▫️پریشان اولماسین
ائله یاشا عؤمرونو سن،
ایلین پریشان اولماسین!
هر گؤزَله گول گؤندرمه،
گولون پریشان اولماسین!
یول گئدنده، ایزینی بیل!
یورولاندا، دؤزومو بیل!
سؤز دئینده، سؤزونو بیل،
دیلین پریشان اولماسین!
بیر کیمسه‌یه یالان ساتما!
ساتیب، درده- غمه باتما!
هر اوجاغا ال اوزاتما،
الین پریشان اولماسین!
تئز بوشالما دولاندا دا!
حقیقت گز یالاندا دا!
ائله یان کی، یاناندا دا-
کولون پریشان اولماسین!
درده کؤنول باغلایاندا،
گیزلی آغلا، آغلایاندا!
گؤزونده غم چاغلایاندا،
سئلین پریشان اولماسین...!
#نوصرت_کسمنلی
کؤچوردو
#شعر_اوجاغی
@SheirOcagi
ائله یاشا عؤمرونو سن،
ایلین پریشان اولماسین!
هر گؤزَله گول گؤندرمه،
گولون پریشان اولماسین!
یول گئدنده، ایزینی بیل!
یورولاندا، دؤزومو بیل!
سؤز دئینده، سؤزونو بیل،
دیلین پریشان اولماسین!
بیر کیمسه‌یه یالان ساتما!
ساتیب، درده- غمه باتما!
هر اوجاغا ال اوزاتما،
الین پریشان اولماسین!
تئز بوشالما دولاندا دا!
حقیقت گز یالاندا دا!
ائله یان کی، یاناندا دا-
کولون پریشان اولماسین!
درده کؤنول باغلایاندا،
گیزلی آغلا، آغلایاندا!
گؤزونده غم چاغلایاندا،
سئلین پریشان اولماسین...!
#نوصرت_کسمنلی
کؤچوردو
#شعر_اوجاغی
@SheirOcagi
Forwarded from اتچ بات
▫️یارالی یارپاق
خیالی نیگاران، ندنسه بیر گون،
باشیما طبیعت هاواسی ووردو
اؤزوم اؤزلویومدن اولالی سورگون
شاعیر اوره‌ییمین عشقی قودوردو
ایسته‌دیم داغیلسین کؤنلومون غمی،
آنا طبیعتین سئیرینه چیخدیم
سئل کیمی داشلاندی گؤزومون نمی
بو دم بیر شاعیرین ألینی سیخدیم
سوروشدوم حالینی، او دا من کیمی
دردیندن داغ‌لارا، داش‌لارا دوشموش
درین دویغولاری شهلی چن کیمی
آغاج‌لار قوینوندا غمله اؤتوشموش
آغلار گوزلرینده یئرسیز بیر گوناه
اوغلونو اؤلدورن بیر سردار کیمی
دوْشوندن گؤیه‌ریر گؤی‌لره آل، آه
آللاهین ایتیرمیش گوناهکار کیمی
هر سالام، ویداع‌لار گتیرر، آنجاق
آیریلدیق اونونلا توتقون حال ایله
تاپداندی خیال‌لا بئینیم دویونجاق
هوپدوم بیر دره‌یه مین خیال ایله
تک آغاج یانیندا داغلار آراسی
اؤپدو آیاغیمی یارالی یارپاق
کؤکسونده آجیلی داش‌لار یاراسی
دوشموشدو اؤزوندن آرالی یارپاق
قامتی بیر قارا- قیوریم سانجی‌لی
داغلانیب دوداغی درد دیرناغیندا
یاناغی داش‌لارین قاراقانچیلی
باشسیز، یئر سورونور یئل قیْیناغیندا
چیخدیم دوشونمه‌دن اوستونه ناگاه
چیغیرتی سسینه ویجدان اویاندی
آغریدان اؤلوم‌له گؤروشدوم آللاه
بو آندا داماردا قانیم دایاندی
دئدیم: بو نه سیردی، بو نئجه حیکمت؟!
