▫️اؤزومو آتیلمیش، ترک ائدیلمیش بیری کیمی حیسّ ائتدیم. بیلیم‌آداملاری «پلوتون»ون گزه‌گن یوخ، بیر توپا کوسمیک* زیر-زیبیل اولدوغونا قرار وئرنده، پلوتون اؤزونو نئجه حیسّ ائدیردی‌سه، من ده اؤزومو تام ائله حیسّ ائدیردیم.

📚 ائله توند گؤی کی...
#هالی_شیندلر
*فضایا عایید اولان، فضایی
#شعر_اوجاغی
@SheirOcagi

دیالوق

▫️- اینسانلار همیشه یئکه-یئکه دانیشدیغیم اوچون منه گولورلر؛ آما دوشونجه‌لرین بؤیوک اولاندا مجبورسان یئکه کلمه‌لر ایشله‌ده‌سن، بئله دئییل‌می؟

🎬 Anne of Green Gables
#ایسائو_تاکاهاتا
#شعر_اوجاغی
@SheirOcagi

▫️کندلی منلیگی

اوغلو تعطیلده گلدی،
طلبه یولداشی‌یلا.
اوغلو «منلیک» ایپی‌یله،
اؤز ایچیندن آسیلدی،
آلووونا یاغ تؤکدو،
اۇددۇغو گؤز یاشی‌یلا.

اوغلو نیگاران اولدو،
ایچین-ایچین قوورولدو:
«گؤره‌سن یازیق آنام،
نه قویاجاق سوفره‌یه؟!
جامیش اتلیگه گئدیب،
قیسیر قالیب مور دۆیه.
گؤره‌سن ایش آشارمی،
یاوان یارما آشی‌یلا؟»

آتا اؤز بالاسینی،
باشا سالدی باشی‌یلا.
آتا دئدی: داریخما،
ایندی بوللوق اولاجاق؛
یارماچانی¹ چملی قوی،
تئز گورلانسین گور اوجاق!

آتا پاسلی قمه‌نی،
ساطیلدا ایتی‌له‌دی.
اوتاردیغی سۆرۆدن،
شیشمانجا بیر شیشه‌یی²،
اورتایا ایته‌له‌دی؛
کسدی، سویدو، دوغرادی،
شیشلیک اولدو بیر شیشَک.

بلکه ده جریمه‌نی،
عؤمرویله اؤده‌یه‌جک.

#آغا_لاچینلی
¹- کسیلمک اوچون ساخلانیلان حئیوان (Ətlik)
²- یاریلمیش، ایکی‌یه آیریلمیش اودون پارچالاریندان هر بیری
³- 2-4 یاشلاردا اولان ائرکک قویون (Şişək)
#شعر_اوجاغی
@SheirOcagi

▫️بیزه ان بؤیوک پیسلیک ائدن‌لر، حقیقتی بیزدن گیزلتمه‌یه چالیشانلاردیر.

📚 بئش بالاجا دونوز
#آگاتا_کریستی
#شعر_اوجاغی
@SheirOcagi

اؤیکوجوک

▫️اوچ سؤزجوک، تک قورشون

اوندان، سؤیله‌مک ایسته‌دیگینی آچیقجا و ایکی سؤزجوک‌له سؤیله‌مه‌سینی ایسته‌دیم.
- «ایکی سؤزجوک یئتمز» دئدی.
- «اولسون، اوچ» دئدیم.
- «اونو اؤلدورمک ایسته‌ییرم» دئدی.
- «نه ایسته‌ییرسن؟» دئدیم.
- «منه بیر قورشون وئر!» دئدی.
اونا بیر تک قورشون وئردیم.

- سونرا نه ائتدی، بیلمیرم. اونو بیر داها گؤرمه‌دیم.

#فرید_ائدگو
کؤچورن: سؤز کانالی
@a_z_soz
@SheirOcagi

▫️دونیادا هر بیر کس اوچون سؤزدن بؤیوک یادیگار یوخدور. زیرا کی، مال-مولک تلف اولور گئدیر، آمّا سؤز قالیر.

#جلیل_ممدقولوزاده
#شعر_اوجاغی
@SheirOcagi

▫️آرا وئرمک ایسته‌ییرم، حیات!
صبر ائتدیکجه اوستومه گلیر کیمیسن.

#ناظیم_حیکمت
#شعر_اوجاغی
@SheirOcagi

▫️سن بیر بولودسان بیر یاغمورون ایچینده،
من قورو بیر چؤلم بیر قومون ایچینده...
سن بیر رؤیاسان بیر گئرچه‌یین ایچینده،
من بیر یارایام، بیر بیچاغین ایچینده.

