▫️دویغولارین فؤوقونه قالخاق!
کوچه‌نی یالاییر یانوار کوله‌یی،
اوشوسن، اؤزونو بورو تئلینه!
نبضینی دوندورسا قار دنه‌لری،
الیمی الجک‌تک گئیین الینه!
گؤیه قیرمانج* وورور گوموش شیمشک‌لر،
ظولمته سیغینیب بوز توتموش گونش.
سنه بوز سمانی روا گؤرمه‌رم،
چکینمه عزیزیم، قلبیمده اَیلش!
سنلی خاطیره‌لر اوزانیب گئدیب،
ساچیم‌تک کؤک سالیب باشیمدا منیم.
قوی کلّه سومویوم تابوتون اولار،
اونسوز دا چیخمیرسان باشیمدان منیم.
ییغاراق هاوادان قار ذرّه‌لرین،
سنه بیاض قاردان گلینلیک هؤروم،
بئله‌جه، عؤمور-گون یولداشی اولاق!
راضییام یولوندا داش اولسون عؤمروم.
اوّل اوره‌ییمه یاتمیشدین، خانیم!
ایندی یاتاغیمدا، سول یانیمدا یات!
گیرسین آرامیزا گول اوزلو کؤرپه،
او سنی اویاتسین، سن منی اویات!
#آقشین_ائورن
* قامچی، شاللاق
#شعر_اوجاغی
@SheirOcagi
کوچه‌نی یالاییر یانوار کوله‌یی،
اوشوسن، اؤزونو بورو تئلینه!
نبضینی دوندورسا قار دنه‌لری،
الیمی الجک‌تک گئیین الینه!
گؤیه قیرمانج* وورور گوموش شیمشک‌لر،
ظولمته سیغینیب بوز توتموش گونش.
سنه بوز سمانی روا گؤرمه‌رم،
چکینمه عزیزیم، قلبیمده اَیلش!
سنلی خاطیره‌لر اوزانیب گئدیب،
ساچیم‌تک کؤک سالیب باشیمدا منیم.
قوی کلّه سومویوم تابوتون اولار،
اونسوز دا چیخمیرسان باشیمدان منیم.
ییغاراق هاوادان قار ذرّه‌لرین،
سنه بیاض قاردان گلینلیک هؤروم،
بئله‌جه، عؤمور-گون یولداشی اولاق!
راضییام یولوندا داش اولسون عؤمروم.
اوّل اوره‌ییمه یاتمیشدین، خانیم!
ایندی یاتاغیمدا، سول یانیمدا یات!
گیرسین آرامیزا گول اوزلو کؤرپه،
او سنی اویاتسین، سن منی اویات!
#آقشین_ائورن
* قامچی، شاللاق
#شعر_اوجاغی
@SheirOcagi
▫️اویان!
دینله، بیر سس سؤیلر سنه،
او سس سنین اؤز ویجدانین.
دئییر: ائی سن باتمیش یاسا!
گلیر یئنه بَیین، خانین.
سن ائی یاتان، اویان، اویان!
قیامت‌دیر اولموش عیان.
اولدون یادلار اویونجاغی،
یوردون عارسیزلار اوجاغی.
تاپینما آزغین شئیطانا!
یوکسَلدی بیرلیک سانجاغی.
سن ائی یاتان، اویان، اویان،
قیامت‌دیر اولموش عیان.
سس یوخ سیزین یاپیلاردا،
یول آزمیش گؤزلرین هاردا؟
اوزاق یولدان یار'ین گلیر،
قوربانین یوخ قاپیلاردا.
سن ائی یاتان، اویان، اویان!
قیامت‌دیر اولموش عیان.
کیم دئمیش: «جانسیز بیر داش اول،
آزغینلارا گل یولداش اول»؟!
یادلاشان قارداشین گلیر،
یئنیدن آند ایچ، قارداش اول!
سن ائی یاتان، اویان، اویان!
قیامت‌دیر اولموش عیان.
بیر قیز گلیر، سئوینجی وار،
قیزین بوینوندا اینجی وار.
یوخسا، سئون بیزیم یوردون،
بیر دلیسی یا دینجی وار؟!
سن ائی یاتان، اویان، اویان!
قیامت‌دیر اولموش عیان.
#احمد_جاواد
#شعر_اوجاغی
@SheirOcagi
دینله، بیر سس سؤیلر سنه،
او سس سنین اؤز ویجدانین.
دئییر: ائی سن باتمیش یاسا!
گلیر یئنه بَیین، خانین.
سن ائی یاتان، اویان، اویان!
قیامت‌دیر اولموش عیان.
اولدون یادلار اویونجاغی،
یوردون عارسیزلار اوجاغی.
تاپینما آزغین شئیطانا!
یوکسَلدی بیرلیک سانجاغی.
سن ائی یاتان، اویان، اویان،
قیامت‌دیر اولموش عیان.
