▫️میلیون دفعه «آیتن»
من، بیر «آیتن»دیر دوشوب دیلیمه،
اوه، نه یاخشی!
«آیتن»لی ایچکی‌لر ایچیب سرخوش اولورام،
نه گؤزل!
خوشوما گئتمیرسه دنیزلرین رنگی،
بیر آز «آیتن» قاتیرام، گؤزل‌لشیر.
ماهنیلار سؤیله‌ییرم، شعرلر یازیرام «آیتن» اوستونه.
ساعاتیم، هر زامان یا «آیتن»ه بئش دقیقه قالیر،
یا دا «آیتن»ی بئش دقیقه کئچیر.
هر یانا باخسام، گؤردویوم او.
گؤزومو یومسام، فیکریمدن «آیتن» کئچیر.
مندن سوروشسانیز،
مؤوسوملردن «آیتن»ده‌ییک،
گونلردن «آیتن»ائرته‌سی‌‌دیر.
اودور گون-گون منی یاشادان.
اونون عطری بوروموشدور کوچه‌لری،
اونون گؤزلری‌دیر شفقده گؤردویوم،
آخشام قیزیل‌لیغیندا اونون دوداقلاری.
باشقا قادینی اؤومه‌یین یانیمدا، اینجییه‌رم!
«آیتن»ی اؤوه‌جکسینیز، نه اعلا!
اوتورا بیلرسینیز،
بیر قدح ده سیزینله ایچه‌ریک «آیتن»لی،
ایکی صؤحبت ائده‌ریک.
اونو سیز ده سئوَرسینیز منیم کیمی،
آما غارت یوخ!
«آیتن»ی سیزه بوراخمارام.
جیبیمده بیر اون لیرام وار،
اونو آلین گرَکیرسه!
آلین، تک قات البیسه‌می سیزه وئریم!
من «آیتن»ی دوشونورم، اوشومه‌رم.
اوچ یول آدینی تکرارلارام، قارنیم دۏیار.
پولسوزلوق دا بیر شئی‌می؟!
اؤلوم بئله پیس دئییل «آیتن»سیزلیک قدر.
اونا اوغرامایان گمی‌لر باتسین!
اوندان کئچمه‌ین ترن‌لر دئوریلسین!
اونو سئومه‌ین اورک داش کسیلسین!
قاپانسین اونو گؤرمه‌ین گؤزلر!
اونو اؤومه‌ین دیللر قوروسون!
ایکی دفعه ایکی= دؤرد... الده وار «آیتن».
بوندان سونرا دونیادا عشقین آدی «آیتن» اولسون!
#اومید_یاشار_اوغوزجان
#شعر_اوجاغی
@SheirOcagi
من، بیر «آیتن»دیر دوشوب دیلیمه،
اوه، نه یاخشی!
«آیتن»لی ایچکی‌لر ایچیب سرخوش اولورام،
نه گؤزل!
خوشوما گئتمیرسه دنیزلرین رنگی،
بیر آز «آیتن» قاتیرام، گؤزل‌لشیر.
ماهنیلار سؤیله‌ییرم، شعرلر یازیرام «آیتن» اوستونه.
ساعاتیم، هر زامان یا «آیتن»ه بئش دقیقه قالیر،
یا دا «آیتن»ی بئش دقیقه کئچیر.
هر یانا باخسام، گؤردویوم او.
گؤزومو یومسام، فیکریمدن «آیتن» کئچیر.
مندن سوروشسانیز،
مؤوسوملردن «آیتن»ده‌ییک،
گونلردن «آیتن»ائرته‌سی‌‌دیر.
اودور گون-گون منی یاشادان.
اونون عطری بوروموشدور کوچه‌لری،
اونون گؤزلری‌دیر شفقده گؤردویوم،
آخشام قیزیل‌لیغیندا اونون دوداقلاری.
باشقا قادینی اؤومه‌یین یانیمدا، اینجییه‌رم!
«آیتن»ی اؤوه‌جکسینیز، نه اعلا!
اوتورا بیلرسینیز،
بیر قدح ده سیزینله ایچه‌ریک «آیتن»لی،
ایکی صؤحبت ائده‌ریک.
اونو سیز ده سئوَرسینیز منیم کیمی،
آما غارت یوخ!
«آیتن»ی سیزه بوراخمارام.
جیبیمده بیر اون لیرام وار،
اونو آلین گرَکیرسه!
آلین، تک قات البیسه‌می سیزه وئریم!
من «آیتن»ی دوشونورم، اوشومه‌رم.
اوچ یول آدینی تکرارلارام، قارنیم دۏیار.
پولسوزلوق دا بیر شئی‌می؟!
اؤلوم بئله پیس دئییل «آیتن»سیزلیک قدر.
اونا اوغرامایان گمی‌لر باتسین!
اوندان کئچمه‌ین ترن‌لر دئوریلسین!
اونو سئومه‌ین اورک داش کسیلسین!
قاپانسین اونو گؤرمه‌ین گؤزلر!
اونو اؤومه‌ین دیللر قوروسون!
ایکی دفعه ایکی= دؤرد... الده وار «آیتن».
بوندان سونرا دونیادا عشقین آدی «آیتن» اولسون!
#اومید_یاشار_اوغوزجان
#شعر_اوجاغی
@SheirOcagi
▫️نه عشق اولایدی نه عاشق، نه حُسنِ دلبر اولایدی،
نه آیینه، نه صفا، ای کؤنول، نه جوهر اولایدی!
نه ناز اولایدی، نه غمزه، نه غَنج اولایدی، نه عشوه،
نه عجز و لابه، نه خونابِ دیده‌ی تر اولایدی!
