Аъзам Ражаббаев: “Ушбу зафар вилоятимиз раҳбарининг меҳнатлари самараси деб ҳисоблайман”
Яқинда Андижон, Жиззах, Бухоро, Наманган ва Самарқанд шаҳарларида футбол мактабларининг 5 та ёш тоифалари ўртасида Ўзбекистон кубоги баҳслари бўлиб ўтди. Наманган (2009 йилда туғилган ўртасида) ҳамда Андижон (2012 йилда туғилганлар ўртасида) шаҳарларида бўлиб ўтган мусобақаларда “Навбаҳор-Умид” футбол мактаби ёш футболчилари чемпионлик унвонини қўлга киритишди. Андижондаги турнирда Наманган-U-13 терма жамоасига Аъзам Ражаббаев ва Аъзам Маҳмуджоновлар мураббийлик қилишди.
“Навбаҳор-U-21” ҳамда U-19 жамоаларида ҳам фаолият олиб бораётган Аъзам Ражаббаевдан Андижондаги мусобақа таассуротлари борасида клубимизнинг расмий канали учун қисқача интервью уюштирдик. Қуйида унинг фикрларини эътиборингизга ҳавола этяпмиз.                        
- Мусобақа юқори суръатда ташкил этилди. Ёш футболчиларга керакли ҳамма шароитлар яратилган. Қолаверса, раҳбариятимиз томонидан ушбу турнирда муносиб иштирок этишимизга барча шароитлар аъло даражада яратиб берилди. Мусобақага кўрилган тайёргарликдан тортиб, турнирдаги иштирокимиз учун зарур бўлган барча масалаларда бизни муносиб қўллаб- қувватлашди. Бунинг натижасида бешта ёш тоифаларида бўлиб ўтган мусобақаларда 2009 ҳамда 2012 йилларда туғилган футболчилардан иборат жамоаларимиз билан чемпионликни қўлга киритдик.
Ушбу зафар Наманган вилояти ҳокими, вилоят футбол ассоциацияси президенти Шавкатжон Шокиржанович Абдураззоқовнинг вилоятимизда футболни ҳар жабҳада ривожлантириш учун амалга ошираётган меҳнатлари самараси, деб ҳисоблайман.
Фурсатдан фойдаланиб,  вилоятимиз раҳбари Шавкатжон Абдураззоқовга барча футболчилар, уларнинг ота-оналари ва мураббийлар штаби ҳамда “Навбаҳор-Умид” футбол мактаби жамоаси номидан миннатдорчилик билдирамиз. Умид қиламанки, келажакда мазкур футболчилар вилоятимизнинг бош жамоаси “Навбаҳор” таркибидан жой олиб, юртимиз футболини ривожлантиришга муносиб ҳиссаларини қўшишади.
Мазкур турнирда яхши ўйин намойиш этишгани сабабли, 3 нафар футболчиларимиз ўз ёш тоифаларидаги терма жамоалардан чақирув олишди. Шу боис, мусобақа ҳар томонлама фойдали бўлди, дея оламиз, - деди Аъзам Ражаббаев.
“Навбаҳор” ПФК матбуот хизмати.

⚽️ БУГУН ФУТБОЛ!

🔵 “ОҚ-ТЕПА” 🆚 “НАВБАҲОР” 🟡

🏆 |Ўзбекистон кубоги. “Е” гуруҳи. 2-тур.
🗓 | 30.04.2025 (чоршанба)
🏟 | "Оқ-тепа"стадиони. Тошкент
⌚️| 17:00
🔘|Ҳакамлар: Сардор Миродилов, Абдуллахўжа Саидов, Бекнур Ўринбоев;
📝 |Назоратчи: Набижон Рўзимов;
⚪️ |Комиссар: Шоҳруҳ Саид.

🔴#OQTEPAvsNAVСUP.

Хабарингиз бор, “Навбаҳор” клуби матбуот хизмати ходимлари энди ҳар бир ўйинда ўз талқинлари бўйича учрашувнинг энг яхши футболчисини аниқлайдиган бўлишди.
Клубимиз матбуот хизмати ходимлари талқинига кўра, бугунги “Оқ-тепа" - “Навбаҳор” (0:1) учрашувининг энг яхши футболчиси деб, жамоамиз сардори Азимжон Аҳмедов топилди.
Азимжон Аҳмедов учрашувнинг энг яхши футболчиси!

Жалолиддин Умаровни табриклаймиз!
Бугун “Навбаҳор” жамоаси массажчиси Жалолиддин Умаров таваллуд айёмини нишонламоқда. У 56 ёшни қарши олмоқда.
“Навбаҳор” ПФК жамоаси ушбу айём муносабати билан Жалолиддин Умаровни табриклаб, унга узоқ умр, сиҳат-саломатлик тилайди.
Оилангиз ҳамда яқинларингиз бахтига доимо соғ бўлинг!
“Навбаҳор” ПФК жамоаси.