▫️بوراخ آرتیق دونَن‌له و دونَنینده‌کی‌لرله اوغراشماغی!
بیر ده هپ یانیندا اولانلارلا صاباحا باخماغی دنه!
#جمال_ثریا
#شعر_اوجاغی
@SheirOcagi
بیر ده هپ یانیندا اولانلارلا صاباحا باخماغی دنه!
#جمال_ثریا
#شعر_اوجاغی
@SheirOcagi
▫️گون آیدین، یاشام!
بو گون ده اویاندیم، شوکورلر اولسون!
یاشام فیلیمینده رولوم وار یئنه.
بوتون کائیناتا "گون آیدین" دئدیم،
منی رئژیسسوروم¹ بیه‌نیر هله.
هر سحر باشلاییر یئنی باشلانیش،
دونیا گردیشینده، دونیا ایشینده.
هامینین رولو وار بؤیوک فیلیمده،
هرکس اؤز ایشینده، اؤزل پئشینده.
یاشام گؤزلریمده عادی‌لشمه‌ییب،
هله شاشیریرام گونش تاجیندان.
اوفاجیق بیر قوشلا هوَسله‌نیرم،
فیکیره دالیرام یال-یاماجیندان.
گئجه، نه واختادک قالیرام اویاق،
خیالدا قویورام "آی" اوسته آیاق.
سئیر ائدیب دویونجا گئنیش سمانی،
اولورام قویروقلو اولدوزا قوناق.
گاه حیات یولداشی، گاه آنا رولو،
چئشیدلی رول‌لارلا باریشمالی‌یام.
یارادان یاشاما بیه‌نیبدی سه،
گور آخان آخینا قاریشمالی‌یام.
هله اوندان ساوای، یازیچی‌یام دا،
رولومون متنینی یازام من گرَک!
نئیله‌مک؟ کلمه‌لر سئودالیسی‌یام،
بو یولدان ذرّه‌جه چیخماسا چؤرک.
یازیم دونیامیزا اولسا یاراشیق،
ائدرسه بیرآزجا یوللاری ایشیق،
گتیرسه موشتولوق، اولسا باریشیق،
دئمک کی رولومو دوز اوینامیشام،
یاشاسین آکتیور²، یاشاسین یاشام.
#سحر_خیاوی
¹- رئژیسسور: کارگردان
²- آکتیور: هنرپیشه
@SheirOcagi
بو گون ده اویاندیم، شوکورلر اولسون!
یاشام فیلیمینده رولوم وار یئنه.
بوتون کائیناتا "گون آیدین" دئدیم،
منی رئژیسسوروم¹ بیه‌نیر هله.
هر سحر باشلاییر یئنی باشلانیش،
دونیا گردیشینده، دونیا ایشینده.
هامینین رولو وار بؤیوک فیلیمده،
هرکس اؤز ایشینده، اؤزل پئشینده.
یاشام گؤزلریمده عادی‌لشمه‌ییب،
هله شاشیریرام گونش تاجیندان.
اوفاجیق بیر قوشلا هوَسله‌نیرم،
فیکیره دالیرام یال-یاماجیندان.
گئجه، نه واختادک قالیرام اویاق،
خیالدا قویورام "آی" اوسته آیاق.
سئیر ائدیب دویونجا گئنیش سمانی،
اولورام قویروقلو اولدوزا قوناق.
گاه حیات یولداشی، گاه آنا رولو،
چئشیدلی رول‌لارلا باریشمالی‌یام.
یارادان یاشاما بیه‌نیبدی سه،
گور آخان آخینا قاریشمالی‌یام.
هله اوندان ساوای، یازیچی‌یام دا،
رولومون متنینی یازام من گرَک!
نئیله‌مک؟ کلمه‌لر سئودالیسی‌یام،
بو یولدان ذرّه‌جه چیخماسا چؤرک.
یازیم دونیامیزا اولسا یاراشیق،
ائدرسه بیرآزجا یوللاری ایشیق،
گتیرسه موشتولوق، اولسا باریشیق،
دئمک کی رولومو دوز اوینامیشام،
یاشاسین آکتیور²، یاشاسین یاشام.