#بایزید_بسطامی_کئچه‌لی
#شعر_اوجاغی
@SheirOcagi

▫️نه واخت‌دیر مینمیرم کهَر قاشقانی،
یولوم یئریسه ده، یوردا جالانمیر.¹
نئهره‌نین نوباری، سبَتین شانی،
شانا بارماغیملا هئچ سونالانمیر.

نه واخت‌دیر تارلادا طاماهیم قالیب،
قانقال بۇدامیرام²، سۆتۆل اۆتمۆرم.
قوردبوغان یایلاقدا های‌-هارای سالیب،
چوبان ایتلرینه کؤمک ائتمیرم.

قوی بو توخ گون‌لریم باش آپارماسین!
یادداشین کامانی یئرینده دیندی.
آرپا قووورغاسی، بیرینج یارماسی،
چتَنه قووودو ایستردیم ایندی.

نه واختدیر سینمیرم آتا قبرینه،
اؤزوم باش‌داشی‌یام، گزَن قبیرم.
یونجالی گونئیده داریخان بینه!³
بو یورغون چاغیمدا قاپیندان گیرم!

چوبوق قابیرغالی آلچاق آلاچیق!
ساخلا چیراغیندا نؤیوت اییینی!
پیلته سونبولوندن سوزولن قیلچیق،
آرتیرسین گئجه‌نین گووَنلیگینی!

دره‌نی گیزله‌ین مۏروق‌لو مئشه!
بیز کی دوغما ایدیک- بئله دئییلدیک.
بره‌نین بندینه دوشن بنؤوشه!
بلگه گۏر ائوینده گؤروشه بیلدیک.

نه واخت‌دیر باشیمدا چوماق چاتلامیر،
هانی چؤل سیناغی، قۏروق ساواشی؟
آنیمدان جانیما سرینلیک دامیر،
دَیینجه یاراما یادداشین داشی.

هانی یومشاق گیلئی، حلیم‌جه هنَک⁴؟
گؤر حیات نه‌لری چوخ گؤردو منه!
کاش ائله تپه‌مه تپَن⁵ دَیه‌نک،
بیچه‌نک اوستونده اولایدی یئنه!

نه واخت‌دیر آرزومو آللاهی دؤیوب،
من‌می سینیخمیرام، من‌می سینمیرام؟
مارال اوتلارینی باش-باشا دۆیۆب،⁶
باللی کؤلگه‌لره هئچ سیغینمیرام.

چیرپین، آی اوره‌ییم!... نه دئییم سنه؟
دونیانین دینجلیگی منه حارام‌می؟
باخسام «آینا گؤل»ون آغ گوزگوسونه،
گؤره‌سن اؤزومو تانییارام‌می؟

#آغا_لاچینلی
¹- باغلانماق- چاتماق
²- آغاجین قورو و یا آرتیق بوداقلارینی کسمک، هرَس
³- کؤچَری‌لرین کنددن قیراقدا اوتراق ائتدیگی یئر
⁴- ظارافات
⁵- شیغییان، آتیلان
⁶- دویون‌له‌مک
#آغا_لاچینلی
#شعر_اوجاغی
@SheirOcagi

▫️عشق بیزی گؤیلره قالدیرا بیلر، جهنّمه آتا بیلر، لاکین هئچ واخت اوّلکی یئریمیزده قویماز.

📚 ریو پئدرانین ساحیلینده اوتوردوم و آغلادیم.
#پائولو_کوئیلو
#شعر_اوجاغی
@SheirOcagi

▫️هر کس کیمی

کؤنلوم‌له باش-باشا دوشوندوم دمین:*
آرتیق بیر سئحیرسیز نفس کیمیسن.
ایندی تا ایچینده بوم‌بوش قلبیمین،
یانسیماسی سؤنن بیر سس کیمیسن.

کئچمیشه قاریشیب سئودا یمینیم،
بیر آندا اونوتدوم سنی- امینم.
قلبیمده قلبینه یوخ بئله کینیم،
منجه آرتیق سن ده هر کس کیمیسن.

گؤزلریم گؤزونده عشقی سئچمه‌ییر،
اونلاردان قلبیمه سئودا کئچمه‌ییر.
من یوردوم روحومو، بیرآز دا سن یور!
چونکی منجه ایندی هرکس کیمیسن.

یولونو گؤزلرکن داها دون گئجه،
بوگون ده قاچیرام سندن گیزلیجه.
قلبیمه باخدیم دا ایشده ایییجه،
آنلادیم کی سن ده هر کس کیمیسن.

بوس‌بوتون اونوتدوم سنی- امینم،
کئچمیشه قاریشدی ایندی یمینیم.
قلبیمده سنینچون یوخ بئله کینیم،
منجه سن ده ایندی هرکس کیمیسن.

