▫️چیلله شرقیسی
قاباغی یازدیر چیلله‌نین،
عؤمرو آزدیر چیلله‌نین.
یئر بورونور آغ قارا،
تسلیم اولور باهارا.
آغ بایراقلی قیش گئدیر،
آل بایراقلی یاز گلیر.
ناغیلچیلار خوش گئدیر،
اوزان، آشیق، ساز گلیر.
بؤیوک چیلله چیخمامیش،
کیچیک چیلله گلمه‌میش،
«بوز آی» چاپیر آتینی،
بیلیر قیشین ذاتینی.
بنؤوشه آچیب گلیر،
یاتاغی تورپاق اولور،
چیچه‌یی یارپاق اولور.
خان چوبانین آرزوسو،
گلیر قومرال قوزوسو.
یاغیش روزی گتیریر،
نووروز گلیب یئتیریر.
قووّت دولور قوللارا،
ائللر چیخیر یوللارا.
دورنالاری گؤزله‌ییر،
بولبول گولو ایزله‌ییر.
شاختا، بوران سوووشور،
یئر دوزَلدیب قدّینی،
گؤزل یازا قوووشور.
#احمد_جاواد
#شعر_اوجاغی
@SheirOcagi
قاباغی یازدیر چیلله‌نین،
عؤمرو آزدیر چیلله‌نین.
یئر بورونور آغ قارا،
تسلیم اولور باهارا.
آغ بایراقلی قیش گئدیر،
آل بایراقلی یاز گلیر.
ناغیلچیلار خوش گئدیر،
اوزان، آشیق، ساز گلیر.
بؤیوک چیلله چیخمامیش،
کیچیک چیلله گلمه‌میش،
«بوز آی» چاپیر آتینی،
بیلیر قیشین ذاتینی.
بنؤوشه آچیب گلیر،
یاتاغی تورپاق اولور،
چیچه‌یی یارپاق اولور.
خان چوبانین آرزوسو،
گلیر قومرال قوزوسو.
یاغیش روزی گتیریر،
نووروز گلیب یئتیریر.
قووّت دولور قوللارا،
ائللر چیخیر یوللارا.
دورنالاری گؤزله‌ییر،
بولبول گولو ایزله‌ییر.
شاختا، بوران سوووشور،
یئر دوزَلدیب قدّینی،
گؤزل یازا قوووشور.
#احمد_جاواد
#شعر_اوجاغی
@SheirOcagi
|شعر اوجاغی|
▫️کومسومول پوئماسی20 کندده تئاتر اوچونجو پرده - «آیاغا قالخینیز، شئیخیمیز گلدی!» دئیه، گرای بیین سسی یوکسَلدی. قالخدیلار؛ باش ووروب اوتوران زامان، آللاهین ائلچیسی الینده قورآن، گلدی؛ او مسلکی کؤموردن قارا، بیر گؤیه بویلاندی، بیر اینسانلارا: «هر کیمین قووّه‌سی…
▫️کومسومول پوئماسی21
کندده تئاتر
دؤردونجو پرده
همان بو آندا، عئینی زاماندا،
بیر قارا لامپانین ایشیغیندا تک،
گؤزوندن اود کیمی یاشلار تؤکولور.
«آی آللاه، نئیله‌ییم؟» دئیه «گول‌پری»،
بویلانیر قاپییا... دؤنور ایچری.
کؤهنه میتیل‌لری داغیدیب سؤکور،
یورغانین، دؤشه‌یین یونونو تؤکور.
ییغیب بیر پالازا ساتاجاق اونو،
بودور یوخسوللوغون، آجلیغین سونو.
گؤزلرینده دومان، باخیشلاری قان،
الینده بیر قامچی، بئلینده ناقان،¹
گرای بی اورتایا آتیلیر بیردن،
گول‌پری دیکسینیر دوردوغو یئردن،
سَییریب دوداغی، قاچیر بنیزی،
آلنیندا مین آجی، فلاکت ایزی.
- «آی قیز، نه وار، نه یوخ؟!»
- «نه اولاجاق کی!
هر شئی او قایدادا، هر شئی قاباقکی».
- «اوشاقلا نئجه‌دیر؟»
- «ایندی یاتیرلار»
- «سن نییه اویاقسان، گؤزلَمه‌ن‌می وار؟»
گول‌پری قیزاریب باشینی سالیر،
گرای بی قیزیشیب بیردن ال چالیر:
- «های-های، گؤزل‌لنیب رنگین آچیلیب،
ائله بیل آلنینا گوللر ساچیلیب.
داها نه وار، نه یوخ؟»
- «نه دئییم؟ گون‌دور.»
- «آه، او باخیشلار کی، اؤیله سوزگون‌دور!
سحر اولدوزونو آندیریر، بیلسن!
شاهلارا لاییقسن بو حُسن ایله سن.»
گول‌پری مات قالیب یئرینده دورور،
گرای بی کناردا بیغینی بورور.
- «دئمک کی، ایشلرین یاخشی گئدیر، های؟
دیل‌لنیب جاواب وئر!»
ایمره‌نیر² گرای.
اؤزونو توپلاییب دینیر گول‌پری:
- «عیمران آتیشمایا گئدندن بری،
اوشاقلار آج قالیر.»
- «قوی گؤرک!»
- «واللاه!»
- «بیر مئشوک³ گؤتوروب بیزه گل صاباح،
آرپادان، بوغدادان نه وارسا آل گل!
آجلیق گؤزل‌لیگه اولماسین انگل!»
دئییب آددیمینی ایره‌لی آتیر.
سونرا سول جیبینه سالیر الینی،
گؤزآلتی بیر داها سوزوب گلینی:
- «آل بو پوللاری دا، خرجلیک ائدرسن!»
- «عیمران آجیقلانار.»
- «اوشاقسان کی سن،
کیمدیر آچیب دئین عیمرانا بونو؟»
گول‌پری:
- «گرای بی، آج قالسام ایللر اوزونو،
من اونو آلدادیب یالان ساتمارام،
من اؤز ناموسومو یئره آتمارام.»
- «او ساغ گلمه‌یه‌جک.»
- «نئجه؟»
- «اؤله‌جک.
واخت ایکن گل اونوت، سن اوندان ال چک!»
- «گرای بی، گئجه‌دیر...زحمت چکین سیز،
آللاها بد گئدر، نامحرم‌سینیز!»
- «آت گؤرک، من اؤلوم، بو اویونلاری!
