▫️اورتامیمدان اوزاق دوشمه‌ییمین و غریبه‌لیگیمین بیر سببی ده، کیتابلاردان تانیییب اؤیرندیگیم اینسانلاری اطرافیمدا تاپا بیلمه‌مه‌ییم دئییلدی‌می؟

📚 خز پالتولو مادوننا
#صباح‌الدین_علی
#شعر_اوجاغی
@SheirOcagi

▫️ایسته‌دیگینی آل،
آما دیلیمی اؤزومه بوراخ!
سن یانیمدا اولاندا،
سنی سئومک،
ساچلارینی داراماق،
آیاقلارینی یوماق،
یوخویا گئدرکن حرفلرینین سئوه‌جن‌لیگی‌یله اوستونو اؤرتمک اوچون،
یئنی بیر دیله احتیاجیم وار.

#نزار_قبانی
#شعر_اوجاغی
@SheirOcagi

▫️استانبول

من سئودیگیم مرمر سینه‌لی یارین،
دئییرلر، قوینوندا یابانچی ال وار.
باخیب اوفوقلره، اوزاق یوللارا،
آغلاییرمیش ماوی گؤزلر، آخشاملار.
آه، ائی سولغون اوزلو، دالغین استانبول!
ماوی گؤزلری پک بایغین، استانبول!

منین سئودیگیم قیز دونیا گؤزلی،
اونا بو دونیادا ائش یارانمامیش.
دئییرلر، کؤنلونو فلک پوزالی،
سیرمالی تئللری هئچ دارانمانیش.
آه، ائی سولغون اوزلو، دالغین استانبول!
ماوی گؤزلری پک بایغین، استانبول!

قیریق دالا قونموش دون بالا بیر قوش،
«او»ندان خبر وئردی، گؤزوم یاشاردی.
گل زاواللی کؤنلوم، سورما نه اولموش!
سورما کی «سئودیگین کیملره واردی؟»!
آه، ائی سولغون اوزلو، دالغین استانبول!
ماوی گؤزلری پک بایغین، استانبول!

دئییرلر سئودیگیم «قیز قولّه‌سی»نده،
باخیرکن قیریلمیش روباب تئلینه،
اوچویورکن شئعیرین سئوداسیندا،
بیر ایلان ساریلمیش اینجه بئلینه.
آه، ائی سولغون اوزلو، دالغین استانبول!
ماوی گؤزلری پک بایغین، استانبول!

ائی یولوم اوستونده یوکسَلن داغلار،
گیزلی سئودا اوچون چیرپینان دنیز!
یول وئرین، یول وئرین! منیم دردیم وار،
ایتیردیم یولومو، قالدیم کیمسه‌سیز.
آه ائی سولغون اوزلو، دالغین استانبول!
ماوی گؤزلری پک بایغین استانبول!

بو قلبیمدن قوپان هر یانیق فریاد،
چکدیگیم دردلرین ترجومانی‌می؟
یوخمودور، کیمسه‌دن کؤنلومه ایمداد؟
بو بختسیز سئودامین سون زامانی‌می؟
آه، ائی سولغون اوزلو، دالغین استانبول!
ماوی گؤزلری پک بایغین، استانبول!

یارب، بیلمزمی‌یدین قلبیمی سن ده،
کی قیردین سازیمین جانلی تئلینی؟
دوغویورکن یئنی بیر اومید منده،
نئچون مأیوس ائتدین توران ائلینی؟
آه، ائی سولغون اوزلو، دالغین استانبول!
ماوی گؤزلری پک بایغین، استانبول!

#احمد_جاواد
#شعر_اوجاغی
@SheirOcagi

▫️بیلدیگیم، من سنین اوچون یازماغا داوام ائده‌جه‌یم
و سن یئنه ده اوزاق دوراجاقسان.

#غسان_کنفانی
#شعر_اوجاغی
@SheirOcagi

▫️اوشاقلار، آی اوشاقلار!

اؤزومدن توتا-توتا،
اؤزومه دیرماشیرام.
گاه دیزیمدن آشیرام،
گاه سینه‌مدن آشیرام.
ایچیمدن قیشقیریرام،
چؤلومدن دانیشیرام:
اوزاقلار، آی اوزاقلار!