سس یوخ سیزین یاپیلاردا،
یول آزمیش گؤزلرین هاردا؟
اوزاق یولدان یار'ین گلیر،
قوربانین یوخ قاپیلاردا.
سن ائی یاتان، اویان، اویان!
قیامت‌دیر اولموش عیان.
کیم دئمیش: «جانسیز بیر داش اول،
آزغینلارا گل یولداش اول»؟!
یادلاشان قارداشین گلیر،
یئنیدن آند ایچ، قارداش اول!
سن ائی یاتان، اویان، اویان!
قیامت‌دیر اولموش عیان.
بیر قیز گلیر، سئوینجی وار،
قیزین بوینوندا اینجی وار.
یوخسا، سئون بیزیم یوردون،
بیر دلیسی یا دینجی وار؟!
سن ائی یاتان، اویان، اویان!
قیامت‌دیر اولموش عیان.
#احمد_جاواد
#شعر_اوجاغی
@SheirOcagi
▫️بعضاً اینسانلار چوخ گؤزل اولوردو. گؤرونوش‌لری‌یله دئییل، دئدیکلری‌یله ده دئییل، ساده‌جه وارلیقلاری‌یلا.
📚 هئچ کیم عادی دئییلدیر.
#مارکوس_زوساک
#شعر_اوجاغی
@SheirOcagi
📚 هئچ کیم عادی دئییلدیر.
#مارکوس_زوساک
#شعر_اوجاغی
@SheirOcagi
دیالوق
▫️- حیرصلنمک، زهر ایچیب بو زهرله باشقاسینین اؤلمه‌سینی اومماغا بنزر.
🎬 Son of Saul
2015 مجارستان
#لاسلو_نمش
#شعر_اوجاغی
@SheirOcagi
▫️- حیرصلنمک، زهر ایچیب بو زهرله باشقاسینین اؤلمه‌سینی اومماغا بنزر.
🎬 Son of Saul
2015 مجارستان
#لاسلو_نمش
#شعر_اوجاغی
@SheirOcagi
|شعر اوجاغی|
▫️کومسومول پوئماسی8 شاعیریم! یاخانی بیر قورتار دا سن، اینسانا درد وئرن حادیثه‌لردن! بیزه یاشاماق دا، اؤلمک ده تانیش، بیر آز دا باشقا بیر عالمدن دانیش! عؤمور دئدیکلری دالغالی بیر سو، آج‌دیر اینسانلارین فیکری، دویغوسو. حیاتی گولدورن داستانلار یارات، وارسین…
▫️کومسومول پوئماسی9
ماراقلی بیر حادیثه
حئیرت ایچینده‌دیر کومسومولچولار،
دئییرلر، ماراقلی بیر حادیثه وار:
«میر پاشا» مسجیده باغلامیش کؤپک
کندلی‌لر قیزیشیب غئیظ‌لنه‌رک،
قاریلار، قوجالار قیامت ائدیر،
کندین آراسیندا دانیشیق گئدیر.
ویجدان گؤتورمه‌ییر بو حاقسیزلیغی.
ایشده «میر پاشا»نین اخلاقسیزلیغی،
دیللرده سؤیله‌نیر جینایت کیمی،
سؤیله‌نیر آللاها خیانت کیمی.
تویلاردا، یاسلاردا، آغلاشمالاردا،
هر کیمین قووّتی قالیرسا داردا،
هر کیمین تاخیلی سوسوز یانیرسا،
کیمین قونشوسونا حسَدی وارسا،
دئییر: «بو کافیرلر اوزه گله‌لی،
بیزدن اوزاقلاشدی آللاهین الی»
بو قارا فورصتی فؤوته وئرمه‌ین،
عؤمرونده دوغرولوق، دوزلوک گؤرمه‌ین،
آخوند «شیرعلی»نین اوزانمیش دیلی،
جیبیندن چیخاریر ایسلاق مندیلی،
«آقالار» مسجیدین میناره‌سینده،
اونون قولاقلاری اوخشار سسینده،
اینسانلار یارالی بیر آهنگ دویار،
کؤنول دویدوغونا بیلمه‌دن اویار...
بودور، بیر وارلینین احسان یئرینده،
آخوند پیشیک کیمی آتیلیب یئنه،
آیه‌لر گتیریر بؤیوک قورآندان،
سؤیله‌ییر: «اییره‌نین اؤلومدن، قاندان!».
«تانری اونودولور، دین گئدیر الدن!»-
دئدیکجه، آغلاشما سسلری هردن،
اونون سسینده‌کی قووّتی آلیر.
چکیر نعره‌سینی او آغیر-آغیر...
#صمد_وورغون
#شعر_اوجاغی
@SheirOcagi
داوامی وار.
ماراقلی بیر حادیثه
حئیرت ایچینده‌دیر کومسومولچولار،
دئییرلر، ماراقلی بیر حادیثه وار:
«میر پاشا» مسجیده باغلامیش کؤپک
کندلی‌لر قیزیشیب غئیظ‌لنه‌رک،
قاریلار، قوجالار قیامت ائدیر،
کندین آراسیندا دانیشیق گئدیر.