نه زُلف اولایدی، نه عارض، نه خطّ اولایدی، نه خال،
.نه مُشک اولایدی، نه مجمر، نه عود و عنبر اولایدی!
نه حُسن اولایدی، نه کؤنلوم، نه دسته-دسته بو زُلف،
نه شَه، نه مُلک، نه بو فوج-فوج لشگر اولایدی.
نه ابروی خم اولایدی، نه چشم، نه مژگان،
نه تیغ اولایدی، نه جلّاد، نه بو خنجر اولایدی.
ازل نه نشئه اولایدی، نه سونرا رنجِ خُمار،
نه عیشِ وصل، نه اندوهِ هجرِ دلبر اولایدی!
نه یالوارایدی رقیبه بو پایه‌ده عشّاق،
و نه بو مرتبه معشوقلار ستمگر اولایدی!
نه شور اولایدی، نه بلبل، نه گول اولایدی، نه خار،
نه لطفِ باغِ بهار و نه جورِ صرصر اولایدی!
نه دل اولایدی، نه قامت؛ نه قلب اولایدی، نه رُخ،
نه شمع و شعله، نه پروانه، نه سمندر اولایدی!
نه گول، نه عطر، نه شمشاد اولایدی، نه شانه،
نه زُلف اولایدی، نه مشّاطه؛ نه بو زیور اولایدی!
نه شرحه-شرحه اولایدی بو سینه تیغین‌له،
نه شرحِ دفترِ درد و بلا، نه مُضطر اولایدی!
جفای یار ایله عشّاق اینجیمز، ای کاش-
نه سنده ممکن او، منده نه بو میسّر اولایدی!
نه هجر اولایدی، نه گریه، نه کُنجِ غم، نه بو آه،
نه آب و آتش و خاک و هوا مُخمَّر اولایدی!
نه طفل اولایدی، نه مکتب، نه درس اولایدی، نه علم،
رُموزِ عشق نه دیللرده بؤیله ازبر اولایدی!
نه کویِ یاری قویوب خلق ائده‌یدی میلِ بهشت،
نه شیخ اولایدی، نه مسجد، نه وعظِ منبر اولایدی!
نه دل اولایدی، نه دیده، نه اشکِ خون‌آلود،
نه کان اولایدی، نه دریا، نه لعل و گوهر اولایدی!
نه اجتناب، نه توبه اولایدی، نه پرهیز،
شکستِ توبه نه پیماندان فزون‌تر اولایدی!
مزاقِ «راجی» نه شیرین اولایدی، نه بئله تلخ،
نه هجر زهرِ هلاهل، نه وصل شکّر اولایدی!
#ابولحسن_راجی
#شعر_اوجاغی
@SheirOcagi
نه آیینه، نه صفا، ای کؤنول، نه جوهر اولایدی!
نه ناز اولایدی، نه غمزه، نه غَنج اولایدی، نه عشوه،
نه عجز و لابه، نه خونابِ دیده‌ی تر اولایدی!
نه زُلف اولایدی، نه عارض، نه خطّ اولایدی، نه خال،
.نه مُشک اولایدی، نه مجمر، نه عود و عنبر اولایدی!
نه حُسن اولایدی، نه کؤنلوم، نه دسته-دسته بو زُلف،
نه شَه، نه مُلک، نه بو فوج-فوج لشگر اولایدی.
نه ابروی خم اولایدی، نه چشم، نه مژگان،
نه تیغ اولایدی، نه جلّاد، نه بو خنجر اولایدی.
ازل نه نشئه اولایدی، نه سونرا رنجِ خُمار،
نه عیشِ وصل، نه اندوهِ هجرِ دلبر اولایدی!
نه یالوارایدی رقیبه بو پایه‌ده عشّاق،
و نه بو مرتبه معشوقلار ستمگر اولایدی!
نه شور اولایدی، نه بلبل، نه گول اولایدی، نه خار،
نه لطفِ باغِ بهار و نه جورِ صرصر اولایدی!
نه دل اولایدی، نه قامت؛ نه قلب اولایدی، نه رُخ،
نه شمع و شعله، نه پروانه، نه سمندر اولایدی!
نه گول، نه عطر، نه شمشاد اولایدی، نه شانه،
نه زُلف اولایدی، نه مشّاطه؛ نه بو زیور اولایدی!
نه شرحه-شرحه اولایدی بو سینه تیغین‌له،
نه شرحِ دفترِ درد و بلا، نه مُضطر اولایدی!
جفای یار ایله عشّاق اینجیمز، ای کاش-
نه سنده ممکن او، منده نه بو میسّر اولایدی!
نه هجر اولایدی، نه گریه، نه کُنجِ غم، نه بو آه،
نه آب و آتش و خاک و هوا مُخمَّر اولایدی!
نه طفل اولایدی، نه مکتب، نه درس اولایدی، نه علم،
رُموزِ عشق نه دیللرده بؤیله ازبر اولایدی!
نه کویِ یاری قویوب خلق ائده‌یدی میلِ بهشت،
نه شیخ اولایدی، نه مسجد، نه وعظِ منبر اولایدی!
نه دل اولایدی، نه دیده، نه اشکِ خون‌آلود،
نه کان اولایدی، نه دریا، نه لعل و گوهر اولایدی!
نه اجتناب، نه توبه اولایدی، نه پرهیز،
شکستِ توبه نه پیماندان فزون‌تر اولایدی!
مزاقِ «راجی» نه شیرین اولایدی، نه بئله تلخ،
نه هجر زهرِ هلاهل، نه وصل شکّر اولایدی!
