▫️دئدی «ایشیقدان قورخ!
ایلغیمی آنجاق ایشیق یارادا بیلر».
عطشیمین حجمینی دوشوندوم،
«ایلغیمی عطشین جنونو یارادار» دئدیم.
بارماقلاریندان ایلغیم سوزدو.
#سیدحیدر_بیات
#شعر_اوجاغی
@SheirOcagi
ایلغیمی آنجاق ایشیق یارادا بیلر».
عطشیمین حجمینی دوشوندوم،
«ایلغیمی عطشین جنونو یارادار» دئدیم.
بارماقلاریندان ایلغیم سوزدو.
#سیدحیدر_بیات
#شعر_اوجاغی
@SheirOcagi
▫️هله گؤزله‌مه!
منی یئریم اولان یئرده گؤزله‌مه،
هله هئچ آختارما، بیر ده گؤزله‌مه!
او مقام یئریمی، توتوب دوروبلار،
دوروب ائله بیل کی اوخلوو اودوبلار.
هله قاباغیما کؤتوک آتان وار،
شعریمین اوستونه اؤرتوک آتان وار.
نشردن، درسلیکدن آتیب سؤزومو،
آدیمین اوستوندن آد یازیبدیلار،
اؤز آغیزلارینا داد یازیبدیلار.
سؤزون مین دردی وار، قلم کئف دئییل.
ووروب اؤزلرینی گؤرمه‌مزلیگه،
منی بیلمزلره، سؤزوم صرف دئییل.
یئریمدن دئییلن سؤز قورخولودور،
منیم ده الیم یوخ داعوا-دالاشدا.
چوخو شاه‌غولودو، آغاغولودو،
کئچیب اوتوروبلار یوخاری باشدا.
منی یئریم اولان یئرده گؤزله‌مه،
آدیمی آختاریب بیر ده گؤزله‌مه!
چمن-چیچه‌ییم وار، آریلار بئکار،
هله سمند آتیم اؤروکده قالیب.
فیرلانیر هاوادا آری‌قوشولار،
آریلار گؤزله‌ییر، پتَکده قالیب.
ایندی آری قونماز گوله؛ گؤزله‌مه!
پتکدن او بالی هله گؤزله‌مه!
قوی آری‌قوشولار گئدیب اکیلسین!
قویون او سئل یاتسین، دومان چکیلسین!
قوی بیر یاخشی گلسین، یامان چکیلسین،
طاماحلار، گوناهلار سنگیسین بیر آز،
منافع اویونو دورسون گئرییه!
اوندا بلکه منیم سؤزوم یئرییه.
منی یئریم اولان یئرده گؤزله‌مه،
هئچ هله آختارما، بیر ده گؤزله‌مه!
#موسی_یعقوب
#شعر_اوجاغی
@SheirOcagi
منی یئریم اولان یئرده گؤزله‌مه،
هله هئچ آختارما، بیر ده گؤزله‌مه!
او مقام یئریمی، توتوب دوروبلار،
دوروب ائله بیل کی اوخلوو اودوبلار.
هله قاباغیما کؤتوک آتان وار،
شعریمین اوستونه اؤرتوک آتان وار.
نشردن، درسلیکدن آتیب سؤزومو،
آدیمین اوستوندن آد یازیبدیلار،
اؤز آغیزلارینا داد یازیبدیلار.
سؤزون مین دردی وار، قلم کئف دئییل.
ووروب اؤزلرینی گؤرمه‌مزلیگه،
منی بیلمزلره، سؤزوم صرف دئییل.
یئریمدن دئییلن سؤز قورخولودور،
منیم ده الیم یوخ داعوا-دالاشدا.
چوخو شاه‌غولودو، آغاغولودو،
کئچیب اوتوروبلار یوخاری باشدا.
منی یئریم اولان یئرده گؤزله‌مه،
آدیمی آختاریب بیر ده گؤزله‌مه!
چمن-چیچه‌ییم وار، آریلار بئکار،
هله سمند آتیم اؤروکده قالیب.
فیرلانیر هاوادا آری‌قوشولار،
آریلار گؤزله‌ییر، پتَکده قالیب.
ایندی آری قونماز گوله؛ گؤزله‌مه!
پتکدن او بالی هله گؤزله‌مه!
