▫️داریخیر
سنی سن‌سیزجه گزن کور خییاوانلار داریخیر
و ایچیمدن سوووشان وحشی بورانلار داریخیر
بو سیخیلمیش دوواریندان قوپا بیلمیر اوره‌ییم
جانا حسرت قالالی، جانیما جانلار داریخیر
داریخان گؤیلره باخ، یوللارا سرمیش اوره‌یین
بوینو چیینینده قالان، یولدا قالانلار داریخیر
بئله پوزغوندور ایچیم؛ زیل سسیمی، بم قیناییر
منی تصویره چکن شعره، اوزانلار داریخیر
نئچه مینلر یالانین قوربانی اولموش سئوگیم
سن گئدیرسن، منه بو دادلی یالانلار داریخیر
داها سینمیر دوداغیمدان گولوشوم بیر پارچا
سنلی چاغلاریما هئی یاخشی-یامانلار داریخیر
دئ آنام دا، هله‌لیک ساچلاریمی اوخشاماسین!
«آینار»ام شعریمه سس‌سیزجه جومانلار داریخیر...
#آینار_تبریزلی
@SheirOcagi
سنی سن‌سیزجه گزن کور خییاوانلار داریخیر
و ایچیمدن سوووشان وحشی بورانلار داریخیر
بو سیخیلمیش دوواریندان قوپا بیلمیر اوره‌ییم
جانا حسرت قالالی، جانیما جانلار داریخیر
داریخان گؤیلره باخ، یوللارا سرمیش اوره‌یین
بوینو چیینینده قالان، یولدا قالانلار داریخیر
بئله پوزغوندور ایچیم؛ زیل سسیمی، بم قیناییر
منی تصویره چکن شعره، اوزانلار داریخیر
نئچه مینلر یالانین قوربانی اولموش سئوگیم
سن گئدیرسن، منه بو دادلی یالانلار داریخیر
داها سینمیر دوداغیمدان گولوشوم بیر پارچا
سنلی چاغلاریما هئی یاخشی-یامانلار داریخیر
دئ آنام دا، هله‌لیک ساچلاریمی اوخشاماسین!
«آینار»ام شعریمه سس‌سیزجه جومانلار داریخیر...
#آینار_تبریزلی
@SheirOcagi
▫️ایکی یولداشیق بیز؛
پس داها دا یاخینلاش منه،
ال-اله توتوب
ماهنی‌لار و چؤرک یاراداق!
ندن یولدان،
«بیزی هارایا آپاراجاق؟» دئیه،
سوروشمالی‌ییق؟
سونسوزا قدر بیرلیکده اولماغیمیز، یئتر.
گل، کئچمیشین اوزونتولو ماهنیلارینی اونوداق!
و «عشقیمیز، اؤلومسوز اولاجاق‌می؟»
سوروشمایاق!
سئویرم سنی؛ قافیله، چؤلده بیر واحه‌نی سئودییی کیمی.
بیر آج آدام، بیر تیکه چؤره‌یی سئودییی کیمی.
داشین آراسیندان گؤیرن بیر گؤیرتی کیمی،
ایکی اؤزگه اولاراق،
بیر-بیریمیزه یئتیشدیک.
و ایکی یولداش اولاراق قالاجاغیق،
سونسوزا قدر...
#محمود_درویش
#شعر_اوجاغی
@SheirOcagi
پس داها دا یاخینلاش منه،
ال-اله توتوب
ماهنی‌لار و چؤرک یاراداق!
ندن یولدان،
«بیزی هارایا آپاراجاق؟» دئیه،
سوروشمالی‌ییق؟
سونسوزا قدر بیرلیکده اولماغیمیز، یئتر.
گل، کئچمیشین اوزونتولو ماهنیلارینی اونوداق!
و «عشقیمیز، اؤلومسوز اولاجاق‌می؟»
سوروشمایاق!
سئویرم سنی؛ قافیله، چؤلده بیر واحه‌نی سئودییی کیمی.
بیر آج آدام، بیر تیکه چؤره‌یی سئودییی کیمی.
داشین آراسیندان گؤیرن بیر گؤیرتی کیمی،
ایکی اؤزگه اولاراق،
بیر-بیریمیزه یئتیشدیک.
و ایکی یولداش اولاراق قالاجاغیق،
سونسوزا قدر...
#محمود_درویش
#شعر_اوجاغی
@SheirOcagi
▫️بیر گئرچه‌یی سووونماق ایسته‌سه‌نیز، اؤنجه امین اولون، او ساده‌جه سیزین، گئرچک اولدوغونو برک ایسته‌دییینیز دوشونجه‌نیز اولماسین...!
#نیل_دگراس_تایسون (۱۹۵۸ دوغولو)
آمریکالی آسترال فیزیکچی
#شعر_اوجاغی
@SheirOcagi
#نیل_دگراس_تایسون (۱۹۵۸ دوغولو)
آمریکالی آسترال فیزیکچی
#شعر_اوجاغی
@SheirOcagi
▫️بیز نه‌ییک؟ ایلدیریم، توپراق، سو، کولک
اسَک یئر اوزونون نسیمی کیمی!
یاشایاق، یاشاداق؛ اؤلسک ده اؤلک-
بیر عؤمره سیغمایان "نسیمی" کیمی.
#خلیل_رضا_اولوتورک
@SheirOcagi
اسَک یئر اوزونون نسیمی کیمی!
یاشایاق، یاشاداق؛ اؤلسک ده اؤلک-
بیر عؤمره سیغمایان "نسیمی" کیمی.
#خلیل_رضا_اولوتورک
@SheirOcagi
▫️طبعیم منی گرایلی‌یا،
بو گئجه قوناق ائیله‌دی
قلم توتدو بارماغیمدان
هر شئیی واراق ائیله‌دی.
آنام بیر اوغول ایتیردی
حسرت منده داغ بیتیردی
ساچلاریما قار گتیردی،
گؤزومو بولاق ائیله‌دی.
سئوینج-شادلیق گئندن کئچیب،
عؤمروم هر گون چندن کئچیب،
دونیا، دردین مندن کئچیب،
کؤنلومو یولاق ائیله‌دی.
چیخدی اوزه بو دؤنه ده،
سؤزوم قالمادی سینه‌ده،
وار اولسون دردیم، یئنه ده-
منی اوزو آغ ائیله دی..!
#توحید_نامور (آدلیم)
@SheirOcagi
بو گئجه قوناق ائیله‌دی
قلم توتدو بارماغیمدان
هر شئیی واراق ائیله‌دی.
آنام بیر اوغول ایتیردی
حسرت منده داغ بیتیردی
ساچلاریما قار گتیردی،
گؤزومو بولاق ائیله‌دی.
