|شعر اوجاغی|
▫️ایچیمده بیر قادین آددیملاییر.4 قصیده‌لریمی اوخویان، سؤزلریمین قایناغینی آنلایاجاق. کیتابلاریمین ایچینه سفر ائدن، ساغلیقلا سنین گؤزلرینین سئیرانگاهینا چاتاجاق. ائویمین آدرسینی هر کسه وئردیم، سنین دوداقلارینا دوغرو یولا دوشدو. صاندیقچالاریمی آچان هر کس، اورادا…
▫️ایچیمده بیر قادین آددیملاییر.5
سنی یووارلاق تا«ة»ین ایچینده حبس ائدیب چیخمانی انگل‌له‌مم اوچون،
منه بیر یول اؤیرت!
دؤشلرینین دؤوره‌سینه فوسفور قلم‌له بیر داییره چکیب
اوچماسینی انگل‌له‌مه‌می اؤیرت منه!
جومله سونونداکی نؤقطه کیمی سنی تام ساخلامام اوچون
منه بیر یول اؤیرت!
گؤزلرینین یاغیشی آلتیندا آددیملاییب ایسلانمامام،
ووجودونون هیند ادویه‌لرینه بولاشمیش عطرینی قوخولاییب
باشیمین دؤنمه‌مه‌سی،
کؤکسونده‌کی اوجالیقلاردان زویویوب- مین تیکه اولمامام اوچون،
منه بیر یول اؤیرت!
#نزار_قبانی
#شعر_اوجاغی
@SheirOcagi
سنی یووارلاق تا«ة»ین ایچینده حبس ائدیب چیخمانی انگل‌له‌مم اوچون،
منه بیر یول اؤیرت!
دؤشلرینین دؤوره‌سینه فوسفور قلم‌له بیر داییره چکیب
اوچماسینی انگل‌له‌مه‌می اؤیرت منه!
جومله سونونداکی نؤقطه کیمی سنی تام ساخلامام اوچون
منه بیر یول اؤیرت!
گؤزلرینین یاغیشی آلتیندا آددیملاییب ایسلانمامام،
ووجودونون هیند ادویه‌لرینه بولاشمیش عطرینی قوخولاییب
باشیمین دؤنمه‌مه‌سی،
کؤکسونده‌کی اوجالیقلاردان زویویوب- مین تیکه اولمامام اوچون،
منه بیر یول اؤیرت!
#نزار_قبانی
#شعر_اوجاغی
@SheirOcagi
دیالوق
▫️- او قدر آرزولادیغین یئری دوشونورسن، اولدوغون یئردن لذّت آپارماغی اونودورسان.
یاشا بیر آز!
🎬 Passengers
2016 آمریکا
#مورتن_تیلدام
#شعر_اوجاغی
@SheirOcagi
▫️- او قدر آرزولادیغین یئری دوشونورسن، اولدوغون یئردن لذّت آپارماغی اونودورسان.
یاشا بیر آز!
🎬 Passengers
2016 آمریکا
#مورتن_تیلدام
#شعر_اوجاغی
@SheirOcagi
▫️گلسین!
قاطار-قاطار گویده اوچان دورنالار!
گئدین یارا دئیین ایمانا گلسین!
چوخدان اوزاق گزیر ائلدن، اوبادان،
دانماسین ایلقاری، پئیمانا گلسین!
دئیین: یادا سالسین گولشنی، باغی،
یاندیرسین کؤنلومده سؤنن چیراغی!
ذیروه‌سی دومانلی او قارلی داغی،
بولود کیمی آشیب بویانا گلسین!
تؤکمه‌سین عاشقین ناحاق قانینی،
باغیشلاسین گوناهینی، جانینی!
گونش باشلاداندا ایشیق دانینی،
قوشولسون یولداکی کروانا گلسین!
«کاتیب‌اوغلو» دئییر: یالوارین یارا،
ائیله‌سین درمانسیز دردیمه چارا!
چاتاندا زیمیستان گؤزل باهارا،
قاییتسین اوبایا، گولشنه گلسین!
#کاتب‌اوغلو
@SheirOcagi
قاطار-قاطار گویده اوچان دورنالار!
گئدین یارا دئیین ایمانا گلسین!
چوخدان اوزاق گزیر ائلدن، اوبادان،
دانماسین ایلقاری، پئیمانا گلسین!
دئیین: یادا سالسین گولشنی، باغی،
یاندیرسین کؤنلومده سؤنن چیراغی!
ذیروه‌سی دومانلی او قارلی داغی،
بولود کیمی آشیب بویانا گلسین!
تؤکمه‌سین عاشقین ناحاق قانینی،
باغیشلاسین گوناهینی، جانینی!
گونش باشلاداندا ایشیق دانینی،
قوشولسون یولداکی کروانا گلسین!
«کاتیب‌اوغلو» دئییر: یالوارین یارا،
ائیله‌سین درمانسیز دردیمه چارا!
چاتاندا زیمیستان گؤزل باهارا،
قاییتسین اوبایا، گولشنه گلسین!
#کاتب‌اوغلو
@SheirOcagi
▫️بیر شئیی ایسته‌دیگیمیز واخت، همیشه اونون بیزی جذب ائدن طرفلرینی گؤروروک. اونو اله گتیردیکدن سونرا دا دائیم پیس طرفلرینی تاپیریق.
#جاناتان_سوئیفت
#شعر_اوجاغی
@SheirOcagi
#جاناتان_سوئیفت
#شعر_اوجاغی
@SheirOcagi
▫️بیز آخماق دئییلدیک، ساده ایدیک. و ساده‌لیگیمیز اوزوندن، آخماقلارا حیاتیمیزا قاریشمالاری اوچون ایجازه وئردیک.
#ارنستو_چگوارا
#شعر_اوجاغی
@SheirOcagi
#ارنستو_چگوارا
#شعر_اوجاغی
@SheirOcagi
▫️بیز هارا گئدیریک؟!
