▫️نییه گلمه‌دین؟
مئی'دن کؤنول کوسدو، سنه ساریلدی،
«گلدیم» دئییب دوردون، نییه گلمه‌دین؟
آندیم سنی، منه گؤیلر دارالدی،
«بیلدیم» دئییب دوردون، نییه گلمه‌دین؟
آرتیق منیم یاریم دئییل خیالی،
هئچ بیر قاشا بنزتمه‌رم هیلالی.
بیر دلی‌یم سنه مفتون اولالی،
«بیلدیم» دئییب دوردون، نییه گلمه‌دین؟
سیزلامارام هر بیر کیچک یارادان،
منیم غؤنچه‌م سولموش باهار اولمادان.
«بیرلشین!» سؤیله‌دی بیزی یارادان،
«بیلدیم» دئییب دوردون، نییه گلمه‌دین؟
پریشان‌دیر کؤنول، پریشانام من،
گؤزل قیز! گلردین دردیمی بیلسن.
گل، بو یاد ائللرده شنلیگیم اول سن!
«گلدیم» دئییب دوردون، نییه گلمه‌دین؟
قلم صاغر دئمز، ائتمز استغفار،
سنینچون سرخوش‌دور، شعیرلر یازار.
من سنی سئومیشم، بونو کیم پوزار؟!
«بیلدیم» دئییب دوردون، نییه گلمه‌دین؟!
#احمد_جاواد
#شعر_اوجاغی
@SheirOcagi
مئی'دن کؤنول کوسدو، سنه ساریلدی،
«گلدیم» دئییب دوردون، نییه گلمه‌دین؟
آندیم سنی، منه گؤیلر دارالدی،
«بیلدیم» دئییب دوردون، نییه گلمه‌دین؟
آرتیق منیم یاریم دئییل خیالی،
هئچ بیر قاشا بنزتمه‌رم هیلالی.
بیر دلی‌یم سنه مفتون اولالی،
«بیلدیم» دئییب دوردون، نییه گلمه‌دین؟
سیزلامارام هر بیر کیچک یارادان،
منیم غؤنچه‌م سولموش باهار اولمادان.
«بیرلشین!» سؤیله‌دی بیزی یارادان،
«بیلدیم» دئییب دوردون، نییه گلمه‌دین؟
پریشان‌دیر کؤنول، پریشانام من،
گؤزل قیز! گلردین دردیمی بیلسن.
گل، بو یاد ائللرده شنلیگیم اول سن!
«گلدیم» دئییب دوردون، نییه گلمه‌دین؟
قلم صاغر دئمز، ائتمز استغفار،
سنینچون سرخوش‌دور، شعیرلر یازار.
من سنی سئومیشم، بونو کیم پوزار؟!
«بیلدیم» دئییب دوردون، نییه گلمه‌دین؟!
#احمد_جاواد
#شعر_اوجاغی
@SheirOcagi
▫️کیتاب اوخوماغا صرف اولان زامان، زامان ساییلماز.
من بیر صحیفه‌دن باشقا صحیفه‌یه کئچه‌رک، سینیرلاردان کئچیب افسانه‌وی کولبه‌لره گیریرم.
#کریستین_بوبن
#شعر_اوجاغی
@SheirOcagi
من بیر صحیفه‌دن باشقا صحیفه‌یه کئچه‌رک، سینیرلاردان کئچیب افسانه‌وی کولبه‌لره گیریرم.
#کریستین_بوبن
#شعر_اوجاغی
@SheirOcagi
▫️سسسیز اوچوروم
سسسیز اوچورومون اوجوندایام،
گئرییه باخدیغیمدا قانادی یولونموش قوشلاری گؤرورم
دمیرلری پاسلانمیش قفسلرین آچیق قاپیلارینی
چئوریلیرم، باخماق ایسته‌میرم.
یاشیللیغا اینانمادیغیم اوچون، بوزاریر اؤنومده‌کی منظره!
آغرییا سوروکله‌ییر منی قارانلیق دوشونجه‌لر
و اؤلومون سسسیزلییی لال-دینمز دایانیب یانیمدا.
گؤرورم، بیلیرم
بیلیرم، گؤره-گؤره چوخ شئیلری یئنه ده گؤرمورم.
بدنیم پارچا-پارچا، روحومو دلیب کئچن گوللـه‌لر سویومور
و سسسیز اوچورومون اوجوندا
بو سون نفسیم اولسون دئیه چالیشسام دا
ساییسی یادیمدان چیخیبدیر نفسلریمین.
هئچ بیر شئی قالمادی،
هئچ بیر شئی اوستومدن قاطار کیمی کئچمیر آرتیق
قوش اولوب اوچماق دویغولاریمی قارا دیوارلار پوزدولار اوتاغیمدا
دویغولانا بیلمیرم هئچ بیر شئیه...
من بیر شئیه اینانا بیلمیرم، بیر شئیه.
بلکه ده آسیلی قالدیغیم «بیر» سؤزونون اوستونده‌یم
سؤزومون اوستونده‌یم، آسیلی قالمیشام.
آسیلی بیر،
بیر آسیلی بیلیر
بیر سؤزومون اوستونده
«بیر» سؤزونون اوستونده...
دونیانین حبس‌خانا اولدوغونو بیلیرم
بیلیرم، آسیلدیغیمدان سونرا حبس‌خانانین قاپیسینین
ابدی آچیق بوراخیلاجاغینی دا بیلیرم.
بیلیرم دونیا موحاریبه مئیدانی اولسا دا بئله
آیاقلاریمی سئوگی مینالارینین اوستونده بوراخدیغیمدان سونرا
صلح بیان‌نامه‌سی امضالایاجاقلار حؤکمرانلار - دیکتاتورلار، بیلیرم.
سن ائوده اوتوروب قزئته اوخویارکن،
خبریمی ائشیده‌جکسن... موغایات اول... چایین سویوماسین...
هر شئیین سونو قاپ-قارا قارانلیقدا یوخ اولور
یوخ اولور اوّلدن اولمایان «بیر» سؤزو، یوخ اولور.
یوخ اولور،
اولور،
یوخ اولور،
آسیلمیر،
آسیلیر...
بیر سؤزونون اوستونده آسیلی قالیرام
بیر سؤزونون...
سؤزونون بیر-بیر
بیر سؤزونون آسیلیرام اوستونده
اوستونده‌یم بیر سؤزونون
سؤزومون اوستونده دایانیب آسیلیرام.
اومودلاریم بالیق اولماق آرزوسوندایکن
سیزین حَیَطینیزین ماوی حوووضوندا غرق اولدولار.
ایندی پاسلی قفسلرین آچیق بوراخیلمیش قاپیلاری،
مینالارین خنثی اولماقلاری
و سنین سطیر-سطیر قزئته اوخوماغین،
دامداکی پیشیکلرین بالیقلارا شورگؤزلوک ائتمه‌یینی گؤرمه‌مه‌یین
گؤیلرین ابدی‌لییینه دالیب آغلاماغین
فوتوقرافچی‌لارین ایشینه یارایار ساده‌جه، بیلیرم.