بو سیرری، حیکمتی آچیقلا منه
دارتدی قاش‌لارینی بیر آجی غئیرت
دئدی کج باخیشلا، آجیق‌لا منه:
گووندیییم داغا قار یاغیب اینان
عشقیمین گولله‌سی داشا توخونوب
اینسانلیق داغینی آلیب قار- بوران
یامان اوره‌ییمده گیلئی‌لر دوْنوب
سن ائی اینسان‌لارین دوشونن پیسی
یارالی کؤنلومون بوخچاسین آچما
بوْغوبدور یئر- گؤیو ظولموزون هیسی
حقیقت نوروندان گئری‌یه قاچما
سیز آدم تؤره‌یی، قابیل قارداشی
لاپ قانین ایلکینی! تؤکن سیز اولدوز
معریفت جامینا ویرارکن داشی
شهوت‌له جهالت سویونا دولدوز
دانما حقیقتی، باش أی دوزلوگه
گونشی پالچیقلا سوواماق اولماز
اینان گؤزلرینه، اویما گؤزلوگه
چیرکین‌لر بزه‌یی همیشه قالماز
اوره‌ییز پاخیرلی، ألیز قانلی‌دی
دوزلوک باغچاسینین اوراغی‌سیز، سیز
سیزدن خئییر اومانلار یئل گومانلی‌دی
أیری‌نین، آلچاغین دایاغی‌سیز، سیز
آنا طبیعتین گؤزو، گؤزلی
شاعیری بیلیردیم اؤزومه آتا
بیلمزدیم شاعیرین او گؤیچک ألی
اوستومه قادالی داشلاری آتا
دوشونن سن ایدین، آغیر آیاقلا
یارالی باغریمین اوستونه قوندون
من سنه سیغیندیم اورکده داغلا
سن یارا باغریمی یارالی یوْندون
کامال آختاریردیم، زاوال حاقلادی
یاغموردان قاچیردیم، دولویا دوشدوم
قوللاریم دوشونن باش قوجاقلادی
آغلیما گلمه‌ین بلایا دوشدوم
گوونمه قولوندا قوّته، زورا
سن أییرن ایپی فلک توخویوب
شاه‌لاری کفن‌سیز چکیبدی گورا
فیرعون‌لار قصرینده بایقوش اوخویوب
آیاق‌یالین گزر شاه دوه‌سی ده!
نجیب آتلاری دا بودره‌در زامان
ییخیلار تختیندن خان نوسی ده
ساربان دا یول آزار گلسه چن- دومان
شر ایش قالا- قالا دؤنر خئییره
بیری اؤلمه‌یینجه، بیری دیریلمز
دؤز! هله جهره‌سین فلک أییره
آلوْو، اوجالمامیش، سؤنوکه بیلمز
سانما ییخیلمایان، بیرینی ییخار
هله ییخیلمایان کیمی ییخماییب؟
زینه‌دن گلن سو سئل اولوب آخار
آیاغا دوشمه‌ین باشا چیخماییب
آی بولود آلتیندا قالماز بیر نفس
گون گلر بولودون باغرین یارار آی
بوغازدا بورولوب هیچقیران بو سس،
پارتلاییب اولاجاق آجی بیر هارای
گئت ائی کاییناتین سفیل بؤلومو
غئیرتدن اوزاقدی سیزه سیغینماق
شرف‌له سئویرم شریف اؤلومو
چی سود أمن‌لره هئچدی دایانماق
گئت! بیر ده اوزونو گؤرمه‌سین گؤزوم
او نورسوز اوزونون نورونا نیفرت
گئت اوزون جهننم، منده یوخ دؤزوم
ظالیمده بیر کیمسه گؤرمه‌میش حؤرمت
فلک بیر جیرینا مین جیر ووراجاق
آییل ائی ظولمتده عاغلین ایتیرن
بیر زامان حقیقت مئیدان قوراجاق
گله‌جک أل‌لری گونش بیتیرن
اوندا یارپاق‌لاری بولبول اوخشاییب
باریش آغاج‌لاری بار یاغاجاق‌لار
قوش‌لار دیمدییینده اؤپوش پایلاییب
اینسانلیق دؤشوندن نور ساغاجاق‌لار
بوتون اورک‌لره تانری قوناجاق
گؤزلرده باخیش‌لار سئوگی هؤره‌جک
ظولمت‌لر باغریندان شفق یاناجاق
اینسان پای اینسانا، آللاه وئره‌جک
ساقی! چوخ اؤیونمه اؤزونه سن ده
سنی ده آپارار بو قارا تورپاق
بئله گئت، بو یئردن کؤچوب گئدنده
سندن اینجیمه‌سین یارالی یارپاق
