▫️ایندی ده شکلیندن آیریلیرام من.
گئتدین اؤگئی عشقین آناسی اولدون،
ایندی خیال‌لاردا دوغماسان منه.
من سنی گؤزومده اوجالتمادیم کی-
چیخیب یوخاریدان باخاسان منه.
بلکه ده هئچ سنین گوناهین دئییل،
بلکه ده اودوزدوم عاغیلدا سنه.
من سنی گؤزومده ائله بؤیوتدوم،
گؤزلریم دار گلدی آخیردا منه.
ایندی ده شکلیندن آیریلیرام من،
بو دا سئوگیدندی، نیفرتدن دئییل.
اوزونو اؤزگه‌سی اؤپن بیر قیزین،
شکلینی اؤپمک ده غئیرتدن دئییل.
#علیزاده_نوری
#شعر_اوجاغی
@SheirOcagi
گئتدین اؤگئی عشقین آناسی اولدون،
ایندی خیال‌لاردا دوغماسان منه.
من سنی گؤزومده اوجالتمادیم کی-
چیخیب یوخاریدان باخاسان منه.
بلکه ده هئچ سنین گوناهین دئییل،
بلکه ده اودوزدوم عاغیلدا سنه.
من سنی گؤزومده ائله بؤیوتدوم،
گؤزلریم دار گلدی آخیردا منه.
ایندی ده شکلیندن آیریلیرام من،
بو دا سئوگیدندی، نیفرتدن دئییل.
اوزونو اؤزگه‌سی اؤپن بیر قیزین،
شکلینی اؤپمک ده غئیرتدن دئییل.
#علیزاده_نوری
#شعر_اوجاغی
@SheirOcagi
▫️بعضاً چتین‌دیر دؤنمک،
یا دا هر شئیی اونودوب گئتمک.
آنلادیم کی:
اینسانی ان آغریدان شئی،
سئویلمه‌دیگینی بیلدیگی حالدا،
دلی‌جه‌سینه سئومک.
#جان_یوجل
#شعر_اوجاغی
@SheirOcagi
یا دا هر شئیی اونودوب گئتمک.
آنلادیم کی:
اینسانی ان آغریدان شئی،
سئویلمه‌دیگینی بیلدیگی حالدا،
دلی‌جه‌سینه سئومک.
#جان_یوجل
#شعر_اوجاغی
@SheirOcagi
|شعر اوجاغی|
▫️ایکی حؤکمدار 11 ..گولور گؤزلرینده لئیلانین جاهان، دئییر: بئله اولار سئوَنلر، ائی خان! اونون هر کلمه‌سی عشقین سسی‌دیر، عاشقین سولطانی، معشوقه‌سی‌دیر. حؤکمدار، بو سیرّی یاخشیجا بیل سن: سئوگی دونیاسیندا هله طیفیلسن! خان: سوس! فضولی: «سوسا بیلرمی هئچ دولو…
▫️ایکی حؤکمدار 12
...بو احوالاتدان سونرا،
هله بیر نئچه آی دا،
ساخلادیلار لئیلانی،
محبوس کیمی سارایدا.
لئیلا سولدو، سارالدی،
خزان ووران باغ کیمی.
سیزلادی گئجه-گوندوز،
یاغسیز بیر چیراق کیمی.
اوره‌یینین دردینی،
دئدی او بختی قارا،
گوندوزلر بولودلارا،
گئجه‌لر اولدوزلارا.
یوخوسو دا گئجه‌لر،
اوچوب عرشه چکیلدی،
صوبحه قدر گؤزلری،
شام چیراغا دیکیلدی.
دئدی: - سن ده یانیرسان،
منده... بیر فرقیمیز وار.
یانغی ائله یانغی‌دیر،
بو فرق بیزی آییرار:
سن گئجه‌لر یانیرسان،
منسه، منسه، ائی چیراق!
هم گئجه‌لر یانیرام،
هم گوندوزلر... درده باخ!
ظولم‌لر، ایشگنجه‌لر،
سارسیتدی آنجاق اونو.
فضولی‌نین وئردیگی-
او قیزیل مئدالیونو،
سینه‌سینه باساراق،
هیچقیریر صوبحه قدر.
