🔵 Jamoamiz a'zolari ertangi "Bunyodkor" jamoasiga qarshi bo'ladigan o'yin oldidan o'yinoldi mashgʻulotida ishtirok etishdi.

🎥 "Navbahor Media"

Alisher Odilov: “Ertangi uchrashuvda bizni g‘alabadan boshqasi qoniqtirmaydi”

⚽️⚽️ O‘zbekiston Superligasining 10-turidan o‘rin olgan “Bunyodkor” – “Navbahor” uchrashuvidan oldin jamoamizning 23 yoshli mahoratli yarim himoyachisi Alisher Odilov bo‘lajak o‘yin haqidagi fikrlari bilan o‘rtoqlashdi.
- Ertangi bahsga odatdagiday yaxshi tayyorgarlik ko‘rdik. Odatda biz har bir o‘yinga jiddiy yondashib, yuqori sur’atda tayyorgarlik ko‘ramiz. Bu galgisi ham bundan mustasno bo‘lmadi.
Bo‘lajak raqibimiz – “Bunyodkor” borasida to‘xtaladigan bo‘lsak, ushbu jamoaga qarshi o‘ynasa bo‘ladi. Raqibni hurmat qilamiz, yaxshi shakllangan jamoa, ammo yengib bo‘lmas darajada emas.
Maydonga g‘alaba ishtiyoqida tushib, buni amalga oshirish uchun barcha imkoniyatimizni ishga solamiz, qolgani Allohdan.
Ertangi uchrashuvda bizni g‘alabadan boshqasi qoniqtirmaydi. Shu bois, ta’kidlaganimdek, zafar quchish uchun qo‘limizdan kelganicha harakat qilamiz, - dedi Alisher Odilov.

©“Navbahor” PFK matbuot xizmati.

Mirzohid G‘ofurovni tabriklaymiz!

Bugun va ertaga “Navbahor”ning taniqli hamda tajribali futbolchisi Mirzohid G‘ofurov xonadonida katta shodiyona. Mirzohid o‘g‘illari – Murodjon va Mardonbeklarning sunnat to‘ylarini o‘tkazmoqda.
“Navbahor” PFK jamoasi ushbu shodiyona bilan Mirzohid G‘ofurovni qutlab, o‘g‘illari kelajakda o‘ziga o‘xshagan yaxshi futbolchilar bo‘lib yetishishlarini tilab qoladi.

© “Navbahor” PFK jamoasi.