▫️- بس دوستلوغون نه اولدوغونو بیلیرسینیز؟
قاراچی قیز جاواب وئردی:
- «بلی، بیلیرم. دوستلوق قارداش-باجی کیمی بیر جانلا، بیر روحلا، بیر-بیرینه تماس ائدن، بوتؤولشه بیلمه‌ین بیر الین ایکی بارماغی کیمی یاشاماق دئمکدیر.»
- بس سئوگی؟
- «اوه... سئوگی؟» «ائسمیرالدا» جاواب وئردی (و بو سؤزو سؤیلرکن سسی تیتره‌دی، گؤزلری پارلادی):
- «سئوگی تاماماً بوتؤولشمیش ایکی وارلیق دئمکدیر؛ سئوگی، مله‌یه چئوریلمیش قادین و کیشی‌دیر. سئوگی، گؤیلر و آسیمان دئمکدیر....»

📚 گوژپشت نوتردام
#ویکتور_هوگو
#شعر_اوجاغی
@SheirOcagi

▫️سونوندا ایشیمیز بیر یئره چاتاجاق، گئجه یاریسی اؤزوموزه تلفن ائدک، گؤرک دوغرودان یاشاییریق یا یوخ...

📚 الویداع گری کوپر
#رومن_گری
#شعر_اوجاغی
@SheirOcagi

اوشاق شعری

▫️اگر

بالاجا تورال
آغلادی بیر گون:
«تئز اولون منه
شوکولات وئرین!
اگر سیز منه
توپ آلماسینیز،
دنیزه، چایا
آپارماسینیز،
دَوه‌یه، آتا
میندیرمه‌سینیز،
ایشدن گلنده
شکیل کیتابلار
گتیرمه‌سینیز،
بیر گون گؤزومو
یوماجاغام من،
قالاجاقسینیز
قارانلیقدا سیز...»

#قشم_نجف‌زاده
#شعر_اوجاغی
@SheirOcagi

▫️سئودیییمیز اینسانین قوصورلارینی سئومکده، داها چوخ فداکارلیق وار.
سئوگیلیده اولان یاخشیلیقلاری سئونده، بیز بیر شئی وئرمیریک، آلیریق‌ حتّی...

📚 وورغون جان
#رومن_رولان
#شعر_اوجاغی
@SheirOcagi

▫️سئونلرین اوره‌یی

ایپک کیمی ظریفدی،
کولک اسسه، تیتره‌یر.
توخونسالار خال دوشر-
سئونلرین اوره‌یی‌.

عومّاندی، یئتمز سونا،
توکنمز آرزولار تک.
همدم‌دی خیال اونا،
تمیزدی صاف سولار تک-
سئونلرین اوره‌یی.

نه کلک،حیله بیلر،
نه ده خیانتلی‌دی.
هیجرانا اؤلوم دیلر،
عهده صداقتلی‌دی-
سئونلرین اوره‌یی.

ازل گوندن اینسانی،
پاک محبّت یاشادیر.
احتیاطلی اولون کی،
سینا بیلر، شوشه‌دیر-
سئونلرین اوره‌یی.

دویغولارلا دانیشار،
دیلی یوخ لالا بنزر.
ایچین-ایچین آلیشار،
نعمه‌لی والا بنزر-
سئونلرین اوره‌یی.

#نجیبه_ایلکین (او تایلی شاعیر)
#شعر_اوجاغی
@SheirOcagi

#دانیشان_شکیل‌لر
#شعر_اوجاغی
@SheirOcagi

▫️جنّت، اونو جنّت ائدن‌لر اوچوندور...

📚 مولکسوزلر
#اورسولا_کی_لو_گوئین
#شعر_اوجاغی
@SheirOcagi

▫️اؤز ایشیغینا گؤوَنن، باشقاسینین پاریلداماسیندان ناراحاتلیق حیسّ ائتمز...

📚 ائو یاپیمی سیحیرلی دَینَک
#شرمین_یاشار
#شعر_اوجاغی
@SheirOcagi

▫️سن گلسن...

ایندی آچسام پنجره‌نی،
گؤزله‌سم... سن گلسن،
اولماز، آما گلسن،
هئچ بیر شئی سوروشماسان،
هئچ بیر شئی سؤیله‌مه‌سن،
سوسسام،
سوسسان،
سوسساق،
سوسقونلوقلارین آنلاتدیغینی دینله‌سک،
آرخا-آرخایا اوتورساق،
بیر-بیریمیزه قوشولوب آغلاساق،
سوروشماساق بیر-بیریمیزدن سببینی،
ساریلسام،
ساریلسان،
ساریلساق،
و یئنه هئچ بیر شئی دانیشماساق
آما آنلاساق،
نه اولار دوزدن؟
اولماز کی،
خیالدی.
دئییرم اولسا نه‌ اولار...؟!

#جمال_ثریا
#شعر_اوجاغی
@SheirOcagi

▫️بوتون اینسانلار، گونو بللی اولمایان بیر اعداما محکومدور...

📚بیر اعدام محکومونون سون گونو
#ویکتور_هوگو
#شعر_اوجاغی
@SheirOcagi

▫️ویرگول‌لرله بؤلونموش صحیفه‌لر دولو سؤزلرله باش-باشایام و آنلاییرام کی، نؤقطه قویولمایاجاق بیر چوخ شئی وار بو حیاتدا....