قوی آری‌قوشولار گئدیب اکیلسین!
قویون او سئل یاتسین، دومان چکیلسین!
قوی بیر یاخشی گلسین، یامان چکیلسین،
طاماحلار، گوناهلار سنگیسین بیر آز،
منافع اویونو دورسون گئرییه!
اوندا بلکه منیم سؤزوم یئرییه.
منی یئریم اولان یئرده گؤزله‌مه،
هئچ هله آختارما، بیر ده گؤزله‌مه!
#موسی_یعقوب
#شعر_اوجاغی
@SheirOcagi
▫️من بئله دوشونورم:
حیاتینی بیری‌یله بؤلوشه بیله‌جه‌یینی دوشونورسن‌سه، اوندا دوغرودان دا اونا هر شئیی باغیشلایا بیله‌جه‌یینه اینانمادان، نه اؤزونه، نه ده باشقاسینا جیدّی ایلیشکی‌لرین زامانی گلدیگینی ایناندیرمامالیسان!
خوشبختلیک حیصّه-حیصّه وئریلمیر. یا سن بخش ائدَنسن یا دا بخش ائدیلن. من بخش ائدیلمه‌دن، بخش ائدن‌لردنم؛ آنجاق آرتیق من'جیل و اوره‌یی قوروموش آداملارین اوستوندن خطّ چکمیشم.
📚 بلکه ده بو حقیقت‌دیر.
#مارک_لئوی
#شعر_اوجاغی
@SheirOcagi
حیاتینی بیری‌یله بؤلوشه بیله‌جه‌یینی دوشونورسن‌سه، اوندا دوغرودان دا اونا هر شئیی باغیشلایا بیله‌جه‌یینه اینانمادان، نه اؤزونه، نه ده باشقاسینا جیدّی ایلیشکی‌لرین زامانی گلدیگینی ایناندیرمامالیسان!
خوشبختلیک حیصّه-حیصّه وئریلمیر. یا سن بخش ائدَنسن یا دا بخش ائدیلن. من بخش ائدیلمه‌دن، بخش ائدن‌لردنم؛ آنجاق آرتیق من'جیل و اوره‌یی قوروموش آداملارین اوستوندن خطّ چکمیشم.
📚 بلکه ده بو حقیقت‌دیر.
#مارک_لئوی
#شعر_اوجاغی
@SheirOcagi
▫️اؤلوم گلدیگینده،
یاریم قالاجاق هر شئی.
ییخیلان بیر دوواردان
اورتادا نه قالدی‌یسا.
بوتون معدن‌لر یئرآلتیندا،
بوتون چیچکلر یئرین اوستونده.
بیتمه‌ین بیر سیزیلتی کیمی
اسیب دوردوقجا روزگار
حسرتین آدی دا اؤلوم اولاجاق، گولوم!
من سئودالاردا یویوندوم،
بیلیرسن می یاغمورلار نییه یاغار،
عؤمروموزون قیزمالی یایلاری؟
یاشاماق بیچیلمک‌دیر
آرخامیزدا خولیالی بیر بوشلوق بوراخاراق.
کیمه یار اولموش کی حیات؟
یئنه ده دؤنوب دورور دونیا؛ باخ!
#عاریف_آی
#شعر_اوجاغی
@SheirOcagi
یاریم قالاجاق هر شئی.
ییخیلان بیر دوواردان
اورتادا نه قالدی‌یسا.
بوتون معدن‌لر یئرآلتیندا،
بوتون چیچکلر یئرین اوستونده.
بیتمه‌ین بیر سیزیلتی کیمی
اسیب دوردوقجا روزگار
حسرتین آدی دا اؤلوم اولاجاق، گولوم!
من سئودالاردا یویوندوم،
بیلیرسن می یاغمورلار نییه یاغار،
عؤمروموزون قیزمالی یایلاری؟
یاشاماق بیچیلمک‌دیر
آرخامیزدا خولیالی بیر بوشلوق بوراخاراق.
کیمه یار اولموش کی حیات؟
یئنه ده دؤنوب دورور دونیا؛ باخ!
#عاریف_آی
#شعر_اوجاغی
@SheirOcagi
▫️سئوینسین او اؤلوم کی...
ائله بیلمه یوخ اولور پارچالانان آداملار،
من بؤلونه-بؤلونه چوخالیرام، عزیزیم!