قولاغیما سس گلیر،
نه کابوسدو، نه یوخو.
دیزلریمی تیتره‌دیر،
حسرتیمین سویوغو.
هر یانیم یوخلوغون‌دو؛
قوللاریم بو یوخلوغو،
قوجاقلار، آی قوجاقلار!

دره-تپه عؤموردو،
گاه کدردی، گاه سئوینج.
آزمیشام اؤز ایچیمده،
واللاه، قالمیشام گیرینج!*
سؤیکه‌نیب دیوار-دیوار،
گزیرم او کونج - بو کونج،
بوجاقلار، آی بوجاقلار!

نفَسیمه سد چکن،
بوغازیمدا دویوندو۰
اورک سسی دئییل کی،
سینه‌مده‌کی دؤیونتو.
گئتدین، تاپپیلتیلاری
کؤکسومده ریتمه دؤندو.
آیاقلار، آی آیاقلار!

بیر اؤلوم‌دو وارلیغیم،
خیریلتیسی قهَردن.
سنه گله بیلمیرم،
‌دوشوموشم، ائ، تهردن.
ایندی اؤزوم اؤزومه،
پیچیلداییرام هردن:
یازیقلار، آی یازیقلار!

آغلاماقلا باشلایان،
عؤمور گولمز، من اؤلوم!
بیر آستاجا شیلله‌دن،
باشلامیشدی بو ظولوم.
بو دونیایا گلنده،
قهقهه چکیب گولون!
اوشاقلار، آی اوشاقلار!

#اورخان_باهادیرسوی
* تنگه گلمک، جانا گلمک
#شعر_اوجاغی
@SheirOcagi

▫️من بیلیرم قلبینین هاراسینا آتش آچمیشام.
سن بیر داها یاخشیلاشمایاجاقسان‌.

#افشین_یداللهی
#شعر_اوجاغی
@SheirOcagi

▫️آشیغین دردی

سوراراق اولدوزا، آیا،
آرارکن گؤزلریم سنی،
منیم کیمی بیر سئودایا،
دوشن گؤردوم بیر ده منی.

نه زامان کی اینسان‌اوغلو،
آزار غوربت ائلده یولو،
منیم کیمی- گؤزلر دولو
یاش‌لا، سالاملار وطنی.

منجه دردین ان یامانی:
ایتیرمک درد آنلایانی.
هر یئتَنه سوردوم، هانی؟
گؤستر منه درد بیلَنی!

آه، ائی گؤزل ائلیم، گونوم!
دوشسه سنه بیر ده یؤنوم!
تانریم، اولسون ان سون گونوم،
گؤستر منه «جان» دئیَنی!

آیری دوشدوم من ائلیم‌له،
گئدن بولود! گئتمه، دینله!
آغلا منه اؤز دیلیم‌له،
ائل آشیغی سؤیله‌ینی!

آشیغین بیر ائل دردی وار،
«ائللر» اوخور، «ائللر» یازار.
من دوزه‌رم، زامان پوزار،
گؤز گؤتورمز بو گولشَنی.

#احمد_جاواد
#شعر_اوجاغی
@SheirOcagi

‍ ▫️لی‌لی‌‌یار*

بو کوکلالارین کوکلا اولمادیغی بس‌بللی.
نه سؤیله‌دیلرسه، تام گئرچک؛ بس‌بللی.
ساری ساچلارینی یانا آتیشی یوخ مو «لی‌لی‌»نین،
لی‌لی'نین یاغدان توک چکرجه‌سینه اینانیشی،
لی‌لی'نین یاغدان توک چکرجه‌سینه یاشاییشی یوخ مو؟

کوکلالار تیتره‌مه‌سین نه ائتسین؟!
آدام دانیشماسینی بیلمزسه نه ائتسین؟!
کوکلالارین کوکلا اولمادیغی بس‌بللی.
لی‌لی'نین چکیب گئده‌جه‌یی بس‌بللی.
لی‌لی'نین دؤنوب گله‌جه‌یی بس‌بللی.

