▫️بیتکی‌لری اؤیره‌نیرم، اوتلاری، چیچک‌لری؛
بیر «تافلان»ی آلیرام. «تافلان‌دیر بو» دئییرم،
توتوب ایکی اوجوندان، باشلاییرام اینجه‌له‌مه‌یه.
بیر «پئلین» یارپاغینی قوپاریرام سونرا،
شیره‌سی چیخیر الیمه.
بیر بوداغی قوپاریرام دیبیندن،
اوزون، اینجه‌جیک بیر سؤیود بوداغینی؛
دامارلارینی ساییرام، بیر سویا بوراخیرام.
دونیانین ان گؤزل یاشیلی، او زامان آنلاییرام.
بؤیله بوتون گون دولاشیب دورورام.
سونرا بیردن کاغیذا-قلمه ساریلیرام.

#ایلهان_برک
#شعر_اوجاغی
@SheirOcagi

▫️بلکه ده...
هه، بلکه ده سن هئچ لاییق دئییلدین منه،
اویسا من هر حالین‌لا قبول‌لنمیشدیم سنی.

#جمال_ثریا
#شعر_اوجاغی
@SheirOcagi

کانالیمیزدا حوضورو اولان شرفلی و سئویملی قیزلاریمیز، گونوز قوتلو اولسون!

▫️سن همن قانادسیز ملَکسن، قیزیم!
شعر و سس: حاتم_احمدی
#شعر_اوجاغی
@SheirOcagi

▫️یاناغیمدا گؤز یاشلاریم،
دوزولوبدور گیله-گیله.
گؤزله‌ییرم سن سیله‌سن،
یوخلوغونو بیله-بیله.

اوره‌ییمی ائله‌ییب شام،
ظولمت‌لرده دایانمیشام.
گؤزله‌یه‌جم سحر-آخشام،
یوخلوغونو بیله-بیله.

#زیور_آغایئوا
#شعر_اوجاغی
@SheirOcagi

▫️یوخلوغونا آلیشماغیم چتین‌دیر،
وارلیغینا آلیشماغیم داها دا چتین.

#نزار_قبانی
#شعر_اوجاغی
@SheirOcagi

▫️دونیانین قالابالیغیندا،
سنی آنلایان بیرینی تاپسان،
بوراخما اونو!
نه سایسیزدیر بیزی آنلامایانلار!

#غسان_زغطان
#شعر_اوجاغی
@SheirOcagi

▫️ناحاق ائندیک او داغلارین باشیندان.

ناحاق ائندیک او داغلارین باشیندان،
گرک اوردا قال اوغلو قال اولایدیق.
عؤمروموزو گول عؤمرونه دؤندریب
ذیروه‌ده قار، پتَکده بال اولایدیق.

آللاها تن، حاقّا یاردی ذیروه‌لر،
یارانیشدان دوم‌آغ قاردی ذیروه‌لر.
عؤمروموزو اوجالداردی ذیروه‌لر،
ناحاق ائندیک او داغلارین باشیندان

اوفوقلرده قوش اولماق دا گؤزَلدی،
شیمشک‌لره توش اولماق دا گؤزلدی،
لاپ او یئرده داش اولماق دا گؤزلدی،
ناحاق ائندیک او داغلارین باشیندان.

اوجالیغی اؤلوم-ایتیم حاقلامیر،
پئیغمبردی، قلبینده کین ساخلامیر.
مین ایل کئچیر، بیر قایاسی لاخلامیر،
ناحاق ائندیک او داغلارین باشیندان.

حاقّ ائویدی هر داش اوتاق، هر کاها،
سلام وئریر دان یئرینه، صاباحا.
تزه-تزه قوووشوردوق آللاها،
ناحاق ائندیک او داغلارین باشیندان.

روح پاک‌لاشیر، یاغان قاردان آغ اولور،
جان برکیییر، صاف پولاددان ساغ اولور،
داغ باشیندا واللاه آدام داغ اولور!
ناحاق ائندیک او داغلارین باشیندان.

#زلیمخان_یعقوب
#شعر_اوجاغی
@SheirOcagi

▫️واز کئچمه‌دیم.

بیلیرسن‌می،
هله واز کئچمه‌دیم:
آغلاماقلی قورولوش‌لاریمدان،
آنسیزین گؤزل شئیلر ائشیده‌جکمیش کیمی گؤزله‌ییش‌لریمدن،
مولاحیظه‌سیز اؤفکه‌لریمدن،
باغیریب-چاغیریب سونرا یئنه ده «جانیم» دئمکدن.

#مهمت_دوه‌چی
#شعر_اوجاغی
@SheirOcagi

▫️ائی هله یولدان چاتمایان خوش لحظه‌‌لر!
داها قیسا بیر یول توتا بیلمزسینیزمی،
اوره‌ییمیز قوجالمادان؟!

#نزار_قبانی
#شعر_اوجاغی
@SheirOcagi

▫️اوشاق اولسام یئنیدن!
بیر تک ییخیلدیغیم اوچون آغریسا ایچیم!
و قلبیم چوخ قاچدیغیم زامان چیرپینسا ساده‌جه!