سئوینج-شادلیق گئندن کئچیب،
عؤمروم هر گون چندن کئچیب،
دونیا، دردین مندن کئچیب،
کؤنلومو یولاق ائیله‌دی.
چیخدی اوزه بو دؤنه ده،
سؤزوم قالمادی سینه‌ده،
وار اولسون دردیم، یئنه ده-
منی اوزو آغ ائیله دی..!
#توحید_نامور (آدلیم)
@SheirOcagi
▫️بیلینمه‌ین بیر حوزون وار ایچیمده؛
بیر غریبلیک.
آنلامیرام کی،
یا من آرتیغام بو شهرده؛
یا دا بیری اسکیک...
#جان_یوجل
@SheirOcagi
بیر غریبلیک.
آنلامیرام کی،
یا من آرتیغام بو شهرده؛
یا دا بیری اسکیک...
#جان_یوجل
@SheirOcagi
▫️اعتیراف
عؤمور-گون یولداشیما
فیکیرلی گلیرم، دالغین گلیرم
قایغیلی گؤزلرین، چکیر شکلیمی
بعضن گئج گلیرم، یورغون گلیرم
بیتیرسن قاپیدا بنؤوشه کیمی.
بلکه مین سوچومو بیلمیسن منیم
بیرینی اوزومه وورمامیسان هئچ
ایهاملا اوزومه گولموسن منیم
بیرجه یول اوزومه دورمامیسان هئچ
هر کس طالعی‌له گلیر حیاتا
دئمیرم اوره‌یی یومشاق اولموشام
دجل اوشاقلارا مولاییم آتا
سنینچون ان دجل اوشاق اولموشام
سنسن داغلار کیمی صبرله دؤزن
بلکه تردّودله، چوخ دؤیوشموسن
ایستی بیر سئوگیدن یازمیشام بعضن
سویوموش چاییمی سن دَییشمیسن
اوزومده کدردن بیر ایز گؤرنده،
شیرینیم اولموسان، آجیم اولموسان
قوهومدان، تانیشدان پیس اوز گؤرنده،
سن آنام اولموسان، باجیم اولموسان.
بیر کؤورک شعریمدن گؤزلرین دولوب
نه دئییم، اؤزگه‌دن چوخ یازیب قلم
نه قدر دویونلو گونوموز اولوب
دویونلو قاشینی گؤرمه‌میشم من
بیر الین مطبخده، قابدا- قاشیقدا
بیر گؤزون ایستیده، توستوده اولوب
بیر الین بئشیکده، اوغول-اوشاقدا
بیر گؤزون همیشه اوستومده اولوب
یوللار چارپاز-چارپاز، یوللار قاریشیق
گئجه یول گئدیرم قولاغی سسده
بیزیم پنجره‌دن سوزولن ایشیق،
گؤزونون نورو دور یولومون اوسته
فیکیرلی گلیرم، دالغین گلیرم
قایغیلی گؤزلرین چکیر شکلیمی
بعضن گئج گلیرم، یورغون گلیرم
بیتیرسن قاپیدا بنؤوشه کیمی...
#نصرت_کسمنلی
@SheirOcagi
عؤمور-گون یولداشیما
فیکیرلی گلیرم، دالغین گلیرم
قایغیلی گؤزلرین، چکیر شکلیمی
بعضن گئج گلیرم، یورغون گلیرم
بیتیرسن قاپیدا بنؤوشه کیمی.
بلکه مین سوچومو بیلمیسن منیم
بیرینی اوزومه وورمامیسان هئچ
ایهاملا اوزومه گولموسن منیم
بیرجه یول اوزومه دورمامیسان هئچ
هر کس طالعی‌له گلیر حیاتا
دئمیرم اوره‌یی یومشاق اولموشام
دجل اوشاقلارا مولاییم آتا
سنینچون ان دجل اوشاق اولموشام
سنسن داغلار کیمی صبرله دؤزن
بلکه تردّودله، چوخ دؤیوشموسن
ایستی بیر سئوگیدن یازمیشام بعضن
سویوموش چاییمی سن دَییشمیسن
اوزومده کدردن بیر ایز گؤرنده،
شیرینیم اولموسان، آجیم اولموسان
قوهومدان، تانیشدان پیس اوز گؤرنده،
سن آنام اولموسان، باجیم اولموسان.
بیر کؤورک شعریمدن گؤزلرین دولوب
نه دئییم، اؤزگه‌دن چوخ یازیب قلم
نه قدر دویونلو گونوموز اولوب
دویونلو قاشینی گؤرمه‌میشم من
بیر الین مطبخده، قابدا- قاشیقدا
بیر گؤزون ایستیده، توستوده اولوب
بیر الین بئشیکده، اوغول-اوشاقدا
بیر گؤزون همیشه اوستومده اولوب
یوللار چارپاز-چارپاز، یوللار قاریشیق
گئجه یول گئدیرم قولاغی سسده
بیزیم پنجره‌دن سوزولن ایشیق،
گؤزونون نورو دور یولومون اوسته
فیکیرلی گلیرم، دالغین گلیرم
قایغیلی گؤزلرین چکیر شکلیمی
بعضن گئج گلیرم، یورغون گلیرم
بیتیرسن قاپیدا بنؤوشه کیمی...
#نصرت_کسمنلی
@SheirOcagi
▫️غم کسسه‌یینی آغیز سویویلا ایسلادیب دیلده هئی توولاییب-توولاییب اودماق گرک!
دئمه‌یه گرک یوخ...
📚 آیین قارانلیق طرفی
#هوشنگ_گلشیری
#شعر_اوجاغی
@SheirOcagi
دئمه‌یه گرک یوخ...
📚 آیین قارانلیق طرفی
#هوشنگ_گلشیری
#شعر_اوجاغی
@SheirOcagi
▫️گئجه‌دیر؛
کیمسه یوخ،
بیر سن، بیر ده من.
ظولمت آسیلمیشدیر پنجره‌لردن
اوتاغیمدا سکوت گؤیلردن درین،
بیر منم،
بیر سکوت،
بیر ده گؤزلرین...
#رسول_ریضا
@SheirOcagi
کیمسه یوخ،
بیر سن، بیر ده من.
ظولمت آسیلمیشدیر پنجره‌لردن
اوتاغیمدا سکوت گؤیلردن درین،
بیر منم،
بیر سکوت،
بیر ده گؤزلرین...
#رسول_ریضا
@SheirOcagi
▫️آدی قار ایدی؛
گؤوده‌سی قارلی؛
اوره‌یی قاردان
و چیرپینتیسی،
سوواقلی داملارین اوستونه،
قار سوزولمه‌سینین سسی.
