▪️دینلهیین-دینلهیین! من بیر کامانام
شرقین سینهسیندن قوپان فغانام
اوزاق عصیرلرین درینلیییندن
صاباحا اوز قویان سونسوز کاروانام
اووجو قابار-قابار، جییاری تشنه،
گونشی آردینجا چکن ساروانام
بو قوجا دونیانین تن اورتاسیندا،
بولبولو سوسمایان بیر گولوستانام.
سووغاتی، بخشیشی آچیق سینیده،
آغزینین سونونجو تیکهسینیده
دوستا باغیشلایان،دوشمانا وئرن
دومانلی تبریزم؛ چنلی زنگانام
هر شئیی آلینیب توکنسه بئله،
عشقی توکنمهین آزربایجانام.
دینلهیین-دینلهیین من بیر کامانام
داغ-داشی یاندیران آهام، آمانام.
بیر واخت "آلبانییا" دئدیلر منه،
داغلاردان ووقارلی "آلپ"ام، "آلپان"ام.
نئچه کئیخوسرووون آچیق دؤشونده،
بیریلیان تاجینی بوم-بوش قویانام.
روستم-زال اؤلدوردو اؤز سؤهرابینی
سؤهرابام من اونو باغیشلایانام.
تکجه اؤز دیبینه ایشیق سالمایان،
هامییا نور وئرن شامام، شامدانام.
دینله قوجا دونیا؛ ائی منیم آنام!
مین یول اؤلدورولن، یئنه اؤلمهین
ازلی، ابدی آزربایجانام.
#خلیل_ریضا_اولوتورک
کؤچورن: ادبیات_ائوی
@SheirOcagi
شرقین سینهسیندن قوپان فغانام
اوزاق عصیرلرین درینلیییندن
صاباحا اوز قویان سونسوز کاروانام
اووجو قابار-قابار، جییاری تشنه،
گونشی آردینجا چکن ساروانام
بو قوجا دونیانین تن اورتاسیندا،
بولبولو سوسمایان بیر گولوستانام.
سووغاتی، بخشیشی آچیق سینیده،
آغزینین سونونجو تیکهسینیده
دوستا باغیشلایان،دوشمانا وئرن
دومانلی تبریزم؛ چنلی زنگانام
هر شئیی آلینیب توکنسه بئله،
عشقی توکنمهین آزربایجانام.
دینلهیین-دینلهیین من بیر کامانام
داغ-داشی یاندیران آهام، آمانام.
بیر واخت "آلبانییا" دئدیلر منه،
داغلاردان ووقارلی "آلپ"ام، "آلپان"ام.
نئچه کئیخوسرووون آچیق دؤشونده،
بیریلیان تاجینی بوم-بوش قویانام.
روستم-زال اؤلدوردو اؤز سؤهرابینی
سؤهرابام من اونو باغیشلایانام.
تکجه اؤز دیبینه ایشیق سالمایان،
هامییا نور وئرن شامام، شامدانام.
دینله قوجا دونیا؛ ائی منیم آنام!
مین یول اؤلدورولن، یئنه اؤلمهین
ازلی، ابدی آزربایجانام.
#خلیل_ریضا_اولوتورک
کؤچورن: ادبیات_ائوی
@SheirOcagi
▪️گزمه جانیمین جللادی!
باشی باغلی سیر دئییلم
اورهییم ده اووجومدادیر
من مگر شاعیر دئییلم ؟
لول کئفلی یم ، آنام دانیر
قونوم_قونشودان اوتانیر
دونیا باشیما دولانیر
کیم دئییر من پیر دئییلم ؟
اینجیتمهسین آدیم سنی
قوی آنا! توختادیم سنی
باخ اجل بَیندی منی
من چوخ دا کیفیر دئییلم
آینانین اؤنونده دوردوم
باخدیم بیرجه کیپریک ووردوم
بیرده باخدیم ،آمما گؤردوم
بایاقکی نادیر دئییلم
#نادر_الهی
@SheirOcagi
باشی باغلی سیر دئییلم
اورهییم ده اووجومدادیر
من مگر شاعیر دئییلم ؟
لول کئفلی یم ، آنام دانیر
قونوم_قونشودان اوتانیر
دونیا باشیما دولانیر
کیم دئییر من پیر دئییلم ؟
اینجیتمهسین آدیم سنی
قوی آنا! توختادیم سنی
باخ اجل بَیندی منی
من چوخ دا کیفیر دئییلم
آینانین اؤنونده دوردوم
باخدیم بیرجه کیپریک ووردوم
بیرده باخدیم ،آمما گؤردوم
بایاقکی نادیر دئییلم
#نادر_الهی
@SheirOcagi
▪️قالماز
قيشين يامانليغي قالار اؤزونده
داغلاردا چووغونون هاواسي قالماز
قارتاللار قیی وورار؛ ترلانلار سوزر
دونیادا بایقوشون یوواسی قالماز
گوُونمه دؤولته؛ آلدانما وارا
تاريخ چوخ شاهلاري قويدو آوارا
حقيقت بوغازدان چكيلمز دارا
ظولمون يئر اوستونده نداسی اولماز
سولار آخيب _ آخيب آخير دورولوب
ظاليمين آخيردا بوينونو بورولوب
"بهمن"! چرخي گرديش ائله قورولوب_
هئچ کیمین هئچ کیمده قیصاصی قالماز
#بهمن_وطن_اوغلو
@SheirOcagi
قيشين يامانليغي قالار اؤزونده
داغلاردا چووغونون هاواسي قالماز
قارتاللار قیی وورار؛ ترلانلار سوزر
دونیادا بایقوشون یوواسی قالماز
گوُونمه دؤولته؛ آلدانما وارا
تاريخ چوخ شاهلاري قويدو آوارا
حقيقت بوغازدان چكيلمز دارا
ظولمون يئر اوستونده نداسی اولماز
سولار آخيب _ آخيب آخير دورولوب
ظاليمين آخيردا بوينونو بورولوب
"بهمن"! چرخي گرديش ائله قورولوب_
هئچ کیمین هئچ کیمده قیصاصی قالماز
#بهمن_وطن_اوغلو
@SheirOcagi
▪️ياخينايكن اللريميز
اوزاقلاردان سئويشديك بيز
آيريليغا يئنيلمهديك
من آى اولدوم، سنسه دنيز
گوندوزلر اؤزلهديم سنى
گئجهلر گؤزلهديم سنى
اؤيله بير ايزلهديم سنى_
ايزيم ساحيله سالدى ايز
بو دا بؤيله بير ايلقاردير
گئجه م، گوندوزه زوماردير
سؤيله منيم كيميم واردير-
سندن ياخين، سندن عزيز؟!...