بیر حوجئیره کیمی‌یم، بؤلونوب میلیون یئره،
آیری-آیری ووجوددا ییغیلیرام، عزیزیم!
داش اولسا اود توتاردی، منم یاشایان هله؛
اللریمی قوینوما قیسیب گؤزله‌مکده‌یم.
منده کی بو صبر وار، معطَّلدی تانری دا،
قیشقیریب گؤزله‌مکده، سوسوب گؤزله‌مکده‌یم.
من گولمه‌یی یادیمدان چیخارماماقدان اؤترو،
اؤزومو قیدیقلاییب گولورم ائ، بیلیرسن؟
بیر سؤز دئییم، ساکیت اول، تلاشلانما سن جانین!
حئییف، یاخشی آدامدیم، اؤلورم ائ، بیلیرسن؟!
الیندن دوشدوم یئره، گؤزوندن دوشدوم یئره،
دوشوب سیندیم، باشیما ظولوم‌دو ده بو گلن.
گؤزله‌ییشیم، بیردنه‌م! عبث دئییل، گؤرورسن؟
ایندی دؤیولور قاپیم، اؤلوم‌دو ده بو گلن.
گلیب ادب ایچینده؛ بوینونو بوکوب گلیب،
گلیب منی آپارسین نامعلوم او دونیایا.
دئییرلر کی، او دونیا میلیون ایل‌دی بوش قالیب،
ایندی ائلچی گؤندریب کی دولوم او دونیایا.
اوزولمه! اوزولمورم؛ منی چوخالیم دئیه،
باغینا-باغچاسینا اکَر، او دونیا وارسا.
سئوینسین او اؤلوم کی، منیم حوضورومدادیر،
سئوینسین او دونیا دا...اگر او دونیا وارسا.
#اورخان_باهادیرسوی
#شعر_اوجاغی
@SheirOcagi
ائله بیلمه یوخ اولور پارچالانان آداملار،
من بؤلونه-بؤلونه چوخالیرام، عزیزیم!
بیر حوجئیره کیمی‌یم، بؤلونوب میلیون یئره،
آیری-آیری ووجوددا ییغیلیرام، عزیزیم!
داش اولسا اود توتاردی، منم یاشایان هله؛
اللریمی قوینوما قیسیب گؤزله‌مکده‌یم.
منده کی بو صبر وار، معطَّلدی تانری دا،
قیشقیریب گؤزله‌مکده، سوسوب گؤزله‌مکده‌یم.
من گولمه‌یی یادیمدان چیخارماماقدان اؤترو،
اؤزومو قیدیقلاییب گولورم ائ، بیلیرسن؟
بیر سؤز دئییم، ساکیت اول، تلاشلانما سن جانین!
حئییف، یاخشی آدامدیم، اؤلورم ائ، بیلیرسن؟!
الیندن دوشدوم یئره، گؤزوندن دوشدوم یئره،
دوشوب سیندیم، باشیما ظولوم‌دو ده بو گلن.
گؤزله‌ییشیم، بیردنه‌م! عبث دئییل، گؤرورسن؟
ایندی دؤیولور قاپیم، اؤلوم‌دو ده بو گلن.
گلیب ادب ایچینده؛ بوینونو بوکوب گلیب،
گلیب منی آپارسین نامعلوم او دونیایا.
دئییرلر کی، او دونیا میلیون ایل‌دی بوش قالیب،
ایندی ائلچی گؤندریب کی دولوم او دونیایا.
اوزولمه! اوزولمورم؛ منی چوخالیم دئیه،
باغینا-باغچاسینا اکَر، او دونیا وارسا.
سئوینسین او اؤلوم کی، منیم حوضورومدادیر،
سئوینسین او دونیا دا...اگر او دونیا وارسا.
#اورخان_باهادیرسوی
#شعر_اوجاغی
@SheirOcagi
▫️منیم آختاردیغیم گوج، مغلوب اولماق، یا دا غالیب گلمک اوچون لازیم اولان گوج دئییل. کنار موداخیله‌لره قارشی جاواب حاضیرلایاجاق بیر گوج ده دئییل. ایسته‌دیگیم شئی، کناردان گلن گوجو قبول ائدیب اونا دؤزه بیلن بیر گوج‌دور. اوغورسوزلوق، کدرلر، یانلیش باشا دوشولمه‌لر، دویغوسوزلوق‌لار، لاقئیدلیک‌لر... بئله شئیلره ساکیتجه دایانا بیله‌جه‌ییم بیر گوج.
