Forwarded from اتچ بات
▫️سن هارداسان؟
جادّه‌دن کوچه‌لره دوغرو، سسلر الندی،
پنجره‌لر قاپاندی، قاپیلار سورمه‌لندی.
بیر کؤمور دومان ایله توستولندی آخشاملار،
غوربته دوشموش‌لرین باشینا چؤکدو داملار.
سون یولجونون گؤمولدو یولدا سون آددیملاری،
بکچی¹ سرت بیر ووروشلا قیردی قالدیریملاری²
مزاردا اؤلو کیمی، یالنیز قالدیم اودامدا:³
یانان آلنیم دوواردا، سؤنن گؤزلریم جامدا.
یووامی چیچک‌له‌دیم، سن بیر ملک‌سن دئیه،
یوللارینی گؤزله‌دیم گؤرونه‌جکسن دئیه.
سنین اوچون چیراقلار توتوشدو اؤز-اؤزوندن،
رسمینه سورمه چکدیم چیراقلارین هیسیندن.
ساخسیدا اینجی‌لندی یارپاقلار سنین اوچون
سؤیلَندی «گلمز» دئیه، اوزاقلار سنین اوچون.
ساعاتلار ساعاتلاری ووردو چلیک⁴ سسی‌یله،
ساعاتلار سون گئجه‌مین کئچدی جنازه‌سی‌یله.
نهایت، من آغلارکن، تورپاغین اوزو گولدو،
کوچه‌لردن جادّه‌یه دوغرو، سسلر تؤکولدو...
#فاروق_نافیذ_چاملی‌بئل
¹- گؤزَتچی، قورویوجو
²- داش دؤشه‌مه، سنگفرش
³- اوتاق (Oda)
⁴- پولاد
#شعر_اوجاغی
@SheirOcagi
جادّه‌دن کوچه‌لره دوغرو، سسلر الندی،
پنجره‌لر قاپاندی، قاپیلار سورمه‌لندی.
بیر کؤمور دومان ایله توستولندی آخشاملار،
غوربته دوشموش‌لرین باشینا چؤکدو داملار.
سون یولجونون گؤمولدو یولدا سون آددیملاری،
بکچی¹ سرت بیر ووروشلا قیردی قالدیریملاری²
مزاردا اؤلو کیمی، یالنیز قالدیم اودامدا:³
یانان آلنیم دوواردا، سؤنن گؤزلریم جامدا.
یووامی چیچک‌له‌دیم، سن بیر ملک‌سن دئیه،
یوللارینی گؤزله‌دیم گؤرونه‌جکسن دئیه.
سنین اوچون چیراقلار توتوشدو اؤز-اؤزوندن،
رسمینه سورمه چکدیم چیراقلارین هیسیندن.
ساخسیدا اینجی‌لندی یارپاقلار سنین اوچون
سؤیلَندی «گلمز» دئیه، اوزاقلار سنین اوچون.
ساعاتلار ساعاتلاری ووردو چلیک⁴ سسی‌یله،
ساعاتلار سون گئجه‌مین کئچدی جنازه‌سی‌یله.
نهایت، من آغلارکن، تورپاغین اوزو گولدو،
کوچه‌لردن جادّه‌یه دوغرو، سسلر تؤکولدو...
#فاروق_نافیذ_چاملی‌بئل
¹- گؤزَتچی، قورویوجو
²- داش دؤشه‌مه، سنگفرش
³- اوتاق (Oda)
⁴- پولاد
#شعر_اوجاغی
@SheirOcagi
Telegram
attach 📎
|شعر اوجاغی|
▫️ایکی حؤکمدار 15 ...هر شئی یالان‌دیر، یالان، عؤمور، غم کاروانی‌دیر. طالع‌لر عؤمورلرین، ابدی ساروانی‌دیر. بؤهتان‌لار وادی‌سینده، عؤمور آتیمی سوردوم. کئفدن دم وورانلاری، من کی یالانچی گؤردوم. وفا اومدوقلاریمدان، جفا گؤردوم هر زامان، گوزگودن صیدق ایسته‌دیم،…
▫️ایکی حؤکمدار 16
...آیلار کئچدی ایل اولدو،
عوض ائتدی گون گونو،
زامان وئردی حؤکمونو،
یامان وئردی حؤکمونو!:
شاه طهماسب بیر گئجه،
هوجوم چکدی بغدادا.
دوشدو یئنه قان-قادا.
ذوالفقارین تختینی،
چئویردیلر باشینا.
گئجه‌نین ظولمتینده،
او یاشینا-یاشینا،*
قاچیردی تک باشینا.
ائله بو واخت، بو زامان،
قاییدیردی فضولی،
ائوه، یاخین اوبادان.
اونلار قارشیلاشدیلار.
گورن کیمی تانیدی،
شاعیر اونو: -ذوالفقار!
هارا بئله قاچیرسان؟
دایان! سنه سؤزوم وار.
+ آمان شاعیر، قوی گئدیم!
- دایان، هله دایان، خان!
ائله کی آیری دوشدون،
او تختیندن، تاجیندان،
عادی بیر آدام اولدون،
گئتدی شانین، شؤهرتین.
تخت و تاجیندا ایمیش،
بوتون گوجون-قودرتین.
گئت! ظولموندن قورتاریب
مملکت آزاد اولدو.
ظولم ایله آباد اولان،
عدل ایله برباد اولدو.
«پادشاهِ مُلک، دینار و دِرَم روشوَت وئریب
فتحِ کشور قیلماغا ائیلر مهیّا لشکری.