#سئور_شهابى
@SheirOcagi
اوزاقلاردان سئويشديك بيز
آيريليغا يئنيلمهديك
من آى اولدوم، سنسه دنيز
گوندوزلر اؤزلهديم سنى
گئجهلر گؤزلهديم سنى
اؤيله بير ايزلهديم سنى_
ايزيم ساحيله سالدى ايز
بو دا بؤيله بير ايلقاردير
گئجه م، گوندوزه زوماردير
سؤيله منيم كيميم واردير-
سندن ياخين، سندن عزيز؟!...
#سئور_شهابى
@SheirOcagi
▪️سنی آختارماغا هر آن يهرلنيب كؤلگهم
كوچهلرده يئتينمهييب،شهرلنيب كؤلگهم
گونوزلری دايانمادان سورونوب "شهناز"دا
واراقلارین گؤزونده هئی سحرلنيب كؤلگهم
گون باتان چاغدا بويلانيب "ساعات"ین کؤکسوندن
"ارک"یمین قانلی گؤزونده قهرلنيب كؤلگهم
داماقدا قالدی دادی ايلك گؤروشلرين آمما
تامسينيب آيريلیغيندان زهرلنيب كؤلگه م
ایرمی بیرلر قاطارین هر آدیمدا ایزلرکن
سنی آختارماغا هر آن يهرلنيب كؤلگهم
#فرزين_نقیيان
@SheirOcagi
كوچهلرده يئتينمهييب،شهرلنيب كؤلگهم
گونوزلری دايانمادان سورونوب "شهناز"دا
واراقلارین گؤزونده هئی سحرلنيب كؤلگهم
گون باتان چاغدا بويلانيب "ساعات"ین کؤکسوندن
"ارک"یمین قانلی گؤزونده قهرلنيب كؤلگهم
داماقدا قالدی دادی ايلك گؤروشلرين آمما
تامسينيب آيريلیغيندان زهرلنيب كؤلگه م
ایرمی بیرلر قاطارین هر آدیمدا ایزلرکن
سنی آختارماغا هر آن يهرلنيب كؤلگهم
#فرزين_نقیيان
@SheirOcagi
▪️بو آخشام شهره یئنه قار یاغیر
کیمه یوخلوق یاغیر؛ کیمه وار یاغیر.
سویوغون قوجاغی، کیمی قوجاقلیر
کیمین قوجاغینا، نازلی یار یاغیر
قیزیل دوداقلارین، قان داملاسی دیر
هم ده یاناغیندان بوگون نار یاغیر
ائله آزادلیقسان منیم کؤنلومده،
آدینی چکمه میش، زیندان، دار یاغیر
نئیله مک بو شهر دولوبدور سنله
بولودلار گوجه نیر، سیتمکار یاغیر
سنی اؤپمه میشم، دوداغیم آجدیر
آدیندان جان سوزور و ایفطار یاغیر
اوره ییمده حسرت دون آتمیش منی
بو آخشام شهره یئنه قار یاغیر ...
#رحمت_یاشار
@SheirOcagi
کیمه یوخلوق یاغیر؛ کیمه وار یاغیر.
سویوغون قوجاغی، کیمی قوجاقلیر
کیمین قوجاغینا، نازلی یار یاغیر
قیزیل دوداقلارین، قان داملاسی دیر
هم ده یاناغیندان بوگون نار یاغیر
ائله آزادلیقسان منیم کؤنلومده،
آدینی چکمه میش، زیندان، دار یاغیر
نئیله مک بو شهر دولوبدور سنله
بولودلار گوجه نیر، سیتمکار یاغیر
سنی اؤپمه میشم، دوداغیم آجدیر
آدیندان جان سوزور و ایفطار یاغیر
اوره ییمده حسرت دون آتمیش منی
بو آخشام شهره یئنه قار یاغیر ...
#رحمت_یاشار
@SheirOcagi
▫️قار دنهسی
قار دنه سی اولماغیم گلیر
نارین دنه
دایانمازدان یاغام قوزئیلره
گونشین گؤزوندن گیزلین
یئر سالیب قالام
سنین یاتاغینداکی پئنجره اؤنونده
قاینادام بئینیوین دوپامینلرینی
آشیب داشیردام اوکسیتوسینلرینی
منه تای سن ده سئودالاناسان
های هارای سالا نور اِپینفرینلرین
گؤزلرینله یوخونو قانلی پیچاق سالام
گیزیلدهیه گئجهنین اورهگی
آچاسان پئنجرهلری
آلوولو اٙللرینه آلاسان
بو یاشامدان دیدرگین قار دنهسینی
دالام گؤزلرینه
داداسان منی و چکدیکلریمی
قانادلانام بال آیینا
قالا سالیب قالام
آچمایام گؤزلریمی
اٙریییب اؤلم اٙللرینده
آی نه یاشاماق دیر.