گله‌جه‌یین اولمادیغی سون نقطه‌ده
گئرییه باخا بیلمه‌دیییم سسسیز اوچورومون اوجوندا
بو سون نفسیم اولسون دئیه چالیشسام دا
سون سیقارئتیمی آلیشدیریرام...
یانیرام...
بونو سن گؤرمه‌یه‌جکسن...
#علی_چاغلا
@SheirOcagi
سسسیز اوچورومون اوجوندایام،
گئرییه باخدیغیمدا قانادی یولونموش قوشلاری گؤرورم
دمیرلری پاسلانمیش قفسلرین آچیق قاپیلارینی
چئوریلیرم، باخماق ایسته‌میرم.
یاشیللیغا اینانمادیغیم اوچون، بوزاریر اؤنومده‌کی منظره!
آغرییا سوروکله‌ییر منی قارانلیق دوشونجه‌لر
و اؤلومون سسسیزلییی لال-دینمز دایانیب یانیمدا.
گؤرورم، بیلیرم
بیلیرم، گؤره-گؤره چوخ شئیلری یئنه ده گؤرمورم.
بدنیم پارچا-پارچا، روحومو دلیب کئچن گوللـه‌لر سویومور
و سسسیز اوچورومون اوجوندا
بو سون نفسیم اولسون دئیه چالیشسام دا
ساییسی یادیمدان چیخیبدیر نفسلریمین.
هئچ بیر شئی قالمادی،
هئچ بیر شئی اوستومدن قاطار کیمی کئچمیر آرتیق
قوش اولوب اوچماق دویغولاریمی قارا دیوارلار پوزدولار اوتاغیمدا
دویغولانا بیلمیرم هئچ بیر شئیه...
من بیر شئیه اینانا بیلمیرم، بیر شئیه.
بلکه ده آسیلی قالدیغیم «بیر» سؤزونون اوستونده‌یم
سؤزومون اوستونده‌یم، آسیلی قالمیشام.
آسیلی بیر،
بیر آسیلی بیلیر
بیر سؤزومون اوستونده
«بیر» سؤزونون اوستونده...
دونیانین حبس‌خانا اولدوغونو بیلیرم
بیلیرم، آسیلدیغیمدان سونرا حبس‌خانانین قاپیسینین
ابدی آچیق بوراخیلاجاغینی دا بیلیرم.
بیلیرم دونیا موحاریبه مئیدانی اولسا دا بئله
آیاقلاریمی سئوگی مینالارینین اوستونده بوراخدیغیمدان سونرا
صلح بیان‌نامه‌سی امضالایاجاقلار حؤکمرانلار - دیکتاتورلار، بیلیرم.
سن ائوده اوتوروب قزئته اوخویارکن،
خبریمی ائشیده‌جکسن... موغایات اول... چایین سویوماسین...
هر شئیین سونو قاپ-قارا قارانلیقدا یوخ اولور
یوخ اولور اوّلدن اولمایان «بیر» سؤزو، یوخ اولور.
یوخ اولور،
اولور،
یوخ اولور،
آسیلمیر،
آسیلیر...
بیر سؤزونون اوستونده آسیلی قالیرام
بیر سؤزونون...
سؤزونون بیر-بیر
بیر سؤزونون آسیلیرام اوستونده
اوستونده‌یم بیر سؤزونون
سؤزومون اوستونده دایانیب آسیلیرام.
اومودلاریم بالیق اولماق آرزوسوندایکن
سیزین حَیَطینیزین ماوی حوووضوندا غرق اولدولار.
ایندی پاسلی قفسلرین آچیق بوراخیلمیش قاپیلاری،
مینالارین خنثی اولماقلاری
و سنین سطیر-سطیر قزئته اوخوماغین،
دامداکی پیشیکلرین بالیقلارا شورگؤزلوک ائتمه‌یینی گؤرمه‌مه‌یین
گؤیلرین ابدی‌لییینه دالیب آغلاماغین
فوتوقرافچی‌لارین ایشینه یارایار ساده‌جه، بیلیرم.
گله‌جه‌یین اولمادیغی سون نقطه‌ده
گئرییه باخا بیلمه‌دیییم سسسیز اوچورومون اوجوندا
بو سون نفسیم اولسون دئیه چالیشسام دا
سون سیقارئتیمی آلیشدیریرام...
یانیرام...
بونو سن گؤرمه‌یه‌جکسن...
#علی_چاغلا
@SheirOcagi
▫️بیزیم وطنده چوخو دوغرو-دوغرو آغلادیلار،
اورکده توز-توزاناق سالدی دویغو، آغلادیلار.
جنازه‌دیر دوز ایچینده یاتیب قورو یئرده،
ایگیدلر هئی دئدیلر «اورمو-اورمو»، آغلادیلار.
عطش‌دی کی بورویوب توپراغین درین یاراسین،
بالیقلار اووف، ائله سسلندیلر «سو!»، آغلادیلار.
دومان، سن آغلا، آمان‌دیر! گؤزون آلیم قاداسین.
بیز آغلادیق، بیزه باخدیقجا قونشو آغلادیلار.
هجر، نبی، دلی دومرول، کَرم، آتام بابک،
و چنلی‌بئلده نیگارلا کوراوغلو آغلادیلار.
بو گؤزلریم هله آینا اؤنونده سورمه چکیر،
گلیب سس «اورمو یانیر»، گؤز له گوزگو آغلادیلار.
بالیقلارین جسدین دوزلاییب دنیز گئتدی،
گلیبدی شهره او گون جانلی قورخو، آغلادیلار.
بولودلارین یاخاسین توتموشام بوراخماییرام،
«گوناه کیمینکی‌دی؟» سوردوقجا سورغو، آغلادیلار.
وطن‌دی، جان‌دی، آزربایجانیم‌دی اورمو منیم،
وطن‌دن اؤترو چوخو دوغرو-دوغرو آغلادیلار.
#ميلاد_فطين_حور (دالغين)
@SheirOcagi
اورکده توز-توزاناق سالدی دویغو، آغلادیلار.
جنازه‌دیر دوز ایچینده یاتیب قورو یئرده،
ایگیدلر هئی دئدیلر «اورمو-اورمو»، آغلادیلار.
عطش‌دی کی بورویوب توپراغین درین یاراسین،
بالیقلار اووف، ائله سسلندیلر «سو!»، آغلادیلار.
دومان، سن آغلا، آمان‌دیر! گؤزون آلیم قاداسین.
بیز آغلادیق، بیزه باخدیقجا قونشو آغلادیلار.
هجر، نبی، دلی دومرول، کَرم، آتام بابک،
و چنلی‌بئلده نیگارلا کوراوغلو آغلادیلار.
بو گؤزلریم هله آینا اؤنونده سورمه چکیر،
گلیب سس «اورمو یانیر»، گؤز له گوزگو آغلادیلار.