یوخ، بئله آغاجدا دوز بوداق اولماز،
بئله باغبان اولماز، بئله باغ اولماز.
بو اونون اکدیگی آغاجی کسیر،
او بونون اکدیگی آغاجی کسیر.
هارا گئتمک اولار بو کس‌هاکس‌له،
بئله خیانت‌له، بئله غرض‌له؟
بو، اونون قورولان تاختینا اینکار،
او، بونون حاکیملیک واختینا اینکار.
هارا گئتمک اولار بو اینکار ایله،
بو قدر دَییشکن ایقتدار ایله؟
هارا گئتمک اولار بو چک-چئویرله،
بو مره آلدی‌یلا، دؤولت‌دئویر'له؟
بو اونا بادالاق، او بونا جله،
قوروب بو میلّتی سالدیق انگله.
هارا گئتمک اولار بو ییخهاییخلا،
آغلا اؤز حالینا، میلّتیم، آغلا!
کیم‌دیر میلّت بیلیب خالقی آختاران؟
اؤزونده آختاریر حاقّی آختاران،
اؤزونده، اؤزونده آنجاق، اؤزونده.
اؤزونونکولردیر یالنیز گؤزونده.
بس بئله دسته‌باز اؤزومداش ایله،
هارا گئتمک اولار بو یولداش ایله؟
بیرینین باشیندان تاجی دوشنده،
وزیرینین یئری آجی دوشنده،
باشچیلار باشینی گؤتوروب قاچیر،
بیری داش‌باشینی* گؤتوروب قاچیر.
هارا گئتمک اولار بو قاچ‌هاقاچ‌لا،
بو قدر ذلیل‌له، بو قدر آج‌لا؟
آی عرب دینی‌یله موسَلمان اولان،
آی روس'ون الی‌یله حؤکمران اولان،
سؤزو گاه «تورکوستان»، گاه «ایران» اولان،
یوردو خیانتده آی ویران اولان!
بو قدر طرفسیز طرفداش ایله،
گاه بو دوست، گاه دا کی او قارداش ایله،
هارا گئتمک اولار بو چاش-باش ایله؟
اؤزوموز باشقا یول، باشقا قورومدا،
گویا کی، دنیزلر سالاملار بیزی.
اوکئاندا اوزوروک، آکواریومدا،
آما کی، قیریریق بیر-بیریمیزی.
هارا گئتمک اولار بئله قوروملا،
بو کؤرپه بالیقلی آکواریوم‌لا؟
آزاددیر، ماشاللاه، میلّت آزاددیر!
خیانت آزاددیر، روشوَت آزاددیر،
عدالت یولونو کسمک آزاددیر،
باشدا دوروب باشی ازمک آزاددیر.
بیز هارا گئدیریک بئله باش ایله،
نئجه فخر ائیله‌سین اوزوک قاش ایله؟!
گوناه باغیشلایان اوره‌ییمیز یوخ،
ثواب قازانماغا چؤره‌ییمیز یوخ.
بو اله باخانلار تورپاغا باخماز،
بیر اؤلچو-بیچیمیز، اله‌ییمیز یوخ.
بو، اونون گئتدیگی یولو بیَنمیر،
او، بونون گئتدیگی یولو بینمیر.
هارا گئتمک اولار بو میلّت ایله،
بو اؤلوم، بو ظولوم، بو ذیلّت ایله؟
هارا گئتمک اولار دسته باشی‌یلا،
هارا گئتمک اولار بو گؤز یاشی‌یلا،
هارا گئتمک اولار بو ییخهاییخلا؟
قیریل بیر طرفدن، قیر بیر طرفدن،
سونرا شهیدینه اوتوروب آغلا،
میلّتیم، آغلا!
#موسی_یعقوب
* یاساق یوللارلا الده ائدیلن قازانج، گلیر،...
#شعر_اوجاغی
@SheirOcagi
یوخ، بئله آغاجدا دوز بوداق اولماز،
بئله باغبان اولماز، بئله باغ اولماز.
بو اونون اکدیگی آغاجی کسیر،
او بونون اکدیگی آغاجی کسیر.
هارا گئتمک اولار بو کس‌هاکس‌له،
بئله خیانت‌له، بئله غرض‌له؟
بو، اونون قورولان تاختینا اینکار،
او، بونون حاکیملیک واختینا اینکار.
هارا گئتمک اولار بو اینکار ایله،
بو قدر دَییشکن ایقتدار ایله؟
هارا گئتمک اولار بو چک-چئویرله،
بو مره آلدی‌یلا، دؤولت‌دئویر'له؟
بو اونا بادالاق، او بونا جله،
قوروب بو میلّتی سالدیق انگله.
هارا گئتمک اولار بو ییخهاییخلا،
آغلا اؤز حالینا، میلّتیم، آغلا!
کیم‌دیر میلّت بیلیب خالقی آختاران؟
اؤزونده آختاریر حاقّی آختاران،
اؤزونده، اؤزونده آنجاق، اؤزونده.
اؤزونونکولردیر یالنیز گؤزونده.
بس بئله دسته‌باز اؤزومداش ایله،
هارا گئتمک اولار بو یولداش ایله؟
بیرینین باشیندان تاجی دوشنده،
وزیرینین یئری آجی دوشنده،
باشچیلار باشینی گؤتوروب قاچیر،
بیری داش‌باشینی* گؤتوروب قاچیر.
هارا گئتمک اولار بو قاچ‌هاقاچ‌لا،
بو قدر ذلیل‌له، بو قدر آج‌لا؟
آی عرب دینی‌یله موسَلمان اولان،
آی روس'ون الی‌یله حؤکمران اولان،
سؤزو گاه «تورکوستان»، گاه «ایران» اولان،
یوردو خیانتده آی ویران اولان!
