‍ ▫️پاییز یاغیشی

بیر بولود قیوریلیر گؤی اوزلرینده
هارداسا بیر یارپاق سوزالیر بلکه
یوخوسو پوزولور دنیزلرین ده
هارداسا بیر مئشه آزالیر بلکه

پاییز، ناغیللارین ساری گلینی
گؤیلر قورشاغیلا، باغلار بئلینی
تؤکور دورنالاری، یارپاق تئلینی
اللری اللردن اوزولور بلکه

یاغ پاییز یاغیشی! یاغ نارین-نارین!
یاشیل ایسته‌یی‌سن بو سون‌باهارین
روحوندا یاشیللیق یاشادانلارین،
طالعی یاغیشلا یازیلیر بلکه

قایتار بو چایلارین پئریکمیش گوجون!
داشی بو ائللردن پاییزلیق کؤچون!
گوللر گوللویونه قاییتماق اوچون،
دنیزلر گؤیلردن سوزولور بلکه

سن اول یاغیشلارین داها گؤیچه‌یی!
بیتیر بورچالیدا تبریز چیچه‌یی.
کاماندار سازینین گوموش لئچه‌یی،
بوتون سینه لره دوزولور بلکه

باشیمدا دلی‌سوو بیر آرزی گزر
آرزیم آرزیسینا تامارزی گزر
گؤیلردن تؤکولور دئیه‌سن خزر
دونیامیز پاک‌لانیر، دوزه‌لیر بلکه...

#علی_جوادپور
@SheirOcagi

▫️... قایدام محبت دیر اونچون ساغام
باسیلماز قالایام، اییلمز داغام
بیر یوللوق گئتمیرم قاییداجاغام
سنی خطاب ائدیر روحوم بو سؤزله
اوتور یول اوستونده یولومو گؤزله!

#اکبر_برزگری(سرور_موغانلی)
@SheirOcagi

▫️Aşk...

#جمال_ثریا
@SheirOcagi

▫️من بیر اینسان،
من بیر تورک شاعیری، ناظیم حیکمت.
من تپه‌دن دیرناغا اینسان،
تپه‌دن دیرناغا قاوقا، حسرت و اومیددن عیبارت..‌.

#ناظیم_حیکمت
@SheirOcagi

▫️...بیر الیم ساغ جیبیمده،
بیر الیم سول جیبیمده،
بو حوزنو سیز ده بیلیرسینیز
آنلات دئسه‌نیز آنلاتامام
ائنینه-بویونا یاشارام آنجاق...

#تورقوت_اویار
@SheirOcagi

▫️سنه حیرصلنه‌بیلمیرم.
سن بو قدَرسن، بیلمه‌لی‌یدیم...

#جمیل_مئریچ
@SheirOcagi

▫️مندن سنه بیر عؤمورلوک خاطیره،
سندن منه نه قالاجاق، نه بیلیم؟
چتین بیر ده داش اوسته داش بیتیرم،
نییه اوچدو بو قالاچیق، نه بیلیم؟

گونلر منه گون یازماغی اونوتدو،
گولوم! گونون گوللریمی قوروتدو.
بو سئودادا کیم اودوزدو، کیم اوددو؟
پشیمانی کیم اولاجاق، نه بیلیم؟

من «آراز»ام، سَسیم توتقون آرازدی،
ها چاغیردیم، ها یویوردوم، ها یازدیم،
ایندی داها قاینار تبیم، آیازدی؛
ایسینرمی بو اود - اوجاق، نه بیلیم...؟

#ممد_آراز
@SheirOcagi

▫️یوز ایل یالنیزلیق، قالماق ایدّیعاسی هر گون قولاغیمیزین پرده‌سینی جیران آدامین خاطیره‌لریله یاشاماقدان، داها یاخشی‌دی‌...

📚 یوز ایل یالنیزلیق
#گابریل_گارسیا_مارکز
#شعر_اوجاغی
@SheirOcagi

▫️آزادلیغی
حولقوموندان
چنگله
آسیبلار
و‌ بیز هله ده
قفسدن اوچماقدان دم ووروروق...