سن ائی یارپاق‌لاری یارادان آللاه
یارپاغا داش آتان أل‌لری سیندیر
ائتمه‌سین عؤمرونده بیر بئله گوناه
یارپاغی تاپدایان آیاغی دوْندور
🍃 #یارالی_یارپاق
شعر #دوکتور_فاضل_عباس‌زاده
سس #حمیدرضا_حسینی
@SheirOcagi
خیالی نیگاران، ندنسه بیر گون،
باشیما طبیعت هاواسی ووردو
اؤزوم اؤزلویومدن اولالی سورگون
شاعیر اوره‌ییمین عشقی قودوردو
ایسته‌دیم داغیلسین کؤنلومون غمی،
آنا طبیعتین سئیرینه چیخدیم
سئل کیمی داشلاندی گؤزومون نمی
بو دم بیر شاعیرین ألینی سیخدیم
سوروشدوم حالینی، او دا من کیمی
دردیندن داغ‌لارا، داش‌لارا دوشموش
درین دویغولاری شهلی چن کیمی
آغاج‌لار قوینوندا غمله اؤتوشموش
آغلار گوزلرینده یئرسیز بیر گوناه
اوغلونو اؤلدورن بیر سردار کیمی
دوْشوندن گؤیه‌ریر گؤی‌لره آل، آه
آللاهین ایتیرمیش گوناهکار کیمی
هر سالام، ویداع‌لار گتیرر، آنجاق
آیریلدیق اونونلا توتقون حال ایله
تاپداندی خیال‌لا بئینیم دویونجاق
هوپدوم بیر دره‌یه مین خیال ایله
تک آغاج یانیندا داغلار آراسی
اؤپدو آیاغیمی یارالی یارپاق
کؤکسونده آجیلی داش‌لار یاراسی
دوشموشدو اؤزوندن آرالی یارپاق
قامتی بیر قارا- قیوریم سانجی‌لی
داغلانیب دوداغی درد دیرناغیندا
یاناغی داش‌لارین قاراقانچیلی
باشسیز، یئر سورونور یئل قیْیناغیندا
چیخدیم دوشونمه‌دن اوستونه ناگاه
چیغیرتی سسینه ویجدان اویاندی
آغریدان اؤلوم‌له گؤروشدوم آللاه
بو آندا داماردا قانیم دایاندی
دئدیم: بو نه سیردی، بو نئجه حیکمت؟!
بو سیرری، حیکمتی آچیقلا منه
دارتدی قاش‌لارینی بیر آجی غئیرت
دئدی کج باخیشلا، آجیق‌لا منه:
گووندیییم داغا قار یاغیب اینان
عشقیمین گولله‌سی داشا توخونوب
اینسانلیق داغینی آلیب قار- بوران
یامان اوره‌ییمده گیلئی‌لر دوْنوب
سن ائی اینسان‌لارین دوشونن پیسی
یارالی کؤنلومون بوخچاسین آچما
بوْغوبدور یئر- گؤیو ظولموزون هیسی
حقیقت نوروندان گئری‌یه قاچما
سیز آدم تؤره‌یی، قابیل قارداشی
لاپ قانین ایلکینی! تؤکن سیز اولدوز
معریفت جامینا ویرارکن داشی
شهوت‌له جهالت سویونا دولدوز
دانما حقیقتی، باش أی دوزلوگه
گونشی پالچیقلا سوواماق اولماز
اینان گؤزلرینه، اویما گؤزلوگه
چیرکین‌لر بزه‌یی همیشه قالماز
اوره‌ییز پاخیرلی، ألیز قانلی‌دی
دوزلوک باغچاسینین اوراغی‌سیز، سیز
سیزدن خئییر اومانلار یئل گومانلی‌دی
أیری‌نین، آلچاغین دایاغی‌سیز، سیز
آنا طبیعتین گؤزو، گؤزلی
شاعیری بیلیردیم اؤزومه آتا
بیلمزدیم شاعیرین او گؤیچک ألی
اوستومه قادالی داشلاری آتا
دوشونن سن ایدین، آغیر آیاقلا
یارالی باغریمین اوستونه قوندون
من سنه سیغیندیم اورکده داغلا
سن یارا باغریمی یارالی یوْندون
کامال آختاریردیم، زاوال حاقلادی
یاغموردان قاچیردیم، دولویا دوشدوم
قوللاریم دوشونن باش قوجاقلادی
آغلیما گلمه‌ین بلایا دوشدوم
گوونمه قولوندا قوّته، زورا
سن أییرن ایپی فلک توخویوب
شاه‌لاری کفن‌سیز چکیبدی گورا
فیرعون‌لار قصرینده بایقوش اوخویوب
آیاق‌یالین گزر شاه دوه‌سی ده!