#ائلمان_موغانلی
@SheirOcagi
قار دنه سی اولماغیم گلیر
نارین دنه
دایانمازدان یاغام قوزئیلره
گونشین گؤزوندن گیزلین
یئر سالیب قالام
سنین یاتاغینداکی پئنجره اؤنونده
قاینادام بئینیوین دوپامینلرینی
آشیب داشیردام اوکسیتوسینلرینی
منه تای سن ده سئودالاناسان
های هارای سالا نور اِپینفرینلرین
گؤزلرینله یوخونو قانلی پیچاق سالام
گیزیلدهیه گئجهنین اورهگی
آچاسان پئنجرهلری
آلوولو اٙللرینه آلاسان
بو یاشامدان دیدرگین قار دنهسینی
دالام گؤزلرینه
داداسان منی و چکدیکلریمی
قانادلانام بال آیینا
قالا سالیب قالام
آچمایام گؤزلریمی
اٙریییب اؤلم اٙللرینده
آی نه یاشاماق دیر.
#ائلمان_موغانلی
@SheirOcagi
▪️قورخولو بیر سیر دئییرم:
چوخداندیرکی بیر آرزیم وار؛
اوغرو اولماق ایسته ییرم!
اینسانلارین آراسیندان
عقیده سیز آداملاری
ویجدانینی پولا ساتان
نادانلاری
اوغورلاماق ایسته ییرم
بو تورپاغین گوندن-گونه،
نییه آرتیر دردی-سری؟
دؤولتلرین آراسیندان سرحدلری
اوغورلاماق ایسته ییرم
آخی، نه ایش گؤرموشم کی،
اوغورلوق دا ایشدی باری
من آنامین صیفتینه
واختسیز دوشموش قیریشلاری
اوغورلاماق ایسته ییرم
بیریسینی ییخماق اوچون
ایکیسینین اولفتینی،
اینسانلارین اوره ییندن
هر کینینی، نیفرتینی،
یالانینی بوندان اونا،
اوندان بونا ساتانلاری،
ایکی سئون آراسیندان
او اوچونجو آداملاری
اوغورلاماق ایسته ییرم
آراز آخیر…
او تایدان دا اینسان باخیر،
بو تایدان دا اینسان باخیر،
نئچه میلیون گؤزو یاشلی عزیزیمی،
او حسرتلی تبریزیمی
اوغورلاماق ایسته ییرم
ایندی نئچه دؤولتلردن
مظلوملارین آه-زارینی،
یاد تورپاقدا یاتیب قالان،
عصرلرین آرخاسیندان
قوللارینی چاتیب قالان
کربلادان "فوضولی" نین،
حلب دنسه "نسیمی" نین مزارینی
اوغورلاماق ایسته ییرم
نه گیزله دک؟ بیلیر هامی
تونقال قاتیب یاندیریرلار
بو جاهانی.
قلبیم دئییر:
" بیر آزری مثلینی یادینا سال:
" اوغرودان-اوغرویا حالال… "
"پرومئتئی" اوغورلاییب
اینسانلارا وئرن اودو
اوغورلاماق ایسته ییرم
لاپ غضبی توتسا بئله_
یئرین منه، گؤیون منه؛
نه دئییرسیز، دئیین منه!
اوغرو اولماق ایسته ییرم
اوغرو اولماق ایسته ییرم
دوغرو اولماق ایسته ییرم...
#نوصرت_کسمنلی
@SheirOcagi
چوخداندیرکی بیر آرزیم وار؛
اوغرو اولماق ایسته ییرم!
اینسانلارین آراسیندان
عقیده سیز آداملاری
ویجدانینی پولا ساتان
نادانلاری
اوغورلاماق ایسته ییرم
بو تورپاغین گوندن-گونه،
نییه آرتیر دردی-سری؟
دؤولتلرین آراسیندان سرحدلری
اوغورلاماق ایسته ییرم
آخی، نه ایش گؤرموشم کی،
اوغورلوق دا ایشدی باری
من آنامین صیفتینه
واختسیز دوشموش قیریشلاری
اوغورلاماق ایسته ییرم
بیریسینی ییخماق اوچون
ایکیسینین اولفتینی،
اینسانلارین اوره ییندن
هر کینینی، نیفرتینی،
یالانینی بوندان اونا،
اوندان بونا ساتانلاری،
ایکی سئون آراسیندان
او اوچونجو آداملاری
اوغورلاماق ایسته ییرم
آراز آخیر…
او تایدان دا اینسان باخیر،
بو تایدان دا اینسان باخیر،
نئچه میلیون گؤزو یاشلی عزیزیمی،
او حسرتلی تبریزیمی
اوغورلاماق ایسته ییرم
ایندی نئچه دؤولتلردن
مظلوملارین آه-زارینی،
یاد تورپاقدا یاتیب قالان،
عصرلرین آرخاسیندان
قوللارینی چاتیب قالان
کربلادان "فوضولی" نین،
حلب دنسه "نسیمی" نین مزارینی
اوغورلاماق ایسته ییرم
نه گیزله دک؟ بیلیر هامی
تونقال قاتیب یاندیریرلار
بو جاهانی.
قلبیم دئییر:
" بیر آزری مثلینی یادینا سال:
" اوغرودان-اوغرویا حالال… "
"پرومئتئی" اوغورلاییب
اینسانلارا وئرن اودو
اوغورلاماق ایسته ییرم
لاپ غضبی توتسا بئله_
یئرین منه، گؤیون منه؛
نه دئییرسیز، دئیین منه!
اوغرو اولماق ایسته ییرم
اوغرو اولماق ایسته ییرم
دوغرو اولماق ایسته ییرم...
#نوصرت_کسمنلی
@SheirOcagi
▪️لئیلی سیز ...