نئیله‌ییرسن آچیب تؤکوب بونلاری؟
بری گل، آی ظالیم، بیر قوجاقلاشاق،
اونوت بو ترسلیگی، گل آللاها باخ!
بو دونیا بئش گون‌دور، بئشی ده قارا،
پریشان زولفونو صوبحدن دارا،
چیخ سینه‌م اوستونه گونشدن ازل،
هاوادا قوشلاری دیندیرن گؤزل!»
دئییب گول‌پری‌دن یاپیشیر برک-برک،
اونون گؤزلریندن زورلا اؤپه‌رک،
- «نئجه‌سن؟» دئیه‌رک چکیلیب دورور،
ائشیب بیغلارینی یئنیدن بورور.
گول‌پری داش کیمی یئرینده دورور،
آلا گؤزلریندن عوصیان اوخونور:
- «بی‌ناموس»
- «نه دئدین؟»
- «گؤزومدن ایتیل!
نه‌لر گؤردویونو بیر دوشون ده، بیل!
یوخسا...»
- «نه اولاجاق؟»
- «جانینا آزار!
هانکی طریقتده بو وحشیلیک وار؟»
- «سوس، کؤپه‌یین قیزی، دوغرارام سنی!»
- «اؤز آروادینی سؤی، قورخوتما منی!»
گرای بی بوزاریب بیر ده سوخولور،
اورتادا گیزلی بیر احوالات اولور.
گول‌پری آه چکیر، یالواریر، سؤیور،
قونشولار ییغیلیب قاپینی دؤیور.
«ایچری گلمه‌یین!» چیغیریر گرای.
گول‌پری قیشقیریر: «اؤلدوم، آی هارای!»
«گؤی ولی» دایانا بیلمه‌ییب بیردن،
داغ کیمی ترپه‌نیر دوردوغو یئردن،
داباندان قاپینی اوینادیب قیریر.
گرای بی یئنیدن بیر ده هایقیریر:
- «گلمه‌یین دئییرم!»
گؤی ولی گلیر،
سیییریب خنجری بیردن یؤنه‌لیر:
- «بی‌ناموس اوغلونون توتدوغونا باخ!»
گرای بی اود کیمی یئردن قالخاراق:
- «نه وار؟ سن نه‌چی‌سن؟ ایتیل بورادان!»
الینی ناقانا آتدیغی زامان،
گؤی ولی میخ کیمی یئرینده قالیر،
تیتره‌ییب خنجری الیندن سالیر.
گرای بی آرادان چیخدیغی زامان،
گول‌پری جهره‌نی گؤتوروب دالدان
چیرپیر، یاپیشدیریر لاپ تپه‌سیندن.
ایگید بیر قادینین آسلان سسیندن،
او خائین، باشینی توتوب چاپاراق،
قاچیر منزیلینه تاراق‌هاتاراق...
#صمد_وورغون
¹- بیر چئشید تاپانجا
²- هوس‌لنمک، طاماها دوشمک
³- توربا، کیسه
#شعر_اوجاغی
@SheirOcagi
داوامی وار.
کندده تئاتر
دؤردونجو پرده
همان بو آندا، عئینی زاماندا،
بیر قارا لامپانین ایشیغیندا تک،
گؤزوندن اود کیمی یاشلار تؤکولور.
«آی آللاه، نئیله‌ییم؟» دئیه «گول‌پری»،
بویلانیر قاپییا... دؤنور ایچری.
کؤهنه میتیل‌لری داغیدیب سؤکور،
یورغانین، دؤشه‌یین یونونو تؤکور.
ییغیب بیر پالازا ساتاجاق اونو،
بودور یوخسوللوغون، آجلیغین سونو.
گؤزلرینده دومان، باخیشلاری قان،
الینده بیر قامچی، بئلینده ناقان،¹
گرای بی اورتایا آتیلیر بیردن،
گول‌پری دیکسینیر دوردوغو یئردن،
سَییریب دوداغی، قاچیر بنیزی،
آلنیندا مین آجی، فلاکت ایزی.
- «آی قیز، نه وار، نه یوخ؟!»
- «نه اولاجاق کی!
هر شئی او قایدادا، هر شئی قاباقکی».
- «اوشاقلا نئجه‌دیر؟»
- «ایندی یاتیرلار»
- «سن نییه اویاقسان، گؤزلَمه‌ن‌می وار؟»
گول‌پری قیزاریب باشینی سالیر،
گرای بی قیزیشیب بیردن ال چالیر:
- «های-های، گؤزل‌لنیب رنگین آچیلیب،
ائله بیل آلنینا گوللر ساچیلیب.
داها نه وار، نه یوخ؟»
- «نه دئییم؟ گون‌دور.»
- «آه، او باخیشلار کی، اؤیله سوزگون‌دور!
سحر اولدوزونو آندیریر، بیلسن!
شاهلارا لاییقسن بو حُسن ایله سن.»
گول‌پری مات قالیب یئرینده دورور،
گرای بی کناردا بیغینی بورور.
- «دئمک کی، ایشلرین یاخشی گئدیر، های؟
دیل‌لنیب جاواب وئر!»
ایمره‌نیر² گرای.
اؤزونو توپلاییب دینیر گول‌پری:
- «عیمران آتیشمایا گئدندن بری،
اوشاقلار آج قالیر.»
- «قوی گؤرک!»
- «واللاه!»
- «بیر مئشوک³ گؤتوروب بیزه گل صاباح،
آرپادان، بوغدادان نه وارسا آل گل!
آجلیق گؤزل‌لیگه اولماسین انگل!»
دئییب آددیمینی ایره‌لی آتیر.
سونرا سول جیبینه سالیر الینی،
گؤزآلتی بیر داها سوزوب گلینی:
- «آل بو پوللاری دا، خرجلیک ائدرسن!»
- «عیمران آجیقلانار.»
- «اوشاقسان کی سن،
کیمدیر آچیب دئین عیمرانا بونو؟»
گول‌پری:
- «گرای بی، آج قالسام ایللر اوزونو،
من اونو آلدادیب یالان ساتمارام،
من اؤز ناموسومو یئره آتمارام.»
- «او ساغ گلمه‌یه‌جک.»
- «نئجه؟»
- «اؤله‌جک.
واخت ایکن گل اونوت، سن اوندان ال چک!»
- «گرای بی، گئجه‌دیر...زحمت چکین سیز،
آللاها بد گئدر، نامحرم‌سینیز!»
- «آت گؤرک، من اؤلوم، بو اویونلاری!