و من اونو،
قار اوچقونونون آلتیندا سینان بوداق کیمی،
سئویردیم...
#بیژن_الهی
چئویری
#شعر_اوجاغی
@SheirOcagi
گؤوده‌سی قارلی؛
اوره‌یی قاردان
و چیرپینتیسی،
سوواقلی داملارین اوستونه،
قار سوزولمه‌سینین سسی.
و من اونو،
قار اوچقونونون آلتیندا سینان بوداق کیمی،
سئویردیم...
#بیژن_الهی
چئویری
#شعر_اوجاغی
@SheirOcagi
▫️نه آزادم بو عالمده، نه الده اختیاریم وار
نه غصّه ال چکیر مندن، نه دیلده بیر قراریم وار
قفسده ساخلامیش ظالیم، فغانیمدن آلیر لذّت
تصوّر ائیله‌مز، گون تک منوّر بیر شعاریم وار
دیلیم داغلی، گؤزوم باغلی، قولاغیم کار، اوزوم گولمز
گونه حسرت قالان، گولسوز، صفاسیز لاله زاریم وار
نه‌چون من اولماییم محزون، اورکدن ائتمه‌ییم ناله؟
هر آددیمدا معیّن‌دیر، قازیلمیش بیر مزاریم وار
بئله لاقید گؤردوکده، منی طعن ائتمه‌یین یاران!
سارای‌سیز، ائل‌سیز اینسانم، نه یوردوم، نه دیاریم وار
نه فرهادم چاپام داغی، دیلیمده کلمه‌ی «شیرین»
نه مجنونام، نه صنعانم، نه لئیلی‌م، نه خوماریم وار
ازلدن من بیلیردیم کی، گؤزل‌لر چوخ وفاسیزدیر
اودور آتدیم مئیی عشقی؛ نه یاریم، نه نیگاریم وار
اؤلوم خوشدور؛ چیخ ای روحوم، بو جسم ناتوانیمدان!
نه تسلیم اولماغا مئیلیم، نه دهره اعتباریم وار
زاواللی خلقینین دردین گرکدیر «بی‌ریا» چکسین
بو یولدا قانیما باتسام، بؤیوک بیر افتخاریم وار...
#محمد_بی‌ریا
@SheirOcagi
نه غصّه ال چکیر مندن، نه دیلده بیر قراریم وار
قفسده ساخلامیش ظالیم، فغانیمدن آلیر لذّت
تصوّر ائیله‌مز، گون تک منوّر بیر شعاریم وار
دیلیم داغلی، گؤزوم باغلی، قولاغیم کار، اوزوم گولمز
گونه حسرت قالان، گولسوز، صفاسیز لاله زاریم وار
نه‌چون من اولماییم محزون، اورکدن ائتمه‌ییم ناله؟
هر آددیمدا معیّن‌دیر، قازیلمیش بیر مزاریم وار
بئله لاقید گؤردوکده، منی طعن ائتمه‌یین یاران!
سارای‌سیز، ائل‌سیز اینسانم، نه یوردوم، نه دیاریم وار
نه فرهادم چاپام داغی، دیلیمده کلمه‌ی «شیرین»
نه مجنونام، نه صنعانم، نه لئیلی‌م، نه خوماریم وار
ازلدن من بیلیردیم کی، گؤزل‌لر چوخ وفاسیزدیر
اودور آتدیم مئیی عشقی؛ نه یاریم، نه نیگاریم وار
اؤلوم خوشدور؛ چیخ ای روحوم، بو جسم ناتوانیمدان!
نه تسلیم اولماغا مئیلیم، نه دهره اعتباریم وار
زاواللی خلقینین دردین گرکدیر «بی‌ریا» چکسین
بو یولدا قانیما باتسام، بؤیوک بیر افتخاریم وار...
#محمد_بی‌ریا
@SheirOcagi
▫️یاشلی اوشاق
قارشیزدا بیر اوشاق بوینونو بوروب
ائله بیل دونیادان الینی قیریب
بلکه ده کؤکسونده سؤز تونقال قوروب
او دینمک ایسته‌ییر، دیندیرین اونو!
آغاجدان آت مینمک ایسته‌میر داها
بو گوندن بویلانیر باخیر صاباحا
قورخمايين! باتمازسیز هئچ ده گوناها
زامانین آتینا میندیرین اونو!
هؤرومچک قوخولو بوش پیلله‌لردن،
آیاقلار سویروشن یاش پیلله‌لردن،
پالچیق شاپالاق‌لی داش پيلله‌لردن،
او ائنمک ایسته‌ییر، ائندیرین اونو!
دئمه‌یین «اوشاق‌دیر، او نه‌یی قانیر؟!»
بلکه ده او سیزی بیر اوشاق سانیر
سویوق باخیش‌لاردان اود توتوب یانیر
قویمایین کول اولا، سؤندورون اونو...!
#علی_جوادپور
@SheirOcagi
قارشیزدا بیر اوشاق بوینونو بوروب
ائله بیل دونیادان الینی قیریب
بلکه ده کؤکسونده سؤز تونقال قوروب
او دینمک ایسته‌ییر، دیندیرین اونو!
آغاجدان آت مینمک ایسته‌میر داها
بو گوندن بویلانیر باخیر صاباحا
قورخمايين! باتمازسیز هئچ ده گوناها
زامانین آتینا میندیرین اونو!
هؤرومچک قوخولو بوش پیلله‌لردن،
آیاقلار سویروشن یاش پیلله‌لردن،
پالچیق شاپالاق‌لی داش پيلله‌لردن،
او ائنمک ایسته‌ییر، ائندیرین اونو!
دئمه‌یین «اوشاق‌دیر، او نه‌یی قانیر؟!»
بلکه ده او سیزی بیر اوشاق سانیر
سویوق باخیش‌لاردان اود توتوب یانیر
قویمایین کول اولا، سؤندورون اونو...!
#علی_جوادپور
@SheirOcagi
▫️گؤردوم،
دینج صوبحون لاپ باشیندان،
هئی گؤیرچین قانادی،
و تزه نانه‌نین نمیشلیک اییسی گلیر.
دئمه، سن گله‌جکمیشسن...
و من بیلمیردیم!
دردین منیم صبیرسیز و آغلاماقلی جانیما!
بس منیم بو قدر سس‌سیز آییمدا-ایلیمده،
هاردایدین...؟
#سیدعلی_صالحی
#شعر_اوجاغی
@SheirOcagi
دینج صوبحون لاپ باشیندان،
هئی گؤیرچین قانادی،
و تزه نانه‌نین نمیشلیک اییسی گلیر.