گؤسته‌رَر ساعتده دؤورانِ فلک بیر انقلاب،
هم اؤزو فانی اولور، هم لشکری، هم کشوری.
گؤر نه سولطانام، منِ درویش کیم فیض سخن،
ائیله‌میش اقبالیمی آثارِ نُصرت مظهری.
هاردا کیم عزم ائتسه، مرسوم و مواجب ایسته‌مز.
هانسی مولکو توتسا، دَیمز کیمسه‌یه شور و شری»
- سؤیله، لئیلا هاردادیر؟
+ سارایدا.
- یالان دئمه!
+ من دوزونو دئییرم،
سارایدادیر.
- «قلبیمه،
سنین فیتنه‌لریندن،
چکیلدی محشر داغی.
حئییف، دونیا ساخلاییر،
قوینوندا هر آلچاغی!»
دئیه، اوردان بیرباشا،
سارایا گلدی شاعیر.
آختاردی حوجره‌لری،
اوتاقلاری بیربه‌بیر.
گیردی حرمخانه‌یه،
تاپیلمادی لئیلاسی.
«او، هارا گئتمیش؟» دئیه،
دوشوندو ایچین-ایچین.
یئنه کؤهنه یاراسی،
تزه‌لندی شاعیرین...
#بختیار_واهابزاده
* اوزونو بیر شئیله اؤرتوب گیزلتمک (Yaşınmaq)
#شعر_اوجاغی
@SheirOcagi
داوامی وار.
...آیلار کئچدی ایل اولدو،
عوض ائتدی گون گونو،
زامان وئردی حؤکمونو،
یامان وئردی حؤکمونو!:
شاه طهماسب بیر گئجه،
هوجوم چکدی بغدادا.
دوشدو یئنه قان-قادا.
ذوالفقارین تختینی،
چئویردیلر باشینا.
گئجه‌نین ظولمتینده،
او یاشینا-یاشینا،*
قاچیردی تک باشینا.
ائله بو واخت، بو زامان،
قاییدیردی فضولی،
ائوه، یاخین اوبادان.
اونلار قارشیلاشدیلار.
گورن کیمی تانیدی،
شاعیر اونو: -ذوالفقار!
هارا بئله قاچیرسان؟
دایان! سنه سؤزوم وار.
+ آمان شاعیر، قوی گئدیم!
- دایان، هله دایان، خان!
ائله کی آیری دوشدون،
او تختیندن، تاجیندان،
عادی بیر آدام اولدون،
گئتدی شانین، شؤهرتین.
تخت و تاجیندا ایمیش،
بوتون گوجون-قودرتین.
گئت! ظولموندن قورتاریب
مملکت آزاد اولدو.
ظولم ایله آباد اولان،
عدل ایله برباد اولدو.
«پادشاهِ مُلک، دینار و دِرَم روشوَت وئریب
فتحِ کشور قیلماغا ائیلر مهیّا لشکری.
گؤسته‌رَر ساعتده دؤورانِ فلک بیر انقلاب،
هم اؤزو فانی اولور، هم لشکری، هم کشوری.
گؤر نه سولطانام، منِ درویش کیم فیض سخن،
ائیله‌میش اقبالیمی آثارِ نُصرت مظهری.
هاردا کیم عزم ائتسه، مرسوم و مواجب ایسته‌مز.
هانسی مولکو توتسا، دَیمز کیمسه‌یه شور و شری»
- سؤیله، لئیلا هاردادیر؟
+ سارایدا.
- یالان دئمه!
+ من دوزونو دئییرم،
سارایدادیر.
- «قلبیمه،
سنین فیتنه‌لریندن،
چکیلدی محشر داغی.
حئییف، دونیا ساخلاییر،
قوینوندا هر آلچاغی!»
دئیه، اوردان بیرباشا،
سارایا گلدی شاعیر.
آختاردی حوجره‌لری،
اوتاقلاری بیربه‌بیر.
گیردی حرمخانه‌یه،
تاپیلمادی لئیلاسی.
«او، هارا گئتمیش؟» دئیه،
دوشوندو ایچین-ایچین.
یئنه کؤهنه یاراسی،
تزه‌لندی شاعیرین...
#بختیار_واهابزاده
* اوزونو بیر شئیله اؤرتوب گیزلتمک (Yaşınmaq)
#شعر_اوجاغی
@SheirOcagi
داوامی وار.
دیالوق
▫️بیر کیشینین دیَری، دوستلاریندان یوخ، دوشمنلریندن بللی اولار.
📽 Siti Hall
1996 آمریکا
#هارولد_بئکئر
#شعر_اوجاغی
@SheirOcagi
▫️بیر کیشینین دیَری، دوستلاریندان یوخ، دوشمنلریندن بللی اولار.
📽 Siti Hall
1996 آمریکا
#هارولد_بئکئر
#شعر_اوجاغی
@SheirOcagi
▫️من کی...
من کی داها گونش اولا بیلمه‌دیم،
من کی داها اولدوز اولا بیلمه‌دیم،
هامینین باخدیغی، گؤره بیلدیگی،
گؤیلرین طاغیندا قالا بیلمه‌دیم.
بوردا قالاجاغام، من ائله بوردا،
بوردا اوجاق اولوب آلیشاجاغام،
بوردا طالعیم‌له باریشاجاغام.
اود-آلوو عؤمرونه قاریشاجاغام.
هئچ دئمیرم منی گؤره‌لر هاچان،
بیر ایستی یووالی تورپاغی قوجان.
