دیالوق

▫️- عشق حاقّیندا نه دوشونورسن؟
+ اونا حدّیندن چوخ دیَر وئریبلر، بیولوژی باخیمیندان شوکولات یئمک‌ کیمی بیر شئی‌دیر.

🎬 The Devil's Advocate
1997 آمریکا
#تیلور_هاکفورد
#شعر_اوجاغی
@SheirOcagi

▫️بیر گون

هیجرانلار، الم‌لر، توفانلار ایچره،
قیسیق بیر سس کیمی، ائله‌جه‌یم من.
بؤیله گؤز یاشی‌یلا کئچن عؤمرومون،
سونوندا بیر آجی گوله‌جه‌یم من.

عشقیمین نه ایمیش بیلمم گوناهی،
ییخیلدی قلبیمین استنادگاهی.
نصیبیم اولسا دا دونیانین آهی،
بیر گون گؤز یاشیمی سیله‌جه‌یم من.

یاخیندا دیدارین نصیب اولماسا،
اومیدسیزلیک منی دوشورمز یاسا،
آلاراق الیمه دمیردن عصا،
بیر گون حوضورونا گله‌جه‌یم من.

توتولدوم توفانا، ساریلدیم سنه،
سن ائی قیریق قلم، گل بیر طوغیانا!
دؤزمک گوج اولارسا بئله هیجرانا،
سنینله دردیمی بؤله‌جه‌یم من.

#احمد_جاواد
#شعر_اوجاغی
@SheirOcagi

▫️اؤکوز اولسان بئله، اویغون یئرده اولسان، سنه تاپینان آداملار اولاجاق.

#برتراند_راسل
#شعر_اوجاغی
@SheirOcagi

🔹تحکییه ادبی درنه‌یی(437-جی جلسه)
🔹حئکایه: گیله‌نار چیچک‌لری و فلئیتا – اوسامو دازای
🔹ژاپون نثری
🔹اورمیه-چهارراه آپادانا- مجتمع فرهنگی هنری اورمیه
🔹سه شنبه- 23 آبانماه 1402
🔹ساعت:17-19:30
@tahkie
Butajournal.com
#ادبییات #آذربایجان_تورکجه_سی #داستان #مودئرن_نثر #تحکییه #اورمو #اوسامو_دازای #ژاپون_نثری #حئکایه

▫️آی آتام!

من اوندا قایغیسیز، اوندا شن ایدیم
گؤله قارغی‌چالان، یئر ائشن ایدیم.
اؤزوم اؤز کؤلگه‌م‌له گوله‌شن ایدیم،
بول ایدی یانلیشیم، خاطام، آی آتام!

قانماز اوشاق ایدیم، قانی قاینایان،
سحردن-آخشاما گولن، اوینایان،
کدر تانیمایان، آجی دویمایان،
ایندی درد اؤنونده ماتام، آی آتام!

هر گلن یئنی گون، غمی گتیریر،
دولدورور بیر یئکه گمی، گتیریر،
قالمیر بیر کسیری، کمی؛ گتیریر،
گتیرمیر ناخیشیم، بوتام، آی آتام!

ائرکن یارپاق تؤکوب سولماغا نه وار؟
یاش اولوب گؤزومه دولماغا نه وار؟
قانمازین آتاسی اولماغا نه وار؟
گل ایندی آتام اول، آتام، آی آتام!

#آیدین_آرسلان
#شعر_اوجاغی
@SheirOcagi

▫️گؤزونوزو آچماسانیز، مئدیالار سیزه بیر ایش گؤره‌جک، مظلومدان نیفرت ائدیب ظالیمی سئوه‌‌جکسینیز.

#مالکوم_ایکس
#شعر_اوجاغی
@SheirOcagi

دیالوق

▫️- سن آللاها اینانیرسان؟
+ هه، اینانیرام، آما او چوخدان‌دیر بورداکی اولایلارا گؤز یوموب.