نجیب آتلاری دا بودره‌در زامان
ییخیلار تختیندن خان نوسی ده
ساربان دا یول آزار گلسه چن- دومان
شر ایش قالا- قالا دؤنر خئییره
بیری اؤلمه‌یینجه، بیری دیریلمز
دؤز! هله جهره‌سین فلک أییره
آلوْو، اوجالمامیش، سؤنوکه بیلمز
سانما ییخیلمایان، بیرینی ییخار
هله ییخیلمایان کیمی ییخماییب؟
زینه‌دن گلن سو سئل اولوب آخار
آیاغا دوشمه‌ین باشا چیخماییب
آی بولود آلتیندا قالماز بیر نفس
گون گلر بولودون باغرین یارار آی
بوغازدا بورولوب هیچقیران بو سس،
پارتلاییب اولاجاق آجی بیر هارای
گئت ائی کاییناتین سفیل بؤلومو
غئیرتدن اوزاقدی سیزه سیغینماق
شرف‌له سئویرم شریف اؤلومو
چی سود أمن‌لره هئچدی دایانماق
گئت! بیر ده اوزونو گؤرمه‌سین گؤزوم
او نورسوز اوزونون نورونا نیفرت
گئت اوزون جهننم، منده یوخ دؤزوم
ظالیمده بیر کیمسه گؤرمه‌میش حؤرمت
فلک بیر جیرینا مین جیر ووراجاق
آییل ائی ظولمتده عاغلین ایتیرن
بیر زامان حقیقت مئیدان قوراجاق
گله‌جک أل‌لری گونش بیتیرن
اوندا یارپاق‌لاری بولبول اوخشاییب
باریش آغاج‌لاری بار یاغاجاق‌لار
قوش‌لار دیمدییینده اؤپوش پایلاییب
اینسانلیق دؤشوندن نور ساغاجاق‌لار
بوتون اورک‌لره تانری قوناجاق
گؤزلرده باخیش‌لار سئوگی هؤره‌جک
ظولمت‌لر باغریندان شفق یاناجاق
اینسان پای اینسانا، آللاه وئره‌جک
ساقی! چوخ اؤیونمه اؤزونه سن ده
سنی ده آپارار بو قارا تورپاق
بئله گئت، بو یئردن کؤچوب گئدنده
سندن اینجیمه‌سین یارالی یارپاق
سن ائی یارپاق‌لاری یارادان آللاه
یارپاغا داش آتان أل‌لری سیندیر
ائتمه‌سین عؤمرونده بیر بئله گوناه
یارپاغی تاپدایان آیاغی دوْندور
🍃 #یارالی_یارپاق
شعر #دوکتور_فاضل_عباس‌زاده
سس #حمیدرضا_حسینی
@SheirOcagi
Telegram
attach 📎
▫️یوز دیلده «سنی سئویرم» دئسن نه فایدا؟
بیر دیلده آدام کیمی سئومه‌دیکدن سونرا...!
#تورگوت_اویار
@SheirOcagi
بیر دیلده آدام کیمی سئومه‌دیکدن سونرا...!
#تورگوت_اویار
@SheirOcagi
▫️آیاغا قالخ ائی کپنک!
گئج دیر.
گئتمک اوچون،
فرسنگ‌لر یولوموز وار...
#ماتسوئو_باشو (۱۶۴۴-۱۶۹۴)
ژاپونیانین هایکو شعر سؤیله‌ین آدلیم شاعیری
#شعر_اوجاغی
@SheirOcagi
گئج دیر.
گئتمک اوچون،
فرسنگ‌لر یولوموز وار...
#ماتسوئو_باشو (۱۶۴۴-۱۶۹۴)
ژاپونیانین هایکو شعر سؤیله‌ین آدلیم شاعیری
#شعر_اوجاغی
@SheirOcagi
▫️ایچینیزده بیر یئر وار،
هر زامان، حیات داغینیق‌لیغینین اؤته‌سینده‌دیر.
دینج، نشه‌لی،
کلمه‌دن اوزاق،
قارشیت‌سیز بیر دونیا.
اؤزونوز اونو تاپمالیسینیز...
#اکهارت_توله Eckhart Tolle
(۱۹۴۸دوغوملو) آلمانلی یازیچی
#شعر_اوجاغی
@SheirOcagi
هر زامان، حیات داغینیق‌لیغینین اؤته‌سینده‌دیر.
دینج، نشه‌لی،
کلمه‌دن اوزاق،
قارشیت‌سیز بیر دونیا.
اؤزونوز اونو تاپمالیسینیز...
#اکهارت_توله Eckhart Tolle
(۱۹۴۸دوغوملو) آلمانلی یازیچی
#شعر_اوجاغی
@SheirOcagi
▫️اونو ایلک اؤپدویومده،
بیلدیم:
آنام حوّا حاقلی‌یمیش؛
گاهن، بعضی یاساق‌لار،
جنّتدن قووولماغا دَیر...
#طاهره_اباذری‌هریس
چئویری
#شعر_اوجاغی
@SheirOcagi
بیلدیم:
آنام حوّا حاقلی‌یمیش؛
گاهن، بعضی یاساق‌لار،
جنّتدن قووولماغا دَیر...
#طاهره_اباذری‌هریس
چئویری
#شعر_اوجاغی
@SheirOcagi
حیات بیر شطرنج صفحه‌سینه بنزر
شاه دئییلیک
قالامیز یوخدو
وزیریمیز ده
فیلیمیز ده
آتیمیز دا
یالنیز پیادا، یازیق سربازلاریق
کؤکسوموز مرمی آماجی
جزامیز دار آغاجی
«سوووو...س» مؤهورو دوداغیمیزدا
امیرلر سیللی‌سی یاناغیمیزدا
سوزالیریق آجیمیزدان
چیریم-چیلپاق
قوورولوروق یایدا
زاغ-زاغ اسیریک قیشدا
سولوق-سولوق آیاغلاریمیز
چات- چات دوداغلاریمیز
رژه گئدیریک هله عارسیز-عارسیز
و اؤزگه دیلده
اؤزگه دیلده
پاشالارین
پو.....لو جانینا
دوعا ائدیریک...