ویجدان گؤتورمه‌ییر بو حاقسیزلیغی.
ایشده «میر پاشا»نین اخلاقسیزلیغی،
دیللرده سؤیله‌نیر جینایت کیمی،
سؤیله‌نیر آللاها خیانت کیمی.
تویلاردا، یاسلاردا، آغلاشمالاردا،
هر کیمین قووّتی قالیرسا داردا،
هر کیمین تاخیلی سوسوز یانیرسا،
کیمین قونشوسونا حسَدی وارسا،
دئییر: «بو کافیرلر اوزه گله‌لی،
بیزدن اوزاقلاشدی آللاهین الی»
بو قارا فورصتی فؤوته وئرمه‌ین،
عؤمرونده دوغرولوق، دوزلوک گؤرمه‌ین،
آخوند «شیرعلی»نین اوزانمیش دیلی،
جیبیندن چیخاریر ایسلاق مندیلی،
«آقالار» مسجیدین میناره‌سینده،
اونون قولاقلاری اوخشار سسینده،
اینسانلار یارالی بیر آهنگ دویار،
کؤنول دویدوغونا بیلمه‌دن اویار...
بودور، بیر وارلینین احسان یئرینده،
آخوند پیشیک کیمی آتیلیب یئنه،
آیه‌لر گتیریر بؤیوک قورآندان،
سؤیله‌ییر: «اییره‌نین اؤلومدن، قاندان!».
«تانری اونودولور، دین گئدیر الدن!»-
دئدیکجه، آغلاشما سسلری هردن،
اونون سسینده‌کی قووّتی آلیر.
چکیر نعره‌سینی او آغیر-آغیر...
#صمد_وورغون
#شعر_اوجاغی
@SheirOcagi
داوامی وار.
▫️جاوابلاری بیله‌رک یاشاماق، اؤلومون بیر فورماسی‌دیر. بیزی دیری ساخلایان، سؤال‌لاردیر.
📚 کریسپین، قورغوشون خاچ
#آوی
#شعر_اوجاغی
@SheirOcagi
📚 کریسپین، قورغوشون خاچ
#آوی
#شعر_اوجاغی
@SheirOcagi
▫️بعضیلرین، همیشه‌لیک سنین قلبینده یئرلری اولاجاق، حیاتیندا یئرلری اولماسا دا... بونو قبول ائتمه‌لیسن!
📚 کافکا ساحیلده
#هاروکی_موراکامی
#شعر_اوجاغی
@SheirOcagi
📚 کافکا ساحیلده
#هاروکی_موراکامی
#شعر_اوجاغی
@SheirOcagi
▫️اؤیره‌نیش
«حیات نه‌دیر؟» سؤال وئردیم اؤزومه،
معناسینی چیچک‌لردن اؤیرندیم.
یاشادیقجا چارپیشماغی، سئومه‌یی،
قلبیمده‌کی دیلک‌لردن اؤیرندیم.
بیر یای آلدیم چیخماق اوچون شیکارا،
توش گلدیم بیر آهو گؤزلو نیگارا.
نیشان آلیب اوخ آتماغی، نه چارا
داش اورک‌لی ملک‌لردن اؤیرندیم.
سولار کیمی کؤپوکله‌نیب داشماغی،
ائللر کیمی اوجا داغلار آشماغی،
مین بیر امل آرخاسینجا قوشماغی،
دورلو-دورلو اورک‌لردن اؤیرندیم.
خبر اولسون هر تازه‌یه، هر گنجه:
اینسان جوجوق، حیات اونا اَیلنجه.
من گورولتو قوپارماغی ایلک اؤنجه،
آلوو گؤزلو شیمشک‌لردن اؤیرندیم.
«حیات نه‌دیر، اؤلوم نه‌دیر؟» بوش سؤال،
«سئودا نه‌دیر، هیجران نه‌دیر؟» بیر خیال.
من بونلارین اساسینی ایشده، آل:
هپ چکدیگیم امک‌لردن اؤیرندیم.
#میکائیل_موشفیق
#شعر_اوجاغی
@SheirOcagi
«حیات نه‌دیر؟» سؤال وئردیم اؤزومه،
معناسینی چیچک‌لردن اؤیرندیم.
یاشادیقجا چارپیشماغی، سئومه‌یی،
قلبیمده‌کی دیلک‌لردن اؤیرندیم.
بیر یای آلدیم چیخماق اوچون شیکارا،
توش گلدیم بیر آهو گؤزلو نیگارا.
نیشان آلیب اوخ آتماغی، نه چارا
داش اورک‌لی ملک‌لردن اؤیرندیم.
سولار کیمی کؤپوکله‌نیب داشماغی،
ائللر کیمی اوجا داغلار آشماغی،
مین بیر امل آرخاسینجا قوشماغی،
دورلو-دورلو اورک‌لردن اؤیرندیم.