بو قدر طرفسیز طرفداش ایله،
گاه بو دوست، گاه دا کی او قارداش ایله،
هارا گئتمک اولار بو چاش-باش ایله؟
اؤزوموز باشقا یول، باشقا قورومدا،
گویا کی، دنیزلر سالاملار بیزی.
اوکئاندا اوزوروک، آکواریومدا،
آما کی، قیریریق بیر-بیریمیزی.
هارا گئتمک اولار بئله قوروملا،
بو کؤرپه بالیقلی آکواریوم‌لا؟
آزاددیر، ماشاللاه، میلّت آزاددیر!
خیانت آزاددیر، روشوَت آزاددیر،
عدالت یولونو کسمک آزاددیر،
باشدا دوروب باشی ازمک آزاددیر.
بیز هارا گئدیریک بئله باش ایله،
نئجه فخر ائیله‌سین اوزوک قاش ایله؟!
گوناه باغیشلایان اوره‌ییمیز یوخ،
ثواب قازانماغا چؤره‌ییمیز یوخ.
بو اله باخانلار تورپاغا باخماز،
بیر اؤلچو-بیچیمیز، اله‌ییمیز یوخ.
بو، اونون گئتدیگی یولو بیَنمیر،
او، بونون گئتدیگی یولو بینمیر.
هارا گئتمک اولار بو میلّت ایله،
بو اؤلوم، بو ظولوم، بو ذیلّت ایله؟
هارا گئتمک اولار دسته باشی‌یلا،
هارا گئتمک اولار بو گؤز یاشی‌یلا،
هارا گئتمک اولار بو ییخهاییخلا؟
قیریل بیر طرفدن، قیر بیر طرفدن،
سونرا شهیدینه اوتوروب آغلا،
میلّتیم، آغلا!
#موسی_یعقوب
* یاساق یوللارلا الده ائدیلن قازانج، گلیر،...
#شعر_اوجاغی
@SheirOcagi
▫️من واز کئچدیم.
ترک ائدیلمیش، خارابا ائولر کیمی بوم‌بوشام،
گئجه‌لر بایقوش اولاییر چارداغیمدا.
هئیسیز و هئچ کس‌سیز قالماقدان،
آتیلماقدان و اونودولماقدان یورولموشام.
بوشام.
ایندی ده سن گئده‌جکسن، بونو چوخدان دویموشام...
سنی غضَبین بؤیوده‌جک، اوغلوم!
من واز کئچدیم، قیزیم!
بلکه چوخ پیس آتا اولدوم،
بلکه ده چوخ لاقئید.
ساچلارینی دارایا بیلمه‌دیم،
سنه ناغیللار دانیشمادیم،
گئدیشینه مانع اولمادیم،
قالماغینا چالیشمادیم.
آتاسینی سئومه‌ین بوتون قیزلار کیمی،
نیفرتین‌له بؤیویه‌جک قارانلیغین.
سنی قارانلیقلارا ترک ائدیرم، قیزیم!
من واز کئچدیم، قادینیم!
سندن آلدیقلاریم، بیر اوووج خاطیره‌دیر،
قالسین جیبلریمده،
خاطیره‌لر، یاوانلیغی‌دیر تک‌لرین.
بیر عؤمورلوک آذوقه‌دیر گولوش‌لرین،
سونو آیریلیق‌دیر بو غفیل گلیش‌لرین.
سونونجو فیتی سسلنیر قاطارین،
سونونجو واقوندان ال ائده‌جم، باخارسان!
گئدیرم، داریخارسان؟
سنی گوناهلارین‌لا باش-باشا بوراخیرام، قادینیم!
من گوناهلاریملا گئدیرم.
بیلیرم، داریخمایاجاقسان، بیلیرم.
من واز کئچدیم، اوغلوم!
من واز کئچدیم، قیزیم!
من واز کئچدیم، قادینیم!
#جلیل_جاوانشیر
#شعر_اوجاغی
@SheirOcagi
ترک ائدیلمیش، خارابا ائولر کیمی بوم‌بوشام،
گئجه‌لر بایقوش اولاییر چارداغیمدا.
هئیسیز و هئچ کس‌سیز قالماقدان،
آتیلماقدان و اونودولماقدان یورولموشام.
بوشام.
ایندی ده سن گئده‌جکسن، بونو چوخدان دویموشام...
سنی غضَبین بؤیوده‌جک، اوغلوم!
من واز کئچدیم، قیزیم!
بلکه چوخ پیس آتا اولدوم،
بلکه ده چوخ لاقئید.
ساچلارینی دارایا بیلمه‌دیم،
سنه ناغیللار دانیشمادیم،
گئدیشینه مانع اولمادیم،
قالماغینا چالیشمادیم.
آتاسینی سئومه‌ین بوتون قیزلار کیمی،
نیفرتین‌له بؤیویه‌جک قارانلیغین.
سنی قارانلیقلارا ترک ائدیرم، قیزیم!
من واز کئچدیم، قادینیم!
سندن آلدیقلاریم، بیر اوووج خاطیره‌دیر،
قالسین جیبلریمده،
خاطیره‌لر، یاوانلیغی‌دیر تک‌لرین.
بیر عؤمورلوک آذوقه‌دیر گولوش‌لرین،
سونو آیریلیق‌دیر بو غفیل گلیش‌لرین.
سونونجو فیتی سسلنیر قاطارین،
سونونجو واقوندان ال ائده‌جم، باخارسان!
گئدیرم، داریخارسان؟
سنی گوناهلارین‌لا باش-باشا بوراخیرام، قادینیم!
من گوناهلاریملا گئدیرم.
بیلیرم، داریخمایاجاقسان، بیلیرم.
من واز کئچدیم، اوغلوم!
من واز کئچدیم، قیزیم!
من واز کئچدیم، قادینیم!
#جلیل_جاوانشیر
#شعر_اوجاغی
@SheirOcagi
دیالوق
▫️- نه قدر کیتاب اوخودوغون اؤنملی دئییل، حیاتدا بعضی شئیلر وار هئچ‌واخت آنلامایاجاقسان.