#سحر_خیاوی
¹- رئژیسسور: کارگردان
²- آکتیور: هنرپیشه
@SheirOcagi
▫️آینالاردان اوزاقدا
ایندی ان آچیق رنگینده‌دیر گؤزلرین،
ایندی منیمله‌سن، بوتون قایغیلاردان اوزاق.
آنلادیلماز بیر شئی وار آرامیزدا، حزین.
شعر کیمی بیر شئی‌دیر سنینله یاشاماق.
بولودسوز بیر گؤی‌اوزودور گؤزل‌لیگین،
اولدوزلارین ان پارلاق اولدوغو زامانسان.
دنیزلریم سنین قییی‌لاریندا ساکین،
بوراخ اللرینی، اوووجلاریمدا قالسین.
چیرکین اولان، پیس اولان نه وارسا، اونوت!
گؤزلریمین سؤیله‌دیگی ماهنینی دینله!
اللریمیزده سئوگی، ایچیمیزده اومود،
بوتون یاخشیلیق‌لاری پایلاشاق سنینله!
عشقین سئحیرلی سسینی ائشیدیرمیسن،
ایندی اونون گوللری آچان گوز باغچه‌لرینده؟
گئتمه کی، گونلریمیز، گئجه‌لریمیز اولسون،
چوبان کولبه‌لرینده، بالیقچی قفه‌لرینده!
وارلیغین، دوداقلاریمدا بیر بال دادی،
یوخلوغون، ان قورخونج اؤلوملرین.
سندن باشقا دیندیرن اولمادی،
آجیسینی ایچیمده قانایان یئرین.
منیمله قال زامان بیتینجه‌یه قدر،
منیم اول، یوز ایللر و چاغلار بویونجا.
بیر عؤموردور سنینله کئچن دقیقه‌لر،
اؤلومدن گوجلویم سن یانیمدا اولونجا.
ایندی اؤیله بؤیوک کی برابرلیگیمیز،
نبضین منیم بیلک‌لریمده وورماقدا.
آرتیق بوتون قایغیلارین اؤته‌سینده‌ییک،
منیمله ان گؤزَلسن آینالاردان اوزاقدا.
#اومید_یاشار_اوغوزجان
#شعر_اوجاغی
@SheirOcagi
ایندی ان آچیق رنگینده‌دیر گؤزلرین،
ایندی منیمله‌سن، بوتون قایغیلاردان اوزاق.
آنلادیلماز بیر شئی وار آرامیزدا، حزین.
شعر کیمی بیر شئی‌دیر سنینله یاشاماق.
بولودسوز بیر گؤی‌اوزودور گؤزل‌لیگین،
اولدوزلارین ان پارلاق اولدوغو زامانسان.
دنیزلریم سنین قییی‌لاریندا ساکین،
بوراخ اللرینی، اوووجلاریمدا قالسین.
چیرکین اولان، پیس اولان نه وارسا، اونوت!
گؤزلریمین سؤیله‌دیگی ماهنینی دینله!
اللریمیزده سئوگی، ایچیمیزده اومود،
بوتون یاخشیلیق‌لاری پایلاشاق سنینله!
عشقین سئحیرلی سسینی ائشیدیرمیسن،
ایندی اونون گوللری آچان گوز باغچه‌لرینده؟
گئتمه کی، گونلریمیز، گئجه‌لریمیز اولسون،
چوبان کولبه‌لرینده، بالیقچی قفه‌لرینده!
وارلیغین، دوداقلاریمدا بیر بال دادی،
یوخلوغون، ان قورخونج اؤلوملرین.
سندن باشقا دیندیرن اولمادی،
آجیسینی ایچیمده قانایان یئرین.
منیمله قال زامان بیتینجه‌یه قدر،
منیم اول، یوز ایللر و چاغلار بویونجا.
بیر عؤموردور سنینله کئچن دقیقه‌لر،
اؤلومدن گوجلویم سن یانیمدا اولونجا.