خبر اولسون هر تازه‌یه، هر گنجه:
اینسان جوجوق، حیات اونا اَیلنجه.
من گورولتو قوپارماغی ایلک اؤنجه،
آلوو گؤزلو شیمشک‌لردن اؤیرندیم.
«حیات نه‌دیر، اؤلوم نه‌دیر؟» بوش سؤال،
«سئودا نه‌دیر، هیجران نه‌دیر؟» بیر خیال.
من بونلارین اساسینی ایشده، آل:
هپ چکدیگیم امک‌لردن اؤیرندیم.
#میکائیل_موشفیق
#شعر_اوجاغی
@SheirOcagi
▫️- آداملارین بیر-بیرینی سئومه‌دیگی بیر ائوده، اوشاقلار بؤیویه بیلمزلر، ائله دئییل‌می؟
+ یوخ، بؤیویه بیلمزلر. بلکه بوی آتدیلار، آما قانادلانا بیلمزلر.
#آنا_گاوالدا
#شعر_اوجاغی
@SheirOcagi
+ یوخ، بؤیویه بیلمزلر. بلکه بوی آتدیلار، آما قانادلانا بیلمزلر.
#آنا_گاوالدا
#شعر_اوجاغی
@SheirOcagi
▫️آزربایجان بایراغینا
«تورکوستان» یئللری اؤپوب آلنینی،
سؤیله‌ییر دردینی سنه، بایراغیم!
اوچ رنگین عکسینی قوزغون دنیزدن،
ارمغان یوللاسین یار'ا، بایراغیم!
گئدرکن «توران»ا چیخدین قارشیما،
کؤلگه‌ن دؤولت قوشو، قوندو باشیما.
ایذن وئر گؤزومده جوشان یاشیما،
دینلَتسین دردینی، آها، بایراغیم!
«قایی خان»* سویوندان آلدیغین رنگی،
قوجالمیش «ائلخان»لا موسَلمان بگی
ائلخانین اؤولادی، دینین دیره‌گی،
گتیردین کؤنلومه صفا، بایراغیم!
کؤکسومده توفانلار، گلدیم ایره‌لی،
اؤپوم کؤلگه‌ن دوشن موبارک یئری.
آللاهین اولدوزو، او گؤزل پری،
سیغینمیش قوینوندا آی'ا، بایراغیم!
#احمد_جاواد
*اوغوز خانلاریندان بیری
#شعر_اوجاغی
@SheirOcagi
«تورکوستان» یئللری اؤپوب آلنینی،
سؤیله‌ییر دردینی سنه، بایراغیم!
اوچ رنگین عکسینی قوزغون دنیزدن،
ارمغان یوللاسین یار'ا، بایراغیم!
گئدرکن «توران»ا چیخدین قارشیما،
کؤلگه‌ن دؤولت قوشو، قوندو باشیما.
ایذن وئر گؤزومده جوشان یاشیما،
دینلَتسین دردینی، آها، بایراغیم!
«قایی خان»* سویوندان آلدیغین رنگی،
قوجالمیش «ائلخان»لا موسَلمان بگی
ائلخانین اؤولادی، دینین دیره‌گی،
گتیردین کؤنلومه صفا، بایراغیم!
کؤکسومده توفانلار، گلدیم ایره‌لی،
اؤپوم کؤلگه‌ن دوشن موبارک یئری.
آللاهین اولدوزو، او گؤزل پری،
سیغینمیش قوینوندا آی'ا، بایراغیم!
#احمد_جاواد
*اوغوز خانلاریندان بیری
#شعر_اوجاغی
@SheirOcagi
▫️سون زنگ
زنگ وورولدو: بئش دقیقه‌لیک تنفّوس
بیز الیفبانی، سئوگی مکتوبو یازماقچون اؤیرنمیشدیک.
بونو اوچونجو صینیفده اوخویارکن آنلادیم.
دفتریمدن قوپاردیغیم ورقه ایکی سؤز یازمیشدیم:
«سنین آدین...منیم آدیم».
رسم درسینده اورک شکلی چکیردیک بایراق‌لا میلّی دامغا عوَضینه.
اوره‌ییمیز سوموک بئشیگینده یئنیجه گولوردو اوندا.
اوندا هله اؤیرنمه‌میشدیک رقم‌لرین اسکیناس اولدوغونو.
اوندا بیلمیردیک کی، دؤردبوجاق چکه بیلمه‌ین دوستوموز دؤرد دیوارا دوشه‌جک.
بیلمیردیک «آمپرمتر»دن 5 آلان قیز جریاندان اؤله‌جک.
بیلمیردیک کی، هر شئی بوش چوخلوق‌دور.
بو یادداش کیتابچاسیندا آدام اؤز اللرینی اونودور.
یاخین اوتور!
بیر آز اعتراف ائده‌جم،
یاخین اوتور، عزیز موعلّیمه‌م!
آزربایجان دیلی درسینده «اونوتماق» فعلینی
شخصه و کمیّته گؤره دَییشیردیک،
و من همیشه بیرینجی شخصین تکینده یالان دانیشیردیم،
چونکی من اونوتمامیشدیم.
