▫️منی ائله سئو، اوره‌ییمده باشقا آرزوم قالماسین!

#نزار_قبانی
#شعر_اوجاغی
@SheirOcagi

دیالوق

▫️- قودرت، گوجسوزلویوموزو اورتایا چیخاران بیر وسیله‌دیر.

🎬 Dragon Blade
2015 چین
#دانیل_لی
#شعر_اوجاغی
@SheirOcagi

▫️سن، اوغروندا دیری قالمالی اولدوغوم صاباحسان.

#جبران_خلیل_جبران
#شعر_اوجاغی
@SheirOcagi

▫️بیر داها دونیایا گلسم،
یئنه سنی سئوَردیم،
منی اینجیده‌سن دئیه،
منی دلی-دیوانه ائده‌سن دئیه.

بیلیرم
سن ده بیر داها دونیایا گلسن،
یئنه منی سئومزدین،
قهریمدن اؤلوم دئیه.

#اومید_یاشار_اوغوزجان
#شعر_اوجاغی
@SheirOcagi

▫️دؤردآتلی یئنیجه گون

نووروز بایرامی
مینیب دؤرد آتینی، چاپیر دؤردنالا،
دوزلردن، چؤللردن گلیر یئنیجه گون.
«یئل‌»قانادلی، «اود‌»اورک‌لی، «سو»اوزلو،
یوللارین باغرینی دلیر، یئنیجه گون.

اؤلدورور سازاغی، قووور سویوغو،
یاشیل خالی ائدیر باغی، قوروغو.
بوی وئریب قالدیریر نازیک چوبوغو،
داغلاردان، سئل‌لردن گلیر یئنیجه گون.

«تورپاق»ا چاتینجا توختاییر بیر آز،
آرخادا قارلی قیش، اؤنده گوللو یاز.
گؤیَرمیش بنؤوشه، لچه‌یی اطلس،
قیرووو، قارینی سیلیر یئنیجه گون.

بو تورپاق جؤوهردیر باشدان، بینادان،
نه آتادان اولوب، نه ده آنادان.
آسیلی قالیبدیر اولو سمادان،
عطیرلی گوللردن گلیر، یئنیجه گون.

قاردان، بوزدان چیخان نرگیزلره باخ!
رنگیندن قان دامان او قیزلارا باخ!
یئنه حسرت چکن اولدوزلارا باخ!
اوشاق گؤزلرینده گولور یئنیجه گون.

ایسته‌یی، آمالی اوخ اوجوندادیر،
گوجو یئل گوجونده، سئل گوجونده‌دیر.
یئرین خبر آلسان، قیز بورجونده‌دیر،
اؤزونو گونه تن بیلیر یئنیجه گون.

#احمد_جاواد
#شعر_اوجاغی
@SheirOcagi

▫️سیزلر ده جانلی لامپالار اولون! هارداسینیزسا، اورادا گؤزل ایشلر گؤرون! یانین و اطرافی ایشیقلاندیرین!...
سیزلر ده جانلی سوبا اولون، روحلارا ایستیلیک آپارین!

📚 آغ زانباق‌لار اؤلکه‌سی
#گریگوری_پئتروو
#شعر_اوجاغی
@SheirOcagi

▫️«ژنو»ده
باهالی، آلماس ساعاتلاریندان
و «زامانی بیز یارادیریق» شوعاریندان،
حئیرت ائتمیردیم.

سئوگیلیم!
ساعات دوزلدن‌لر نه بیلیر
واختی یارادان
و زامانین طرحینی تؤکن
یالنیز سنین گؤزلرین‌دیر؟

#نزار_قبانی
#شعر_اوجاغی
@SheirOcagi

▫️«فخری» اوچون

اوغلوم! من موقدّس بیلدیم آتامی،
همیشه آتانا سن حؤرمت ائله!
بلکه هئچ قالمادیم عاغلین کسَنه،
دؤزوب آغریلارا، دَیانت ائله!

گونش اول بشری ایسیتمک اوچون،
شاهین اول ذیروه‌ده دؤور ائتمک اوچون!
ائللرین آدینی یوکسَلتمک اوچون،
بؤیوک ایشدن یاپیش، منریل قطع ائله!

دوشمن توخماغی‌دیر اوغول... آی اوغلوم!
آ منیم قانادیم، آ منیم قولوم!
سهویمی اؤیرنمه، قوربانین اولوم!
یاخشی عادتیمه سن عادت ائله!

من اؤزوم هامییا آغ گون دیله‌دیم،
سوروشما، بس کیمی خوشبخت ائله‌دیم!
من آنجاق اومیدله باش گیره‌له‌دیم،
باجار، اومیدلری حقیقت ائله!