📚 کافکا ساحیلده
#هاروکی_موراکامی
#شعر_اوجاغی
@SheirOcagi
📚 کافکا ساحیلده
#هاروکی_موراکامی
#شعر_اوجاغی
@SheirOcagi
▫️کولک‌لر
هر سحر، هر آخشام...هر آخشام، هر سحر،
چوخ زامان سرسری کولک‌لر بی‌خبر،
بیر یاخین دوست کیمی، قاپیمی دؤیرلر.
کولک‌لر، کولک‌لر، بسته‌کار کولک‌لر،
دونیانی دولاشان بختیار کولک‌لر!
بعضینیز قورخولو، بعضینیز قورخوسوز،
بعضینیز دویغولو، بعضینیز دویغوسوز،
بعضینیز اویخولو، بعضینیز اویخوسوز،
کولک‌لر، کولک‌لر، ائی سرین کولک‌لر!
سیزده وار قوخوسو هر یئرین، کولک‌لر!
ائی چیلغین کولک‌لر، نشه‌نیز داشارکن،
باغلارین شئهیندن مئی سوروب جوشارکن،
نال‌قیران داغلاری آتلاییب آشارکن،
منی ده آلانیز، اوچاییم داغلارا،
کؤنلومده نه وارسا، آچاییم داغلارا!
گورلایین، ایلهامیم، صنعتیم گورلاسین،
فیرتینام، قاسیرغام، قودرتیم گورلاسین،
شیمشه‌ییم پارلاسین، ظولمتیم گورلاسین!
ائی منی سرآزاد بسله‌ین کولک‌لر،
بیر داغین باشیندان سسله‌ین کولک‌لر!
#میکائیل_موشفیق
#شعر_اوجاغی
@SheirOcagi
هر سحر، هر آخشام...هر آخشام، هر سحر،
چوخ زامان سرسری کولک‌لر بی‌خبر،
بیر یاخین دوست کیمی، قاپیمی دؤیرلر.
کولک‌لر، کولک‌لر، بسته‌کار کولک‌لر،
دونیانی دولاشان بختیار کولک‌لر!
بعضینیز قورخولو، بعضینیز قورخوسوز،
بعضینیز دویغولو، بعضینیز دویغوسوز،
بعضینیز اویخولو، بعضینیز اویخوسوز،
کولک‌لر، کولک‌لر، ائی سرین کولک‌لر!
سیزده وار قوخوسو هر یئرین، کولک‌لر!
ائی چیلغین کولک‌لر، نشه‌نیز داشارکن،
باغلارین شئهیندن مئی سوروب جوشارکن،
نال‌قیران داغلاری آتلاییب آشارکن،
منی ده آلانیز، اوچاییم داغلارا،
کؤنلومده نه وارسا، آچاییم داغلارا!
گورلایین، ایلهامیم، صنعتیم گورلاسین،
فیرتینام، قاسیرغام، قودرتیم گورلاسین،
شیمشه‌ییم پارلاسین، ظولمتیم گورلاسین!
ائی منی سرآزاد بسله‌ین کولک‌لر،
بیر داغین باشیندان سسله‌ین کولک‌لر!
#میکائیل_موشفیق
#شعر_اوجاغی
@SheirOcagi
▫️قورخو
قورخورام، آنا، آل منی ایچینه!
آلیشا بیلمه‌دیم، آنا، آل منی یئنه!
بؤیودوم آنا، ائولر بؤیودو.
بؤیودو باشماقلار، یوللار بؤیودو.
اوردویا ایسته‌ییرلر،
«ساواش چیخار» دئییرلر.
سیلاح وئریرلر، آنا!
منه «اؤلدور!» دئییرلر.
«یات!» دئییرلر، آنا!
«قالخ!» دئییرلر.
بئینیمی یئییرلر، آنا!
بئینیمی یئییرلر.
باغلا تلویزیونو، آنا!
سنی ده آلدادیرلار.
اویونو وئرمه، آنا!
اویونا گلمه، آنا!