#جمال_ثریا
#شعر_اوجاغی
@SheirOcagi

دیالوق

▫️- ائی شهَر موفتیسی، سندن هوشیاریق،
بونجا سرخوشلوق‌لا سندن پرگار*یق.
بیز شراب ایچیریک، سن خالق قانینی،
انصاف ائت، هانسیمیز داها غدّاریق؟!
#عمر_خیام

🎬 bəxt üzüyü
1991 آزربایجان
#رامیز_عزیزبی‌لی
* بیر شئیین ساز وضعیّتی
#شعر_اوجاغی
@SheirOcagi

▫️خلوت

اولو تانریم، نه گؤزَلدی دوغما یووا،
خلوت سئچیب بیر قیراغا چکیلمیشم.
بو گوشه‌ده چیراق یانیر، شام اریییر،
اریمیشم، شام-چیراغا چکیلمیشم.

ان وفالی ایکی دوستوم، سیرداشیم وار،
بیر قلمه، بیر واراغا چکیلمیشم.
صؤحبتیمین لذّتینی دادان بیلر،
ائله بیل کی بال'ام، یاغا چکیلمیشم.

یاغی دوشمن ائله بیلیر من اؤلموشم-
کفن‌لنیب بئزه، آغ'ا چکیلمیشم.
«فضولی»تک درد الیندن داغا چیخیب
قلبیمده‌کی گؤی یایلاغا چکیلمیشم.

#زلیمخان_یعقوب
#شعر_اوجاغی
@SheirOcagi

▫️گونشی یاندیرانلارین سلامی

بیر ذؤوق دۇیۇلماز اولدو، بورانین کولک‌لریندن.
حیات سولدو بیر گونون انگین‌لرینده+ یئنه.
سلام، سونسوزلارین یورغون کؤنوللرینه!
سلام، گونشی ایچینه آلان اوشاقلارین دیاریندان!

بیر آتش یاندیراق کی کئچمه‌سین حتّی بیر آن!
و سوسسون قوردلار، قوشلار بیر گؤی گورولتوسویله.
بیر آتش یاندیراق کی، آلوولانسین گؤیله بئله،
و گونش ایچیلسین او گون قیزیل چاناقلاردان!

قوی اسکیسین سسیم،
ایتیرسین آهنگینی،
گئجه‌لر قیسقانماسین آیدینلیغا سۆسۆنۆ،
بزه‌سین سونسوزلوقلار کیمی غوروبون رنگینی.
و سؤیله‌سین اوزاقلار باهارین ماهنیسینی!

نه‌لر، نه‌لر گؤزلَنمز نهایتسیز بیر یئردن!
گونشی ایچَک بو شفقلر گئجه‌سیندن.
سلام سونسوزلوق‌لارا، حسرتلی کؤنول‌لردن،
سلام، گونشی، گؤیو یاندیران‌لار باغچاسیندان!

#ایلهان_برک
#شعر_اوجاغی
@SheirOcagi

▫️آز سئومه‌یی بیلمیرم من،
چوخ سئودیگیمدن‌دیر بو قدر اینجیمه‌ییم.

#دیدم_ماداک
#شعر_اوجاغی
@SheirOcagi

▫️نه غریبه‌دیر، دئییل‌می؟ سئودیگیمیز اینسانین هر یالانیندا بیر دوغرو، سئومه‌دیگیمیز اینسانین هر دوغروسوندا بیر یالان آختاریریق.

📚 جینایت و جزا
#فئودور_داستایئوسکی
#شعر_اوجاغی
@SheirOcagi

▫️سن ماسایا...

هر شئی گؤزل ایدی...
دادلی، دوزلو کئچیردی گونلر.
نه سسسیز ایدیم، نه غریب ایدیم،
اؤز عالمینده یاشایان بیری‌یدیم.

هر شئی گؤزل ایدی...
یئدیگیمدن، ایچدیگیمدن داد آلا بیلیردیم،
گولونجه، ایچدن ایدی گولوشلریم.

سونرا...
سن گلدین،
باخیشیم دَییشدی.
سنی اؤیله منیمسه‌میشدی کی بدنیم،
روحومون پارچاسی اولدون.
گولوشلریم دَییشمیشدی،
ایچیم چوخ راحات ایدی،
سؤیله‌دیگین سؤزلر اوخشاییردی بوتون بدنیمی،
باخیشلارینین آلتیندا سرینله‌ییر-
حوضور تاپیردیم.

هر شئی گؤزل ایدی...
سن بیر باشقایدین،
سنین‌له بیر باشقایدی.
سن بو بدنی آتشه وئرنه قدر،
گولمک یئرینه حوزنو، دادلی یئرینه آجینی ماسایا بوراخانا قدر،
هر شئی چوخ گؤزل ایدی.

ایندی یوخلوغونلا اولان بیر گؤزللیک داها وار:
گلیشینی گؤزله‌مه‌نین گؤزللیگی.
سن گلینجه،
امینم کی، هر شئی یئنه گؤزل اولاجاق.
او اوزدن گل، نولار؟!
گل!

#مهمت_دوه‌چی
#شعر_اوجاغی
@SheirOcagi