اوغلوم! بیر وطن وار، بیر ده کی مسلک،
وطنین بورجونو وئره‌سن گرک!
ایشیغین پارلاماز یانماسا اورک،
مسلکین نامینه جسارت ائله!

«آغا»یام، آتانام، گل توت یئریمی!
گؤرسون نسیللریم دیلک‌لریمی!
سن آللاه، من سنه دئدیکلریمی،
سن ده اؤولادینا نصیحت ائله!

#آغا_لاچینلی
#شعر_اوجاغی
@SheirOcagi

دیالوق

▫️- بیر بابا اولاراق، عائیله‌نین گووَنلیگینی قوروماق اوچون هر ایش گؤرَرسن، سنه اولان گوونلرینی یوخ ائتمک مجبوریّتینده قالسان بئله.

🎬 Hotel Transylvania
2012 آمریکا
#گندی_تارتاکووسکی
@SheirOcagi

▫️نه واخت باهار گله‌جک؟

بو یاز چیچک بیتیرمز،
گونش ده چوخ سؤنوکدو.
اینسانلار دا دَییشیب،
هامی اؤزونه یوکدو.

تورپاغین اوزو سویوق،
گؤی اوزو قاپ‌قارادی.
آغاجلار چیچک‌له‌میر،
تانریم، بو نه هاوادی؟!

بیر قیریق اومید یوخدو،
آداملارین اوزونده.
یئلکَنسیز قاییقلاریق-
گوناهلار دنیزینده.

یئنه ساختا دوعالار،
یئنه یالانچی آلقیش.
اینسانلار سویودوقجا،
قیش گئری قاییدیرمیش.

غفیل، بیر چیچک آچیب
داش اوستوندن بویلانا!
بیر آز اومید جوجَرسین،
قاپیلاق هیَجانا!

آمّا یوخ‌ ائ، واللاه یوخ!
بو سو آخار، دورولماز.
بو یاز چیچک بیتیرمز،
«بیر چیچک‌له یاز اولماز»

تانریم! بو نه غضب‌دیر-
یئردن گؤی اوزونه‌دک؟
نه واخت یومشالاجاقسان،
نه واخت باهار گله‌جک؟

#جلیل_جاوانشیر
#شعر_اوجاغی
@SheirOcagi

▫️گئتدی عؤمور.

ایللرین اله‌یینده
اریدی گئتدی عؤمور.
بیر آغری بله‌یینده،
کیریدی گئتدی عؤمور.

الی اله یئتمه‌میش،
اوزوندن سو گئتمه‌میش،
اوشاقلیغی بیتمه‌میش،
یئریدی، گئتدی عؤمور.

یار دیلین اؤیره‌ننده،
اؤزونه اؤیره‌دنده،
سئوگیسین گؤیَردنده،
چورودو گئتدی عؤمور.

#ابوالفتح_مدداوغلو
#شعر_اوجاغی
@SheirOcagi

▫️سونوندا اؤزومله باش-باشا قالمیشدیم. ایندی نه ائده‌جه‌ییمی بیلمیردیم. بوتون دونیا بوش صحرا کیمی گلیردی منه.

📚 یالنیزلیقدان شیزوفرئنیایا
#اوآر
#شعر_اوجاغی
@SheirOcagi

▫️تورپاغا باخ، تورپاغا!
سانکی قالخیر آیاغا.
بوخارلانیر نفَسی،
اویانیبدیر هوَسی.
قیزیل اؤکوز ترپنیر،
تورپاق سانکی دیل‌لنیر:
چمنیم هاردا قالدی؟
سمنیم هاردا قالدی؟
گئتدی قارلی یورغانیم،
گئتدی چنیم، دومانیم.
گلسین خالی-خالچالار،
یوللار بویو یونجالار!

قوی باغ اولسون، اکین اولسون،
منیم آنا اوجاغیم!
سپین اولسون، بیچین اولسون،
گولسون هر بیر بوجاغیم!

#احمد_جاواد
#شعر_اوجاغی
@SheirOcagi

▫️باغچامیزا گلدی باهار...