ایندی اؤیله بؤیوک کی برابرلیگیمیز،
نبضین منیم بیلک‌لریمده وورماقدا.
آرتیق بوتون قایغیلارین اؤته‌سینده‌ییک،
منیمله ان گؤزَلسن آینالاردان اوزاقدا.
#اومید_یاشار_اوغوزجان
#شعر_اوجاغی
@SheirOcagi
▫️بعضاً دوشونورم ده:
وارمی‌یدین دوزدن،
یوخسا بیر ماهنینین خاطیره‌سی‌‌می اویدوردو سنی؟
ایندی هئچ بیر شئی بنزه‌میر،
کئچمیشدن داها چوخ بیزیم اولان گنجلیگیمیزه.
دئییل‌می؟
بیلمم کی،
قارشیلاشساق بئله، بیر-بیریمیزی خاطیرلایا بیله‌ریک‌می یئنیدن،
ایکیمیز ده آرتیق بیر باشقاسی‌یکن؟
#مورادخان_مونقان
#شعر_اوجاغی
@SheirOcagi
وارمی‌یدین دوزدن،
یوخسا بیر ماهنینین خاطیره‌سی‌‌می اویدوردو سنی؟
ایندی هئچ بیر شئی بنزه‌میر،
کئچمیشدن داها چوخ بیزیم اولان گنجلیگیمیزه.
دئییل‌می؟
بیلمم کی،
قارشیلاشساق بئله، بیر-بیریمیزی خاطیرلایا بیله‌ریک‌می یئنیدن،
ایکیمیز ده آرتیق بیر باشقاسی‌یکن؟
#مورادخان_مونقان
#شعر_اوجاغی
@SheirOcagi
▫️بوغدانی اوغورلامیشدیلار، اعتراض سسلری قالخدی.
چؤرک پایلادیلار خالق آراسیندا، اعتراضلار یاتدی.
#برتولت_برئشت
#شعر_اوجاغی
@SheirOcagi
چؤرک پایلادیلار خالق آراسیندا، اعتراضلار یاتدی.
#برتولت_برئشت
#شعر_اوجاغی
@SheirOcagi
▫️بالتا
آتیبلار بیر کونجه، پاس توتوبدور او،
ائله بیل نه‌یه‌سه یاس توتوبدور او.
نه گؤتورَنی وار، نه ایشله‌دنی،
ساپیندان آیری‌دی باشی، بدنی.
یوخسا او دوشونور کئچن ایللری،
دوشونور ائتدیگی پیس عمل‌لری؟
او نئچه پؤهره‌نی کؤکوندن ووروب
او نئچه آغاجین قصدینه دوروب!
آمّا بیر سؤزونو من گئرچک بیلدیم:
«کسدیرن اولماسا، کسن دئییلدیم.
آخی، نه سوچوم وار، نه ده قورغوم وار،
منیمله قیرماق دا، قورماق دا اولار»
#آغا_لاچینلی
#شعر_اوجاغی
@SheirOcagi
آتیبلار بیر کونجه، پاس توتوبدور او،
ائله بیل نه‌یه‌سه یاس توتوبدور او.
نه گؤتورَنی وار، نه ایشله‌دنی،
ساپیندان آیری‌دی باشی، بدنی.
یوخسا او دوشونور کئچن ایللری،
دوشونور ائتدیگی پیس عمل‌لری؟
او نئچه پؤهره‌نی کؤکوندن ووروب
او نئچه آغاجین قصدینه دوروب!
آمّا بیر سؤزونو من گئرچک بیلدیم:
«کسدیرن اولماسا، کسن دئییلدیم.
آخی، نه سوچوم وار، نه ده قورغوم وار،
منیمله قیرماق دا، قورماق دا اولار»
#آغا_لاچینلی
#شعر_اوجاغی
@SheirOcagi
▫️یاغیش دوعاسی اوچون تپه‌لره چیخانلار آراسیندان، ساده‌جه اؤزلری‌یله چتیر آپارانلار اؤز ایشلرینه اینانیرلار.