#ابولحسن_راجی
#شعر_اوجاغی
@SheirOcagi
▫️یاشامینا باخاندا، گؤره‌سن اته‌یینه ان بالاجا بیر لکه ده دوشمه‌ییب!
بوندان گؤزل نه اولا بیلر کی؟!
📚 گوریو آتا
#اونوره_دو_بالزاک
#شعر_اوجاغی
@SheirOcagi
بوندان گؤزل نه اولا بیلر کی؟!
📚 گوریو آتا
#اونوره_دو_بالزاک
#شعر_اوجاغی
@SheirOcagi
▫️نه گؤزل شئی خاطیرلاماق سنی،
بو قدر قالابالیقدا
و بو قدر یورغونلوق‌لاریمین ایچینده!
#ناظیم_حیکمت
#شعر_اوجاغی
@SheirOcagi
بو قدر قالابالیقدا
و بو قدر یورغونلوق‌لاریمین ایچینده!
#ناظیم_حیکمت
#شعر_اوجاغی
@SheirOcagi
▫️گؤزل قوجالیغی، گول تؤکولوشو
آغ‌آپپاق ساچینین اؤرپه‌یی قارا،
بیله‌یی اۆزۆیه یئرلشه بیلر.
دیزینین گوجو یوخ یوللاری یورا،
آیاغی تۆکه ده ایلیشه بیلر.
تا قوجماز بئلینی گوموش توققالار،
آلیشماز آلنیندا پاپاق‌قاباغی¹.
دۆزۆلمز دؤشونه الوان جیققالار،
دولانماز قولونا قیزیل قول‌باغی.
گولوشو سئیره‌لیب... داغا باخ، داغا!
قلبی ده بوش یئره غوبارلانماییر.
سهَنگی سؤیکه‌ییر سیسقا بولاغا،
بولاغین اوستونده تومارلانماییر.
یامان آوازیییب² یاناغی، اۆزۆ،
اؤزونه یاراشمیر غملی قاش‌قاباق.
قیوریم قیریشلارلا چپرلی گؤزو،
دۆشۆن کی، نئجه‌یمیش آلتمیش ایل قاباق!
هارا بوخارلانمیش اونون چاغلیغی،
خیالی گزیرمی قیز آرزوسوندا؟
یاپیشیب قالیبدی اوتانجاقلیغی،
قیزیلی قایانین قیزارتیسیندا.
یاپیشیب چیینینه قالین بورونجک،
اوشویور ایستیده، قیرمیزی گونده.
تامام اوزگون اولوب، تامام ارینجک.
هاوا بیر بالاجا قارالان کیمی،
داغلارین باشینی قار آلان کیمی،
یاسلانیب یاس توتور ائوین ایچینده.
او نییه کؤکسونو بئله اؤتوردو؟
حیاتا حئیرت وار سؤال‌لاریندا.
تاختیندان تئز دوشن بختینی گؤردو
ساهمانی پوزولان سیغال‌لاریندا.
اونون کدرینی سئوینجه یوزون!
اونون گئده‌جه‌یی قلبینه دامماز.
اونون آرزو یولو عؤمروندن اوزون،
عؤمرو کؤچ ائله‌یر، اؤزو اینانماز.
گوزگویه باخاندا سوسار گولوشو،
آغ ساچ دا اینسانین اوجالیغی‌دیر.
گؤزل قوجالیغی، گول تؤکولوشو،
عئیناً طبیعتین قوجالیغی‌دیر.
#آغا_لاچینلی
¹- قادین عاراقچین‌لارینین قاباق حیصّه‌سی
²- رنگی سولماق
#شعر_اوجاغی
@SheirOcagi
آغ‌آپپاق ساچینین اؤرپه‌یی قارا،
بیله‌یی اۆزۆیه یئرلشه بیلر.
دیزینین گوجو یوخ یوللاری یورا،
آیاغی تۆکه ده ایلیشه بیلر.
تا قوجماز بئلینی گوموش توققالار،
آلیشماز آلنیندا پاپاق‌قاباغی¹.
دۆزۆلمز دؤشونه الوان جیققالار،
دولانماز قولونا قیزیل قول‌باغی.
گولوشو سئیره‌لیب... داغا باخ، داغا!
قلبی ده بوش یئره غوبارلانماییر.
سهَنگی سؤیکه‌ییر سیسقا بولاغا،
بولاغین اوستونده تومارلانماییر.
یامان آوازیییب² یاناغی، اۆزۆ،
اؤزونه یاراشمیر غملی قاش‌قاباق.
قیوریم قیریشلارلا چپرلی گؤزو،
دۆشۆن کی، نئجه‌یمیش آلتمیش ایل قاباق!
هارا بوخارلانمیش اونون چاغلیغی،
خیالی گزیرمی قیز آرزوسوندا؟
یاپیشیب قالیبدی اوتانجاقلیغی،
قیزیلی قایانین قیزارتیسیندا.
یاپیشیب چیینینه قالین بورونجک،
اوشویور ایستیده، قیرمیزی گونده.
تامام اوزگون اولوب، تامام ارینجک.
هاوا بیر بالاجا قارالان کیمی،
داغلارین باشینی قار آلان کیمی،
یاسلانیب یاس توتور ائوین ایچینده.
او نییه کؤکسونو بئله اؤتوردو؟
حیاتا حئیرت وار سؤال‌لاریندا.
تاختیندان تئز دوشن بختینی گؤردو
ساهمانی پوزولان سیغال‌لاریندا.
اونون کدرینی سئوینجه یوزون!
اونون گئده‌جه‌یی قلبینه دامماز.
اونون آرزو یولو عؤمروندن اوزون،
عؤمرو کؤچ ائله‌یر، اؤزو اینانماز.
