ት/ቤታችንን ወክሎ በ6ኛ ክፍል የተወዳደረዉና የዕለቱን ዉድድር በአሸናፊነት ያጠናቀቀዉ ተማሪ ቤቢኖስ ዳግም ዛሬ በተደረገዉ ሽልማት የተሰማዉን ደስታ ገልፆ በቀጣይም በሚኖሩ ዉድድሮች ት/ቤታችን አሸናፊ እንደሚሆን ገልጿል።ት/ቤታችንም ተማሪ ቤቢኖስ ዳግምንና ሌሎች ተወዳዳሪ የነበሩ ተማሪዎችን እንኳን ደስ አላችሁ ለማለት ይወዳል።

#.ሌክ ሳይድ አካዳሚ

#.ሐዋሳ ኢትዮጵያ

ጎበዝ ተማሪዎች የአጠናን ልምዳቸዉ ምን ይመስላል?
---------------- -------------
1.ጥናት ከመጀመራቸዉ በፊት ለምን አላማ እንደሚያጠኑ ቀድመዉ አላማ ያስቀምጣሉ፤ይህ ማለት ምን ለማወቅ እንደሚያጠኑ ቀድመዉ ያቅዳሉ።
-----------------------------------
2.ሲያጠኑ ያገኙትን አንኳር ነጥብ አጠር አድርገዉ ማስታወሻቸዉ ላይ ያሰፍራሉ።
-----------------------------------
3.አንብበዉ ለመረዳት ያስቸገራቸዉን ነጥብ(ሐሳብ)ደጋግመዉ ያነባሉ።
----------------------------------
4.ጥናት ከመጀመራቸዉ በፊት ማጥናት ስለፈለጉት ርዕሰ ጉዳይ ጥያቄ ይፈጥራሉ።መፅሐፍ ገልጠዉ ጥናት ከጀመሩ በኋላ ለጥያቄዎቻቸው መልስ ይፈልጋሉ እንጂ ሁሉንም በማንበብ ጊዜያቸዉን አያጠፉም።
---------------------------------
5.በአንድ ጊዜ ብዙ ነገር ለማጥናት አይሞክሩም።በአንድ ጊዜ ብዙ ነገር ለማጥናት መሞከር ትርፉ ድካም መሆኑን ተረድተዋል።
---------------------------------
6.ሁልጊዜም ለትምህርት ጉዳዮች የሚጠቀሙበት የተለየ ጊዜ አላቸዉ።
----------------------------------
7.ያሰቡትን ነገር ተግባራዊ ለማድረግ ቁርጠኝነት አላቸዉ.....አያፈገፍጉም፣አያቅማሙም።
-----------------------------------
8.ሲያጠኑ የሚከብዳቸዉን ክፍል ቅድሚያ ሰጥተዉ ያነባሉ።
-----------------------------------
9.ተባብሮ በመስራት ያምናሉ።ያግዛሉ ፣ይጠይቃሉ።
-----------------------------------
10.እራሳቸዉን ይገመግማሉ።ደካማ ጎናቸዉን በፍጥነት ያስተካክላሉ።


#.ሌክ ሳይድ አካዳሚ

#.ሐዋሳ ኢትዮጵያ

ያንቺ መኖር ብቻ የሚያኖረን
እኛ ማለት በቃ አንቺ ነን።
ዛሬ ይቺን ምድር ከፈጣሪ በታች የቀላቀለችን፤አለም ፊቷን ብታዞርብን እሷ ግን በደስታ ምትቀበለን፤ለኛ ሁሉ ነገራችን የሆነች፤ከአይኗ ብለን በላይ የምትሳሳልን እናታችን ቀኗ ነዉ።እንኳን ለእናቶች ቀን በሰላም አደረሳችሁ!!ሁልጊዜም የእናታችሁን ሐዘን አርቆ ደስታዋን ያሳያችሁ።ዉድ የትምህርት ቤታችን ተማሪዎች ለህይወት መንገዳችሁ ስትል ቀን በቀን ለምትለፋና የራሷን ሐዘን ደብቃ ለእናንተ ደስታ ለምትታትር እናታችሁ ፍቅራችሁን ግለፁላት።

መልካም የእናቶች ቀን!!

#ሌክ ሳይድ አካዳሚ

#ሐዋሳ ኢትዮጵያ

ለት/ቤታችን መምህራን በሙሉ
----------------------------
የተከበራችሁና የተወደዳችሁ የትምህርት ቤታችን መምህራን ዛሬ አርብ ሊደረግ የነበረዉ አመታዊ ስብሰባ ለቀጣይ ሳምንት መዘዋወሩን በትህትና እንገልፃለን።

ት/ቤቱ

እንኳን ለ1447ኛዉ የኢድ አል አድሃ (አረፋ) በዓል በሰላም አደረሳችሁ።ት/ቤታችን ለመላው እስልምና እምነት ተከታዮች እንኳን ለአረፋ በዓል በሰላም አደረሳችሁ በማለት መልካም ምኞቱን ይገልፃል።መልካም በዓል። ኢድ ሙባረክ!