▫️هئچ بیر شئیی دقیق دئیه‌ بیلمیرم.
بو سون واختلار تئز-تئز بئله‌ اولور. بیر شئی دئمک ایسته‌ییرم، آمّا آغزیمدان تامام باشقا سؤزلر چیخیر. یا دا دئمک ایسته‌دیییمین تام عکسینی دئییرم. سؤزومو دوزَلتمک ایسته‌ینده، داها چوخ دولاشیرام، فیکریم داها چوخ قاریشیر، نه دئمک ایسته‌دیگیم اؤزومون ده یادیمدان چیخیر. ائله بیل ایکی‌یه بؤلونموشم، یا اؤزومدن قاچیرام، یا اؤزومون آرخامجا دوشورم. اورتادا سانکی یوغون بیر دیرک وار و من او دیره‌یین باشینا فیرلاناراق اؤزوم-اؤزومله قاچدی-توتدو اویناییرام. ان گرَکلی سؤزلر ده، همیشه او قاچیب گئدن «من»ده اولور، اونا چاتمایان «من»سه همیشه بئله‌جه قالیرام...

📚 نروژ مئشه‌سی
#هاروکی_موراکامی
#شعر_اوجاغی
@SheirOcagi

▫️گون ایشیغیندا یاشایانلار، گئجه‌ قارانلیغینین درینلیگینی نئجه آنلایا بیلر؟!...

📚 یئلین سسینه قولاق وئر!
#هاروکی_موراکامی
#شعر_اوجاغی
@SheirOcagi

▫️حیات بوش‌دور. آنجاق قورتولوش وار.
دئمک ایسته‌دیگیم: ان باشدا هر شئی بو قدر بوش دئییلدی‌ اصلینده، شخصاً بیز اللشیب ووروشاراق، وار گوجوموزله مشغول اولاراق، معنانین ایچینی بوشالدیب اونو بوم‌بوش حالا گتیردیک...

📚 کوله‌یین موسیقیسینی دینله!
#هاروکی_موراکامی
#شعر_اوجاغی
@SheirOcagi

▫️تک بیر آنادان دوغما یانلیشلیق وار؛ او دا «یاشاییریق، خوشبخت اولماق اوچون» دوشونجه‌سی‌دیر.
بو آنادان دوغما یانلیشیمیزین اوستونده دوردوقجا دونیانی تضادلارلا دولو گؤره‌جه‌ییک..‌.

#هاروکی_موراکامی
#شعر_اوجاغی
@SheirOcagi

▫️ساده‌جه باشقالارین اوخودوغو کیتابلاری اوخوسان، بیر تک باشقالار دوشوندوگو شئیلری دوشونه بیلرسن...

#هاروکی_موراکامی
#شعر_اوجاغی
@SheirOcagi

▫️اطرافیندا جؤولان ائدن فیرتینا، بیتدیکدن سونرا، یاشاماق اوچون نئجه چیرپیندیغینی، نه‌لره تاب گتیردیگینی خاطیرلامایاجاقسان. اصلینده، فیرتینانین دوغرودان دا اؤتوب کئچدیگینه امین اولا بیلمیرسن. آمّا بیر شئی دقیق‌دیر: فیرتینانین جایناغیندان قورتولدوغوندا، داها اؤنجه‌کی آدام اولمایاجاقسان.
باخ، فیرتینا ائله بو دئمک‌دیر!

📚 کافکا ساحیلده
#هاروکی_موراکامی
#شعر_اوجاغی
@SheirOcagi

▫️«رئیکو» دئدی: «بیزیم یاخشی طرفیمیز ده وار. بیز هئچ اولماسا دلی اولدوغوموزو بیلیریک»...

📚 اینتقامین ماهنیسی
#هاروکی_موراکامی
#شعر_اوجاغی
@SheirOcagi

▫️ان گؤزل گولوشلرین آرخاسیندا، ان چوخ سیرّ گیزلی‌دیر. ان گؤزل گؤز ان چوخ گؤزیاشی تؤکوب و ان مئهریبان اورک، ان چوخ درد چکیبدیر...

#هاروکی_موراکامی
#شعر_اوجاغی
@SheirOcagi