بالیقلارین جسدین دوزلاییب دنیز گئتدی،
گلیبدی شهره او گون جانلی قورخو، آغلادیلار.
بولودلارین یاخاسین توتموشام بوراخماییرام،
«گوناه کیمینکی‌دی؟» سوردوقجا سورغو، آغلادیلار.
وطن‌دی، جان‌دی، آزربایجانیم‌دی اورمو منیم،
وطن‌دن اؤترو چوخو دوغرو-دوغرو آغلادیلار.
#ميلاد_فطين_حور (دالغين)
@SheirOcagi
▫️هئچ واخت بو اینسانلار اوچون اؤزونو دَییشدیرمه!
چونکی بونلار هر گون سنی باشقا بیر شکیلده، -دونیانین تک گئرچه‌یی ساندیقلاری اؤز یانلیش دوشونجه‌لری شکلینده- ایسته‌ییرلر.
#هرتا_مولر
#شعر_اوجاغی
@SheirOcagi
چونکی بونلار هر گون سنی باشقا بیر شکیلده، -دونیانین تک گئرچه‌یی ساندیقلاری اؤز یانلیش دوشونجه‌لری شکلینده- ایسته‌ییرلر.
#هرتا_مولر
#شعر_اوجاغی
@SheirOcagi
▫️من دویغوسال بیر اینسان دئییلم. آنا-بابامین ائوینی ترک ائدنده آغلامادیم، پیشیگیم اؤلنده آغلامادیم، ناسادا ایش تاپاندا آغلامادیم، آی کوره‌سینه آیاق باساندا بئله، آغلامادیم.
آما آیدان یئره باخدیغیمدا بوغازیمی قهَر توتدو. او فاصله‌دن هئچ بیر رنگ، سوی و میلّیّت یوخ ایدی؛ بیز ایدیک و یومرو، ماوی بیر ائو.
اؤز-اؤزومه دئدیم: اینسانلار نییه ساواشیرلار؟!
باش بارماغیمی یئر کوره‌سینه طرف توتدوم؛ یئر کوره‌سی او عظمتی‌یله باش بارماغیمین آرخاسیندا گیزلندی و من بوتون ووجودوملا آغلادیم.
#نیل_آرمسترانگ
#شعر_اوجاغی
@SheirOcagi
آما آیدان یئره باخدیغیمدا بوغازیمی قهَر توتدو. او فاصله‌دن هئچ بیر رنگ، سوی و میلّیّت یوخ ایدی؛ بیز ایدیک و یومرو، ماوی بیر ائو.
اؤز-اؤزومه دئدیم: اینسانلار نییه ساواشیرلار؟!
باش بارماغیمی یئر کوره‌سینه طرف توتدوم؛ یئر کوره‌سی او عظمتی‌یله باش بارماغیمین آرخاسیندا گیزلندی و من بوتون ووجودوملا آغلادیم.
#نیل_آرمسترانگ
#شعر_اوجاغی
@SheirOcagi
▫️منیم بئش‌ایللیگیم
هر کس اؤز ایشینی سونا یئتیردی،
کیمسه بو دونیادا آرزو قویمادی.
کیمی یئر آلتیندان خبر گتیردی،
کیمی اوچدو گؤیه، یئنه دویمادی.
ائللر مورادینی آلدی زاماندان،
بیزه کؤنول سؤزو قالدی زاماندان.
گؤزل‌دیر بیر اوجا امل بسله‌ییب،
بو امل اوغروندا قان تره باتماق.
گؤزل‌دیر گونشی، آیی سسله‌ییب،
اونلاری دا بیزیم دسته‌یه قاتماق.
دؤوران‌لا ال-اله وئرمک یاخشی‌دیر،
هر باغدان بیر چیچک درمک یاخشی‌دیر.
گؤرمَکچون اؤزونو هر کس ایلَرده،
بیر مقصد اوغروندا گؤستریر هونر.
چارپیشیب هاوادا، دنیزده، یئرده،
هر دؤیونن اورک بیر امل بسلر.
حئییف! عؤمور قیسا، آرزو گئنیش‌دیر،
کیم بو قایغی ایله تیتره‌مه‌میش‌دیر؟!
بو وفاسیز عؤمور، بو جوشقون دره،
گرک بوش-بوشونا آخیب کئچمه‌سین!
بو گؤزل جهانی سانیب پنجره،
هر گلن ساده‌جه باخیب کئچمه‌سین!
گلین، آرزوموزا چاتالیم، دوستلار!
داغلاری داغلارا قاتالیم، دوستلار!
آیریلیب آرزومون کشمکشیندن،
گیزلنمه کؤنلومده سن ده، ائی ایلهام!
گاه باتان، گاه چیخان قیش گونشیندن،
درس آلیب دایانما گئنده، ائی ایلهام!
نییه من ایسته‌ین اولماسین، نییه؟
منیم بئش‌ایللیگیم دولماسین، نییه؟
#میکائیل_موشفیق
#شعر_اوجاغی
@SheirOcagi
هر کس اؤز ایشینی سونا یئتیردی،
کیمسه بو دونیادا آرزو قویمادی.
کیمی یئر آلتیندان خبر گتیردی،
کیمی اوچدو گؤیه، یئنه دویمادی.
ائللر مورادینی آلدی زاماندان،
بیزه کؤنول سؤزو قالدی زاماندان.
گؤزل‌دیر بیر اوجا امل بسله‌ییب،
بو امل اوغروندا قان تره باتماق.
گؤزل‌دیر گونشی، آیی سسله‌ییب،
اونلاری دا بیزیم دسته‌یه قاتماق.
دؤوران‌لا ال-اله وئرمک یاخشی‌دیر،
هر باغدان بیر چیچک درمک یاخشی‌دیر.
گؤرمَکچون اؤزونو هر کس ایلَرده،
بیر مقصد اوغروندا گؤستریر هونر.
چارپیشیب هاوادا، دنیزده، یئرده،
هر دؤیونن اورک بیر امل بسلر.
حئییف! عؤمور قیسا، آرزو گئنیش‌دیر،
کیم بو قایغی ایله تیتره‌مه‌میش‌دیر؟!
بو وفاسیز عؤمور، بو جوشقون دره،
گرک بوش-بوشونا آخیب کئچمه‌سین!
بو گؤزل جهانی سانیب پنجره،
هر گلن ساده‌جه باخیب کئچمه‌سین!
گلین، آرزوموزا چاتالیم، دوستلار!
داغلاری داغلارا قاتالیم، دوستلار!
آیریلیب آرزومون کشمکشیندن،
گیزلنمه کؤنلومده سن ده، ائی ایلهام!
گاه باتان، گاه چیخان قیش گونشیندن،
درس آلیب دایانما گئنده، ائی ایلهام!