دونیانین دوغمالیق قوللاری وارسا،
دوغما اوجاقلارا، یوردلارا قارشی،
اینسانین گئدیلن یوللاری وارسا،
موطلق او یول گلیب بورا چیخاجاق.
نه قدر جاندا اود، گؤزده مئهیر وار،
موطلق او گؤزلر ده منه باخاجاق.
تورپاقدا هاوایی داش قالان دئییل،
یاخشی تانیییرام من بو دونیانی.
اونون بیر جیغیری بوش قالان دئییل.
آرانی، یایلاغی وارسا بو ائلین،
اینسانین داغلارلا صؤحبتی وارسا،
یول آزان اومیدین، اوشویَن الین،
یول تاپیب ایسینمک نییّتی وارسا،
او موطلق بو یئره گلیب چیخاجاق.
بیلیرم هاوایی یانمیر بو اوجاق،
موطلق بو اوجاغا گلمه‌لی‌دیرلر.
مندن ده بیر احوال بیلمه‌لی‌دیرلر.
اولسون اوفوق بویو یاتاغی، یئری،
من داها نهنگ چای اولا بیلمه‌دیم.
بوردا قالاجاغام، من ائله بوردا-
بوردا بولاق اولوب قاینایاجاغام.
هردن سیرغا-سیرغا دامجیلاریملا،
بوردا چیچکلرله اوینایاجاغام.
آختاران اینسانین هر آددیم باشی،
بؤیویَن، کیچیلن یوللاری وارسا،
دورولوغا قارشی، صافلیغا قارشی،
دونیانین کئچیلن یوللاری وارسا،
موطلق او یول گلیب بورا چیخاجاق.
یاخشی تانیییرام قاینار گؤزلری،
قاینایان گؤزومه او گؤز باخاجاق.
موطلق سئوگی یولو کئچیلمه‌لی‌دیر.
اینسانین بیر حسرت یانغیسی وارسا،
موطلق بو سودان دا ایچیلمه‌لیدیر.
پاییزین ان کؤورک چاغینا قارشی،
مئشه‌سینه قارشی، داغینا قارشی،
بنؤوشه بویونا، گول نفَسینه،
باهارین یارپیزلی آرخینا قارشی،
یول گلن اولسا،
نه بیلیم، بیر چمن یاشیللیق اوچون،
یا دا کی مینّتسیز یاخشیلیق اوچون،
داریخان اولسا،
او موطلق بو یئره گلیب چیخاجاق،
بیلیرم هاوایی آخمیر بو بولاق.
موطلق بو چئشمه‌نی گؤرمه‌لی‌دیرلر،
بو اوجاغا سالام وئرمه‌لی‌دیرلر.
#موسی_یعقوب
#شعر_اوجاغی
@SheirOcagi
من کی داها گونش اولا بیلمه‌دیم،
من کی داها اولدوز اولا بیلمه‌دیم،
هامینین باخدیغی، گؤره بیلدیگی،
گؤیلرین طاغیندا قالا بیلمه‌دیم.
بوردا قالاجاغام، من ائله بوردا،
بوردا اوجاق اولوب آلیشاجاغام،
بوردا طالعیم‌له باریشاجاغام.
اود-آلوو عؤمرونه قاریشاجاغام.
هئچ دئمیرم منی گؤره‌لر هاچان،
بیر ایستی یووالی تورپاغی قوجان.
دونیانین دوغمالیق قوللاری وارسا،
دوغما اوجاقلارا، یوردلارا قارشی،
اینسانین گئدیلن یوللاری وارسا،
موطلق او یول گلیب بورا چیخاجاق.
نه قدر جاندا اود، گؤزده مئهیر وار،
موطلق او گؤزلر ده منه باخاجاق.
تورپاقدا هاوایی داش قالان دئییل،
یاخشی تانیییرام من بو دونیانی.
اونون بیر جیغیری بوش قالان دئییل.
آرانی، یایلاغی وارسا بو ائلین،
اینسانین داغلارلا صؤحبتی وارسا،
یول آزان اومیدین، اوشویَن الین،
یول تاپیب ایسینمک نییّتی وارسا،
او موطلق بو یئره گلیب چیخاجاق.
بیلیرم هاوایی یانمیر بو اوجاق،
موطلق بو اوجاغا گلمه‌لی‌دیرلر.
مندن ده بیر احوال بیلمه‌لی‌دیرلر.
اولسون اوفوق بویو یاتاغی، یئری،
من داها نهنگ چای اولا بیلمه‌دیم.
بوردا قالاجاغام، من ائله بوردا-
بوردا بولاق اولوب قاینایاجاغام.
هردن سیرغا-سیرغا دامجیلاریملا،
بوردا چیچکلرله اوینایاجاغام.
آختاران اینسانین هر آددیم باشی،
بؤیویَن، کیچیلن یوللاری وارسا،
دورولوغا قارشی، صافلیغا قارشی،
دونیانین کئچیلن یوللاری وارسا،
موطلق او یول گلیب بورا چیخاجاق.
یاخشی تانیییرام قاینار گؤزلری،
قاینایان گؤزومه او گؤز باخاجاق.
موطلق سئوگی یولو کئچیلمه‌لی‌دیر.
اینسانین بیر حسرت یانغیسی وارسا،
موطلق بو سودان دا ایچیلمه‌لیدیر.