#سحر_خیاوی
و...قادین دانیشیر کیتابیندان
@SheirOcagi
شاه دئییلیک
قالامیز یوخدو
وزیریمیز ده
فیلیمیز ده
آتیمیز دا
یالنیز پیادا، یازیق سربازلاریق
کؤکسوموز مرمی آماجی
جزامیز دار آغاجی
«سوووو...س» مؤهورو دوداغیمیزدا
امیرلر سیللی‌سی یاناغیمیزدا
سوزالیریق آجیمیزدان
چیریم-چیلپاق
قوورولوروق یایدا
زاغ-زاغ اسیریک قیشدا
سولوق-سولوق آیاغلاریمیز
چات- چات دوداغلاریمیز
رژه گئدیریک هله عارسیز-عارسیز
و اؤزگه دیلده
اؤزگه دیلده
پاشالارین
پو.....لو جانینا
دوعا ائدیریک...
#سحر_خیاوی
و...قادین دانیشیر کیتابیندان
@SheirOcagi
▫️بیلیرم، منه سویوق اولوب-اولمادیغینی
بیلمک ایسته‌یه‌جکسن.
قورخما آنا!
غوربتده فصیل‌لر یالنیز گؤرونتودور کند اوشاق‌لارینا...
سن‌سه منه داها کندیمیزدن یازما!
اونسوز دا بیلیرم:
یئنه چاققال سس‌لری دولدورور،
ایشیغی اؤله‌زی‌یَن* ائولرله،
نم چؤللرین آراسینی.
یئنه سحر آچیلاندا،
آروادلارینی شیکست آیاق کیمی،
آرخاسینجا سورویَن کیشی‌لر گؤرونور کند یوللاریندا....
باغیشلا منی، آنا!
من غوربتده آنلادیم:
وطن قادینلاری نئجه ده معناسیزدیر...!
*اؤله‌زی‌ین=کؤزه‌رن
#گونل_مولود
#سککیز_مارس_دونیا_قادین‌لار_گونو
@SheirOcagi
بیلمک ایسته‌یه‌جکسن.
قورخما آنا!
غوربتده فصیل‌لر یالنیز گؤرونتودور کند اوشاق‌لارینا...
سن‌سه منه داها کندیمیزدن یازما!
اونسوز دا بیلیرم:
یئنه چاققال سس‌لری دولدورور،
ایشیغی اؤله‌زی‌یَن* ائولرله،
نم چؤللرین آراسینی.
یئنه سحر آچیلاندا،
آروادلارینی شیکست آیاق کیمی،
آرخاسینجا سورویَن کیشی‌لر گؤرونور کند یوللاریندا....
باغیشلا منی، آنا!
من غوربتده آنلادیم:
وطن قادینلاری نئجه ده معناسیزدیر...!
*اؤله‌زی‌ین=کؤزه‌رن
#گونل_مولود
#سککیز_مارس_دونیا_قادین‌لار_گونو
@SheirOcagi
Forwarded from اتچ بات
▪️یئنه آللاه آغلاییر
یئردن گؤیه داش اوچور
گؤیدن یئره قوش یاغیر
یئنه آللاه آغلاییر
دئییرلر یاغیش یاغیر
بولاقلار گؤز یاشیندی
بولودلار آهین آللاه!
نه آدامسیز قالیبسان
ندیر گوناهین آللاه!
سئوگی آیاقلار آلتدا
نیفرت آت بئلینده دی
سنین الیندن چیخیب
دونیا ایت الینده دی
هارداسا یئنه بیر قوش
بیر چیچک گول-له لنیر
بیر آج اوشاق جان وئریر
بیر آج گلین دیله نیر
بو دونیا پاکا چیخمیر
هئی یاغیش یاغا- یاغا
قینامیرام آی آللاه
حاققین وار آغلاماغا
اوتورموشام ایلاهی
باخیرام فاغیر-فاغیر
هله اووۆنماییبسان
هله ده یاغیش یاغیر…
#نادیر_ایلاهی
سَس:
#حسرت_زنگانلی
#شعر_اوجاغی
@SheirOcagi
یئردن گؤیه داش اوچور
گؤیدن یئره قوش یاغیر
یئنه آللاه آغلاییر
دئییرلر یاغیش یاغیر
بولاقلار گؤز یاشیندی
بولودلار آهین آللاه!
نه آدامسیز قالیبسان
ندیر گوناهین آللاه!