نییه من ایسته‌ین اولماسین، نییه؟
منیم بئش‌ایللیگیم دولماسین، نییه؟
#میکائیل_موشفیق
#شعر_اوجاغی
@SheirOcagi
▫️کومسومول پوئماسی 1
قیش گئجه‌سی
آیازلی، شاختالی بیر قیش آخشامی،
یئددی یولداش اولوب یولا دوزَلدیک،
قارلارلا اؤرتولو بیر دوزه گلدیک.
آیازلی، شاختالی او قیش آخشامی،
او «آی» دئدیگیمیز گؤیلرین شامی،
او قارلی دوزلره باخیب یانیردی،
یولجولار گئتدیکجه یول اوزانیردی...
«بختیار» قاباقدا قوش کیمی سکیر،
«موراد» بیر طرفده پاپیروس چکیر.
«جلال» دا زیل سسله دئییر بایاتی،
توتوب قیشقیریغی بوتون ائلاتی.
گئجه‌نین قوینوندا بیر زومزومه وار...
ان آرخادان گلن خسته شاهسووار،
تؤوشویه-تؤوشویه دوروب باغیریر،
«بیر دایانین!» دئییب بیزی چاغیریر.
قووّه‌سی قالمامیش آرتیق یئرییه،
تله‌سیک فیرلانیب دؤندوک گئرییه.
آلدیق اورتالیغا شاهسوواری بیز،
ضعیف قوللاریندان توتوب ایکیمیز،
«اَیه، یورولموسان، گل اوتور!» دئدیک.
آنجاق او یئنه ده دایانمیش دیم‌دیک،
سانکی بیر تاختا.
ایشله‌میش قانینا بو قودوز شاختا.
قالین دوداقلاری گؤم‌گؤی کسیلیر،
جانیندان ایستیلیک اوچوب اسکیلیر.
طاقتی یوخدور کی، بیر سؤز سؤیله‌سین،
طبیبسیز، داواسیز خسته نئیله‌سین؟
بولودلار اوینادی، گئجه قارالدی،
گئجه‌نین گیزلی بیر حسرتی واردی.
گزدی قارانلیغی بارماقلاریمیز،
ساده بییانلاردان¹ دؤشوروب² دردیک.
قارلارین اوستونده تونقال قالاییب
خسته‌نی تونقالین یانینا سردیک.
جانینا کئچدیکجه اودون ایستیسی،
قوللاری ترپه‌نیر، قیمیلدانیردی.
بو ساده تونقالین یاشیل توستوسو،
گئجه‌نین قوینوندا دومانلانیردی.
اوزاقدان بیریسی، روزگار قانادلی،
گلیر باش گؤتوروب ایشیغا دوغرو.
دئدیک کیم اولمالی بو واختسیز آتلی؟
او بلکه قولدوردو، بلکه ده اوغرو.
«هر حالدا احتیاط گرک‌دیر» دئیه،
«بختیار» توفنگی دولدوروب قالخدی،
زیلله‌ییب گؤزونو بیر آز دا باخدی.
او، ایلک گوللـه‌سینی بوشالتدی گؤیه،
«هر حالدا احتیاط گرک‌دیر» دئیه.
- «آی آللاه بنده‌سی، نه اولدو سانا؟
بیر کیم اولدوغونو خبر آلسانا!»
داغیلدی آتلینین بو قیشقیریغی،
او جان قورخوسونون جان هیچقیریغی.
بیزسه چاخناشاراق، دئدیک: بیر دایان!
بلکه بیزیمکی‌دیر او گلن اینسان.
قوی باعیث اولمایاق اونون قانینا!
«بختیار» توفنگی سالدی یانینا.
آتلی چاپاراق، یولدان ساپاراق،
گون‌باتان طرفه چاپدی آتینی،
اوفوقلر گیزلَتدی او قارالتینی.
#صمد_وورغون
¹- شیرین بیان
²- توپلاماق
#شعر_اوجاغی
@SheirOcagi
داوامی وار.
قیش گئجه‌سی
آیازلی، شاختالی بیر قیش آخشامی،
یئددی یولداش اولوب یولا دوزَلدیک،
قارلارلا اؤرتولو بیر دوزه گلدیک.
آیازلی، شاختالی او قیش آخشامی،
او «آی» دئدیگیمیز گؤیلرین شامی،
او قارلی دوزلره باخیب یانیردی،
یولجولار گئتدیکجه یول اوزانیردی...
«بختیار» قاباقدا قوش کیمی سکیر،
«موراد» بیر طرفده پاپیروس چکیر.
«جلال» دا زیل سسله دئییر بایاتی،
توتوب قیشقیریغی بوتون ائلاتی.
گئجه‌نین قوینوندا بیر زومزومه وار...
ان آرخادان گلن خسته شاهسووار،
تؤوشویه-تؤوشویه دوروب باغیریر،
«بیر دایانین!» دئییب بیزی چاغیریر.
قووّه‌سی قالمامیش آرتیق یئرییه،
تله‌سیک فیرلانیب دؤندوک گئرییه.
آلدیق اورتالیغا شاهسوواری بیز،
ضعیف قوللاریندان توتوب ایکیمیز،
«اَیه، یورولموسان، گل اوتور!» دئدیک.
آنجاق او یئنه ده دایانمیش دیم‌دیک،
سانکی بیر تاختا.
ایشله‌میش قانینا بو قودوز شاختا.
قالین دوداقلاری گؤم‌گؤی کسیلیر،
جانیندان ایستیلیک اوچوب اسکیلیر.
طاقتی یوخدور کی، بیر سؤز سؤیله‌سین،
طبیبسیز، داواسیز خسته نئیله‌سین؟
بولودلار اوینادی، گئجه قارالدی،
گئجه‌نین گیزلی بیر حسرتی واردی.
گزدی قارانلیغی بارماقلاریمیز،
ساده بییانلاردان¹ دؤشوروب² دردیک.
قارلارین اوستونده تونقال قالاییب
خسته‌نی تونقالین یانینا سردیک.
جانینا کئچدیکجه اودون ایستیسی،
قوللاری ترپه‌نیر، قیمیلدانیردی.
بو ساده تونقالین یاشیل توستوسو،
گئجه‌نین قوینوندا دومانلانیردی.
اوزاقدان بیریسی، روزگار قانادلی،
گلیر باش گؤتوروب ایشیغا دوغرو.
دئدیک کیم اولمالی بو واختسیز آتلی؟
او بلکه قولدوردو، بلکه ده اوغرو.
«هر حالدا احتیاط گرک‌دیر» دئیه،
«بختیار» توفنگی دولدوروب قالخدی،
زیلله‌ییب گؤزونو بیر آز دا باخدی.
او، ایلک گوللـه‌سینی بوشالتدی گؤیه،
«هر حالدا احتیاط گرک‌دیر» دئیه.
- «آی آللاه بنده‌سی، نه اولدو سانا؟
بیر کیم اولدوغونو خبر آلسانا!»
داغیلدی آتلینین بو قیشقیریغی،
او جان قورخوسونون جان هیچقیریغی.