دئمه، سن گله‌جکمیشسن...
و من بیلمیردیم!
دردین منیم صبیرسیز و آغلاماقلی جانیما!
بس منیم بو قدر سس‌سیز آییمدا-ایلیمده،
هاردایدین...؟
#سیدعلی_صالحی
#شعر_اوجاغی
@SheirOcagi
سهندي دومان آليب
ياشيل دونو ساراليب
بوردا بير غريب اؤلوب،
اؤلوسو يئرده قاليب.
▫️من يارانان گوندن دردلی يارانديم
«وای ننه» چاغيرار بيزده دردلی‌لر.
آغلاديم، قيشقيرديم، باغيرديرم، سانديم
آنا وطنيم وار، قايغيمی چكر.
سن دئمه ازلدن يتيم‌ميشم من
آنا يورددان، آنا وطندن ساری.
بونو گيزله‌ميشدی هاميلار مندن
حاق قارغيسين اينسان آلدادان‌لاری!
ائله‌ده قايغيسيز، السيز، آياقسيز،
توللانديم حياتين بورقانلارينا
بالتاسيز، ناجاقسيز، داياناجاقسيز،
آتيلديم طالعين عومّانلارينا.
ايليشه‌ـايليشه ايليشيم‌لره،
سيريمسه‌ديم، بويا-باشا يئتيشديم.
يانغينلارا آتيلسام دا مين كره،
يانيب كول اولماديم؛ قايناديم، بيشديم.
آز-ماز گؤز-قولاغيم آچيلان زامان،
گؤردوم هاميلارين آدی-سانی وار
بير منيم آديما دئييرلر «جيرتدان»
هر كسين ائل-گونو، دودمانی وار.
بو دردن، بو غمدن يانديم، آليشديم
حسرتيم داغلاری، داشی يانديردی.
كول اولوبان تورپاقلارا قاريشديم
آلوووم قورونو، ياشی يانديردی.
من ده مجنون كيمی دوشدوم چؤل‌لره
لئيلام ايسه يوردوم، وطنيم اولدو.
چوخ دولانديم، باش اوزاتديم هر يئره
آياقلاريم قابار چالدی، يورولدو.
سحر-آخشام يول‌لار اوسته دايانديم
گلندن-گئدندن خبر سوروشدوم
سوراق آلانماديم، آنجاق بوشانديم
گئت-گئده حسرته، غم‌لره يانديم.
بير گون بير قوجايا توش گلديم، سوردوم
گؤردوم گيزلی-گيزلی منه گؤز ووردو.
وارديم خلوت يئره، يولوندا دوردوم
اليمه كؤهنه بير كيتاب قيسديردی.
اوخودوم، ديرچَلديم، آياغا قالخديم
شيمشك اولوب چاخديم، وولكانا دؤندوم.
بولود تك كيشنه‌ديم، سئل اولوب آخديم
كؤكسو داغ، دالغالی عومّانا دؤندوم.
وارليغيمی دانان قلبه‌زنلرله،
يامان ياخالاشديم، يامان ووروشدوم.
يالان-پالانلارين تاپشيرديم يئله
حاقسيزليغا قارشی يامان ووروشدوم.
اورك سؤزلريمی، حاق سؤزلريمی،
قايا كيمی دوشمان كؤكسونه ووردوم.
غصبكارا جومرد بابالار كيمی،
گاه قان قوسدوروبان، گاه قان اوتدوردوم.
اليمدن زينهارا، زارا گلن‌لر،
كؤپك كوشگورتدولر، ايت بوراخديلار.
حاق سؤزومه جاواب وئره‌نمه‌ين‌لر،
قدداره قوللانيب، قمه تاخديلار.
گوجوم گوجلرينه چاتانماديقدا،
هر طرفدن منی دؤوره‌له‌ديلر.
سونگونو بؤيرومه سانجيب آديما،
«وطنسيز» دئديلر، نه‌لر دئديلر!
يئنه داغلار كيمی دوردوم، دايانديم
نه چكينديم، نه ده سؤزومو چاشديم.
محكمه‌لرينی اگلنجه سانديم
دنيز كيمی جوشدوم، كوكره‌ديم، داشديم.
آياغی كونده‌لی، قوللاری باغلی،
سسيمی اوجالتديم، آچديم ديليمی
اوره‌یی غوبارلی، سينه‌سی داغلی،
دئديم هر درديمی، هر نيسگيليمی.
ائی عيرق افسانه‌سين اوزه چكن‌لر!
روحونوزو شيطان چوشلاييب بوتون.
قارداش قيرغينينا توخوم اكن‌لر!
اكديينيزه پئشمان اولارسيز بير گون.
بير پارا سؤزو، چوخ اوزه چكمه‌يين!
بوش سانمايين بئله چوخ دا مئيدانی!
قيپچينين! بو قدر سوخمايين گؤزه-
آنانيزدان قالان كيرلی تومانی!
كاش بو «تميز نژاد!»، «پاك قان!»لاريزلا،
هيتلرين ديرناغی اولابيله‌يديز.
خام خياللار، گولونج يالانلاريزلا،
قوبلزلردن عيبرت آلا بيله‌يديز!
گئده‌يديز برلينه يادا لوندونا،
اوستون نژادلارين گؤره‌يديز حالين.
بلكه سيغينايديز اينسان قوينونا
سونون دوشونه‌يديز بوش خياللارين.
گؤره‌يديز مئيدانا چوخ گئج گليبسيز
معركه ييغيشيب، اويون قورتولوب
بوش يئره چاپيبان، آت ترله‌ديبسيز
گلين اركك چيخيب؛ توی باطيل اولوب.
گؤره‌يديز خالقلار قالخيب آياغا،
وارليغين، منليگين آختارير سين-سين.
كيمسه نه نؤكردير، نه ده کی آقا
نه ايستر ازيلسين، نه ده كی ازسين.
تاريخ كدرلنمز گوزگويه بنزر
اوندا گؤرمك اولار اَیرينی-دوزو.
بير مصلحتيم وار، دينله‌سز اگر:
بو آينادا گؤرون اؤز-اؤزونوزو!
ظن‌ّ ائتمه‌يين يئنه قلم سيزده‌دير،
سيزلره مخصوصدور كيتابخانالار!
آغی قارا يازماق الينيزده‌دير،
يوخ...! بو گون ميليونلار باشا دوشن وار.
ديره‌شه بيلسه‌ده كيم حقيقت‌له،
خالقی آلدادانمير، اؤزو آلدانير.
ديزه چؤكدورولسه ميليون گاليله،
يئنه يئر دولانير، يئنه فيرلانير.