نئیله‌ییرسن آچیب تؤکوب بونلاری؟
بری گل، آی ظالیم، بیر قوجاقلاشاق،
اونوت بو ترسلیگی، گل آللاها باخ!
بو دونیا بئش گون‌دور، بئشی ده قارا،
پریشان زولفونو صوبحدن دارا،
چیخ سینه‌م اوستونه گونشدن ازل،
هاوادا قوشلاری دیندیرن گؤزل!»
دئییب گول‌پری‌دن یاپیشیر برک-برک،
اونون گؤزلریندن زورلا اؤپه‌رک،
- «نئجه‌سن؟» دئیه‌رک چکیلیب دورور،
ائشیب بیغلارینی یئنیدن بورور.
گول‌پری داش کیمی یئرینده دورور،
آلا گؤزلریندن عوصیان اوخونور:
- «بی‌ناموس»
- «نه دئدین؟»
- «گؤزومدن ایتیل!
نه‌لر گؤردویونو بیر دوشون ده، بیل!
یوخسا...»
- «نه اولاجاق؟»
- «جانینا آزار!
هانکی طریقتده بو وحشیلیک وار؟»
- «سوس، کؤپه‌یین قیزی، دوغرارام سنی!»
- «اؤز آروادینی سؤی، قورخوتما منی!»
گرای بی بوزاریب بیر ده سوخولور،
اورتادا گیزلی بیر احوالات اولور.
گول‌پری آه چکیر، یالواریر، سؤیور،
قونشولار ییغیلیب قاپینی دؤیور.
«ایچری گلمه‌یین!» چیغیریر گرای.
گول‌پری قیشقیریر: «اؤلدوم، آی هارای!»
«گؤی ولی» دایانا بیلمه‌ییب بیردن،
داغ کیمی ترپه‌نیر دوردوغو یئردن،
داباندان قاپینی اوینادیب قیریر.
گرای بی یئنیدن بیر ده هایقیریر:
- «گلمه‌یین دئییرم!»
گؤی ولی گلیر،
سیییریب خنجری بیردن یؤنه‌لیر:
- «بی‌ناموس اوغلونون توتدوغونا باخ!»
گرای بی اود کیمی یئردن قالخاراق:
- «نه وار؟ سن نه‌چی‌سن؟ ایتیل بورادان!»
الینی ناقانا آتدیغی زامان،
گؤی ولی میخ کیمی یئرینده قالیر،
تیتره‌ییب خنجری الیندن سالیر.
گرای بی آرادان چیخدیغی زامان،
گول‌پری جهره‌نی گؤتوروب دالدان
چیرپیر، یاپیشدیریر لاپ تپه‌سیندن.
ایگید بیر قادینین آسلان سسیندن،
او خائین، باشینی توتوب چاپاراق،
قاچیر منزیلینه تاراق‌هاتاراق...
#صمد_وورغون
¹- بیر چئشید تاپانجا
²- هوس‌لنمک، طاماها دوشمک
³- توربا، کیسه
#شعر_اوجاغی
@SheirOcagi
داوامی وار.
▫️ائشیتدیگین بعضی سؤزلری دیقّته آلما! بلکه او سؤزلر، دانیشمادان اؤنجه دوشونمه‌ین بیر آغیزدان چیخیب.
#چارلی_چاپلین
#شعر_اوجاغی
@SheirOcagi
#چارلی_چاپلین
#شعر_اوجاغی
@SheirOcagi
▫️اینسانلار بیر-بیرلرینی گؤرمه‌دن ده سئوه بیلرلر. ائله دئییل‌می؟!
📚 عشقین سونو
#گراهام_گرین
#شعر_اوجاغی
@SheirOcagi
📚 عشقین سونو
#گراهام_گرین
#شعر_اوجاغی
@SheirOcagi
▫️یاشادیغیم توپلومون ایچینده نه‌لر گیزلندیگینی یاواش-یاواش آنلاماغا و یالانچی اؤرتویون آلتیندا قورخونج گئرچه‌یی باشا دوشمه‌یه باشلاییردیم.
📚 دمیر دابان
#جک_لندن
#شعر_اوجاغی
@SheirOcagi
📚 دمیر دابان
#جک_لندن
#شعر_اوجاغی
@SheirOcagi
▫️ائشیتدین‌می، سئوگیلی؟!
بیر جوت آیاق تاپیبلار،
خزرین ساحیلینده.
بویو لاپ بسته آیاق،
بیر آز دا خسته آیاق.
دوعا دا اوخویورموش،
دنیزلرین دیلینده.
ائشیدن‌لر بیلمه‌ییب،
نه دئییرمیش گؤره‌سن
بو سون نفسده آیاق؟
هارای دوشوب پولیسه،
یییه‌سینی گزیرلر،
قصبه، کوچه، دالان.
نه سند وار، نه ایز وار،
ایکی چیلپاق آیاقدی،
ساحیلده اولان-قالان.
بیر جوت ال ده تاپیلیب،
ساحیلدن اوزاق اولان،
بیر ائوین تپه‌سینده.
آسیلیب پالتار کیمی،
او پالتار زیوه‌سیندن.*
بارماقلاری ازیلیب،
دیرسه‌ییندن کسیلیب،
دیرناغی قوپوب قالیب،
اوستو توز هوپوب قالیب.
هارای دوشوب پولیسه،
یییه‌سینی گزیرلر،
قصبه، کوچه، دالان.
نه سند وار نه ایز وار،
ایکی توز توتموش ال‌دی،
زیوه‌ده اولان-قالان.
بیر جوت گؤز ده تاپیبلار،
ایکی یول آیریجیندا.
یولون دؤرد طرفینه،
برَلمیشجه باخیرمیش،
سول سَکینین اوجوندا.
آغی قان دامار-دامار،
قاراسی تور باغلاییب.
اوزون کیرپیک‌لرینی،
قیرپا-قیرپا آغلاییب.
هارای دوشوب پولیسه،
یییه‌سینی گزیرلر،
قصبه، کوچه، دالان.
نه سند وار، نه ایز وار،
ایکی قان دامان گؤزدو،
سکیده اولان-قالان.
ائشیتدین‌می، سئوگیلیم؟!
خبر چاتدی سنه ده؟
بیر جوت آیاق آختاریر،
ایزلرینی هله ده.
بیر جوت ال یوخلوغونو،
پالتار ایپیندن آسیب.
بیر جوت گؤز سوراقلاییر،
یولونو یازیق-یازیق.