#ناظیم_حیکمت
* بیر آز اؤنجه
#شعر_اوجاغی
@SheirOcagi

▫️بوغازاجان چیرکاب ایچینده اولان سیزلر الینیزی گؤیلره آچیب سمادان مرحمت دیله‌ییرسینیز.
هانی ائله بیر شیمشک کی، خیصلتینیزده‌کی اسکیک‌لیگی یاندیریب کوله دؤندرسین، روحونوزو نورا بله‌سین؟

📚 زردوشت بئله دئییردی.
#فردریش_نیچه
#شعر_اوجاغی
@SheirOcagi

‍ ▫️باشقا صاباحلار

بوگون اۆزۆنده بیر باشقا گؤزللیک وار سنین،
بوگون دوداغیندا بیر باشقا داد وار،
بویوندا باشقا بیر اوجالیق.
بوگون قیرمیزی گولون بیر باشقا بوداقدان.
آی'ین گؤی‌اوزونه بوگون سیغمامیش،
گؤیلره بنزه‌ین کؤکسون بوگون داها گئنیش...
هانکی یانیندان قالخدین بو صاباح؟ سؤیله!
بیر باشقا غوغا وار دونیادا سنین اوزوندن،
دونیادا بیر باشقا گئدیش، بیر باشقا تلاش...

بیز سنین گؤزلریندن گؤردوک آسلانلارا مئیدان اوخویان او جئیرانی،
باشقا بیر آرانلیغی وار او جئیرانین بوگون، ایکی دونیادان دا دیشاری.

سئون اینسانین آیاغی می یوخ؟
ایشده اونا اؤلومسوزلوک قاپاندی.
یوخاری‌لاردا اونونلا اوچار گئدر.
گؤزلرینین دنیزینده اونو گزمه!
او اینجی، بیر باشقا دنیزده.

باخارسان بوگون سئور بو اورک،
صاباح سئویلر باخارسان.
اوره‌ییمین اؤزونده باشقا صاباحلار وار.

#مولانا
#شعر_اوجاغی
@SheirOcagi

▫️او یورغونلوغون، بدبخت‌لیگین، دردینی هئچ کیمه دئیه بیلمه‌مه‌یین، کیمسه‌ طرفیندن باشا دوشولمه‌مه‌یین نه دئمک اولدوغونو چوخ گؤزل بیلیردی.

📚 پسیخو
#رابرت_بلاک
#شعر_اوجاغی
@SheirOcagi

اؤیکوجوک

▫️پیس خبری بیردن بیره دئمزلر.

وارلی بیر کیشی ایشچیسینی مولکلرینه باش چکمه‌یه یوللامیشدی. گئری دؤندوکده سوروشدو:
- جورج،  نه خبر؟!
+ خوش خبریم یوخدو، آغام! سیزین ایتیز اؤلدو.
- یازیق ایت...  نییه اؤلدو؟!
+ چوخ یئمیشدی، آغام!
- چوخ یئمیشدی؟ اونا نه وئردیز، نییه چوخ یئدی؟
+ آت اَتی، آغام! چوخ یئدی، اؤلدو.
- او بئله آت اَتینی هاردان گتیردیز؟
+ آتانیزین بوتون آتلاری اؤلدو، منیم آغام!
-نه دئدین؟ آتلارین هامیسی اؤلدو؟
+ بلی، آغام! چوخ ایشله‌مکدن اؤلدولر.
- نییه او بئله ایشله‌دیلر؟
+ سو داشییردیلار، آغام!
- سو داشییردیلار؟ نه اوچون؟
+ اودو سؤندورمک اوچون، آغام!
- اود... نه اود؟
+ آه، آغام! آتانیزین ائوی یاندی، کول اولدو.
- هه! باشا دوشدوم، اوندا آتامین ائوی یاندی؛
نییه یاندی؟
+ فیکر ائله‌ییرم شام‌لاردان ائوه اود دوشدو، آغام!
- شام، نه شامی؟
+ آنانیزین یاس تؤره‌نینده یاندیریلمیش شاملار، آغام!
- آنام دا اؤلدو؟
+ بلی، آغام! یازیق قادین او اولایدان سونرا دؤزه بیلمه‌ییب باشینی بیر دفعه‌لیک یئره قویدو.
- نه اولای؟
+ آتانیزین اؤلومونو دئییرم، آغام!
- آتام دا اؤلدو؟
+ بلی، آغام! او خبری ائشیدنده یازیق کیشینین قلبی دایاندی.
- نه خبری؟
+ پیس خبر، آغام! سیزین بانک ایفلاس ائتدی، اعتبارینیز آرادان گئتدی، ایندی بو دونیادا بیرجه قیرانینیز دا یوخدو...
جسارت ائله‌دیم، آغام! دئدیم خبرلری تئز سیزه چاتدیریم.