فضولی‌نین یازدیغی،
کؤنول یاخان غزل‌لر،
سارای دیوارلارینی،
دلیب کئچیر بیر آندا،
بو غزل‌لر گول آچیر،
قیزین دوداقلاریندا:
«آشیانِ مرغِ دل، زلفِِ پریشانیندادیر،
هاردا اولسان، ای پری، کؤنلوم سنین یانیندادیر.
عشق دردی‌یله خوشام، ال چک علاجیمدان، طبیب!
قیلما درمان، کیم هلاکیم زهرِ درمانیندادیر..
بس کی، هجرانیندادیر خاصیّتِ قطعِ حیات،
اول حیات اهلینه حئیرانام کی، هجرانیندادیر»
موغام اوسته اوخویور،
لئیلا بو سطیرلری،
حئیران قویور سسینه،
او، گؤیلری، یئرلری.
بو سس اریدیر قیشین،
شاختاسینی، قارینی،
بو سس دیله گتیریر،
سارای دیوارلارینی.
دردی آغیر دئییلدیر،
دردینی بیلمه‌ینین.
دردی یامان آغیردیر،
سئویب-سئویلمه‌ینین!
دردینه درد چاتارمی،
هم سئویب، هم سئویلیب،
عشقی یئتیم قالانین-
هم اؤزو، هم عاشیقی،
بیر آلچاغین الینده،
غول اولوب آلچالانین؟...
#بختیار_واهابزاده
#شعر_اوجاغی
@SheirOcagi
داوامی وار.
...بو احوالاتدان سونرا،
هله بیر نئچه آی دا،
ساخلادیلار لئیلانی،
محبوس کیمی سارایدا.
لئیلا سولدو، سارالدی،
خزان ووران باغ کیمی.
سیزلادی گئجه-گوندوز،
یاغسیز بیر چیراق کیمی.
اوره‌یینین دردینی،
دئدی او بختی قارا،
گوندوزلر بولودلارا،
گئجه‌لر اولدوزلارا.
یوخوسو دا گئجه‌لر،
اوچوب عرشه چکیلدی،
صوبحه قدر گؤزلری،
شام چیراغا دیکیلدی.
دئدی: - سن ده یانیرسان،
منده... بیر فرقیمیز وار.
یانغی ائله یانغی‌دیر،
بو فرق بیزی آییرار:
سن گئجه‌لر یانیرسان،
منسه، منسه، ائی چیراق!
هم گئجه‌لر یانیرام،
هم گوندوزلر... درده باخ!
ظولم‌لر، ایشگنجه‌لر،
سارسیتدی آنجاق اونو.
فضولی‌نین وئردیگی-
او قیزیل مئدالیونو،
سینه‌سینه باساراق،
هیچقیریر صوبحه قدر.
فضولی‌نین یازدیغی،
کؤنول یاخان غزل‌لر،
سارای دیوارلارینی،
دلیب کئچیر بیر آندا،
بو غزل‌لر گول آچیر،
قیزین دوداقلاریندا:
«آشیانِ مرغِ دل، زلفِِ پریشانیندادیر،
هاردا اولسان، ای پری، کؤنلوم سنین یانیندادیر.
عشق دردی‌یله خوشام، ال چک علاجیمدان، طبیب!
قیلما درمان، کیم هلاکیم زهرِ درمانیندادیر..
بس کی، هجرانیندادیر خاصیّتِ قطعِ حیات،
اول حیات اهلینه حئیرانام کی، هجرانیندادیر»
موغام اوسته اوخویور،
لئیلا بو سطیرلری،
حئیران قویور سسینه،
او، گؤیلری، یئرلری.
بو سس اریدیر قیشین،
شاختاسینی، قارینی،
بو سس دیله گتیریر،
سارای دیوارلارینی.
دردی آغیر دئییلدیر،
دردینی بیلمه‌ینین.
دردی یامان آغیردیر،
سئویب-سئویلمه‌ینین!
دردینه درد چاتارمی،
هم سئویب، هم سئویلیب،
عشقی یئتیم قالانین-
هم اؤزو، هم عاشیقی،
بیر آلچاغین الینده،
غول اولوب آلچالانین؟...
#بختیار_واهابزاده
#شعر_اوجاغی
@SheirOcagi
داوامی وار.
▫️مین نغمه نوتو وار بیر قوش سسینده..
نه غملی اوخویور بو بولبول، آللاه!
مین نغمه نوتو وار بیر قوش سسینده.