چوخ ياخشی بيليرسيز فيريلداقچی‌لار!
من نه وطنسيزم، نه ده گؤبَلك.
دوغما دياريم وار، بؤيوك ائليم وار
منيمدير هم كئچميش، هم ده گله‌جك.
منه نه عيرق، نه ده بابا يونتايين!
اؤزوم، اؤز كؤكومو ياخشی تانيرام.
گئدين اؤزونوزه «بابا» آرايين!
سيزين يئرينيزه من اوتانيرام.
قاطيرينيز چوخ دا باش آپارماسين!
قودورمايين بئش گون يايان اولموشام.
منی چوخ دا بئله حقير سانمايين!
ایینه‌می یئینه قییق قوسدورام. 👇
ياشيل دونو ساراليب
بوردا بير غريب اؤلوب،
اؤلوسو يئرده قاليب.
▫️من يارانان گوندن دردلی يارانديم
«وای ننه» چاغيرار بيزده دردلی‌لر.
آغلاديم، قيشقيرديم، باغيرديرم، سانديم
آنا وطنيم وار، قايغيمی چكر.
سن دئمه ازلدن يتيم‌ميشم من
آنا يورددان، آنا وطندن ساری.
بونو گيزله‌ميشدی هاميلار مندن
حاق قارغيسين اينسان آلدادان‌لاری!
ائله‌ده قايغيسيز، السيز، آياقسيز،
توللانديم حياتين بورقانلارينا
بالتاسيز، ناجاقسيز، داياناجاقسيز،
آتيلديم طالعين عومّانلارينا.
ايليشه‌ـايليشه ايليشيم‌لره،
سيريمسه‌ديم، بويا-باشا يئتيشديم.
يانغينلارا آتيلسام دا مين كره،
يانيب كول اولماديم؛ قايناديم، بيشديم.
آز-ماز گؤز-قولاغيم آچيلان زامان،
گؤردوم هاميلارين آدی-سانی وار
بير منيم آديما دئييرلر «جيرتدان»
هر كسين ائل-گونو، دودمانی وار.
بو دردن، بو غمدن يانديم، آليشديم
حسرتيم داغلاری، داشی يانديردی.
كول اولوبان تورپاقلارا قاريشديم
آلوووم قورونو، ياشی يانديردی.
من ده مجنون كيمی دوشدوم چؤل‌لره
لئيلام ايسه يوردوم، وطنيم اولدو.
چوخ دولانديم، باش اوزاتديم هر يئره
آياقلاريم قابار چالدی، يورولدو.
سحر-آخشام يول‌لار اوسته دايانديم
گلندن-گئدندن خبر سوروشدوم
سوراق آلانماديم، آنجاق بوشانديم
گئت-گئده حسرته، غم‌لره يانديم.
بير گون بير قوجايا توش گلديم، سوردوم
گؤردوم گيزلی-گيزلی منه گؤز ووردو.
وارديم خلوت يئره، يولوندا دوردوم
اليمه كؤهنه بير كيتاب قيسديردی.
اوخودوم، ديرچَلديم، آياغا قالخديم
شيمشك اولوب چاخديم، وولكانا دؤندوم.
بولود تك كيشنه‌ديم، سئل اولوب آخديم
كؤكسو داغ، دالغالی عومّانا دؤندوم.
وارليغيمی دانان قلبه‌زنلرله،
يامان ياخالاشديم، يامان ووروشدوم.
يالان-پالانلارين تاپشيرديم يئله
حاقسيزليغا قارشی يامان ووروشدوم.
اورك سؤزلريمی، حاق سؤزلريمی،
قايا كيمی دوشمان كؤكسونه ووردوم.
غصبكارا جومرد بابالار كيمی،
گاه قان قوسدوروبان، گاه قان اوتدوردوم.
اليمدن زينهارا، زارا گلن‌لر،
كؤپك كوشگورتدولر، ايت بوراخديلار.
حاق سؤزومه جاواب وئره‌نمه‌ين‌لر،
قدداره قوللانيب، قمه تاخديلار.
گوجوم گوجلرينه چاتانماديقدا،
هر طرفدن منی دؤوره‌له‌ديلر.
سونگونو بؤيرومه سانجيب آديما،
«وطنسيز» دئديلر، نه‌لر دئديلر!
يئنه داغلار كيمی دوردوم، دايانديم
نه چكينديم، نه ده سؤزومو چاشديم.
محكمه‌لرينی اگلنجه سانديم
دنيز كيمی جوشدوم، كوكره‌ديم، داشديم.
آياغی كونده‌لی، قوللاری باغلی،
سسيمی اوجالتديم، آچديم ديليمی
اوره‌یی غوبارلی، سينه‌سی داغلی،
دئديم هر درديمی، هر نيسگيليمی.
ائی عيرق افسانه‌سين اوزه چكن‌لر!
روحونوزو شيطان چوشلاييب بوتون.
قارداش قيرغينينا توخوم اكن‌لر!
اكديينيزه پئشمان اولارسيز بير گون.
بير پارا سؤزو، چوخ اوزه چكمه‌يين!
بوش سانمايين بئله چوخ دا مئيدانی!
قيپچينين! بو قدر سوخمايين گؤزه-
آنانيزدان قالان كيرلی تومانی!
كاش بو «تميز نژاد!»، «پاك قان!»لاريزلا،
هيتلرين ديرناغی اولابيله‌يديز.
خام خياللار، گولونج يالانلاريزلا،
قوبلزلردن عيبرت آلا بيله‌يديز!
گئده‌يديز برلينه يادا لوندونا،
اوستون نژادلارين گؤره‌يديز حالين.
بلكه سيغينايديز اينسان قوينونا
سونون دوشونه‌يديز بوش خياللارين.
گؤره‌يديز مئيدانا چوخ گئج گليبسيز
معركه ييغيشيب، اويون قورتولوب
بوش يئره چاپيبان، آت ترله‌ديبسيز
گلين اركك چيخيب؛ توی باطيل اولوب.
گؤره‌يديز خالقلار قالخيب آياغا،
وارليغين، منليگين آختارير سين-سين.
كيمسه نه نؤكردير، نه ده کی آقا
نه ايستر ازيلسين، نه ده كی ازسين.
تاريخ كدرلنمز گوزگويه بنزر
اوندا گؤرمك اولار اَیرينی-دوزو.
بير مصلحتيم وار، دينله‌سز اگر:
بو آينادا گؤرون اؤز-اؤزونوزو!
ظن‌ّ ائتمه‌يين يئنه قلم سيزده‌دير،
سيزلره مخصوصدور كيتابخانالار!