بیزسه چاخناشاراق، دئدیک: بیر دایان!
بلکه بیزیمکی‌دیر او گلن اینسان.
قوی باعیث اولمایاق اونون قانینا!
«بختیار» توفنگی سالدی یانینا.
آتلی چاپاراق، یولدان ساپاراق،
گون‌باتان طرفه چاپدی آتینی،
اوفوقلر گیزلَتدی او قارالتینی.
#صمد_وورغون
¹- شیرین بیان
²- توپلاماق
#شعر_اوجاغی
@SheirOcagi
داوامی وار.
▫️واجیب اولان، سئودیگین آدامین سنینله اولماسی دئییل، سئوگینین سنینله اولماسی‌دیر.
📚 ازیلمیش فوتوشکیل‌لر
#واریث_یولچویئو
#شعر_اوجاغی
@SheirOcagi
📚 ازیلمیش فوتوشکیل‌لر
#واریث_یولچویئو
#شعر_اوجاغی
@SheirOcagi
▫️کیتابلار منه بیر یونگوللوک گتیریردی، اونلاری اوخودوقجا منده اوزاقلارا گئتمک هوسی یارانیردی.
📚 کیملیگی بللی اولمایان قادینلار
#پاتریک_مودیانو
#شعر_اوجاغی
@SheirOcagi
📚 کیملیگی بللی اولمایان قادینلار
#پاتریک_مودیانو
#شعر_اوجاغی
@SheirOcagi
▫️بیلمم نئجه ذلّت یئر آلیب ملّت ایچینده،
ملّت نئجه بس یاتدی بئله ذلّت ایچینده.
بیر عدّه جهنّم تؤرَدیر لعنته گلمیش،
بیر عدّه ایسه جان چۆرودور لعنت ایچینده.
باخ گؤر نئجه حئیوانلیق ائدیر ییرتیجی انسان!
حئیوان باخیر انسانا، قالیر حئیرت ایچینده.
بیر عدّه یئتیم مالینا بۆکموش اؤزون اؤیله،
ات یاغدا ایتیبدیر، یاغ ایتیبدیر ات ایچینده.
بیر عدّه اؤپوب غئیرتی بیر یانا قوْیوبدور،
بیر عدّه شیشیر گۆنده یالان غئیرت ایچینده.
دۆزدور کی، اسارتده یوْخ هئچ انسانا راحت،
امّا قان اوْلور، یوْخ چؤرک حۆرّیّت ایچینده.
شاعر سیغا بیلمیر بو جهاندا، نئجه سیغسین؟
بیر باشقا جهانداندی، قالیب غۆربت ایچینده.
شاعر، سسینی کس، باشینی گؤزله، دانیشما!
دالدان دلی بیر اوْغرو گلیر حؤرمت ایچینده.
#یاسر_فاتحی
@abcmedrese
@SheirOcagi
ملّت نئجه بس یاتدی بئله ذلّت ایچینده.
بیر عدّه جهنّم تؤرَدیر لعنته گلمیش،
بیر عدّه ایسه جان چۆرودور لعنت ایچینده.
باخ گؤر نئجه حئیوانلیق ائدیر ییرتیجی انسان!
حئیوان باخیر انسانا، قالیر حئیرت ایچینده.
بیر عدّه یئتیم مالینا بۆکموش اؤزون اؤیله،
ات یاغدا ایتیبدیر، یاغ ایتیبدیر ات ایچینده.
بیر عدّه اؤپوب غئیرتی بیر یانا قوْیوبدور،
بیر عدّه شیشیر گۆنده یالان غئیرت ایچینده.
دۆزدور کی، اسارتده یوْخ هئچ انسانا راحت،
امّا قان اوْلور، یوْخ چؤرک حۆرّیّت ایچینده.
شاعر سیغا بیلمیر بو جهاندا، نئجه سیغسین؟
بیر باشقا جهانداندی، قالیب غۆربت ایچینده.
شاعر، سسینی کس، باشینی گؤزله، دانیشما!
دالدان دلی بیر اوْغرو گلیر حؤرمت ایچینده.
#یاسر_فاتحی
@abcmedrese
@SheirOcagi
|شعر اوجاغی|
▫️کومسومول پوئماسی 1 قیش گئجه‌سی آیازلی، شاختالی بیر قیش آخشامی، یئددی یولداش اولوب یولا دوزَلدیک، قارلارلا اؤرتولو بیر دوزه گلدیک. آیازلی، شاختالی او قیش آخشامی، او «آی» دئدیگیمیز گؤیلرین شامی، او قارلی دوزلره باخیب یانیردی، یولجولار گئتدیکجه یول اوزانیردی...…
▫️کومسومول پوئماسی 2
آتیشما
آچیلدی بیر زامان صاباحین گؤزو،
گؤروندو داغلاردا گونشین اوزو.
قیشین سحَرینده بو قارلار دوزو،
گونشدن قیزینیب خومارلانیردی،
قوشلار قانادیندان تومارلانیردی.
بیر قدر اؤزونه گلدی خسته‌میز،
دوزَلدی منزیله یئنه دسته‌میز.
اتک‌له‌ییب یولو، چاتدیق بیر باشا،
شر قاریشان زامان¹ گلدیک «دیک‌داش»ا
بیر داغ کی داشلاری دمیردی، تونج‌دور،
دلیک-دئشیک‌لری خئیلی قورخونج‌دور.
باخاندا اینسانین باغری یاریلیر،
یانیندان هر یانا یوللار آیریلیر.
بیر داغ کی، هر زامان حاقسیزی حاقلار،
قاچاغی، قولدورو گیزله‌ییب ساخلار.
توپ-توفنگ سسینین کسیلمز آردی،
اولوب «قان‌چاناغی» بو داغین آدی.
ائللرین یاغیسی اولموش ازلدن،
آلیب قارغیشینی مین بیر گؤزلدن.
داشلاری ساپ‌ساری، چیچک بیتیرمز،
او قدر عارسیز کی، بیر شئی ایتیرمز.
داغین اته‌ییندن آیریلیر بیر قول
«پئیکانلی کندی»نه آپاریر بو یول.
ائنیشدن، یوخوشدان کئچیب دوزَلدیک،
همن سؤیله‌دیگیم بو یولا گلدیک.
دئمک کی، آز قالیر کنده چاتماغا،
اوشاقلار جان آتیر بیر آز یاتماغا.
بختیار: - تئز اولون!
جلال: - نه وار کی؟
- داغلارین قوجاغی او قدر دار کی،
ایتر بو یئرلرده بیر اوردو بئله.
-ائه، ائله سن دینیب دانیشیب قارا تؤکورسن.
-جلال، «بو غئیرتله، بو هونرله سن،
کئچرسن بیر زامان لاپ ناپئلیون'و»
دئییب مسخره‌یه قویارکن اونو،
گؤروندو قارشیدا بیر توپ قارالتی،
بیر چوخو پیادا، بیر چوخلو آتلی.
