nurlar

​#Маълумот

Набавий ҳадисларнинг энг машҳур ровийлари❗️

1. Абу Ҳурайра розияллоҳу анҳу. 5374 та ҳадис ривоят қилган.
2. Абдуллоҳ ибн Умар розияллоҳу анҳу. 2630 та ҳадис ривоят қилган.
3. Анас ибн Молик розияллоҳу анҳу. 2286 та ҳадис ривоят қилган.
4. Уммул мўминийн Оиша розияллоҳу анҳо. 2210 та ҳадис ривоят қилган.
5. Абдуллоҳ ибн Аббос розияллоҳу анҳу. 1660 та ҳадис ривоят қилган.
6. Жобир ибн Абдуллоҳ розияллоҳу анҳу. 1540 та ҳадис ривоят қилган.
7. Абу Саъид ал-Худрий розияллоҳу анҳу. 1170 та ҳадис ривоят қилган.
8. Абдуллоҳ ибн Масъуд розияллоҳу анҳу. 848 та ҳадис ривоят қилган.
9. Абдулллоҳ ибн Амр ибн Осс розияллоҳу анҳу. 700 та ҳадис ривоят қилган.
10. Умар ибн Хаттоб розияллоҳу анҳу 537 та ҳадис ривоят қилган.
11. Алий ибн Абу Толиб розияллоҳу анҳу. 536 та ҳадис ривоят қилган.

Манба:© www.arabic.uz

Каналга уланиш👇🏻
https://telegram.me/Solihlar_taratgan_nurlar

​#Ҳикмат

Абдуллоҳ ибн Масъуд розияллоҳу анҳу айтдилар:
Роббисига холис бўлган киши худди қум устида юрган кишига ўхшайди. Қадам товушларини эшитмайсан, лекин унинг изини кўрасан.

✍🏻@arabicuz

https://telegram.me/Solihlar_taratgan_nurlar

​Гўдаклигида вафот этган болаларнинг ота-оналари...❗️

Гўдаклигида вафот этган болаларнинг ота-оналари Аллоҳ таолонинг ҳузурида эътиборга олинади. Аллоҳ таоло иккалаларининг сабри учун уларни мағфират қилишни хоҳлайди. Лекин нима сабабли уларни мағфират қилади? Болаларини уларга шафоатчи қилиб кечиради.

Саййидимиз Расулуллоҳ соллаллоҳу алайҳи ва салламдан саҳиҳ ҳадис ворид бўлган. У зот айтадилар: “Албатта ёш бола жаннат эшигига тиралиб олиб, ҳатто ота-онасини жаннатга киргазмагунча кирмай туриб олади”.

Яъни жаннат эшигига осилиб, ўрнидан қимирламай, у ерга чалқанча ётиб олади. Гўёки у эътироз билдириб айтади: “Эй Раббим, ота-онамни мен билан бирга жаннатга киргазмагунингча ёлғиз ўзим кирмайман”.

Энди бу меҳрибонликнинг масдари қаерда? Бу ғамхўрликни ушбу боланинг қалбига Раббимиз солиб қўймадими?!

Демак, ота-она Аллоҳнинг ҳузурида эътиборга олиниб, уларнинг сабри сабабли Аллоҳ уларни кечириб юборади. Албатта, бу нарса боланинг эҳтиромидан бўлади. Бола жаннат эшигига осилиб олиб: “Эй Раббим, мен ота-онамсиз жаннатга кирмайман”, – дейди.

Бас, шундай экан, шафоат ҳақиқатда бор нарса. Лекин шуни билингларки, қайсидир солиҳларнинг шафоати Аллоҳ таоло раҳматининг бир бўлагидир.

©Шайх Муҳаммад Саъид Рамазон Бутийнинг суҳбатларидан

✍🏻Абдуллоҳ Ғуломов таржимаси.