بلکه ده عؤمرومده بیر شیرین آن وار،
یقین او دا گلر سون نفَسیمده.
اؤلوم مله‌یینین قارا اللری،
سئیرک ساچلاریم‌لا اَیله‌نیر، آنا!
سولاردا اوزمه‌یی اؤیره‌نن آدام،
هم ده بوغولماغی اؤیره‌نیر، آنا!
قورخورام بو یاغیش ایسلادا منی،
او قیز دا الینده چتیر گلمه‌یه.
سئوگینین دادینی بیلمه‌یه آدام،
اؤلمک ده آداما چتین گلمه‌یه.
#علیزاده_نوری
#شعر_اوجاغی
@SheirOcagi
نه غملی اوخویور بو بولبول، آللاه!
مین نغمه نوتو وار بیر قوش سسینده.
بلکه ده عؤمرومده بیر شیرین آن وار،
یقین او دا گلر سون نفَسیمده.
اؤلوم مله‌یینین قارا اللری،
سئیرک ساچلاریم‌لا اَیله‌نیر، آنا!
سولاردا اوزمه‌یی اؤیره‌نن آدام،
هم ده بوغولماغی اؤیره‌نیر، آنا!
قورخورام بو یاغیش ایسلادا منی،
او قیز دا الینده چتیر گلمه‌یه.
سئوگینین دادینی بیلمه‌یه آدام،
اؤلمک ده آداما چتین گلمه‌یه.
#علیزاده_نوری
#شعر_اوجاغی
@SheirOcagi
بایاتی
▫️بو قالا بیزیم قالا،
همیشه بیزیم قالا.
تیکمه‌دیم اؤزوم قالام،
تیکدیم کی ایزیم قالا.
#خودو_ممدوو
#شعر_اوجاغی
@SheirOcagi
▫️بو قالا بیزیم قالا،
همیشه بیزیم قالا.
تیکمه‌دیم اؤزوم قالام،
تیکدیم کی ایزیم قالا.
#خودو_ممدوو
#شعر_اوجاغی
@SheirOcagi
▫️بوگونکو ساواشلاردا تک توپ‌لار، توفنگ‌لر دئییل؛ هر مملکتین ادبیات و فلسفه‌سی ایله بسله‌نن بئیین‌لر ده آیریجا اؤنملی‌دیر.
#حسین_جاوید
#شعر_اوجاغی
@SheirOcagi
#حسین_جاوید
#شعر_اوجاغی
@SheirOcagi
▫️قلب ایسینمز ایشارتیدان،
گؤز ائیله‌مه قاش آلتیندان!
الین چیخیب داش آلتیندان،
آل او داشی، وور باشیما!
ایندی یار-یولداشی قینا،
ائل بیشیرن آشی قینا!
کیشمیش چیخیر قاشیغینا،
سن دور، زهَر قات آشیما!
قالدین قوورولا-قوورولا،
کولو سوورولا-سوورولا.
منیم یاخشیم چیخیر یولا،
سنین یامانین قارشیما.
بدخواه‌لاری خوار گؤرموشم،
اوجاغی کول، اوتو هشَم،
من چوخداندیر گول اکمیشم،
سن تیکان اکدیگین شوما.
#موسی_یعقوب
#شعر_اوجاغی
@SheirOcagi
گؤز ائیله‌مه قاش آلتیندان!
الین چیخیب داش آلتیندان،
آل او داشی، وور باشیما!
ایندی یار-یولداشی قینا،
ائل بیشیرن آشی قینا!
کیشمیش چیخیر قاشیغینا،
سن دور، زهَر قات آشیما!
قالدین قوورولا-قوورولا،
کولو سوورولا-سوورولا.
منیم یاخشیم چیخیر یولا،
سنین یامانین قارشیما.
بدخواه‌لاری خوار گؤرموشم،
اوجاغی کول، اوتو هشَم،
من چوخداندیر گول اکمیشم،
سن تیکان اکدیگین شوما.
#موسی_یعقوب
#شعر_اوجاغی
@SheirOcagi
▫️بیز ائله مخلوقلاریق کی، بعضاً ملک‌لر اینسان اولمادیقلارینا گؤره اوزولور، بعضاً ده شیطانلار اینسان اولمادیقلارینا گؤره شوکور ائدیرلر.