📚 گونش و اونون چیچکلری
#روپی_کائور (هیندوستانلی شاعیر و یازار)
#شعر_اوجاغی
@SheirOcagi

▫️حیاتیم، پالچیقدان و درینلیکدن عیبارت ایدی، آما من او قارانلیق سولارین بیر پارچاسی دئییلدیم. او سولارین ایچینده بیر وارلیق ایدیم...

📚 سیرسه
#مادلین_میلر
#شعر_اوجاغی
@SheirOcagi

▫️ایفاده ائدیلمه‌میش دویغولار اصلا اؤلمز. جانلی‌-جانلی باسدیریلیب سونرادان چیرکین شکیل‌لرده اورتایا چیخیر...

#زیگموند_فروید
#شعر_اوجاغی
@SheirOcagi

سئودییی شهید اولان، خانیملارا

▫️یاغیشلار یاغمادان دا ایسلانیر شهید قبیرلری...
و قیزلار شهید شکیللرینی سئویر‌...
ایندی... قیزلار اوغلانلارا چیچک آلیر-
اونلارین آد گونونده،
ایلک گؤروش گونونده،
یا ان عادی گونده.
لچک‌لرینده گؤز یاشلاریندان شئه‌لر،
شهید قبیرلرینین اوستونو اؤرتور چیچک‌لر.
ایندی حسرتین بیتمه‌دییی یئرلرده،
بنؤوشه قیزلار
هر گئجه شهیدلره مکتوب یازیر،
و...
هر شهید اؤز سئودییینین یازدیغینی
گؤیلردن اوخویور.
گؤیلر «سئویرم» سؤزو قوخویور،
گؤیلر یئرلره شهیدلرین نورونو سپیر،
قیزلار قیرمیزی لئنتلی باش داشلارینا ساریلاندا
شهیدلر کولک‌لرین گتیردییی
قیز ساچلارینین قوخوسوندان اؤپور...

#اسمیرا_مئهی‌قیزی
#شعر_اوجاغی
@SheirOcagi

▫️اینسان اؤزو ایله صمیمی دئییل. اونا گؤره ده اؤزونو باشا دوشمه‌مه‌سیندن شیکایت‌لنمه‌مه‌لیدیر...

📚 بو شهرده کیمسه یوخدور
#رؤوشن_عبدالله‌اوغلو
#شعر_اوجاغی
@SheirOcagi

▫️ ایللر سونرا اؤیرندیم کی، قیشقیریب-باغیرماغا احتیاج یوخدور. سسینی ائشیتمک ایسته‌ینه بیر فیسیلتی‌ن یئتر...

#فرید_فرجاد
#شعر_اوجاغی
@SheirOcagi

▫️اوشاقلیقدا من اؤزومو بیر آری پته‌یی کیمی خیال ائدیردیم: چئشیدلی ساده و عادی آداملار بال آریلاری کیمی حیات حاقّینداکی اؤز بیلیک و فیکیرلرینین بالینی بورایا گتیریر، هر کس سخاوتله منیم روحومو بیر شئی‌له زنگین‌لشدیریردی. چوخ زامان بو بال چیرکلی و آجی اولوردو، لاکین هر جور بیلیک هر حالدا یئنه ده بال‌دیر...

📚 اوشاقلیق
#ماکسیم_گورکی
#شعر_اوجاغی
@SheirOcagi

▫️ بیز ائله بؤیوموشوک، ائله تربیت اولموشوق کی، حتّی سئوگی بئیینه عایید ائدیلیر.
سئوگی اساساً اوره‌یه مخصوصدور، آما بیزیم توپلوم اورکدن یان کئچیر، چونکی اورک منطیقلی دئییل، اورک راسیونال دئییل.
بئینه ائله تربیت وئریلیب کی، منطیقلی اولمایانی سهو حساب ائدیر، ایرراسیونال اولان هر شئیی یانلیش بیلیر. بئینه گؤره منطیقلی اولان دوزگوندور‌.
بیزیم تربیت پروقرامیمیزدا اوره‌یه یئر یوخدور، هر شئی بئیین اوچوندور. اورک همیشه آز قالا وارلیغیمیزدان اوزاقلاشدیریلیب، سوسدورولوب. اوره‌یه، بؤیومک اوچون ایمکان وئریلمیر، اونا اؤز پوتانسییئلینی فعّال‌لاشدیرماق اوچون شراییط یارادیلمیر...

📚 قیزیل کولچه‌لر
#اوشو
#شعر_اوجاغی
@SheirOcagi

اوشاق شعری

▫️توملار*

بیر استکان توم
اکدیم تورپاغا.
سونرا باشلادیم
من داریخماغا.

کئچدی آیلاریم
کئچدی ایللریم،
نه واخت چیخاجاق،
توملاریم منیم؟

ائشدیم تورپاغی
گؤردوم توملارین
یاریسی یوخدو.
یاریسینین دا
الی چیخیبدی.

گؤردوم یاریسی
آیاق آچیبلار.
او بیرلری ده،
یقین قاچیبلار...

#قشم_نجف‌زاده

* توخوم (Tum)
#شعر_اوجاغی
@SheirOcagi

▫️... سؤزون اخلاقلا ایلگیسی یوخدور.
اخلاقا چوخ باغلی اولان، آنجاق یاخشی داورانیشلاری اولمایان آداملارلا قارشیلاشمیشام من.
و هر گون داها دا چوخ آنلاییرام: «دوغرولوغون قانونا احتیاجی یوخدور...»

📚 سیزیف افسانه‌سی
#آلبر_کامو
#شعر_اوجاغی
@SheirOcagi