- کیمسینیز؟
- یولجویوق.
- ترپنمه‌یینیز!
یاراقدان، یاساقدان وارسا نه‌یینیز،
آتین یول اوستونه!
- «باجارمازسینیز!
چونکی میلیونلاردان یوز قات آزسینیز.»
دئیه‌رک، بختیار بیر نیشان آلدی،
گوللـه‌سی داغلارا گورولتو سالدی.
او دوشمن دسته‌نین باشچیسی «گَرای»،
توفنگی اوزونه توتدوغو زامان،
جلال قارانلیغا سیخدی ناقان'ی،²
تؤکولدو یهَره «گَرای»ین قانی.
یاتاراق بیر تهر آتین یالینا،
سَییردیب دولاندی داغین دالینا.
او گوندن بیر قولو توپال یاشادی،
«توپال گرای» دئیه چاغریلدی آدی.
سونرا آتیشمانین اوزاندی آردی،
قاباقدا اوچ نفر نیشانچی واردی.
«نیاز بَی» تله‌سیک قالخیب آتینا،
سوخولماق ایسترکن یولون آلتینا،
قاباغی کسمیشدی یولداش شاهسووار،
قیشقیردی: -«قاچماغین نه معناسی وار؟!»
آل، یاغی، بیر گوللـه!
اولمادی فقط.
- آل، بو ایکینجیسی!
توتمادی... دهشت...
- آل، بو اوچونجوسو!
ییخیلدی «نیاز»...
کئچمه‌دن بیر آز،
بیر ده قالخاراق،
ایکی، اوچ داراق،³
شاهسووار طرفه پاترون⁴ بوشالتدی،
قووّه‌دن دوشه‌رک گؤزلری باتدی...
او یاندا بختیار، یانیندا جلال:
- «اولسون اینقلابا قانیمیز حلال!»
دئییب وئرمیشدیلر ائله باش-باشا،
اونلاری مئیداندا قویوب «میرپاشا»،
قاچیب سوخولموشدو قارانلیقلارا.
بختیار توفنگ‌له وئرمه‌دن آرا:
«یا من اؤلمه‌لی‌یم، یا سیز!» دئییردی.
جلال غورورلانیب نشه یئییردی.
بئله‌جه، جبهه‌لر آتیشدی خئیلی.
اؤلوم سنگرینده یاشاماق مئیلی،
اونلارین قلبینی هئی دیندیریردی،
بعضاً بختیاری دیکسیندیریردی.
مطلبی قورتاراق، گلدی بیر زامان،
گئجه‌نین آهنگی دَییشدی همان.
اوزاقدان گؤروندو بیر بؤلوک آتلی،
آتلاری قوشلاردان ایتی قانادلی.
هاوادا پارلادی قیزیل بیر نیشان،
«گرای»ین دسته‌سی اولوب پریشان:
«آرخادان گلن وار» دئیه قاچدیلار،
آتلی‌لار گلینجه داغدان آشدیلار.
#صمد_وورغون
¹- هاوانین قارالان واختی
²- تاپانچا نؤوعو
³- فیشنگ قاتاری
⁴- فیشنگ
#شعر_اوجاغی
@SheirOcagi
داوامی وار.
آتیشما
آچیلدی بیر زامان صاباحین گؤزو،
گؤروندو داغلاردا گونشین اوزو.
قیشین سحَرینده بو قارلار دوزو،
گونشدن قیزینیب خومارلانیردی،
قوشلار قانادیندان تومارلانیردی.
بیر قدر اؤزونه گلدی خسته‌میز،
دوزَلدی منزیله یئنه دسته‌میز.
اتک‌له‌ییب یولو، چاتدیق بیر باشا،
شر قاریشان زامان¹ گلدیک «دیک‌داش»ا
بیر داغ کی داشلاری دمیردی، تونج‌دور،
دلیک-دئشیک‌لری خئیلی قورخونج‌دور.
باخاندا اینسانین باغری یاریلیر،
یانیندان هر یانا یوللار آیریلیر.
بیر داغ کی، هر زامان حاقسیزی حاقلار،
قاچاغی، قولدورو گیزله‌ییب ساخلار.
توپ-توفنگ سسینین کسیلمز آردی،
اولوب «قان‌چاناغی» بو داغین آدی.
ائللرین یاغیسی اولموش ازلدن،
آلیب قارغیشینی مین بیر گؤزلدن.
داشلاری ساپ‌ساری، چیچک بیتیرمز،
او قدر عارسیز کی، بیر شئی ایتیرمز.
داغین اته‌ییندن آیریلیر بیر قول
«پئیکانلی کندی»نه آپاریر بو یول.
ائنیشدن، یوخوشدان کئچیب دوزَلدیک،
همن سؤیله‌دیگیم بو یولا گلدیک.
دئمک کی، آز قالیر کنده چاتماغا،
اوشاقلار جان آتیر بیر آز یاتماغا.
بختیار: - تئز اولون!
جلال: - نه وار کی؟
- داغلارین قوجاغی او قدر دار کی،
ایتر بو یئرلرده بیر اوردو بئله.
-ائه، ائله سن دینیب دانیشیب قارا تؤکورسن.
-جلال، «بو غئیرتله، بو هونرله سن،
کئچرسن بیر زامان لاپ ناپئلیون'و»
دئییب مسخره‌یه قویارکن اونو،
گؤروندو قارشیدا بیر توپ قارالتی،
بیر چوخو پیادا، بیر چوخلو آتلی.
- کیمسینیز؟
- یولجویوق.
- ترپنمه‌یینیز!
یاراقدان، یاساقدان وارسا نه‌یینیز،
آتین یول اوستونه!
- «باجارمازسینیز!
چونکی میلیونلاردان یوز قات آزسینیز.»
دئیه‌رک، بختیار بیر نیشان آلدی،
گوللـه‌سی داغلارا گورولتو سالدی.
او دوشمن دسته‌نین باشچیسی «گَرای»،
توفنگی اوزونه توتدوغو زامان،
جلال قارانلیغا سیخدی ناقان'ی،²
تؤکولدو یهَره «گَرای»ین قانی.
یاتاراق بیر تهر آتین یالینا،
سَییردیب دولاندی داغین دالینا.
او گوندن بیر قولو توپال یاشادی،
«توپال گرای» دئیه چاغریلدی آدی.
سونرا آتیشمانین اوزاندی آردی،
قاباقدا اوچ نفر نیشانچی واردی.
«نیاز بَی» تله‌سیک قالخیب آتینا،
سوخولماق ایسترکن یولون آلتینا،
قاباغی کسمیشدی یولداش شاهسووار،
قیشقیردی: -«قاچماغین نه معناسی وار؟!»
آل، یاغی، بیر گوللـه!
اولمادی فقط.
- آل، بو ایکینجیسی!
توتمادی... دهشت...
- آل، بو اوچونجوسو!
ییخیلدی «نیاز»...