آرزومون گولوشو تؤکوبدور یارا
یارا ، یارا، یارا، یارا لئیلی سیز
آه... منی گؤزلری قویموش مزارا
مزارا، مزارا، زارا لئیلی سیز
یارپاقلی قارقیشیم توتاجاق سیزی
بو "اصلی" اؤله جک؛ بو "کرم" سیزی
منده بیر آداقلی اوغلانی، قیزی
باسدیرین آرا بیر_آرا، لئیلی سیز
بالتالادین منی، تؤکدون هامارا
جسدیم یئم اولدو چؤلده قوردلارا
قوشولوب پاییزا گئدیرسن هارا؟
هارا ، هارا، هارا ، هارا ، لئیلی سیز
سئویرم دونیانی لئیلی یه گؤره
لئیلی سیز بو منی آپارین گورا
نئیلیرم دونیانی لئیلی دن سونرا
سونرا ،سونرا ،سونرا، سونرا، لئیلی سیز
هارداسان لئیلیجه م ؟ هارداسان ؟ هارا
بیر سؤیله هارداسان من گلیم اورا
بیر اولساق؛ تانری دا گلمه سین بورا
بورا، بورا، بورا، بورا لئیلی سیززز...
1385/5/19
#کامیل_قهرمان_اوغلو
@SheirOcagi
آرزومون گولوشو تؤکوبدور یارا
یارا ، یارا، یارا، یارا لئیلی سیز
آه... منی گؤزلری قویموش مزارا
مزارا، مزارا، زارا لئیلی سیز
یارپاقلی قارقیشیم توتاجاق سیزی
بو "اصلی" اؤله جک؛ بو "کرم" سیزی
منده بیر آداقلی اوغلانی، قیزی
باسدیرین آرا بیر_آرا، لئیلی سیز
بالتالادین منی، تؤکدون هامارا
جسدیم یئم اولدو چؤلده قوردلارا
قوشولوب پاییزا گئدیرسن هارا؟
هارا ، هارا، هارا ، هارا ، لئیلی سیز
سئویرم دونیانی لئیلی یه گؤره
لئیلی سیز بو منی آپارین گورا
نئیلیرم دونیانی لئیلی دن سونرا
سونرا ،سونرا ،سونرا، سونرا، لئیلی سیز
هارداسان لئیلیجه م ؟ هارداسان ؟ هارا
بیر سؤیله هارداسان من گلیم اورا
بیر اولساق؛ تانری دا گلمه سین بورا
بورا، بورا، بورا، بورا لئیلی سیززز...
1385/5/19
#کامیل_قهرمان_اوغلو
@SheirOcagi
▪️بو سونسوز حیاتدا،
اؤلومدن یوخ،
دؤنومدن قورخورام.
گَل!
یاپیش الیمدن!
بیر...
ایکی...
اوچ...
اوچ منیمله.
اوچ...
ایکی...
بیر...
بیتدی حیات...!
#پاشا_موغانلی
@SheirOcagi
اؤلومدن یوخ،
دؤنومدن قورخورام.
گَل!
یاپیش الیمدن!
بیر...
ایکی...
اوچ...
اوچ منیمله.
اوچ...
ایکی...
بیر...
بیتدی حیات...!
#پاشا_موغانلی
@SheirOcagi
▪️منیم آزربایجان اوچون اورهییم پارتلاییر.
تزه مود اولوب: "ایرمی فاییز تورپاغیمیز ایشغال اولوب"؛ دئییرلر.
دئییرم: بورچالی، گؤیجه، ایروان، تبریز، دربند...
بونلاری سایمیرسینیز؟
#یئتیم_عئیواض
@SheirOcagi
تزه مود اولوب: "ایرمی فاییز تورپاغیمیز ایشغال اولوب"؛ دئییرلر.
دئییرم: بورچالی، گؤیجه، ایروان، تبریز، دربند...
بونلاری سایمیرسینیز؟
#یئتیم_عئیواض
@SheirOcagi
▪️بوز دولابيميز بوشالير
سئوگيليمين گؤزلرى دولور
اللريم دونور جيبلريمده
بوشقابلار اوتانير
قيزارير سوفراميزين ياشيل ياپراقلارى
"برزيل يئددى قول يئدى" دئييب_
قونويو دَييشير اوغلوم
سؤزو بيتمه دن
قيزيم آرايا گيرير
دوداقلارى برزيل-برزيل تيترهييب
ياناقلارى هلند- هلند گول آچير
آغ بالاجا اللرى-
ريكا قابيندان دوزلتديیى دخيلى
اورهييمه بوشالدير
آتا!
برزيل اتى آل!
آتا!
برزيل اتى آل...!
#سئور_شهابى
@SheirOcagi
سئوگيليمين گؤزلرى دولور
اللريم دونور جيبلريمده
بوشقابلار اوتانير
قيزارير سوفراميزين ياشيل ياپراقلارى
"برزيل يئددى قول يئدى" دئييب_
قونويو دَييشير اوغلوم
سؤزو بيتمه دن
قيزيم آرايا گيرير
دوداقلارى برزيل-برزيل تيترهييب
ياناقلارى هلند- هلند گول آچير
آغ بالاجا اللرى-
ريكا قابيندان دوزلتديیى دخيلى
اورهييمه بوشالدير
آتا!
برزيل اتى آل!
آتا!
برزيل اتى آل...!
#سئور_شهابى
@SheirOcagi
▪️آنالار
دونيانين بو كاروان كؤچوندن گليب؛
دؤزومون بيتمه-ين گوجوندن گليب؛
يوخسا ناغيللارين ايچيندن گليب؛
اؤزو ناغيللارا دؤنن آنالار.
گول دئديك، اووجوندا چيچك بيتيردى؛
سئوينجى پايلاييب غمى ايتيردى؛
يوخوسوز گؤزلره يوخو گتيردى؛
لايلالار اوستونده دينن آنالار.
