▫️اوردا بیر یول وار اوزاقدا
او یول، بیزیم یولوموزدور
دؤنمه‌سک ده، وارماساق دا
او یول، بیزیم یولوموزدور...
#ابولفضل_ائلچی_بی
@SheirOcagi
او یول، بیزیم یولوموزدور
دؤنمه‌سک ده، وارماساق دا
او یول، بیزیم یولوموزدور...
#ابولفضل_ائلچی_بی
@SheirOcagi
▫️من بیر سوسوز دوداغام،
بیر ایچیم چایا مؤحتاج.
سنین دوداقلاریندا،
تامام‌لانیر احتیاج...
#خوشنام
@SheirOcagi
بیر ایچیم چایا مؤحتاج.
سنین دوداقلاریندا،
تامام‌لانیر احتیاج...
#خوشنام
@SheirOcagi
▫️دؤنرسن دابان داشینا
کیمسه دولانماز باشینا
اؤزون دولان اؤز باشینا
اؤزباشینا دولان، آختار!
آیلارین آلنی قیریشیب
بورا چوخداندی قیش دوشوب
دوزون باشینا داش دوشوب
دولانماغا یالان آختار!
عاغلین-هوشون هارادادی؟
قاچیبدی هر نه‌یین دادی
درمانین زهرماردادی
دوست اولماغا ایلان آختار!
اوجاغیندا کؤزو قورو!
بولاغیندا گؤزو قورو!
اونود"علی جوادپور"و!
سن قئیدینه قالان آختار...!
#علی_جوادپور
@SheirOcagi
کیمسه دولانماز باشینا
اؤزون دولان اؤز باشینا
اؤزباشینا دولان، آختار!
آیلارین آلنی قیریشیب
بورا چوخداندی قیش دوشوب
دوزون باشینا داش دوشوب
دولانماغا یالان آختار!
عاغلین-هوشون هارادادی؟
قاچیبدی هر نه‌یین دادی
درمانین زهرماردادی
دوست اولماغا ایلان آختار!
اوجاغیندا کؤزو قورو!
بولاغیندا گؤزو قورو!
اونود"علی جوادپور"و!
سن قئیدینه قالان آختار...!
#علی_جوادپور
@SheirOcagi
▫️بوگون خزل آیینین اییرمی‌سککیزی #ستارخان ین دوغوم گونو ایل دؤنومودور
#ستارخان، حاجی حسین قره‌داغی‌نین اوچونجو اوغلو، ۱۲۴۵ گونش ایلی، خزل آیینین ۲۸ینده آزربایجانین قاراداغ بؤلگه‌سینده دونیایا گؤز آچدی
او، محمدعلی‌شاه‌ین، آزربایجان مشروطه‌چی‌لرینی توتوقلاییب سورگون ائتمک اوچون تبریزه گؤندردییی بؤیوک قوشونونون اؤنونده دایاندی.
ستارخان، میللتی، دؤولت اوردوسونا قارشی چیخماغا چاغیریب اؤزو بو حرکتین رهبرلیگینی عؤهده سینه آلیب #باقرخان و ساییر موجاهیدلرین بیرلیگی‌ایله، بیر ایل، دؤولت گوجلرینین قاباغیندا دایانیب تبریزین محمدعلی‌شاه هاوادارلاری الینه دوشمه سینه ایذین وئرمه دی...
یولو داواملی اولسون
#شعر_اوجاغی
@SheirOcagi
#ستارخان، حاجی حسین قره‌داغی‌نین اوچونجو اوغلو، ۱۲۴۵ گونش ایلی، خزل آیینین ۲۸ینده آزربایجانین قاراداغ بؤلگه‌سینده دونیایا گؤز آچدی
او، محمدعلی‌شاه‌ین، آزربایجان مشروطه‌چی‌لرینی توتوقلاییب سورگون ائتمک اوچون تبریزه گؤندردییی بؤیوک قوشونونون اؤنونده دایاندی.
