▫️باخ! دوم‌دوز دئییل. بوداق قیسالی، اوزونلو بیر چوخ یان بوداقلارا آیریلیب. یاشام دا بئله‌دیر.
آنانین یاشامینین بو قیسا بوداق قدر سوردویونو دوشون!
یاشامین قیساسی، اوزونو اولمازمیش. نئجه یاشادیغین اؤنملی‌دیر. ائله دئییل‌می؟

📚 چیلک‌لی دوندورما
#سئویم_آک
#شعر_اوجاغی
@SheirOcagi

▫️یوخلوغونو بیله-بیله

یاناغیمدا گؤز یاشلاریم،
دوزولوبدور گیله-گیله.
گؤزله‌ییرم سن سیله‌سن،
یوخلوغونو بیله-بیله.

اوره‌ییمی ائیله‌ییب شام،
ظولمت‌لرده دایانمیشام.
گؤزله‌یه‌جم سحر-آخشام،
یوخلوغونو بیله‌-بیله.

سنسیز دونیام گئییب قارا،
قلبیم اولوب پارا-پارا.
بویلاناجام بو یوللارا،
یوخلوغونو بیله-بیله.

سولوب غؤنچه‌م، سولوب گولوم،
ویران قالیب سئون کؤنلوم،
آختاراجام سنی، گولوم!
یوخلوغونو بیله-بیله.

خیاللارا دؤنه‌جه‌یم،
سنله دئییب-گوله‌جه‌یم،
گؤروشونه گله‌جه‌یم،
یوخلوغونو بیله-بیله.

#زیور_آغایئوا
#شعر_اوجاغی
@SheirOcagi

▫️آنام منی سسله‌ینده، همن جاواب وئرمک ایسته‌مزدیم؛ بیر آز داها الده اولماماق ایستردیم، اونون منی سسله‌مه‌سینین، ایسته‌‌مه‌سینین لذّتینی بیر آز داها دادماق ایستردیم.

#ادوارد_سعید
#شعر_اوجاغی
@SheirOcagi

▫️«درد»سیز «اینسان»لار، کلمه‌نین یوکسک آنلامیندا، هئچ واخت اینسان دئییلدیلر و اولمایاجاقلار.
بو اینسان‌یارادان سوزگَجدن قورخما!

#نادر_ابراهیمی
#شعر_اوجاغی
@SheirOcagi

▫️آنا

«آنا» دئدیم، اوره‌ییمه یانار اودلار ساچیلدی،
«آنا» دئدیم، بیر اورپَریش حاصیل اولدو جانیمدا.
«آنا» دئدیم، قارشیمدا بیر گؤزل صحنه آچیلدی،
«آنا» دئدیم؛ فقط اونو گؤرمز اولدوم یانیمدا.

آنا، آنا... بو کلمه‌نین وورغونویام ازلدن،
اونو گؤزل آنلاداماز دوشوندویوم سطیرلر.
آنا اولماز بیزه هر بیر «بالام»‌ دئین گؤزَلدن،
چونکی اونون خیلقتینده آیریجا بیر فوسون وار.

باشقا عالم یاشامادیم بؤیله گؤزل بیچیمده،
اونو کیم‌سه گؤزل‌لیگین جیلوه‌سینده یاراتمیش.
آنا، آنا... چیچَکلی بیر فیدان‌دیر کی، ایچیمده-
تا ازلدن کؤک سالاراق، اوره‌ییمده بوی آتمیش.

او فیدانی بعضی زامان ایسته‌ییرم چکه‌رک،
قوپاراییم اوره‌ییمدن؛ فقط اوندا وارلیغیم-
سیزیلدارکن، سانکی بیر سس قوپوب اینجه و تیترک-
بیر لیسان‌لا سؤیله‌ییر کی: «منه دَیمه، یازیغام!
چونکی سنی من بسله‌دیم، من بؤیوتدوم، اوخشادیم.
سؤیله‌دیگین سؤزلر کی وار، بئشیگینین اوستونده-
اوخودوغوم تورکولرین کؤلگه‌سی‌دیر، اؤولادیم!
منه مخصوص ورقلر وار هر کیتابدا، هر دینده»

نه دوغرو سؤز! یازیقلار کی گؤرمه‌میشم اونو من!
دئییرلر کی «موشفیق! خسته بیر طیفیلدین، آنانی-
بابان کیمی سویوق اللر قوجاغینا چکرکن،
یالنیز آجی فغانلارین تیتره‌دیردی هر یانی.»

