▫️بالام

آغالیق ائله‌ییر منه بیر اوشاق،
اونون حوضوروندا مونتظیرم من.
آغالیق ائله‌ییر منه بیر اوشاق،
او شاهلار شاهینا ایلک وزیرم من.

اویناییر بالاجام هئی سحر-آخشام،
منی ده جلب ائدیر اویونجاغینا.
ائله بیل تزه‌دن اوشاقلاشمیشام،
دؤنموشم عؤمرومون اؤتن چاغینا.

ائله بیل تزه‌جه اؤیره‌شیر دیلیم-
چتین کلمه‌لرین دؤنگه‌لرینه.
ناخیشلار وورورام من دیلیم-دیلیم،
ارکؤیون بالامین کؤکه‌لرینه.

نه‌لر ائشیدیرم بیلسه‌نیز اوندان!
ائوده امیشدیریب سورونو بعضاً،
قوزونو آییریر آناج قویوندان،
دئییر، چوبانلیق ائت!- ائله‌ییرم من‌.

بیر ده گؤرورسن کی وئریلدی امر:
«اوخو، بو اوخویان رادیو تکی!»
دئدیگی اولماسا، او هئچ‌نه یئمیر،
یئمیر- بوغازیمدان کئچمه‌ییر تیکه.

بعضاً بالام منی ایمتاحان ائدیر،
اونون چوخ سؤالی جاوابسیز قالیر.
سوروشور: «اولدوزون سایی نئچه‌دیر؟
یئرین لاپ دیبینده کیم شهر سالیر؟»

سوروشور: «بیز ایکی دوغما قارداشیق،
دونیانین باجیسی، قارداشی وارمی؟
سحر آل شارینا مینسه بیر اوشاق،
آخشام گونش‌گیله گئدیب چاتارمی؟»

گلینجیک گلینه گئیدیریب دونو،
گونده نئچه‌سینه توی ائدیریک بیز‌.
او منی اؤیره‌دیر، من ایسه اونو،
بوتون یاریشلاردا برابریک بیز.

#آغا_لاچینلی
#شعر_اوجاغی
@SheirOcagi

▫️اینسان، دیَرلی و اؤنَملی بیری اولدوغونو حیسّ ائتدیگینه سبب اولان بیرینین یانیندا اؤزونو خوشبخت حیسّ ائدیر.

#برایان_ترئیسی
#شعر_اوجاغی
@SheirOcagi

▫️پولون اولاندا کیم اولدوغونو اونودورسان، پولون اولمایاندا بوتون دونیا سنی اونودور...
حیات بودور.

#بیل_گیتس
#شعر_اوجاغی
@SheirOcagi

دیالوق

▫️- دوغرودان دا، ضررسیز بیر اینسانام من. تک ضرر وئردیگیم اینسان اؤزومم.

🎬 Before Sunrise
1995 آمریکا
#ریچارد_لینکلیتر
#شعر_اوجاغی
@SheirOcagi

▫️ائوی شوشه‌دن اولان، اؤزگه‌لره داش آتماز!

#آتا_آنالار_سؤزو
@SheirOcagi

"سیز ده بیر اونودولموش آتا-آنا سؤزونو آرتیرین👇"

▫️اونودولور نه واخت‌سا.

گل یادینا سالیم کی،
«آیریلیق وار، اؤلوم وار»!
سنه خاطیرلادیم کی،
یاددان چیخیر اؤلن‌لر،
خاطیرلامیر قالان‌لار.
بیر ده هئچ واخت اونوتما!
اونودولور نه واختسا،
بؤیوک بیر احتیراصلا-
ساریلدیغین آداملار.
عاریف اولان تئز آنلار.

سونراسی...
سونراسی بیزدن کئچیب،
اولاجاقدی اولانلار.
بوش شئی‌دی اضطرابلار،
چوخ دا درینه گئتمه!
بوش شئی‌دی یاشانانلار.

چتینی گئتمک دئییل،
چتینی گلمه‌مک‌دی.
سن ده ائله گلمیرسن،
سئوینه‌جک دویانلار.
منه تسلّی وئرمه!
اونوداجام زامانلا.

#جلیل_جاوانشیر
#شعر_اوجاغی
@SheirOcagi

▫️کیتاب اوخوماق اؤنملی بیر سیناق‌دیر.
گونده‌لیک موطالیعه‌نی هئچ واخت بوراخمیرسان‌سا، باشقا یاخشی اخلاقی اؤزللیک‌لرین، کاراکترینده قالارغی اولاجاق. بوندان امین اولا بیلرسن.

#دنیئل_کئیز
#شعر_اوجاغی
@SheirOcagi

▫️گلدی باهار.

آیدین اولسون گؤزلرینیر،
گلدی باهار گوله-گوله.
گئدر، قیشدان قالماز بیر ایز،
گلدی باهار گوله-گوله.
اولدو باهار گوله-گوله.