ساچينا قار ياغدى، ياز وئردى بيزه؛
دونيانىگؤرمه يه گؤز وئردى بيزه؛
اؤزونه بنزه ين قيز وئردى بيزه؛
عؤمرونو مين يئره بؤلن آنالار...
اؤزو شريك اولدو اورک سيررينه؛
گون اولدو ايشله دى كيشى يئرينه؛
بيزيمچون اود آلدى كيپريكلرينه؛
اؤزو سويوقلاردا دونان آنالار.
اوغولو سئوينيب، قيزى گولنده،
سانكى گونش گولور اوزو گولنده؛
اؤولادين قاشيندا دويون گؤرنده؛
بولود تك قاراليب، دولان آنالار.
ساچينى زامانين اللرى هؤرور؛
بو گونله ياشاييب صاباحى گؤرور؛
دونيايا تزه-تر اؤولادلار وئرير؛
اؤزو چيچك كيمى سولان آنالار.
وطنين اؤزونه آنا دئديلر؛
اودونا، كؤزونه آنا دئديلر؛
بير گون ياد قيزينا آنا دئديلر؛
نوه موشتولوغو آلان آنالار.
عؤمرومو_گونومو آلميشام سيزدن.
داملا قوروموشام جوشغون دنيزدن.
"اوغلوم"، دئسه نيز ده، دئمه سه نيزده،
منيم آنامسينيز، آنام، آنالار...!
#نصرت_کسمنلی
@SheirOcagi
دونيانين بو كاروان كؤچوندن گليب؛
دؤزومون بيتمه-ين گوجوندن گليب؛
يوخسا ناغيللارين ايچيندن گليب؛
اؤزو ناغيللارا دؤنن آنالار.
گول دئديك، اووجوندا چيچك بيتيردى؛
سئوينجى پايلاييب غمى ايتيردى؛
يوخوسوز گؤزلره يوخو گتيردى؛
لايلالار اوستونده دينن آنالار.
ساچينا قار ياغدى، ياز وئردى بيزه؛
دونيانىگؤرمه يه گؤز وئردى بيزه؛
اؤزونه بنزه ين قيز وئردى بيزه؛
عؤمرونو مين يئره بؤلن آنالار...
اؤزو شريك اولدو اورک سيررينه؛
گون اولدو ايشله دى كيشى يئرينه؛
بيزيمچون اود آلدى كيپريكلرينه؛
اؤزو سويوقلاردا دونان آنالار.
اوغولو سئوينيب، قيزى گولنده،
سانكى گونش گولور اوزو گولنده؛
اؤولادين قاشيندا دويون گؤرنده؛
بولود تك قاراليب، دولان آنالار.
ساچينى زامانين اللرى هؤرور؛
بو گونله ياشاييب صاباحى گؤرور؛
دونيايا تزه-تر اؤولادلار وئرير؛
اؤزو چيچك كيمى سولان آنالار.
وطنين اؤزونه آنا دئديلر؛
اودونا، كؤزونه آنا دئديلر؛
بير گون ياد قيزينا آنا دئديلر؛
نوه موشتولوغو آلان آنالار.
عؤمرومو_گونومو آلميشام سيزدن.
داملا قوروموشام جوشغون دنيزدن.
"اوغلوم"، دئسه نيز ده، دئمه سه نيزده،
منيم آنامسينيز، آنام، آنالار...!
#نصرت_کسمنلی
@SheirOcagi
▪️بوگون كنديميزدن بير آغاج كؤچور؛
اودونچو دايانيب، دوروب اَر كيمی.
او آغاج گؤزونون ياشينی ايچير؛
زورلا اَره گئدن گلینلر كيمی.
بو باهار كنديميز قيش كئچيرهجك؛
بير پاليد عينادی دوغرانيب اونون.
بو باهار يوواسيز قوشلار گلهجک؛
اوزونه غم توزو قونوب كنديمين.
او، عؤمور پايينی بوگون كئچيركی،
بير عؤمره بيرآنليق گرك اولاجاق.
اوندا مين بير قوشون ائوی اوچوركی؛
هارداسا بير ائوه ديرك اولاجاق.
بو آغاج، بلكه بير چَلييه دؤنوب،
بير قوجا اليندن ياپيشاجاقدی.
بير سويوق اوجاقدا آليشيب، يانيب،
نه بیلیم اوستونده نه بیشهجکدی.
بلكه بير داخمايا چئوريلدی صاباح؛
بير اينسان عؤمرونو بيتيرمك اوچون.
بلكه بير تابوتا چئوريلدی او، آه!...
بير اينسانی يئردن گؤتورمك اوچون.
بوگون كنديميزدن بير آغاج كؤچور؛
زورلا اَره گئدن او يازيق قيز تك.
نئچه آرزو قوشو يوواسيز قاليب،
نئچه قوش بو كنددن اوز دؤندرهجک.
بلكه باخ بو كاغیذ هَمن آغاجدی؛
اؤزو او ظولومه قول چكير ايندی.
بير جاهيل الينده، ديلی كسيلدی؛
بير شاعير الينده، ديل آچير ايندی.
بير قلم اولماغا بير چؤپو يئتر؛
بو ظولمو دفتره كؤچورمك اوچون.
يوواسيز قوشلاری او، قاتار ـ قاتار،
آرزو گؤیلرينه اوچورماق اوچون.
...دونيا كنديميزدن كؤچن آغاجين،
چيينينده بير دونيا احتياج كؤچور.
بوگون دونياميز دا سيخيلير بير آن؛
بوگون دونياميزدان بير آغاج كؤچور...
#ووقار_نعمت
@SheirOcagi
اودونچو دايانيب، دوروب اَر كيمی.