ستارخان، میللتی، دؤولت اوردوسونا قارشی چیخماغا چاغیریب اؤزو بو حرکتین رهبرلیگینی عؤهده سینه آلیب #باقرخان و ساییر موجاهیدلرین بیرلیگی‌ایله، بیر ایل، دؤولت گوجلرینین قاباغیندا دایانیب تبریزین محمدعلی‌شاه هاوادارلاری الینه دوشمه سینه ایذین وئرمه دی...
یولو داواملی اولسون
#شعر_اوجاغی
@SheirOcagi
▫️«فضولی!» هر زامان بير طعن‌ایله باغريم قيليرسان قان
عجب...! بيلمز‌می‌سن‌می عشقدن کئچمک دئييل آسان؟
بيليرسن دوشموشم بير درده، کیم يوخدور اونا درمان
بو يئتمزمي؟ کی بير درد آرتيريرسان درديمه سن هم...
#فضولی
@SheirOcagi
عجب...! بيلمز‌می‌سن‌می عشقدن کئچمک دئييل آسان؟
بيليرسن دوشموشم بير درده، کیم يوخدور اونا درمان
بو يئتمزمي؟ کی بير درد آرتيريرسان درديمه سن هم...
#فضولی
@SheirOcagi
▫️باهار نه دیر آ گولوم؟! دؤرد فصیل قیشام اؤزومه
داریخما پنجره‌سیندن، داریخمیشام اؤزومه
باهار نه دیر؟ کی تؤکولدوم سن اؤپدویون غزلی
ائشیت خزان دی سسیم، سسله خیش-خیشام اؤزومه
باهار نه دیر؟ نه بیلیم، بلکه «من» دی سنده یاتیب
اویاتماسان دا، اویاق بیر قارانقوشام اؤزومه
باهار نه دیر؟ منه لعنت گئدن سنی اوشودوم
سویوق باخیشلا ایناندیردی قارقیشام اؤزومه
باهار نه دیر؟ اسیرم یئل کولک له سئوگیمیزی
باریش اوچون گرکیر سنله تارتیشام اؤزومه
«باهار نه دیر؟» دئییب آغلاتمیشام کاغاذ-قلمی
قاییت-قاییت گؤیه‌ریب نغمه‌لر، قوشام اؤزومه
باهار نه دیر؟ قفه‌ده ایچدیییم او گؤزلرینی،
گئییب اؤز اگنیمه، سنسیز داریخمیشام اؤزومه...
#علی_شاملی
@SheirOcagi
داریخما پنجره‌سیندن، داریخمیشام اؤزومه
باهار نه دیر؟ کی تؤکولدوم سن اؤپدویون غزلی
ائشیت خزان دی سسیم، سسله خیش-خیشام اؤزومه
باهار نه دیر؟ نه بیلیم، بلکه «من» دی سنده یاتیب
اویاتماسان دا، اویاق بیر قارانقوشام اؤزومه
باهار نه دیر؟ منه لعنت گئدن سنی اوشودوم
سویوق باخیشلا ایناندیردی قارقیشام اؤزومه
باهار نه دیر؟ اسیرم یئل کولک له سئوگیمیزی
باریش اوچون گرکیر سنله تارتیشام اؤزومه
«باهار نه دیر؟» دئییب آغلاتمیشام کاغاذ-قلمی
قاییت-قاییت گؤیه‌ریب نغمه‌لر، قوشام اؤزومه
باهار نه دیر؟ قفه‌ده ایچدیییم او گؤزلرینی،
گئییب اؤز اگنیمه، سنسیز داریخمیشام اؤزومه...
#علی_شاملی
@SheirOcagi
▫️دینجلدین...؟
سئودیگین قلبی ووروب پارچالادین، دینجَلدین؟!
آیاق آلتیندا سالیب چولچالادین، دینجَلدین؟!
بیر توخات ایله اؤدنمزسه گوناهین بدلی،
روحومو سؤیله گؤروم، تاپتالادین دینجَلدین؟!
دوز الیمدن یاپیشان یئرده قیچیمدان سورودون
ساری نَکسن (ساری اینک‌سن)، سودو وئرجک جالادین دینجلدین؟!
سن اوچون دالدادا من خالقی قاپارکن، سن اوجوز-
هر یئتن قانجیغا قویروق بولادین دینجلدین؟!