آغی قارا يازماق الينيزده‌دير،
يوخ...! بو گون ميليونلار باشا دوشن وار.
ديره‌شه بيلسه‌ده كيم حقيقت‌له،
خالقی آلدادانمير، اؤزو آلدانير.
ديزه چؤكدورولسه ميليون گاليله،
يئنه يئر دولانير، يئنه فيرلانير.
چوخ ياخشی بيليرسيز فيريلداقچی‌لار!
من نه وطنسيزم، نه ده گؤبَلك.
دوغما دياريم وار، بؤيوك ائليم وار
منيمدير هم كئچميش، هم ده گله‌جك.
منه نه عيرق، نه ده بابا يونتايين!
اؤزوم، اؤز كؤكومو ياخشی تانيرام.
گئدين اؤزونوزه «بابا» آرايين!
سيزين يئرينيزه من اوتانيرام.
قاطيرينيز چوخ دا باش آپارماسين!
قودورمايين بئش گون يايان اولموشام.
منی چوخ دا بئله حقير سانمايين!
ایینه‌می یئینه قییق قوسدورام. 👇
خاما باغلاميشام قير آتی هله
بير گون بوتون مينيب اويناداجاغام.
ائل-اولوسونوزا ساليب ولوله،
سيزه قان قوسدوروب، قان آلاجاغام.
بئش گونلوك بَی‌ليگی بَی‌ليك سانمايين!
ايشين داليسينی دوشونون، دويون!
بوش يئره اؤيونوب خوروزلانمايين
دالی گونونوزه بير كؤرپو قويون!
بير آن زنجيرلری آچين ديليمدن!
بو ديل ميليونلارين آنا ديليدير.
قورخون غضبيمدن، قورخون كينيمدن!
ساغالمايان يارام ديل نيسگيلی‌دير.
مين ايل قاباق بابام قازان دئميشكن:
«بوتون سيزين اولسون تورپاغيم، داشيم.
تالاديقلاريزی آلميرام سيزدن،
قويون آنام ايله بير قوجاقلاشيم!»
يانيلمايين اگر يالوارديم سيزه،
آنام آياق آلتدا قالماماق اوچون!
آنا، موقّدس‌دير ازلدن بيزه
قييماريق آياقلار آلتينا دوشسون.
نامردلر زينهارا گلدی اليمدن
چارميخا چكديلر منی هر ياندان.
قنّاره‌یه آسلاديلار ديليمدن
ياتاغيم قورو يئر، اوتاغيم زيندان.
ايچيمده بوغولان قيشقيريق سسيم،
دمير ميله‌لری تيترتدی يالنيز.
تك باشيما آرتيق نه جوشوب داشيم؟!
اولدوزسوز يارانيب، زاواللی يالقيز.
نه قدر باغيرديم، هارای قوپارديم،
بوشلوقلاردا ايتدی آنجاق هاراييم.
دمير زنجيرلری چئينه‌ديم، دارتديم
داديما چاتمادی هاوادارلاريم.
كيريديم، آغاردی ساققاليم، ساچيم
قاپينی آچديلار؛ دئديلر: ايتيل!
بيلمه‌ديم هايانا اوز قويوب قاچيم،
اومودسوز، آرزيسيز، يئر-يوردسوز، سفيل.
يئنه‌ده اوز قويدوم داغلارا ساری
بلكه دالداناجاق آرايا بيلم.
بلكه تاپا بيلم آنام دياری،
قوينونا سيغينيب بير آز دينجلم.
يورولدوم، خورد دوشدوم، گئتديم اويقويا
دربه‌در گزمكدن آخير اوسانديم.
اپريميش بير قاری گلدی يوخوما،
ديسكينديم، خوفلانديم، ايسكلت سانديم.
باشيما ال چكدی قورخوم تؤكولدو،
خوش باخيشلاريندان گؤردوم تانيشدی.
مهريبان-مهريبان اوزومه گولدو
دؤندو ديله گلدی، منله دانيشدی:
قورخما، عزيز بالام! گزديگين منم
اپريميش اولسام دا، گل قوجاقلاشاق!
هامان آختارديغين آنا وطنم
آنا اؤلوسوندن چكينمز اوشاق.
بيليرم دردينی، هر نيسگيلينی
دولانيم باشینا، دؤنوم گؤزونه!
دانيش، قوی دينله‌ييم دردلی ديلينی
جانيم قوربان اولسون شيرين سؤزونه!
سؤيله‌ديم: يوخ آنا! سن دانيش‌گيلن!
سؤيله، نه اولوب بو گونه دوشوبسن!؟
دانيش طالعيندن، دانيش گونوندن
دانيش يازيق آنا، زاواللی وطن!
قورو كلّه‌ده‌كی گؤز يئرلريندن،
باخديم، داملا-داملا ياش دامجيلادی
لاكين كلمه وئريب آلمادی اصلا
ايچيم آلوو چكدی، اورگيم ياندی.
اته‌یين آختارديم اله گلمه‌دی
يالوارديم، آسلانديم سوموكلريندن
آنا اوریی‌يدی، دؤزه بيلمه‌دی،
آخير ديله گلدی، دانيشدی منلن:
«دينله، دردلی بالام، درديمی دينله!
درد اهلی، آرتيق درد چكمگه نه وار؟
گل، بير-بير تانيش اول كدرلريمله،
«دردين دولو گرك» دئميش آتالار.
گوناهكار توتورسان گئت توت هر كسی!
آنجاق او گوندن كی اسير توتولدوم،
بويوندوروق آلتدا قارا مال كيمي،
يئر شوملاديم، هولالارا قوشولدوم.
يارالی چيینيمله چمنلر سؤكدوم
تارلالار بيتيرديم چاييرليقلاردان.
گئجه‌لر آج قالديم، گوندوز تر تؤكدوم،
ديزيمين طاقتی توكنن زامان.
دؤندولر، اتليگه كسديلر منی
قوشا چاتما قوروب تونقال ياپديلار.
چاغيرديلار بوتون يولدان اؤته‌نی
دريمی سويدولار، شيشه تاخديلار.
دؤوره‌لنديم، شولن بوريانی تكين.
هر كاباب ايیينه ييغيشيب گلن،
پيچاغين چيخاريب، چكدی قمه‌سين،
بير پارچا سييريب كسدی اتيمدن.
ياراماز اوغول‌لار، ياريماسينالار!
چوخ قافاسيز چيخدی سون بالالاريم.
يورد وئريب قوللوغو ساتين آلديلار
الدن گئتدی بوتون وارليغيم، واريم.
دؤنرگه دولاندی، اوجاغيم سؤندو
دوغما يوردوم دوغرام-دوغرام دوغراندی
قارغالار قارتالا، لاچينا دؤندو
قارتال قوزغون اولدو، قوش قارغالاندی.