بیولوژییا، بیزدن گیزلَتمیشدی کی،
گؤزلرین ایکی فونکسییاسی¹ وار:
آغلاماق و دانیشماق.
اصلینده، اوره‌یین دیلی ایمیش باخیشلار.
اوندا تاریخ «تورقوت اؤزال» دئییلدی،
«جورج بوش» دئییلدی.
اوندا هله اکیز قوللـه‌لر، باشینی آشاغی سالمامیشدی،
اوندا اکیز قوللـه‌لرین باشی گؤیه دَییردی.
فیزیکا، چین ایشگنجه‌سی ایدی.
بیرجه، «عوموم‌دونیا جاذیبه قانونو»نو،
سنی قوجاقلایارکن باشا دوشدوم.
«نیوتون»ون باشینا آلما دوشمه‌میشدن قاباق، سن منیم اوره‌ییمه دوشموشدون،
بو، ایلاهی جذب‌ائتمه ایدی.
یئر کوره‌سینی قوجاقلایان مدارلار تک،
سنی قوجاقلامیشدی بو قوللار.
اوندا بیلمیردیم کی، یئرین نووه² قاتیندان باشقا، نووه سیلاحی دا وار.
عزیز موعلّیمه‌م!
ایندی حیات فنّیندن، کسر امتحانینا گلمیشم،
دفتریمی یوخلایین،
داورانیشیما قیمت وئرین!
ایسته‌ییرسیز والدئینیمی چاغیریب ایجلاسدا شیکایت‌لنین!
آما خواهیش ائدیرم، مندن «سئومه»یی سوروشمایین!
چونکی «سئومک»، یادیمدان چیخیب ائوده قالیب.
#آقشین_ائورن
¹- فونکسیون، تابع(ریاضیاتدا)
²- هسته
#شعر_اوجاغی
@SheirOcagi
زنگ وورولدو: بئش دقیقه‌لیک تنفّوس
بیز الیفبانی، سئوگی مکتوبو یازماقچون اؤیرنمیشدیک.
بونو اوچونجو صینیفده اوخویارکن آنلادیم.
دفتریمدن قوپاردیغیم ورقه ایکی سؤز یازمیشدیم:
«سنین آدین...منیم آدیم».
رسم درسینده اورک شکلی چکیردیک بایراق‌لا میلّی دامغا عوَضینه.
اوره‌ییمیز سوموک بئشیگینده یئنیجه گولوردو اوندا.
اوندا هله اؤیرنمه‌میشدیک رقم‌لرین اسکیناس اولدوغونو.
اوندا بیلمیردیک کی، دؤردبوجاق چکه بیلمه‌ین دوستوموز دؤرد دیوارا دوشه‌جک.
بیلمیردیک «آمپرمتر»دن 5 آلان قیز جریاندان اؤله‌جک.
بیلمیردیک کی، هر شئی بوش چوخلوق‌دور.
بو یادداش کیتابچاسیندا آدام اؤز اللرینی اونودور.
یاخین اوتور!
بیر آز اعتراف ائده‌جم،
یاخین اوتور، عزیز موعلّیمه‌م!
آزربایجان دیلی درسینده «اونوتماق» فعلینی
شخصه و کمیّته گؤره دَییشیردیک،
و من همیشه بیرینجی شخصین تکینده یالان دانیشیردیم،
چونکی من اونوتمامیشدیم.
بیولوژییا، بیزدن گیزلَتمیشدی کی،
گؤزلرین ایکی فونکسییاسی¹ وار:
آغلاماق و دانیشماق.
اصلینده، اوره‌یین دیلی ایمیش باخیشلار.
اوندا تاریخ «تورقوت اؤزال» دئییلدی،
«جورج بوش» دئییلدی.
اوندا هله اکیز قوللـه‌لر، باشینی آشاغی سالمامیشدی،
اوندا اکیز قوللـه‌لرین باشی گؤیه دَییردی.
فیزیکا، چین ایشگنجه‌سی ایدی.
بیرجه، «عوموم‌دونیا جاذیبه قانونو»نو،
سنی قوجاقلایارکن باشا دوشدوم.
«نیوتون»ون باشینا آلما دوشمه‌میشدن قاباق، سن منیم اوره‌ییمه دوشموشدون،
بو، ایلاهی جذب‌ائتمه ایدی.
یئر کوره‌سینی قوجاقلایان مدارلار تک،
سنی قوجاقلامیشدی بو قوللار.
اوندا بیلمیردیم کی، یئرین نووه² قاتیندان باشقا، نووه سیلاحی دا وار.
عزیز موعلّیمه‌م!
ایندی حیات فنّیندن، کسر امتحانینا گلمیشم،
دفتریمی یوخلایین،
داورانیشیما قیمت وئرین!
ایسته‌ییرسیز والدئینیمی چاغیریب ایجلاسدا شیکایت‌لنین!