او گؤز منیم گؤزومدو،
باخیر اومیدلریمین
سنه باخدیغی یئردن.
او ال منیم الیمدی،
آسیلیب کؤینه‌یینین
یوخا چیخدیغی یئردن.
او آیاق دا منیمدی،
گزیر سنلی گونلرین،
سنسیز آخدیغی یئرده.
#اورخان_باهادیرسوی
* پالتار ایپی
#شعر_اوجاغی
@SheirOcagi
بیر جوت آیاق تاپیبلار،
خزرین ساحیلینده.
بویو لاپ بسته آیاق،
بیر آز دا خسته آیاق.
دوعا دا اوخویورموش،
دنیزلرین دیلینده.
ائشیدن‌لر بیلمه‌ییب،
نه دئییرمیش گؤره‌سن
بو سون نفسده آیاق؟
هارای دوشوب پولیسه،
یییه‌سینی گزیرلر،
قصبه، کوچه، دالان.
نه سند وار، نه ایز وار،
ایکی چیلپاق آیاقدی،
ساحیلده اولان-قالان.
بیر جوت ال ده تاپیلیب،
ساحیلدن اوزاق اولان،
بیر ائوین تپه‌سینده.
آسیلیب پالتار کیمی،
او پالتار زیوه‌سیندن.*
بارماقلاری ازیلیب،
دیرسه‌ییندن کسیلیب،
دیرناغی قوپوب قالیب،
اوستو توز هوپوب قالیب.
هارای دوشوب پولیسه،
یییه‌سینی گزیرلر،
قصبه، کوچه، دالان.
نه سند وار نه ایز وار،
ایکی توز توتموش ال‌دی،
زیوه‌ده اولان-قالان.
بیر جوت گؤز ده تاپیبلار،
ایکی یول آیریجیندا.
یولون دؤرد طرفینه،
برَلمیشجه باخیرمیش،
سول سَکینین اوجوندا.
آغی قان دامار-دامار،
قاراسی تور باغلاییب.
اوزون کیرپیک‌لرینی،
قیرپا-قیرپا آغلاییب.
هارای دوشوب پولیسه،
یییه‌سینی گزیرلر،
قصبه، کوچه، دالان.
نه سند وار، نه ایز وار،
ایکی قان دامان گؤزدو،
سکیده اولان-قالان.
ائشیتدین‌می، سئوگیلیم؟!
خبر چاتدی سنه ده؟
بیر جوت آیاق آختاریر،
ایزلرینی هله ده.
بیر جوت ال یوخلوغونو،
پالتار ایپیندن آسیب.
بیر جوت گؤز سوراقلاییر،
یولونو یازیق-یازیق.
او گؤز منیم گؤزومدو،
باخیر اومیدلریمین
سنه باخدیغی یئردن.
او ال منیم الیمدی،
آسیلیب کؤینه‌یینین
یوخا چیخدیغی یئردن.
او آیاق دا منیمدی،
گزیر سنلی گونلرین،
سنسیز آخدیغی یئرده.
#اورخان_باهادیرسوی
* پالتار ایپی
#شعر_اوجاغی
@SheirOcagi
▫️«یاشیل شهر» عونوانلی میلّی فستیوالین باغلانیش مراسیمی:
بوگون آدینا آخشامی، ساعات ۱۵، خییو شهری، اندیشه تالاری.
#شعر_اوجاغی
@SheirOcagi
بوگون آدینا آخشامی، ساعات ۱۵، خییو شهری، اندیشه تالاری.
#شعر_اوجاغی
@SheirOcagi
◽قوجاغیم آچیقدیر
ای منی اؤپمه‌یه جان آتان کدریم
بوتون هیجانلارینی بوخچالا اود هدیه‌لییینه
گل قوتلایاق بیرگه‌لییمیزی
بو آخشام ماساسینا بیر جوت
دوپ دورولوق آلمیشام گؤزه
سیخ اللریمی
یالوار ال چکمه‌دن اسکی‌دن آرخامجا گزدیردییین کؤلگه‌ن کیمی،
باشلا تپه‌دن دیرناغا سووورماغا
قوور قانیمی
قوی دریم اود توتسون
دوداغیندا گتیردییین آلیشیقلارا.
یومروغوم بویدا بیر قوربانلیق کسه‌جه‌یم آیاغینا
اوتاغیمین قارانلیق ساعاتیدیر گؤروشه کئچن دقیقه‌لریمیز
قاپینی چالمادان فیرلات آچارینی
تاخیل اوره‌ییمین باشینا
اوتور آدینا آلدیغین اؤزل یئرینه
آل الینه شاهلیغینی
آت ایمضانی سؤزلشمه واراغینا؛
بیتمه‌سین ازلدن باشلامیش بو گیزلی ائولیلیک
اوخو؛
دوشسون داغلارا آهین...
#حکیمه_باباکشی_زاده«نغمه»
#شعر_اوجاغی
@SeirOcagi
ای منی اؤپمه‌یه جان آتان کدریم
بوتون هیجانلارینی بوخچالا اود هدیه‌لییینه
گل قوتلایاق بیرگه‌لییمیزی
بو آخشام ماساسینا بیر جوت
دوپ دورولوق آلمیشام گؤزه
سیخ اللریمی
یالوار ال چکمه‌دن اسکی‌دن آرخامجا گزدیردییین کؤلگه‌ن کیمی،
باشلا تپه‌دن دیرناغا سووورماغا
قوور قانیمی
قوی دریم اود توتسون
دوداغیندا گتیردییین آلیشیقلارا.
یومروغوم بویدا بیر قوربانلیق کسه‌جه‌یم آیاغینا
اوتاغیمین قارانلیق ساعاتیدیر گؤروشه کئچن دقیقه‌لریمیز
قاپینی چالمادان فیرلات آچارینی
تاخیل اوره‌ییمین باشینا
اوتور آدینا آلدیغین اؤزل یئرینه
آل الینه شاهلیغینی
آت ایمضانی سؤزلشمه واراغینا؛
بیتمه‌سین ازلدن باشلامیش بو گیزلی ائولیلیک
اوخو؛
دوشسون داغلارا آهین...
#حکیمه_باباکشی_زاده«نغمه»
#شعر_اوجاغی
@SeirOcagi
▫️دویون‌لنرکن اوزون یوللارین اوفوقده اوجو،
بو گون ده گلمه‌دی حسرتله گؤزله‌نن یولجو.