#یاشار_قورد
#شعر_اوجاغی
@SheirOcagi
قورخورام، آنا، آل منی ایچینه!
آلیشا بیلمه‌دیم، آنا، آل منی یئنه!
بؤیودوم آنا، ائولر بؤیودو.
بؤیودو باشماقلار، یوللار بؤیودو.
اوردویا ایسته‌ییرلر،
«ساواش چیخار» دئییرلر.
سیلاح وئریرلر، آنا!
منه «اؤلدور!» دئییرلر.
«یات!» دئییرلر، آنا!
«قالخ!» دئییرلر.
بئینیمی یئییرلر، آنا!
بئینیمی یئییرلر.
باغلا تلویزیونو، آنا!
سنی ده آلدادیرلار.
اویونو وئرمه، آنا!
اویونا گلمه، آنا!
#یاشار_قورد
#شعر_اوجاغی
@SheirOcagi
▫️من سنی سولار بولانیرکن سئودیم.
بیر قاریشقا کئچمیشدی اؤنوموزدن، بالدیری چیپلاق.
سو یوخوشا آخیردی دورمادان،
بیر دعوت وار ایدی هاوادا.
پنجه‌سینی ایتیلدن قوزغون میثالی،
قیریق آینالار کیمی‌یدی گؤزلرین.
من سنی اولمایان آینالارا باخارکن سئودیم.
سنی من هپ ماهور شرقیلر کیمی سئودیم.
#عاریف_آی
#شعر_اوجاغی
@SheirOcagi
بیر قاریشقا کئچمیشدی اؤنوموزدن، بالدیری چیپلاق.
سو یوخوشا آخیردی دورمادان،
بیر دعوت وار ایدی هاوادا.
پنجه‌سینی ایتیلدن قوزغون میثالی،
قیریق آینالار کیمی‌یدی گؤزلرین.
من سنی اولمایان آینالارا باخارکن سئودیم.
سنی من هپ ماهور شرقیلر کیمی سئودیم.
#عاریف_آی
#شعر_اوجاغی
@SheirOcagi
▫️گؤزله‌ین و گؤزله‌نن
نه گؤزلَرسن یالنیز، داشین باشیندا؟
اوردا یاتان کیم‌دیر ییرمی یاشیندا؟
یولجوسو یولوندا، ایشچی ایشینده.
سنین قیسیق سسین دویانلار می وار؟
یار بوراخیب گئتدی اوزاق ائللره،
گؤز یاشین قاریشیب آخدی سئللره،
«ار گؤره‌وی» دئییب باخدین یوللارا.
سنله او گونلری سایانلار می وار؟
دویولماز معبددیر آنا قوجاغی،
ایستیدن ایستی‌دیر بابا اوجاغی.
هر کسین، واختی‌یلا تک یاتاجاغی
او قارا تورپاغا، دویانلار می وار؟
قهبه قورشونلارین گلدیگی یئرده،
گؤزلری دومانلی، باتیبدیر درده.
عاغلی بیر تک آنا، آتا و یاردا،
غم اولوب کؤکسونو اویانلار می وار؟
#عبدالرحمان_ییلماز
#شعر_اوجاغی
@SheirOcagi
نه گؤزلَرسن یالنیز، داشین باشیندا؟
اوردا یاتان کیم‌دیر ییرمی یاشیندا؟
یولجوسو یولوندا، ایشچی ایشینده.
سنین قیسیق سسین دویانلار می وار؟
یار بوراخیب گئتدی اوزاق ائللره،
گؤز یاشین قاریشیب آخدی سئللره،
«ار گؤره‌وی» دئییب باخدین یوللارا.
سنله او گونلری سایانلار می وار؟
دویولماز معبددیر آنا قوجاغی،
ایستیدن ایستی‌دیر بابا اوجاغی.
هر کسین، واختی‌یلا تک یاتاجاغی
او قارا تورپاغا، دویانلار می وار؟
قهبه قورشونلارین گلدیگی یئرده،
گؤزلری دومانلی، باتیبدیر درده.
عاغلی بیر تک آنا، آتا و یاردا،
غم اولوب کؤکسونو اویانلار می وار؟
#عبدالرحمان_ییلماز
#شعر_اوجاغی
@SheirOcagi
▫️عذاب چکمک قورخوسو، عذابین اؤزوندن ده پیس‌دیر...