پاییزین ان کؤورک چاغینا قارشی،
مئشه‌سینه قارشی، داغینا قارشی،
بنؤوشه بویونا، گول نفَسینه،
باهارین یارپیزلی آرخینا قارشی،
یول گلن اولسا،
نه بیلیم، بیر چمن یاشیللیق اوچون،
یا دا کی مینّتسیز یاخشیلیق اوچون،
داریخان اولسا،
او موطلق بو یئره گلیب چیخاجاق،
بیلیرم هاوایی آخمیر بو بولاق.
موطلق بو چئشمه‌نی گؤرمه‌لی‌دیرلر،
بو اوجاغا سالام وئرمه‌لی‌دیرلر.
#موسی_یعقوب
#شعر_اوجاغی
@SheirOcagi
▫️اینسانلار ایکی دورومدا بیرینی بوراخیرلار:
اونون طرفیندن سئویلمه‌دیکلرینی حیسّ ائدنده، بیر ده چوخ سئویلدیکلرینی حیسّ ائدنده.
#ویکتور_هوگو
#شعر_اوجاغی
@SheirOcagi
اونون طرفیندن سئویلمه‌دیکلرینی حیسّ ائدنده، بیر ده چوخ سئویلدیکلرینی حیسّ ائدنده.
#ویکتور_هوگو
#شعر_اوجاغی
@SheirOcagi
▫️سنه قارشی مدنی اولسونلار ایسته‌ییرسن‌سه، مدنی اول! حقیقتی اؤیرنمک ایسته‌ییرسن‌سه، دوغرو اول!
نه اکسن، اونو دا بیچرسن. دونیا سنین یانسیمان‌دیر.
📚 دوشونجه‌نین گوجو
#جیمز_آلن
#شعر_اوجاغی
@SheirOcagi
نه اکسن، اونو دا بیچرسن. دونیا سنین یانسیمان‌دیر.
📚 دوشونجه‌نین گوجو
#جیمز_آلن
#شعر_اوجاغی
@SheirOcagi
Forwarded from اتچ بات
▫️دئمک سن ده گئدیرسن.
دئمک سن ده گئدیرسن،
اویسا فرقلی سانمیشدیم، اورکدن اینانمیشدیم سنه.
بو یالنیزلیق دریاسیندا سیغیناجاغیم سون لیمان ایدین،
نفَس اولموشدون، اومید اولموشدون، حوضور اولموشدون.
دئمک سن ده گئدیرسن،
اومیدلریمی ییخا-ییخا.
هانکی چاره‌سیزلیک‌لره یازیلدین دا؟
سیلینَن من اولدوم.
هانکی گئرچک‌لره یار اولدون دا؟
ائل اولان من اولدوم.
هانکی نامردلیگین ناملوسوندایدین* دا؟
وورولان من اولدوم.
هانکی بدنلرده یاندین دا؟
اوشویَن من اولدوم.
دئمک سن ده گئدیرسن،
اوره‌ییمی سؤکه-سؤکه.
گئده‌نین آرخاسیندان، قالانا سوسماق‌می یاراشیر؟
اوره‌یه یازیلانی، باشقا بیر بدنده سیلمک‌می یاراشیر؟
اومیدله باخان گؤزلره، هر گئجه آغلاماق‌می یاراشیر؟
شعر میثالی گئجه‌لری، لعنت‌لر یاغدیریب اونوتماق‌می یاراشیر؟
دئمک سن ده گئدیرسن،
بوتون اولدوزلاری سؤندوره-سؤندوره.
ایندی هانکی مئیخانه‌نین عیّاشلیغی،
سیلیب آتار سنی بئینیمدن؟!
هانکی شاعیر بیر ده یازار سنی،
قلمی قیرمادان، صحیفه‌لری کیرلَتمه‌دن؟
هانکی کیتابدا یازار اؤلومونه قدر سئوه‌نی، شرفسیزجه ترک ائتمکدن؟
ایندی هانکی گوناهی یاشاسام کی، سنی سؤکوب آتارام اوره‌ییمدن؟
دئمک سن ده گئدیرسن،
بوتون گوناهلاری بوراخا-بوراخا.
دئمک واخت گلدی و سن سوساراق گئدیرسن،
بوتون اینانجیمی گؤزلریمدن دوشوره-دوشوره.
دئمک سن ده یالان ایدین و هئچ اولمادین،
سن، اوغرونا وئردیگیم او قدر ساواشلاری،
اوتانج میثالی بوراخا-بوراخا.
دئمک سن ده گئدیرسن،
شرفسیزجه اوره‌ییمی ازه-ازه.
دئمک سن ده یالان ایدین،
و هئچ اولمادین.
#بدیرحان_آلماس
* آتشلی سیلاحلارین لوله‌سی (Namlu)
#شعر_اوجاغی
@SheirOcagi
دئمک سن ده گئدیرسن،
اویسا فرقلی سانمیشدیم، اورکدن اینانمیشدیم سنه.
بو یالنیزلیق دریاسیندا سیغیناجاغیم سون لیمان ایدین،
نفَس اولموشدون، اومید اولموشدون، حوضور اولموشدون.
دئمک سن ده گئدیرسن،
اومیدلریمی ییخا-ییخا.
هانکی چاره‌سیزلیک‌لره یازیلدین دا؟
سیلینَن من اولدوم.
هانکی گئرچک‌لره یار اولدون دا؟
ائل اولان من اولدوم.
هانکی نامردلیگین ناملوسوندایدین* دا؟
وورولان من اولدوم.
هانکی بدنلرده یاندین دا؟
اوشویَن من اولدوم.