سئوگی آیاقلار آلتدا
نیفرت آت بئلینده دی
سنین الیندن چیخیب
دونیا ایت الینده دی
هارداسا یئنه بیر قوش
بیر چیچک گول-له لنیر
بیر آج اوشاق جان وئریر
بیر آج گلین دیله نیر
بو دونیا پاکا چیخمیر
هئی یاغیش یاغا- یاغا
قینامیرام آی آللاه
حاققین وار آغلاماغا
اوتورموشام ایلاهی
باخیرام فاغیر-فاغیر
هله اووۆنماییبسان
هله ده یاغیش یاغیر…
#نادیر_ایلاهی
سَس:
#حسرت_زنگانلی
#شعر_اوجاغی
@SheirOcagi
Telegram
attach 📎
▫️یوک
شئهه دوروش گتیریر
داملا یارپاغا یوکدور.
تورپاغی بئجرمه‌ین-
آدام، تورپاغا یوکدور.
سئوینجی کورونوبسه،
سیرلری گؤرونوبسه،
کدره بورونوبسه،
هر شئی اوتاغا یوکدور.
نورا دؤنر داش-دووار
بو نور ظولمتی قووار
قوشالیقدا سئوگی وار
تکلیک یاتاغا یوکدور.
یای آتماز گریلمه‌سه
داش اؤلر هؤرولمه‌سه
واختیندا دریلمه‌سه،
شاماما تاغا یوکدور.
زحمتده یوغرولمایان،
عذابدا قوورولمایان،
بارینی قورومایان،
باغبان دا باغا یوکدور.
یاخاسی سؤکولمه‌سه،
شئه اولوب تؤکولمه‌سه،
واختیندا چکیلمه‌سه،
دومان دا داغا یوکدور.
اوددان آلوودان کئچیب
هره بیر طالع سئچیب
گله‌جه‌یی نانجیب-
اوولاد، قوجاغا یوکدور....
#نوصرت_کسمنلی
کؤچوردو
#شعر_اوجاغی
@SheirOcagi
شئهه دوروش گتیریر
داملا یارپاغا یوکدور.
تورپاغی بئجرمه‌ین-
آدام، تورپاغا یوکدور.
سئوینجی کورونوبسه،
سیرلری گؤرونوبسه،
کدره بورونوبسه،
هر شئی اوتاغا یوکدور.
نورا دؤنر داش-دووار
بو نور ظولمتی قووار
قوشالیقدا سئوگی وار
تکلیک یاتاغا یوکدور.
یای آتماز گریلمه‌سه
داش اؤلر هؤرولمه‌سه
واختیندا دریلمه‌سه،
شاماما تاغا یوکدور.
زحمتده یوغرولمایان،
عذابدا قوورولمایان،
بارینی قورومایان،
باغبان دا باغا یوکدور.
یاخاسی سؤکولمه‌سه،
شئه اولوب تؤکولمه‌سه،
واختیندا چکیلمه‌سه،
دومان دا داغا یوکدور.
اوددان آلوودان کئچیب
هره بیر طالع سئچیب
گله‌جه‌یی نانجیب-
اوولاد، قوجاغا یوکدور....
#نوصرت_کسمنلی
کؤچوردو
#شعر_اوجاغی
@SheirOcagi
▫️قادین،
بیزه جنّتدن قالان
تک وارلیق دئییل‌می؟
#آلبر_کامو
#شعر_اوجاغی
#سککیز_مارس_دونیا_قادین‌لار_گونو
@SheirOcagi
بیزه جنّتدن قالان
تک وارلیق دئییل‌می؟
#آلبر_کامو
#شعر_اوجاغی
#سککیز_مارس_دونیا_قادین‌لار_گونو
@SheirOcagi
▫️بیلیرسن می آتا کیم‌دیر عزیزیم؟
سن اونو آتاسیز اولاندان سوروش!
کؤرپه یاشلاریندان بوینونو بوکوب
هر شئیه تامارزی قالاندان سوروش!
اَینینه بیر نیمداش پالتار گییَنده،
تاپدیغی تیکه‌نی خلوت یییَنده،
کیمسه آتاسینا «آتا» دئیَنده،
گؤزلری بولود تک دولاندان سوروش!
«یعقوب اوغلو!» بیر گون آغلایان گولر
آتاسیز بؤیوین گؤز یاشین سیلر
آتانین یئرینی کیم وئره بیلر؟
سن بونو اؤز دوغما بالاندان سوروش...!
#آراز_یعقوب‌اوغلو
#آتالار_گونو_قوتلو_اولسون
@SheirOcagi
سن اونو آتاسیز اولاندان سوروش!
کؤرپه یاشلاریندان بوینونو بوکوب
هر شئیه تامارزی قالاندان سوروش!