#نجیب_فاضیل_قیساکورک
#شعر_اوجاغی
@SheirOcagi
بو گون ده گلمه‌دی حسرتله گؤزله‌نن یولجو.
#نجیب_فاضیل_قیساکورک
#شعر_اوجاغی
@SheirOcagi
|شعر اوجاغی|
▫️کومسومول پوئماسی21 کندده تئاتر دؤردونجو پرده همان بو آندا، عئینی زاماندا، بیر قارا لامپانین ایشیغیندا تک، گؤزوندن اود کیمی یاشلار تؤکولور. «آی آللاه، نئیله‌ییم؟» دئیه «گول‌پری»، بویلانیر قاپییا... دؤنور ایچری. کؤهنه میتیل‌لری داغیدیب سؤکور، یورغانین، دؤشه‌یین…
▫️کومسومول پوئماسی22
قارالدی گئت-گئده گئجه‌نین اوزو،
بولودلار سیخلانیب بیر اوردو کیمی.
ساکیت بیر یوخودا چؤللرین دوزو
چیرپینیب دؤیونور گئجه‌نین قلبی.
بولودلار سیخلانیب بیر اوردو کیمی.
آرابیر گؤیلرین درینلیگیندن،
گئجیکمیش دورنانین سسی گلیردی.
او یاز گئجه‌سینین سرینلیگیندن،
اینسانین خیالی هئی یوکسلیردی،
گئجیکمیش دورنانین سسی گلیردی.
یالنیز او دورموشدو گؤزلرینده یاش،
اوچوق بیر داخمانین آستاناسیندا.
یارالی گؤوده‌نین اوستونده‌کی باش،
آغلاییب سیزلاییر هیجران یاسیندا،
اوچوق بیر داخمانین آستاناسیندا.
- «دوغرودور، من اونا تسلیم اولمادیم،
فقط لکه‌لندی یئنه ده آدیم.
آه، او گله‌جک‌می؟!...
عیمران، آی عیمران!
من سنین عشقینله یاشاردیم، اینان!
گل ده، اؤز یارینی بو حالدا تانی!
سنین فخر ائتدیگین او آدیم هانی؟»
دئدیکجه قلبینه قارانلیق چؤکور،
گؤزوندن اود کیمی او یاشلار تؤکور.
#صمد_وورغون
#شعر_اوجاغی
@SheirOcagi
داوامی وار.
قارالدی گئت-گئده گئجه‌نین اوزو،
بولودلار سیخلانیب بیر اوردو کیمی.
ساکیت بیر یوخودا چؤللرین دوزو
چیرپینیب دؤیونور گئجه‌نین قلبی.
بولودلار سیخلانیب بیر اوردو کیمی.
آرابیر گؤیلرین درینلیگیندن،
گئجیکمیش دورنانین سسی گلیردی.
او یاز گئجه‌سینین سرینلیگیندن،
اینسانین خیالی هئی یوکسلیردی،
گئجیکمیش دورنانین سسی گلیردی.
یالنیز او دورموشدو گؤزلرینده یاش،
اوچوق بیر داخمانین آستاناسیندا.
یارالی گؤوده‌نین اوستونده‌کی باش،
آغلاییب سیزلاییر هیجران یاسیندا،
اوچوق بیر داخمانین آستاناسیندا.
- «دوغرودور، من اونا تسلیم اولمادیم،
فقط لکه‌لندی یئنه ده آدیم.
آه، او گله‌جک‌می؟!...
عیمران، آی عیمران!
من سنین عشقینله یاشاردیم، اینان!
گل ده، اؤز یارینی بو حالدا تانی!
سنین فخر ائتدیگین او آدیم هانی؟»
دئدیکجه قلبینه قارانلیق چؤکور،
گؤزوندن اود کیمی او یاشلار تؤکور.
#صمد_وورغون
#شعر_اوجاغی
@SheirOcagi
داوامی وار.
▫️آی، جوجه، بالیق
بیر بالاجا حیَطده-
وار بالاجا گؤلمه‌جه
اوتوروب قیراغیندا
بیرجه ساریشین جوجه
گؤلمه‌جه‌نین ایچینده
بالاجا بیر بالیق وار
بالیق اوزور، دالینجا
سویون سسی شارهاشار
جوجه سئویر بو سسی
دیمدیگین سویا سالیر
بالیق قالخیر سو اوسته
قوش کیمی قاناد چالیر
اونلار اونجا اویناییر
گون باتارکن چیخیر آی
عکسی سودا گؤرونور
آیین، بیر بالیغا تای
جوجه دئییر: آخشامدیر
داریخمیشام ننه‌مه
سن آی‌لا اوینا، داها
من گئدیرم نینیمه
#نورالدین_مقدم (آیدین دومان)
#اوشاق_شعری
@SheirOcagi
بیر بالاجا حیَطده-
وار بالاجا گؤلمه‌جه
اوتوروب قیراغیندا
بیرجه ساریشین جوجه
گؤلمه‌جه‌نین ایچینده
بالاجا بیر بالیق وار
بالیق اوزور، دالینجا
سویون سسی شارهاشار
جوجه سئویر بو سسی
دیمدیگین سویا سالیر
بالیق قالخیر سو اوسته
قوش کیمی قاناد چالیر
اونلار اونجا اویناییر
گون باتارکن چیخیر آی
عکسی سودا گؤرونور
آیین، بیر بالیغا تای
جوجه دئییر: آخشامدیر
داریخمیشام ننه‌مه
سن آی‌لا اوینا، داها
من گئدیرم نینیمه
#نورالدین_مقدم (آیدین دومان)
#اوشاق_شعری
@SheirOcagi
▫️هامینین راضی اولدوغو بیر حاقسیزلیغا، عوصیان ائتمک قولای دئییل.
📚 یالنیزلیغین ایجادی 1984
#بولنت_پارلاق
#شعر_اوجاغی
@SheirOcagi
📚 یالنیزلیغین ایجادی 1984
#بولنت_پارلاق
#شعر_اوجاغی
@SheirOcagi
▫️اللرین،
ایکی عربی و نادیر ال‌یازیسی
و باشقا نوسخه‌سی اولمایان ایکی کیتاب‌دیر.
بس ساوادسیزلیق چاغلاریما دؤنمه‌مه‌م اوچون،
اللرینی اللریمدن آلما!
#نزار_قبانی
#شعر_اوجاغی
@SheirOcagi
ایکی عربی و نادیر ال‌یازیسی
و باشقا نوسخه‌سی اولمایان ایکی کیتاب‌دیر.