دئمک سن ده گئدیرسن،
اوره‌ییمی سؤکه-سؤکه.
گئده‌نین آرخاسیندان، قالانا سوسماق‌می یاراشیر؟
اوره‌یه یازیلانی، باشقا بیر بدنده سیلمک‌می یاراشیر؟
اومیدله باخان گؤزلره، هر گئجه آغلاماق‌می یاراشیر؟
شعر میثالی گئجه‌لری، لعنت‌لر یاغدیریب اونوتماق‌می یاراشیر؟
دئمک سن ده گئدیرسن،
بوتون اولدوزلاری سؤندوره-سؤندوره.
ایندی هانکی مئیخانه‌نین عیّاشلیغی،
سیلیب آتار سنی بئینیمدن؟!
هانکی شاعیر بیر ده یازار سنی،
قلمی قیرمادان، صحیفه‌لری کیرلَتمه‌دن؟
هانکی کیتابدا یازار اؤلومونه قدر سئوه‌نی، شرفسیزجه ترک ائتمکدن؟
ایندی هانکی گوناهی یاشاسام کی، سنی سؤکوب آتارام اوره‌ییمدن؟
دئمک سن ده گئدیرسن،
بوتون گوناهلاری بوراخا-بوراخا.
دئمک واخت گلدی و سن سوساراق گئدیرسن،
بوتون اینانجیمی گؤزلریمدن دوشوره-دوشوره.
دئمک سن ده یالان ایدین و هئچ اولمادین،
سن، اوغرونا وئردیگیم او قدر ساواشلاری،
اوتانج میثالی بوراخا-بوراخا.
دئمک سن ده گئدیرسن،
شرفسیزجه اوره‌ییمی ازه-ازه.
دئمک سن ده یالان ایدین،
و هئچ اولمادین.
#بدیرحان_آلماس
* آتشلی سیلاحلارین لوله‌سی (Namlu)
#شعر_اوجاغی
@SheirOcagi
Telegram
attach 📎
▫️«سالار پور محسنی»، خییوو (مشگین) ده چالیشان «گونش موسیقی مکتبی»نین ایستعدادلی و چالیشقان اؤیرنجی‌سی آذربایجان‌جمهوری‌سی‌نین پایتختی باکیدا کئچیریلن ۱۳-جو بئین‌الخالق اوشاق موغام موسابیقه‌سینده ایکینجی یئری قازاندی. بونونلا برابر «محسن کریمی»، مکتبین آیری ایشتراکچیسی هوسلندیریجی دیپلم الده ائتدی.
«مجید عصری» مکتبین چالیشقان اؤیرتمنی گنج‌لیگینه باخمایاراق اؤزونو بیر پئشه‌کار موعلیم کیمی یئنی‌دن ثبوت ائتدیردی.
بو اوغورو الده ائتمک‌ده بیزیمله یول‌بیر اولوب الیمیزی سیخان هر بیر کیمسه‌دن بول-بول تشکور ائدیب و امینیک کی هله بو معنوی یولوموزون داوامی اولاجاق.
مهدی شاهمرادی
@SheirOcagi
«مجید عصری» مکتبین چالیشقان اؤیرتمنی گنج‌لیگینه باخمایاراق اؤزونو بیر پئشه‌کار موعلیم کیمی یئنی‌دن ثبوت ائتدیردی.
بو اوغورو الده ائتمک‌ده بیزیمله یول‌بیر اولوب الیمیزی سیخان هر بیر کیمسه‌دن بول-بول تشکور ائدیب و امینیک کی هله بو معنوی یولوموزون داوامی اولاجاق.
مهدی شاهمرادی
@SheirOcagi
▫️اؤلوب بو دونیادان قیصاص آلاسان،
لاپ آتیب گئده‌سن بو یئر اوزونو.
سونونجو نغمه‌نله قاتیب باشینی،
آلدادیب گئده‌سن بو یئر اوزونو.
بو بویدا دونیادا عؤمور نه قیسا!
بو قیسا دونیادا حسرت نه اوزون!
گئدیب بیر وفالی اؤلوم تاپاسان،
قاچاسان الیندن بو وفاسیزین!
گلیر کؤلگه کیمی، قارالتی کیمی،
ائله کؤلگه کیمی سوووشور آدام.
دوروب عؤمرو بویو گؤزله‌دیگینه،
بیر آنین ایچینده قوووشور آدام.
نه قدر وفاسیز اولسا دا دونیا،
سئوه‌سن، سئوه‌سن یئنه سن اونو.
چیخیب گئدنده ده بو یئر اوزوندن،
آللاها تاپشیریب گئده‌سن اونو.
#علیزاده_نوری
#شعر_اوجاغی
@SheirOcagi
لاپ آتیب گئده‌سن بو یئر اوزونو.
سونونجو نغمه‌نله قاتیب باشینی،
آلدادیب گئده‌سن بو یئر اوزونو.
بو بویدا دونیادا عؤمور نه قیسا!
بو قیسا دونیادا حسرت نه اوزون!
گئدیب بیر وفالی اؤلوم تاپاسان،
قاچاسان الیندن بو وفاسیزین!
گلیر کؤلگه کیمی، قارالتی کیمی،
ائله کؤلگه کیمی سوووشور آدام.
دوروب عؤمرو بویو گؤزله‌دیگینه،
بیر آنین ایچینده قوووشور آدام.
نه قدر وفاسیز اولسا دا دونیا،
سئوه‌سن، سئوه‌سن یئنه سن اونو.