توتمادین سؤزلرینی، بلکه یالان حیزلا گئدیر
نه توپورموشدون ازلدن، یالادین دینجلدین؟!
«دردینه اورتاغام» اوّلده دئییب، سونرا گلیب
دردی درد اوستونه بیر-بیر قالادین دینجلدین؟!
بیزی بوندان داها باغلار دئیه ایپ‌لر توخودوم
آلیب اؤز بوینوما دالدان دولادین، دینجلدین؟!
#خان_صنم
@SheirOcagi
سئودیگین قلبی ووروب پارچالادین، دینجَلدین؟!
آیاق آلتیندا سالیب چولچالادین، دینجَلدین؟!
بیر توخات ایله اؤدنمزسه گوناهین بدلی،
روحومو سؤیله گؤروم، تاپتالادین دینجَلدین؟!
دوز الیمدن یاپیشان یئرده قیچیمدان سورودون
ساری نَکسن (ساری اینک‌سن)، سودو وئرجک جالادین دینجلدین؟!
سن اوچون دالدادا من خالقی قاپارکن، سن اوجوز-
هر یئتن قانجیغا قویروق بولادین دینجلدین؟!
توتمادین سؤزلرینی، بلکه یالان حیزلا گئدیر
نه توپورموشدون ازلدن، یالادین دینجلدین؟!
«دردینه اورتاغام» اوّلده دئییب، سونرا گلیب
دردی درد اوستونه بیر-بیر قالادین دینجلدین؟!
بیزی بوندان داها باغلار دئیه ایپ‌لر توخودوم
آلیب اؤز بوینوما دالدان دولادین، دینجلدین؟!
#خان_صنم
@SheirOcagi
▫️چیخ گئت...!
آپار اومیدلری مندن اوزاغا
اونلارا قاناد وئر، قوش ائله، چیخ گئت!
قلبلری اوشودن سویوق سازاغا،
منی اشاره وئر، توش ائله، چیخ گئت!
بئزدیم آیریلیغین دردی‌سریندن
نه قدر گیزلی آه چکدیم دریندن!
بو عشقین غم دولو مئیوه‌لریندن،
داد بیراز منیم تک، نوش ائله، چیخ گئت!
سئوینجیم دورودو، کدریم قاتی
چاپیر اوزاقلارا باختیمین آتی
رؤیادا گؤردویوم سنلی حیاتی،
یاز ائده‌بیلمه‌دین، قیش ائله، چیخ گئت!
گئدیرسن، سون دفعه الیمی توتما!
سال هردن یادینا منی، اونوتما!
بیرجه گؤزلریمین یاشین قوروتما!
اؤپدویون یاناغی یاش ائله، چیخ گئت...!
#نوصرت_کسمنلی
@SheirOcagi
آپار اومیدلری مندن اوزاغا
اونلارا قاناد وئر، قوش ائله، چیخ گئت!
قلبلری اوشودن سویوق سازاغا،
منی اشاره وئر، توش ائله، چیخ گئت!
بئزدیم آیریلیغین دردی‌سریندن
نه قدر گیزلی آه چکدیم دریندن!
بو عشقین غم دولو مئیوه‌لریندن،
داد بیراز منیم تک، نوش ائله، چیخ گئت!
سئوینجیم دورودو، کدریم قاتی
چاپیر اوزاقلارا باختیمین آتی
رؤیادا گؤردویوم سنلی حیاتی،
یاز ائده‌بیلمه‌دین، قیش ائله، چیخ گئت!
گئدیرسن، سون دفعه الیمی توتما!
سال هردن یادینا منی، اونوتما!
بیرجه گؤزلریمین یاشین قوروتما!
اؤپدویون یاناغی یاش ائله، چیخ گئت...!
#نوصرت_کسمنلی
@SheirOcagi
▫️سئوگی ایله عشقین فرقلری
عشق، لحظه‌ده یارانیر؛ سئوگی، زامان بویوندا.
بو، عشق و سئوگی آراسینداکی ان اؤنملی فرق‌دیر
عشق، معیارلاری تؤکوشدورور؛ سئوگی، معیارلار اوزرینده قورولور.