بس ساوادسیزلیق چاغلاریما دؤنمه‌مه‌م اوچون،
اللرینی اللریمدن آلما!
#نزار_قبانی
#شعر_اوجاغی
@SheirOcagi
▫️قیسقانج
نه یاخشی کی آیناچی دئییلم،
هر گون آینا قیراردیم،
سنه باخدیغی اوچون،
سن باخدیغین اوچون.
#اومید_یاشار_اوغوزجان
#شعر_اوجاغی
@SheirOcagi
نه یاخشی کی آیناچی دئییلم،
هر گون آینا قیراردیم،
سنه باخدیغی اوچون،
سن باخدیغین اوچون.
#اومید_یاشار_اوغوزجان
#شعر_اوجاغی
@SheirOcagi
|شعر اوجاغی|
▫️«یاشیل شهر» عونوانلی میلّی فستیوالین باغلانیش مراسیمی: بوگون آدینا آخشامی، ساعات ۱۵، خییو شهری، اندیشه تالاری. #شعر_اوجاغی @SheirOcagi
▫️«یاشیل شهر» عونوانلی میلّی فستیوالین باغلانیش تؤره‌نی خالق، یازیچی و صنعت‌چیلر حوضورویلا، جومعه‌آخشامی دوندوران آیین ۲۶سی، خییو شهرینده کئچیریلدی.
#شعر_اوجاغی
@SheirOcagi
#شعر_اوجاغی
@SheirOcagi
|شعر اوجاغی|
▫️«یاشیل شهر» عونوانلی میلّی فستیوالین باغلانیش تؤره‌نی خالق، یازیچی و صنعت‌چیلر حوضورویلا، جومعه‌آخشامی دوندوران آیین ۲۶سی، خییو شهرینده کئچیریلدی. #شعر_اوجاغی @SheirOcagi
▫️«یاشیل شهر» فستیوالینین سئچیلمیش‌لری:
شعر بؤلومونده:
۱- یعقوب نیکزاد (مشکین شهر)
۲- آرش پورعلیزاده (رشت)
۳- سحر خیاوی (مشکین شهر)
اوشاق شعرینده: محمد عابدین‌پور (مرند)
حئکایه بؤلومونده:
۱- زهرا علیدوستی (شهر کرد)
۲- رقیه عبدیلی (ارومیه)
۳- مهدی اصولی (مشکین‌شهر)
عکس بؤلومونده:
۱- داوود ایزدپناه (یاسوج)
۲- علی‌اصغر فیض‌اللهی (بیجار)
۳- شهروز عبادی (مشکین‌شهر)
فیلم بؤلومونده
۱- سعید نجاتی (قم)
۲- محسن دانشور و محمدحسین فلاح‌زاده (شیراز)
۳- فاطمه احمدی (ساوه)
#شعر_اوجاغی
@SheirOcagi
شعر بؤلومونده:
۱- یعقوب نیکزاد (مشکین شهر)
۲- آرش پورعلیزاده (رشت)
۳- سحر خیاوی (مشکین شهر)
اوشاق شعرینده: محمد عابدین‌پور (مرند)
حئکایه بؤلومونده:
۱- زهرا علیدوستی (شهر کرد)
۲- رقیه عبدیلی (ارومیه)
۳- مهدی اصولی (مشکین‌شهر)
عکس بؤلومونده:
۱- داوود ایزدپناه (یاسوج)
۲- علی‌اصغر فیض‌اللهی (بیجار)
۳- شهروز عبادی (مشکین‌شهر)
فیلم بؤلومونده
۱- سعید نجاتی (قم)
۲- محسن دانشور و محمدحسین فلاح‌زاده (شیراز)
۳- فاطمه احمدی (ساوه)
#شعر_اوجاغی
@SheirOcagi
▫️بعضاً عاغیلا گؤره عار اولان شئی، اوره‌یه گؤره باشدان‌آیاغا گؤزللیک‌دیر.
📚 کارامازوو قارداشلاری
#فئودور_داستایئوسکی
#شعر_اوجاغی
@SheirOcagi
📚 کارامازوو قارداشلاری
#فئودور_داستایئوسکی
#شعر_اوجاغی
@SheirOcagi
▫️راضی دئییلم آللاهیم! یوخ اولماغا، قالماماغا، گلمه‌میش اولماغا، موجود اولماماغا راضی دئییلم.
بو دونیادا بوراخا بیلمه‌یه‌جه‌ییم هئچ بیر شئی یوخ. نه دنیز، نه آغاج، نه شهر، نه ائو، نه قادین، نه ده من، بو قلبیم، بو ظرفیم، بو قفسیم‌له من.
اونلارین هامیسینی بوراخا بیله‌رم. فقط شوعورومو بیلمک، حیسّ ائتمک، وار اولماق شوعورومو بوراخا بیلمه‌رم.
راضییام بیر توز پارچاسی اولام. اینسان اوزریمه باساراق کئچسین. جانیم آجیسین، حیسّ ائدیم. جانیمین آجیدیغینی حیسّ ائدیم.
راضییام بیر کرتَنکله اولام، قیزغین یای گونلرینده بیر باغچا دووارینا دیرماشام، دیرناقلاریمی کرپیج‌لره کئچیردم، یاشیل و ایسلاق بئلیمی گونشه وئرم. فقط گونش‌له بئلیم آراسینداکی اؤپوشمه‌نی حیسّ ائدم. کرپیج‌لرین اینجه‌جیک ذرّه‌لرینی سایام.
دلیک‌لرده‌کی بؤجک‌لرین، بیر بورو ایچیندن باخار کیمی منه باخدیقلارینی گؤرم و دوشونم.
راضییام بیر نؤقطه اولام؛ فقط او نؤقطه‌یه، بوتون کائینات بوتون یارادیقلاری‌یلا دولسون.
من یوخ اولا بیلمه‌رم. آغلارام، آیاق دؤیه‌رم، چاتلارام، حؤوصله‌دن چیخارام، اؤله‌رم، فقط یوخ اولا بیلمه‌رم.
هر شئی منیم اولسون، وئریم. گؤیلر، اولدوزلار، گؤیده‌کی سامان‌یولو، آی، دونیا، وئریم. فقط عاغلیم منه قالسین! عاغلیم منه قالسین! عاغلیم...