چیخیب گئدنده ده بو یئر اوزوندن،
آللاها تاپشیریب گئده‌سن اونو.
#علیزاده_نوری
#شعر_اوجاغی
@SheirOcagi
▫️شهید «فریدون ابراهیمی»یه
ایل دؤنومون توتان یوخدو،
یوخدور سنی یادا سالان.
قبرین اوسته گؤی اوت بیتدی،
ای ناموراد یازیق جاوان!
آسیلدیغین گوندن بری،
ماتَملی‌دیر گؤی گولوستان.
دولاشاركن شومال یئلی،
یوردون قیزیل بایراغیندا،
ائللر ایله اود یاندیردین،
«بابک»ی‌لر اوجاغیندا.
لاكین افسوس سون ایشیق‌تک،
سؤندون حیات چیراغیندا.
نه ائللرین مكتبینده،
كیتابینی آچان اولدو.
نه یازدیغین قیزیل یازی،
رواج تاپیب دستان اولدو.
لاكین سانما بو عصیرده،
هر شئی بیتیب نیسیان اولدو.
گونون یئددی رنگی اریر،
«قیزیل اٶزن» سولاریندا.
سنین ایزین، كؤلگه‌ن قالمیش،
«آستارا»نین باهاریندا.
فاشیزم هله حؤكوم سورور،
قیزیل اودلار دیاریندا.
مكتبلرده آنا دیلین،
اوخوتدوران اوستا یوخدو.
اوردو-اوردو اویماقلاردا،
اسیر چوخدور، آزاد یوخدو.
كئچیب چیراق، سؤنوب اوجاق،
خارابا چوخ، آباد یوخدو.
قارانلیقدیر، تیكانلیقدیر،
حرامیلر پوسقو قوروب.
«باغمئشه»نین باغلارینی،
توز باسیبدیر، آفت ووروب.
آزادلیغین گمیسینده،
كافتار دوروب، شئیطان دوروب.
دالغالانیر فضامیزدا،
زیندانلارین اینیلتیسی.
ائشیدیلیر سحر-آخشام،
رادیولاردان دوشمن سسی.
بیر چوخ هرزه اوت گؤیریب،
قاناد گریب یول ایبلیسی.
گئتدیم بابا دیارینا،
گؤردوم بایقوش فیكره دالیب.
قبرین اوسته آخشام چاغی،
پاییز گونو شفق سالیب.
سندن یولداش! خاطیره‌لر،
درین سیزی جاندا قالیب.
عزراییله قیلینج چكیم،
یئنه بیر گون اؤله‌جه‌یم
چیراق كیمی یا بیر آخشام،
یا بیر سحر سؤنه‌جه‌یم.
بیلیرم كی یئر آلتیندا،
توز-تورپاغا دؤنه‌جه‌یم.
بونلا بئله امینم كی،
نور ظولمتی بوغاجاقدیر.
ان نهایت اوفوقلردن،
قیزیل گونش دوغاجاقدیر.
داش نه قدر برک اولسا دا،
ایستی-سویوق اوغاجاقدیر.
#حبیب_ساهیر
قیزاران آیین بیرینجی گونو، شهید فریدون ابراهیمین اعدام گونونون ایل دؤنومودور.
حؤرمتله یاد ائدیریک.
#شعر_اوجاغی
@SheirOcagi
ایل دؤنومون توتان یوخدو،
یوخدور سنی یادا سالان.
قبرین اوسته گؤی اوت بیتدی،
ای ناموراد یازیق جاوان!
آسیلدیغین گوندن بری،
ماتَملی‌دیر گؤی گولوستان.
دولاشاركن شومال یئلی،
یوردون قیزیل بایراغیندا،
ائللر ایله اود یاندیردین،
«بابک»ی‌لر اوجاغیندا.
لاكین افسوس سون ایشیق‌تک،
سؤندون حیات چیراغیندا.
نه ائللرین مكتبینده،
كیتابینی آچان اولدو.
نه یازدیغین قیزیل یازی،
رواج تاپیب دستان اولدو.
لاكین سانما بو عصیرده،
هر شئی بیتیب نیسیان اولدو.
گونون یئددی رنگی اریر،
«قیزیل اٶزن» سولاریندا.
سنین ایزین، كؤلگه‌ن قالمیش،
«آستارا»نین باهاریندا.
فاشیزم هله حؤكوم سورور،
قیزیل اودلار دیاریندا.
مكتبلرده آنا دیلین،
اوخوتدوران اوستا یوخدو.
اوردو-اوردو اویماقلاردا،
اسیر چوخدور، آزاد یوخدو.
كئچیب چیراق، سؤنوب اوجاق،
خارابا چوخ، آباد یوخدو.
قارانلیقدیر، تیكانلیقدیر،
حرامیلر پوسقو قوروب.
«باغمئشه»نین باغلارینی،
توز باسیبدیر، آفت ووروب.
آزادلیغین گمیسینده،
كافتار دوروب، شئیطان دوروب.
دالغالانیر فضامیزدا،
زیندانلارین اینیلتیسی.
ائشیدیلیر سحر-آخشام،
رادیولاردان دوشمن سسی.
بیر چوخ هرزه اوت گؤیریب،
قاناد گریب یول ایبلیسی.
گئتدیم بابا دیارینا،
گؤردوم بایقوش فیكره دالیب.
قبرین اوسته آخشام چاغی،
پاییز گونو شفق سالیب.
سندن یولداش! خاطیره‌لر،
درین سیزی جاندا قالیب.