گوزگویه باخاندا سوسار گولوشو،
آغ ساچ دا اینسانین اوجالیغی‌دیر.
گؤزل قوجالیغی، گول تؤکولوشو،
عئیناً طبیعتین قوجالیغی‌دیر.
#آغا_لاچینلی
¹- قادین عاراقچین‌لارینین قاباق حیصّه‌سی
²- رنگی سولماق
#شعر_اوجاغی
@SheirOcagi
▫️گولن آی منه بیر سیرّ وئردی. اونو سیزینله پایلاشیرام:
هئچ بیر قیش سونسوزادک داوام ائتمز، نئجه کی هئچ بیر چیچک ده.
آما هر چیچک اؤلمه‌دن اؤنجه، رقص ائده‌رک تورپاغا دوشور.
گولن آی منه اؤیرتدی: «بیر تک، دونیانی جنّت کیمی ائتمه‌یه چالیشانلار جنّته گئدیر. یوخسا اود و غضبدن بیر پالتارلا، اصلا ملَک‌لرین گؤروشونه گئتمک اولماز.»
بس من بیر چیچک عؤمرو قدر سئوینیب بیر چیچک گوجو قدر دونیادا جنّت یاراتماغا چالیشاجاغام.
#عرفان_نظرآهاری
#شعر_اوجاغی
@SheirOcagi
هئچ بیر قیش سونسوزادک داوام ائتمز، نئجه کی هئچ بیر چیچک ده.
آما هر چیچک اؤلمه‌دن اؤنجه، رقص ائده‌رک تورپاغا دوشور.
گولن آی منه اؤیرتدی: «بیر تک، دونیانی جنّت کیمی ائتمه‌یه چالیشانلار جنّته گئدیر. یوخسا اود و غضبدن بیر پالتارلا، اصلا ملَک‌لرین گؤروشونه گئتمک اولماز.»
بس من بیر چیچک عؤمرو قدر سئوینیب بیر چیچک گوجو قدر دونیادا جنّت یاراتماغا چالیشاجاغام.
#عرفان_نظرآهاری
#شعر_اوجاغی
@SheirOcagi
▫️خیال و گئرچک
آی ایشیغی پنجره‌دن گیرنده،
سندن یانا خیال قورماق نه گؤزل!
یا بیر اوتوبوسدا، یا بیر ترَنده،
غوربت یورددان سنه وارماق نه گؤزل!
عشقین مایاسینی سندن آلیب دا،
شکیل‌لندیم سئودا دئنن قالیبدا.
ائوینیزین قاپیسینی چالیب دا،
ایلک چیخاندان سنی سورماق نه گؤزل!
اومیدی یوخسولا بول وئریر خودا،
مین توخوما جان وار بیر دامجی سودا.
گرک اویانیق اول، گرک یوخودا،
مندن باخیب سنی گؤرمک نه گؤزل!
قۇرۇمادان داها یولجولوق تری،
«گل!» دئیه یانینا چاغیرسان منی،
بوراخیب بیر یانا غمی-کدری،
دۏیا-دۏیا سنی سارماق نه گؤزل!
«عشق» دئیینجه، آنلاتدیغی هر شئی‌دیر،
اؤلدوردوکجه دادی گلن بیر شئی‌دیر.
عزرائیله جان وئرمه‌سی زور شئی‌دیر،
سن ایسترسن، سنه وئرمک نه گؤزل!
#عبدالرحیم_قاراقوچ
#شعر_اوجاغی
@SheirOcagi
آی ایشیغی پنجره‌دن گیرنده،
سندن یانا خیال قورماق نه گؤزل!
یا بیر اوتوبوسدا، یا بیر ترَنده،
غوربت یورددان سنه وارماق نه گؤزل!
عشقین مایاسینی سندن آلیب دا،
شکیل‌لندیم سئودا دئنن قالیبدا.
ائوینیزین قاپیسینی چالیب دا،
ایلک چیخاندان سنی سورماق نه گؤزل!
اومیدی یوخسولا بول وئریر خودا،
مین توخوما جان وار بیر دامجی سودا.
گرک اویانیق اول، گرک یوخودا،
مندن باخیب سنی گؤرمک نه گؤزل!
قۇرۇمادان داها یولجولوق تری،
«گل!» دئیه یانینا چاغیرسان منی،
بوراخیب بیر یانا غمی-کدری،
دۏیا-دۏیا سنی سارماق نه گؤزل!
«عشق» دئیینجه، آنلاتدیغی هر شئی‌دیر،
اؤلدوردوکجه دادی گلن بیر شئی‌دیر.
عزرائیله جان وئرمه‌سی زور شئی‌دیر،
سن ایسترسن، سنه وئرمک نه گؤزل!
#عبدالرحیم_قاراقوچ
#شعر_اوجاغی
@SheirOcagi
▫️ائی منیم سئوگیلیم!
قارلی بیر چام اورمانیندا نفس آلمانین بختیارلیغینا بنزر،
سنی سئومک.
#ناظیم_حیکمت
#شعر_اوجاغی
@SheirOcagi
قارلی بیر چام اورمانیندا نفس آلمانین بختیارلیغینا بنزر،
سنی سئومک.
#ناظیم_حیکمت
#شعر_اوجاغی
@SheirOcagi
▫️بیلمیرم داریخدیغیمدان داها چوخ عاشیقم، یوخسا عاشیق اولدوغومدان داها چوخ داریخیرام.
فقط بیلیرم «قوجاغیمداسان،
اولمادان.»
#عباس_معروفی
#شعر_اوجاغی
@SheirOcagi
فقط بیلیرم «قوجاغیمداسان،
اولمادان.»