#مولانا_جلال‌الدین_رومی
#شعر_اوجاغی
@SheirOcagi
#مولانا_جلال‌الدین_رومی
#شعر_اوجاغی
@SheirOcagi
▫️خیاوان تک یؤنلو اولسا دا، یئنه ساغیمی-سولومو گؤزَتله‌ییرم؛
چونکی من هم دوستدان ضربه یئمیشم، هم دوشمندن.
#بهروز_وثوقی
#شعر_اوجاغی
@SheirOcagi
چونکی من هم دوستدان ضربه یئمیشم، هم دوشمندن.
#بهروز_وثوقی
#شعر_اوجاغی
@SheirOcagi
Forwarded from اتچ بات
▫️ییخیلا-ییخیلا
سن نئجه سئویرسن منی؟
ساحیللرده، سینما قاپیلاریندا، یاغیشدا، گؤزلرینده، زئیتوندا، اللرینده، پامبیق تارلالاریندا،
گولوشونده، اویناق ماهنیلاردا،
ییخا-ییخا سئویرسن منی،
من ییخیلا-ییخیلا.
دوشونجه‌مین یورغون قالابالیغیندا،
اومیدیمین چیخماز کوچه‌لرینده،
سنه باغلانمانین دریا دنیزی،
ساچلارینا توخونمانین عاصی‌لیگی،
چاره‌سیزلیگینده، حسرتینده ایتمه‌نین
بئله سئویرم سنی،
قلبیمدن قان آخا-آخا،
بئله ییخیلا-ییخیلا.
یالنیزلیغیمین قوشلاریندا اوچاری،
فیکریمین زیندانیندا محبوس،
دوغوم گونومون اؤلوم اِعلانینداسان.
عؤمورلوک حبس گئیمیش بیر عشق‌دیر بو.
اینفاذی* یانمیش،
یاخشی حالی قالمامیش،
سون اومید صهباسیز کؤنلونون دارآغاجیندا.
بئله سئویرم سنی،
بئله، ییخیلا-ییخیلا.
بوتون ثوابلاریمی، گئدرکن یانیندا گؤتورن گوناهیمسان.
سن نئجه لئیلاسان بئله؟
هپ ییخا-ییخا،
من ییخیلا-ییخیلا.
«خوشجا قال» دئیینجه، آخشامی پنجره‌لریمه ائندیرن،
داغلاریمین یالنیز قوردلارینی کوسدورن،
چکیب گئدینجه.
قاتار-قاتار کؤنول دورنالاریمی هورکودن،
گولونجه.
اومید تارلالاریمین قوراقلیغیندا،
بیر اورمان بؤیویور سن گلینجه.
قیامتیم اولور،
نفَسین نفَسیمه دَیینجه.
بیر شئی یئریییر ایچیمین عاصی نهریندن قیزیل دنیزینه،
سنی بئله سئوینجه.
بئله سن یاندیرا-یاندیرا،
من ییخیلا-ییخیلا.
آرتیق ساده‌جه یاریسی ییرتیق بیر فوتوقرافدا سببیمه دلیل‌سن،
سن آنلامایا-آنلامایا،
من ییخیلا-ییخیلا.
یالنیزلیغیمین قوشلاریندا اوچاری،
فیکریمین زیندانیندا محبوس،
دوغوم گونومون اؤلوم اعلانینداسان.
بوتون ثوابلاریمی، گئدرکن یانیندا گؤتورن گوناهیمسان.
سن نئجه لئیلاسان بئله؟
هپ ییخا-ییخا،
من ییخیلا-ییخیلا...
#ابراهیم_صدری
* بیر قراری، بیر یارغینی یئرینه یئتیرمک، اویغولاما
#شعر_اوجاغی
@SheirOcagi
سن نئجه سئویرسن منی؟
ساحیللرده، سینما قاپیلاریندا، یاغیشدا، گؤزلرینده، زئیتوندا، اللرینده، پامبیق تارلالاریندا،
گولوشونده، اویناق ماهنیلاردا،
ییخا-ییخا سئویرسن منی،
من ییخیلا-ییخیلا.
دوشونجه‌مین یورغون قالابالیغیندا،
اومیدیمین چیخماز کوچه‌لرینده،
سنه باغلانمانین دریا دنیزی،
ساچلارینا توخونمانین عاصی‌لیگی،
چاره‌سیزلیگینده، حسرتینده ایتمه‌نین
بئله سئویرم سنی،
قلبیمدن قان آخا-آخا،
بئله ییخیلا-ییخیلا.