каналга уланиш👇🏻
https://telegram.me/Solihlar_taratgan_nurlar

#Ибрат

АЛЛОҲ ЙЎЛИДА ЯХШИ КЎРИШ

Улуғ тобеинлардан Абу Муслим Хавлоний раҳимаҳуллоҳ ҳикоя қилади:
Ҳимс масжидига кирдим. Қарасам, пайғамбар алайҳиссалом асҳобларидан тақрибан ўттиз нафар кекса ўтирибди. Улар орасида бир йигит.. киприклари қуюқ, жилмайганда оппоқ тишлари ярқираб кетади.. сукутга чўмган.. бирор нарсада иккиланиб қолишса, унга юзланиб сўраб олишади..
- Бу киши ким? - деб сўрадим ёнимда ўтирган кишидан.
- Муоз ибн Жабал, - деб жавоб берди.
Бирдан унга қалбимда муҳаббат пайдо бўлди. Одамлар тарқаб кетгунча улар билан бирга бўлдим. Кейинги гал масжидга эрта бордим. Кирсам, Муоз ибн Жабал бир устун ортида намоз ўқиётган экан. Кейин менга гапирмай сукут қилди. Мен ҳам намоз ўқидим. Кейин кийимимга ўраниб тиззамни қучоқлаб ўтирдим. У яна сукут қилиб гапирмади. Мен ҳам гапирмай жим ўтиравердим.
- Аллоҳга қасамки, сизни яхши кўраман, - дедим охири.
- Нима учун? - деди.
- Аллоҳ таборака ва таоло йўлида яхши кўраман, - дедим.
Кийимимдан ушлаб, ўзига бироз тортиб турди-да, деди:
- Хурсанд бўлаверинг, чунки мен Расулуллоҳ соллаллоҳу алайҳи ва салламнинг шундай деганларини эшитганман:
"Менинг жалолим йўлида (яъни, мен учун ва мени деб) бир-бирини яхши кўрганлар учун нурдан иборат минбарлар бўлади, уларга пайғамбарлар ва шаҳидлар ҳавас қиладилар".

Аллоҳ таоло барчамизни ана шундай дўстлардан қилсин.
Омин.

✍🏻@Sayfulloh_Nosir

@Solihlar_taratgan_nurlar

​Молик ибни Динорнинг тавбаси


Молик ибн Динор дарсларининг бирида ўзлари ҳақида айтган нарсани эслатади. Молик ибни Динор солиҳларнинг улуғларидан бири бўлган.

Хўп, Молик ибн Динор ким эди?  У миршаб бўлиб, ичкиликка муккасидан кетган киши эди. У ўзининг тавбага кириш сабабини эслаб айтади:

“Бир куни бозорда одамларни назорат қилиб, ўз ишим, яъни миршаблик билан шуғулланаётган эдим. Узоқдан икки кишининг тортишаётганини кўриб қолдим. Улардан бирининг қаҳри қаттиқ, иккинчиси эса кучсиз ва қўлида матоси бор эди. Англадимки, анави кучли одам нариги ожиздан ғолиб келиб, матосини тортиб олаётган эди. Уларга яқинроқ бордим. Ожизнинг: «Сен билан қиёмат куни Аллоҳ ҳисоблашади, мен бозорга Расулуллоҳнинг ушбу сўзларига таяниб чиққан эдим. У зот соллаллоҳу алайҳи ва саллам; «Кимки бозорга бориб мато сотиб олса ва (уйга) келиб нарсаларидан биринчи қизларига берса, Аллоҳ таоло уни қиёмат куни неъматлантирсин», деганлар. Ҳа, сен қизларимнинг қувончини саробга айлантирдинг, бунинг учун сени Аллоҳ қиёмат куни сўроққа тутади»,  деяётганини эшитдим.

Ушбу ожиз кишига нисбатан қалбимда кучли меҳр-шафқат пайдо бўлди. Агар ушбу ожизга ёрдам бериб, нариги кучлини инсофга чақирсам, эҳтимол Аллоҳ гуноҳларимни кечириб, мени мағфират қилар, дедим ўзимга ўзим. Ҳалиги қаҳри қаттиқ одамни сўкиб, ундан матони олдим ва ожизга бердим. Юзидаги қувончни кўриб, уни чақирдим ва дедим:

– Сенга бир аҳдим бор, уни сендан Аллоҳ ҳам сўрайди. Уйингга бориб, олиб борган нарсангдан қизларинг қувонганини кўрганингда, улардан менинг ҳаққимга дуо қилишларини сўрагин. Уларга Молик ибн Динорнинг ҳаққига дуо қилинглар дегин”.  