عشق، بیردن بیره و ایسته‌مه‌دن آلوولانیر؛ سئوگی، تانیماق و ایسته‌مک‌دن قایناقلانیر.
عشق، یاسا تانیمیر؛ سئوگی، دویغوسال قانونلارین توپلوسونا اولان سایغینین سون نؤقطه‌سی‌دیر.
عشق، وولقان کیمی جوشور، یوکسک بیر شلاله کیمی حریص‌له‌شیر؛ سئوگی، بیر ایرماق کیمی یومشاق‌ائنیشلی بیر چایلاقدا آخیر.
عشق، اؤزونو دارما-داغین ائتمک‌دیر؛ سئوگی، بؤیوک بیر یارانیش....
#نادر_ابراهیمی
چئویری
#شعر_اوجاغی
@SheirOcagi
عشق، لحظه‌ده یارانیر؛ سئوگی، زامان بویوندا.
بو، عشق و سئوگی آراسینداکی ان اؤنملی فرق‌دیر
عشق، معیارلاری تؤکوشدورور؛ سئوگی، معیارلار اوزرینده قورولور.
عشق، بیردن بیره و ایسته‌مه‌دن آلوولانیر؛ سئوگی، تانیماق و ایسته‌مک‌دن قایناقلانیر.
عشق، یاسا تانیمیر؛ سئوگی، دویغوسال قانونلارین توپلوسونا اولان سایغینین سون نؤقطه‌سی‌دیر.
عشق، وولقان کیمی جوشور، یوکسک بیر شلاله کیمی حریص‌له‌شیر؛ سئوگی، بیر ایرماق کیمی یومشاق‌ائنیشلی بیر چایلاقدا آخیر.
عشق، اؤزونو دارما-داغین ائتمک‌دیر؛ سئوگی، بؤیوک بیر یارانیش....
#نادر_ابراهیمی
چئویری
#شعر_اوجاغی
@SheirOcagi
▫️خسته خانا حیَطینده بولبول اوخویور
خسته خانا حیطینده بولبول اوخویور
طبّ باجیسی دؤنوب باخیر، الینده درمان
نه یاخشی کی دردی یوخدور، درمانی یوخدور
خبرسیزدی بو دونیانین گئدیشاتیندان.
یووا قوروب بیر آغاجین اوج بوداغیندا
لایلا چالیر؟ هیمن اوخویور؟ سیردان دا سیردی
خسته قوجا، تیترک قالخیر اؤز یاتاغیندان
بلکه اؤلوم بو فورصتده ایچری گیردی؟
بولبول اؤتور، بوتون سسلر کسیر سسینی
یارپاقلار دا بیر-بیرینه ائهمال توخونور
خسته خانا حیطینده حکیم گزیشیر
خسته خانا حیطینده بولبول اوخویور.
بولبول اؤتور، نه آییرار بولبولو چاغدان؟
چالاغانی ماریقدادیر، دورور قوشجوغاز
گؤزو یاشلی قادین چیخیر قونشو اوتاقدان
گئدن گئتدی، سس آییلتماز، هارای آییلتماز
چالاغانلار یئر اوزونده سس اوغرولاری
سرحدلردن سرحدلره اؤلوم چکنلر
مئشه قیریب، داغ اوچوروب، چای-دنیز یاریب
یئر شارینین نووه سینه مرمی اکنلر
چالاغانلار جایناغیندا، اؤلکه لر ایتر
چالاغانلار دیمدییینده، قانادلی راکئت
آییق اولون عقیده لر! میللتلر! دینلر!
داها یئکه وعد وئره‌جک جایناغی یئکه
مقام وارکی گؤز باخماسا قولاق دا داش‌دی
بعضن اولور ان خوش سسی، سسسیزلیک اودور
کیم اومیدلی، کیم ناراحات، کیمسه تلاشلی
بولبول اؤتور، قلبیمیزدن خبری یوخدور.
بو دونیادیر بیری سوسدو، یوزو چاغلاییر
سون آندا دا بال دادی وار، هاوانین-سویون
طبیعتین حیکمتینه قولاق باغلایین!
خسته خانا حیطینده بولبول اوخویور...
