▫پولو آشاغیلایان اینسانلاردان چوخ آجیغیم گلیر.‌ بونلار یا ایکی اوزلو دیرلر یا آخماق.
بونو‌ دا ائشیدیرسن: «یوخسوللوق، صنعت‌چی‌نین بیرینجی انگیزه‌سی دیر» دئییرلر.
بونلار هئچ واخت یوخسوللوغون ایگنه‌سینی اؤز جان و گؤوده‌لرینده حیس ائتمه‌ییبلر.
بونلار بیلمیرلر: یوخسوللوق، اینسانین باشینا نه‌لر گتیریر؛ قانادینی یئریندن قوپاردیر و‌ روحونو سرطان کیمی یئییر...

📚 اینسانی باغلیلیق‌لار
#سامرست_موآم
#شعر_اوجاغی
@SheirOcagi

#چیغیران_شکیللر
#شعر_اوجاغی
@SheirOcagi

▫️بو «بلکه»لر اولماسایدی،
موتلو اولاردیق
بلکه!...

#ووقار_نعمت
@SheirOcagi

▫️قوروب گلردیم...

اگر بیر ده دؤنوب جاوان اولسایدیم،
حایاتی یئنیدن قوروب گلردیم
حسرتین، کدرین، غمین، غوصّه‌نین
یاپیشیب قولاقین بوروب گلردیم

دوْوره‌مه ییغاردیم عاقیللی‌لاری
کنار ائیله‌یردیم تیکانی-خاری
قازانیب ییغاردیم دؤولتی-واری
قوووب یوخسوللوغو یوروب گلردیم

قویمازدیم قلبیمه دوشه بیرجه خال
عشقیلن یاشاییب ائیله‌یردیم حال
نیفرته وئرمزدیم بیر آن دا مجال
اؤلدوروب قانینی سوروب گلردیم

محبّت ائدردیم حاقلی جانانا
جانیمی وئرردیم حاقّی قانانا
ماجال وئرمزدیم من آها، آمانا
نیسگیلین کندیرین قیریب گلردیم

ایشیمی توتمازدیم داها سرسری
گؤزدن آخیتمازدیم «آمانسیز» تری
آختاریب تاپاردیم نازلی دیلبری
بیر یئنی حیاتا دوروب گلردیم.‌‌..

#حسین_شاهمرادی_آمانسیز
@SheirOcagi

▫️عاشیقانه سئودیین شئیی تاپ
و بوراخ اؤلدورسون سنی!
بوراخ بوغسون سنی،
بوتون وارلیغیندا!

بوراخ اوموزلارینا یاپیشسین،
آغیرلاشدیرسین سنی،
بوشلوغا طرف آپارسین!
بوراخ اؤلدورسون سنی،
و‌ تامامینی اودسون!
چونکو‌ هر بیر شئی اؤلدوره‌جک سنی،
تئز یا گئج.
آنجاق نه یاخشی کی سئودییین شئی
اؤلدورسون سنی...!

#چارلز_بوکوفسکی
#شعر_اوجاغی
@SheirOcagi

▫️بیریسی بوغازدان آسیلیر،
بیریسی قولدان،
من ده گوزومدن آسیلیرام...

و بئینیمده شعیر قوناقلیغی‌دیر

#سیاوش_اکبری
@SheirOcagi

▫️قوی اؤپوم یاناغیندان!،
یاناقلارین سئوینسین.
منه «سئویریم» سؤیله!،
دوداقلارین سئوینسین.

دئ هارا قاچاجاقسان!؟
یوللار قورتاران دئییل.
سنی گتیرن یوللار،
گئری آپاران دئییل.

قوی باخیم گؤزلرینه!،
دنیزی گتیر منه!
اوره‌یینی اووجوندا-
گول کیمی بیتیر منه...

گولومسه...! دوداقلارین-
گول آچسین، گول دریم من.
باخیشیمی کؤنلونه-
قوی ائلچی گؤنده‌ریم من...

#نصرت_کسمنلی
@SheirOcagi

▫️بیر گون گلسن، یوخام

بیر‌گون گلسن، یوخام
سنه،
منه،
حتی آنام‌لا تانر‌ی‌یا باغلی اولمایان بیر یوخلوق.

عدم، دوغما یوردو‌ کیمی قوناجاق اوستومه
قوش، یومورتاسینا قونار کیمی.

بیر گون گلسن،
متین‌لرده دئییل،
حتّی حاشیه‌لرده،
حتّی اتک یازیلاریندا،
حتّی کیتابلارین آراسیندا،
دوشوب قالان جیریق کاغیذلاردا،
قوروموش چیچک‌لرده،
حتّی پنجره‌دن جالانان ایشیقدا،
آراما منی!.

بیر گون گلسن، یوخام؛
آمما سن،
یوخلوغومو یاخشی تانیرسان؛
گؤزلرینی یومدوغون یئردن باشلانیر،
گؤزلرینین باخمادیغی یئردن،
ووجودومون یوخ بؤلومو...