📚 بیر آدام یاراتماق
#نجیب_فاضیل_قیساکورک
#شعر_اوجاغی
@SheirOcagi
بو دونیادا بوراخا بیلمه‌یه‌جه‌ییم هئچ بیر شئی یوخ. نه دنیز، نه آغاج، نه شهر، نه ائو، نه قادین، نه ده من، بو قلبیم، بو ظرفیم، بو قفسیم‌له من.
اونلارین هامیسینی بوراخا بیله‌رم. فقط شوعورومو بیلمک، حیسّ ائتمک، وار اولماق شوعورومو بوراخا بیلمه‌رم.
راضییام بیر توز پارچاسی اولام. اینسان اوزریمه باساراق کئچسین. جانیم آجیسین، حیسّ ائدیم. جانیمین آجیدیغینی حیسّ ائدیم.
راضییام بیر کرتَنکله اولام، قیزغین یای گونلرینده بیر باغچا دووارینا دیرماشام، دیرناقلاریمی کرپیج‌لره کئچیردم، یاشیل و ایسلاق بئلیمی گونشه وئرم. فقط گونش‌له بئلیم آراسینداکی اؤپوشمه‌نی حیسّ ائدم. کرپیج‌لرین اینجه‌جیک ذرّه‌لرینی سایام.
دلیک‌لرده‌کی بؤجک‌لرین، بیر بورو ایچیندن باخار کیمی منه باخدیقلارینی گؤرم و دوشونم.
راضییام بیر نؤقطه اولام؛ فقط او نؤقطه‌یه، بوتون کائینات بوتون یارادیقلاری‌یلا دولسون.
من یوخ اولا بیلمه‌رم. آغلارام، آیاق دؤیه‌رم، چاتلارام، حؤوصله‌دن چیخارام، اؤله‌رم، فقط یوخ اولا بیلمه‌رم.
هر شئی منیم اولسون، وئریم. گؤیلر، اولدوزلار، گؤیده‌کی سامان‌یولو، آی، دونیا، وئریم. فقط عاغلیم منه قالسین! عاغلیم منه قالسین! عاغلیم...
📚 بیر آدام یاراتماق
#نجیب_فاضیل_قیساکورک
#شعر_اوجاغی
@SheirOcagi
▫️دولان بولود
یامان دولوب بو بولود،
یاغاجاقدیر ایندیجه.
غضبی شیمشک اولوب
چاخاجاقدیر ایندیجه.
دونیانی سو ایچینده،
بوغاجاقدیر ایندیجه.
نه دئییم كی یاغماسین؟
قارا بولود، بوز بولود،
نه دردین وارسا، اونوت!
اوزاتمیشام الیمی؛
من توتوم اته‌ییندن،
سن ده اللریمدن توت!
اوچاق یئل قانادیندا،
قوناق گول بوداغینا!
دوشک بیر نغمه كیمی،
داغلارین دوداغینا!
گورلا منیم سسیم‌له،
اوخوماق هوسیمله!
سن دئ، من قولاق آسیم،
اوخویوم، منی دینله،
قوی سینه‌مه باشینی!
بو بولود، قارا بولود،
بنزه‌ییر یارا بولود.
من دریا ایچینده‌یم،
گؤر یاغدین هارا، بولود،
هارا چكدین قوشونو؟!
هر داملا شئه دنه‌سی،
شئه ده سنه دؤنه‌سی.
یاغیب اؤزونو یورما!
نه‌ییم وار كی سؤنه‌سی؟
آت عینادین داشینی!
گؤیلردی سنین یوردون،
باشیمین اوسته دوردون.
اوجالیغا آغلاماق،
یاراشمیر؛ آی بولودوم،
سیل گؤزونون یاشینی!
#نوصرت_كسمنلی
#شعر_اوجاغی
@SheirOcagi
یامان دولوب بو بولود،
یاغاجاقدیر ایندیجه.
غضبی شیمشک اولوب
چاخاجاقدیر ایندیجه.
دونیانی سو ایچینده،
بوغاجاقدیر ایندیجه.
نه دئییم كی یاغماسین؟
قارا بولود، بوز بولود،
نه دردین وارسا، اونوت!
اوزاتمیشام الیمی؛
من توتوم اته‌ییندن،
سن ده اللریمدن توت!
اوچاق یئل قانادیندا،
قوناق گول بوداغینا!
دوشک بیر نغمه كیمی،
داغلارین دوداغینا!
گورلا منیم سسیم‌له،
اوخوماق هوسیمله!
سن دئ، من قولاق آسیم،
اوخویوم، منی دینله،
قوی سینه‌مه باشینی!
بو بولود، قارا بولود،
بنزه‌ییر یارا بولود.
من دریا ایچینده‌یم،
گؤر یاغدین هارا، بولود،
هارا چكدین قوشونو؟!
هر داملا شئه دنه‌سی،
شئه ده سنه دؤنه‌سی.
یاغیب اؤزونو یورما!
نه‌ییم وار كی سؤنه‌سی؟
آت عینادین داشینی!
گؤیلردی سنین یوردون،
باشیمین اوسته دوردون.
اوجالیغا آغلاماق،
یاراشمیر؛ آی بولودوم،
سیل گؤزونون یاشینی!
#نوصرت_كسمنلی
#شعر_اوجاغی
@SheirOcagi
|شعر اوجاغی|
▫️کومسومول پوئماسی22 قارالدی گئت-گئده گئجه‌نین اوزو، بولودلار سیخلانیب بیر اوردو کیمی. ساکیت بیر یوخودا چؤللرین دوزو چیرپینیب دؤیونور گئجه‌نین قلبی. بولودلار سیخلانیب بیر اوردو کیمی. آرابیر گؤیلرین درینلیگیندن، گئجیکمیش دورنانین سسی گلیردی. او یاز گئجه‌سینین…
▫️کومسومول پوئماسی23
گؤزللیک و محبّت
اوزاق بولودلاردا گزینیردی آی،
دوققازین* آغزیندا «جلال» و «هومای»،
بیریسی سؤز آتیر، دیگری گولور،
کؤنوللر دؤیونور، گؤزلر سوزولور.
- «هومای! بو دونیادا ان چوخ سئودیگیم،
بلکه ده ان بؤیوک تانری بیلدیگیم،
بیر قووّه وارسا دا، او سنسن اینان!
خیالین گؤزومدن آیریلسا بیر آن،
منلیگیم، شرفیم محو اولوب گئدر،
آمانسیز آیریلیق منی قهر ائدر.
دوغرودور، دؤیوشده آتان‌لا بعضاً،
قوچ کیمی اوز-اوزه چارپیشمیشام من،
گل اوزه وورما هئچ او زامانلاری!
