Namanganda "Hokim kubogi" musobaqasining g‘olib va sovrindorlari aniqlandi!

Joriy yilning 4-avgust kuni start olgan Namangan viloyatining Davlatobod tumanidagi “Yosh kuch” o‘yingohida futbol bo‘yicha Namangan viloyati hokimi kubogi musobaqasi yakuniga yetdi.
Bugun viloyatimizning barcha shahar va tumanlaridan tashrif buyurgan 2013 yilda tug’ilgan yoshlardan tashkil topgan 30 ta jamoa ishtirok etgan musobaqaning final o'yini hamda g'olib va sovrindorlarni tantanali taqdirlash marosimi bo'lib o'tdi. Marosimda bir qator martabali mehmonlar qatorida Davlatobod tumani hokimi, "Navbahor" futbol klubi prezidenti Anvarjon Abduvohidovich Tojimirzayev hamda Namangan viloyati Sport boshqarmasi boshlig'i, "Navbahor" klubi vitse-prezidenti Akramjon Gapparovich Dedabayevlar ham ishtirok etishdi.
Musobaqa yakuniga ko'ra,
1-o'rin Odil Junior;
2-o'rin Uychi tumani 2-sport maktabi;
3-o'rin Kosonsoy hamda To'raqo'rg'on tuman jamoalariga nasib etdi.
Musobaqa futbol orqali yoshlar o‘rtasida do‘stlik, birdamlik va sog‘lom raqobat muhitini mustahkamlash, shuningdek, iqtidorli sportchilarni aniqlash maqsadida tashkil etildi.

🔵 "Navbahor" PFK matbuot xizmati.