یالنیزلیغیمین قوشلاریندا اوچاری،
فیکریمین زیندانیندا محبوس،
دوغوم گونومون اؤلوم اِعلانینداسان.
عؤمورلوک حبس گئیمیش بیر عشق‌دیر بو.
اینفاذی* یانمیش،
یاخشی حالی قالمامیش،
سون اومید صهباسیز کؤنلونون دارآغاجیندا.
بئله سئویرم سنی،
بئله، ییخیلا-ییخیلا.
بوتون ثوابلاریمی، گئدرکن یانیندا گؤتورن گوناهیمسان.
سن نئجه لئیلاسان بئله؟
هپ ییخا-ییخا،
من ییخیلا-ییخیلا.
«خوشجا قال» دئیینجه، آخشامی پنجره‌لریمه ائندیرن،
داغلاریمین یالنیز قوردلارینی کوسدورن،
چکیب گئدینجه.
قاتار-قاتار کؤنول دورنالاریمی هورکودن،
گولونجه.
اومید تارلالاریمین قوراقلیغیندا،
بیر اورمان بؤیویور سن گلینجه.
قیامتیم اولور،
نفَسین نفَسیمه دَیینجه.
بیر شئی یئریییر ایچیمین عاصی نهریندن قیزیل دنیزینه،
سنی بئله سئوینجه.
بئله سن یاندیرا-یاندیرا،
من ییخیلا-ییخیلا.
آرتیق ساده‌جه یاریسی ییرتیق بیر فوتوقرافدا سببیمه دلیل‌سن،
سن آنلامایا-آنلامایا،
من ییخیلا-ییخیلا.
یالنیزلیغیمین قوشلاریندا اوچاری،
فیکریمین زیندانیندا محبوس،
دوغوم گونومون اؤلوم اعلانینداسان.
بوتون ثوابلاریمی، گئدرکن یانیندا گؤتورن گوناهیمسان.
سن نئجه لئیلاسان بئله؟
هپ ییخا-ییخا،
من ییخیلا-ییخیلا...
#ابراهیم_صدری
* بیر قراری، بیر یارغینی یئرینه یئتیرمک، اویغولاما
#شعر_اوجاغی
@SheirOcagi
Telegram
attach 📎
دیالوق
▫️یالنیزلیق، سئودیگین آدامین یانیندا اوتوروب اؤزونو یالنیز حیسّ ائتمکدن یاخشی‌دیر.
📽 Before Sunset
2004 آمریکا
#ریچارد_لینکلیتر
#شعر_اوجاغی
@SheirOcagi
▫️یالنیزلیق، سئودیگین آدامین یانیندا اوتوروب اؤزونو یالنیز حیسّ ائتمکدن یاخشی‌دیر.
📽 Before Sunset
2004 آمریکا
#ریچارد_لینکلیتر
#شعر_اوجاغی
@SheirOcagi
▫️بوتون یئنیلیک‌لر، خیال کیمی گؤرونن دوشونجه‌لرین آرخاسینجا گئدیلرکن تاپیلیب.
#خودو_ممدوو
#شعر_اوجاغی
@SheirOcagi
#خودو_ممدوو
#شعر_اوجاغی
@SheirOcagi
▫️اولمادی.
یوز دفعه اؤلدوم-دیریلدیم،
بو آدام، آدام اولمادی.
چیراق اولدوم، ایشیغیمی-
سالماغا بیر دام اولمادی.
سسله‌دیم، حاق «لالام» دئدی،
«کئچمه، چتین یولام» دئدی.
یوزو منه «بالام» دئدی،
هئچ بیری آنام اولمادی.
بو یاش مندن نه‌لر چکدی!
بو توی مندن نمَر* چکدی.
سئوینج، آخشام گله‌جکدی،
گؤزله‌دیم، آخشام اولمادی.
دوست الینده گوللـه توتدوم،
گوللـه‌سینی گوله توتدوم.
اؤلومو چوخ دیله توتدوم،
ظالیم اوغلو خام اولمادی.
#علیزاده_نوری
* خالق عادتینجه تویدا، نیشاندا پایلانان شیرنی، پول و...