تاریخ یارادیرکن قهرمانلاری،
جبهه‌لر آیریلیر بیل کی اوّلدن،
خاطالار باش وئریر هر ووران الدن.»
- «نه دئییم، بلکه ده حاقلیسان، جلال!
الیندن گلیرسه، ائلچی گؤندر، آل!»
- «یوخ، بو اولمایاجاق؛ تئزلیکده بابان،
بو ایشدن بیر خبر توتارسا، اینان،
باشقا بیر اینسانا وئره‌جک سنی.
چوخ زامان، آلماییر سئوَن سئونی.»
- «بس اوندا نئیله‌مک؟»
- «قوشولوب قاچماق،
باشقا بیر اقلیمه دوغرو یول آچماق!»
- «یوخ، جلال! اولمادی. شاهیددیر هامی،
گؤرورکن یوخودا قاچاق، بابامی
هؤنکوروب آغلارام الیمده یایلیق.
نه‌اینکی عؤمورلوک، حتّی بیر آیلیق،
بلکه ده بیر گونلوک سفره گئتمک،
عشق اوچون بابامی آتیب ترک ائتمک،
اؤلومدن یامان‌دیر ائل-گون ایچینده.
سن اونو آختار،
هر نه سؤزون وار،
اؤزویله دانیش!
نه یاد نه تانیش،
گولمه‌سین اونا!»
- «قوربانی اولدوغوم یاشیل‌باش سونا!
سنین هر امرینه بویون اَیمه‌مک،
الیمدن گلرسه، ائی نازلی ملک!
قوی گونه آخماییم، باختیم قارالسین،
بوتون سعادتیم هئچ‌لیگه وارسین،
قارالار گئیینسین عشقیمین سونو!
آراییب آختاریب تاپارام اونو.
اؤلومدن قورخماغین نه معناسی وار؟
یا منی اؤلدورَر، یا دا یاشادار.»
- «یوخ، بابام چوخ سئویر، بیل، خاطیریمی.
بیر دفعه آندیرسان اونا سئوگیمی،
او سنی عفو ائدر، باغیشلار. بیلسن.
بابامی بیر بئله قاتیل بیلمه سن!»
دئدیکجه هومای'ین گؤزلری گولور،
جلال'ین آیاغی یئردن اوزولور.
تویدا ناغیل دئین بیر آشیق کیمی،
سونرا سئوگیلی‌لر سارماشیق کیمی،
بیردن قوجاقلاشیر...آی اوزاقلاشیر.
قارانلیق اونلارا خوشدور ایشیقدان...
#صمد_وورغون
#شعر_اوجاغی
* ائوین، حیَطین، باغین حاصاریندا بیر-بیرینه کئچیریلن آغاجلاردان عیبارت ساده قاپی
@SheirOcagi
داوامی وار.
گؤزللیک و محبّت
اوزاق بولودلاردا گزینیردی آی،
دوققازین* آغزیندا «جلال» و «هومای»،
بیریسی سؤز آتیر، دیگری گولور،
کؤنوللر دؤیونور، گؤزلر سوزولور.
- «هومای! بو دونیادا ان چوخ سئودیگیم،
بلکه ده ان بؤیوک تانری بیلدیگیم،
بیر قووّه وارسا دا، او سنسن اینان!
خیالین گؤزومدن آیریلسا بیر آن،
منلیگیم، شرفیم محو اولوب گئدر،
آمانسیز آیریلیق منی قهر ائدر.
دوغرودور، دؤیوشده آتان‌لا بعضاً،
قوچ کیمی اوز-اوزه چارپیشمیشام من،
گل اوزه وورما هئچ او زامانلاری!
تاریخ یارادیرکن قهرمانلاری،
جبهه‌لر آیریلیر بیل کی اوّلدن،
خاطالار باش وئریر هر ووران الدن.»
- «نه دئییم، بلکه ده حاقلیسان، جلال!
الیندن گلیرسه، ائلچی گؤندر، آل!»
- «یوخ، بو اولمایاجاق؛ تئزلیکده بابان،
بو ایشدن بیر خبر توتارسا، اینان،
باشقا بیر اینسانا وئره‌جک سنی.
چوخ زامان، آلماییر سئوَن سئونی.»
- «بس اوندا نئیله‌مک؟»
- «قوشولوب قاچماق،
باشقا بیر اقلیمه دوغرو یول آچماق!»
- «یوخ، جلال! اولمادی. شاهیددیر هامی،
گؤرورکن یوخودا قاچاق، بابامی
هؤنکوروب آغلارام الیمده یایلیق.
نه‌اینکی عؤمورلوک، حتّی بیر آیلیق،
بلکه ده بیر گونلوک سفره گئتمک،
عشق اوچون بابامی آتیب ترک ائتمک،
اؤلومدن یامان‌دیر ائل-گون ایچینده.
سن اونو آختار،
هر نه سؤزون وار،
اؤزویله دانیش!
نه یاد نه تانیش،
گولمه‌سین اونا!»
- «قوربانی اولدوغوم یاشیل‌باش سونا!
سنین هر امرینه بویون اَیمه‌مک،
الیمدن گلرسه، ائی نازلی ملک!
قوی گونه آخماییم، باختیم قارالسین،
بوتون سعادتیم هئچ‌لیگه وارسین،
قارالار گئیینسین عشقیمین سونو!
آراییب آختاریب تاپارام اونو.
اؤلومدن قورخماغین نه معناسی وار؟
یا منی اؤلدورَر، یا دا یاشادار.»
- «یوخ، بابام چوخ سئویر، بیل، خاطیریمی.
بیر دفعه آندیرسان اونا سئوگیمی،
او سنی عفو ائدر، باغیشلار. بیلسن.
بابامی بیر بئله قاتیل بیلمه سن!»
دئدیکجه هومای'ین گؤزلری گولور،
جلال'ین آیاغی یئردن اوزولور.
تویدا ناغیل دئین بیر آشیق کیمی،
سونرا سئوگیلی‌لر سارماشیق کیمی،
بیردن قوجاقلاشیر...آی اوزاقلاشیر.
قارانلیق اونلارا خوشدور ایشیقدان...
#صمد_وورغون
#شعر_اوجاغی
* ائوین، حیَطین، باغین حاصاریندا بیر-بیرینه کئچیریلن آغاجلاردان عیبارت ساده قاپی
@SheirOcagi
داوامی وار.