اؤز آرزولارینین آختاریشینا چیخان هئچ بیر اورک، عذاب چکمز.
📚 کیمیاگر
#پائولو_کوئیلو
#شعر_اوجاغی
@SheirOcagi
اؤز آرزولارینین آختاریشینا چیخان هئچ بیر اورک، عذاب چکمز.
📚 کیمیاگر
#پائولو_کوئیلو
#شعر_اوجاغی
@SheirOcagi
▫️اوف، بو یول!
منیم یولوم یالانچی
گیردابلاردا دولموشدور.
ییخیلماماق بو یولدا
منه حارام اولموشدور.
ایمان ائتمک چتین‌میش
بیر دوغرویا، یالانا.
هر کس انگل اولویور،
بیر ایماندا قالانا.
هر گون یئنی بیر اومید،
هر گون یئنی بیر خبر.
آنجاق دونیا اسگیدی،
حاق و دوغرو نه گزر؟!
اینسانیّت، بیر کیتاب
هر اوخویان یالانچی.
گوج، بیر حیات مئیدانی
هر بیر گوجلو تالانچی.
یازیق بیر چوخ محکوملار
هر بیر سؤزه اینانمیش.
سونرا باخمیش، قیزاران
شفق دئییل، قان ایمیش.
گؤی اوزونون شیمشه‌یی،
ایلدیریمی، یاغمورو،
سویوتمادی، بو اینسان-
قانی ایچن دمیری.
ائی آللاهیم! یانیلتدین
هر بیر دوغرو آددیمی.
یوخسا، یوخسول دونیادان
عدالتین قالخدی‌می؟
ائی دینلینین، دینسیزین
ایناندیغی سون قووّت!
قالمادی‌می سنده ده
اینسانلارا مرحمت؟
من کی بیلمک ایستردیم
کیملر آغلار، کیم گولر.
اونونچوندور ائتمیشدیر
فلک منی دربه‌در.
آراییرکن تسلّی
باخدیم ماوی گؤیلره.
تاپامادیم بیر نؤقطه،
چیخامادیم بیر یئره.
من سؤیله‌دیم دردیمی
تازه یاشیل یارپاغا.
داها دردیم بیتمه‌دن
او سریلدی تورپاغا.
نه یوخسولدور طبیعت!
عؤمرو نه آز چیچه‌یین!
یازیق باغبان سنه! کی،
بوشا چیخدی عملین.
بئزدیم آرتیق، قهر اولسون!
موردارلاشدی بو عصیر.
یاخشی گونلر کئچمَکده،
تؤوبه اؤلوم گتیریر.
#احمد_جاواد
#شعر_اوجاغی
@SheirOcagi
منیم یولوم یالانچی
گیردابلاردا دولموشدور.
ییخیلماماق بو یولدا
منه حارام اولموشدور.
ایمان ائتمک چتین‌میش
بیر دوغرویا، یالانا.
هر کس انگل اولویور،
بیر ایماندا قالانا.
هر گون یئنی بیر اومید،
هر گون یئنی بیر خبر.
آنجاق دونیا اسگیدی،
حاق و دوغرو نه گزر؟!
اینسانیّت، بیر کیتاب
هر اوخویان یالانچی.
گوج، بیر حیات مئیدانی
هر بیر گوجلو تالانچی.
یازیق بیر چوخ محکوملار
هر بیر سؤزه اینانمیش.
سونرا باخمیش، قیزاران
شفق دئییل، قان ایمیش.
گؤی اوزونون شیمشه‌یی،
ایلدیریمی، یاغمورو،
سویوتمادی، بو اینسان-
قانی ایچن دمیری.
ائی آللاهیم! یانیلتدین
هر بیر دوغرو آددیمی.
یوخسا، یوخسول دونیادان
عدالتین قالخدی‌می؟
ائی دینلینین، دینسیزین
ایناندیغی سون قووّت!
قالمادی‌می سنده ده
اینسانلارا مرحمت؟
من کی بیلمک ایستردیم
کیملر آغلار، کیم گولر.
اونونچوندور ائتمیشدیر
فلک منی دربه‌در.
آراییرکن تسلّی
باخدیم ماوی گؤیلره.
تاپامادیم بیر نؤقطه،
چیخامادیم بیر یئره.
