▫️- ان چوخ آختاردیغین نه‌دیر؟
+ اؤزوم... کیم اولدوغومو، اصلینده نه ایسته‌دیگیمی آنلاماق ایسته‌ییرم.

📚 آرت و خائوس
#قاراقان
#شعر_اوجاغی
@SheirOcagi

▫️اوشاقلیقدان آنا-بابالارین، داها سونرا یاشادیغیمیز توپلومون، شرطی رئفلئکس‌لرینی قبول ائدیب یئترسیز قانونلار، عنعنه‌لر ایله تربیت اولوروق.
تربیت، بیزی توپلوما اویغون، یارارلی، هئچ بیر قانونو پوزمایان، سؤزه باخان بیرینه چئویرمک اوچوندور. آما سؤزه باخان اینسانلار هئچ واخت سؤز صاحیبی اولمور.

📚 اوچونجو آددیم
#قاراقان
#شعر_اوجاغی
@SheirOcagi

▫️بیز هامیمیز تانیمادیغیمیز فیرعون‌لارین کؤنوللو کؤله‌لری‌ییک و گؤرمه‌دیگیمیز اهراملارا داش داشیییریق.

📚 بیر میلیون دولاریم اولسایدی
#قاراقان
#شعر_اوجاغی
@SheirOcagi

▫️اونلار اوچون نه موسیقی وار ایدی، نه فیلم مدنیّتی، نه رسّاملیق، نه کیتاب، نه فلسفه.
او بیلیردی کی، اطرافینداکیلاری آنجاق پول، یئمک، قادین و بینالار ماراقلاندیریر. پوللارینا آنجاق شادلیق سارایلاری تیکدیریب موغنّی‌لره باهالی هدیّه‌لر ائدیردیلر. آمّا نه بیر کیتابین چاپیندا، نه بیر تئاترین تعمیرینده، نه بیر مکتبین آچیلیشیندا بو پزه‌ونگ‌لردن* بیر شئی گؤزلمک اولمازدی.

📚 ملک
#قاراقان
* زوربا آدام (Pəzəvəng)
#شعر_اوجاغی
@SheirOcagi

▫️۳ ساعاتلیق امتحان، سیزین گله‌جک ۴ ایلده هانسی فاکولته‌ده اوخومانیز، کیمله عئینی صینیفه دوشمه‌یینیز و ۴ ایل هانسی کوچه ایله گئتمه‌یینیزی حلّ ائدیر.
۱۵ دقیقه‌لیک ویزا گؤروشونده، سیز گله‌جک بیر نئچه ایللیک حیاتینیزین هانسی اؤلکه‌ده کئچه‌جه‌یینی آیدینلاشدیریرسینیز.
بیر موسیقیچی ۳ دقیقه‌ده یازدیغی ماهنی ایله اوزون ایللر صحنه‌لردن دوشمور.
یاریم ساعاتلیق جرّاحی‌ عملیّاتی، سیزین بوتون حیاتینیزی دَییشیر.
بؤیوک بیر شیرکَتده ایشله‌یه‌جه‌یینیزی، ۱۵ دقیقه‌لیک صؤحبت آیدینلاشدیریر.
بیر نئچه ثانیه‌ده آتدیغینیز ایمضا ایله، سیز اوزون عؤمرلو بیر عائیله قوراجاقسینیز.
گؤره‌سن بیر نئچه گونه اوخویوب بیتیره‌جه‌یینیز کیتاب، سیزین حیاتینیزدا نه قدر دَییشیکلیک‌لر یاراداجاق؟!

📚 شئیطانین کیتابی
#قاراقان
#شعر_اوجاغی
@SheirOcagi

▫️پسیخولوق منی قورتارماق ایسته‌ییر، من ده دونیانی.

📚A
#قاراقان
#شعر_اوجاغی
@SheirOcagi

▫️چکیج‌لر قیلینجی، دؤیمک‌له یوخ ائتمیر، اونو داها دا گوجلندیریر. قوی سنه دیَن ضربه‌لر ده سنی گوجلندیرسین!