🎬 Naked
1993 بریتانیا
#مایک_لی
#شعر_اوجاغی
@SheirOcagi
▫️- نه قدر کیتاب اوخودوغون اؤنملی دئییل، حیاتدا بعضی شئیلر وار هئچ‌واخت آنلامایاجاقسان.
🎬 Naked
1993 بریتانیا
#مایک_لی
#شعر_اوجاغی
@SheirOcagi
▫️بیز اؤنجه‌دن کیچیک شئیلرله خوشبخت اولان اینسانلار ایدیق. سونرا عاغلیمیزا سئودا دئیه بیر شئی سالدیلار، اؤزوموزو توپلایا بیلمه‌دیک.
#ییلماز_گونئی
#شعر_اوجاغی
@SheirOcagi
#ییلماز_گونئی
#شعر_اوجاغی
@SheirOcagi
▫️ساخلایانیم وار.
«حیات یولداشی زؤهره خانیما یازدیغی شعر»
کؤنلومو ایلهامدا، قدّیمی شوخدا،
گؤزومو ایشیقدا ساخلایانیم وار.
طالع نه سیر-صیفت وئریب، ساغ اولسون!
منی یاراشیقدا ساخلایانیم وار.
عؤمروموز هیجان، تلاش ایچینده،
کؤنلوم بیر شوشه‌دیر بیر داش ایچینده.
بئله وورها‌ووردا، ساواش ایچینده،
منی باریشیقدا ساخلایانیم وار.
دوستلار نه او گوجده، نه او دؤزومده،
اوزلر گؤردوم، الیم قالدی اوزومده.
آدیمی اؤزومده، حاقّی سؤزومده،
بئله قاریشیقدا ساخلایانیم وار.
آدام وار، اَریییر، آغلایا بیلمیر،
دوغماسینا دا بئل باغلایا بیلمیر.
چوخو سارایدا جان ساخلایا بیلمیر،
منی آلاچیقدا ساخلایانیم وار.
#موسی_یعقوب
#شعر_اوجاغی
@SheirOcagi
«حیات یولداشی زؤهره خانیما یازدیغی شعر»
کؤنلومو ایلهامدا، قدّیمی شوخدا،
گؤزومو ایشیقدا ساخلایانیم وار.
طالع نه سیر-صیفت وئریب، ساغ اولسون!
منی یاراشیقدا ساخلایانیم وار.
عؤمروموز هیجان، تلاش ایچینده،
کؤنلوم بیر شوشه‌دیر بیر داش ایچینده.
بئله وورها‌ووردا، ساواش ایچینده،
منی باریشیقدا ساخلایانیم وار.
دوستلار نه او گوجده، نه او دؤزومده،
اوزلر گؤردوم، الیم قالدی اوزومده.
آدیمی اؤزومده، حاقّی سؤزومده،
بئله قاریشیقدا ساخلایانیم وار.
آدام وار، اَریییر، آغلایا بیلمیر،
دوغماسینا دا بئل باغلایا بیلمیر.
چوخو سارایدا جان ساخلایا بیلمیر،
منی آلاچیقدا ساخلایانیم وار.
#موسی_یعقوب
#شعر_اوجاغی
@SheirOcagi
▫️باشقالارینین خوشبختلیگیندن اؤزونه پای چیخاران اینسان، ان خوشبخت اینسان‌دیر.
#یوهان_وولفگانگ_گوته
#شعر_اوجاغی
@SheirOcagi
#یوهان_وولفگانگ_گوته
#شعر_اوجاغی
@SheirOcagi
▫️من سنی سئومه‌سینی سندن آیریلدیقدان سونرا اؤیرندیم. ائتدیگیم تجروبه‌لرله، باشقالارینی سئومک‌له سانما ساقین! کؤنلومون ایچینده‌کی درین، حزین، اومیدسیز خیالینی سئومک‌له.
#رشاد_نوری_گون‌تکین
#شعر_اوجاغی
@SheirOcagi
#رشاد_نوری_گون‌تکین
#شعر_اوجاغی
@SheirOcagi
دیالوق
▫️-دونیا ان آلچاق نؤقطه‌سینه یئتیشنده، تک قالان یول یوخاری قالخماق‌دیر.
🎬 The African Queen
1951 آمریکا-بریتانیا
#جان_هیوستون
#شعر_اوجاغی
@SheirOcagi
▫️-دونیا ان آلچاق نؤقطه‌سینه یئتیشنده، تک قالان یول یوخاری قالخماق‌دیر.
🎬 The African Queen
1951 آمریکا-بریتانیا
#جان_هیوستون
#شعر_اوجاغی
@SheirOcagi
Forwarded from اتچ بات
▫️پولوموز یوخسا،
حئیثیّتیمیز وار.
«دونیا» دئدیگینیز،
آها، منیم بو اوره‌ییم قدردیر، آغابَی‌لر!
«حیات» دئدیگینیز،
نه قدر گوله بیلیریک‌سه، او قدر.
بوش وئرین اؤته‌سینی!
آتین گئتسین دونیانی!
پولوموز یوخسا دا،
حئیثیّتیمیز وار.
گؤزونو سئویم زئیتونون، تزه چؤره‌یین، چایین!
باخمایین! منیم ده جانیم البت چکر،
بؤیله کره‌لی بیریاریم ایسکندر کبابی.
یئنه ده اولسون!
کسمه‌دیکدن سونرا سلامی، باققال «ائندر»،
بیر ده بیزیم تاخیما Gol اولمادیقدان سونرا.
و ده ان گؤزَلیندن،
و ده ان آغیریندان بیر ماهنی پاتلادینجا «موسلوم بابا»،
نه غم، نه تاسا، نه فیرتینا، نه قار؟!
بوش وئرین آغابی‌لر!
پولوموز یوخسا دا،
حیثیّتیمیز وار.