اتيم يئييلسه ده، نئيلك، يئييلسين
چاليش خاطيره‌می عزيزله، ساخلا!
قويما باری مزاريم اولا ايتگين،
ييغ سوموكلريمی، بير يئر تاپ، قويلا!
بيزده آنا حاقّی تانری حاقّی‌دير
مگر وصيّتين اونوتماق اولار؟
آنا تاپشيريغين يئرينه يئتير!
مرد ايگيت بورج اوسته جانينی قويار.
آنانين هر سؤزون، هر وصيّتين،
حلال سود امن‌لر اونودا بيلمز.
يورومك نه قدر اولسا دا چتين،
مرد ايگيت يولوندان اوز دؤندرَنمز»
او قورخونج رؤيادان آييلان گوندن،
نه گئجه‌م قاليبدير، نه‌ده گوندوزوم.
يالنيز بير سئودانين دالينجايام من،
قورو سوموك گزير هر يئرده گؤزوم.
جان آتيب، آختاريب يورددان، يووادان
آنجاق بير تورباجيق سوموك ييغميشام.
گزیب دولانیرام سفیل، سرگردان
هارادا قویلایام، هاردا باسدیرام. 👇
بير گون بوتون مينيب اويناداجاغام.
ائل-اولوسونوزا ساليب ولوله،
سيزه قان قوسدوروب، قان آلاجاغام.
بئش گونلوك بَی‌ليگی بَی‌ليك سانمايين!
ايشين داليسينی دوشونون، دويون!
بوش يئره اؤيونوب خوروزلانمايين
دالی گونونوزه بير كؤرپو قويون!
بير آن زنجيرلری آچين ديليمدن!
بو ديل ميليونلارين آنا ديليدير.
قورخون غضبيمدن، قورخون كينيمدن!
ساغالمايان يارام ديل نيسگيلی‌دير.
مين ايل قاباق بابام قازان دئميشكن:
«بوتون سيزين اولسون تورپاغيم، داشيم.
تالاديقلاريزی آلميرام سيزدن،
قويون آنام ايله بير قوجاقلاشيم!»
يانيلمايين اگر يالوارديم سيزه،
آنام آياق آلتدا قالماماق اوچون!
آنا، موقّدس‌دير ازلدن بيزه
قييماريق آياقلار آلتينا دوشسون.
نامردلر زينهارا گلدی اليمدن
چارميخا چكديلر منی هر ياندان.
قنّاره‌یه آسلاديلار ديليمدن
ياتاغيم قورو يئر، اوتاغيم زيندان.
ايچيمده بوغولان قيشقيريق سسيم،
دمير ميله‌لری تيترتدی يالنيز.
تك باشيما آرتيق نه جوشوب داشيم؟!
اولدوزسوز يارانيب، زاواللی يالقيز.
نه قدر باغيرديم، هارای قوپارديم،
بوشلوقلاردا ايتدی آنجاق هاراييم.
دمير زنجيرلری چئينه‌ديم، دارتديم
داديما چاتمادی هاوادارلاريم.
كيريديم، آغاردی ساققاليم، ساچيم
قاپينی آچديلار؛ دئديلر: ايتيل!
بيلمه‌ديم هايانا اوز قويوب قاچيم،
اومودسوز، آرزيسيز، يئر-يوردسوز، سفيل.
يئنه‌ده اوز قويدوم داغلارا ساری
بلكه دالداناجاق آرايا بيلم.
بلكه تاپا بيلم آنام دياری،
قوينونا سيغينيب بير آز دينجلم.
يورولدوم، خورد دوشدوم، گئتديم اويقويا
دربه‌در گزمكدن آخير اوسانديم.
اپريميش بير قاری گلدی يوخوما،
ديسكينديم، خوفلانديم، ايسكلت سانديم.
باشيما ال چكدی قورخوم تؤكولدو،
خوش باخيشلاريندان گؤردوم تانيشدی.
مهريبان-مهريبان اوزومه گولدو
دؤندو ديله گلدی، منله دانيشدی:
قورخما، عزيز بالام! گزديگين منم
اپريميش اولسام دا، گل قوجاقلاشاق!
هامان آختارديغين آنا وطنم
آنا اؤلوسوندن چكينمز اوشاق.
بيليرم دردينی، هر نيسگيلينی
دولانيم باشینا، دؤنوم گؤزونه!
دانيش، قوی دينله‌ييم دردلی ديلينی
جانيم قوربان اولسون شيرين سؤزونه!
سؤيله‌ديم: يوخ آنا! سن دانيش‌گيلن!
سؤيله، نه اولوب بو گونه دوشوبسن!؟
دانيش طالعيندن، دانيش گونوندن
دانيش يازيق آنا، زاواللی وطن!
قورو كلّه‌ده‌كی گؤز يئرلريندن،
باخديم، داملا-داملا ياش دامجيلادی
لاكين كلمه وئريب آلمادی اصلا
ايچيم آلوو چكدی، اورگيم ياندی.
اته‌یين آختارديم اله گلمه‌دی
يالوارديم، آسلانديم سوموكلريندن
آنا اوریی‌يدی، دؤزه بيلمه‌دی،
آخير ديله گلدی، دانيشدی منلن:
«دينله، دردلی بالام، درديمی دينله!
درد اهلی، آرتيق درد چكمگه نه وار؟
گل، بير-بير تانيش اول كدرلريمله،
«دردين دولو گرك» دئميش آتالار.
گوناهكار توتورسان گئت توت هر كسی!
آنجاق او گوندن كی اسير توتولدوم،
بويوندوروق آلتدا قارا مال كيمي،
يئر شوملاديم، هولالارا قوشولدوم.
يارالی چيینيمله چمنلر سؤكدوم
تارلالار بيتيرديم چاييرليقلاردان.
گئجه‌لر آج قالديم، گوندوز تر تؤكدوم،
ديزيمين طاقتی توكنن زامان.
دؤندولر، اتليگه كسديلر منی
قوشا چاتما قوروب تونقال ياپديلار.
چاغيرديلار بوتون يولدان اؤته‌نی
دريمی سويدولار، شيشه تاخديلار.
دؤوره‌لنديم، شولن بوريانی تكين.
هر كاباب ايیينه ييغيشيب گلن،
پيچاغين چيخاريب، چكدی قمه‌سين،
بير پارچا سييريب كسدی اتيمدن.
ياراماز اوغول‌لار، ياريماسينالار!
چوخ قافاسيز چيخدی سون بالالاريم.
يورد وئريب قوللوغو ساتين آلديلار
الدن گئتدی بوتون وارليغيم، واريم.