چیخسین کفَندن طبیعت!
یاز یاغیشی بؤیوک نعمت.
قوی اولسون یئر اوزو جنّت!
گلدی باهار گوله-گوله،
اولدو باهار گوله-گوله.

«یامان گونون عؤمرو آزدیر»،
مؤوسوم‌لرین گولو یازدیر.
اولدو باهار گوله-گوله،
گلدی باهار گوله-گوله.

بؤیوک‌ درددیر وطن دردی،
بو قیش سیزه آغیر گلدی،
گلین، قوشلار! یازدیر ایندی.
اولدو باهار گوله-گوله،
گلدی باهار گوله-گوله.

توپلاییب بیر دسته چیچک،
دی گلین مکتبه گئدک،
تنبل‌لیگه لعنت ائدک!
اولدو باهار گوله-گوله،
گلدی باهار گوله-گوله.

#احمد_جاواد
#شعر_اوجاغی
@SheirOcagi

گولمه‌جه

▫️موللا نصرالدّینین ائوینه اوغرو گیریر، آروادی اوغرونون آیاق سسینی ائشیدیب دئییر:
- ائوه اوغرو گلیب.
موللا دئییر :
- دینمه، قوی گلسین! انشالله کارا گلن بیر شئی تاپار، توتوب الیندن آلاریق.

@a_z_soz
@SheirOcagi

▫️ایمکانسیز شئیلر

ایمکانسیز اولان شئیلر واردیر‌، بیلیرسن،
یاشلانماماق کیمی، اؤلمه‌مک کیمی.
و سنی سئومه‌مک، ماوی گؤزلوم!
مومکون دئییل کی.
چیخاریب آتا بیلمیرم ایچیمدن،
نئیله‌ییم، یئر ائتمیشسن بیر کره.

نه زامان الیمه بیر کاغیذ آلسام،
هوپار گؤزل‌لیگین کلمه‌لره.
یومسام گؤزلریمی، سنی سئیر ائده‌رم،
سسین، قولاقلاریمدا داواملی بیر موسیقی.
مؤوسوملر سنینله باشلار، سنینله بیتر،
ایل اون ایکی آی منیمله‌سن.

نه زامان بیر گمی گؤرسم لیماندا،
آلیب باشیمی سنینله گئتمک ایسته‌رم.
وئجیمده دئییل بو اویونلار، بو دوزَن‌لر،
آنلاسانا، سنی گزیر اللریم!
ایمکانسیزدیر گئجه‌لرجه سنی دوشونمه‌مک.
و سئومه‌مک عؤمور بویونجا، بیر گون دئییل.

«باشقا چاره‌میز یوخ، منی اونوت!» دئمیشدین.
مومکون دئییل، ماوی گؤزلوم!
مومکون دئییل.

#اومید_یاشار_اوغوزجان
#شعر_اوجاغی
@SheirOcagi

▫️یالنیز الیندن گلن هر شئیی ائتدیکدن سونرا طالئعه آرخالان!

📚 ائواکوواسیا
#قاراقان
#شعر_اوجاغی
@SheirOcagi

دیالوق

▫️قادینلار سونونا قدر ساواشارلار، آما اونلار اوچون بیر شئی قورتاریبسا، قورتاریبدیر داها.

📺 خاتون 1400
#تینا_پاکروان
#شعر_اوجاغی
@SheirOcagi

▫️دوروب اوزو دان یئرینه،
اونوت نه‌ قدر کی درد وار!
اونوت، بیل کی بو دونیادا،
سئوینمک اوچون ده شرط وار!

یاخانی آچ شفق‌لره،
نورا بله‌نیب نوردان کئچ!
دوشون امتحان وئریرسن،
نئچه مینینجی توردان کئچ!

دؤزومون اومید بؤیوتسون،
اؤزون اؤزونه مایاک* اول!
حسرت بیرآز فورصتچی‌دی،
سن اؤز سئوگینده اویاق اول!

#ابوالفتح_مدداوغلو
* دنیز فنری
#شعر_اوجاغی
@SheirOcagi

آتا-آنالار سؤزو

- بیر گون بایراما قالسا دا، قیش قیشلیغینی ایشلَر.

- گون کئچیر، عؤمور گئدیر، دلی سئوینیر کی بایرام گلیر.

- دلی‌یه گونده بایرام‌دی.

-گَدادان بورج آلما، یا تویدا ایستر یا دا بایرامدا.

- دوست گلیشی بایرام اولار.

- آت اؤلنده ایتلرین بایرامی اولور.

- بایرام سومویو ایله کؤپک کؤکَلمز.

@a_z_soz
@SheirOcagi

دیالوق

▫️- اینسانلارین بوتون سورونلاری، بیر اوتاقدا تک‌باشینا اوتورا بیلمه‌مک‌لریندن قایناقلانیر.