ایندی منی یاخشی دینله‌یین-
جانیمدان اؤته، هم ده ان قیمتلی سئودیگیم مؤحترم آرخاداشلار!
دوروموم اورتادادیر:
حیات منه ده ساغلامینا،
جیدّی بیر بادالاق وورموشدور.
اعصابیم قاریشمیش، معده‌م بولانمیش، گؤزلریم قارالمیشدیر.
جومله‌نیزه اولان بوتون بورج آراجلاریم،
اوچ واختا قدر آسقییا آلینمیشدیر.
بیرآز یولا وئره بیلیرسه‌نیز اگر،
یا بیر ده قهوه‌چی نوری'دن ریجا ائده بیلیرسه‌نیز،
کسمزسه گونده اوچ بارداق قیپ‌قیرمیزی چایی،
البت بو فله‌یین پاسلی چارخی بیر گون منیم اوچون ده دؤنر،
و «دو شش» گلمه‌سه ده،
گلیرسه اگر «تاس»یمیز مثلا بیر «دوبارا»،
و هئچ اولماسا «دؤرد-چاهار»،
او زامان ایشی قولایلادیق سایین، آغابی‌لر!
و اینانین کی،
پولوموز یوخسا دا
حیثیّتیمیز وار.
دالغالان گؤروم، قیزقالاسی!
اؤنونده‌کی دالغالار کیمی‌دیر قلبیم.
حئییف‌لن گؤروم، هئچ کیمسه‌لره بللی ائتمه‌دن،
گئجه‌لری یورغانین آلتیندا!
یازیقلان گؤروم!
بو دا روا‌دیرمی حیاتینین باهاریندا بیر دلی‌قانلی‌یا؟!
هپ قیسا چؤپو من می چکه‌جه‌یم؟¹
هپ منه می دنگ دوشه‌جک چرخ فله‌یین ایفلاسی؟
هپ من بیله‌جه‌یم، باشقالاری می قاپاجاق بئش‌یوز میلیاردی؟
هپ من سئویب ائللر می آلاجاق اصلی‌نی، لئیلانی؟
باتسین بو دونیا!
سن ده می لئیلا؟!
اعتیراضیم وار یالانا-دولانا.
و من بؤیله دولانا-دولانا،
اللریم جیبیمده،
دوداغیمدا فیتیم،
باشیمدا اسکی عالَم‌لرین سرخوشلوغو،
«اورهان ولی» دادیندا باسیب وولئ‌نی،² یئرییه‌جه‌یم حیاتین سونونا قدر.
هئچ تاسالانمایین، آغابی‌لر!
پولوموز یوخسا دا حئیثیّتیمیز وار.
سون بیر دفعه اؤپمک ایسترم گؤزلزینیزدن،
سون بیر دفعه ساریلیب آغلاماق کئچر ایچیمدن،
آما «-ویجدان عذابی چکیرم- سانیرسینیز» دئیه قورخورام.
واللاهی ایچیمدن اؤپمک گلیر ان کرال آرخاداشلاریمی:
«آیهان ایشیق»ی، «صدری آل‌ایشیق»ی. «ائرول تاش»ی.
آدامین کؤنلو ماهنیلار سؤیله‌ییب اونوتماق ایسته‌ییر یازیق‌لیغی.
آدامین جانی، حئسابسیز، دوستلارینی چکیر.
دالغاسیز، سوکّانسیز یولداشلیغی،
محلّه آراسیندا گازوزونا³ یاریشیب یئنیلمک چکیر.
قونشونون قیزینا مکتوب یازیب
چرشنبه بازاریندا ال آلتیندان وئرمک چکیر.
بعضاً ایستی چؤرک،
بعضا چرچی'دن صاباح پوغاچاسی⁴ چکیر.
آدامین جانی باغیرا-باغیرا آغلاماق چکیر گئجه مهتابا قارشی.
«لانقا»دان خیار،
«بی‌اوغلو»ندان آدام چکیر.
نه یالان سؤیله‌ییم؟!
بیر آز قیرغینلیق دا وار؛
یئنه ده بوش وئرین، آغابی‌لر!
پولوموز یوخسا دا، حیثیّتیمیز وار.
#ابراهیم_صدری
¹-ساده بیر شانس اویونو: ایکی کیبریت چؤپوندن بیرینین بویو قیسالدیلیر و بارماق آراسیندا توتولور، شانسی امتحان ائدیله‌جک اولان آداما طرف توتولور، او دا بیرینی بارماقلار آراسیندان چکر، قیسا چؤپو چکن شانسسیزدیر و ایش اونون اوستونه ییخیلار.
²- هاوادان گلن توپا، فوتبالدا سیچرایاراق آیاغین اوستویله، تنیسده راکت ایله وورما (Vole)
³- نوشابه
⁴- بیر نؤوع ایچلی چؤرک (Poğaça)
#شعر_اوجاغی
@SheirOcagi
حئیثیّتیمیز وار.
«دونیا» دئدیگینیز،
آها، منیم بو اوره‌ییم قدردیر، آغابَی‌لر!
«حیات» دئدیگینیز،
نه قدر گوله بیلیریک‌سه، او قدر.
بوش وئرین اؤته‌سینی!
آتین گئتسین دونیانی!
پولوموز یوخسا دا،
حئیثیّتیمیز وار.
گؤزونو سئویم زئیتونون، تزه چؤره‌یین، چایین!
باخمایین! منیم ده جانیم البت چکر،
بؤیله کره‌لی بیریاریم ایسکندر کبابی.
یئنه ده اولسون!
کسمه‌دیکدن سونرا سلامی، باققال «ائندر»،
بیر ده بیزیم تاخیما Gol اولمادیقدان سونرا.
و ده ان گؤزَلیندن،
و ده ان آغیریندان بیر ماهنی پاتلادینجا «موسلوم بابا»،
نه غم، نه تاسا، نه فیرتینا، نه قار؟!
بوش وئرین آغابی‌لر!