چؤرک، ها باققالین اولموش، ها «کاباره دو پاریس»ین،
سن هر هانکی بیر چؤرک، یییه‌جکسن ایشده، لی‌لی!
چؤرک نه قدر آللاهین‌سا، لی‌لی ده او قدر آللاهین‌دیر، لی‌لی!
اوزون، روحون قدر آیدینلیق‌دیر یا، لی‌لی!
کؤنلون سویوق سولار، گؤزل آینالار کیمی‌دیر یا، لی‌لی!
آنلادین یا، قوطونون ایچیندن چیخان مندیل اولاماز «اوسکودار»دان- کئچر ایکن تاپدیغین مندیل.

بیزی بوراخیب هارا گئدیرسن، لی‌لی؟!
دئمک بیزی بوراخیب گئدیرسن، لی‌لی!
سن دائیما گؤزل‌لر گؤزَلینی تاپارسان، لی‌لی!
سن ایسته‌سن ده، داش‌اورک‌لی اولا بیلمزسن.
سن دائیما گؤزل‌لر گؤزلی اولورسان، لی‌لی!

دئمک گئده‌جکسن،
آرخانا دؤنوب باخمایاجاقسان.
هانکی قوش، هانکی شفقده اؤله‌جک، گؤرمه‌یه‌جکسن.
ائله‌سه، آل بو کورکو، بو ویداع کورکونو، لی‌لی!
توکلری شعرلر اولان بو محجوب کورکو!
سن دائیما سولطانلار سولطانی اولورسان، لی‌لی!

دئمک سن گئدیرسن، لی‌لی!
بیزی اؤپمه‌دن می گئده‌جکسن، لی‌لی؟!

لی‌لی'نین گونشین آلتیندا دوروشو یوخ مو،
پرده‌لری سیییریب چیرکین آدامی بورنوندان یاخالاییشی یوخ مو،
الینه چامادانینی آلیشی، یوللارا قویولوشو یوخ مو،
چیرکین آدامین گؤزل آدام اولوشو یوخ مو،
یاخینلاشیب اونو ساچلاریندان یاخالاییشی،
اوزاقلاشیب یوللاردا یول اولوشو یوخ مو،
لی‌لی'نین بیر دووشان کیمی قاچیشی،
کهلیک کیمی دؤنوب باخیشی،
و ایلدیریم کیمی قاچیشی یوخ مو،
آدام دا تام او زامان قاپیدان چیخمازمی دیشاری،
لی‌لی'نین آدامین بوینونا اوشاقجا و چیلغینجا آتیلیشی یوخ مو؟

من دانیشماسینی بیلمیرم، لی‌لی!

#سئزایی_کاراکوچ
* 1953ده آمریکا محصولو اولان، «چارلز والترز» یؤنتمنلیگی‌یله یارانان «Lili» فیلمینین باش کاراکتئری لی‌لی‌'یه خیطاب یازیلیب بو شعر.
#شعر_اوجاغی
@SheirOcagi

▫️بیزیم بالاجا گزه‌گن'ده، اینانجلار طاعون و دئپرمدن داها چوخ بلالارا سبب اولوب.

#فرانسوا_ولتر
#شعر_اوجاغی
@SheirOcagi

▫️بیز اینسانلاردا، بیر-بیریمیزین دوشونجه‌لرینی اوخوماق گوجو اولسایدی، دونیادا آرادان گئدن ایلک شئی سئوگی اولاردی.

#برتراند_راسل
#شعر_اوجاغی
@SheirOcagi

🔹تحکییه ادبی درنه‌یی(448-جی جلسه)
🔹اوخوناجاق اثر: پلنگ اوغول – پو چونگ لینگ
🔹چین نثری
🔹اورمیه-چهارراه آپادانا- مجتمع فرهنگی هنری اورمیه
🔹سه شنبه- 10 بهمن ماه 1402
🔹ساعت:17-19:30
@tahkie
Butajournal.com
#ادبییات #آذربایجان_تورکجه_سی #داستان #مودئرن_نثر #تحکییه #اورمو #پو_پونگ_لینگ #چین_نثری #حئکایه