#ص_امیدی
چئویری
#شعر_اوجاغی
@SheirOcagi

▫️آخشام بولاشیب دوغمالاشان گؤزلرینه یاد
آنجاق سحر اولموش قوخوسو وار اوتاغیندا

بوم بوزدو، سویوق‌دور هم الین، هم نفسین آه...!
بیر جانلی خیانت قوخوسو وار دوداغیندا

سن تاپشیر الین اللرینه، گز قوجا شهری
قوی من آراییم تینلری بیر «سن» سوراغیندا

باخ گؤزلرینه، سار سینه‌سین تئللرین ایله!
آغلات منی، هم ده گئجه‌نی گنج چاغیندا!

سنسیز گئجه‌لر آغلاماغیم داد وئریر آی قیز!
اوخشاتما یاغیر هر گئجه سنسیز اوتاغیمدا

سنسیز سنی سئومک نه دئمک‌میش نه بیلیرسن؟!
هر بیر گئجه باشقا بیریسی وار یاتاغیندا...

#آتیلا_حاجی‌زاده
@SheirOcagi

▫️ائل بایاتیسی

آلما آتدیم نار گلدی
کتان کؤینک دار گلدی
قاپییا کؤلگه دوشدو
ائله بیلدیم یار گلدی
@SheirOcagi

▫️بیـــر اوتاق اولایدی، بیـر سن، بیـر ده من
نور اولــوب یوخــونا اله‌نه‌یـدیم ڪاش
یویونـــــــایدیم آغ سینــــه نین تریله
نفـسین عــــطـرینه بـله‌نه‌یدیم ڪاش

ڪوسوب باریشایدیق بیز یئددی بایرام
قالایــدی یولـــلاردا ایــز، یئددی بایرام
مـن سنین عشقــینده دوز یئددی بایرام،
دوشوب قاپی-قاپی دیـله‌نه‌یدیم ڪاش

«آلـقـایید»ام بیــــر آرزوم وار حـــیات دا
اینصــافا گله‌یـدی قـــوهوم دا، یــاد دا
بیــر آووج قان اولوب آیاغین آلتدا،
محبّت نامینـــه چیـــله‌نه‌یــدیم ڪاش...!

#آلقاییت_خلیل‌اوف
@SheirOcagi

▫️اؤیله سرمستم...


#حکیم_فضولی
اوخویور: #علیرضا_آسمند
۱۰ یاش_موغان.
#فضولی_اوخویاق.
@SheirOcagi

▫️یارپاق تؤکولن فصیلده،
گلدی
اوزگون
پاییزین غملی گون باتیمی کیمی.
و من بؤیوک اوزونتوسونو،
قارا گؤزلرینده،
اوخودوم.

گئتدیک
هیچ بیر سؤال-جاواب ائتمه‌دن،
ساکیت بیر واختدا.
زامان بویوتو عجب فاصیله‌لی‌یدی!
گؤردوم: اوفوقون جانینین قدحی، شرابلا دولویدو.

من
او سویوق گون باتیمیندا
غملی و درددن دولو،
«سوکوت» کلمه‌سیله،
حیاتیمین ماهنیسینی اوخودوم.

گئجه چاتیردی و آی،
ساریمتیل و رنگی قاچمیش بیر شکیلده،
آپاریردی،
بیزی بلیرسیز بیر هیپنوز دورومونا دوغرو

سونرا درددن یورولموش وجودومون درینلیی‌نی
باخیشلا،
آرادی،
گؤوده مین بند-بندینده،
قانین قیرمیزی آخیشینین آخیشقانلیغینی گؤردو،
تیتره‌دی،
ساچلارینین قارا چترینی، اوزونه تؤکدو
سونرا، شاشقین و سورولو باخیشی،
باخیشیمدان آسیلدی
سوروشدو:
منسیز نئجه‌سن کئفلی!؟
دئدیم: کئفسیز
گولدو....

#حمید_مصدق
چئویری:
#شعر_اوجاغی
@SheirOcagi

▫️دونیا

دئیه‌سن ایشلرین چمینه دوشمور
بیر تهر دَییرسن گؤزومه، دونیا!
سیررینی منه دئ، سیرداشین اولوم
سنی ده اؤیره‌دیم دؤزومه، دونیا!