#آنتون_چئخوو
#شعر_اوجاغی
@SheirOcagi
#آنتون_چئخوو
#شعر_اوجاغی
@SheirOcagi
دیالوق
▫️- دونیا چوخ دَییشیلیب.
+ یوخ! هر شئی همیشه‌کی کیمی‌دی؛ یئنه ده گوجسوزلر اوولانیرلار.
📺 The Walking Dead
2010- 2022 آمریکا
#شعر_اوجاغی
@SheirOcagi
▫️- دونیا چوخ دَییشیلیب.
+ یوخ! هر شئی همیشه‌کی کیمی‌دی؛ یئنه ده گوجسوزلر اوولانیرلار.
📺 The Walking Dead
2010- 2022 آمریکا
#شعر_اوجاغی
@SheirOcagi
▫️اومید
«هه» دئ،
بوتون هونرلریمی گؤستریم سنه!
گؤر بیر کیلو راکی نه تهر ایچیلرمیش،
نه تهر شعر یازیلارمیش آج قارنینا،
نه تهر یاشانارمیش،
نه تهر سئویشیلرمیش، اؤیرن!
سنه مین ایل یاشادیم بیر گونده.
اؤنجه «هه» دئ، اومیدلنیم؛
ایسترسن سونرا «یوخ» دئ!
#اومید_یاشار_اوغوزجان
#شعر_اوجاغی
@SheirOcagi
«هه» دئ،
بوتون هونرلریمی گؤستریم سنه!
گؤر بیر کیلو راکی نه تهر ایچیلرمیش،
نه تهر شعر یازیلارمیش آج قارنینا،
نه تهر یاشانارمیش،
نه تهر سئویشیلرمیش، اؤیرن!
سنه مین ایل یاشادیم بیر گونده.
اؤنجه «هه» دئ، اومیدلنیم؛
ایسترسن سونرا «یوخ» دئ!
#اومید_یاشار_اوغوزجان
#شعر_اوجاغی
@SheirOcagi
▫️یئل بابا
یئل بابا، داغیت چنی،
قوو دومانی چؤللردن!
آپار قاری، شاختانی،
بو سویوغو ائل‌لردن!
بولودلاری پارچالا،
قوی گؤی اوزو گؤرونسون!
قیشی چیخارت داغ باشینا!
قوی قوزئیه سورونسون!
گونش دائیم گولسون بیزه،
جامالیندان نور تؤکولسون!
دان اولدوزو ایشیق ساچسین،
فجیر آیدین، قوی سؤکولسون!
گوندوز گونه بویانسین!
یئر آلتیندا قاریشقالار،
چؤلده قوشلار اویانسین!
قوی آچیلسین بولاقلارین
بوز باغلامیش گؤز قاپاغی.
شیریلداسین آخان سولار،
قوی اریسین بوز دا، قار دا!
اوتلار چیخسین قار آلتیندان،
هر ماحالدا، هر دیاردا.
یئر ترله‌سین، بوغلار قالخسین،
توپا-توپا بولود کیمی!
سحر مئهی سیغال چکسین،
آرزو کیمی، اومود کیمی!
چؤل چاغیرسین، دوز سس‌لسین،
کؤرپه‌لری قوجاغینا!
قوجا ننه‌م کؤسؤو قویسون،
حیَطده‌کی اوجاغینا!
آ یئل بابا! آ یئل بابا!
قوی چاغلاسین سو-سئل، بابا!
#احمد_جاواد
#شعر_اوجاغی
@SheirOcagi
یئل بابا، داغیت چنی،
قوو دومانی چؤللردن!
آپار قاری، شاختانی،
بو سویوغو ائل‌لردن!
بولودلاری پارچالا،
قوی گؤی اوزو گؤرونسون!
قیشی چیخارت داغ باشینا!
قوی قوزئیه سورونسون!
گونش دائیم گولسون بیزه،
جامالیندان نور تؤکولسون!
دان اولدوزو ایشیق ساچسین،
فجیر آیدین، قوی سؤکولسون!
گوندوز گونه بویانسین!
یئر آلتیندا قاریشقالار،
چؤلده قوشلار اویانسین!
