▫️کؤرپه‌یکن دوغوم‌ائویندن هانسی رنگ ماشیندا چیخدیغینی سونرادان آنا-باباندان سوروشوب اؤیره‌نه بیلرسن. آنجاق اؤلرکن قبریستانلیغا هانسی رنگ ماشیندا آپاریلدیغینی هئچ زامان بیلمه‌یه‌جکسن.
بو دا ان عادی رنگ فلسفه‌سی....

📚 بیر اوووج تورپاق
#واریث_یولچویئو
#شعر_اوجاغی
@SheirOcagi

▫️اؤزو اؤزونو محو ائدن‌لرین سایی، اؤزگه آداملارین الی‌یله محو اولانلارین ساییندان چوخدور...

📚 بیر اوووج تورپاق
#واریث_یولچویئو
#شعر_اوجاغی
@SheirOcagi

▫️منه پیسلیک ائتمیش آداملاری اؤزوم قازانمیشام. اونلاری قازانماغی اؤزوم باجارمیشام‌سا، ایتیرمه‌یی ده اؤزوم باجارمالی‌یام...

📚 سونونجو اؤلن، اومیدلردیر.
#واریث_یولچویئو
#شعر_اوجاغی
@SheirOcagi

▫️بیلیرسینیز می، چوخ آغیردیر، بیر یول توتوب گئدیرسن، بوتون عؤمرونو بو یولو سونا چاتدیرماغا وئریرسن، سوندا گلیب منریل باشینا چاتاندا گؤرورسن کی، هئچ بو یولو گلمه‌یه دَیمزمیش...

📚 سونونجو اؤلن، اومیدلردیر
#واریث_یولچویئو
#شعر_اوجاغی
@SheirOcagi

▫️واجیب اولان او دئییل کی، «سئودییین» سنینله‌دیر.
واجیب اولان اودور کی، «سئوگی» سنینله‌دیر...

📚 ازیلمیش فوتوشکیل‌لر
#واریث_یولچویئو
#شعر_اوجاغی
@SheirOcagi

▫️سونرالار وارلی‌لار گوناهلارینین باغیشلانماسی اوچون مسجید تیکدیریرلر، کاسیبلار گوناهلارینین باغیشلانماسی اوچون بو مسجیدلرده عیبادت ائدیرلر...

📚 سونونجو اؤلن اومیدلردیر
#واریث_یولچویئو
#شعر_اوجاغی
@SheirOcagi

▫️منجه، سئوَنین، سئویب حسرت چکنین، آیریلیق آجیسی یاشایانین حالینی، آنجاق شعر بندلری اولدوغو کیمی اورتایا قویا بیلیر‌؛ نثر بونو ائتمکده گوجسوزدور...

📚 سون مکتوب
#واریث_یولچویئو
#شعر_اوجاغی
@SheirOcagi

▫️من اؤنجه‌دن «سنسیز اؤله‌رم» دئییردیم. ایندی ایسه، «سنسیز چتین‌دیر» دئییرم. کیم بیلیر صاباح نه دئیه‌جم...

📚 ازیلمیش فوتوشکیل‌لر
#واریث_یولچویئو
#شعر_اوجاغی
@SheirOcagi

▫️بیر قیسمیمیزین اؤزونو، چوخوموزون ایسه آرزولارینی گوللـه‌له‌ییرلر. اوجرَت‌لی قاتیل‌لیک یامان دبده‌دیر...

📚 سونونجو اؤلن اومیدلردیر.
#واریث_یولچویئو
#شعر_اوجاغی
@SheirOcagi

▫️«رضا» یئنیدن باخیشلارینی «ایلاهه‌»نین آتاسینا یؤنَلتدی: «اؤلوم هئچ واخت ایمکانلی‌یا-ایمکانسیزا باخمیر... باخسایدی، اوندا حیات غفیل دَییشیب باشقا آخاغا دوشَردی، ایمکانلی‌لار پول وئریب اؤلومسوزلویو اؤزلرینه تأمین ائدر، ایمکانسیزلار ایسه تامامی‌یله قیریلاردیلار»...

📚 ازیلمیش فوتوشکیل‌لر
#واریث_یولچویئو
#شعر_اوجاغی
@SheirOcagi

▫️یئرده‌کی ابلیس و شیطانلارا گووَنمکدن‌سه، آللاها گووَن!...

📚 سونونجو اؤلن، اومیدلردیر.
#واریث_یولچویئو
#شعر_اوجاغی
@SheirOcagi

▫️بیلیرسینیز، چئوره و دوروملار، اینسانی تورونا سالاراق، اونو اوچوروما یووارلاییر.
البتّه، یالنیز، دوشونجه‌سیز، اراده‌سی اولمایان آداملاری یولوندان آزدیرماق مومکون‌دور.

📚 سونونجو اؤلن‌، اومیدلردیر.
#واریث_یولچویئو
#شعر_اوجاغی
@SheirOcagi

▫️جانسیزلارا هئچ واخت جانلیلارین موقّتی یوخلوغونو دوُیورماق اولماز. دوُیوردون‌مو، ماتم احوالی روحیه‌سینه بورونه‌جکلر و بیر گون ده ماتمی گتیره‌جکلر...

📚 قیزیل جیب ساعاتی
✍🏻 #واریث_یولچویئو
#شعر_اوجاغی

@SheirOcagi

▫️غریبه خیصلتی وار اینسانین. عؤمرو بویو آختاریشدا، سوراقدا اولور. خوشبختلیک، سعادت گزیر. آما هئچ بیلمیر ده او نه‌دیر، نه اؤلچوده، نه بیچیمده‌دیر، رنگی نه‌دیر، دادی نئجه‌دیر.
بوگوندن، عادی قایغیلارلا یوک‌لنمیش رئال یاشانتی‌لاریندان قوپوب فیکراً، روحاً گله‌جه‌یه، ایلغیملارا، خیاللارا کؤک‌لنیر.
و بیر گون ده حیات یولونون سون دؤنگه‌سینی دؤننده الی‌بوش حالدا، آختاردیغینی تاپمادیغینی حیسّ ائده‌رک غفلت یوخوسوندان آییلیر. باشا دوشور کی، «خوشبختلیک» دئیه آختاردیغی شئی، ائله او عادی بیلیب دیَر وئرمه‌دیگی آغری-آجیسیز گونلری ایمیش.
بدبخت اولمایان نه وارسا، باخ، ائله اونلار ایمیش خوشبختلیک.

📚 قیرمیزی لچک‌لر
#واریث_یولچویئو
#شعر_اوجاغی
@SheirOcagi

▫️واجیب اولان، سئودیگین آدامین سنینله اولماسی دئییل، سئوگینین سنینله اولماسی‌دیر.

📚 ازیلمیش فوتوشکیل‌لر
#واریث_یولچویئو
#شعر_اوجاغی
@SheirOcagi