#شعر_اوجاغی
@SheirOcagi
یوز دفعه اؤلدوم-دیریلدیم،
بو آدام، آدام اولمادی.
چیراق اولدوم، ایشیغیمی-
سالماغا بیر دام اولمادی.
سسله‌دیم، حاق «لالام» دئدی،
«کئچمه، چتین یولام» دئدی.
یوزو منه «بالام» دئدی،
هئچ بیری آنام اولمادی.
بو یاش مندن نه‌لر چکدی!
بو توی مندن نمَر* چکدی.
سئوینج، آخشام گله‌جکدی،
گؤزله‌دیم، آخشام اولمادی.
دوست الینده گوللـه توتدوم،
گوللـه‌سینی گوله توتدوم.
اؤلومو چوخ دیله توتدوم،
ظالیم اوغلو خام اولمادی.
#علیزاده_نوری
* خالق عادتینجه تویدا، نیشاندا پایلانان شیرنی، پول و...
#شعر_اوجاغی
@SheirOcagi
▫️آداملارین بوش اینانجلاریندان، چوخ فایدالانماق اولار.
بو میلّت، دئمک اولار کی بیر-بیرینه بنزه‌ییرلر؛ نه یاخشی‌دیرلار، نه پیس. ساده‌جه آخماق‌دیرلار.
#آگاتا_کریستی
#شعر_اوجاغی
@SheirOcagi
بو میلّت، دئمک اولار کی بیر-بیرینه بنزه‌ییرلر؛ نه یاخشی‌دیرلار، نه پیس. ساده‌جه آخماق‌دیرلار.
#آگاتا_کریستی
#شعر_اوجاغی
@SheirOcagi
|شعر اوجاغی|
▫️ایکی حؤکمدار 12 ...بو احوالاتدان سونرا، هله بیر نئچه آی دا، ساخلادیلار لئیلانی، محبوس کیمی سارایدا. لئیلا سولدو، سارالدی، خزان ووران باغ کیمی. سیزلادی گئجه-گوندوز، یاغسیز بیر چیراق کیمی. اوره‌یینین دردینی، دئدی او بختی قارا، گوندوزلر بولودلارا، گئجه‌لر…
▫️ایکی حؤکمدار 13
... خان گؤزله‌دی، گؤزله‌دی،
چاتمادی آرزوسونا.
قیزین عینادکارلیغی،
چوخ آغیر گلدی اونا.
چوخ دوشوندو، نهایت-
حیله‌لره ال آتدی،
بیر گئجه قول گوجونه،
مقصدینه او، چاتدی.
سارای اهلی جار چکیب
خبر یایدی هر یئره:
لئیلا سورگون ائدیلمیش،
بغداددان یاد ائللره.
او گوندن ده فضولی،
دره آشدی، داغ آشدی،
اوبالاری، ائللری،
اویماق-اویماق دولاشدی.
شعیر دئدی، اینله‌دی،
او «لئیلا...لئیلا» دئیه.
یارالی آهو کیمی،
باش ووردو هر شنلیگه.
کئچدیگی هر اوبادان،
لئیلانی خبر آلدی.
او، اؤز محبّتی‌یله،
اوجالدی، هئی اوجالدی.
او گؤردو قاسیرغا دا،
گؤردو شاختا دا، قار دا.
«گؤردوم» دئین اولمادی،
لئیلانی بیر دیاردا.
گونش سارالدی گئتدی،
گویلره دالدی گئتدی.
آیی لئیلاسی بیلدی،
او دا یان آلدی گئتدی.
«اورک وورور، یورولمور،
کؤنول یانیر، قور اولمور.
سنه باخان گؤزلریم،
نییه سنسیز کور اولمور؟»
فضولی اوبالاری،
گزمکدن یورولمادی.
آنجاق اونون سسینه،
بیر سس وئرن اولمادی.
محبّتی اورکده،
غزل‌لری سینه‌ده.
کور-پشیمان قاییتدی،
او، بغدادا یئنه ده.
اوره‌یینده بوغولدو،
فضولی‌نین حاق سسی،
بولبول‌لرین ناله‌سی،
کولک‌لرین نغمه‌سی.
آهنگ توتدو عاشیقین،
«ناله‌ی دلسوز»ونا.
دالدی دوشونجه‌لره،
خیاللارا او، یئنه.
اونون سونسوز دردلری،
یئتیشمه‌دی داوایا.