🎬 Things to Come
1936 بریتانیا
#الکساندر_کردا
#شعر_اوجاغی
@SheirOcagi

▫️اینسانلار، اصلینده، بیر-بیرینه عذاب وئرمک اوچون یارانیبلار.

📚 ایدیوت
#فئودور_داستایئوسکی
#شعر_اوجاغی
@SheirOcagi

▫️جسم خاک اولدو، غمین مونسِ جان‌دیر هله ده،
یاندی قلبیم، اوزونه جان نگران‌دیر هله ده.

زینتِ خطّ ایله حوسنون یئنی بیر رنگ آلدی،
قلبیمیزده غمِ عشقین‌سه همان‌دیر هله ده.

بیر اثر قالمادی قاندان بو یانار قلبیمده،
حسرتین‌له تؤکولن گؤز یاشی قان‌دیر هله ده.

غصّه یاندیردی منی، قویما آیاغین کولومه،
اوندا یوز درد اودو، ائی شوخ، نهان‌دیر هله ده!

نقشِ شیرین سیلینیب کوهکَنین لؤوحوندن،
لب‌لرین ذکری منه وردِ زبان‌دیر هله ده.

ضعفدن اولسا نیشانسیز دا بو تورپاق بدنیم،
هدفِ ناوَکی، اول سروِ روان‌دیر هله ده.

دین یولو اومما «فضولی»‌دن، عبث‌دیر، ناصح!
بوت‌لر عشقینده او مشهورِ جهان‌دیر هله ده.

#حکیم_ملامحمد_فضولی
#شعر_اوجاغی
@SheirOcagi

🎬 گون کئچدی(1971)

اوشاقلیقدا بیر-بیرینه اولان صمیمی حیسّ‌لرینی خاطیرلایان قادین و کیشی همین موناسیبت‌لری یئنیدن قایتارماق اقتداریندا دئییللر.
موعيّن مقصد نامینه حیاتدا اؤز-اؤزونو آلدادان اسمر ایلک باخیشدا خوشبخت گؤرونور: اونون اری، قیزی، گؤزل ائو-ائشییی، یاخشی دوستلاری وار. اوّل‌لر بوتون بونلار اونو اَیلَندیرسه ده،  سونرالار تدریجاً بئزدیریر. بلکه ده اونا گؤره کی، اسمر هله ده اؤز یئرینی تاپا بیلمیر. اونا ائله گلیر کی، بیر گونلوک باکی‌یا گلمک‌له مالیک اولدوغو صونعی حیات طرزینی ديَیشدیره بیله‌جک. آمّا اینسان یالنیز کئچمیشله، اوشاقلیق خاطیره‌لری ایله یاشایا بیلمز، هر آدامین اؤز گله‌جه‌یی اولمالیدیر.

▫️فیلم ایچری شهَرده، پروسپئکتلرده، طيّاره‌ مئیدانیندا، یوللاردا چکیلیب.

رئژیسسور: #عاریف_بابایئو
سسئناری مولّیفی: #آنار_رضایئو
اوپئراتور: #راسیم_ایسماییلوو
رسام: #ائل‌بی_رضاقولییئو
بسته‌کار: #ائمین_ثابت‌اوغلو

رول‌لاردا: لئیلا شیخلینسکایا(اسمر)، حسن مممداوو(اوقتای)، حسن آغا توراب‌اوو(اوقتای‌ین ایش یولداشی)، چینگیز علی‌اوغلو(جامال)، موختار آوشاروو(پوچتالیون)، صدایه مصطفی‌یئوا(اسمرین آناسی)
#شعر_اوجاغی
@SheirOcagi

▫️شاعير اوره‌ييم...

گوزگودن دورودور شاعير اوره‌ييم
اونو حاق يولوندا دوز ائيله‌ميشم
داغ دا دؤزه بيلمز من چكن درده
من دؤزوب درديمى يوز ائيله‌ميشم

نه شؤهرته، نه ده آدا اويمادى
قادير آللاه اونو خجیل قويمادى
چوخلارى حاققينى يئدى، دويمادى
من ده حقيقته اوز ائيله‌ميشم

عشقين درياسيندان دولوب سهنگيم
نه قالام وار، نه ده توپوم-توفنگيم
قلم درياسيندا واردیر نهنگيم
"موغان اوغلو" يازيب سؤز ائيله‌ميشم

#بختيار_عليمرادی (موغان اوغلو)
@SheirOcagi

▫️ سنین فیکیرلرین عئیناً گئییم‌لرین کیمی‌دیر، باشقالاری طرفیندن حاضیرلانیب.

#جک_لندن
#شعر_اوجاغی
@SheirOcagi

▫️دویغولاریمین ان گؤزل‌لرینی قلبیمین درینلیک‌لرینده گیزلَتدیم: بو حیس‌لر اوردا اؤلدو.

📚 زمانه‌میزین قهرمانی
#میخائیل_لئرمانتوو
#شعر_اوجاغی
@SheirOcagi