#عباس_معروفی
#شعر_اوجاغی
@SheirOcagi
▫️آداداکی آدام
ایسسیز بیر آدادا، سسسیز بیر آدام،
باخار اوفوق‌لره... اوفوق‌لر قارا.
کئچمیشی آندیقجا، آخار دورمادان-
اؤلو گؤزیاشلاری جانلی سولارا.
آلیب قارشیسینا اوشاقلیغینی،
باخار، دانیشاماز، دیلی توتولار.
اوزادار اللرین شفقتلی، ایستی،
یازیق! اوشاقلیغی قاچیب قورتولار.
سؤیکه‌نر داشلارا یوخولو، یورغون
بیر آندا گنجلیگی یانینا گلر.
دوشونر «خیال‌می، گئرچک‌می؟» دئیه،
گئرچک سون نفسین سونونا گلر.
لوزومسوز آیدینلیق گونلره عیناد،
توتار قارانلیغی سئور بیر سوره.
اونودار اؤزونو اؤزو-اؤزونده،
گئدر بیلینمه‌ین، مجهول یئرلره.
آدادا یئل اسسه، قوشلار اؤتسه ده،
او باشقا عالمده یاشار و دۇیماز.
ایللر قورتارسا دا، عؤمور بیتسه ده،
کیلیدلر یازیق کی قاپی‌یا اویماز!
#عبدالرحیم_قاراقوچ
#شعر_اوجاغی
@SheirOcagi
ایسسیز بیر آدادا، سسسیز بیر آدام،
باخار اوفوق‌لره... اوفوق‌لر قارا.
کئچمیشی آندیقجا، آخار دورمادان-
اؤلو گؤزیاشلاری جانلی سولارا.
آلیب قارشیسینا اوشاقلیغینی،
باخار، دانیشاماز، دیلی توتولار.
اوزادار اللرین شفقتلی، ایستی،
یازیق! اوشاقلیغی قاچیب قورتولار.
سؤیکه‌نر داشلارا یوخولو، یورغون
بیر آندا گنجلیگی یانینا گلر.
دوشونر «خیال‌می، گئرچک‌می؟» دئیه،
گئرچک سون نفسین سونونا گلر.
لوزومسوز آیدینلیق گونلره عیناد،
توتار قارانلیغی سئور بیر سوره.
اونودار اؤزونو اؤزو-اؤزونده،
گئدر بیلینمه‌ین، مجهول یئرلره.
آدادا یئل اسسه، قوشلار اؤتسه ده،
او باشقا عالمده یاشار و دۇیماز.
ایللر قورتارسا دا، عؤمور بیتسه ده،
کیلیدلر یازیق کی قاپی‌یا اویماز!
#عبدالرحیم_قاراقوچ
#شعر_اوجاغی
@SheirOcagi
▫️بشر ساده‌جه «تانریلارین تفرئح اوچون یاراتدیقلارینی» جیدّی توتماسی اوچون آجی چکیر.
#آلن_واتس
#شعر_اوجاغی
@SheirOcagi
#آلن_واتس
#شعر_اوجاغی
@SheirOcagi
▫️گل سنینله بیر داها آغلایاق
یاشانمیش‌لارا، یاشانمامیش‌لارا،
بیر ده هئچ یاشانمایاجاق‌لارا!
#اوغوز_آتای
#شعر_اوجاغی
@SheirOcagi
یاشانمیش‌لارا، یاشانمامیش‌لارا،
بیر ده هئچ یاشانمایاجاق‌لارا!
#اوغوز_آتای
#شعر_اوجاغی
@SheirOcagi
▫️دۆننده قالدی.
گؤرن هارا اوچدو شاقراق گولوش‌لر،
اومیدلر خیالا دؤننده قالدی؟
تیترک هیجانلار، دوغما گؤروشلر،
الیم یئتیشمه‌ین دونَنده قالدی.
ایلکین محبّتین اودو، آتشی،
عشقیم بیر اورکده سؤننده قالدی؟
نه تئز غوروب ائتدی سئوگی گونشی!
نورو، حرارتی دونَنده قالدی.
طبیعت! نه بؤیوک سئحیرلرین وار!
نه وئردین‌سه، یئنه او سنده قالدی.
وئرنده نجیبسن، آلاندا غدّار،
دئین سخاوت ده دوننده قالدی.
ایللر کمند ایمیش اینسان بوینوندا،
عؤمرو دارا چکمک کمنده قالدی؟
زامانین آمانسیز، نامرد اوینوندا،
نه واردی، نه یوخدو دوننده قالدی.
نولدو دوزه دوشن او قوشا ایزلر؟
اوت باسدی، سارالمیش چمنده قالدی.
گؤزلر عئینک‌لردن مرحمت گؤزلر،
گؤزلرین شؤوقو ده دوننده قالدی.
یاتیردین، اویاندین بلکه سن، شاعیر!
ایللرین اوخلاری سینه‌نده قالدی،
بو گونه کئچدین‌می گؤره‌سن، شاعیر!
بلکه بو گونون ده دوننده قالدی؟
#نبی_خزری
#شعر_اوجاغی
@SheirOcagi
گؤرن هارا اوچدو شاقراق گولوش‌لر،
اومیدلر خیالا دؤننده قالدی؟
تیترک هیجانلار، دوغما گؤروشلر،
الیم یئتیشمه‌ین دونَنده قالدی.
ایلکین محبّتین اودو، آتشی،
عشقیم بیر اورکده سؤننده قالدی؟
نه تئز غوروب ائتدی سئوگی گونشی!
نورو، حرارتی دونَنده قالدی.