بیر گون گلمه‌سن،
گلمه‌ ده.
پاییز اوره‌ییندن شراب چک یوخلوغومو ایچمه‌یه!
خزللرین اینجمادیندا دوندور آنیلاریمی!،
تاپشیر قافقاز داغلارینین هرَزلرینه
کؤچری‌لرین یولدا اؤلن جنازه‌لری کیمی
قار آلتیندا قویلانسین آنیلاریم
گونشین بصیرتیندن اوزاق...

گؤرورسن...؟
یوخ اولسام دا، بیر یئرلرده قالیرام؛
سنین آنیلاریندا؛
سن وارکن من وارام،
و‌ آجی بودور...

#حیدر_بیات
@SheirOcagi

▫️«منه آز عذاب وئر، منی آز اینجیت»،
نه دیلله یالوارسین آدام گئجه‌یه.
سئوداسی ایتنلر دردین الیندن،
قارغیش ائیله‌یرلر مدام گئجه‌یه.

روحومو یارقانا سیغیندیرار غم،
باخارام اؤزومه، جوم- جولوق ترم،
آغلارام، سیزلارام، ناله ائیلرم،
باش آغری اولوبدو صدام گئجه‌یه.

آی اورک گئجه‌دیر... خاطان وار ایندی...،
یاخاندان اجل تک توتان وار ایندی!
اونون نفسلرین اودان وار ایندی،
قادام بو دونیایا، قادام گئجه‌یه...

#ابوالفضل_رامین «ابوالفضل محمدزاده»
@SheirOcagi

▫️بیزیم باخیشیمیزدا، عشق،
اوچونجو سیرادا یئرلشن بیر دویغودور.
قادین،
اوچونجو درجه وطنداش.
و شعر کیتابلاری،
اوچونجو سیرادا اولان کیتابلار.

بونا گؤره،
بیزی،
«اوچونجو دونیا اؤلکه‌لر میلّتی،» آدلاندیریرلار ...

#سعاد_الصباح
#شعر_اوجاغی
@SheirOcagi

▫️گون باتارکن توپورور آغزی دولو قان خیاوان
باتیریبدیر شهره خنجری دالدان خیاوان

بیلیرم بیر گئجه سس‌سیزلییی داردان آساجاق
بیلیرم وئرمه‌یه‌جک یاتماغا ایمکان خیاوان

بیلیرم تانریلیغی بورج آلاجاق بیر گئجه‌لیک
عزرائیل تک کوچه‌لردن آلاجاق جان خیاوان

داماریندان ووراجاق اولکوجو، یاغمور یاغاراق
اولاجاق گؤزلریمه قان دولو بیر وان خیاوان

بوراخیب باغلی قاپی آرخاسی باغلانتی‌لاری
اوتقونور خاطیره‌نی، ال چکیر آسان خیاوان

ییغاجاق هرنه واریندان کؤچه‌جک شهریمیزی
آیاغیندان اؤپورم، دور سنی قورآن خیاوان!

دیلیم هردن بیرینه آندا وئریب یالواراجاق
تله‌سیک گئتمه‌سه، آه گؤزله‌سه بیر آن! خیاوان

نقدر یول دؤیه‌جکدیر کوچه آرخانجا سنین
جانی قایتار، کوچه‌نی سالما آیاقدان خیاوان!

گون باتارکن توپورور آغزی دولو قان خیاوان
گون چیخارکن اولاجاق تام یئنی اینسان خیاوان...

#آتیلا_حاجیزاده
@SheirOcagi

▫️کؤنلومون ناله‌سی وار قیسمت‌دن
یاشام آدلی حایاسیز عیفریت‌دن

قورتولوش یوخ بو مداردان سانکی
گیجه‌لیر آی بو قدر گل-گئت‌دن

قفسی باغرینا باسمیش بیر قوش
بوینو زینجیرلی بو حوریّت‌دن

بیر کدر وار زلی تک بئینیمده
هم سوموکدن سومورور، هم اتدن

صاباح اؤلسم منه آغ شعر اوخویون،
نئچه آیه رومئو-ژولییت‌دن!

اوره‌ییم بیر داها آنلاین اولمور
باغا سورعتلی بو اینترنت‌دن

ایچگی قالدیر اؤلومون ساغلیغینا
یاشام آدلی حایاسیز عیفریت‌دن...

#دومان_سفراوغلو
@SheirOcagi

▫️هر یئرده اولسان، درینلیک‌لرده گز! قایناق درینلیکلرده دیر.
بوراخ قارا دوشونجه‌لی‌لر، های-هارایلا «اوراسی جهنّم‌دیر» دئیه باغیرسینلار‌...