#ممد_آراز
کؤچورمه
#شعر_اوجاغی
@SheirOcagi
خسته خانا حیطینده بولبول اوخویور
طبّ باجیسی دؤنوب باخیر، الینده درمان
نه یاخشی کی دردی یوخدور، درمانی یوخدور
خبرسیزدی بو دونیانین گئدیشاتیندان.
یووا قوروب بیر آغاجین اوج بوداغیندا
لایلا چالیر؟ هیمن اوخویور؟ سیردان دا سیردی
خسته قوجا، تیترک قالخیر اؤز یاتاغیندان
بلکه اؤلوم بو فورصتده ایچری گیردی؟
بولبول اؤتور، بوتون سسلر کسیر سسینی
یارپاقلار دا بیر-بیرینه ائهمال توخونور
خسته خانا حیطینده حکیم گزیشیر
خسته خانا حیطینده بولبول اوخویور.
بولبول اؤتور، نه آییرار بولبولو چاغدان؟
چالاغانی ماریقدادیر، دورور قوشجوغاز
گؤزو یاشلی قادین چیخیر قونشو اوتاقدان
گئدن گئتدی، سس آییلتماز، هارای آییلتماز
چالاغانلار یئر اوزونده سس اوغرولاری
سرحدلردن سرحدلره اؤلوم چکنلر
مئشه قیریب، داغ اوچوروب، چای-دنیز یاریب
یئر شارینین نووه سینه مرمی اکنلر
چالاغانلار جایناغیندا، اؤلکه لر ایتر
چالاغانلار دیمدییینده، قانادلی راکئت
آییق اولون عقیده لر! میللتلر! دینلر!
داها یئکه وعد وئره‌جک جایناغی یئکه
مقام وارکی گؤز باخماسا قولاق دا داش‌دی
بعضن اولور ان خوش سسی، سسسیزلیک اودور
کیم اومیدلی، کیم ناراحات، کیمسه تلاشلی
بولبول اؤتور، قلبیمیزدن خبری یوخدور.
بو دونیادیر بیری سوسدو، یوزو چاغلاییر
سون آندا دا بال دادی وار، هاوانین-سویون
طبیعتین حیکمتینه قولاق باغلایین!
خسته خانا حیطینده بولبول اوخویور...
#ممد_آراز
کؤچورمه
#شعر_اوجاغی
@SheirOcagi
▫منیم پاییم،
خاطیره‌لر باغیندا حوزونلو بیر گزی،
و منه «اللرینی سئویرم» دئین بیر سسین اوزونتوسونده جان وئرمک دیر.
اللریمی باغچادا اکیرم،
گؤیَره‌جه‌یم،
بیلیرم، بیلیرم، بیلیرم...
#فروغ_فرخزاد
#شعر_اوجاغی
@SheirOcagi
خاطیره‌لر باغیندا حوزونلو بیر گزی،
و منه «اللرینی سئویرم» دئین بیر سسین اوزونتوسونده جان وئرمک دیر.
اللریمی باغچادا اکیرم،
گؤیَره‌جه‌یم،
بیلیرم، بیلیرم، بیلیرم...
#فروغ_فرخزاد
#شعر_اوجاغی
@SheirOcagi
Forwarded from |شعر اوجاغی|
#تبریز_کیتاب_سرگی‌سی-نه دستک اولاق.
مکان و زامان:
نمایشگاه بین‌المللی تبریز.
۲۹ مهر—۴آبان.
ساعات: ۱۰:۰۰— ۲۰:۰۰
#شعر_اوجاغی
@SheirOcagi
مکان و زامان:
نمایشگاه بین‌المللی تبریز.
۲۹ مهر—۴آبان.
ساعات: ۱۰:۰۰— ۲۰:۰۰
#شعر_اوجاغی
@SheirOcagi
▫️لاله‌لر نه اولوب...؟
بو داغلارا اله‌نن داغلی لاله‌لر نه اولوب؟!
شفق الینده جالانمیش پیاله‌لر نه اولوب؟!
گونش شوعاسینا آسمیش اؤزون سحر واختی-
ساچیندا پؤهره‌له‌نن گور شلاله‌لر، نه اولوب؟!