🎬 Hostiles
2017 آمریکا
#اسکات_کوپر
#شعر_اوجاغی
@SheirOcagi

▫️بیر کیشی هر گون شهرین میئیدانینا گئدیب‌ بؤرکونو هاوادا شیدّتله توولاییرمیش،
بیر گون پولیس بو ایشین ندنینی اوندان سوروشور.
کیشی: «زورافه‌لری قووورام»
پولیس: «من بوردا زورافه گؤرمورم»
کیشی: «دئمک کی، من ایشیمی دوز گؤرورم» دئییر.

📚 دوغرو دوشونمه‌ صنعتی
#رولف_دوبلی
#شعر_اوجاغی
@SheirOcagi

▫️سنی سئویرم.
سندن
عشقین جانلی‌لیغینی گارانتی‌له‌مک‌ ایسته‌میرم.
سندن،
بوددیست‌لر کیمی اود ایچینده اؤلمه‌‌م اوچون،
منه یاردیم ائتمه‌نی ایسته‌ییرم.

#نزار_قبانی
#شعر_اوجاغی
@SheirOcagi

روباعی

مَه دوردو مقابل سنه، بولدوقدا کمال،
گؤردو کی، اؤزونده سن‌جه یوخ حُسن و جمال.
بیر غایته یئتدی، اینجه‌لیب غمدن کیم،
ضعفِ بدن ایله، بدر ایکن، اولدو هلال.

#حکیم_ملامحمد_فضولی
#شعر_اوجاغی
@SheirOcagi

▫️سن منی بیرجه آن گؤزله‌مه‌سن ده،
سنی عؤمروم بویو گؤزله‌یه‌جه‌یم.
سن منی بیرجه یول سسله‌مه‌سن ده،
سنی عؤمروم بویو سسله‌یه‌جه‌یم.

مین دفعه گولسن ده، دئمه‌رم، ساغ اول
سن ائی حیاتیما، عؤمرومه قنیم!
قونماسا، گولمه‌رم، گولمه‌رم بیر یول،
دوداقدان-دوداغا گولوشوم منیم!

دئمیشدین «اؤلوم ده آییرماز بیزی»،
سنه کیم دئمیشدی، دئ، بو جومله‌نی؟!
دئمیشدین «سن قورو صاف عشقیمیزی!»
آلدادیب آلدادیب اویناتدین منی.
سنه کیم‌ دئمیشدی، دئ، بو جومله‌نی؟!

محبّت گلنده اینسان عؤمرونه،
سانیرسان هر یئره ایلک باهار گلیب.
محبّت گئدنده... لعنت او گونه،
سانیرسان دونیایا بوران، قار گلیب.

سانکی وارلیغیمی سالیرلار بنده،
سئون کؤنوللرده غم اؤتوشنده.
آلیشیب یانیرام سمندر کیمی،
محبّت یانیلیب اودا دوشنده.

منه نه لازیم‌دیر گونده بیر گؤزل؟!
اونلاری دیشیمه چوخ وورموشام من.
دوست-تانیش چوخ دئدی «بیر سن ده دوزَل!»
بو یولدا اؤزومو چوخ یورموشام من.
اونلاری دیشیمه‌ چوخ وورموشام من.

نه چوخدور دونیادا قدیر بیلمه‌ین!
هر لئیلی اوزلوده صداقت اولماز.
نه چوخدور «محبّت نه‌دیر» بیلمه‌ین!
هر شیرین گؤزلوده محبّت اولماز.
هر لئیلی اوزلوده صداقت اولماز.

سندن دؤولتلیسی گلنده اونا،
بیر سو قیمتینه ساتاجاق سنی.
سندن شؤهرتلیسی گولنده اونا،
ال‌اوستو بیر یانا آتاجاق سنی.

دئییرلر گؤزل‌لیک گلدی-گئدردیر،
گؤزل‌لیک اودور کی -یوخسا، هدردیر-
باشینی بو یولدا قویانی اولسون،
گؤزل‌لیک اودور کی، دویانی اولسون.