У гуноҳи кўп осий одам эди. Лекин нафснинг хатолари зоҳирида бўлиб, ботинида эса жўшқин қалб Аллоҳнинг фазлу марҳаматига ва Унинг кечириб, афв қилишига йўналган эди. Ушбу инсон яхши томонга ўзгарди, Аллоҳ азза ва жалла унинг тавбасини қабул қилди. Натижада ичкиликка муккасидан кетган Молик ибн Динор минглаб дарсликлар ташкил қилган Аллоҳ таолонинг авлиёларидан бири бўлмиш Молик ибн Динорга айланди.

©Шайх Муҳаммад Саъид Рамазон Бутий роҳимаҳуллоҳ

✍🏻Абдуллоҳ Ғуломов таржимаси
@imombutiyrahimahulloh

Каналга уланиш👇🏻
https://telegram.me/Solihlar_taratgan_nurlar

​#Ибрат

Шайх Муҳаммад Ғаззолий ҳикояси❗️

Хамр ичишга одатланиб қолган бир кишига “Аллоҳга тавба қилмайсизми?” дедим. У менга синиқлик билан қаради-да, кўзларидан дув-дув ёш оқиб, шундай деди: “Менга инсоф тилаб Аллоҳга дуо қилинг”.

Унинг аҳволини кўриб, қалбим эриб кетди. Албатта, унинг кўзидан қуйилаётган ёшлар Аллоҳнинг буйруғига итоатсизлик қилганини ҳис этиш, шу ишларига хафа бўлиш ва солиҳ инсон бўлишга интилиш натижаси эканлиги кўриниб турибди. Албатта, у мўмин, аммо, ёмон иллатга мубтало бўлган. У офиятни истаяпти ва ушбу офиятга яқинлашиш учун мендан ёрдам сўраяпти. Мен ўзимга-ўзим шундай дедим: Гоҳида менинг ҳам аҳволим мана шу одамникидек ёки ундан-да ёмонроқ бўлади. Тўғри, мен ҳеч қачон хамр ичмаганман. Чунки, мен яшаган муҳит хамр деган нарсани танимас эди. Лекин мен кўпинча ғафлат хамридан истеъмол қилиб қўяман. Ўша ғафлат мени Роббимдан бурилишимга, Унинг ҳақларини унутишимга сабаб бўлади. Мана бу хамр ичувчи одам ўз нуқсонига йиғлаяпти, аммо мен ва менга ўхшаган кишилар ўз нуқсонларимизга ҳеч йиғламаймиз. Ўзимизни алдаб юраверамиз”. 

Кейин хамр ичишни ташлаши учун мендан дуо сўраган кишига юзландим ва унга: Келинг, иккаламиз ўзимиз учун биргалашиб дуо қиламиз: 

ﺭﺑﻨﺎ ﻇﻠﻤﻨﺎ ﺃﻧﻔﺴﻨﺎ ﻭﺇﻥ ﻟﻢ ﺗﻐﻔﺮ ﻟﻨﺎ ﻭﺗﺮﺣﻤﻨﺎ ﻟﻨﻜﻮﻧﻦ ﻣﻦ ﺍﻟﺨﺎﺳﺮﻳﻦ  

“Эй Роббимиз, биз ўзимизга зулм қилдик. Агар Сен бизни кечирмасанг ва бизга раҳим қилмасанг, аниқ зиён кўрувчилардан бўлиб қоламиз”. (Аъроф сураси 23-оят)

Азизлар, ушбу дуони доим такрорлаб, Роббимиздан бизни кечиришини, бизга раҳим қилишини сўрайлик. Зеро, барчамиз гуноҳкормиз, ўзимизга кўп зулм қилганмиз. Аллоҳ барчамизни зиён кўришдан асраб, ҳақиқий нажотга эришган бандаларидан қилсин, омин!

✍🏻Нозимжон Ҳошимжон
Манба:©islom.uz

Каналга уланиш👇🏻
https://telegram.me/Solihlar_taratgan_nurlar