گؤزونده نور قاماشان آغ چیچکلری دن-دن –
یاناق‌لاریندا قیزارتدیقجا ژاله‌لر، نه اولوب؟!
اسیبدی سانکی سیزیلتی بو داغلارین دؤشونه
«گونش» دئییب اوجالان اودلو ناله‌لر نه اولوب؟!
اؤلوم- دیریم باهاسیلا قیزیللاشیب تورپاق
قانیله قول چکیلن اول قباله‌لر نه اولوب؟!
بو ذیروه‌لر اوره‌ییندن یاغیبدی اولدوزلار
باشیندا شؤعله چکن نورلو هاله‌لر نه اولوب؟!
کؤزرتی‌لر آراسیندان اوچور سمندرلر
گؤزونده نور، دؤشو اولدوزلو لاله‌لر نه اولوب؟!
#ائلدار_موغانلی
@SheirOcagi
بو داغلارا اله‌نن داغلی لاله‌لر نه اولوب؟!
شفق الینده جالانمیش پیاله‌لر نه اولوب؟!
گونش شوعاسینا آسمیش اؤزون سحر واختی-
ساچیندا پؤهره‌له‌نن گور شلاله‌لر، نه اولوب؟!
گؤزونده نور قاماشان آغ چیچکلری دن-دن –
یاناق‌لاریندا قیزارتدیقجا ژاله‌لر، نه اولوب؟!
اسیبدی سانکی سیزیلتی بو داغلارین دؤشونه
«گونش» دئییب اوجالان اودلو ناله‌لر نه اولوب؟!
اؤلوم- دیریم باهاسیلا قیزیللاشیب تورپاق
قانیله قول چکیلن اول قباله‌لر نه اولوب؟!
بو ذیروه‌لر اوره‌ییندن یاغیبدی اولدوزلار
باشیندا شؤعله چکن نورلو هاله‌لر نه اولوب؟!
کؤزرتی‌لر آراسیندان اوچور سمندرلر
گؤزونده نور، دؤشو اولدوزلو لاله‌لر نه اولوب؟!
#ائلدار_موغانلی
@SheirOcagi
▫️قیز اوشاغیدی...
صیفتی تانیشدی، اؤزو تانیشدی
بو قیز زمانه‌نین اُؤز اوشاغیدی
منی گؤرن گوندن یالان دانیشدی
دئدی: «ایناناجاق، سؤز اوشاغیدی.»
اوزدو عیشوه منی، اوزدو ناز منی
بو یوللاردا، آز گؤزلَتدیر، آز منی!
دئدی: «کَنددن گلیب آنلاماز منی،
دره اوشاغیدی، دوز اوشاغیدی.»
دوشوندو: «آتماغا نه وار کی بونو،
اُؤزگه‌یه ساتماغا نه وار کی بونو؟!»
دئدی: «آلداتماغا نه وار کی بونو؟
اَیری زمانه‌نین دوز اوشاغیدی.»
بیتیب یوللاریندا قالا بیلردیم
اونو اُؤز حالیما سالا بیلردیم
من اوندان انتقام آلا بیلردیم
دَیمه‌دیم خطرینه، قیز اوشاغیدی...
#علمدار_جببارلی
@SheirOcagi
صیفتی تانیشدی، اؤزو تانیشدی
بو قیز زمانه‌نین اُؤز اوشاغیدی
منی گؤرن گوندن یالان دانیشدی
دئدی: «ایناناجاق، سؤز اوشاغیدی.»
اوزدو عیشوه منی، اوزدو ناز منی
بو یوللاردا، آز گؤزلَتدیر، آز منی!
دئدی: «کَنددن گلیب آنلاماز منی،
دره اوشاغیدی، دوز اوشاغیدی.»
دوشوندو: «آتماغا نه وار کی بونو،
اُؤزگه‌یه ساتماغا نه وار کی بونو؟!»
دئدی: «آلداتماغا نه وار کی بونو؟
اَیری زمانه‌نین دوز اوشاغیدی.»
بیتیب یوللاریندا قالا بیلردیم
اونو اُؤز حالیما سالا بیلردیم
من اوندان انتقام آلا بیلردیم
دَیمه‌دیم خطرینه، قیز اوشاغیدی...