▫️بیر شیشه شراب‌دیر بیر آج ایستیکان
بیر آللاه، بیر غریب وطن بوردا وار
بیر درین گوناه وار بیر آجی آه وار
نه من بوردا وارام، نه سن بوردا وار

بیر یانیق موسیقی، بیر پارا واراق
شئعیرلر یازیلیر، یولوندا سنین
کؤزریر اوره‌ییم، آلیشیر جانیم
اوره‌یین اوزمزمیش سئوگی سئوه‌نین

من ساغلیق دئییرم؛ من ده ایچیرم!
مزه یوخ دویونجا کدر یئییرم
من دلی اولموشام، نه بیلیم بلکه
آغزیما گله‌نی سنه دئییرم

گؤینه‌ییر قلبیمین دامارلاری دا
یوخ بیری دئسین کی بسین‌دی بسین
بو گئجه دالغینام، بو گئجه خسته
بو گئجه دوشوب‌دور بئینیمه سسین

سس دئمه آللاهین نازلانان چاغی
اوخویان زامانی گولن زامانی
بو سسله بیر قوران اوخویاسان کاش
بیر دلی  شاعیرین اؤله‌ن زامانی

#ميلاد_فطين_حور (دالغین)
@SheirOcagi

‍ ▫️قیش اوزون،
منی ایسیت!
حوزنونو اؤرت اوستومه!
سار، سارمالا صافلیغین‌لا،
بیر باهار تورپاغی کیمی!
قیش اوزون، ایسیت منی!

اوزون، گئجه‌لردن قالان اولدوز چیچک‌لری.
کؤنلونون قویوسونا دوشدوم،
چیخارما نه‌اولور!
«یوسوف»ون قالیم.
ایسسیزلیغیمدا قویما منی،
قوشلارینی اؤرت اوستومه!

دیریلمک ایسته‌ییرم،
بوتون باهارلار کیمی.
گؤزو آیدین اؤلولرین!
چیچه‌یه دوراجاق مزارلار دا.
دوعالارینی اؤرت اوستومه!

#عاریف_آی
#شعر_اوجاغی
@SheirOcagi

▫️گؤزله‌ین

سن قاچان‌ هورکک جئیرانسان داغدا،
من دالینا دوشموش بیر جاناوارام.
ایسترسن دونیانی چاغیر ایمدادا!
سن وارسان دونیادا، بیر ده من وارام.

سنی قورخوداجاق کئچدیگین یوللار،
آرخاندان گله‌جک هپ آیاق سسیم.
ساریب ووجودونو بیلینمَز قوللار،
انسه‌نی یاخاجاق آتش نفسیم.

کیمسه‌سیز اوتاقدا قیش گئجه‌لری،
ایچین‌ اورپَردیگی دم‌لر، منی آن!
دئ کی: اودور سارسان پنجره‌لری،
دئ کی: روزگار دئییل، اودور هایقیران!

کؤکسومدن هاوایا قاتدیغیم زهَر،
سولدوراجاق بیر گول کیمی عؤمرونو.
قاچیب دولاشسان دا سن شهَر-شهَر،
منه قالاجاقسان یئنه سون گونو.

اؤلَرسن، قاپانار یوللار گئرییه،
من مزارلا سیرداش اولوب گؤزله‌رم.
چاتیلماز خیالا ایشارت دئیه،
تورپاغیندا بیر داش اولوب گؤزله‌رم.

#نجیب_فاضیل_قیساکورک
#شعر_اوجاغی
@SheirOcagi

▫️بیر یئر وار، دورمالیسان. بیر یئر ده وار، باش گؤتوروب قاچمالیسان. آما آللاه ائله‌مه‌سین بونلارین یئری دَییشیله! داها عؤمرونون سونونادک اؤزونه بورجلو اولارسان اوندا.

#مسعود_کیمیایی
#شعر_اوجاغی
@SheirOcagi

▫️بیر کلمه‌نی یادیندا ساخلاسان داها پروبلئمین اولمایاجاق:
«فرقلی» کلمه‌سینی یادیندا ساخلا! سن دونیادا هر کس‌دن فرقلی‌سن.