قوی آچیلسین بولاقلارین
بوز باغلامیش گؤز قاپاغی.
شیریلداسین آخان سولار،
قوی اریسین بوز دا، قار دا!
اوتلار چیخسین قار آلتیندان،
هر ماحالدا، هر دیاردا.
یئر ترله‌سین، بوغلار قالخسین،
توپا-توپا بولود کیمی!
سحر مئهی سیغال چکسین،
آرزو کیمی، اومود کیمی!
چؤل چاغیرسین، دوز سس‌لسین،
کؤرپه‌لری قوجاغینا!
قوجا ننه‌م کؤسؤو قویسون،
حیَطده‌کی اوجاغینا!
آ یئل بابا! آ یئل بابا!
قوی چاغلاسین سو-سئل، بابا!
#احمد_جاواد
#شعر_اوجاغی
@SheirOcagi
▫️ساکیتلیک¹
ساکیتلیک قوینوندا آچیلیب سحر،
سوکوت جیلالاییر دویغونو، حیسّی.
ساکیتجه سوزولوب ایلیق شفق‌لر،
اؤپوش‌له اویادیر غؤنچه نرگیزی.
چمنه دئییرم: «صاباحین خئییر!»
شئهلی کیرپیگینی قیرپیر چیچک‌لر.
نه باشیم اوستونده بولود کیشنه‌بیر،
نه دؤیور اوزومه توزلو کولک‌لر.
چمنده بیر سنسن، بیر ده کی منم.
نییه یئل اسمه‌ییر، گول تیتره‌مه‌ییر؟
کؤنلونو آلماغا یوخدور بهانه‌م،
باری ساچینداسا تئل تیتره‌مه‌ییر؟
او یاندا شن قوشلار اؤتوشور دیل-دیل،
گلیر قیژوولارین² قیژیلتیلاری.
سن ائله بیلمه کی ساکیتلیک دئییل-
یاتمیش آریلارین ویزیلتیلاری!
ساکیتلیک ایچیریک غوروب چاغیندا،
شیر-شیر بولاقلارین شیریلتیسیندان.
ساکیتلیک یاییلیر شیمشک چاخاندا،
گؤیلرین سیّاری گورولتوسوندان.
بو دا طبیعتین طبابتی‌دیر،
سوکوت جیلالاییر یورغون حیس‌لری.
بو دا طبیعتین بیر حیکمتی‌دیر،
ساکیتلیک گتیریر اونون سسلری.
#آغا_لاچینلی
¹- دینجلیک، آرامش
²- چایدا سویون چوخ سورعتله آخدیغی یئر (Qıjov)
#شعر_اوجاغی
@SheirOcagi
ساکیتلیک قوینوندا آچیلیب سحر،
سوکوت جیلالاییر دویغونو، حیسّی.
ساکیتجه سوزولوب ایلیق شفق‌لر،
اؤپوش‌له اویادیر غؤنچه نرگیزی.
چمنه دئییرم: «صاباحین خئییر!»
شئهلی کیرپیگینی قیرپیر چیچک‌لر.
نه باشیم اوستونده بولود کیشنه‌بیر،
نه دؤیور اوزومه توزلو کولک‌لر.
چمنده بیر سنسن، بیر ده کی منم.
نییه یئل اسمه‌ییر، گول تیتره‌مه‌ییر؟
کؤنلونو آلماغا یوخدور بهانه‌م،
باری ساچینداسا تئل تیتره‌مه‌ییر؟
او یاندا شن قوشلار اؤتوشور دیل-دیل،
گلیر قیژوولارین² قیژیلتیلاری.
سن ائله بیلمه کی ساکیتلیک دئییل-
یاتمیش آریلارین ویزیلتیلاری!
ساکیتلیک ایچیریک غوروب چاغیندا،
شیر-شیر بولاقلارین شیریلتیسیندان.
ساکیتلیک یاییلیر شیمشک چاخاندا،
گؤیلرین سیّاری گورولتوسوندان.
بو دا طبیعتین طبابتی‌دیر،
سوکوت جیلالاییر یورغون حیس‌لری.