#علمدار_جببارلی
@SheirOcagi
▫️ائویمین یولونو ایتیرمیشم بانو!
سیز...! بانو!
سیز کی دؤورانیمین بوتون ماهنی‌لاریلا تانیش‌سینیز!
آرزولاریمی، سینیق بیر توتَکین رویاسیندا گؤرمه‌دینیزمی؟
دئییرلر، سیزین محلله‌ده،
هر دوغولان اوشاق،
داشدان اینیلتی،
و اولدوزدان هونکورتو ائشیدیب...
حؤوصله‌یه باخ ری‌را!
دئنن منی بوراخسینلار!
دئنن ائویمین یولونو خاطیرلایاجاغام...
گؤزلریمی اوزاق بیر یئره زیلله‌‌‌مک ایستیرم
بیر سیگارت آلیشدیریب
بیر آن، بو آنی دوشونمک ایستیرم...
_گؤره‌سن او قدر اولایلار ایچینده،
من تصادوفی اولاراق، دیری‌یم هله...؟!
#سیدعلی_صالحی
چئویری
#ج_محمدنژاد
@SheirOcagi
سیز...! بانو!
سیز کی دؤورانیمین بوتون ماهنی‌لاریلا تانیش‌سینیز!
آرزولاریمی، سینیق بیر توتَکین رویاسیندا گؤرمه‌دینیزمی؟
دئییرلر، سیزین محلله‌ده،
هر دوغولان اوشاق،
داشدان اینیلتی،
و اولدوزدان هونکورتو ائشیدیب...
حؤوصله‌یه باخ ری‌را!
دئنن منی بوراخسینلار!
دئنن ائویمین یولونو خاطیرلایاجاغام...
گؤزلریمی اوزاق بیر یئره زیلله‌‌‌مک ایستیرم
بیر سیگارت آلیشدیریب
بیر آن، بو آنی دوشونمک ایستیرم...
_گؤره‌سن او قدر اولایلار ایچینده،
من تصادوفی اولاراق، دیری‌یم هله...؟!
#سیدعلی_صالحی
چئویری
#ج_محمدنژاد
@SheirOcagi
▫️گئتدیلر
مردی ییخیلماغا قویمادی مردلر
هایینا-سایینا یاراق گئتدیلر
نامردلر گاه قارا، گاه آغ یاماقدی
یاماق یاشادیلار، یاماق گئتدیلر
بویلان گونشلره، توستولو باجام!
منزیل حاقلامادی، هر یویرک قاچان
بعصن گؤزوموزون قاباغینداجا
آراملا گئدنلر، اوزاق گئتدیلر
قاپیلما شؤهرتلر، تاپیلما شانلار-
کیمینه یهردی، کیمینه شاللاق
یوزو حاقلایانلار، یوزو آشانلار،
یئنه ده دونیادان اوشاق گئتدیلر
تورپاغا یار دئین، قوووشدو اونا
وار سؤزو- کئشیکچی، قوشوندو اونا
سوسان قلمی ده قوشولدو اونا
وعده‌سیز گئتدیلر، اوز آغ گئتدیلر...
#ممد_آراز
کؤچورمه
#شعر_اوجاغی
@SheirOcagi
مردی ییخیلماغا قویمادی مردلر
هایینا-سایینا یاراق گئتدیلر
نامردلر گاه قارا، گاه آغ یاماقدی
یاماق یاشادیلار، یاماق گئتدیلر
بویلان گونشلره، توستولو باجام!
منزیل حاقلامادی، هر یویرک قاچان
بعصن گؤزوموزون قاباغینداجا
آراملا گئدنلر، اوزاق گئتدیلر
قاپیلما شؤهرتلر، تاپیلما شانلار-
کیمینه یهردی، کیمینه شاللاق
یوزو حاقلایانلار، یوزو آشانلار،
یئنه ده دونیادان اوشاق گئتدیلر
تورپاغا یار دئین، قوووشدو اونا
وار سؤزو- کئشیکچی، قوشوندو اونا
سوسان قلمی ده قوشولدو اونا
وعده‌سیز گئتدیلر، اوز آغ گئتدیلر...