من سؤیله‌دیم دردیمی
تازه یاشیل یارپاغا.
داها دردیم بیتمه‌دن
او سریلدی تورپاغا.
نه یوخسولدور طبیعت!
عؤمرو نه آز چیچه‌یین!
یازیق باغبان سنه! کی،
بوشا چیخدی عملین.
بئزدیم آرتیق، قهر اولسون!
موردارلاشدی بو عصیر.
یاخشی گونلر کئچمَکده،
تؤوبه اؤلوم گتیریر.
#احمد_جاواد
#شعر_اوجاغی
@SheirOcagi
▫️بو دونیادا تاماملاماغیمیز گره‌کن ایلک عاشقانه ماجرا، اؤزوموزله اولان ایلیشکیمیزدیر. ساده‌جه بو ایلیشکیده باجاریقلی اولدوقدان سونرا باشقالارینا دا گره‌کن سئوگینی وئره بیلریک.
#ناتانیل_براندن
#شعر_اوجاغی
@SheirOcagi
#ناتانیل_براندن
#شعر_اوجاغی
@SheirOcagi
▫️خوشبختلیک نه وار-دؤولَتده، نه ده قیزیلدادیر. سئوینج، روحدا یاشاییر.
#دموکریت
#شعر_اوجاغی
@SheirOcagi
#دموکریت
#شعر_اوجاغی
@SheirOcagi
▫️عشق
سن وارکن «پیس» دئیه بیر شئی بیلمیردیک،
موتسوزلوقلار، بو قارالار یاشامادا یوخ ایدی.
سنسیز قارانلیغین جیزیغینا قویموشدولار اومیدی.
سنسیز اسن‌لیگیمیزین اوستونو جیزمیشدیلار.
چوخداندیر بیر پنجره‌دن دنیز گؤزل دئییل،
چوخداندیر پاریلدامایان اینسانلیغیمیز،
سنسیزلیگیمیزدن‌دیر.
سن گل، بیزی یئنی واختلارا چیخارت!
#ایلهان_برک
#شعر_اوجاغی
@SheirOcagi
سن وارکن «پیس» دئیه بیر شئی بیلمیردیک،
موتسوزلوقلار، بو قارالار یاشامادا یوخ ایدی.
سنسیز قارانلیغین جیزیغینا قویموشدولار اومیدی.
سنسیز اسن‌لیگیمیزین اوستونو جیزمیشدیلار.
چوخداندیر بیر پنجره‌دن دنیز گؤزل دئییل،
چوخداندیر پاریلدامایان اینسانلیغیمیز،
سنسیزلیگیمیزدن‌دیر.
سن گل، بیزی یئنی واختلارا چیخارت!
#ایلهان_برک
#شعر_اوجاغی
@SheirOcagi
▫️«میصیرلی ذوالنّون»، «نیل» چاییندا یولداشلاری‌یلا گمیده اوتورموشدو. قاباقدان باشقا بیر گمی گلیردی، کئف اهلی بیر قروپ او گمیده فساد ائدیردیلر.
طلبه‌لره، گؤردوکلری بو منظره آغیر گلدی، شئیخه دئدیلر: «ائی شئیخ، دوعا ائت، آللاه اونلاری سودا بوغسون، اوغورسوزلوقلاری خالقا بولاشماسین!».
ذوالنون (ره) آیاغا قالخیب اللرینی دوعایا قالدیریب «آللاهیم، بو قروپون بو دونیادا کئفلرینی خوش ائتدیگین کیمی، او دونیادا دا خوش ائیله!» دئدی.
📚 کشف‌المحجوب
#هجویری
#شعر_اوجاغی
@SheirOcagi
طلبه‌لره، گؤردوکلری بو منظره آغیر گلدی، شئیخه دئدیلر: «ائی شئیخ، دوعا ائت، آللاه اونلاری سودا بوغسون، اوغورسوزلوقلاری خالقا بولاشماسین!».
ذوالنون (ره) آیاغا قالخیب اللرینی دوعایا قالدیریب «آللاهیم، بو قروپون بو دونیادا کئفلرینی خوش ائتدیگین کیمی، او دونیادا دا خوش ائیله!» دئدی.
📚 کشف‌المحجوب
#هجویری
#شعر_اوجاغی
@SheirOcagi