پولوموز یوخسا دا،
حیثیّتیمیز وار.
ایندی منی یاخشی دینله‌یین-
جانیمدان اؤته، هم ده ان قیمتلی سئودیگیم مؤحترم آرخاداشلار!
دوروموم اورتادادیر:
حیات منه ده ساغلامینا،
جیدّی بیر بادالاق وورموشدور.
اعصابیم قاریشمیش، معده‌م بولانمیش، گؤزلریم قارالمیشدیر.
جومله‌نیزه اولان بوتون بورج آراجلاریم،
اوچ واختا قدر آسقییا آلینمیشدیر.
بیرآز یولا وئره بیلیرسه‌نیز اگر،
یا بیر ده قهوه‌چی نوری'دن ریجا ائده بیلیرسه‌نیز،
کسمزسه گونده اوچ بارداق قیپ‌قیرمیزی چایی،
البت بو فله‌یین پاسلی چارخی بیر گون منیم اوچون ده دؤنر،
و «دو شش» گلمه‌سه ده،
گلیرسه اگر «تاس»یمیز مثلا بیر «دوبارا»،
و هئچ اولماسا «دؤرد-چاهار»،
او زامان ایشی قولایلادیق سایین، آغابی‌لر!
و اینانین کی،
پولوموز یوخسا دا
حیثیّتیمیز وار.
دالغالان گؤروم، قیزقالاسی!
اؤنونده‌کی دالغالار کیمی‌دیر قلبیم.
حئییف‌لن گؤروم، هئچ کیمسه‌لره بللی ائتمه‌دن،
گئجه‌لری یورغانین آلتیندا!
یازیقلان گؤروم!
بو دا روا‌دیرمی حیاتینین باهاریندا بیر دلی‌قانلی‌یا؟!
هپ قیسا چؤپو من می چکه‌جه‌یم؟¹
هپ منه می دنگ دوشه‌جک چرخ فله‌یین ایفلاسی؟
هپ من بیله‌جه‌یم، باشقالاری می قاپاجاق بئش‌یوز میلیاردی؟
هپ من سئویب ائللر می آلاجاق اصلی‌نی، لئیلانی؟
باتسین بو دونیا!
سن ده می لئیلا؟!
اعتیراضیم وار یالانا-دولانا.
و من بؤیله دولانا-دولانا،
اللریم جیبیمده،
دوداغیمدا فیتیم،
باشیمدا اسکی عالَم‌لرین سرخوشلوغو،
«اورهان ولی» دادیندا باسیب وولئ‌نی،² یئرییه‌جه‌یم حیاتین سونونا قدر.
هئچ تاسالانمایین، آغابی‌لر!
پولوموز یوخسا دا حئیثیّتیمیز وار.
سون بیر دفعه اؤپمک ایسترم گؤزلزینیزدن،
سون بیر دفعه ساریلیب آغلاماق کئچر ایچیمدن،
آما «-ویجدان عذابی چکیرم- سانیرسینیز» دئیه قورخورام.
واللاهی ایچیمدن اؤپمک گلیر ان کرال آرخاداشلاریمی:
«آیهان ایشیق»ی، «صدری آل‌ایشیق»ی. «ائرول تاش»ی.
آدامین کؤنلو ماهنیلار سؤیله‌ییب اونوتماق ایسته‌ییر یازیق‌لیغی.
آدامین جانی، حئسابسیز، دوستلارینی چکیر.
دالغاسیز، سوکّانسیز یولداشلیغی،
محلّه آراسیندا گازوزونا³ یاریشیب یئنیلمک چکیر.
قونشونون قیزینا مکتوب یازیب
چرشنبه بازاریندا ال آلتیندان وئرمک چکیر.
بعضاً ایستی چؤرک،
بعضا چرچی'دن صاباح پوغاچاسی⁴ چکیر.
آدامین جانی باغیرا-باغیرا آغلاماق چکیر گئجه مهتابا قارشی.
«لانقا»دان خیار،
«بی‌اوغلو»ندان آدام چکیر.
نه یالان سؤیله‌ییم؟!
بیر آز قیرغینلیق دا وار؛
یئنه ده بوش وئرین، آغابی‌لر!
پولوموز یوخسا دا، حیثیّتیمیز وار.
#ابراهیم_صدری
¹-ساده بیر شانس اویونو: ایکی کیبریت چؤپوندن بیرینین بویو قیسالدیلیر و بارماق آراسیندا توتولور، شانسی امتحان ائدیله‌جک اولان آداما طرف توتولور، او دا بیرینی بارماقلار آراسیندان چکر، قیسا چؤپو چکن شانسسیزدیر و ایش اونون اوستونه ییخیلار.
²- هاوادان گلن توپا، فوتبالدا سیچرایاراق آیاغین اوستویله، تنیسده راکت ایله وورما (Vole)
³- نوشابه
⁴- بیر نؤوع ایچلی چؤرک (Poğaça)
#شعر_اوجاغی
@SheirOcagi
Telegram
attach 📎
▫️تمیزلیک سویوندا
تمیزلیک سویوندا چیمیر چؤل-چمن،
مردلرین چیینینده دورور بو حیات.
اولو طبیعتیم، یامان خسیس‌سن،
یاخشی آداملاری بیر آز چوخ یارات!
لاپ آزالت دونیانین دؤولت، وارینی،
یاخشیلار خئیرینه عؤمرو تارازلا!
اوره‌یین یاخشیلیق دامارلارینی،
شاخه‌لت بیر آز دا، چوخالت بیر آز دا!
بو داغلار، دره‌لر چیچک‌دی ایضاً،
باهارا اومید وئر، آری‌یا قاناد!
اولو طبیعتیم، یامان خسیس‌سن،
یاخشی آداملاری بیر آز چوخ یارات!
آرینی، میلچه‌یی یئربه‌یئر ائله،
اوندا بو چیچکلر پته‌یه دولار.