#نیچه
#شعر_اوجاغی
@SheirOcagi

▫️من عاشیغام قاراباغ
شکی-شیروان-قاراباغ
اؤنومده وار گوللـه، خاچ
یاددان چیخیب قاراباغ


بیلمیرم تاریخین هانسی صفحه‌سینده
گوللـه‌لندی سئویج خاطیره‌لریم،
بیتدی رویالاریمین واراق-واراغیندا لئیزر سارماشیق‌لاری.
بیلمیرم،
بلکه ده او وارقدایدی پیلله سالیردیم سحردن آخشاما.
بیر آن گوللـه سسیندن نشه ایدیم،
بیر آن دا بوتون دوعا کیتاب‌لارین گؤوشه‌ییردیم.
بیلمیرم،
بلکه ده او گون ایدی،
هؤرولدو آرازین شپه‌لرینه.
یوخ
بوغولدو آرازین درین‌لییینده قاراباغ شیکسته‌سی.
سسدن بوتایا چکیلن آرازباری کؤرپوسونو ده سئللر آپاردی.
ساز دا قیلینج سویوندا دالغالاندی.
او گون سهندین سیزیلتی‌سی دا اوچوقلامیشدی.
آخی
بیر واراق او گوندن اؤنجه،
دونیا پازئلیندن،
قاراباغ آدلی بیر تیکه سیلینمیشیدی،
گمیریلمیشدی،
ائله‌جه گمیریلمیشدی کی
کیمسه‌نین سی‌تی‌اسکن باخیشلاری دا گؤرمه‌دی اونو.
کیمسه‌نین قلبی، اونون زیققیلتی‌سینین ناوارینی گؤتورمه‌دی.
کیمسه‌نین نفسی خومار-خومار آخان چَندن، بولانمادی.
بیلمیرم؛
یوخ
بیلیرم،
داها اورادا
ماهنی‌لار شوملاییب قبیره
غزل‌لر ده، بولبول‌لر ده چتله‌میر.
یازیق قاراباغ!
ایندیسه سنین آغاج‌لارین،
یامان جان وئریر قولتوق آغاج‌لیغینا...!

#حافیظ_عبدالهی
@SheirOcagi

▫️بیز بو‌ اؤلکه‌ده اوچ شئیین وجودوندان یارارلانیریق:
-اویاق ویجدان
-سؤز آزادلیغی
-ایلک ایکی قونونو قوللانماماق‌اوچون، گرکلی احتیاط...

#مارک_تواین
#شعر_اوجاغی
@SheirOcagi

▫️ژاکوب دئدی:
«اوشاق صاحیبی اولماق، یانی جاماعاتلا عئینی رنگده اولماق»
منیم‌ بیر اوشاغیم وارلسا، بونا بنزه‌ییر کی دئییرم:
من دونیایا گلدیم...، یاشامی داددیم...،
او قدر یاخشیدی کی، چوخالتماغا دَیر...

📚 ویداع والسی
#میلان_کوندرا
#شعر_اوجاغی
@SheirOcagi

▫️اوزونتو، کیمسه‌نی اؤلدورمه‌دی؛
آنجاق،
بیزی هر نه‌دن بوشالتدی‌‌‌...

#محمود_درویش
#شعر_اوجاغی
@SheirOcagi

▫️مئهربانلیق، سویون حالقالاری کیمی، گؤزلرینده اَریییر؛
زامان، مکان، تارلالار، ائولر، دنیزلر و گمی‌لر اَریییرلر...
چؤهره‌م بیر گولدان کیمی یئره دوشور؛
اللریمده توتورام قیریلمیش چؤهره‌می...
و «بیر قادین اونو آلسین» دیله‌ییرم؛
آنجاق آنتیکا قابلار آلیجیلاری، خبر وئردیلر منه: «قادینلار اوزگون چؤهره‌لری آلمیرلار....»

#نزار_قبانی
#شعر_اوجاغی
@SheirOcagi

▫️دئدیم: عشق آتشی نئیلر منه؟ قورخان دگیلم
دئدی: بیچاره! یانارسان، نه گومان ائیله‌میسن...؟!

#علی‌آقا_واحید
@SheirOcagi

▫️گؤی بولودسوز، چای بولاق‌سیز چاغلاماز
یالقیز آری پتک‌ده شان باغلاماز
هیجران داغی هانسی قلبی داغلاماز؟
کؤک اوزولسه، بوداق واختسیز سولار، هئئئی!

بو داغلارا او دؤوران‌لار قاییتماز
او قارتال‌لار، او ترلان‌لار قاییتماز
او ائلات‌لار، او کاروان‌لار، قاییتماز
بینه‌لرین گؤزو یولدا قالار، هئئئی!

«شاهمار»! بس‌دیر، زیلده دورما، کئچ بمه!
داغ اوستوندن داغی چکمه سینه‌مه!
محبّتین کؤکو وارسا، غم یئمه!-
قوجا دونیا بوشالار هئی، دولار هئئئی...!

#شاهمار_اکبرزاده
کؤچورمه
#شعر_اوجاغی
@SheirOcagi

▫️قار شعری


#اوشاق_شعری
#میروارید_دیلبازی
@SheirOcagi