کئچمه‌دن بیر آز،
بیر ده قالخاراق،
ایکی، اوچ داراق،³
شاهسووار طرفه پاترون⁴ بوشالتدی،
قووّه‌دن دوشه‌رک گؤزلری باتدی...
او یاندا بختیار، یانیندا جلال:
- «اولسون اینقلابا قانیمیز حلال!»
دئییب وئرمیشدیلر ائله باش-باشا،
اونلاری مئیداندا قویوب «میرپاشا»،
قاچیب سوخولموشدو قارانلیقلارا.
بختیار توفنگ‌له وئرمه‌دن آرا:
«یا من اؤلمه‌لی‌یم، یا سیز!» دئییردی.
جلال غورورلانیب نشه یئییردی.
بئله‌جه، جبهه‌لر آتیشدی خئیلی.
اؤلوم سنگرینده یاشاماق مئیلی،
اونلارین قلبینی هئی دیندیریردی،
بعضاً بختیاری دیکسیندیریردی.
مطلبی قورتاراق، گلدی بیر زامان،
گئجه‌نین آهنگی دَییشدی همان.
اوزاقدان گؤروندو بیر بؤلوک آتلی،
آتلاری قوشلاردان ایتی قانادلی.
هاوادا پارلادی قیزیل بیر نیشان،
«گرای»ین دسته‌سی اولوب پریشان:
«آرخادان گلن وار» دئیه قاچدیلار،
آتلی‌لار گلینجه داغدان آشدیلار.
#صمد_وورغون
¹- هاوانین قارالان واختی
²- تاپانچا نؤوعو
³- فیشنگ قاتاری
⁴- فیشنگ
#شعر_اوجاغی
@SheirOcagi
داوامی وار.
▫️ وار اولماماغی اؤیرندیم، گؤزلرینی یوماندا هئچ کیمین اونو گؤرمه‌دیگینی ظنّ ائدن بالاجا اوشاق کیمی.
📚 لئیلا
#آلکساندرا_کاوئلیوس
#شعر_اوجاغی
@SheirOcagi
📚 لئیلا
#آلکساندرا_کاوئلیوس
#شعر_اوجاغی
@SheirOcagi
▫️دوزدور، منطیق همیشه گوجلو اولور، آنجاق یاشاماق ایسته‌ین آدامین قارشیسیندا او دا دایانا بیلمز.
📚 محکمه
#فرانتس_کافکا
#شعر_اوجاغی
@SheirOcagi
📚 محکمه
#فرانتس_کافکا
#شعر_اوجاغی
@SheirOcagi
▫️بو یولدا آرخایین ایدیم، جان آتماسایدیم دا.
دیلیم دولوردو سسه، قان یالاتماسایدیم دا.
ها گؤزله‌دیم داریخام گلمه‌یه، آچیق گؤردوم
درین‌له‌شیب یارامیز، آغری قاتماسایدیم دا.
دیدرگین ایسته‌یه سئوگی دادیزدیران آزدیر،
سئویب، سئویلمه‌یه قووخا یاراتماسایدیم دا.
هله بیر آز کئچینردیم جانی سولو، یالنیز
قازاندیغیم دلی‌خای عؤمرو ساتماسایدیم دا.
شیرین خیال‌لا گومان کؤنلونو آلاردیم تئز،
ایلان ووران کیمی بیر داملا یاتماسایدیم دا.
اونو تاپاردی گؤزللیک‌لرین دوغان گونشی،
بورا یئتن یولو هر گون اویاتماسایدیم دا
قالارغی دویغوم اولاردی یاشیللیغا باغلی،
تیکان‌لی آنلاری بیر-بیر اونوتماسایدیم دا.
سؤزومده دیل هوَسی بویلاناردی داغلاردان،
قانادلی رؤیالاریمدا یاشاتماسایدیم دا.
#یعقوب_نیکزاد
@SheirOcagi
دیلیم دولوردو سسه، قان یالاتماسایدیم دا.
ها گؤزله‌دیم داریخام گلمه‌یه، آچیق گؤردوم
درین‌له‌شیب یارامیز، آغری قاتماسایدیم دا.
دیدرگین ایسته‌یه سئوگی دادیزدیران آزدیر،
سئویب، سئویلمه‌یه قووخا یاراتماسایدیم دا.
هله بیر آز کئچینردیم جانی سولو، یالنیز
قازاندیغیم دلی‌خای عؤمرو ساتماسایدیم دا.
شیرین خیال‌لا گومان کؤنلونو آلاردیم تئز،
ایلان ووران کیمی بیر داملا یاتماسایدیم دا.
اونو تاپاردی گؤزللیک‌لرین دوغان گونشی،
بورا یئتن یولو هر گون اویاتماسایدیم دا
قالارغی دویغوم اولاردی یاشیللیغا باغلی،
تیکان‌لی آنلاری بیر-بیر اونوتماسایدیم دا.
سؤزومده دیل هوَسی بویلاناردی داغلاردان،
قانادلی رؤیالاریمدا یاشاتماسایدیم دا.
#یعقوب_نیکزاد
@SheirOcagi
▫️شمعِ حسنون چئوره‌سینده جان و دل پروانه‌دیر،
یانمایان اوْل شمعه قارشی، بی‌خبر، پروا نه‌دیر؟!
قاشلارین محراب و اوزون مسجدِ بیت‌الحرام،
گؤزلرین میخانه و لعلِ لبین پیمانه‌دیر.
ای مسلمانان، منی عیب ائتمه‌‌یین «عاشق» دئییب!
کیم، منی والِه قیلان اوْل نرگسِ مستانه‌دیر.
دلبرین وصلیندن آیری بو دلِ مجروحِ من،
فکر و اندوه و فراق و درد ایله همخانه‌دیر.
ای «ختایی!» اهلِ توحیدین قاتیندا بیلمیش اوْل:
واعظین بیهوده گفتاری هامی افسانه‌دیر.
#شاه‌اسماعیل_ختایی
@SheirOcagi
یانمایان اوْل شمعه قارشی، بی‌خبر، پروا نه‌دیر؟!
قاشلارین محراب و اوزون مسجدِ بیت‌الحرام،
گؤزلرین میخانه و لعلِ لبین پیمانه‌دیر.
ای مسلمانان، منی عیب ائتمه‌‌یین «عاشق» دئییب!
کیم، منی والِه قیلان اوْل نرگسِ مستانه‌دیر.
دلبرین وصلیندن آیری بو دلِ مجروحِ من،
فکر و اندوه و فراق و درد ایله همخانه‌دیر.
ای «ختایی!» اهلِ توحیدین قاتیندا بیلمیش اوْل:
واعظین بیهوده گفتاری هامی افسانه‌دیر.
#شاه‌اسماعیل_ختایی
@SheirOcagi
▫️سیزینله اویوملو اولمایان اینسانلارلا صبیرلی اولماغی اؤیرنمه‌دیکجه، نه سئوینجلی اولاجاقسینیز، نه ده باجاریقلی.