مین پای بس ائله‌میر بیر اَیری اله،
مین دوزو بیر پای‌لا یاشاتماق اولار.
بیر یووا قاریشقا- سوفره‌سی بیر دن،
بیر دن‌له باهارا چیخار سالامات.
اولو طبیعتیم، یامان خسیس‌سن،
یاخشی آداملاری بیر آز چوخ یارات!
یارات اولدوز قدر، بیر جانا مین جان،
باهار یاغیشینی یاغدیر همیشه!
یارات ایلکین کؤکدن، ایلکین داماردان،
اَیرینی دوزَلده بیلمیر بو مئشه.
شرین یومروقلاری سیندیران، ازَن،
گل خئیری زحمته سالما ایکی‌قات!
اولو طبیعتیم، یامان خسیس‌سن،
یاخشی آداملاری بیر آز چوخ یارات!
#موسی_یعقوب
#شعر_اوجاغی
@SheirOcagi
تمیزلیک سویوندا چیمیر چؤل-چمن،
مردلرین چیینینده دورور بو حیات.
اولو طبیعتیم، یامان خسیس‌سن،
یاخشی آداملاری بیر آز چوخ یارات!
لاپ آزالت دونیانین دؤولت، وارینی،
یاخشیلار خئیرینه عؤمرو تارازلا!
اوره‌یین یاخشیلیق دامارلارینی،
شاخه‌لت بیر آز دا، چوخالت بیر آز دا!
بو داغلار، دره‌لر چیچک‌دی ایضاً،
باهارا اومید وئر، آری‌یا قاناد!
اولو طبیعتیم، یامان خسیس‌سن،
یاخشی آداملاری بیر آز چوخ یارات!
آرینی، میلچه‌یی یئربه‌یئر ائله،
اوندا بو چیچکلر پته‌یه دولار.
مین پای بس ائله‌میر بیر اَیری اله،
مین دوزو بیر پای‌لا یاشاتماق اولار.
بیر یووا قاریشقا- سوفره‌سی بیر دن،
بیر دن‌له باهارا چیخار سالامات.
اولو طبیعتیم، یامان خسیس‌سن،
یاخشی آداملاری بیر آز چوخ یارات!
یارات اولدوز قدر، بیر جانا مین جان،
باهار یاغیشینی یاغدیر همیشه!
یارات ایلکین کؤکدن، ایلکین داماردان،
اَیرینی دوزَلده بیلمیر بو مئشه.
شرین یومروقلاری سیندیران، ازَن،
گل خئیری زحمته سالما ایکی‌قات!
اولو طبیعتیم، یامان خسیس‌سن،
یاخشی آداملاری بیر آز چوخ یارات!
#موسی_یعقوب
#شعر_اوجاغی
@SheirOcagi
▫️بعضاً طالع ایکی شخصی آییریر، یالنیز اونلارین بیر-بیریلرینه نه قدر گرَکلی اولدوقلارینی گؤسترسین دئیه.
#پائولو_کوئیلو
#شعر_اوجاغی
@SheirOcagi
#پائولو_کوئیلو
#شعر_اوجاغی
@SheirOcagi
▫️الی‌آچیقلیق، یاخشیلیق، عالی‌جنابلیق...
ندنسه اینسانلار بو اؤزل‌لیک‌لری همیشه باشقالاریندان اومورلار.
📚 اوچ یولداش
#اریش_ماریا_رمارک
#شعر_اوجاغی
@SheirOcagi
ندنسه اینسانلار بو اؤزل‌لیک‌لری همیشه باشقالاریندان اومورلار.
📚 اوچ یولداش
#اریش_ماریا_رمارک
#شعر_اوجاغی
@SheirOcagi
روباعی
▫️مهوش‌لر ایچینده بیر نگاریم واردیر،
هجر ایله بو نوع روزگاریم واردیر.
رسوالیغیما نصیحت ائیلر ناصح،
سانیر کی الیمده اختیاریم واردیر.
#حکیم_ملامحمد_فضولی
#شعر_اوجاغی
@SheirOcagi
▫️مهوش‌لر ایچینده بیر نگاریم واردیر،
هجر ایله بو نوع روزگاریم واردیر.
رسوالیغیما نصیحت ائیلر ناصح،
سانیر کی الیمده اختیاریم واردیر.
#حکیم_ملامحمد_فضولی
#شعر_اوجاغی
@SheirOcagi
▫️باشقالارینین حیاتلارینی اؤز حیاتینیزلا قیاس ائتمه‌یین! سیز اونلارین عذابلاری حاقّیندا هئچ بیر شئی بیلمیرسینیز.
#پائولو_کوئیلو
#شعر_اوجاغی
@SheirOcagi
#پائولو_کوئیلو
#شعر_اوجاغی
@SheirOcagi
دیالوق
▫️-کلمه‌لر حیاتین سونسوز قایناغی‌دیر؛ اینسانلارا هم یارا وورور، هم یارالارینی ساغالدیر.
🎬 Harry potter
#شعر_اوجاغی
@SheirOcagi
▫️-کلمه‌لر حیاتین سونسوز قایناغی‌دیر؛ اینسانلارا هم یارا وورور، هم یارالارینی ساغالدیر.
🎬 Harry potter
#شعر_اوجاغی
@SheirOcagi
Forwarded from اتچ بات
▫️صبری آغابَی!
آه اوغلان، آه صبری آغابی!
اوره‌یی الینده اوشاق،
دیز بویو قاردا آچان آه چیچه‌یی،
عشقین اؤزو یعنی،
حوریّتین گله‌جه‌یی،
سرت ساققاللاریندا وورغون ایزی!
آه اولان، آه صبری آغابی!
یورغون آخشاملارین کدرلی سوفره‌لرینده
اؤنجه دوران، سونرا وورولان دوستلوغوموز کیمی
تمیز، پاک!
سن منی بیر وولکانین قاپیسیندا بوراخدین.