او قاییدیب ائوینه،
چکیلدی اِنزوایا.
گئجه-گوندوز دوشونمک،
اونا بیر عادت اولدو.
تسلّیسی بیر خیال،
بیر ده عیبادت اولدو.
او، چوخ معنالار وئریب-
دونیا قیل‌وقالینا،
گؤیلردن جاواب اومدو،
یئرلرین سؤالینا.
فلک‌لر گؤیده چین-چین،
یاندی اونون آهیندان.
آرزوسونون چیراغی،
آلیشمادی بیرجه آن.
اوره‌یینین ناله‌سی،
«آمان» سسی، «آه» سسی،
یانانلاری اویاتدی،
بختینی اویاتمادی.
آهی گؤیلره چاتدی،
ظالیم خان'ا چاتمادی.
آلنیندا ایزلر آچدی،
عذابلاری خیش کیمی.
اینله‌دی چؤلده بیتن،
یارالی قامیش کیمی.
#بختیار_واهابزاده
#شعر_اوجاغی
@SheirOcagi
داوامی وار.
... خان گؤزله‌دی، گؤزله‌دی،
چاتمادی آرزوسونا.
قیزین عینادکارلیغی،
چوخ آغیر گلدی اونا.
چوخ دوشوندو، نهایت-
حیله‌لره ال آتدی،
بیر گئجه قول گوجونه،
مقصدینه او، چاتدی.
سارای اهلی جار چکیب
خبر یایدی هر یئره:
لئیلا سورگون ائدیلمیش،
بغداددان یاد ائللره.
او گوندن ده فضولی،
دره آشدی، داغ آشدی،
اوبالاری، ائللری،
اویماق-اویماق دولاشدی.
شعیر دئدی، اینله‌دی،
او «لئیلا...لئیلا» دئیه.
یارالی آهو کیمی،
باش ووردو هر شنلیگه.
کئچدیگی هر اوبادان،
لئیلانی خبر آلدی.
او، اؤز محبّتی‌یله،
اوجالدی، هئی اوجالدی.
او گؤردو قاسیرغا دا،
گؤردو شاختا دا، قار دا.
«گؤردوم» دئین اولمادی،
لئیلانی بیر دیاردا.
گونش سارالدی گئتدی،
گویلره دالدی گئتدی.
آیی لئیلاسی بیلدی،
او دا یان آلدی گئتدی.
«اورک وورور، یورولمور،
کؤنول یانیر، قور اولمور.
سنه باخان گؤزلریم،
نییه سنسیز کور اولمور؟»
فضولی اوبالاری،
گزمکدن یورولمادی.
آنجاق اونون سسینه،
بیر سس وئرن اولمادی.
محبّتی اورکده،
غزل‌لری سینه‌ده.
کور-پشیمان قاییتدی،
او، بغدادا یئنه ده.
اوره‌یینده بوغولدو،
فضولی‌نین حاق سسی،
بولبول‌لرین ناله‌سی،
کولک‌لرین نغمه‌سی.
آهنگ توتدو عاشیقین،
«ناله‌ی دلسوز»ونا.
دالدی دوشونجه‌لره،
خیاللارا او، یئنه.
اونون سونسوز دردلری،
یئتیشمه‌دی داوایا.
او قاییدیب ائوینه،
چکیلدی اِنزوایا.
گئجه-گوندوز دوشونمک،
اونا بیر عادت اولدو.
تسلّیسی بیر خیال،
بیر ده عیبادت اولدو.
او، چوخ معنالار وئریب-
دونیا قیل‌وقالینا،
گؤیلردن جاواب اومدو،
یئرلرین سؤالینا.
فلک‌لر گؤیده چین-چین،
یاندی اونون آهیندان.
آرزوسونون چیراغی،
آلیشمادی بیرجه آن.
اوره‌یینین ناله‌سی،
«آمان» سسی، «آه» سسی،
یانانلاری اویاتدی،
بختینی اویاتمادی.
آهی گؤیلره چاتدی،
ظالیم خان'ا چاتمادی.
آلنیندا ایزلر آچدی،
عذابلاری خیش کیمی.
اینله‌دی چؤلده بیتن،
یارالی قامیش کیمی.
#بختیار_واهابزاده
#شعر_اوجاغی
@SheirOcagi
داوامی وار.