آما خواهیش ائدیرم، مندن «سئومه»یی سوروشمایین!
چونکی «سئومک»، یادیمدان چیخیب ائوده قالیب.
#آقشین_ائورن
¹- فونکسیون، تابع(ریاضیاتدا)
²- هسته
#شعر_اوجاغی
@SheirOcagi
▫️هردن قیرمیزی بالیقلاری قیسقانیرام. ائله بیل یادداشلارینین گئنیشلیگی ساده‌جه بیر نئچه ثانیه‌لیک‌دی. فیکیرلرینین دالیسینی توتماقلاری ایمکانسیزدی. هر شئیی بیر نئچه ثانیه‌دن سونرا، ایلک دفعه تجروبه ائدیرلر.
بالیقلارین بیر نئچه ثانیه‌‌لیکدن آرتیق، هئچ بیر خاطیره‌لری یوخدور، اونو دا اونودورلار. بو قوصورلاریندان خبرسیز اولدوقلاری سوره، کسین‌لیکله حیات اونلار اوچون اوزون، خوش، گؤزل بیر ناغیل‌دیر وهمیشه‌لیک بیر شنلیک.
📚 سارساق بولود
#ارلند_لوی
#شعر_اوجاغی
@SheirOcagi
بالیقلارین بیر نئچه ثانیه‌‌لیکدن آرتیق، هئچ بیر خاطیره‌لری یوخدور، اونو دا اونودورلار. بو قوصورلاریندان خبرسیز اولدوقلاری سوره، کسین‌لیکله حیات اونلار اوچون اوزون، خوش، گؤزل بیر ناغیل‌دیر وهمیشه‌لیک بیر شنلیک.
📚 سارساق بولود
#ارلند_لوی
#شعر_اوجاغی
@SheirOcagi
هل عندك شك أنّ دخولك في قلبي
هو أعظم يومٍ في التّاريخ وأجمل خبرٍ بالدّنيا
▫️قلبیمه گیریشین،
تاریخین ان بؤیوک گونو،
و دونیانین ان گؤزل خبری ایدی.
بونا شوبهه‌ن‌می وار؟!
#نزار_قبانی
#شعر_اوجاغی
@SheirOcagi
هو أعظم يومٍ في التّاريخ وأجمل خبرٍ بالدّنيا
▫️قلبیمه گیریشین،
تاریخین ان بؤیوک گونو،
و دونیانین ان گؤزل خبری ایدی.
بونا شوبهه‌ن‌می وار؟!
#نزار_قبانی
#شعر_اوجاغی
@SheirOcagi
▫️من چیخیب گئدیرم سنین دونیاندان،
بو دونیا باشینا ییخیلار سنین.
قلبیمی سیخمیسان؛ ائله گون گلر،
اوره‌یین عؤمورلوک سیخیلار سنین.
ائله سیندیردین کی بو اوره‌ییمی،
باریشماز؛ کوسوبدور عؤمورلوک سندن.
چالیشما بیر داها قاییتماق اوچون!
من سندن اوزاغام، اوزاق اول مندن!
گزمه کوچه‌لری سن ایلمه-ایلمه!
سؤکولموش قلبیمی هؤره بیلمزسن.
قلبیم ائله سینیب سندن، اینان کی،
بیر داها اوزومو گؤره بیلمزسن.
راضییام الیمی من کسیم آتیم،
الیندن بیر داها توتماسین سنین.
دار گونده سن منه ال اوزاداسان،
اللریم دادینا چاتماسین سنین.
#سائیله_پناه
#شعر_اوجاغی
@SheirOcagi
بو دونیا باشینا ییخیلار سنین.
قلبیمی سیخمیسان؛ ائله گون گلر،
اوره‌یین عؤمورلوک سیخیلار سنین.
ائله سیندیردین کی بو اوره‌ییمی،
باریشماز؛ کوسوبدور عؤمورلوک سندن.
چالیشما بیر داها قاییتماق اوچون!
من سندن اوزاغام، اوزاق اول مندن!
گزمه کوچه‌لری سن ایلمه-ایلمه!
سؤکولموش قلبیمی هؤره بیلمزسن.
قلبیم ائله سینیب سندن، اینان کی،
بیر داها اوزومو گؤره بیلمزسن.
راضییام الیمی من کسیم آتیم،
الیندن بیر داها توتماسین سنین.
دار گونده سن منه ال اوزاداسان،
اللریم دادینا چاتماسین سنین.
#سائیله_پناه
#شعر_اوجاغی
@SheirOcagi
▫️گزدیگیم یئرلر
عصیرلردن بری، ایللردن بری،
دردینه قالدیغیم یئردیر بو یئرلر.
بیلییور ساچلاری قیزیل بیر پری،
قوربانی اولدوغوم یئردیر بو یئرلر.
بو گؤزل عالمی گزدیکجه داغ-داغ،
اولدوم سئوینجینه، غمینه اورتاق.
ائی سؤیودلو دره، ائی دومانلی داغ!