هانی سن منیم الیمدن توتاجاقدین-
جان اولاجاقدین؟
سن منی سئوَردین،
سن اوره‌یینده وورغون،
کؤکسونده ووروش ایزی!
سن، هانی گولوب کئچردین؟
آه اولان، آه صبری آغابی!
گئتدین،
گئریده قان، گئریده چؤکونتو،
گئریده بیر خائین قارانلیق، کی دیز بویو.
گئریده ساده‌جه ماسالارا جیزدیغیمیز اسکی ماهنیلار قالدی.
گئریده تقویم یازیلاری،
زیندان مکتوبلاری،
سولغون فوتوقرافلار،
و ساخسیدا قوروموش الجزایر بنؤوشه‌لری.
گئریده یاریم بوراخدیغین بیر عؤمور قالدی.
هانی گؤزل گونلر گله‌جَکده‌یدی، صبری آغابی؟!
هانی بیاض آرابامیز، بیر ایمپالامیز¹ اولاجاقدی؟
هانی جیبیمیزده پولوموز،
هانی دوداغیمیزدا فیتیمیز؟
هانی ساحیلده چای ایچه‌جکدیک آدام کیمی،
باهالی بیرَر کؤینک گئیه‌جکدیک،
ژیلئت کیمی اوتوله‌یه‌جکدیک لاجی‌لریمیزی،²
قهبه دونیانین جییَرینه دوغرو اوفوره‌جکدیک سیقارالاریمیزی؟
آه، اوغلان، آه صبری آغابی!
سنسیز ارکن قاپاناجاق «بول‌‌کپچه» «قیسمت» رستورانی،
بیر داها «ییلماز گونئی» اوینامایاجاق یازلیق سینمادا،
بیر داها نوخود قووورمایاجاق «نوری» عمی «قاباداش» قالدیریملاریندا،
بیر داها بیرلیکده چیخا بیلمه‌یه‌جه‌ییک صاباحا.
بیر داها، «بیر داها» اولمایاجاق،
ساحیلده «قیسمتیم تکنه‌سی» بیزیم اوچون یانمایاجاق،
توپخانا لیمانینا روس گمیسی «اودئسا» گلمه‌یه‌جک،
بیزی سئومه‌یه‌جک اوره‌ییمیزده‌کی اومید،
بیزی سئومه‌یه‌جک قاراباش ایتیمیز،
بیزیم اوچون شیکایتسیز بیر نار کیمی یانمایاجاق «جهانگیر».
آه اولان، آه صبری آغابی!
#ابراهیم_صدری
¹- بیر اوتوموبیل مارکاسی
² لاجورد رنگلی کیشی کوت-شالواری
#شعر_اوجاغی
@SheirOcagi
آه اوغلان، آه صبری آغابی!
اوره‌یی الینده اوشاق،
دیز بویو قاردا آچان آه چیچه‌یی،
عشقین اؤزو یعنی،
حوریّتین گله‌جه‌یی،
سرت ساققاللاریندا وورغون ایزی!
آه اولان، آه صبری آغابی!
یورغون آخشاملارین کدرلی سوفره‌لرینده
اؤنجه دوران، سونرا وورولان دوستلوغوموز کیمی
تمیز، پاک!
سن منی بیر وولکانین قاپیسیندا بوراخدین.
هانی سن منیم الیمدن توتاجاقدین-
جان اولاجاقدین؟
سن منی سئوَردین،
سن اوره‌یینده وورغون،
کؤکسونده ووروش ایزی!
سن، هانی گولوب کئچردین؟
آه اولان، آه صبری آغابی!
گئتدین،
گئریده قان، گئریده چؤکونتو،
گئریده بیر خائین قارانلیق، کی دیز بویو.
گئریده ساده‌جه ماسالارا جیزدیغیمیز اسکی ماهنیلار قالدی.
گئریده تقویم یازیلاری،
زیندان مکتوبلاری،
سولغون فوتوقرافلار،
و ساخسیدا قوروموش الجزایر بنؤوشه‌لری.
گئریده یاریم بوراخدیغین بیر عؤمور قالدی.
هانی گؤزل گونلر گله‌جَکده‌یدی، صبری آغابی؟!
هانی بیاض آرابامیز، بیر ایمپالامیز¹ اولاجاقدی؟
هانی جیبیمیزده پولوموز،
هانی دوداغیمیزدا فیتیمیز؟
هانی ساحیلده چای ایچه‌جکدیک آدام کیمی،
باهالی بیرَر کؤینک گئیه‌جکدیک،
ژیلئت کیمی اوتوله‌یه‌جکدیک لاجی‌لریمیزی،²
قهبه دونیانین جییَرینه دوغرو اوفوره‌جکدیک سیقارالاریمیزی؟
آه، اوغلان، آه صبری آغابی!
سنسیز ارکن قاپاناجاق «بول‌‌کپچه» «قیسمت» رستورانی،
بیر داها «ییلماز گونئی» اوینامایاجاق یازلیق سینمادا،
بیر داها نوخود قووورمایاجاق «نوری» عمی «قاباداش» قالدیریملاریندا،
بیر داها بیرلیکده چیخا بیلمه‌یه‌جه‌ییک صاباحا.
بیر داها، «بیر داها» اولمایاجاق،
ساحیلده «قیسمتیم تکنه‌سی» بیزیم اوچون یانمایاجاق،
توپخانا لیمانینا روس گمیسی «اودئسا» گلمه‌یه‌جک،
بیزی سئومه‌یه‌جک اوره‌ییمیزده‌کی اومید،
بیزی سئومه‌یه‌جک قاراباش ایتیمیز،
بیزیم اوچون شیکایتسیز بیر نار کیمی یانمایاجاق «جهانگیر».
آه اولان، آه صبری آغابی!
#ابراهیم_صدری
¹- بیر اوتوموبیل مارکاسی
² لاجورد رنگلی کیشی کوت-شالواری
#شعر_اوجاغی
@SheirOcagi
Telegram
attach 📎