بو دا طبیعتین بیر حیکمتی‌دیر،
ساکیتلیک گتیریر اونون سسلری.
#آغا_لاچینلی
¹- دینجلیک، آرامش
²- چایدا سویون چوخ سورعتله آخدیغی یئر (Qıjov)
#شعر_اوجاغی
@SheirOcagi
▫️قودرت آراج دئییل، آماج‌دیر. اینسان انقلابی ساخلاماق اوچون بیر دیکتاتورلوق یاراتمیر، دیکتاتورلوغو یاراتماق اوچون انقلاب ائدیر.
📚 1984
#جورج_اوروئل
#شعر_اوجاغی
@SheirOcagi
📚 1984
#جورج_اوروئل
#شعر_اوجاغی
@SheirOcagi
▫️بس جهنّم بودور! جهنّم حاقّیندا اصلا بئله دوشونمه‌میشدیم. یادینیزدامی: کوکورد، اود، شیش...؟
آه! ایللر بویو عجب گولمه‌لی سؤزلر سوخدولار بئینیمیزه!
شیش'ه گرک یوخ. ایندی بیلمیشیم: جهنّم همن، چئوره‌ده‌کی آخماقلارلا یاشاماق مجبوریّتینده قالماق‌دیر.
📚 باغلی قاپی
#ژان_پل_سارتر
#شعر_اوجاغی
@SheirOcagi
آه! ایللر بویو عجب گولمه‌لی سؤزلر سوخدولار بئینیمیزه!
شیش'ه گرک یوخ. ایندی بیلمیشیم: جهنّم همن، چئوره‌ده‌کی آخماقلارلا یاشاماق مجبوریّتینده قالماق‌دیر.
📚 باغلی قاپی
#ژان_پل_سارتر
#شعر_اوجاغی
@SheirOcagi
▫️آللاهیم! یورولدوم داها،
دینجَلمک کئچیر ایچیمدن.
ییر-ییغیش ائیله‌ین روحوم-
ساکیتجه کؤچور ایچیمدن.
آللاهیم! سسیم ده قیریق،
دیلیم دیشیمه دولاشیر.
دیدیلمَکدن یاخام جیریق،
دیرناغیما قان بولاشیر.
آللاهیم! اوزومده‌کی قان،
قورویور گؤزوم دیبی‌تک.
سنیندی بو سئودالی جان،
آلیب گؤتور، اؤزونه چک!
#ابوالفتح_مدداوغلو
#شعر_اوجاغی
@SheirOcagi
دینجَلمک کئچیر ایچیمدن.
ییر-ییغیش ائیله‌ین روحوم-
ساکیتجه کؤچور ایچیمدن.
آللاهیم! سسیم ده قیریق،
دیلیم دیشیمه دولاشیر.
دیدیلمَکدن یاخام جیریق،
دیرناغیما قان بولاشیر.
آللاهیم! اوزومده‌کی قان،
قورویور گؤزوم دیبی‌تک.
سنیندی بو سئودالی جان،
آلیب گؤتور، اؤزونه چک!
#ابوالفتح_مدداوغلو
#شعر_اوجاغی
@SheirOcagi
▫️منده، سونسوزادک قالارغی اولاجاغینی ساندیغیم چوخ شئیلر یوخ اولدو.
#مارسل_پروست
#شعر_اوجاغی
@SheirOcagi
#مارسل_پروست
#شعر_اوجاغی
@SheirOcagi
▫️چتین‌دیر.
چتین‌دیر سنینله دوستلوق ائله‌مک،
سن بالین ایچینده آغو وئریرسن.
بیلیرم، قلبیندن کئچن بودور کی،
هر یئرده همیشه غولون اولوم من.
بیلیرم، نه اوچون شن قاغایی‌لار،
نغمه‌یه توتورلار کؤرپه بالیغی.
بیلیرم، نه اوچون گئجه، آیی‌لار-
یئریییر آرخاجا چوبان‌سایاغی.
دئدیم یاز ائدرسن قیشیمی منیم،
گلدین... گوللریمه یامان یاغدی قار.