او آغاج گؤزونون ياشينی ايچير؛
زورلا اَره گئدن گلینلر كيمی.
بو باهار كنديميز قيش كئچيرهجك؛
بير پاليد عينادی دوغرانيب اونون.
بو باهار يوواسيز قوشلار گلهجک؛
اوزونه غم توزو قونوب كنديمين.
او، عؤمور پايينی بوگون كئچيركی،
بير عؤمره بيرآنليق گرك اولاجاق.
اوندا مين بير قوشون ائوی اوچوركی؛
هارداسا بير ائوه ديرك اولاجاق.
بو آغاج، بلكه بير چَلييه دؤنوب،
بير قوجا اليندن ياپيشاجاقدی.
بير سويوق اوجاقدا آليشيب، يانيب،
نه بیلیم اوستونده نه بیشهجکدی.
بلكه بير داخمايا چئوريلدی صاباح؛
بير اينسان عؤمرونو بيتيرمك اوچون.
بلكه بير تابوتا چئوريلدی او، آه!...
بير اينسانی يئردن گؤتورمك اوچون.
بوگون كنديميزدن بير آغاج كؤچور؛
زورلا اَره گئدن او يازيق قيز تك.
نئچه آرزو قوشو يوواسيز قاليب،
نئچه قوش بو كنددن اوز دؤندرهجک.
بلكه باخ بو كاغیذ هَمن آغاجدی؛
اؤزو او ظولومه قول چكير ايندی.
بير جاهيل الينده، ديلی كسيلدی؛
بير شاعير الينده، ديل آچير ايندی.
بير قلم اولماغا بير چؤپو يئتر؛
بو ظولمو دفتره كؤچورمك اوچون.
يوواسيز قوشلاری او، قاتار ـ قاتار،
آرزو گؤیلرينه اوچورماق اوچون.
...دونيا كنديميزدن كؤچن آغاجين،
چيينينده بير دونيا احتياج كؤچور.
بوگون دونياميز دا سيخيلير بير آن؛
بوگون دونياميزدان بير آغاج كؤچور...
#ووقار_نعمت
@SheirOcagi
Forwarded from اتچ بات
( اینامسێز )
یامان پیس وَقتیمده تۇش گَلدین مَنه
سؤنۆلمۆش آتَشَم، کۆل اوْلمۇش کؤزَم
اۇچۇلۇب اۆرَڲیم، یێخێلێب ائوی
کَسیلمیش رُمانام، یارێمچێق سؤزَم
*
یامان پیس وَقتیمده تۇش گَلدین مَنه
اِعتِماد بۇلاغێم قۇرۇیۇب کؤکدَن
گَلیبسَن بیر وَقت کی کۆرَڲیم سێنێپ
دوْستلاردان تؤرَنَن بیر آغێر یۆکدَن
*
وۇرۇلۇب قَلبیمه خَنجَر یاراسێ
دَریندیر اَل قوْیما سێزلایێر یارام
اۇزاق دۇر کؤلگهمه مَن اینانمێرام
دئمه کی سَنه ده بَلکه ناچارام
*
کؤلگهلَر دۆشماندێر بۇگۆن اِنسانا
اِلٰهی! بالتالار نه تانێش گَلیر
ناجاقلار دوْغرایێر خوْل بۇداغێمێ
قانلێ آغێزێیلا اۆزۆمه گۆلۆر
*
یامان پیس وَقتیمده تۇش گَلدین مَنه
داها هیچ بیر اَله یوْخدۇر اینانێم
ریاسێز ایستَڲه، دوْغرۇ سئوگییه
آتوْملار قَدَری یوْخدۇر گُمانێم
***
هؤرۆمجَک توْرۇدۇر ایلگیلَر بۆتۆن
مُلایِم کۆلَکله گئدهجَک یئله
یامان پیس وَقتیمده تۇش گَلدین مَنه
تالانمێش بیر باغا، ساورۇلمۇش گۆله
#سحر_خیاوی
یامان پیس وَقتیمده تۇش گَلدین مَنه
سؤنۆلمۆش آتَشَم، کۆل اوْلمۇش کؤزَم
اۇچۇلۇب اۆرَڲیم، یێخێلێب ائوی
کَسیلمیش رُمانام، یارێمچێق سؤزَم
*
یامان پیس وَقتیمده تۇش گَلدین مَنه
اِعتِماد بۇلاغێم قۇرۇیۇب کؤکدَن
گَلیبسَن بیر وَقت کی کۆرَڲیم سێنێپ
دوْستلاردان تؤرَنَن بیر آغێر یۆکدَن
*
وۇرۇلۇب قَلبیمه خَنجَر یاراسێ
دَریندیر اَل قوْیما سێزلایێر یارام
اۇزاق دۇر کؤلگهمه مَن اینانمێرام
دئمه کی سَنه ده بَلکه ناچارام
*
کؤلگهلَر دۆشماندێر بۇگۆن اِنسانا
اِلٰهی! بالتالار نه تانێش گَلیر
ناجاقلار دوْغرایێر خوْل بۇداغێمێ
قانلێ آغێزێیلا اۆزۆمه گۆلۆر
*
یامان پیس وَقتیمده تۇش گَلدین مَنه
داها هیچ بیر اَله یوْخدۇر اینانێم
ریاسێز ایستَڲه، دوْغرۇ سئوگییه
آتوْملار قَدَری یوْخدۇر گُمانێم
***
هؤرۆمجَک توْرۇدۇر ایلگیلَر بۆتۆن
مُلایِم کۆلَکله گئدهجَک یئله
یامان پیس وَقتیمده تۇش گَلدین مَنه
تالانمێش بیر باغا، ساورۇلمۇش گۆله
#سحر_خیاوی
Telegram
attach 📎
سن منی شاعیر می بیلیرسن..؟
بیلیرسنمی هر یولون باغلی آغزیندان
بیر دونیانین دوزونه گؤز ایشلهیه بیلر؟!