📚 اوچونجو آددیم
#قاراقان
#شعر_اوجاغی
@SheirOcagi

▫️بیزی آرتیق اوشاقلیقدان اهلی‌لشدیریبلر‌، بالا!
سن اوّل مکتبده اوخومالیسان، سونرا اونیورسیته‌ده. اونیورسیته‌نی بیتیرن کیمی عسگرلیگه گئده‌جکسن. قاییداندا ایشله‌مه‌یه باشلایاجاقسان. او ایللر نیشانلانارسان.‌ بیر آز ایمکان تاپان کیمی ائولنه‌جکسن. ایلک ایکی ایلده اوشاغین اولاجاق. سونرا اوشاق بؤیویه‌جک. اونو مکتبه قویاجاقسینیز. سونرا اوشاقلارینیز ائولنه‌جک، سن نوه‌نله اوینایاجاقسان. قوجالاندا دا کی ورَمدن، شکردن بیر خسته‌لیک تاپیب اؤله‌جکسن.
عیار بودور، حیات استانداری. هر شئی بو جور اولمالی‌دیر.

📚A
#قاراقان
#شعر_اوجاغی
@SheirOcagi

▫️نه یاخشی کی، اینسانلار هر شئیه اؤیره‌شه بیلیر. یوخسا اونلارین یاریدان چوخو عاغلینی ایتیرردی.

📚 بیر میلیون دولاریم اولسایدی.
#قاراقان
#شعر_اوجاغی
@SheirOcagi

▫️اصل سئوگی ایسه انتحار کیمی‌دی. سن اؤز «من»ینی اؤلدورمه‌یه و «بیز» اولاراق دیریلمه‌یه راضیلاشیرسان.

📚 آرت و خائوس
#قاراقان
#شعر_اوجاغی
@SheirOcagi

▫️اینام، بیزیم گؤزوموزه تاخدیغیمیز رنگلی گؤزلوک کیمی‌دیر.‌ هانسی گؤزلویو تاخساق، دونیانی اونون پریزماسی ایله گؤره‌جه‌ییک. آما منیم ایسته‌دیگیم، گئنل‌لیکله گؤزلویو چیخاریب اؤز گؤزلریم‌له دونیایا باخماق ایدی.

📚 ایکینجی آددیم
#قاراقان
#شعر_اوجاغی
@SheirOcagi

▫️یالنیز الیندن گلن هر شئیی ائتدیکدن سونرا طالئعه آرخالان!

📚 ائواکوواسیا
#قاراقان
#شعر_اوجاغی
@SheirOcagi

▫️سنین گؤزلرین کوردور، چونکی گؤرمک ایسته‌میرسن.
سنین تانیمادیقلارین سنه اؤزگه‌دیر، سنین بیلمه‌دیکلرین سنه یاددیر.
سن اؤیرشدیکلریندن ایکی اللی یاپیشیرسان. سن آناسینا ساریلمیش اوشاق کیمیسن، بؤیومکدن قورخورسان.

📚 A
#قاراقان
#شعر_اوجاغی
@SheirOcagi

▫️اینسانلار چوخ غریبه وارلیقلاردیر. اونلار اؤزلریندن گوجسوز اولانلاری سئومیر، اؤزلریندن گوجلو اولانلارا نیفرت ائله‌ییرلر، اؤزلری کیمی‌لر ایسه اونلارا ماراقسیزدیر.

📚 شئیطانین کیتابی
#قاراقان
#شعر_اوجاغی
@SheirOcagi

▫️او، منه باخیب گولومسه‌مه‌یی اؤیرنمیشدی، من ده اونا باخیب ناغیللارا اینانماغا باشلامیشدیم.

📚 ملَک
#قاراقان
#شعر_اوجاغی
@SheirOcagi

▫️بئله‌جه اونلار حیاتین آجی گئرچکلری ایله باریشیب شیرین یالانلارلا دولو خیاللار قورماغا داوام ائدیردیلر.

📚 بیر میلیون دولاریم اولسایدی...
#قاراقان
#شعر_اوجاغی
@SheirOcagi

▫️ایندی باشا دوشموشموشدوم نه اوچون اینسان یارادیلان‌لارین ان اوستونودور: اوره‌یه گؤره.
بیر اورک گونشدن ده ایستی، بوزدان دا سویوق، قایادان دا سرت، دنیزدن ده چیلغین، بولاقدان دا تمیز، سمادان دا اوجا، اولدوزدان دا پارلاق، چیچکدن ده اینجه اولا بیلردی.

📚 A
#قاراقان
#شعر_اوجاغی
@SheirOcagi