پامبیق‌لا کسیرسن باشیمی منیم،
باشینا گلن‌لر باشماقچی اولار.
گؤلسن... تیمساح‌لارین یاتیر درینده،
چؤلسن... باتاقلیغین اوت آلتیندادیر.
آجیغین گیزلنیب گولوش‌لرینده،
قیلینجین، خنجرین قیزیل قیندادیر.
پالیدسان... کؤلگه‌نده سولوخان شیوَم،
کیمسه‌یه چاتماییر آمانیم، آهیم.
بیر یاندان دئییرسن «آخی نه شیوَن؟»
بیر یاندان قویمورسان قلبی‌یه قالخیم.
بعضاً دوستلاریم دا دوست بیلیر سنی،
بیزی دالاشدیریب «باریش!» دئییرسن.
دارا ایته‌له‌ییب سن اؤزون منی،
سونرا دوشمنیمی هده‌له‌ییرسن.
گویا باجارمیرام یاخشینی گؤرم،
گویا جان وئریرسن اودا اوتنده.
قالماق ایسته‌میرم، من ایسته‌میرم،
یالانچی بیر دوستون بوش مینّتینه.
#آغا_لاچینلی
#شعر_اوجاغی
@SheirOcagi
چتین‌دیر سنینله دوستلوق ائله‌مک،
سن بالین ایچینده آغو وئریرسن.
بیلیرم، قلبیندن کئچن بودور کی،
هر یئرده همیشه غولون اولوم من.
بیلیرم، نه اوچون شن قاغایی‌لار،
نغمه‌یه توتورلار کؤرپه بالیغی.
بیلیرم، نه اوچون گئجه، آیی‌لار-
یئریییر آرخاجا چوبان‌سایاغی.
دئدیم یاز ائدرسن قیشیمی منیم،
گلدین... گوللریمه یامان یاغدی قار.
پامبیق‌لا کسیرسن باشیمی منیم،
باشینا گلن‌لر باشماقچی اولار.
گؤلسن... تیمساح‌لارین یاتیر درینده،
چؤلسن... باتاقلیغین اوت آلتیندادیر.
آجیغین گیزلنیب گولوش‌لرینده،
قیلینجین، خنجرین قیزیل قیندادیر.
پالیدسان... کؤلگه‌نده سولوخان شیوَم،
کیمسه‌یه چاتماییر آمانیم، آهیم.
بیر یاندان دئییرسن «آخی نه شیوَن؟»
بیر یاندان قویمورسان قلبی‌یه قالخیم.
بعضاً دوستلاریم دا دوست بیلیر سنی،
بیزی دالاشدیریب «باریش!» دئییرسن.
دارا ایته‌له‌ییب سن اؤزون منی،
سونرا دوشمنیمی هده‌له‌ییرسن.
گویا باجارمیرام یاخشینی گؤرم،
گویا جان وئریرسن اودا اوتنده.
قالماق ایسته‌میرم، من ایسته‌میرم،
یالانچی بیر دوستون بوش مینّتینه.
#آغا_لاچینلی
#شعر_اوجاغی
@SheirOcagi
▫️آغلاماق مسئله‌سی
نه تهر ائتمه‌لی ده آغلایا بیلمه‌لی،
باشا دوشمه‌دن؟
نه تهر ائتمه‌لی ده آغلایا بیلمه‌لی
عاییبسیز، آشیکارا، یاغمور میثالی؟
نئیلرسن، آلیشقانلیق.
ایچین قان آغلارکن، اوزون گولر،
دیکیلی‌داش کیمی یئرینده دورارسان یئنه.
یاوروم! یئتیشمک نه موشکول‌موش مگر-
آنالار کیمی آغلامانین ایگیدلیگینه؟
#ناظیم_حیکمت
#شعر_اوجاغی
@SheirOcagi
نه تهر ائتمه‌لی ده آغلایا بیلمه‌لی،
باشا دوشمه‌دن؟
نه تهر ائتمه‌لی ده آغلایا بیلمه‌لی
عاییبسیز، آشیکارا، یاغمور میثالی؟
نئیلرسن، آلیشقانلیق.