عزراییله قیلینج چكیم،
یئنه بیر گون اؤله‌جه‌یم
چیراق كیمی یا بیر آخشام،
یا بیر سحر سؤنه‌جه‌یم.
بیلیرم كی یئر آلتیندا،
توز-تورپاغا دؤنه‌جه‌یم.
بونلا بئله امینم كی،
نور ظولمتی بوغاجاقدیر.
ان نهایت اوفوقلردن،
قیزیل گونش دوغاجاقدیر.
داش نه قدر برک اولسا دا،
ایستی-سویوق اوغاجاقدیر.
#حبیب_ساهیر
قیزاران آیین بیرینجی گونو، شهید فریدون ابراهیمین اعدام گونونون ایل دؤنومودور.
حؤرمتله یاد ائدیریک.
#شعر_اوجاغی
@SheirOcagi
▫️ایندی اینسانلار هر شئیین دیَرینی یاخشی بیلیر، لاکین اصل دیَرین نه اولدوغونو بیلمیرلر.
📚 دوریان گرایین پورتره‌سی
#اوسکار_وایلد
#شعر_اوجاغی
@SheirOcagi
📚 دوریان گرایین پورتره‌سی
#اوسکار_وایلد
#شعر_اوجاغی
@SheirOcagi
|شعر اوجاغی|
▫️ایکی حؤکمدار 16 ...آیلار کئچدی ایل اولدو، عوض ائتدی گون گونو، زامان وئردی حؤکمونو، یامان وئردی حؤکمونو!: شاه طهماسب بیر گئجه، هوجوم چکدی بغدادا. دوشدو یئنه قان-قادا. ذوالفقارین تختینی، چئویردیلر باشینا. گئجه‌نین ظولمتینده، او یاشینا-یاشینا،* قاچیردی تک…
▫️ایکی حؤکمدار 17
... او گئجه ذوالفقار خان،
قاچان کیمی سارایدان،
قاپیلاری آچدیلار.
قیزلار حرمخانادان،
چیخیب داغیلیشدیلار.
هره گئتدی بیر یئره،
لئیلا دا آزاد اولدو.
سانمایین کی او بوندان،
فرحلندی، شاد اولدو!
گئجه‌نین ظولمتینده،
اؤز-اؤرونه دئییردی:
«هارا گئدیم من ایندی؟
ائویمه؟ بس آتامین-
نئجه چیخیم اوزونه؟»
هئچ اؤزو ده بیلمه‌ییر،
فیکری نه‌دیر، قصدی نه.
«هله بو هئچ...محمّد،
او نه دئیَر بس منه؟
ایتیردیم عیصمتیمی،
گولمَزمی هرکس منه؟
یوخ، یوخ من بو حالیملا،
گؤیدن یئره ائنمیشم.
بیر آلچاغین الینده،
من کی لکه‌لنمیشم.
من بدبختی، طالعیم-
یامان سالدی چتینه!
شاعیرین او موقدّس،
بؤیوک محبّتینه،
لاییق اولا بیلرمی،
منیم لکه‌لی آدیم؟
هیهات! گؤزومده قالدی،
بوتون آرزوم، مورادیم.
یوخ! بو داها آغیردیر،
بوتون ایشگنجه‌لردن.
محمّدین گؤزونه،
گؤرونه بیلمه‌رم من»
دئیه، دوغما شهری،
گئجه ترک ائتدی لئیلا.
کربلالی بیر قیزا،
قوشولوب گئتدی لئیلا...
#بختیار_واهابزاده
#شعر_اوجاغی
@SheirOcagi
داوامی وار.
... او گئجه ذوالفقار خان،
قاچان کیمی سارایدان،
قاپیلاری آچدیلار.
قیزلار حرمخانادان،
چیخیب داغیلیشدیلار.
هره گئتدی بیر یئره،
لئیلا دا آزاد اولدو.
سانمایین کی او بوندان،
فرحلندی، شاد اولدو!
گئجه‌نین ظولمتینده،
اؤز-اؤرونه دئییردی:
«هارا گئدیم من ایندی؟
ائویمه؟ بس آتامین-
نئجه چیخیم اوزونه؟»
هئچ اؤزو ده بیلمه‌ییر،
فیکری نه‌دیر، قصدی نه.
«هله بو هئچ...محمّد،
او نه دئیَر بس منه؟
ایتیردیم عیصمتیمی،
گولمَزمی هرکس منه؟
یوخ، یوخ من بو حالیملا،
گؤیدن یئره ائنمیشم.
بیر آلچاغین الینده،
من کی لکه‌لنمیشم.
من بدبختی، طالعیم-
یامان سالدی چتینه!
شاعیرین او موقدّس،
بؤیوک محبّتینه،
لاییق اولا بیلرمی،
منیم لکه‌لی آدیم؟
هیهات! گؤزومده قالدی،
بوتون آرزوم، مورادیم.
یوخ! بو داها آغیردیر،
بوتون ایشگنجه‌لردن.
محمّدین گؤزونه،
گؤرونه بیلمه‌رم من»
دئیه، دوغما شهری،
گئجه ترک ائتدی لئیلا.
کربلالی بیر قیزا،
قوشولوب گئتدی لئیلا...
#بختیار_واهابزاده
#شعر_اوجاغی
@SheirOcagi
داوامی وار.
