▫️ائی سئودیگیم قادین!
ائی، هر داشین اوزرینه آیاق باسدیغیندا شعر بولاقلارینی جوشدوران قادین!
ائی، سولغونلوغوندا آغاجلارین بوتون اوزونتوسونو چیینینه چکن قادین!
سنینله بیرلیکده نه گؤزل‌دیر سورگونلوک!
ائی منیم تاریخیمی، یاغیشین تاریخینی خولاصه ائدن قادین!...

#نزار_قبانی
#شعر_اوجاغی
@SheirOcagi

▫️گؤزلرین
ایکی اوزونتو آرخی‌دیر،
ایکی موسیقی آرخی.
اوزاقلارا آپاریر منی،
زامانلارین اؤته‌سینه.

#نزار_قبانی
#شعر_اوجاغی
@SheirOcagi

▫️بیر آز سئو منی!
داغیت گئتمه‌یینین دوزَنینی!
اللرینی بیر آز منه وئر!
اللرینین داوامی،
آرخایینلیق لیمانیم‌دیر.

#نزار_قبانی
#شعر_اوجاغی
@SheirOcagi

▫️آه، سئوگیلیم! سن اؤزوندن ده گؤزلسن.

#نزار_قبانی
#شعر_اوجاغی
@SheirOcagi

▫️سئو منی بیر آز،
پوز بیر آز شوبهه قورال‌لارینی،
ساغ الینی آزاجیق منه بوراخ!
دینجلیک آرانی‌دیر قول‌لارین.

#نزار_قبانی
#شعر_اوجاغی
@SheirOcagi

▫️سنی رام ائله‌مک،
اهلی‌لشدیرمک،
و یا ایلکین طبیعتینی دوزَلتمک
الیمدن گلمیر.
بو ایمکانسیز بیر شئی‌.

من هوشومو سنله سینامیشام،
ائله‌جه ده آخماق‌لیغیمی.
سونوندا دا یئنیلمیشم.

#نزار_قبانی
#شعر_اوجاغی
@SheirOcagi

▫️سن سئوگیلیم اولاندان اؤنجه،
ایسته‌دیگیم هر سؤزله
سئویشیردیم.
ایسته‌دیگیم هر کلمه‌ آنلامی‌یلا، ائولنیردیم.

سن سئوگیلیم اولاندان بری،
آغ دنیزین ساحیلیندن،
هئچ بیر شئی خاطیرلامیرام،
سنین اوزونتو، سورمه و قاغایی دولو گؤزلریندن باشقا.

#نزار_قبانی
#شعر_اوجاغی
@SheirOcagi

▫️اؤیرتمن دئییلم،
عاشیقلیگی سنه اؤیره‌دم.
بالیقلار، اوزمه‌یی اؤیرتمندن اؤیرنمیر،
سرچه‌لرین،
اوچماغی اؤیرنمک اوچون هئچ بیر اؤیرتمنه احتیاجی یوخ.
اؤزون اوزمه‌لیسن!
اؤزون اوچمالیسان!
عاشیقلیک، کیتاب-دفتر ایسته‌میر
و تاریخین بؤیوک عاشیقلرینین چوخو
یازیب-اوخوماق بیلمیردی.

#نزار_قبانی
#شعر_اوجاغی
@SheirOcagi

▫️قالماق چتین‌دیرسه، گئت!...
منی گؤرمک ایسته‌دیگین زامان،
اوشاقلار کیمی سئوه‌جن‌لیگیمه احتیاجین اولدوغو زامان،
قاییت اوره‌ییمه!
سن منیم حیاتیمدا هاوا کیمیسن،
یئر کیمی، گؤی گیمی.
کۆس، ایسته‌دیگین کیمی!
گئت، ایسته‌دیگین کیمی!
گئت، ایسته‌دیگین زامان!
آما سونوندا بیر گون قاییداجاقسان،
او گون آنلایاجاقسان
وفادارلیغین نه اولدوغونو.

#نزار_قبانی
#شعر_اوجاغی
@SheirOcagi

▫️شاهید کئچیرم:
یئرییَنده، آغاجلار طرفیندن ایزله‌نن
تک قادینسان سن.

#نزار_قبانی
#شعر_اوجاغی
@SheirOcagi

▫️عشق همن بیزی اؤلدورن،
بیزسه اونو اؤپدویوموز ال‌دیر.

#نزار_قبانی
#شعر_اوجاغی
@SheirOcagi

▫️من اؤزومو
عشق گوناهیندان
تمیزه چیخارماغا چالیشمیرام.
عکسینه،
اینانیرام
اینسانین ایشله‌دیگی ان بؤیوک گوناه،
عاشیق اولماماسی‌دیر.

#نزار_قبانی
#شعر_اوجاغی
@SheirOcagi

▫️تنین،
عشق گوجوندن اؤلن بیر شرق عاریفینین مزاری‌دیر.
اوستونه کرال‌لارین، پئیغمبرلرین، موغنّی‌لرین، شاعیرلرین،
رونئسانس دؤروندن رسّاملارین،
فرعونلارین دؤردونجو سۏیوندان اولان معمارلارین ایمضاسی ناخیشلانمیش،
اسکی زامانلاردان بیر کتیبه‌دیر.

#نزار_قبانی
#شعر_اوجاغی
@SheirOcagi

▫️سنی سئویرم،
قۏرۇیۇرام گؤزلرینده چپرلنن خورمالیق‌لارین شرفینی،
دؤشلرینین آراسینداکی قوشلارین یوواسینین ساغلیغینی،
یاشاماغیم عطرینه باغلی اولان وجودونون بوتونلویونو.

#نزار_قبانی
#شعر_اوجاغی
@SheirOcagi

▫️«داریخماغی آنلات!» دئدی،
«سئودیگین اینسانین سسینی ائشیده‌سن، دؤنوب گؤره‌سن کیمسه یوخدو...
داریخماق بودور» دئدیم.

#نزار_قبانی
#شعر_اوجاغی
@SheirOcagi

▫️تانریم!
داها بو اورک یئتمیر منه.
سئودیگیم اینسان دونیایا برابردیر.
باشقا بیر اورک قوی کؤکسومه،
دونیا گئنیشلیگینده بیر اورک.

#نزار_قبانی
#شعر_اوجاغی
@SheirOcagi

▫️بوگون کی پاییز منه باسقین ائده‌رک،
پنجره‌لریمی آلیب،
سنین آدینی دیله گتیرمه‌یه احتیاجیم وار.
احتیاجیم وار بالاجا بیر اود یاندیرماغا.
پالتارا،
یاغمورلوغا
و سنه احتیاجیم وار...

#نزار_قبانی
#شعر_اوجاغی
@SheirOcagi

▫️یوخلوغونا آلیشماغیم چتین‌دیر،
وارلیغینا آلیشماغیم داها دا چتین.

#نزار_قبانی
#شعر_اوجاغی
@SheirOcagi

▫️ائی هله یولدان چاتمایان خوش لحظه‌‌لر!
داها قیسا بیر یول توتا بیلمزسینیزمی،
اوره‌ییمیز قوجالمادان؟!

#نزار_قبانی
#شعر_اوجاغی
@SheirOcagi

▫️هر پاییزین باشلانغیجیندا سوراغیما گلیر:
گووَن و تهلوکه حیسّی.
یاخینلاشماغیندان قورخورام
اوزاقلاشماغیندان قورخورام.

#نزار_قبانی
#شعر_اوجاغی
@SheirOcagi