ایچین قان آغلارکن، اوزون گولر،
دیکیلی‌داش کیمی یئرینده دورارسان یئنه.
یاوروم! یئتیشمک نه موشکول‌موش مگر-
آنالار کیمی آغلامانین ایگیدلیگینه؟
#ناظیم_حیکمت
#شعر_اوجاغی
@SheirOcagi
◽حیاتدا یالنیز ائنیش یوخوشدان دئییل
شاشدیریلماغیمیز.
شاشقینلیق بارماغی
حیاتین هامار یولونون
غفیل چالا چؤکک‌لریندندی
دیشیمیز آراسیندا...
قیزیلی قان ایچینده
یارامیزدا دئییل
بم-بیاض، گؤزل-گؤیچک، پارلاق دریمیز آلتیندا
سیزلایان آجیدیر
گیزلی سیرّیمیز.
غفیل اولایلار چاغی
چاشقینلیقدا چالیقلامامیز،
آنلاماز اوشاغین هوشونو گلیشدیرمک اوچون
الینه وئریلمیش اویونجاقدیر سانکی
عؤمور پازئلیمیز.
گله‌جک گلمه‌یینجک
یارانیشین دارک(dark) آدلی آدلانان حیصّه‌سیدیر
او قدر وار
او قدر یوخ
او قدر دانیلماز
او قدر گؤرولمز
او قدر آندی ایچیلمز وارساییم...
حیات الی بیچاقلی شرطچی‌لر الینده
کسیلمه‌میش قارپیزدیر
اؤز بوستانچیلیغینا گؤونسن ده بئله،
بعضاً
ایچینین اولامیشلیغی‌یلا
اؤزوندن اوزونه آچار شوبهه یولونو.
هر شئی بو قدر حیاتدیر حیاتدا دئمه‌لی...
#حکیمه_باباکشی_زاده«نغمه»
#شعر_اوجاغی
@SheirOcagi
شاشدیریلماغیمیز.
شاشقینلیق بارماغی
حیاتین هامار یولونون
غفیل چالا چؤکک‌لریندندی
دیشیمیز آراسیندا...
قیزیلی قان ایچینده
یارامیزدا دئییل
بم-بیاض، گؤزل-گؤیچک، پارلاق دریمیز آلتیندا
سیزلایان آجیدیر
گیزلی سیرّیمیز.
غفیل اولایلار چاغی
چاشقینلیقدا چالیقلامامیز،
آنلاماز اوشاغین هوشونو گلیشدیرمک اوچون
الینه وئریلمیش اویونجاقدیر سانکی
عؤمور پازئلیمیز.
گله‌جک گلمه‌یینجک
یارانیشین دارک(dark) آدلی آدلانان حیصّه‌سیدیر
او قدر وار
او قدر یوخ
او قدر دانیلماز
او قدر گؤرولمز
او قدر آندی ایچیلمز وارساییم...
حیات الی بیچاقلی شرطچی‌لر الینده
کسیلمه‌میش قارپیزدیر
اؤز بوستانچیلیغینا گؤونسن ده بئله،
بعضاً
ایچینین اولامیشلیغی‌یلا
اؤزوندن اوزونه آچار شوبهه یولونو.
هر شئی بو قدر حیاتدیر حیاتدا دئمه‌لی...
#حکیمه_باباکشی_زاده«نغمه»
#شعر_اوجاغی
@SheirOcagi
▫️اولدوزوم- اونو اوزون زامان‌دیر حئیرانلیق‌لا ایزله‌دیگیم ماوی‌لیک‌لردن آشاغییا ائنمیش؛ منه ذرّه قدر آزالمایان پارلاقلیغی و صافلیغی ایله بیر قادین اولاراق گلمیشدی.
📚 وادیده‌کی زانباق
#اونوره_دو_بالزاک
#شعر_اوجاغی
@SheirOcagi
📚 وادیده‌کی زانباق
#اونوره_دو_بالزاک
#شعر_اوجاغی
@SheirOcagi