صفایا دالدیغیم یئردیر بو یئرلر.
قاپیلدیم بو یئرده اَیلنجه‌لره،
آنلامیش هر ایرماق، بیلمیش هر دره
یا دالیب دیقّت‌له دوشونجه‌لره،
یا ایلهام آلدیغیم یئردیر بو یئرلر.
#میکائیل_موشفیق
#شعر_اوجاغی
@SheirOcagi
عصیرلردن بری، ایللردن بری،
دردینه قالدیغیم یئردیر بو یئرلر.
بیلییور ساچلاری قیزیل بیر پری،
قوربانی اولدوغوم یئردیر بو یئرلر.
بو گؤزل عالمی گزدیکجه داغ-داغ،
اولدوم سئوینجینه، غمینه اورتاق.
ائی سؤیودلو دره، ائی دومانلی داغ!
صفایا دالدیغیم یئردیر بو یئرلر.
قاپیلدیم بو یئرده اَیلنجه‌لره،
آنلامیش هر ایرماق، بیلمیش هر دره
یا دالیب دیقّت‌له دوشونجه‌لره،
یا ایلهام آلدیغیم یئردیر بو یئرلر.
#میکائیل_موشفیق
#شعر_اوجاغی
@SheirOcagi
دیالوق
▫️- بعضاً بو گزه‌گن'ین نه قدَر گؤزل اولا بیله‌جه‌یینی اونودورام. حئییف کی اینسان‌اوغلو اونو یوخ ائتمه‌یه آند ایچیب!
📺 İnvincible
2021-.... آمریکا
#شعر_اوجاغی
@SheirOcagi
▫️- بعضاً بو گزه‌گن'ین نه قدَر گؤزل اولا بیله‌جه‌یینی اونودورام. حئییف کی اینسان‌اوغلو اونو یوخ ائتمه‌یه آند ایچیب!
📺 İnvincible
2021-.... آمریکا
#شعر_اوجاغی
@SheirOcagi
|شعر اوجاغی|
▫️کومسومول پوئماسی9 ماراقلی بیر حادیثه حئیرت ایچینده‌دیر کومسومولچولار، دئییرلر، ماراقلی بیر حادیثه وار: «میر پاشا» مسجیده باغلامیش کؤپک کندلی‌لر قیزیشیب غئیظ‌لنه‌رک، قاریلار، قوجالار قیامت ائدیر، کندین آراسیندا دانیشیق گئدیر. ویجدان گؤتورمه‌ییر بو حاقسیزلیغی.…
▫️کومسومول پوئماسی10
قاپالی اجلاس
آپاریر اجلاسی یولداش «بختیار»،
منیم داستانیمین باش قهرمانی.
اونون گؤزلرینده بیر اضطراب وار،
ایشده، دوشوندورور هر بیر اینسانی،
منیم داستانیمین باش قهرمانی.
بیرینجی سس:
«میرپاشا دوغرودان بیر یارامازدیر،
ائله بیر آلچاغا اؤلوم ده آزدیر.
نه قدر کومسومول اولساق دا، یئنه،
گرک ساتاشمایاق آللاه ائوینه!»
دئدیکجه آلیشیب یانیر گؤزلری،
قاباردیب دؤشونو وئریر ایره‌لی.
ایکینجی سس:
«ائه...جانیم، بوراخین! بیزه نه وار، ائه!
هر کس توتدوغونا اؤزو جاواب‌دئه.
دوغروسو، بونلارا قاریشمیرام من.
ببر زامان گلر کی، او، قیل کؤرپودن،
گوناهکار کئچرکن ییخیلیب قالار،
محشر آیاغیندا بیر توخماق آلار.»
اوچونجو سس:
«یولداشلار، مسجیده کؤپک باغلاماق،
بلکه ظارافات‌دیر، اویون‌دور آنجاق.»
دؤردونجو سس:
«منجه، ظارافاتدان آیری‌دیر بو ایش،
میرپاشا دوغرودان بیر سهو ائیله‌میش.
بو قدر اوستونه دوشمک ده اولماز،
بونون دا قئیدینه قالالیم بیر آز.
آزاجیق دانلاییب، تاپشیرساق اگر،
گؤردویو ایشلردن آرتیق ال چکر.
میرپاشا:
«چوخ حاقّ ائیله‌میشم! هه!...سؤزونوز نه؟
یوخدور اعتقادیم موللا دئیَنه.
اوغرو کی دئییلم؛ توتدوغوم بو ایش
لاپ بو اللریمین ایچیندن گلمیش.»
- «آفرین‌باشینا!»
- «من اؤلوم ال چک!
الیندن گلَنی ایکی قابا چک!
آی جانیم، بیز هارا، میناره هارا؟
یئنه‌می ایناناق بو آلچاقلارا؟
هله بیر دایانین! دله‌دوزم من-
موللانی ییخماسام او میناره‌دن.»
دئییب خوروزلانیر یئنه میرپاشا،
اجلاس آز قالیر کی، جوشوب چاخناشا.