Forwarded from Təhkiyəانجمن نویسندگی تحکیه
🔹تحکییه ادبی درنه‌یی(414-جو جلسه)
🔹حئکایه: لاتاری – شرلی جکسون (Shirley Hardie Jackson)
🔹اورمیه-چهارراه آپادانا- مجتمع فرهنگی هنری اورمیه
🔹سه شنبه-2 خرداد ماه 1402
🔹ساعت:17-19:30
@tahkie
Butajournal.com
#ادبییات #آذربایجان_تورکجه‌سی #داستان #مودئرن_نثر #تحکییه #اورمو #شرلی_جکسون #آمریکا_نثری #Shirley_Hardie_Jackson #حئکایه #
🔹حئکایه: لاتاری – شرلی جکسون (Shirley Hardie Jackson)
🔹اورمیه-چهارراه آپادانا- مجتمع فرهنگی هنری اورمیه
🔹سه شنبه-2 خرداد ماه 1402
🔹ساعت:17-19:30
@tahkie
Butajournal.com
#ادبییات #آذربایجان_تورکجه‌سی #داستان #مودئرن_نثر #تحکییه #اورمو #شرلی_جکسون #آمریکا_نثری #Shirley_Hardie_Jackson #حئکایه #
▫️«آچیلمامیش قانادلارین بؤیوکلویو بیلینمز» دئییبلر.
سئچیمینی ائت، قانادلارینی آچ و سوزول گؤی اوزونه!
📚 تسلیم اولما، مؤعجوزه‌لر یولدادیر!
#کینسون
#شعر_اوجاغی
@SheirOcagi
سئچیمینی ائت، قانادلارینی آچ و سوزول گؤی اوزونه!
📚 تسلیم اولما، مؤعجوزه‌لر یولدادیر!
#کینسون
#شعر_اوجاغی
@SheirOcagi
▫️گؤزلرینی تانری منه قیسمت ائدیب؛
بوراخ اونلارین ایچینده یوخویا قالیم،
و قاپینی اوزومه قیفیللا!
#نزار_قبانی
#شعر_اوجاغی
@SheirOcagi
بوراخ اونلارین ایچینده یوخویا قالیم،
و قاپینی اوزومه قیفیللا!
#نزار_قبانی
#شعر_اوجاغی
@SheirOcagi
▫️بو نئجه داریخماق‌دیر!
بو نئجه داریخماق‌دیر، اوچوروما دؤنموشم.
یووارلانیب آشمیسان حسرتیمین دیبینه.
اومیدسیز بیر چؤکونتو داریخیر وارلیغیمدا،
گله‌جه‌ییم دوشوبدور قارالمیش غم کوپونه.
بایقوش کیمی اولاییر درد خارابا روحومدا،
پارچالاییر ایچیمی یالقوزاق داریخماغیم.
نئجه اولور، بیلیرم، حسرتین چارمیخینی،
انتحارین داغ اولموش تپه‌سینه چیخماغی.
تپه‌دن دیرناغاجان یالنیزلیغام، ایلاهی!
سولوم تنها، چاره‌سیز، سیغینیرام ساغیما،
سن سئودیگین او تکلیک روحومون باجاسیندان،
لئیسان-لئیسان هؤنکوروب دولوشور اوتاغیما.
بو نئجه داریخماق‌دیر، غم گولوشه ساریلیب،
عؤمور خیانت ائدیر، اؤلوم‌چون داریخیرام.
بختیمین اوجاغینا تک‌لیگین کؤزو دوشوب،
کولَک‌لنمیش ایچیمده کولوم‌چون داریخیرام.
#آیسل_خانلارقیزی
#شعر_اوجاغی
@SheirOcagi
بو نئجه داریخماق‌دیر، اوچوروما دؤنموشم.
یووارلانیب آشمیسان حسرتیمین دیبینه.
اومیدسیز بیر چؤکونتو داریخیر وارلیغیمدا،
گله‌جه‌ییم دوشوبدور قارالمیش غم کوپونه.
بایقوش کیمی اولاییر درد خارابا روحومدا،
پارچالاییر ایچیمی یالقوزاق داریخماغیم.
نئجه اولور، بیلیرم، حسرتین چارمیخینی،
انتحارین داغ اولموش تپه‌سینه چیخماغی.
تپه‌دن دیرناغاجان یالنیزلیغام، ایلاهی!
سولوم تنها، چاره‌سیز، سیغینیرام ساغیما،
سن سئودیگین او تکلیک روحومون باجاسیندان،
لئیسان-لئیسان هؤنکوروب دولوشور اوتاغیما.
بو نئجه داریخماق‌دیر، غم گولوشه ساریلیب،
عؤمور خیانت ائدیر، اؤلوم‌چون داریخیرام.
بختیمین اوجاغینا تک‌لیگین کؤزو دوشوب،
کولَک‌لنمیش ایچیمده کولوم‌چون داریخیرام.
#آیسل_خانلارقیزی
#شعر_اوجاغی
@SheirOcagi
▫️جهنّمین گیریش تابلوسونون اوستونده یازیلمیشدی: ائی بو مکانا گیرن، هر اومیددن ال چک!
📚 ایلاهی کومئدی
#دانته
#شعر_اوجاغی
@SheirOcagi
📚 ایلاهی کومئدی
#دانته
#شعر_اوجاغی
@SheirOcagi
▫️اینسان بیرینی سئونده، همیشه اونا دئمک و یا یازماق اوچون بیر شئی تاپیر؛ عؤمرونون سونونا قدر.
#کریستین_بوبن
#شعر_اوجاغی
@SheirOcagi
#کریستین_بوبن
#شعر_اوجاغی
@SheirOcagi