ایندی منه هر کس «آنان، بابان وارمی؟» سؤیله‌سه،
دئییرم کی قاپیلمادان بیر خولیایا، بیر حیسّه:
«اولان اولموش، کئچن کئچمیش، ایندی منی یاشادان،
بیر موقدّس، بیر صمیمی عمَلیم وار؛ تاپدیغیم-
ایناندیغیم بیر قبله وار، او دا هر گون، هر زامان،
یورولمایان قوللاریم‌لا، دوشونه‌رک یاپدیغیم.
بیر عالم‌دیر، بیر عالم کی سمالاری قیپ‌قیزیل
یوکسک‌لری، آلچاقلاری، فضالاری قیپ‌قیزیل.

#میکاییل_موشفیق
#شعر_اوجاغی
@SheirOcagi

▫️سن کیمسن ائی قاتیل، هانسی میلّتسن؟!
ویجدان پنجه‌سی‌یله جانین دیدیلسین!
سن نئجه اؤلدوردون بوتون میلّتی؟!
نئجه سردین یئره بؤیوک شؤوکتی؟!

#احمد_جاواد
#شعر_اوجاغی
@SheirOcagi

▫️قولای‌دیرمی بیر آندا هر شئیدن واز کئچیب گئتمک؟
یوخسا هر شئیه رغماً گئتمکدن واز کئچیب سئومک‌می گرک؟

#اؤزدمیر_آصاف
#شعر_اوجاغی
@SheirOcagi

▫️بعضاً حیسلریمیز بیزی ایداره ائتمه‌یه باشلاییر. بو، هر کسین باشینا ان آز بیر دفعه گلیر. هردن سئوگی، هردن ده نیفرت ایپلریمیزی الینه آلیر.

📚 گؤی قورشاغینین بیتدیگی یئر
#مسعوده_جاببار
#شعر_اوجاغی
@SheirOcagi

▫️تانریم! داها بو عؤمره-
گونه اعتبار یوخدو.
سونّو، شیعه سون نؤمره،
دینه اعتبار یوخدو.

سنسیز هر یان تورمه‌*دی،
یاتدیم، هئچ کس گؤرمه‌دی.
سونبول-سونبول سورمه‌دی،
دنه اعتبار یوخدو.

آغلادیبلار، گولموشم،
گوله-گوله اؤلموشم.
بیر ده گؤردون گلمیشم،
منه اعتبار یوخدو.

#رامیز_قوسارچایلی
* زیندان (Türmə)
#شعر_اوجاغی
@SheirOcagi

▫️بو گئجه
شعرلر یازا بیله‌رم
همیشه‌کیندن داها غملی.
سئوَردیم اونو،
او دا هردن
سئوردی منی.

#پابلو_نئرودا
#شعر_اوجاغی
@SheirOcagi

▫️بیر آخماق اوچون دوشونمک، گوجسوز بیر قول اوچون آغیر بیر یوکو قالدیرماق قدر، چتین‌دیر. هر ایکیسی اونون شرّیندن تئز قورتارماق ایستر.

#آرتور_شوپنهاور
#شعر_اوجاغی
@SheirOcagi

▫️عشق دئییلن شئی مگر نه شیدّتلی بیر روح قاسیرغاسی‌یمیش!

📚 قویروقلو اولدوز آلتیندا بیر ازدواج
#حسین_رحمی_گورپینار
#شعر_اوجاغی
@SheirOcagi

‍ ▫️کئچیرتدیم قلبیمی...

کئچیرتدیم قلبیمی یوز-یوز گؤزَلین،
حئیران باخیشینین اودو ایچیندن.
من اونو کئچیرتدیم نئچه‌لرینین،
سؤزو، گؤزل‌لیگی، آدی ایچیندن.

من اونو وئرمه‌دیم، وئره بیلمزدیم،
چونکی سنین اوچون ساخلامالی‌یدیم.
او قیش باخیشینین، چووغون سؤزونون،
اودلاری ایچینده یوخلامالی‌یدیم.

ساخلامالی‌یدیم کی من اونو سونرا،
وئرم گؤزلرینین جفالارینا.
ساخلامالی‌یدیم کی راحات اولمایا،
چیرپینا، آلیشا، اودلانا، یانا.

ساخلامالی‌یدیم کی،‌ گئجه‌به‌گوندوز،
سن اونا درد وئریب عذاب وئره‌سن.
حسرت عالمینین دولایلاریندا،
یول گؤستره‌سن.

من اونو‌ ساخلادیم، «سنین‌دیر» دئدیم،
سئویب ساخلامادین آمّا اونو سن.
بیر گون موکافاتسیز، سسسیز، سمیرسیز،
گئتدی گؤزلرینین مملکتیندن.