اَینینه بیر نیمداش پالتار گییَنده،
تاپدیغی تیکه‌نی خلوت یییَنده،
کیمسه آتاسینا «آتا» دئیَنده،
گؤزلری بولود تک دولاندان سوروش!
«یعقوب اوغلو!» بیر گون آغلایان گولر
آتاسیز بؤیوین گؤز یاشین سیلر
آتانین یئرینی کیم وئره بیلر؟
سن بونو اؤز دوغما بالاندان سوروش...!
#آراز_یعقوب‌اوغلو
#آتالار_گونو_قوتلو_اولسون
@SheirOcagi
▫️خزانه دؤندو بیزیم گؤر بو سئوگیمیز قاداسی!
قاییت کی قالمادی دای سئوگیمیزدن ایز قاداسی!
چیچک-چیچک باهاریم سولدو سن گئدندن اینان!
و دامجی-دامجی یاشیم اولدو بیر دنیز قاداسی!
بوراخ ائلین عینادین، گل منیمله بیرده باریش!
منیم ائویم ییخیلار بیر اولاندا سیز، قاداسی!
کوچه-کوچه سنی آختارمادان یورولموشام هئی!
بئلیمی بوکدو کدر، باخ اگیلدی دیز قاداسی!
بونا دا خوش دور اورک، بلکه بیر گئجه کوچه‌ده،
آی ایشیغی اولاجام سنله اوز به اوز قاداسی!
حیاتدا تکجه بودور سئوگیلیم! منیم آرزیم:
سنین‌له بیر ده اولاق بو حیاتدا «بیز» قاداسی!
کدرلی ثانیه‌لردن اوزاق دولان هر آن!
منه بو دونیادا سنسن اینان عزیز، قاداسی!
یوخوما گل هله لیک، قوی ازولمه‌سین نفسیم
اجل ده یولدادی، سن گل آماندی تئز قاداسی!
بیر عؤمرو سئودیگیم اینسانلا آیری قالدیم آخیر
خزانه دؤندو بیزیم گؤر بو سئوگیمیز قاداسی...!
#ميلاد_فطين‌حور _دالغین
@SheirOcagi
قاییت کی قالمادی دای سئوگیمیزدن ایز قاداسی!
چیچک-چیچک باهاریم سولدو سن گئدندن اینان!
و دامجی-دامجی یاشیم اولدو بیر دنیز قاداسی!
بوراخ ائلین عینادین، گل منیمله بیرده باریش!
منیم ائویم ییخیلار بیر اولاندا سیز، قاداسی!
کوچه-کوچه سنی آختارمادان یورولموشام هئی!
بئلیمی بوکدو کدر، باخ اگیلدی دیز قاداسی!
بونا دا خوش دور اورک، بلکه بیر گئجه کوچه‌ده،
آی ایشیغی اولاجام سنله اوز به اوز قاداسی!
حیاتدا تکجه بودور سئوگیلیم! منیم آرزیم:
سنین‌له بیر ده اولاق بو حیاتدا «بیز» قاداسی!
کدرلی ثانیه‌لردن اوزاق دولان هر آن!
منه بو دونیادا سنسن اینان عزیز، قاداسی!
یوخوما گل هله لیک، قوی ازولمه‌سین نفسیم
اجل ده یولدادی، سن گل آماندی تئز قاداسی!
بیر عؤمرو سئودیگیم اینسانلا آیری قالدیم آخیر
خزانه دؤندو بیزیم گؤر بو سئوگیمیز قاداسی...!
#ميلاد_فطين‌حور _دالغین
@SheirOcagi
▫️ایستک
بورج آلیب بیر قوشون قانادلارینی
کاش اوچا بیله‌یدیم گؤیون اوزونه!
اوتوروب ذیروه‌ده، اونودوب دردی
گؤزومو تیکه‌یدیم سئوینج گؤزونه
ابدی بیر نیفرت منی اوخلاییر
کؤنول‌لر سینیغین جنازه‌سی‌یم
باغیران روحلارین باغیرتیسیندا
ایل‌لرده آغلایان یارا سسی‌یم
عاغلیمی باشیما بیر تهر ییغیب
طالعین داشینی بیرگون آتارام
کؤنلومو الیمه آلیب سس‌سیزجه
توپراقلا قول-بویون راحات یاتارام...
#پروین_قاسمی
@SheirOcagi
بورج آلیب بیر قوشون قانادلارینی
کاش اوچا بیله‌یدیم گؤیون اوزونه!
اوتوروب ذیروه‌ده، اونودوب دردی
گؤزومو تیکه‌یدیم سئوینج گؤزونه
ابدی بیر نیفرت منی اوخلاییر
کؤنول‌لر سینیغین جنازه‌سی‌یم
باغیران روحلارین باغیرتیسیندا
ایل‌لرده آغلایان یارا سسی‌یم
عاغلیمی باشیما بیر تهر ییغیب
طالعین داشینی بیرگون آتارام
کؤنلومو الیمه آلیب سس‌سیزجه
توپراقلا قول-بویون راحات یاتارام...