پیسین پیسلیییندن، یورولاجاقدی
آخیب بو سولارین، دورولاجاقدی
او میزان-ترزی قورولاجاقدی
بیرآز صبرین اولسون بئزیمه دونیا!

ایسته‌ییر گؤزوندن منی ایتیر، سن
ایسته‌ییر سؤزونو‌ گئری گؤتور، سن
او وعده دئدیم کی محوه گئدیرسن
نییه کول اوفوردون گؤزومه دونیا؟!

آخیردان اوّله بیر ده دؤنوم وار
هایانا قوولاسان، بیل کی، یؤنوم وار
هله طالعیمله ساواش گونوم وار
هله گؤوه‌نیرم دیزیمه، دونیا!

یاشاییر «عل‌اؤسط» یارادیر، ساغدی
دؤزور هر سیناغا، داغدی کی، داغدی
بیر اوووج تورپاقدی، بئش آرشین آغدی
احتیاط گؤرموشم اؤزومه، دونیا!

#عل‌اوسط_ممدوف (سالداش)
کؤچورمه
#شعر_اوجاغی
@SheirOcagi

▫️هر شئی،
خاطیره‌لر، صؤحبت‌لر، اؤپوشمه‌لر، سئودالی گؤوده‌لرین قوجاقلاشماسی... هر شئی کئچه‌جک؛
آنجاق بیر-بیرینه توخونوب کئچیجی سیمالارین قالابالیغینیندا بیر-بیرینی تانییان روحلارین باغلانتیسی، هئچ واخت پوزولمایاجاق...

#رومن_رولان
#شعر_اوجاغی
@SheirOcagi

▫️ان اوجا داغین ذیروه‌سینه چیخان اینسان، بوتون غملی گؤستریش‌لره و جیددی‌اولماقلارا گولور...

📚 بئله دئدی زرتشت
#فرئدریش_نیچه
#شعر_اوجاغی
@SheirOcagi

مینی‌مال

▫️گیتار

او‌ هئچ‌واخت منی گیتار کیمی قوجاقلامیر...‌ ایللردیر گیتارینی تومارلادیغی کیمی منه توخونماییب...
اونون قوجاغیندا یئرلشمک اوچون گیتارین ایچینه یول تاپمالی‌یام...

قادین، بوتون گون شکلینی، سسینی، اؤزللیک‌لرینی... قوجاقلانماق آرزوسوندان باشقا هر شئیی، دَییشمه‌یه چالیشدی

سونوندا سس‌سیز و‌ گؤرونمز شکیلده سازین ایچینه یئرلشیب گؤزله‌دی

- «عزیزیم، من گلدیم
یئنی بیر گیتار آلمیشام
عزیزیم...؟»

#جان_ائم_دانیئل
چئویری:
#شعر_اوجاغی
@SheirOcagi

▫️داغلارین

اینجیک‌دی دره سی، کوسوب دؤشو ده
اووونمور گدییی، قاشی داغلارین
ساز-سؤز قانان یوخدور، لایلا ائشیده
یورغوندو قایاسی-داشی داغلارین

ذیروه معطّل‌دی گؤردویو حالا
یقین قان قوخویور چیچکلی تالا
عذاب‌دیر کهلیگه، درددیر قارتالا
پوزوب احوالینی ناشی، داغلارین

کؤکسونو اود یاخیر، مرمی داغلاییر
دویوق دوشوب، یئرین تکی آغلاییر
بولاقلا قایناییب، چایلا چاغلاییر-
اینتیظار گؤزونون یاشی داغلارین

بو نه‌دیر، قاپینی یوخسا قیش آلیب؟
یا فصیل یئرینی دَییشیک سالیب؟
یایدا قار هاردایدی، اوشاقسان «طالیب»؟!
حسرتدن آغاریب باشی داغلارین...

#طالیب_ممدلی
کؤچورمه:
#شعر_اوجاغی
@SheirOcagi