بیلیردین می داغلار دوزلرین
ازلدن ابدی آیریلیغینا محکوم اولموش،
اوز دؤندرمز،
گؤز چکمز،
صبیرلی ،
ائرکک تاییدیر؟
بیلیردین می زیروهلرده
شونگویهن سرت تهلوکه
اؤلومسوز اینتیحار هاواسینا دوغرو
اوچا بیلیر بیر شاعیرین سسینده.؟
سن شاعیر بیلیرسن می منی؟
ان گؤزل شعریم
دیلین قیسیرلیغینا گؤمولموش یاشادیغیم شعرلردیر
سنی حئیران ائده بیلردی
دونیاسینین قولاغینا چالینمایان موزیک،
بیر گؤز قیرپیمندا
داغدان داغلارا باسیلان
رقص ایزی،
و هاوادا یئللنن
سودان یومشاق دونون
روح چکیجیلییی.
اوووف چکرم هسبندینی
زیروهلردن زیروهده دایانان ائرکک تاییمین
چپی چالماسینا
قولاغینلا،گؤزونون قوناقلیغینی
ااای اوخوجوم!
سن منی شاعیر سانیرسانمی هله...
#حکیمه_باباکشی_زاده«نغمه»
@SheirOcagi
بیلیرسنمی هر یولون باغلی آغزیندان
بیر دونیانین دوزونه گؤز ایشلهیه بیلر؟!
بیلیردین می داغلار دوزلرین
ازلدن ابدی آیریلیغینا محکوم اولموش،
اوز دؤندرمز،
گؤز چکمز،
صبیرلی ،
ائرکک تاییدیر؟
بیلیردین می زیروهلرده
شونگویهن سرت تهلوکه
اؤلومسوز اینتیحار هاواسینا دوغرو
اوچا بیلیر بیر شاعیرین سسینده.؟
سن شاعیر بیلیرسن می منی؟
ان گؤزل شعریم
دیلین قیسیرلیغینا گؤمولموش یاشادیغیم شعرلردیر
سنی حئیران ائده بیلردی
دونیاسینین قولاغینا چالینمایان موزیک،
بیر گؤز قیرپیمندا
داغدان داغلارا باسیلان
رقص ایزی،
و هاوادا یئللنن
سودان یومشاق دونون
روح چکیجیلییی.
اوووف چکرم هسبندینی
زیروهلردن زیروهده دایانان ائرکک تاییمین
چپی چالماسینا
قولاغینلا،گؤزونون قوناقلیغینی
ااای اوخوجوم!
سن منی شاعیر سانیرسانمی هله...
#حکیمه_باباکشی_زاده«نغمه»
@SheirOcagi
▪️نه قدر چکسهده بؤرکونو باشا،
ائدیلمز بیر فایدا عاغیلدان هوشا.
چیخاجاق قاباغی سیلدیریم داشا؛
آد_سانی یالانلا یئکهلنلرین.
یورولوب یوللاردا قالان اولاجاق؛
بختینین گوزگوسو گؤزده سیناجاق؛
اوره یی الینده سیغاللاناجاق؛
پاپاغی باشیندا دیکهلنلرین.
گؤوه نیب اوشغونسا یالان ایزینه،
حق سؤزه چاتاندا وورار دیزینه.
قیرخیلیق دایانار قیللی سؤزونه؛
اؤزگهلر دنییله کؤکهلنلرین.
#عزت_طهماسبی
@SheirOcagi
ائدیلمز بیر فایدا عاغیلدان هوشا.
چیخاجاق قاباغی سیلدیریم داشا؛
آد_سانی یالانلا یئکهلنلرین.
یورولوب یوللاردا قالان اولاجاق؛
بختینین گوزگوسو گؤزده سیناجاق؛
اوره یی الینده سیغاللاناجاق؛
پاپاغی باشیندا دیکهلنلرین.
گؤوه نیب اوشغونسا یالان ایزینه،
حق سؤزه چاتاندا وورار دیزینه.
قیرخیلیق دایانار قیللی سؤزونه؛
اؤزگهلر دنییله کؤکهلنلرین.
#عزت_طهماسبی
@SheirOcagi
▪️ایچیمده کی اؤزلملرله،
گونلریمی سوغمادایام.
قارا گئیب گئجه_گوندوز،
درد یئیب غم دوغمادایام.
ساغیم آجی سولوم حسرت؛
دورد یانیمی آلیب چیلهم.
قوروتموشام گؤز یاشیمی؛
آغلایاندا آخیر گیلهم.
سیرداشیم بیر نئچه کیتاب،
بیر کول قابیم، بیرده چاخماق.
ایشیم اولوب سیگار چکیب؛
دوواردا شکلینه باخماق.
دامیمدا بایقوش اولاییر؛
هوروشور قاپیمدا ایتلر.
سسیم چیخسا پاتلایاجاق؛
ایچیمده کی دینامیتلر.
#فرزین_نقییان
@SheirOcagi
گونلریمی سوغمادایام.
قارا گئیب گئجه_گوندوز،
درد یئیب غم دوغمادایام.
ساغیم آجی سولوم حسرت؛
دورد یانیمی آلیب چیلهم.
قوروتموشام گؤز یاشیمی؛
آغلایاندا آخیر گیلهم.
سیرداشیم بیر نئچه کیتاب،
بیر کول قابیم، بیرده چاخماق.
ایشیم اولوب سیگار چکیب؛
دوواردا شکلینه باخماق.
دامیمدا بایقوش اولاییر؛
هوروشور قاپیمدا ایتلر.
سسیم چیخسا پاتلایاجاق؛
ایچیمده کی دینامیتلر.
