▫️هانی نه ائدرلرسه ائتسینلر، هپ چوخ سئودیگین اینسانلار وار یا،
اونلارین سنی ان چوخ اینجیدن‌لر اولماسی، نه غریب!...

#ایلهان_برک
#شعر_اوجاغی
@SheirOcagi

▫️گله‌جه‌یی اولمایان عشقین دالینجا گئدیلمز.
سن اؤلدون منیم اوچون؛
بیلیرم کی، اؤلن‌له اؤلونمز...

#ایلهان_برک
#شعر_اوجاغی
@SheirOcagi

▫️نه گرک وار قافیه‌لی جومله‌لر قورماغا؟!
اؤزله‌دیم ایشده،
او قدر...

#ایلهان_برک
#شعر_اوجاغی
@SheirOcagi

▫️وارسا قارشیلیغی،
سونونا دک گئده‌جکسن!
آمّا یوخسا قارشیلیغی،
ایلک قووشاقدان دؤنه‌جکسن!...

#ایلهان_برک
#شعر_اوجاغی
@SheirOcagi

▫️چوخ بؤیوتمه اؤزونو،
ان چوخ، سئوه بیلدیگیم قدَرسن؛
داهاسی یوخ...

#ایلهان_برک
#شعر_اوجاغی
@SheirOcagi

▫️هر کس یئریسین!...
کوچه‌لر قارانلیق‌دیر، بیلیرسینیز...
بوجاق باشلاریندا «اؤلمک» دئیه بیر قورخوسو اولماسین کیمسه‌نین!
یئریمک بیر عوصیان‌دیر،
بلکه ده اؤته‌سی....

#ایلهان_برک
#شعر_اوجاغی
@SheirOcagi

▫️معناسیز سؤز ائشیتمکدن‌سه، خوروز سسی ائشیتمه‌یی ترجیح ائده‌رم؛
ان آزیندان بانلایاجاغی زامانی بیلیر...

#ایلهان_برک
#شعر_اوجاغی
@SheirOcagi

▫️پیس بیر نییّتی یوخ ایدی اصلینده،
ساکارلیک* ایشده،
قلبیمی قیردی گئتدی...

#ایلهان_برک

* سورَکلی کیچیک توققوشمالار ائتمه، چارپیب قیریب تؤکمه ایشی

#شعر_اوجاغی
@SheirOcagi

▫️«آللاها امانت اول!» دئدی و گئتدی.
گولدوم،
ذاتاً باشقا کیمیم وار کی؟...

#ایلهان_برک
#شعر_اوجاغی
@SheirOcagi

▫️«عاغلا گلن، باشا گلیر» دئییرلر یا،
یالان!
اؤیله اولسا، میلیونلارجا «سن» دوشردی باشیما...

#ایلهان_برک
#شعر_اوجاغی
@SheirOcagi

▫️ایسته‌دیگین قدر حیاتیمین قییسیندا، بوجاغیندا اولا بیلرسن؛
اوزگونم، آمّا بیر داها اصلا مرکزینده اولمایاجاقسان...

#ایلهان_برک
#شعر_اوجاغی
@SheirOcagi

▫️آغزی‌یلا قوش توتسا دا سئوه بیلمه‌دیگیم اینسانلار وار منیم.
بیر ده جانیما اوخوسا بئله، سئومکدن واز کئچه بیلمه‌دیکلریم...

#ایلهان_برک
#شعر_اوجاغی
@SheirOcagi

▫️دیقّت ائت!
«آمّا»لارلا منی الدن وئردین؛
«کئشکه»لر ایله اؤزونو محو ائده‌جکسن...

#ایلهان_برک
#شعر_اوجاغی
@SheirOcagi

▫️سسینی خاطیرلامیرام بئله، آمّا سؤیله‌دیکلری هله ده بئینیمده...

#ایلهان_برک
#شعر_اوجاغی
@SheirOcagi

▫️حسابینی وئره بیلمه‌یه‌جه‌یینیز ایشلره قالخیشمایین!... چونکی اؤته‌کی طرفده بولاشیق یودورتمورلار...

#ایلهان_برک
#شعر_ا‌جاغی
@SheirOcagi

▫️کؤکسومه،
بیلینمز بیر قیشین سویوغو سیزیب.
من، سنین گئتدیگین گونون صاباحی‌یام.

#ایلهان_برک
@SheirOcagi

▫️بعضاً احتیاج دویور اینسان،
سئویلدیگینی بیلمه‌یه.

#ایلهان_برک
#شعر_اوجاغی
@SheirOcagi

▫️«نه بئله سئودالار گؤردوم،
نه بئله آیریلیقلار.»

نه زامان سنی دوشونسم،
بیر جئیران سو ایچمه‌یه ائنر،
چاییرلاری بؤیویَرکن گؤره‌رم.

هر آخشام سنینله،
یاشیل بیر زئیتون دنه‌سی،
بیر پارچا ماوی دنیز،
آلیر منی.

سنی دوشوندوکجه،
گول اکیرم الیمین دَیدیگی یئره،
آتلارا سو وئریرم،
فرقلی سئویرم داغلاری.

#ایلهان_برک
#شعر_اوجاغی
@SheirOcagi

▫️عشق

سن وارکن «پیس» دئیه بیر شئی بیلمیردیک،
موتسوزلوقلار، بو قارالار یاشامادا یوخ ایدی.
سنسیز قارانلیغین جیزیغینا قویموشدولار اومیدی.
سنسیز اسن‌لیگیمیزین اوستونو جیزمیشدیلار.
چوخداندیر بیر پنجره‌دن دنیز گؤزل دئییل،
چوخداندیر پاریلدامایان اینسانلیغیمیز،
سنسیزلیگیمیزدن‌دیر.

سن گل، بیزی یئنی واختلارا چیخارت!

#ایلهان_برک
#شعر_اوجاغی
@SheirOcagi