سئودا یوللاریندا آغلامایان کس،
دونیانین ذؤوقونو دویا بیلرمی؟!
سئودا یوللاریندا چاغلامایان کس،
داغلاری، داشلاری اویا بیلرمی؟!
دونیانین ذؤوقونو دویا بیلرمی؟!

کؤنول بیر بوداق‌دیر جاوان یاشیندا،
گونده چیچک آچان گوله بنزه‌ییر.
یاریمین سئوداسی گزیر باشیمدا،
مین سسلی، صدالی تئله بنزه‌ییر،
گونده چیچک آچان گوله بنزه‌ییر.

هیجران ایسته‌ینه ووصال نه لازیم؟
غم-کدر چکنه گون نه‌گرک‌دیر؟
حقیقت سئوه‌نه خیال نه لازیم؟
ناله قوپارانا اون نه‌ گرک‌دیر؟
غم-کدر چکنه گون نه‌ گرک‌دیر؟

دونیایا یاس توتدوم اوره‌ییمده من،
آخان گؤز یاشیمی سیلن اولمادی.
جاهانی گولدوردوم دیله‌ییمده من،
اؤزومون دردیمی بیلن اولمادی،
آخان گؤز یاشیمی سیلن اولمادی.

#احمد_جاواد
#شعر_اوجاغی
@SheirOcagi

▫️من سنین قلبیندن، سنین قلبینین منه وئره بیله‌جه‌ییندن آرتیق، نه ایسته‌یه بیله‌رم کی؟!

📚 آلچالدیلمیش و تحقیر ائدیلمیش اینسانلار
#فئودور_داستایئوسکی
#شعر_اوجاغی
@SheirOcagi

▫️سنین کیمی یاشایان، نفس آلان بیر قادینین دئییل، بیر داشین قلبینی اریتمه‌یه یئته‌جک قدر چوخ سئودیم سنی.

📚 مارتین ایدئن
#جک_لندن
#شعر_اوجاغی
@SheirOcagi

‍ ▫️قارغیش

لاپ بئشیکده، بلَکده،
ائشیتدیک بو قاغیشی:
«گزمه‌یه غوربت اؤلکه،
اؤلمه‌یه وطن یاخشی».

بیر غوربت اؤلکه گزمک،
دوشمه‌دی پاییمیزا.
بو وطنی کفن‌تک،
اؤلچدولر بویوموزا.

قایچی‌تک آرازی دا،
آرالیغا قاتدیلار.
بو کفنی بیر آز دا،
کسدیلر، قیسالتدیلار.

کیمین الی چیخدی‌سا،
کیمین دیلی چیخدی‌سا
بو کفنین آلتیندان،
الینی ده کسدیلر،
دیلینی ده کسدیلر،
بو وطنین آدیندان...

بو کفنی بیر آچ، باخ،
هله دیری‌ییک، آللاه!
بو کفندن آغ‌آپپاق،
بیزه کؤینک تیک، آللاه!

بیز ده بنده‌نیک آخی!
بیزه نه درد، نه غم وئر!
اؤلمه‌یه یوخ، ایلاهی،
یاشاماغا وطن وئر!

#رامیز_رؤوشن
#شعر_اوجاغی
🎙سالار موغانلی
@SheirOcagi

▫️اؤلوم دورور نؤوبه‌ده.

بیر آز قلبیمی دیندیر،
بیر آز کؤنلومو ایسیندیر!
منی سرت قایغی‌لارین،
وحشی پنجه‌سیندن آل،
روحوما بیر لایلا چال!
سیغاللا تئلیمی،
دارا ساچیمی!
اؤده اللرینه اولان
ظریف احتیاجیمی!
سویوتما باخیشلارینی،
گؤزومه یاخشی باخ!
اوشوتمه سؤزلریمی،
سؤزومه یاخشی باخ!
یاخشی باخمیشدین،
اوتوزوما، قیرخیما، اللیمه،
اومیدیمه، تسلّیمه.
دونن باخدیغین کیمی،
دوخسانیما، یوزومه یاخشی باخ!
اؤده قلبیمین، روحومون، دیلیمین، دوداغیمین احتیاجینی! اؤده!