طبیعت! نه بؤیوک سئحیرلرین وار!
نه وئردین‌سه، یئنه او سنده قالدی.
وئرنده نجیبسن، آلاندا غدّار،
دئین سخاوت ده دوننده قالدی.
ایللر کمند ایمیش اینسان بوینوندا،
عؤمرو دارا چکمک کمنده قالدی؟
زامانین آمانسیز، نامرد اوینوندا،
نه واردی، نه یوخدو دوننده قالدی.
نولدو دوزه دوشن او قوشا ایزلر؟
اوت باسدی، سارالمیش چمنده قالدی.
گؤزلر عئینک‌لردن مرحمت گؤزلر،
گؤزلرین شؤوقو ده دوننده قالدی.
یاتیردین، اویاندین بلکه سن، شاعیر!
ایللرین اوخلاری سینه‌نده قالدی،
بو گونه کئچدین‌می گؤره‌سن، شاعیر!
بلکه بو گونون ده دوننده قالدی؟
#نبی_خزری
#شعر_اوجاغی
@SheirOcagi
▫️اؤنَملی اولان «زامانا بوراخماق» دئییل،
«زامان‌لا بوراخماماق»دیر.
#ناظیم_حیکمت
#شعر_اوجاغی
@SheirOcagi
«زامان‌لا بوراخماماق»دیر.
#ناظیم_حیکمت
#شعر_اوجاغی
@SheirOcagi
▫️چوخ آدام، هر شئیده آللاهین گوجونه اومید بسله‌ییر، آما من دوشونورم: آللاه اؤز رحمینی ساغا-سولا پایلامیر. یالنیز، اینسان باشقا بوتون یوللاری یۏخلادیقدان سونرا، یاردیم الینی اوزادیر.
📚 جین_ایر
#شارلوت_برونته
#شعر_اوجاغی
@SheirOcagi
📚 جین_ایر
#شارلوت_برونته
#شعر_اوجاغی
@SheirOcagi
«یالین یالاقدا قالدی،
بنک، ها بنک!
زینجیرین میخدا قالدی،
بنک، ها بنک!»
چوبان بایاتیسیندان
▫️بنَک¹
گئجه‌نین یاریسی گیرمیشم کنده،
اورک دؤیوندوکجه دؤیوکورم² من.
یاد ایتلر اوستومه تؤکولوشنده،
آلیب هنیریمی³ هایا گلمیسن،
بنک، ها بنک!
سن نئجه تانیدین بوغوق سسیمی؟!
دۇیۇب بو گؤروشو، هئچ یاتمامیسان.
چوخونون یادیندان چیخان بیر کسی،
بس نئجه اولوب کی، اونوتمامیسان؟
بنک، ها بنک!
بئش ایل‌دیر اوچموشام من اورا-بورا،
اوزون آیریلیغین داستانی بیتمیر.
یوردونا جان-باش‌لا باغلانمیش‌لارا،
قاپینین ایتی ده دؤنوکلوک⁴ ائتمیر،
بنک، ها بنک!
منیم بنک ایتیم، منیم یئتیگیم!⁵
بیز ده دؤشوموزو ایره‌لی گردیک.
اؤروشده⁶ قالاندا قومرال ایتیگیم،
بۏز قوردون یولونو قوشا کسَردیک.
اوزاقدان گؤردوک‌مو قودوز پلنگی،
سن آلیب یاتاردین من آتیلمامیش.
سن ائله اوندا دا ایندیکی تکی،
هاییما چاتاردین چاغیریلمامیش.
یان-یانا گزردیک یاشیل یایلانی،
آزمی دینله‌میسن چتَن⁷ نئییمی؟
من سنه وئرَردیم یاغلی یایما'نی،
آنام‌سا اؤیَردی چوخ یئمه‌ییمی.
بنه‌ییم! بعضاً ده اوزاق دوشموسن،
سایا سالمامیسان زینجیر دؤیَنی.
یاللی یالاقلاردان یان سۆرۆشمۆسن،
قاچیب قۏروموسان یوخسول دیه‌نی.⁸
بری گل، باشینی سیغاللاییم بیر،
بری گل کؤکَلسین کئفین-داماغین!
بلکه آیریلیغین بو گؤروشده‌دیر،
بلکه بیر گیلئی‌دی اوغولداماغین.
نییه ساریلمیسان آیاقلاریما؟
آخی دیله‌یین نه، اوماجاغین نه؟
هَیان اولا-اولا پیس چاغلاریما،
هله مینّت‌دارلیق ائدیرسن منه.
ائله بیل دئییرسن: «آ گئجیکَنیم!
منده گوج قالماییب مئیدان آچماغا».
ائله بیل دئییرسن: «داها نه غمیم؟!
یئرینده چاتمیسان ویداعلاشماغا».
آرتیق من گؤرورم، سؤنور نفَسین،
اؤلورسن هر شئیی سن دۇیا-دۇیا.
گؤزونه سانجیلیر آیین شفقی،
باخیرام گؤزونده سون پاریلتی‌یا.
منیم بنک ایتیم، منیم ایگیدیم!
بو نئجه آیریلیق، نئجه گؤروشدو؟
باشینا گلَنی بیلیرمیش کیمی،
سن جان تاپشیراندا ایتلر هۆرۆشدۆ...
یئنه ده آی باتیر، اوزانیر گئجه،
یانیندا دورموشام الده دیه‌نک.
اوجا بیر تپه‌یه قالخیب ایندیجه،
چاغیرماق ایسته‌رم: بنک، ها بنک!
بنک، ها بنک!