اوخویور اردبیللی گنج یئته‌نک:
#ائلیار_سعید
@SheirOcagi

▫️یازا خیطاب

نووروز چیخیب تاختینا،
گوللر دوشوب باختینا.
کوسا گلیر قاباغا،
نظر سالیر طاباغا.
چؤره‌یی یوخدور کوسانین،
خؤره‌یی یوخدور کوسانین.
آ کوسا، کوسا گلسَنه،
توربانی دولدورسانا!
کوسا دؤیور گؤزونو،
ایتیریبدیر اؤزونو.
اوجاق اوسته ساج قالیب،
بوتون قیشی آج قالیب.
تورباسینی اوزادیر،
هامی بیلیر، قایدادیر،
کوسایا پای وئریرلر،
کوسایا های وئریرلر.
بوز کئچی- ساققال آغا،
کوسانی چکیر ساغا.
دئییر دولدور توربانی،
سؤندور داها سوبانی.
سونرا دا گل گوله‌شک،
دیلیمیزله یئر ائشک!
کوسا باخیر کئچی‌یه،
اوره‌یینه خوف دوشور،
تئز آرادان سوروشور،
کئچییه ال ائده‌رک.
قاری ننه گله‌رک،
دئییر قیشی اؤتوردوک،
گئدیب یازی گتیردیک.
یازا چیخدی اوغلاغیم،
قیش گؤزونه بارماغیم!
قارینین گلیر سؤزو،
کئچینین چوخ خوشونا.
دؤوره دوروب... نووروزون
دولانیرلار باشینا.

#احمد_جاواد
#شعر_اوجاغی
@SheirOcagi

گولمه‌جه

▫️قیتلیق زامانیندا، موللا‌ نصرالّدین بیر کنده گئدیر. گؤرور هامی یئییب-ایچمکده‌دی.
بیر کیشیدن سوروشور:
- هر یئرده هامی آجیندان قیریلیر، بورا نییه بئله بوللوق‌دو؟
کیشی دئییر:
- بو گون بایرامدی، اونا گؤره خالق وارینی-یوخونو یئمک اوچون خرجله‌ییب.
موللا بیر آه چکیب دئییر:
- کئشکه هر گون بایرام اولایدی، خالق کورلوق چکمه‌یه‌یدی!
@a_z_soz
@SheirOcagi

▫️من سنسیز نئجه قالا بیله‌رم آخی؟! دونیادا سندن باشقا هئچ کسیم یوخدور کی!

📚 آلچالدیلمیش و تحقیر ائدیلمیش اینسانلار
#فئودور_داستایئوسکی
#شعر_اوجاغی
@SheirOcagi

▫️گؤزلریمده حسرت،
آلنیمدا قیریش؛
من سینمیشام،
یوخسا بوتون گوزگولر؟

#دوکتور_بابک_اسدی
@SheirOcagi

▫️گلسین، گلمه‌سین؟!

شعر: #سید_ابوالقاسم_نباتی
سَس: #تورقای_شهبازاوغلو
@SheirOcagi

▫️بیر آدامین سنه چوخ یاخین اولدوغونو حئساب ائتدیگین واختدا، اونون سندن چوخ اوزاق اولدوغونو باشا دوشمک نه قدر آجی‌دیر!

📚 خز پالتولو مادوننا
#صباح‌الدین_علی
#شعر_اوجاغی
@SheirOcagi

▫️بالام

آغالیق ائله‌ییر منه بیر اوشاق،
اونون حوضوروندا مونتظیرم من.
آغالیق ائله‌ییر منه بیر اوشاق،
او شاهلار شاهینا ایلک وزیرم من.

اویناییر بالاجام هئی سحر-آخشام،
منی ده جلب ائدیر اویونجاغینا.
ائله بیل تزه‌دن اوشاقلاشمیشام،
دؤنموشم عؤمرومون اؤتن چاغینا.

ائله بیل تزه‌جه اؤیره‌شیر دیلیم-
چتین کلمه‌لرین دؤنگه‌لرینه.
ناخیشلار وورورام من دیلیم-دیلیم،
ارکؤیون بالامین کؤکه‌لرینه.

نه‌لر ائشیدیرم بیلسه‌نیز اوندان!
ائوده امیشدیریب سورونو بعضاً،
قوزونو آییریر آناج قویوندان،
دئییر، چوبانلیق ائت!- ائله‌ییرم من‌.

بیر ده گؤرورسن کی وئریلدی امر:
«اوخو، بو اوخویان رادیو تکی!»
دئدیگی اولماسا، او هئچ‌نه یئمیر،
یئمیر- بوغازیمدان کئچمه‌ییر تیکه.

بعضاً بالام منی ایمتاحان ائدیر،
اونون چوخ سؤالی جاوابسیز قالیر.
سوروشور: «اولدوزون سایی نئچه‌دیر؟
یئرین لاپ دیبینده کیم شهر سالیر؟»

سوروشور: «بیز ایکی دوغما قارداشیق،
دونیانین باجیسی، قارداشی وارمی؟
سحر آل شارینا مینسه بیر اوشاق،
آخشام گونش‌گیله گئدیب چاتارمی؟»

گلینجیک گلینه گئیدیریب دونو،
گونده نئچه‌سینه توی ائدیریک بیز‌.
او منی اؤیره‌دیر، من ایسه اونو،
بوتون یاریشلاردا برابریک بیز.

#آغا_لاچینلی
#شعر_اوجاغی
@SheirOcagi