#ناپلئون_هیل
#شعر_اوجاغی
@SheirOcagi
#ناپلئون_هیل
#شعر_اوجاغی
@SheirOcagi
▫️ایراق
چوخدان آیری دوشدوک بیز یار ائلیندن،
عجب او یئرلرده «بیز دئین» وارمی؟
بیز آنماقدان، سؤیله‌مکدن یورولدوق،
بیر دوشونن بیزی، سؤیله‌ین وارمی؟
بیزده قلم‌لرین دوشونجه‌سینده،
یازیلان سؤزلرین ان اینجه‌سینده،
غریب میناره‌نین یانیق سسینده،
یالنیز «او» وار... بیلمم دینله‌ین وارمی؟
هر کس دئییر، منیم کؤنلوم نه دولغون،
بیلن یوخمو «کیم»ه مفتون اولدوغوم؟
#احمد_جاواد
#شعر_اوجاغی
@SheirOcagi
چوخدان آیری دوشدوک بیز یار ائلیندن،
عجب او یئرلرده «بیز دئین» وارمی؟
بیز آنماقدان، سؤیله‌مکدن یورولدوق،
بیر دوشونن بیزی، سؤیله‌ین وارمی؟
بیزده قلم‌لرین دوشونجه‌سینده،
یازیلان سؤزلرین ان اینجه‌سینده،
غریب میناره‌نین یانیق سسینده،
یالنیز «او» وار... بیلمم دینله‌ین وارمی؟
هر کس دئییر، منیم کؤنلوم نه دولغون،
بیلن یوخمو «کیم»ه مفتون اولدوغوم؟
#احمد_جاواد
#شعر_اوجاغی
@SheirOcagi
اؤیکوجوک
▫️دانیشیق
- حیات سویودو.
+ هاوا سویودومو دئدین؟
- یوخ! سویویان حیات.
+ یارالارین سیزلاییرمی؟
- یارالاریم، هه!
+ دؤزولور کیمی دئییل، ائله‌دیرمی؟
- هه، ائله‌دیر.
+ یازیق اینسان!
- بونون اینسانلیقلا نه ایلگیسی وار؟
+ اوندا نه‌یله ایلگیسی وار؟
- یارالاریملا. یالنیزجا او توختاماق بیلمه‌ین، گؤوده‌می گَمیرن یارالاریملا.
#فرید_ائدگو
کؤچورن: سؤز کانالی
@a_z_soz
@SheirOcagi
▫️دانیشیق
- حیات سویودو.
+ هاوا سویودومو دئدین؟
- یوخ! سویویان حیات.
+ یارالارین سیزلاییرمی؟
- یارالاریم، هه!
+ دؤزولور کیمی دئییل، ائله‌دیرمی؟
- هه، ائله‌دیر.
+ یازیق اینسان!
- بونون اینسانلیقلا نه ایلگیسی وار؟
+ اوندا نه‌یله ایلگیسی وار؟
- یارالاریملا. یالنیزجا او توختاماق بیلمه‌ین، گؤوده‌می گَمیرن یارالاریملا.
#فرید_ائدگو
کؤچورن: سؤز کانالی
@a_z_soz
@SheirOcagi
|شعر اوجاغی|
▫️کومسومول پوئماسی 2 آتیشما آچیلدی بیر زامان صاباحین گؤزو، گؤروندو داغلاردا گونشین اوزو. قیشین سحَرینده بو قارلار دوزو، گونشدن قیزینیب خومارلانیردی، قوشلار قانادیندان تومارلانیردی. بیر قدر اؤزونه گلدی خسته‌میز، دوزَلدی منزیله یئنه دسته‌میز. اتک‌له‌ییب…
▫️کومسومول پوئماسی 3
او، بیزدن آیریلارکن
شاهسووار گئجه‌نین قوینوندا ساکین،
قلبینده انتقام، گؤزلرینده کین،
سون دفعه توپلاییب یازیق اؤزونو،
آستاجا سؤیله‌دی بو سون سؤزونو:
- «گؤزلری یولدادیر آنامین، شکسیز؛
واختسیر اؤلمه‌ییمی خبر وئرین سیز!
دئیین کی آرخامجا آغلاماسینلار،
یاس توتوب قارالار باغلاماسینلار.
بیر ده کی، «گول‌جامال»... آه! اونو بیلسن،
بوتون وارلیغیملا سئومَکده‌یم من.
نه اولور سون دفعه گؤرسه‌یدیم اونو!
یاخشی گتیرمه‌دی عؤمرومون سونو.
من هله جبهه‌لر، توپلار آلمامیش،
اونلارین یوردونا توفان سالمامیش،
اؤلورم... دونیادا نه قایدادیر بو؟!
قاباقدا دوشمنین ساغ‌دیر اوردوسو.
سیزسه، توفنگ‌لری دولدوروب گئدین،
جبهه‌دن چکیلیب دؤنمه‌یین گئری!
هایدی، دایانمایین، تئز دوروب گئدین،
دوشمن‌لر آلماسین اؤلدویوم یئری!
جبهه‌دن چکیلیب دؤنمه‌یین گئری!»
دئییب ویداعلاشدی او عؤمرو یاری،
بیر داها باخمادی گونشه ساری...
#صمد_وورغون
#شعر_اوجاغی
@SheirOcagi
داوامی وار.
او، بیزدن آیریلارکن
شاهسووار گئجه‌نین قوینوندا ساکین،
قلبینده انتقام، گؤزلرینده کین،
سون دفعه توپلاییب یازیق اؤزونو،
آستاجا سؤیله‌دی بو سون سؤزونو:
- «گؤزلری یولدادیر آنامین، شکسیز؛
واختسیر اؤلمه‌ییمی خبر وئرین سیز!
دئیین کی آرخامجا آغلاماسینلار،
یاس توتوب قارالار باغلاماسینلار.
بیر ده کی، «گول‌جامال»... آه! اونو بیلسن،
بوتون وارلیغیملا سئومَکده‌یم من.
نه اولور سون دفعه گؤرسه‌یدیم اونو!
یاخشی گتیرمه‌دی عؤمرومون سونو.
من هله جبهه‌لر، توپلار آلمامیش،
اونلارین یوردونا توفان سالمامیش،
اؤلورم... دونیادا نه قایدادیر بو؟!
قاباقدا دوشمنین ساغ‌دیر اوردوسو.
سیزسه، توفنگ‌لری دولدوروب گئدین،
جبهه‌دن چکیلیب دؤنمه‌یین گئری!
هایدی، دایانمایین، تئز دوروب گئدین،
دوشمن‌لر آلماسین اؤلدویوم یئری!
جبهه‌دن چکیلیب دؤنمه‌یین گئری!»
دئییب ویداعلاشدی او عؤمرو یاری،
بیر داها باخمادی گونشه ساری...
#صمد_وورغون
#شعر_اوجاغی
@SheirOcagi
داوامی وار.