#آغا_لاچینلی
¹- ایت آدی
²- چاشماق-اؤزونو ایتیرمک
³- یاواش سس
⁴- عهدینده، سؤزونده دورماماق
⁵- بلد- تانیش
⁶- مال-داوار اوتاریلان یئر- بؤیوک اوتلاق
⁷- قارغیدان دوزَلمیش
⁸- کوماجیق- آلاچیق (Dəyə)
#شعر_اوجاغی
@SheirOcagi
بنک، ها بنک!
زینجیرین میخدا قالدی،
بنک، ها بنک!»
چوبان بایاتیسیندان
▫️بنَک¹
گئجه‌نین یاریسی گیرمیشم کنده،
اورک دؤیوندوکجه دؤیوکورم² من.
یاد ایتلر اوستومه تؤکولوشنده،
آلیب هنیریمی³ هایا گلمیسن،
بنک، ها بنک!
سن نئجه تانیدین بوغوق سسیمی؟!
دۇیۇب بو گؤروشو، هئچ یاتمامیسان.
چوخونون یادیندان چیخان بیر کسی،
بس نئجه اولوب کی، اونوتمامیسان؟
بنک، ها بنک!
بئش ایل‌دیر اوچموشام من اورا-بورا،
اوزون آیریلیغین داستانی بیتمیر.
یوردونا جان-باش‌لا باغلانمیش‌لارا،
قاپینین ایتی ده دؤنوکلوک⁴ ائتمیر،
بنک، ها بنک!
منیم بنک ایتیم، منیم یئتیگیم!⁵
بیز ده دؤشوموزو ایره‌لی گردیک.
اؤروشده⁶ قالاندا قومرال ایتیگیم،
بۏز قوردون یولونو قوشا کسَردیک.
اوزاقدان گؤردوک‌مو قودوز پلنگی،
سن آلیب یاتاردین من آتیلمامیش.
سن ائله اوندا دا ایندیکی تکی،
هاییما چاتاردین چاغیریلمامیش.
یان-یانا گزردیک یاشیل یایلانی،
آزمی دینله‌میسن چتَن⁷ نئییمی؟
من سنه وئرَردیم یاغلی یایما'نی،
آنام‌سا اؤیَردی چوخ یئمه‌ییمی.
بنه‌ییم! بعضاً ده اوزاق دوشموسن،
سایا سالمامیسان زینجیر دؤیَنی.
یاللی یالاقلاردان یان سۆرۆشمۆسن،
قاچیب قۏروموسان یوخسول دیه‌نی.⁸
بری گل، باشینی سیغاللاییم بیر،
بری گل کؤکَلسین کئفین-داماغین!
بلکه آیریلیغین بو گؤروشده‌دیر،
بلکه بیر گیلئی‌دی اوغولداماغین.
نییه ساریلمیسان آیاقلاریما؟
آخی دیله‌یین نه، اوماجاغین نه؟
هَیان اولا-اولا پیس چاغلاریما،
هله مینّت‌دارلیق ائدیرسن منه.
ائله بیل دئییرسن: «آ گئجیکَنیم!
منده گوج قالماییب مئیدان آچماغا».
ائله بیل دئییرسن: «داها نه غمیم؟!
یئرینده چاتمیسان ویداعلاشماغا».
آرتیق من گؤرورم، سؤنور نفَسین،
اؤلورسن هر شئیی سن دۇیا-دۇیا.
گؤزونه سانجیلیر آیین شفقی،
باخیرام گؤزونده سون پاریلتی‌یا.
منیم بنک ایتیم، منیم ایگیدیم!
بو نئجه آیریلیق، نئجه گؤروشدو؟
باشینا گلَنی بیلیرمیش کیمی،
سن جان تاپشیراندا ایتلر هۆرۆشدۆ...
یئنه ده آی باتیر، اوزانیر گئجه،
یانیندا دورموشام الده دیه‌نک.
اوجا بیر تپه‌یه قالخیب ایندیجه،
چاغیرماق ایسته‌رم: بنک، ها بنک!
بنک، ها بنک!
#آغا_لاچینلی
¹- ایت آدی
²- چاشماق-اؤزونو ایتیرمک
³- یاواش سس
⁴- عهدینده، سؤزونده دورماماق
⁵- بلد- تانیش
⁶- مال-داوار اوتاریلان یئر- بؤیوک اوتلاق
⁷- قارغیدان دوزَلمیش
⁸- کوماجیق- آلاچیق (Dəyə)
#شعر_اوجاغی
@SheirOcagi
دیالوق
▫️- بیلمیردیم گؤیرچین‌لردن خوشون گلیر.
+ من دانیشمایان هر شئیدن خوشوم گلیر.
🎬 Sleepers
1996 آمریکا
#بری_لوینسون
#شعر_اوجاغی
@SheirOcagi
▫️- بیلمیردیم گؤیرچین‌لردن خوشون گلیر.
+ من دانیشمایان هر شئیدن خوشوم گلیر.
🎬 Sleepers
1996 آمریکا
#بری_لوینسون
#شعر_اوجاغی
@SheirOcagi
▫️یالنیزلیق، ظنّ ائتمه‌یین کی کیمسه‌سیز اولماق‌دیر.
اصل یالنیزلیق، کیمسه‌ن وارکن، کیمسه‌سیز قالماق‌دیر.
#ناظیم_حیکمت
#شعر_اوجاغی
@SheirOcagi
اصل یالنیزلیق، کیمسه‌ن وارکن، کیمسه‌سیز قالماق‌دیر.
#ناظیم_حیکمت
#شعر_اوجاغی
@SheirOcagi
▫️یادیندامی‌دیر؟
ائی حُسنو مجسّم ملَکیم، نازلی نگاریم،
ای ایدولوم،¹ ای ایدئالیم، ای سئوگیلی یاریم!