#ممد_آراز
کؤچورمه
#شعر_اوجاغی
@SheirOcagi
▫️«آنلاييرام» دئمه منه!
آنلايا بيلرسنمي حيسّ ائتديكلريمي؟
باخا بيلرسنمي حياتا منيم گؤزلريمدن؟
سيغديرا بيلرسنمي اوتوز ايكي ايلي بئش دقيقه‌يه؟
چؤزه بيلرسنمي بئينيمين سيرريني؟
سيله بيلرسنمي اونوتماق ايسته‌ديكلريمي؟
روحومدا قوپان فيرتينا‌لاري جانلانديرا بيلرسنمي خياليندا؟
ياشايا بيلرسن مي عئيني آجي و كدرلريمي؟
دليجه خیاللاریمی سورغولايا بيلرسنمي ايچينده؟
بوشونا «آنلاييرام» دئمه منه!
ايچ-ايچه ياشاديغيم بونجا ايله باخمايا‌راق،
اؤزومو، من بئله، آنلايا بيلمه‌ديم داها...
#یاشار_کمال
@SheirOcagi
آنلايا بيلرسنمي حيسّ ائتديكلريمي؟
باخا بيلرسنمي حياتا منيم گؤزلريمدن؟
سيغديرا بيلرسنمي اوتوز ايكي ايلي بئش دقيقه‌يه؟
چؤزه بيلرسنمي بئينيمين سيرريني؟
سيله بيلرسنمي اونوتماق ايسته‌ديكلريمي؟
روحومدا قوپان فيرتينا‌لاري جانلانديرا بيلرسنمي خياليندا؟
ياشايا بيلرسن مي عئيني آجي و كدرلريمي؟
دليجه خیاللاریمی سورغولايا بيلرسنمي ايچينده؟
بوشونا «آنلاييرام» دئمه منه!
ايچ-ايچه ياشاديغيم بونجا ايله باخمايا‌راق،
اؤزومو، من بئله، آنلايا بيلمه‌ديم داها...
#یاشار_کمال
@SheirOcagi
▫️اوشاق کیمی آغلادیم
او قدر هئچ،
او قدر بوش،
معناسیز...
اؤیله حاقسیز یئره سندن اوزاغام کی....
#ناظیم_حیکمت
@SheirOcagi
او قدر هئچ،
او قدر بوش،
معناسیز...
اؤیله حاقسیز یئره سندن اوزاغام کی....
#ناظیم_حیکمت
@SheirOcagi
▫️گل داشدان سوروشاق:
«گوزگولرین ایچینده نه آختاریرسان؟»
گل داشدان سوروشاق:
بیزیم سونوموزون حئکایه‌سیندن نه بیلیر؟
گل داشدان سوروشاق!
چونکو داشدان باشقا کیمسه سونون حئکایه سینی بیلمیر.
همشه بیزه هامیدان داها یاخین اولان، داش‌دیر
باخ...!
باخیشلارین هامیسی داش‌دیر،
اورکلرین هامیسی داش.
عجب داش یاغمورودور...!
توتاق‌کی بوتون عؤمورونو قاچدین،
هارایا سیغیناسان؟
تانرینین ائوی داش‌دیر...
#فریدون_مشیری
چئویری
#شعر_اوجاغی
@SheirOcagi
«گوزگولرین ایچینده نه آختاریرسان؟»
گل داشدان سوروشاق:
بیزیم سونوموزون حئکایه‌سیندن نه بیلیر؟
گل داشدان سوروشاق!
چونکو داشدان باشقا کیمسه سونون حئکایه سینی بیلمیر.
همشه بیزه هامیدان داها یاخین اولان، داش‌دیر
باخ...!
باخیشلارین هامیسی داش‌دیر،
اورکلرین هامیسی داش.
عجب داش یاغمورودور...!
توتاق‌کی بوتون عؤمورونو قاچدین،
هارایا سیغیناسان؟
تانرینین ائوی داش‌دیر...
#فریدون_مشیری
چئویری
#شعر_اوجاغی
@SheirOcagi