Birinchi davra yakunlari: Kim qancha oʻynadi?

Siz aziz muxlislarni “Navbahor”ning 1-davrada qayd etgan statistik natijalari bilan tanishtirishda davom etamiz.
Koʻpchilikka maʼlum, gʻalaba qozonishda maydonda harakat qiladigan futbolchilarning hissasi muhim omil sanaladi.
Xoʻsh, “Navbahor”ning Superliga 1-davrasidagi bahslarida maydonda kim qancha harakat qildi?
Birinchi davra oʻyinlarida “Navbahor” tarkibida jami 25 nafar futbolchi maydonga tushdi.
Taʼkidlash joizki, “lochinlar”ning hech qaysi oʻyinchisi Superliga – 2025ning birinchi davrasidagi barcha 15 ta oʻyinda toʻliq, yaʼni,  1350 daqiqa toʻp tepmadi. 
Braziliyalik Gilyerme Gedesh va nigeriyalik yarim himoyachi Benjamin Teydilar esa 14 ta bahsda toʻliq, yaʼni, 1261 daqiqa davomida maydonda harakat qilishdi.
Bundan tashqari, yana 4 nafar futbolchi – Sergey Karpovich, Ruslanbek Jiyanov, Abbosjon Gʻulomov hamda Alisher Odilovlar barcha 15 ta oʻyinda maydonga tushishdi, ammo mazkur oʻyinchilar ayrim bahslarda almashtirildilar yoki zaxiradan maydonga tushdilar.

❗️ T/r. Futbolchi  Ampluasi Oʻyin Daqiqa

1.Igor Gabriel (Him). 14 - 1261
2. Gilyerme Gedesh (Yar.him). 14 -1261
3.Sergey Karpovich (Him). 15 - 1257
4. Benjamin Teydi (Yar.him). 14 - 1252
5.Saidazamat Mirsaidov (Him). 14 - 1172
6. Ruslanbek Jiyanov (Yar.him). 15 - 1127
7.Abbosjon Gʻulomov (Yar.him). 15 - 1117
8.Zabihillo Oʻrinboyev (Huj). 13 - 907
9.Alisher Odilov (Yar.him). 15 - 899
10.Umidjon Ergashev (Dar). 9 - 811
11.Azimjon Ahmedov (Him). 11 - 721
12.Shohmalik Komilov (Yar. him). 12 - 704
13.Shukron Yoʻldoshev Dar. 6 - 541
14. Shahzodbek Ubaydullayev (Huj). 8 - 354
15. Pedro Augusto (Huj). 12 - 317
16.Navroʻzbek Iminjonov Huj. 7 - 270
17.Mirzohid Gʻofurov Him. 5 - 265
18.  Poʻlatxoʻja Xoldorxonov (Huj). 6 - 202
19. Javohir Abdujabborov (Yar.him). 5 - 171
20.Shahzo Toirov (Him) . 2  - 107
21.  Komiljon Tojidinov (Yar.him). 5 - 73
22.Rian Islomov (Yar.him). 2  - 49
23.Sherzod Gʻulomjonov (Yar.him). 3 - 46
24.Muhammadbobur Moʻydinov (Him). 1-25
25.Asadbek Joʻraboyev (Huj). 1 - 8  

🔵 “Navbahor” PFK matbuot xizmati.

☄Alisher Odilov jamoamizni tark etdi

Xabaringiz bor, ayni paytda yurtimizda davralar oraligʻidagi tanaffus va yozgi transfer payti.
Shu bois, barcha jamoalar tarkibida oʻzgarishlar yuz berishi tabiiy. Albatta, “Navbahor” ham bundan mustasno emas.
“Lochinlar” safini oʻzaro kelishuv asosida 24 yoshli mahoratli yarim himoyachi Alisher Odilov tark etdi.
Odilov jamoamiz tarkibidagi barcha oʻyinlarda jami 19 ta uchrashuvda maydonga tushib, 1133 daqiqa harakat qilgan holda, 3 ta gol urib, 11 ta golga assistentlik qildi.
Biz Alisher Odilovning keyingi faoliyatida omad yor boʻlishini tilaymiz.

🔵 “Navbahor” PFK matbuot xizmati.