واختا بیر شئی قالماییب،
اؤلوم دورور نؤوبه‌ده.

#زلیمخان_یعقوب
#شعر_اوجاغی
@SheirOcagi

▫️بیر قادین عشقه دوشنده،
اوجا سس‌له عشقیندن دانیشار.
سسله، گؤرونتویله عشقینی تعریفله‌یر.
آمّا کیشی...
-قوروتما کاغیذی،
مورکّب دامجیسینی سوموران کیمی-
گیزله‌در عشقینی؛
و اوره‌یی ایچریدن یئییلر،
بیر ماشینین موتورو ایچدن چورویَن کیمی.

#نزار_قبانی
#شعر_اوجاغی
@SheirOcagi

▫️بعضاً اینسان اصلینده نه ایسته‌دیگینی بیلمه‌یه جان آتمیر؛ بئله اولدوقدا اؤزونو داها راحات حیسّ ائدیر.

📚 منه دنیزدن دانیش!
#ائلچین_صفرلی
#شعر_اوجاغی
@SheirOcagi

دیالوق

▫️- بختسیز دئییلسن؛ ساده‌جه خیاللارین گئرچک‌لشمه‌یه‌جک قدر گؤزل‌دیر.

🎬 Like Dandelion Dust
2009 آمریکا
#جان_گان
#شعر_اوجاغی
@SheirOcagi

▫️سئومه‌سه‌یدیم سنی من...

اینانمادین سؤزومه،
بیر گولمه‌دین اوزومه.
ایللر منی اوجالتدی،
ایللر منی قوجالتدی.
دئییرم اؤز-اؤزومه:
کئچردین‌می قلبیمدن،
سئومه‌سه‌یدیم سنی من؟!

باغدا چیچک درنده،
دوستا تؤحفه وئرنده،
هئی دوشورسن یادیما،
یانیرام اؤز اودوما.
بیر گؤزل گول گؤرنده،
کئچردین‌می قلبیمدن،
سئومه‌سه‌یدیم سنی من؟!

یایلاغا چیخاندا دا،
دوست الی سیخاندا دا،
یوللار چنه بورونور،
داغدان دومان سورونور.
بیر قیزا باخاندا دا،
کئچردین‌می قلبیمدن،
سئومه‌سه‌یدیم سنی من؟!

قوشلار قاناد چالاندا،
چؤله هارای سالاندا،
یئنه سنی آنیرام،
آندیقجا دا یانیرام.
کؤنلوم ایلهام آلاندا،
کئچردین‌می قلبیمدن،
سئومه‌سه‌یدیم سنی من؟!

گزیب چؤلو، چمنی،
ان گؤزل بیر نغمه‌نی،
دوروب دینله‌ینده من،
یادیما دوشورسن سن،
راحات قویمورسان منی.
کئچردین‌می قلبیمدن،
سئومه‌سه‌یدیم سنی من؟!

هر گون سؤکولنده دان،
اوغرون-اوغرون اوزاقدان،
گؤزلریمه باخیرسان،
اوره‌ییمه آخیرسان.
هر شعیر یازان زامان،
کئچردین‌می قلبیمدن،
سئومه‌سه‌یدیم سنی من،
سئومه‌سه‌یدیم سنی من؟!

#احمد_جاواد
#شعر_اوجاغی
@SheirOcagi

▫️اؤزونده، ووجودونون بیر بوجاغیندا، بیر آدام یاراتمالیسان؛
چتین گونلرده هئچ‌ بیر یئره، هئچ بیر اینسانا سیغینماغا احتیاجی اولمایان بیر آدام!

#غسان_کنفانی
#شعر_اوجاغی
@SheirOcagi

دیالوق

▫️- اینسان باغیشلاماغی باجارمالی‌دیر!
+ بو، دوروما باغلی‌دیر. باغیشلاماق هر زامان مومکون اولان شئی دئییل.

🎬 Delicatessen
1991 فرانسه
#ژان_پیر_ژونه & #مارک_کارو
#شعر_اوجاغی
@SheirOcagi