یادیندامی‌دیر ماضی- او کئچمیش گؤزل ایّام؟
یاز فصلی، گؤزل بیر گئجه، نورانی بیر آخشام،
آی بدر ایدی اون دؤرد گئجه‌لیک، صاف سمادا،
آفاقا فرح‌بخش ایدی اشراق و ضیادا.
بیر پارچا بولود هردن ائدیب گردشِ شیرین،
آغوشا چکیردی قمرین قرصِ مُنیرین.
بیر لحظه آیین دؤورو یاریم‌ظلمت اولاردی،
سونرا چکیلیردی بولود، آی بیر ده چیخاردی.
ناز ایله باخاردی گوله‌رک، روی زمین'ه،
بنزَردی حیادان یاشینان² تازه گلینه.
یادیندامی‌دیر اول گئجه؟ هم‌ساغر و هم‌دوش،
اول منظره‌یه قارشی چمن اوسته هم‌آغوش،
یالنیز ایکیمیز یان-یانا اَیلشمیش ایدیک شاد،
بیر جنّتِ اعلادا غم و غصّه‌دن آزاد،
چاتمیشدی بوداق باش-باشا سرو و گل و شمشاد،
بیر چترِ طبیعی یدِ قدرت ائدیب ایجاد.
آی نورو یاشیل یارپاق آراسیندا فروزان،
سان تعبیه اولموشدو زُمرّدلا برلیان.
جان‌پرور ایدی چشمه‌ی صافین جریانی،
ذوق‌آور ایدی صفحه‌ی آیین لَمَعانی.
سئیر ائیلر ایدیک اول فرح‌افزا چمن اوسته،
آهسته اوخوردوق دخی رندانه شکسته.
هرچند کی، یوخ ایندی امیدیم او وصاله،
نئیلیم؟ گلیرم ناله‌یه، دوشدوکجه خیاله.
عکسِ رُخون اولموش دلِ غمدیده‌ده منقوش،
حاشا اولاسان دؤورِ زمان ایله فراموش!
گئتدین‌سه ده، گئتمز اوره‌ییمدن غمِ عشقین،
منجه ایکی دُنیایا دیَر عالمِ عشقین.
یوخدور هوَسیم سرو و گل و لاله‌یه سنسیز،
بلبل کیمی دائیم گلیرم ناله‌یه سنسیز.
#عباس_صحت
¹- تاپینیلان، اؤرنک آلینان، ان چوخ حئیرانلیق دویولان کیمسه
²- یاد کیشیلره گؤرونمه‌مک اوچون اۆزۆنۆ اؤرتوب گیزله‌مک (Yaşınmaq)
#شعر_اوجاغی
@SheirOcagi
ائی حُسنو مجسّم ملَکیم، نازلی نگاریم،
ای ایدولوم،¹ ای ایدئالیم، ای سئوگیلی یاریم!
یادیندامی‌دیر ماضی- او کئچمیش گؤزل ایّام؟
یاز فصلی، گؤزل بیر گئجه، نورانی بیر آخشام،
آی بدر ایدی اون دؤرد گئجه‌لیک، صاف سمادا،
آفاقا فرح‌بخش ایدی اشراق و ضیادا.
بیر پارچا بولود هردن ائدیب گردشِ شیرین،
آغوشا چکیردی قمرین قرصِ مُنیرین.
بیر لحظه آیین دؤورو یاریم‌ظلمت اولاردی،
سونرا چکیلیردی بولود، آی بیر ده چیخاردی.
ناز ایله باخاردی گوله‌رک، روی زمین'ه،
بنزَردی حیادان یاشینان² تازه گلینه.
یادیندامی‌دیر اول گئجه؟ هم‌ساغر و هم‌دوش،
اول منظره‌یه قارشی چمن اوسته هم‌آغوش،
یالنیز ایکیمیز یان-یانا اَیلشمیش ایدیک شاد،
بیر جنّتِ اعلادا غم و غصّه‌دن آزاد،
چاتمیشدی بوداق باش-باشا سرو و گل و شمشاد،
بیر چترِ طبیعی یدِ قدرت ائدیب ایجاد.
آی نورو یاشیل یارپاق آراسیندا فروزان،
سان تعبیه اولموشدو زُمرّدلا برلیان.
جان‌پرور ایدی چشمه‌ی صافین جریانی،
ذوق‌آور ایدی صفحه‌ی آیین لَمَعانی.
سئیر ائیلر ایدیک اول فرح‌افزا چمن اوسته،
آهسته اوخوردوق دخی رندانه شکسته.
هرچند کی، یوخ ایندی امیدیم او وصاله،
نئیلیم؟ گلیرم ناله‌یه، دوشدوکجه خیاله.
عکسِ رُخون اولموش دلِ غمدیده‌ده منقوش،
حاشا اولاسان دؤورِ زمان ایله فراموش!
گئتدین‌سه ده، گئتمز اوره‌ییمدن غمِ عشقین،
منجه ایکی دُنیایا دیَر عالمِ عشقین.
یوخدور هوَسیم سرو و گل و لاله‌یه سنسیز،
بلبل کیمی دائیم گلیرم ناله‌یه سنسیز.
#عباس_صحت
¹- تاپینیلان، اؤرنک آلینان، ان چوخ حئیرانلیق دویولان کیمسه
²- یاد کیشیلره گؤرونمه‌مک اوچون اۆزۆنۆ اؤرتوب گیزله‌مک (Yaşınmaq)
#شعر_اوجاغی
@SheirOcagi