📚 گووَنلی اؤلکه‌دن قاچیش
#ریچارد_باخ
#شعر_اوجاغی
@SheirOcagi

▫️کومسومول پوئماسی15

او هیسلی داخماجیق سؤکولدو او گون،
ضعیف قووّتی‌یله اَییلدی بوتون.
آغاجی بیر یانا، داشی بیر یانا،
آرخاسی اوستونده باخیر اینسانا.
اوچور تپیک‌لرده قارا بوخاری،
آغزینی آچماییر بیر ده یوخاری،
قارالیر داخمانین کالافا‌* یئری،
دسته، شرقیسی‌یله چکیلیر گئری...

اونلاری سئیر ائدیر کناردان »جلال»،
بیرینجی دفعه‌دیر عؤمرونده بو حال:
کی، یولدلشلاریندان گئرییه قالمیش،
ایچینی گؤینه‌دیر بورانلی بیر قیش.
رنگی بوزارمیشدیر، باخیشلاری سرت،
سویوتموشدور اونو ایشده محبّت.
گئجه‌نی اویخوسوز کئچیرمیش بوتون،
جلالین دویغوسو عاغلیندان اوستون.
اونون نظرینده کائینات بوشلوق،
کئچیر خاطیریندن حتّی سرخوشلوق.
لاکین اومیدینی کسمه‌ییر جلال،
بلکه گوله‌جکدیر اونا استقبال.
بلکه باباسیندان کئچه‌جک «هومای:،
او سئویملی هومای، او گؤیچک هومای.
او واخت آچیلاجاق جلالین اوزو،
دوغاجاق روحونا باهار گوندوزو.
یئنه برکییه‌جک وارلیغی ایشده،
هوجومدا، جبهه‌ده، یولدا، یوروشده.
جوشوب قاینایاجاق قلبینین قانی،
قاچاجاق قورخودان داغین دومانی.
یازیق... بو آرزولار دؤنسه ترسینه!
او اؤز حیسلرینه قاریشیب یئنه،
حیاتدان، نشه‌دن کنار قالاجاق،
ساده‌دل اولماغین نصیبینه باخ!

دوشوندوکجه بو درین،
بو سارساق فیکیرلرین،
جلال بیر اسیر ایدیر.
او قلبینی اریدیر،
شامدانداکی موم کیمی.
حیات بیر زققوم کیمی،
زهَرلمیش قانینی،
عشقین ارمغانینی.
دوست الیندن آلمامیش،
یارا قوناق قالمامیش.

#صمد_وورغون
* داغیلمیش یئر، خارابالیق
#شعر_اوجاغی
@SheirOcagi
داوامی وار.

▫️بَی‌له بوستان اکه‌نین، تاغی چییینینده بیتر!

#آتا_آنالار_سؤزو
@SheirOcagi

"سیزجه بو سؤزون آنلامی نه‌دیر؟👇"

▫️هيچ بیر بؤیوک ایستک، بیر اینسانین قلبینی سیندیرماق اوچون بهانه اولا بیلمز.

📚 تیکانلیق قوشلاری
#کالین_مک‌کالو
#شعر_اوجاغی
@SheirOcagi

▫️الویداع

سندن ائله اوشویورم کی،
سویوقلوغونا گئیینه‌جه‌ییم هئچ نه‌ییم یوخدور.
کؤینه‌ییم، پئنجه‌ییم یوخدور.
گؤزومدن اوزاقسان، گؤزوم بوز توتوب.
الیمدن اوزاقسان، الیم بوز توتوب.
سنین عینادینا، سویوقلوغونا،
منی اؤلدورمه‌ین اؤلوم بوز توتوب.
سندن سویوقلامیشام...

سنی ائله سئویرم کی،
اوره‌ییم ائله‌جه بیر هیمه بنددیر،
گؤزلریم «گل!» دئیَنه هین‌جیمه بنددیر.
سنه قوووشماغا سببیم یوخدور.
بهانه گزیرم ایندی، عزیزیم!
آیاغیم قاپینا گلن یولدادیر.
ایتیب راحاتلیغیم نئچه هفته‌دیر.
کیم دئییر کی، اورک سولدادیر؟
سن هاردا دایانسان، سن هاردا دورسان،
منیم ده اوره‌ییم سن طرفده‌دیر.
سنسیز اولمور...

