-


الشاعر اللي توّنا يكتب اسلوبه
وده على اللي يبرمج نظْم قافيته

مادام كلمتْه مرغوبه و محسوبه
واجب عليه الجزل يرضّي شعبيته

بنات الافكار كان تورّد عذوبه
وانا صملت بقصيدة جن عفريته

قمت اتعافر معاها بقهوه مشروبه
عيت تطاوع الا ياليل جنيته

ياحافظن يوسفن عن اللي خانوبه
خلها على كيفي وانا كيفي اكفيته

امن اللي ينبش قبورن كنها دالوبه
ينهش لحوم البشر ولاهي بمعفيته

يكبح لجام الكذب و الظلم مركوبه
والوقت كبوة عقوق اتصيب ذريته

الموت موت القلوب تعيش مرعوبه
النذْل لو دس راسه تبين طاقيته

طوّف قطار الفخر كروته مسلوبه
يقرصْه برد المذم و الحلم كبريته

واقول شعري ونار الشعْر مشبوبه
تبت يدين الغدر ملعونه شبريته

وانا على القوه والله ماني بعجبوبه
الصدق سيفن بوجه الكل سليته

والحق سطّار ماهي لعبه مغلوبه
يخشاه مذنب عفيف الروح شاكيته

والشاعر اللي توّنا يكتب اسلوبه
الله يعلم اذاه و وش هي خافيته

حدتْه الاقدار مقسومه و مكتوبه
على المبادي يمارس كل حريته

يعيش صبره جميل بروح ايوبه
وينام نوم الغريرٍ من صفا نيته

العشب يقبّل قدمهْ لا بدا دروبه
والغيم يقبّل عليه يضم ناصيته




#شمم_البذالي

-

صباح الخير والقهوه "
‏وصوت الخير يدفعها

‏انا شفت المطر هقوه
‏وغثا الضيقات يردعها

صباح المطر 💙🌧
'

💥✨شيله حصرياً ✨💥
✨ كنت اتحراها ✨





|| اداء ناصر الرديني || 🎤
|| كلمات شمم البذالي ||
|| تنفيذ شين Sh || 🎬






4K || https://youtu.be/0HZ15_th8SM





لاتنسى الاشتراك و اللايك 📍

شيلتي الجديده اتمنى تنال اعجابكم وارجوا دعمكم ونشركم للعمل 💙🎼

اسعد جنابك وابتعد مابهم فود
واللي يغث البال " تركه غناوي "

لاتهوّل العادي " تعوّد على الهود "
خلك على ماقيل شخص متساوي

اليا كواك الضيق كيّك كما العود
يفوح طيبه كل ما الضيق كاوي

ارفع مقامك وانطح الزود بالزود
عن كل ناقص مثل عد الرهاوي

مانت اجتماعي دام يلحقك منقود
عن كومة الرديان خلك خلاوي

بالتل و المرقاب والشم و الطود
اقنب قنيب الذيب عند البلاوي

ظلم القرايب يلهد قلوب و كبود
الجرح جرحك و انت طب و مداوي

ريّح ضميرك قله اسهود ومهود
من تقرا الآيات و تتبع فتاوي

ثقتك في نفسك كما بعينهم عود
لايهزمك خبثه و يغويك غاوي

الطيب في وجهك يوم وجيههم سود
وصدورهم ضنكه وصدرك سماوي

يوم المواقف نادتك وانت مقصود
انهض وشمّر لالتوت وانت لاوي

لاتشح في وقفتك و فبيئتك جود
لاشاب راسك شببتْك العزاوي



#شمم_البذالي ( السند )

-

احبك واهمل الطيبين اخلي الناس و اجيك لك
من الوحشات بالجيات تشوف امشي و متخازل

واقابل صدك بنيات عليم الله ادعي لك
واقول للنفس مطلعها واكيد النفس بالنازل

واعذرك بالذي احسن افضّل اني ما احكي لك
ولا اعاتب ولا وابكي ولا اشكي من العازل

واخليك بطهارة نفس وانا ودي اخلي لك
شعور بقلبي يشفع لك وبيوت اشعارٍ تغازل

مادامك صرت تبع الغير عسى هالغير يمشي لك
و عن الايام و الذكرى تريّح لأني متنازل ✋🏼


#شمم_البذالي ( السند )

حنا نقول الكلام . . . اللي عليه الكلام
وحنا نفض الشعور اللي عليه الشعور

مالله خلقني سنام ، مالله خلقني حطام
ماسك زمام الامور و اغض بعض الامور

وان كان فوقك حيام و تحب نوح الحمام
مالله عطاك الصقور ؟ حاول تحب الصقور

حنا نحب الغرام ، من يستحق الغرام ؟
وحنا نخاف الفجور كان المحبه فجور

شفنا نجيك بظلام ، لو كان مابه ظلام
يكفي مقابلك نور . ياللي تصد وتدور

ان كان تبغى السلام ؟ بيني وبينك سلام
السر مثل النحور ، ان باح شق النحور

وحنا نصد احترام ماهو بقل احترام
وحنا نغوص البحور ، لو كنت تسبح بحور

والنفس عند الكرام ، ماهي مرور الكرام
العزه عند المرور ، ماهي بأيت مرور

انا اعتذر بأهتمام ، على كثير اهتمام
لكل رغبه غرور ، وانا صديق الغرور

-

انا اشوفك بقلبي و خل النظر للناس
اكرمك الله بي ، وفيك الله يكرمني

انا بين ابيك و بين الناس و الوسواس
الايام تجمعنا و الاصرار يلزمني !

خبيتك بجوفي سر و شعر و احساس
تشرفت فيك وقلت ، الله لا يحرمني


#شمم_البذالي

"

ياصباح العيد صبحك
‏وانت اجمل من يعايد 🤍



عيدكم مبارك


‏⁧#شمم_البذالي⁩

انا وان جيت متأخر جيت من حرقة ضماي
وانت كل عمرك حنون ، ماقسيت الا عليّ ؟

✍🏼

من جمال الصبح ماخذلك جمال
ومن بياض الغيم ماخذ لك شعور

و المطر لا صب وبله بـ أمتثال
لا لمس كتفك ، قطّر لك عطور

الـسـنـد : 🪽💙

تقهوى ماهو عشان الكيف ولا مزاج
‏القهوه تحسّن كيفها من خلالك 🤍

‏-

‏على مسعى صباح الخير ودرب الرزق و المشوار
‏و على مايغرّد العصفور وجيه الصبح مملوحه ✨

‏السند : ✍🏼