دؤنرگه دولاندی، اوجاغيم سؤندو
دوغما يوردوم دوغرام-دوغرام دوغراندی
قارغالار قارتالا، لاچينا دؤندو
قارتال قوزغون اولدو، قوش قارغالاندی.
اتيم يئييلسه ده، نئيلك، يئييلسين
چاليش خاطيره‌می عزيزله، ساخلا!
قويما باری مزاريم اولا ايتگين،
ييغ سوموكلريمی، بير يئر تاپ، قويلا!
بيزده آنا حاقّی تانری حاقّی‌دير
مگر وصيّتين اونوتماق اولار؟
آنا تاپشيريغين يئرينه يئتير!
مرد ايگيت بورج اوسته جانينی قويار.
آنانين هر سؤزون، هر وصيّتين،
حلال سود امن‌لر اونودا بيلمز.
يورومك نه قدر اولسا دا چتين،
مرد ايگيت يولوندان اوز دؤندرَنمز»
او قورخونج رؤيادان آييلان گوندن،
نه گئجه‌م قاليبدير، نه‌ده گوندوزوم.
يالنيز بير سئودانين دالينجايام من،
قورو سوموك گزير هر يئرده گؤزوم.
جان آتيب، آختاريب يورددان، يووادان
آنجاق بير تورباجيق سوموك ييغميشام.
گزیب دولانیرام سفیل، سرگردان
هارادا قویلایام، هاردا باسدیرام. 👇
بو گئنيش دونيادا، ارلر، ياران‌لار!
هر يئر باشدان-باشا قاپسانميش بوتون.
ائی وطن داشينی دؤشه وورانلار!
مزار دا تاپيلمير وطنيم اوچون.
من كی بير وطنسيز، يوردسوز شاعيرم،
بير عؤموردور سيتقاييب اينله‌ييرم.
كيمسه‌دن نه قان، نه دييه ايستیرم
بير مزار بويوندا يئر ديله‌ييرم.
يوردومو-يووامی باسيب آلانلار!
فقط نئچه قاريش يئر وئرين منه!
بوتون سيزين اولسون بو اؤلكه-ديار
بير مزار قاييريم آنام وطنه...
#بولود_قاراچورلو (سهند)
@SheirOcagi
هر يئر باشدان-باشا قاپسانميش بوتون.
ائی وطن داشينی دؤشه وورانلار!
مزار دا تاپيلمير وطنيم اوچون.
من كی بير وطنسيز، يوردسوز شاعيرم،
بير عؤموردور سيتقاييب اينله‌ييرم.
كيمسه‌دن نه قان، نه دييه ايستیرم
بير مزار بويوندا يئر ديله‌ييرم.
يوردومو-يووامی باسيب آلانلار!
فقط نئچه قاريش يئر وئرين منه!
بوتون سيزين اولسون بو اؤلكه-ديار
بير مزار قاييريم آنام وطنه...
#بولود_قاراچورلو (سهند)
@SheirOcagi
Forwarded from اتچ بات
▫️نفسیم نفسینه
یاتار گول خرمنی کیمی
جانیمین درمانی کیمی
هر یانیندا چیچک آچمیش
«مین‌بوغا» اورمانی کیمی.
نه‌سینه یار، نه‌سینه
اؤلورم من سسینه
بیر داها وورسا ایدی،
نفسیم، نفسینه.
جانیم، سسه‌می گلدین!؟
قدم باسا می گلدین؟
ساغ اولسام، گلمز ایدین
اؤلدوم، یاسا می گلدین؟
نه‌سینه یار نه‌سینه
اؤلورم من سسینه
بیر داها وورسا ایدی،
نفسیم، نفسینه.
ساچین اوزومه پرده
اوره‌ییم دوشدو درده
آیاق اوسته دورامام،
سنی گؤردویوم یئرده.
نه‌سینه یار نه‌سینه
اؤلورم من سسینه
بیر داها وورسا ایدی،
نفسیم، نفسینه.
#قاراجا_اوغلان
کؤچورمه
#شعر_اوجاغی
@SheirOcagi
یاتار گول خرمنی کیمی
جانیمین درمانی کیمی
هر یانیندا چیچک آچمیش
«مین‌بوغا» اورمانی کیمی.
نه‌سینه یار، نه‌سینه
اؤلورم من سسینه
بیر داها وورسا ایدی،
نفسیم، نفسینه.
جانیم، سسه‌می گلدین!؟
قدم باسا می گلدین؟
ساغ اولسام، گلمز ایدین
اؤلدوم، یاسا می گلدین؟
نه‌سینه یار نه‌سینه
اؤلورم من سسینه
بیر داها وورسا ایدی،
نفسیم، نفسینه.
ساچین اوزومه پرده
اوره‌ییم دوشدو درده
آیاق اوسته دورامام،
سنی گؤردویوم یئرده.
نه‌سینه یار نه‌سینه
اؤلورم من سسینه
بیر داها وورسا ایدی،
نفسیم، نفسینه.
#قاراجا_اوغلان
کؤچورمه
#شعر_اوجاغی
@SheirOcagi
Telegram
attach 📎
▫️قار،
قایغیلاندیرمیر منی.
قارین حاصاری، اینجیتمیر منی.
چونکو دیره‌نیرم؛
گاه شعرله، گاه دا عشقله.
چونکو قیزیشماق اوچون،
سنی سئومکدن،
و سنه عاشیقانه شعر قوشماقدان باشقا،
بیر یول یوخدور...
همیشه،
قارین اوستونده شعر یازماق،
قارین اوستونده عاشیق اولماق،
و عاشیقین،
قارین اودوندا نه تهر یانماغینی آنلاماق
ایستردیم.
ائی کی قیش کیمی‌سن،
و من سئویرم سنی!
اللرینی آلما مندن...!
#نزار_قبانی
#شعر_اوجاغی
@SheirOcagi
قایغیلاندیرمیر منی.
قارین حاصاری، اینجیتمیر منی.
چونکو دیره‌نیرم؛
گاه شعرله، گاه دا عشقله.
چونکو قیزیشماق اوچون،
سنی سئومکدن،
و سنه عاشیقانه شعر قوشماقدان باشقا،
بیر یول یوخدور...
همیشه،
قارین اوستونده شعر یازماق،
قارین اوستونده عاشیق اولماق،
و عاشیقین،
قارین اودوندا نه تهر یانماغینی آنلاماق
ایستردیم.
ائی کی قیش کیمی‌سن،
و من سئویرم سنی!
اللرینی آلما مندن...!
#نزار_قبانی
#شعر_اوجاغی
@SheirOcagi