#پروین_قاسمی
@SheirOcagi
▫️کیشی‌لرین ایکی قوروپو، هئچ واخت نورمال حیاتا دؤنمه‌یه‌جکلر: ساواشا گئدن‌لر و کؤنول باغلایان‌لار....
#رومن_رولان
#شعر_اوجاغی
@SheirOcagi
#رومن_رولان
#شعر_اوجاغی
@SheirOcagi
▫️سئویلمه‌مک، فقط بیر طالع‌سیزلیک ساییلیر؛ آنجاق سئومه‌مک، فلاکت دیر.
بو دؤورده بیز هامیمیز، بو فلاکتدن جان وئرمک حالینداییق.
قان و نیفرت، اورک‌لری قورودور...
📚 یای
#آلبر_کامو
#شعر_اوجاغی
@SheirOcagi
بو دؤورده بیز هامیمیز، بو فلاکتدن جان وئرمک حالینداییق.
قان و نیفرت، اورک‌لری قورودور...
📚 یای
#آلبر_کامو
#شعر_اوجاغی
@SheirOcagi
▫️سحره اینان
یامان اوزون چکدی بو ظولمت گئجه
گؤزه گؤرونمه‌دی اولدوز دا، آی دا
بیر دوغما اوز اوچون داریخدیم نئجه
کیمسه کاش قاپیمی دؤیه بو هایدا
منه بیر خوش خبر دئیه بو هایدا
کیمسه کاش قاپیمی دؤیه بو هایدا
آمما هامی یاتیب، آمما نه فایدا؟!
یئنه گون چیخاجاق، دونیا گوله‌جک
هریان باشدان-باشا ایشیق اولاجاق
هامی بیر-بیرینی بیردن گؤره‌جک
هامی بیر-بیرینه عاشیق اولاجاق
هامی دونن‌کیندن قشنگ اولاجاق
هر شئی دونن‌کیندن یاخشی اولاجاق
صاباح، بو گون‌کیندن یاخشی اولاجاق
بوتون گئجه‌لرین سحَردیر سونو
اینان، بو دونیادا سحَره اینان!
صاباح بیر خوش خبر گؤزله‌ییر سنی
اینان او خوش سؤزه، خبره اینان!
نه غمه، نه‌ده کی کدره اینان!
اینان بیر خوش سؤزه، خبره اینان!
اینان بو دونیادا سحره اینان!
یئنه گون چیخاجاق، دونیا گوله‌جک
هریان باشدان-باشا ایشیق اولاجاق
هامی بیر-بیرینی بیردن گؤره‌جک
هامی بیر-بیرینه عاشیق اولاجاق
هامی دونن‌کیندن قشنگ اولاجاق
هر شئی دونن‌کیندن یاخشی اولاجاق
صاباح، بو گون‌کیندن یاخشی اولاجاق...
#رامیز_رؤوشن
@SheirOcagi
یامان اوزون چکدی بو ظولمت گئجه
گؤزه گؤرونمه‌دی اولدوز دا، آی دا
بیر دوغما اوز اوچون داریخدیم نئجه
کیمسه کاش قاپیمی دؤیه بو هایدا
منه بیر خوش خبر دئیه بو هایدا
کیمسه کاش قاپیمی دؤیه بو هایدا
آمما هامی یاتیب، آمما نه فایدا؟!
یئنه گون چیخاجاق، دونیا گوله‌جک
هریان باشدان-باشا ایشیق اولاجاق
هامی بیر-بیرینی بیردن گؤره‌جک
هامی بیر-بیرینه عاشیق اولاجاق
هامی دونن‌کیندن قشنگ اولاجاق
هر شئی دونن‌کیندن یاخشی اولاجاق
صاباح، بو گون‌کیندن یاخشی اولاجاق
بوتون گئجه‌لرین سحَردیر سونو
اینان، بو دونیادا سحَره اینان!
صاباح بیر خوش خبر گؤزله‌ییر سنی
اینان او خوش سؤزه، خبره اینان!
نه غمه، نه‌ده کی کدره اینان!
اینان بیر خوش سؤزه، خبره اینان!
اینان بو دونیادا سحره اینان!
یئنه گون چیخاجاق، دونیا گوله‌جک
هریان باشدان-باشا ایشیق اولاجاق
هامی بیر-بیرینی بیردن گؤره‌جک
هامی بیر-بیرینه عاشیق اولاجاق
هامی دونن‌کیندن قشنگ اولاجاق
هر شئی دونن‌کیندن یاخشی اولاجاق
صاباح، بو گون‌کیندن یاخشی اولاجاق...
#رامیز_رؤوشن
@SheirOcagi