#فرزین_نقییان
@SheirOcagi
اَییل سولار اوسته تؤکولسون کؤلگه ن
اوخشاسین کؤلگهنی، چشمهنین الی
قوی دئسینلر قوشلار: "گوللندی باغچا-
او ساریشین گؤزل باغا گلهلی"
اییل حلقهلنسین سودا ایشیغین
اریسین سولاردا یاقوتی رنگی ن
قوی سنین شاووقون، سنین شفقین
گوللو ایزلر آچسین بولاقدا درین
گَل؛ سؤنن غروبون کهربا رنگی_
بویاسین حیاتین آغ پردهسینی
قوی دینلهسین کؤنلوم غملی آخشامدا_
باغلاردا خزانین سون نغمهسینی.
اساطیرین گؤزل معبودهسی تک
اؤز عشقینله یاندیر قارا کؤنلومو
او بایغین باخیشلا، تاتار گلینی!
پریشان ائیلهمه یارا کؤنلومو.
او اودلو باخیشین منی سوزر کن
آچیلا روحومدا بیر اوفوق اوندا
عشقین صبحی کیمی، گولر اوزاقدان_
ماوی پردهلرده سئحرانگیز دونیا.
اییل سولار اوسته، آخشام اولدوزو!
سئیر ائت آسمانین درینلیگینی.
او ماوی عالمین اهتزازیندا_
قوی زولفون اوخشاسین سرینلیگینی...
#حبیب_ساهیر
@SheirOcagi
اوخشاسین کؤلگهنی، چشمهنین الی
قوی دئسینلر قوشلار: "گوللندی باغچا-
او ساریشین گؤزل باغا گلهلی"
اییل حلقهلنسین سودا ایشیغین
اریسین سولاردا یاقوتی رنگی ن
قوی سنین شاووقون، سنین شفقین
گوللو ایزلر آچسین بولاقدا درین
گَل؛ سؤنن غروبون کهربا رنگی_
بویاسین حیاتین آغ پردهسینی
قوی دینلهسین کؤنلوم غملی آخشامدا_
باغلاردا خزانین سون نغمهسینی.
اساطیرین گؤزل معبودهسی تک
اؤز عشقینله یاندیر قارا کؤنلومو
او بایغین باخیشلا، تاتار گلینی!
پریشان ائیلهمه یارا کؤنلومو.
او اودلو باخیشین منی سوزر کن
آچیلا روحومدا بیر اوفوق اوندا
عشقین صبحی کیمی، گولر اوزاقدان_
ماوی پردهلرده سئحرانگیز دونیا.
اییل سولار اوسته، آخشام اولدوزو!
سئیر ائت آسمانین درینلیگینی.
او ماوی عالمین اهتزازیندا_
قوی زولفون اوخشاسین سرینلیگینی...
#حبیب_ساهیر
@SheirOcagi
▪️باغریمدا یئنه ده چالخالاییرلار
قیزجیغاز الییله، زهر تولوغو
توخانیب یاراما بیر قور چیرتماسی
دئشیر کهنه درددن آجی سولوغو
دئشدییی یارانی توختاتمیر بو قور
اورهییمه وئریب، درینه سالیر
دلی قیز دا یئنه، ییغیب باشینا
دردلری اوخودوب، تار_قاوال چالیر
هر اوتاغی بیر درد، یئنه بئیینده
قاتار_قاتار دوزوب، مین بیر واگوندان
سانکی توی آخشامی، دردلر گلین تک
گئیینیب آغ دوندان، قیرمیزی دوندان
کیمدی بو قیزجیغاز؟، بو گئجه گؤزو
گلیب چیخیب بورا، یولون ایتیرمیش
اولمایا دالییا من قاییتمیشام
عؤمرون بو چاغیندا خیال گؤتورموش
اولماز بیر داها من، او یولدان کئچم
یوخ! من او گؤردویوم، کؤرپو سؤکولدو
آمما من گؤردویوم، او قیز دا او واخت
اوشاقکن قوجالدی، بئلی بوکولدو
بو دلیسوو اوشاق، کیمدی ایلاهی؟!
کؤکسوندن تانیشدیر، گؤزدن بیراز یاد
یئنه خاطیرلاتدی قوجالیغیمی
چیخمیشدی بو گونلر، یادیمدان هرزاد...
#حکیمه_باباکشی_زاده_نغمه
@SheirOcagi
قیزجیغاز الییله، زهر تولوغو
توخانیب یاراما بیر قور چیرتماسی
دئشیر کهنه درددن آجی سولوغو
دئشدییی یارانی توختاتمیر بو قور
اورهییمه وئریب، درینه سالیر
دلی قیز دا یئنه، ییغیب باشینا
دردلری اوخودوب، تار_قاوال چالیر
هر اوتاغی بیر درد، یئنه بئیینده
قاتار_قاتار دوزوب، مین بیر واگوندان
سانکی توی آخشامی، دردلر گلین تک
گئیینیب آغ دوندان، قیرمیزی دوندان
کیمدی بو قیزجیغاز؟، بو گئجه گؤزو
گلیب چیخیب بورا، یولون ایتیرمیش
اولمایا دالییا من قاییتمیشام
عؤمرون بو چاغیندا خیال گؤتورموش
اولماز بیر داها من، او یولدان کئچم
یوخ! من او گؤردویوم، کؤرپو سؤکولدو
آمما من گؤردویوم، او قیز دا او واخت
اوشاقکن قوجالدی، بئلی بوکولدو
بو دلیسوو اوشاق، کیمدی ایلاهی؟!
کؤکسوندن تانیشدیر، گؤزدن بیراز یاد
یئنه خاطیرلاتدی قوجالیغیمی
چیخمیشدی بو گونلر، یادیمدان هرزاد...
#حکیمه_باباکشی_زاده_نغمه
@SheirOcagi