- بیر بونا باخ، بونا! بیر آز ساکیت اول!
- آللاهسیز!
- آفرین!
- قوچاق کومسومول!
#صمد_وورغون
#شعر_اوجاغی
@SheirOcagi
داوامی وار
قاپالی اجلاس
آپاریر اجلاسی یولداش «بختیار»،
منیم داستانیمین باش قهرمانی.
اونون گؤزلرینده بیر اضطراب وار،
ایشده، دوشوندورور هر بیر اینسانی،
منیم داستانیمین باش قهرمانی.
بیرینجی سس:
«میرپاشا دوغرودان بیر یارامازدیر،
ائله بیر آلچاغا اؤلوم ده آزدیر.
نه قدر کومسومول اولساق دا، یئنه،
گرک ساتاشمایاق آللاه ائوینه!»
دئدیکجه آلیشیب یانیر گؤزلری،
قاباردیب دؤشونو وئریر ایره‌لی.
ایکینجی سس:
«ائه...جانیم، بوراخین! بیزه نه وار، ائه!
هر کس توتدوغونا اؤزو جاواب‌دئه.
دوغروسو، بونلارا قاریشمیرام من.
ببر زامان گلر کی، او، قیل کؤرپودن،
گوناهکار کئچرکن ییخیلیب قالار،
محشر آیاغیندا بیر توخماق آلار.»
اوچونجو سس:
«یولداشلار، مسجیده کؤپک باغلاماق،
بلکه ظارافات‌دیر، اویون‌دور آنجاق.»
دؤردونجو سس:
«منجه، ظارافاتدان آیری‌دیر بو ایش،
میرپاشا دوغرودان بیر سهو ائیله‌میش.
بو قدر اوستونه دوشمک ده اولماز،
بونون دا قئیدینه قالالیم بیر آز.
آزاجیق دانلاییب، تاپشیرساق اگر،
گؤردویو ایشلردن آرتیق ال چکر.
میرپاشا:
«چوخ حاقّ ائیله‌میشم! هه!...سؤزونوز نه؟
یوخدور اعتقادیم موللا دئیَنه.
اوغرو کی دئییلم؛ توتدوغوم بو ایش
لاپ بو اللریمین ایچیندن گلمیش.»
- «آفرین‌باشینا!»
- «من اؤلوم ال چک!
الیندن گلَنی ایکی قابا چک!
آی جانیم، بیز هارا، میناره هارا؟
یئنه‌می ایناناق بو آلچاقلارا؟
هله بیر دایانین! دله‌دوزم من-
موللانی ییخماسام او میناره‌دن.»
دئییب خوروزلانیر یئنه میرپاشا،
اجلاس آز قالیر کی، جوشوب چاخناشا.
- بیر بونا باخ، بونا! بیر آز ساکیت اول!
- آللاهسیز!
- آفرین!
- قوچاق کومسومول!
#صمد_وورغون
#شعر_اوجاغی
@SheirOcagi
داوامی وار
▫️من کیمم؟
سورانلارا، من بو یوردون
آنلاتاییم نه‌سی‌یم:
من چئینه‌نن بیر اؤلکه‌نین
«حاق!» باغیران سسی‌یم.
من شاعیرم، دوغرو؛ آما
باشقا دیلیم، دیله‌ییم.
بو گؤردویوم خرابه‌ده
نه نشیده سؤیله‌ییم؟!
توخوندومو یازدیقلاریم
قلبین اینجه تئلینه؟
باخ! نه حاقسیز بیر آخین وار
یوخسوللارین ائلینه.
سن نه دئرسن بو سئودالی،
هم بو دردلی گئدیشه؟
ائی یاریمین حسرتی‌یله
بوینو بوکوک بنؤوشه!
من قییامام یار گلیرکن
ساللادیغیم مندیله.
آه، ائی فلک! آغلار ایسم،
گؤز یاشیمی کیم سیله؟
#احمد_جاواد
#شعر_اوجاغی
@SheirOcagi
سورانلارا، من بو یوردون
آنلاتاییم نه‌سی‌یم:
من چئینه‌نن بیر اؤلکه‌نین
«حاق!» باغیران سسی‌یم.
من شاعیرم، دوغرو؛ آما
باشقا دیلیم، دیله‌ییم.
بو گؤردویوم خرابه‌ده
نه نشیده سؤیله‌ییم؟!
توخوندومو یازدیقلاریم
قلبین اینجه تئلینه؟
باخ! نه حاقسیز بیر آخین وار
یوخسوللارین ائلینه.
سن نه دئرسن بو سئودالی،
هم بو دردلی گئدیشه؟
ائی یاریمین حسرتی‌یله
بوینو بوکوک بنؤوشه!
من قییامام یار گلیرکن
ساللادیغیم مندیله.
آه، ائی فلک! آغلار ایسم،
گؤز یاشیمی کیم سیله؟
#احمد_جاواد
#شعر_اوجاغی
@SheirOcagi