#علی_کریم
#شعر_اوجاغی
@SheirOcagi

▫️عشق مئنو'سو

سن صاباحلار و شفقلر قدر گؤزلسن،
سن اؤلکه‌مین یای گئجه‌لری کیمیسن.
سعادتدن خبر گتیرن آتلی قاپینی چالدیغیندا،
منی اونوتما!
آه، گیزلی گولوم!
سن هم چتین، هم گؤزلسن.
شعرلریمین ایلیق‌لیغیندا آچیلمالیسان!
سنه بورادا وئریرم حیاتا آیریلان بوسه‌نی.
سن مملکتیم قدر گؤزلسن،
و گؤزل قال!

#ناظیم_حیکمت
#شعر_اوجاغی
@SheirOcagi

دیالوق

▫️قورخولوق: - منیم بئینیم یوخدور، باشیمین ایچی کولش‌له دولودور.
دوروتی: - بئینین یوخدورسا، نه تهر دانیشیرسان؟
قورخولوق: - بیلمیرم... آما بئینی اولمادان چوخلو دانیشان آداملار دا وار.

  🎬 The Wizard of Oz انیمیشن
1982 ژاپن
#فومیهیکو_تاکایاما
#شعر_اوجاغی
@SheirOcagi

▫️فالچی آغزینا باخان، کؤلگه‌سیندن قورخار!

#آتا_آنالار_سؤزو
@SheirOcagi

"سیز ده بیر اونودولموش آتا-آنا سؤزونو آرتیرین👇"

▫️دئرسیز، منه وار دلرُبالار،
لیلی کیمی چوخ پری‌لقا‌لار.

بالله، دئمه‌نیز بو حرفی! زنهار!
عالمده بیر اوندان اؤزگه کیم وار؟

بولبول گول اوچون قیلاندا ناله،
دردینه دوا اولورمو لاله؟

خسرو دئییلم کی، منه دلبر-
شیرین اولا گاه، گاه شکّر.

من یک‌جهتم طریقتیمده،
تغییر ایشی یوخ جبلّتیمده.*

📚 لیلی و مجنون
#حکیم_ملامحمد_فضولی
* یارادیلیش، فطرت
#شعر_اوجاغی
@SheirOcagi

▫️بیر پارچام سنین یانیندادیر،
بیر پارچام اؤز یانیمدا.
پارچالاریم بیر-بیرینه داریخیر،
گل، نه اولار!

#محمود_درویش
#شعر_اوجاغی
@SheirOcagi

▫️تعصّوب نه‌دیر؟
تعصّوب گئری قالمیش توپلوملاردا ان یایغین ذهن خسته‌لیگی‌دیر؛ درمانی دا چوخ چتین‌دیر، چونکی کیمسه اؤزونو تعصّوبلو بیلمیر.

#رودیار_کیپلینگ
#شعر_اوجاغی
@SheirOcagi

▫️شرابسيز اولا بيلمز خومار اوچون چاره،
نه ده فلک‌زده بير زخم‌كار اوچون چاره.

گئدنده سن، نئجه قالسين قرار كؤنلومده؟
قرارسيزلارا يوخدور قرار اوچون چاره.

اگر مقصّری زنجيره چكسه‌لر، يئری وار،
نه‌دير او زولفه اويان بير شكار اوچون چاره؟!

مسيحدن سوروشارديم گؤرنده: سؤيله نه‌دير،
پری‌لر عاشقی بير ناله‌كار اوچون چاره؟

جنون الی ياخامين تيكمه‌ميش جيريقلارينی،
نه‌دير بو قارشی گلن نوبهار اوچون چاره؟

دورولماسام، منه آئينه‌تک دوزون سؤيله،
نه‌دير بو قلبيمه چؤكموش غبار اوچون چاره؟

وئرَرسه جانينی «خاقانی»، يادا سالماز يار،
نه‌دير، الهی، او بی‌اعتبار اوچون چاره؟!

#خاقانی_شیروانی
#شعر_اوجاغی
@SheirOcagi

▫️بو ایت نه‌دن هورور گؤرن؟
بالالاری یان دوشوب‌مو؟
قوردلارین یاتان واختیندا،
جانینا ویغان دوشوب‌مو؟

سومسونن ایته اولاییر،
کئف‌لنن آت'ا اولاییر،
گاه یاتا-یاتا اولاییر،
بئیینینه قان دوشوب‌مو؟

اولاییر بلکه اوچماغا،
اوتانیرمی ال آچماغا؟
باش گؤتوروب او قاچماغا
هئیدن‌می، حالدان دوشوب‌مو؟

جانیندا اوشوتمه نه‌دیر،
بئله سیزلادیر، اینله‌دیر؟
باشینی ایتیریب گئدیر،
یولونا دومان دوشوب‌مو؟

#عبدالله_یالچین
#شعر_اوجاغی
@SheirOcagi