سندن ائله کوسموشم کی،
سن منیم «بیری وار»یم، «بیری یوخ»ومسان.
سن منیم گؤردویوم آغ دونلو شاهزاده یوخومسان.
اؤلورموش شاهزاده‌لر ده...
ائه، بیر ده کی،
وارلیغینا هئچ امین ده دئییلم،
یوخلوغونا نییه اوزولوم کی، آنلامیرام.
الویداع بوز قادینیم!...

#واصیف_ظؤهراب‌اوغلو
#شعر_اوجاغی
@SheirOcagi

▫️کیمدیر بیزیم میناره‌ده
اذانلاری سوسدوران‌لار؟
«دوغرو یولا ساپما!» دئییب
قانلی ایرین قوسدورانلار؟

تکمه‌له‌ییب تورکوستانین
اَییلمه‌ین باشلارینی،
کیملر چالدی بابالارین
اسکی مزار داشلارینی؟

کیمدیر قزئت‌له، کرپیجله،
موزئیلری دولدورانلار؟
اؤزوموزو حئیوان سانیب
یوردوموزا اود وورانلار؟

هانسی قانون اللری‌یله،
هانسی یاسا، هانسی یازی،
سؤیودلرین یئرلرینه
دیکدی سیبیر آکاسیاسی؟¹

هئچ بیر تاریخ گؤسترمزکن،
تورکون خائین اولدوغونو،
کیمدیر چالان تورک ارضینی،
تورک ائلینین وار-یوخونو؟

سنین کیمی کؤلگه‌سیندن قورخانلار،
سنین کیمی دوشوننلر، دویانلار.

اونوت اسکی گونو، اونوت!
باخ، گؤیده‌کی قارا بولود،
مظلوملارین آهی‌دیر!

«دین» سؤیله‌دیک، قورآنلارین
تبدیلینه یئلتندینیز.²
«دیل» سؤیله‌دیک، فیکریمیزه
مزار اولدو قارا دنیز.

زنگین ایدیک، قورد اولدونوز،
یوردوموزا سالدیردینیز.
گؤزل‌لرین کؤکسونده‌کی
آلتونلاری چالدیردینیز.

سونرا بیزی آوروپادا وحشی دئیه یازین، پوزون
بونون دوغرو اولدوغونا ایناندین‌می سنین اؤزون؟

سنین کیمی بیر چوخ میراث یئدیلر،
بیزه داها نه‌لر...نه‌لر ائتدیلر!

اونوت اسکی گونو، اونوت!
باخ، گؤیده‌کی قارا بولود،
مظلوملارین آهی‌دیر!

بو ائللرین تورپاغینا، داشینا
چؤکن، اؤلموش ایگیدلرین یاسی‌دیر.
دومان دئییل، بو داغلارین باشینا
قونان، مظلوملارین آهی، وایی‌دیر.

سؤیله‌یینیز، هانسی یوردون بالاسی،
الینیزدن اؤلوم جامی ایچمه‌دی؟!
گؤسترینیز، هانسی مولکون هاواسی،
سیزین اوچون صافلیفیندان کئچمه‌دی؟!

سنین بالان بئشیگینده گولومسر،
ارَن‌لر یوردوندا آنجاق یئل اسر.
تورکوستاندان باشقا بیر چوخ یئرلر وار،
سیزه لعنت ائدیر، دارغین اوبالار.

اونوت اسکی گونو، اونوت!
باخ، گؤیده‌کی قارا بولود،
مظلوملارین آهی‌دیر!

درده دوشموش اینسان‌اوغلو یولوندا،
ائی حورییّت، درمان سنین الینده!
آسیلماغا محکوم اولان قارداشی،
قورتاراجاق فرمان سنین الینده.

یاد ائللرده اورک وئر حاق قولونا!
گونشلر ساچ زاواللینین یولونا!

#احمد_جاواد
¹- آغاج آدی، اقاقیا (Akasiya)
²- چالیشماق، جان آتماق (Yeltənmək)
#شعر_اوجاغی
@SheirOcagi