#آرتور_بوخوالد
چئویرن: سؤز کانالی
@a_z_soz
@SheirOcagi

▫️بیر یول، حتّی دوز بیر آی، اؤزونو گؤیده اوچورموش کیمی حیسّ ائتمیشدی؛ چونکی همین  مئیدانین تام اورتاسیندا، تامامی‌یله یاد بیر آدام اونا چیچک باغیشلامیشدی.

📚 وئرونیکا اؤلمه‌یه قرار وئریر.
#پائولو_کوئیلو
#شعر_اوجاغی
@SheirOcagi

▫️دونیانین

اینساندا وفا یوخ، سؤزده اعتبار،
اوخشاری بیلمه‌دیم نه‌یه دونیانین.
گؤرمه‌دیم حیاتدا بیرجه اینسانی،
سعادت ناغیلین دئیه دونیانین.

اوندا باشسیز قالدی تاجلار، کولاهلار،
گدالار شاه اولدو، خوار اولدو شاهلار.
اوخ اولا حیاتدا چکیلن آهلار،
کؤکسونون باشینا دَیه دونیانین!

جفاسی چوخ اولدو آنلایانلارا،
گوج وئردی  وعده‌سیز بانلایانلارا،
تاختینی بخش ائتدی  قانمایانلارا،
گونو قیسمت اولدو بَی'ه دونیانین.

سالدی یوللاریمی دؤنوم-دؤنومه،
گئتدیکجه یامانلار چیخدی اؤنومه.
کئشکه او دا دوشه منیم گونومه،
قاپیسین غم الی دؤیه دونیانین!

نه قدر عؤمروم وار قارغارام اونو،
ازلی بال اولدو، زهر اولدو سونو.
دار گلدی «کؤنول»ه بیچدیگی دونو،
ایشلری ترس گلدی نییه دونیانین؟

#فاطمه_عبدی_کؤنول
@SheirOcagi

▫️بعضی‌لری شعر سئومز؛
چونکی یارالاری یوخدور،
یارالادیقلاری وار.

📚 گونش اولورام من ده.
#غؤنچه_نوصرت
#شعر_اوجاغی
@SheirOcagi

▫️بیلَن، گوجلودور!

#موغان_پارساآباد_شهری
@SheirOcagi

▫️چاغیر منی!

آیری دوشدوم، اوزاق اولدوم،
دوغما یوردوم، چاغیر منی!
یاد ائللرده یازیق اولدوم،
دوغما یوردوم، چاغیر منی!

قویما سندن اوزاقلاشیم،
هاییما چات بو چاغیمدا!
چاغیر گلیم، اوشاقلاشیم،
قۇزۇلاشیم قوجاغیندا!

چاغیر، گلیم گؤروشونه،
آت اوینادیم ساغا-سولا!
یئنه قونوم داغ دؤشونه،
چتن نئیی چالا-چالا.

دوغما یوردوم، سوچومدان کئچ!
دولاشسام دا دره-دره،
تا من جله قورمارام هئچ،
یئم آختاران سرچه‌لره.

تا گؤزومو قیییب-قیییب،
یووالارا داش آتمارام.
تا ساپاندی قۏلازلاییب¹
قیز-گلینی قورخوتمارام.

چاغیر گلیم- چیخسین آدیم،
دلی‌قانلی جاوان اولوم!
بره کسیم، بولاق گودوم،
دلی جئیران قووان اولوم.

یئنه او قیز ناز ائله‌سین،
منی گؤرجک دؤنسون یانا!
هؤرویونو کؤکه‌لسین،
سانجاقلاسین آغ بوینونا!

یئنه ایشه گئده-گئده،
«سه‌گاه» دئییم آرابادا.
یئنه آخیر چرشنبه‌ده،
مکتوب آتیم بوش توربادا.

یئنه گزیم چاتیم-چاتیم،
بالدیرغانلی دره‌لری.
قوووشلارا قوووم قاتیم،
دَیمه-دوشر دله‌لری.

دوغما یوردوم، اۇلۇ بینه‌م،
اؤزون چاغیر، آپار منی!
سن ایتیرسن، آی بیردنه‌م،
کیم آختاریب تاپار منی؟!

دئمه اوغلون کوسوب گئدیب،
داریخمیشام بو تکلیکده.
اللریمی بالینج ائدیب
بیر یاتایدیم چیچک‌لیکده.

بیر یاییلیب یاستی‌لارا،²
دئیه‌یدیم کی: اوخای-اوخای!
بیر جومایدیم صاف سولارا،
قولوم اوسته اوغلوم «اوقتای».

چاغیر گلیم، دوغما یوردوم!
من کی سنی آرخا سایدیم.
بیر دیلک‌له دؤزوب-دوردوم:
کاش قوینوندا اۇیۇیایدیم!

#آغا_لاچینلی
¹- قولونون گوجو چاتدیغی قدر اوزاغا توللاماق
²- سطحی دۆز اولان یئرلر
#شعر_اوجاغی
@SheirOcagi